Preparatning savdo nomi
Zefeksal
Ta'sir etuvchi modda (XPN) Feksofenadin

Dori shakli
qobiq bilan qoplangan tabletkalar

Tarkibi

Har bir tabletka saqlaydi
Faol modda 180 mg feksofenadin gidroxloridi.
Yordamchi moddalar kraxmal, mikrokristallik sellyuloza, natriy kroskarmelloza, magniy stearati, Aquarius Preferred HSP BPP 319752 purple.

Farmakoterapevtik guruhi
Allergiyaga qarshi vosita (N1-gistamin retseptorlarining blokatori).
ATX kodi R06AX26


Farmakologik xususiyatlari

Zefeksal – nosedativ antigistamin preparati. Periferik N-1 gistamin retseptorlarini selektiv bloklab, o‘zining ta'sirini ko‘rsatadi. Gemato-entsefalik to‘siq orqali o‘tmaydi va, shuning uchun sedativ faollikka ega emas va markaziy nerv tizimiga nojo‘ya ta'sir ko‘rsatmaydi. Davolashdan bir oy o‘tgach preparatga nisbatan tolerantlik aniqlanmagan.


Farmakokinetikasi

Ichga qabul qilinganidan keyin preparat me'da-ichak yo‘llaridan tez so‘riladi, Smax ga taxminan 2,6 soatdan keyin erishiladi. 180 mg va 120 mg sutkada 1 marta qabul qilinganidan keyin Smax muvofiq 494 ng/ml va 427 ng/ml ni tashkil qilgan.
Plazma oqsillari bilan 60-70% ga bog‘lanadi. Hamma qabul qilingan dozaning faqat 5% metabolizmga uchraydi katta qismi ichak shilliq qavatida va kami (0,5-1,5%) jigarda. Ko‘p martalik dozalar qabul qilinganida feksofenadinning yarimchiqarilish davri T½ 11-15 soat. Siydik va ahlat bilan chiqariladi.


Qo‘llanilishi

Kattalarda va 12 yoshdan oshgan bolalarda surunkali idiopatik eshakemini simptomatik davolashda qo‘llanadi.


Qo‘llash usuli va dozalari

Kattalar va 12 yoshdan oshgan bolalarga 180 mg dozada sutkada 1 marta buyuriladi.

Nojo‘ya ta'sirlari
Klinik tadqiqotlarni o‘tkazishda quyidagi nojo‘ya ta'sirlar eng ko‘p kuzatilgan
bosh og‘rig‘i - 10,6% (platsebo 7,5%); yuqori nafas yo‘llarining infektsiyalari – 3,2% (platsebo 3,1%); orqada og‘riq – 2,8% (platsebo 1,4%); shamollash – 2,5% (platsebo 1,5%); sinusit – 2,2% (platsebo 1,1%); bosh aylanishi - 2,2% (platsebo 0,6%; uyquchanlik - 2,2% (platsebo 0%); ko‘ngil aynashi - 1,6% (platsebo 1,5%); dismenoreya – 1,5% (platsebo 0,3%); dispepsiya – 1,3% (platsebo 0,6%); charchoqlik - 1,3% (platsebo 0,9%).


Qo‘llash mumkin bo‘lmagan holatlar

Preparatning komponentlariga yuqori sezuvchanlik.

Dorilarning o‘zaro ta'siri
Feksofenadin jigarda biotransformatsiyaga uchramaydi va shuning uchun jigarda metabolizmga uchraydigan boshqa preparatlar bilan o‘zaro ta'sir kilmaydi. Feksofenadin gidroxloridi eritromitsin yoki ketokonazol bilan birga yuborilganida feksofenadinning plazmadagi kontsentratsiyasini 2-3 martaga oshishi isbotlangan, bu ehtimol, gastrointestinal so‘rilishini oshishi yoki o‘t-safroni chiqarilishini yoki gastrointestinal sekretsiyani qisqarishi bilan bog‘liqdir. Bu o‘zgarishlar QT oralig‘iga ta'sir qilmagan va alohida yuboriladigan dorilar bilan solishtirilgandagi nojo‘ya samaralarni kuchayishi bilan bog‘liq bo‘lmagan.
Alyuminiy yoki magniy saqlovchi antatsidlar feksofenadin gidroxloridini qabul qilishdan 15 minut oldin qabul qilinganida, uning biokiraolishligini kamayishi kuzatilgan. Feksofenadin gidroxloridi va antatsidlarni qabul qilish orasidagi tavsiya qilinadigan vaqt oralig‘i kamida 2 soatni tashkil qilishi kerak.


Maxsus ko‘rsatmalar

Feksofenadin va alyuminiy va magniy saqlovchi antatsidlar 15 minutdan kam inverval bilan birga qo‘llanganida feksofenadinning AUC (egri chiziq ostidagi maydon) 41% ga Smax 43% kamayishi mumkin. Keksalarda, shuningdek buyraklar yoki jigar faoliyatini buzilishi bo‘lgan patsiyentlarda dozani to‘g‘rilash talab qilinmaydi (biroq, boshqa preparatlar qo‘llanganida bo‘lgani kabi, feksofenadin gidroxloridini bu xavf guruhida ehtiyotkorlik bilan qo‘llash kerak.
Homiladorlik va laktatsiya vaqtida qo‘llanishi
Homiladorlik (S toifasi)
Homilador ayollarda feksofenadin gidroxloridini ishlatilishi to‘g‘risida ma'lumotlar yo‘q. Uni homiladorlik davrida faqat agarda ayollar uchun taxmin qilinadigan foyda, homila uchun bo‘lishi mumkin bo‘lgan xavfdan ustun bo‘lgan hollarda buyurish mumkin.
Laktatsiya
Feksofenadin ko‘krak sutiga o‘tadi. Feksofenadinni laktatsiya davrida qo‘llash zarurati bo‘lganida emizishni to‘xtatish to‘g‘risidaga masalani hal qilish lozim.
Preparat bolalar olaolmaydigan joyda saqlansin va yaroqlilik muddati o‘tganidan so‘ng ishlatilmasin.

Dozani oshirib yuborilishi
Dozani oshirib yuborilishi to‘g‘risidagi xabarlar kam bo‘lgan va cheklangan ma'lumotni saqlaydi.
Simptomlari bosh aylanishi, uyquchanlik va og‘izni qurishini rivojlanishi to‘g‘risida xabar qilingan.
Davolash Me'da-ichak yo‘llaridan so‘rilmagan preparatni chiqarib tashlash bo‘yicha standart tadbirlarni o‘tkazish tavsiya qilinadi. Zarurat bo‘lganida simptomatik va tutib turuvchi davolash o‘tkaziladi. Feksofenadin gidroxloridini qondan chiqarib tashlash uchun gemodializni qo‘llash samarasiz.




Chiqarilish shakli

Zefeksal 180 mg, qobiq bilan qoplangan tabletkalar. 20 qobiq bilan qoplangan tabletka, blisterlarda. 2 blister (20 tabletka) qo‘llash bo‘yicha yo‘riqnomasi bilan birga karton qutiga joylangan.


Saqlash sharoiti

25°C dan yuqori bo‘lmagan haroratda, original o‘ramda saqlansin.


Yaroqlilik muddati

2 yil.


Dorixonalardan berish tartibi

Retsept bo‘yicha


Ishlab chiqaruvchi

Ali Raif Ilach Sanayi A.Sh.
Ikitelli OSB Maxallesi,
10. Djadde № 3/1A
Bashakshexir, Istambul, Turkiya.