Preparatning savdo nomi
Flutel, Flutel
Ta'sir etuvchi modda (XPN) Flutikazon, Fluticasone

Dori shakli
dozalangan nazal sprey

Tarkibi

1 ml sprey quyidagilarni saqlaydi
faol modda flutikazon propionati 0,5 mg;
yordamchi moddalar mikrokristall sellyuloza, natriy karmellozasi, suvsiz glyukoza, feniletil spirti, dinatriy edetati, polisorbat 80, kaliy sorbati, xlorid kislotasi va/yoki natriy gidroksidi, tozalangan suv.
Ta'rifi oq yoki deyarli oq rangli yengil atirgul hidli bir xil suspenziya.

Farmakoterapevtik guruhi
Dekongestantlar va mahalliy qo‘llash uchun boshqa nazal preparatlar. Kortikosteroidlar.
ATX kodi R01AD08


Farmakologik xususiyatlari


Farmakodinamika

Flutikazon propionati intranazal qo‘llanganida gipotalamus-gipofizar-buyrak usti bezi tizimi funktsiyasining susayishi qayd qilinmaydi yoki bir oz ifodalangan susayishi qayd qilinadi.
Flutikazon propionati intranazal qo‘llanganidan so‘ng (sutkada 200 mkg) qon zardobida kortizolni egri chiziq ostidagi maydon «kontsentratsiya-vaqt» (AUC) ko‘rsatkichini 24 soat mobaynida, platsebo bilan qiyoslanganda, ahamiyatga ega bo‘lgan o‘zgarish qayd etilmagan (nisbat 1,01 ni tashkil etgan; 90% ishonchli oraliq 0,9-1,14).
Pubertat yoshidagi 3-9 yoshli bolalar ishtirok etgan (56 nafar patsiyent flutikazon propionatini (nazal sprey shaklida sutkada 200 mkg) qabul qilgan; 52 nafar patsiyent platsebo qabul qilgan) bir yillik randomizatsiya qilingan ikki tomonlama yashirin platsebo-nazoratlangan, parallel guruhlarda o‘tkazilgan klinik tadqiqotlarda patsiyentlar guruhida o‘sishni tezligida statistik ahamiyatga ega bo‘lgan farqlar aniqlanmagan. Platsebo qabul qilgan guruh patsiyentlarida bir yil davomida o‘sishning hisoblangan tezligi 6,20 sm/yil tashkil etgan (standart og‘ish 0,23 sm), va flutikazon propionatini qabul qilgan guruh patsiyentlarida 5,99 sm/yil tashkil etgan (standart og‘ish 0,23 sm) Bir yillik tadqiqotdan keyin ikki guruh orasidagi o‘sish tezligi bo‘yicha o‘rtacha farq 0,20 sm/yil (standart og‘ish 0,28 sm; 95% ishonchli oraliq -0,35, 0,76) tashkil etgan. Gipotalamus-gipofizar-buyrak usti bezi tizimi funktsiyasini (kortizolni siydik bilan o‘n ikki soat ekskretsiya qilinishini tekshiruvi) yoki suyaklarda minerallar zichligining (ikkienergetik rentgen absorbtsiometriyasi) klinik ahamiyatga ega bo‘lgan o‘zgarishlar aniqlanmagan.

Farmakokinetikasi

So‘rilishi
Flutikazon propionati intranazal qo‘llanganidan so‘ng (sutkada 200 mkg) muvozanatli holatda ko‘pchilik patsiyentlarda qon plazmasida dori vositasi uchun maksimal kontsentratsiyaning ko‘rsatkichlari (Cmax) miqdoriy darajada aniqlash mumkin bo‘lganidan kam bo‘lgan (0,01 ng/ml dan pastroqni tashkil etgan); Cmax ning eng katta qayd qilingan ko‘rsatkichi 0,017 ng/ml tashkil etgan. Suvda eruvchanligi past bo‘lganligi sababli, flutikazon propionati bevosita burundan ahamiyatsiz darajada so‘riladi; oqibatda dozaning asosiy qismi yutib yuboriladi. Ichga qabul qilinganda dori vositasi me'da-ichak yo‘llaridan yomon so‘riladi va tizim oldi eliminatsiyasiga uchraydi, buning natijasida yuborilgan dozaning 1 % dan kami tizimli qon oqimiga tushadi. Shuning uchun, burundan va me'da-ichak yo‘llaridan so‘rilganidan keyin, flutikazon propionatini tizimli qon oqimiga tushadigan umumiy miqdori ahamiyatsiz bo‘lib hisoblanadi.
Taqsimlanishi
Flutikazon propionati muvozanatli holatida katta taqsimlanish hajmiga (taxminan 318 litr) ega. Plazma oksillari bilan boglanishi 91 % tashkil etadi.
Metabolizmi
Flutikazon propionatini, asosan jigarda sitoxrom R450 tizimining CYP3A4 fermenti ishtirokida biotransformatsiyaga uchrashi hisobiga, tizimli qon oqimidan tez eliminatsiya qilinadi, buning natijasida karbon kislotasining nofaol metaboliti hosil bo‘ladi. Yutib yuborilganda flutikazon propionati jadal tarzda tizim oldi metabolizmiga uchraydi. Ketokonazol va ritonavir kabi CYP3A4 ning kuchli ingibitorlari bilan majmuada qo‘llanilganda extiyotkorlikka rioya etish lozim, chunki qon plazmasida flutikazon propionati kontsentratsiyasining oshish xavfi mavjud.
Chiqarilishi
Vena ichiga yuborilgan flutikazon propionatining chikarilish tezligi 250-1000 mkg dozalar oralig‘ida to‘g‘ri proportsional, plazma klirensi yuqori (1,1 l/minut tashkil etadi) bo‘lib xisoblanadi. Cmax 3-4 soat davomida 98% ga pasayadi, bu vaqt davridan keyin dori vositasi qon plazmasida faqat past kontsentratsiyalarda aniqlanadi; terminal yarim chiqarilish davri 7,8 soatni tashkil etadi. Flutikazon propionati buyraklar orqali ahamiyatga ega bo‘lmagan darajada chiqariladi (0,2% dan kamrog‘i o‘zgarmagan ko‘rinishda va 5 % dan kamrog‘i karbon kislotasi metaboliti shaklida); dori vositasi va va uning metabolitlarini asosiy chikarilish yuli - safro bilan me'da-ichak yo‘li orqali chiqarilishidir.


Qo‘llanilishi

Mavsumiy allergik rinit (shu jumladan pichan isitmasi) va yil davomida kechadigan rinitni oldini olish va davolash uchun qo‘llaniladi.
Flutikazon propionati yaqqol ifodalangan yallig‘lanishga qarshi ta'sirga ega, biroq burun shilliq qavatida mahalliy qo‘llanilganda tizimli samaralar qayd etilmaydi.


Qo‘llash usuli va dozalari

Dozalash
Kattalar va 12 yoshli va undan katta bolalar
Mavsumiy allergik rinit va yil davomida kechadigan rinitni oldini olish va davolash
Har bir burun teshigiga 2 purkashdan sutkada 1 marta, ertalab qo‘llash afzal. Ba'zi hollarda har bir burun teshigiga 2 purkashdan sutkada 2 marta preparatni qo‘llash zarurati paydo bo‘lishi mumkin. Kasallik simptomlarini nazorat qilinishiga erishilganidan keyin, tutib turuvchi dozani qo‘llash mumkin - har bir burun teshigiga 1 purkashdan sutkada 1 marta. Kasallik simptomlari qaytadan paydo bo‘lganda, dozasi muvofiq tarzda oshirilishi mumkin. Preparatni kasallik simptomlarini samarali nazorat qilinishini ta'minlaydigan minimal dozada qo‘llash lozim. Maksimal sutkalik dozani - har bir burun teshigiga 4 purkashdan, oshirish kerak emas.
Keksa yoshdagi patsiyentlar
Keksa yoshdagi patsiyentlarda preparat kattalar uchun odatdagi dozada qo‘llaniladi.
12 yoshdan kichik bo‘lgan bolalar
4-11 yoshdagi bolalarda mavsumiy allergik rinit va yil davomida kechadigan rinitni oldini olish va davolash
Tavsiya etilgan doza har bir burun teshigiga 1 purkashdan sutkada 1 martani tashkil etadi, ertalab qo‘llash afzal. Ba'zi hollarda preparatni har bir burun teshigiga 1 purkashdan sutkada 2 marta qo‘llash zarurati paydo bo‘lishi mumkin. Preparatni kasallik simptomlarini samarali nazorat qilinishini ta'minlaydigan minimal dozada qo‘llash lozim. Maksimal sutkalik dozani - har bir burun teshigiga 2 purkashdan, oshirish kerak emas.
4 yoshgacha bo‘lgan bolalarda preparat qo‘llanilishining samaradorligi va xavfsizligi to‘g‘risidagi ma'lumotlar mavjud emas.
Qo‘llash usuli
Preparat faqat intranazal qo‘llash uchun mo‘ljallangan.
Preparatni qo‘llashdan oldin flakonni ehtiyotkorlik bilan silkitish zarur.
Preparatni ko‘zlarga tegishidan saqlanish lozim.
To‘liq terapevtik samaraga erishish uchun preparatni muntazam qo‘llash zarur. Patsiyent darhol ta'sir etuvchi samarasi yo‘qligi to‘g‘risida ogohlantirilgan bo‘lishi earur, simptomlarni maksimal yengillashishi davolashning birinchi 3-4 kunida kuzatilmasligi mumkin.

Nojo‘ya ta'sirlari
Noxush reaktsiyalar quyida MedDRA bo‘yicha tizim-a'zolar sinflariga muvofiq tarzda keltirilgan. Noxush reaktsiyalar uchrash tezligining ko‘rsatkichlari quyidagicha aniqlanadi juda tez-tez (≥ 1/10); tez-tez (≥1/100 lekin <1/10 gacha); tez-tez emas (≥1/1000 lekin <1/100); kam hollarda (≥1/10000 lekin <1/1000); juda kam hollarda (<1/10000); uchrash tezligi noma'lum (mavjud bo‘lgan ma'lumotlar asosida baholash mumkin emas). “Juda tez-tez”, “ tez-tez” va “tez-tez emas”toifalaridagi noxush reaktsiyalar haqidagi ma'lumotlar asosan klinik tadqiqotlardan olingan, “kam hollarda” va “juda kam hollarda”toifalaridagi noxush reaktsiyalar haqidagi ma'lumotlar asosan spontan xabarlardan olingan. Platsebo qabul qilgan guruhdan olingan noxush reaktsiyalarning sodir bo‘lish tezligi e'tiborga olinmagan.
Immun tizimi tomonidan juda kam hollarda – teri simptomlari bilan kechadigan o‘ta yuqori sezuvchanlik reaktsiyalari, respirator simptomlar (bronxospazm) bilan kechadigan o‘ta yuqori sezuvchanlik reaktsiyalari, angionevrotik shish (asosan yuz va og‘iz - xalqum shishi), anafilaktik reaktsiyalar.
Nerv tizimi tomonidan tez-tez - bosh og‘rig‘i, og‘izda yoqimsiz ta'mni his etish, yoqimsiz hidni his etish.
Ko‘rish a'zosi tomonidan juda kam hollarda - glaukoma, ko‘z ichki bosimini oshishi, katarakta (ushbu noxush reaktsiyalar haqidagi ma'lumotlar dori vositasi bilan uzoq muddatli davolashdan so‘ng spontan xabarlardan olingan); uchrash tezligi noma'lum – ko‘rish aniqligining buzilishi.
Nafas tizimi, ko‘krak qafasi va ko‘ks oralig‘i a'zolari tomonidan juda tez-tez - burundan qon ketishi; tez-tez - burunni qurishi, burunni ta'sirlanishi, tomoqni qurishi, tomoqni ta'sirlanishi; juda kam hollarda - burun to‘sig‘i perforatsiyasi; uchrash tezligi noma'lum – burunda yaralar paydo bo‘lishi.
Boshqa nazal spreylar qo‘llanganidek, nazal sprey shaklidagi flutikazon propionati qo‘llanganda og‘izda yoqimsiz ta'mni his etish, yoqimsiz hidni his etish. bosh og‘rig‘i, burun va tomoqni qurishi, burun va tomoqnita'sirlanishi va burundan qon ketishi qayd etilgan.
Glyukokortikosteroidlar (GKS) intranazal qo‘llanganda burun to‘sig‘ining perforatsiyasi hollari haqida xabar berilgan.
GKS intranazal qo‘llanganda, ayniqsa yuqori dozalarda uzoq muddatli davr vaqtida qo‘llanganda, tizimli samaralar rivojlanishi mumkin.
Gumon qilinayotgan noxush reaktsiyalar haqida xabarlar
Dori vositasi ro‘yxatdan o‘tkazilganidan keyin gumon qilinayotgan nojo‘ya reaktsiyalari haqida xabar berish muhim hisoblanadi. Patsiyentda dori vositasiga jiddiy noxush reaktsiyalar aniqlanganida yoki mazkur bo‘limda ta'riflanmagan yangi noxush reaktsiya paydo bo‘lganida, Milliy farmakologik nazorat tizimiga muvofiq xabar berishingizni so‘raymiz.


Qo‘llash mumkin bo‘lmagan holatlar

Preparatning faol moddasiga yoki yordamchi moddalarning birortasiga bo‘lgan o‘ta yuqori sezuvchanlik.

Dorilarning o‘zaro ta'siri
Normal sharoitlarda ingalyatsiya ko‘rinishida qo‘llanganidan so‘ng qon plazmasida flutikazon propionatini past kontsentratsiyalari qayd etiladi, bu holat uning ichakda va jigarda sitoxrom R450 CYP3A4 fermentlar tizimi ta'siri tufayli jadal tizim oldi metabolizmiga uchrashi va yuqori tizimli klirensga ega ekanligi bilan bog‘liq. Shunday qilib, flutikazon propionatini boshqa dori vositalari bilan klinik ahamiyatga ega bo‘lgan o‘zaro ta'sirga kirishish ehtimoli kam.
Sog‘lom ko‘ngillilar ishtirokidagi dorilarning o‘zaro ta'siri bo‘yicha o‘tkazilgan tadqiqotda, ritonavir (CYP3A4ning kuchli ingibitori) sutkada 2 marta 100 mg dozada qon plazmasida flutikazon propionatini (intranazal qo‘llanishida) kontsentratsiyasini bir necha yuz marta oshirishi, buning natijasida qon zardobida kortizol kontsentratsiyasi ahamiyatli darajada pasayishi aniqlangan. Kushing sindromi va buyrak usti bezlari susayishini rivojlanish hollari qayd etilgan. Kutilayotgan foyda, GKS tizimli noxush reaktsiyalari sodir bo‘lish xavfidan yuqori bo‘lgan holatlardan tashqari hollarda, yuqorida ko‘rsatilgan dori vositalarini bir vaqtda qo‘llash kerak emas.
Sog‘lom ko‘ngillilar ishtirokidagi katta bo‘lmagan klinik tadqiqot natijalariga muvofiq ketokonazol (CYP3Aning kuchli ingibitori; fermentni ritonavirga qaraganda kamroq darajada ingibitsiya qiladi) bilan bir vaqtda qo‘llanganda flutikazon propionati (bir martalik ingalyatsiya) kontsentratsiyasi qon plazmasidi 150% ga oshgan. Dori vositalari majmuada qo‘llanganida qon plazmasida kortizol darajasi, flutikazon propionatini alohida qo‘llanilishiga qaraganda, ahamiyatliroq pasaygan. CYP3A ning boshqa kuchli ingibitorlari (masalan, itrakonazol) bilan bir vaqtda qo‘llanganda shuningdek qon plazmasida flutikazon propionati kontsentratsiyasining oshishi va uning tizimli noxush reaktsiyalarining sodir bo‘lish xavfini oshishi kutiladi. Bunga o‘xshash majmualarni qo‘llashda ehtiyotkorlikka rioya etish tavsiya qilinadi, shuningdek ularning uzoq muddatli qo‘llanilishidan saqlanish lozim.
CYP3A ning boshqa kuchli ingibitorlari (masalan, kobitsistatni saqlovchi preparatlar) bilan birgalikda qo‘llanganda shuningdek flutikazon propionatining tizimli noxush reaktsiyalarining sodir bo‘lish xavfini oshishi kutiladi.
CYP3A ning boshqa ingibitorlari bilan majmuada qo‘llanganda qon plazmasida flutikazon propionatini kontsentratsiyasini ahamiyatsiz (eritromitsin) oshishi yoki kuchsiz ifodalangan (ketokonazol) oshishi qayd etiladi, bunda qon zardobida kortizolni kontsentratsiyasi ahamiyatli darajada pasaymaydi. Kutilayotgan foyda, GKS tizimli noxush reaktsiyalari sodir bo‘lish xavfidan yuqori bo‘lgan holatlardan tashqari hollarda, yuqorida ko‘rsatilgan dori vositalirining majmuasini qo‘llash kerak emas, bunda noxush tizimli reaktsiyalarni aniqlash maqsadida patsiyentlar monitoringini o‘tkazish zarur.


Maxsus ko‘rsatmalar

Mahalliy infektsiyalar
Og‘iz bo‘shlig‘ining infektsiyalari muvofiq tarzdagi davolashni talab etadi, biroq dori vositasi qo‘llanilishi uchun maxsus qarshi ko‘rsatma bo‘lib hisoblanmaydi.
To‘liq terapevtik samaraga erishish uchun preparat bilan bir necha kun davomida davolash talab etilishi mumkin.
Agar patsiyentda buyrak usti bezlarini funktsiyasining buzilganligiga asoslar bo‘lsa, patsiyentni tizimli GKS bilan davolashdan Flutel preparati bilan davolashga o‘tkazishda ehtiyoikorlikka rioya etish lozim.
Dori vositasi qo‘pchilik hollarda mavsumiy allergik rinit simptomlarini nazorat qilinishini ta'minlashiga qaramay, ba'zi vaziyatlarda yoz fasli vaqtida havoda allergenlar kontsentratsiyasi juda yuqori bo‘lganida muvofiq tarzdagi qo‘shimcha davolashni o‘tkazish zarurati paydo bo‘lishi mumkin.
GKS intranazal qo‘llanganda, ayniqsa yuqori dozalarda uzoq muddat davomida qo‘llanganda, tizimli samaralar rivojlanishi mumkin. Bunday samaralar paydo bo‘lish ehtimoli GKS intranazal qo‘llanganda, uning peroral qabul qilinganidan ko‘ra, ahamiyatli darajada pastroq; alohida patsiyentlarda va turli GKS preparatlarda samaralar bir-biridan farq qilishi mumkin. GKS potentsial tizimli samaralariga Kushing sindromi, kushingoidga xos bo‘lgan belgilar, buyrak usti bezlari funktsiyasining susayishi, bolalar va o‘smirlarda o‘sishning kechikishi, shuningdek kamroq hollarda psixomotor o‘ta yuqori faollik, uyquning buzilishi, vahima, depressiya va tajovuzkorlik (ayniqsa bolalarda) kabi psixologik va xulq-atvor buzilishlari kirishi mumkin.
Intranazal qo‘llash uchun GKS bilan tavsiya etilgan dozalarda davolashni qabul qilgan bolalarda o‘sishning kechikishi hollari qayd etilgan. Intranazal qo‘llash uchun GKS bilan uzoq muddatli vaqt davomida davolashni qabul qilayotgan bolalarning o‘sishini muntazam nazorat qilish tavsiya etiladi. O‘sishni kechikishi sodir bo‘lgan holatda, intranazal qo‘llash uchun GKS dozasini kasallik simptomlarini nazorat qilinishini ta'minlovchi minimal dozagacha pasaytirish maqsadida, davolashni qaytadan ko‘rib chiqish lozim. Bundan tashqari, bolani pediatr tomonidan kuzatuvi tavsiya etiladi.
Intranazal qo‘llash uchun GKS tavsiya etilganidan yuqori dozalarda qo‘llanganida buyrak usti bezlari funktsiyasining klinik jihatdan ahamiyatga ega bo‘lgan susayishi sodir bo‘lishi mumkin. Intranazal qo‘llash uchun GKS tavsiya etilganidan yuqori bo‘lgan dozalarda qo‘llash vaqtida stress holatlari davri bo‘lsa yoki xirurgik aralashuvlr rejalashtirilsa, tizimli GKS qo‘shimcha qo‘llanishi haqidagi savolni ko‘rib chiqish lozim.
Ritonavir bilan birgalikda qo‘llanganda qon plazmasida flutikazon propionatini kontsentratsiyasi ahamiyatli oshishi mumkin. Shuning uchun patsiyent uchun kutilayotgan foyda GKS tizimli noxush reaktsiyalarni sodir bo‘lish xavfidan yuqori bo‘lgan hollardan tashqari holatlarda, yuqorida ko‘rsatilgan dori vositalarini bir vaqtda qo‘llash kerak emas. Tizimli noxush reaktsiyalarni sodir bo‘lish xavfi, shuningdek flutikazon propionatini CYP3A ning boshqa kuchli ingibitorlari bilan birgalikda qo‘llaganda oshadi.
Ko‘rishning buzilishlari
GKS mahalliy va tizimli qo‘llanganida ko‘rishning buzilishlari sodir bo‘lishi mumkin. Agar ko‘rishni aniqligi buzilsa yoki ko‘rishning boshqa buzilishlari rivojlansa, ularning mumkin bo‘lgan sababini, shu jumladan, GKS mahalliy va tizimli qo‘llanganida sodir bo‘lgani haqida xabar berilgan kataraktani, glaukomani yoki kam uchraydigan kasalliklar, masalan, markaziy seroz xorioretinopatiyani (CSCR) aniqlash maqsadida, patsiyent oftalmolog maslahatini olishi zarur.
Avtotransportni haydash va mexanizmlarni boshqarish qobiliyatiga ta'siri
Preparatni avtotransportni haydash va mexanizmlarni boshqarish qobiliyatiga ta'siri etishi ehtimoldan uzoq.
Homiladorlik va laktatsiyada qo‘llanilishi
Homiladorlik
Flutikazon propionatini homiladorlik davridagi ayollarda qo‘llanilishining xavfsizligi haqida yetarli bo‘lgan ma'lumotlar mavjud emas. Hayvonlarda o‘tkazilgan ma'lumotlarda gestatsiya davrida GKS yuborilganida homilada rivojlanish nuqsonlari, shu jumladan tanglay yorig‘i va ona qorni ichida o‘sishning kechikishi sodir bo‘lishi mumkinligi aniqlangan. Shunday bo‘lsa-da, hayvonlar homilasidagi yuqorida ko‘rsatilgan o‘zgarishlar qon plazmasida GKS kontsentratsiyalari nisbatan yuqoriligida sodir bo‘ladi; bevosita intranazal qo‘llanganda qon plazmasida GKS kontsentratsiyasi minimal bo‘ladi. Shuning uchun, yuqorida ko‘rsatilgan o‘zgarishlarni sodir bo‘lish xavfi odam homilasida ahamiyatsiz.
Boshqa dori vositalari kabi, Flutel preparatini homiladorlik davridagi ayollarda, faqat kutilayotgan foyda potentsial xavfdan yuqori bo‘lgan hollardagina, qo‘llash lozim.
Laktatsiya
Odamda flutikazon propionatini ko‘krak suti bilan sekretsiyasi o‘rganilmagan. Flutikazon propionati laktatsiya davridagi laboratoriya kalamushlarining terisi ostiga yuborilganda dori vositasi, ko‘krak sutida miqdorini aniqlash mumkin bo‘lgan kontsentratsiyalarda, topilgan. Biroq intranazal yuborilganidan keyin flutikazon propionati primatlar qoni plazmasida aniqlanmagan, shuning uchun dori vositasini ko‘krak sutiga o‘tishi ehtimoldan uzoq.
Flutel preparatini emizish davridagi ayollarda faqat kutilayotgan foyda, ona va bola uchun potentsial xavfdan yuqori bo‘lgan hollardagina, qo‘llash lozim.


Dozani oshirib yuborilishi

Simptomlari
Nazal sprey shaklidagi flutikazon propionati bilan davolashni qabul qilgan patsiyentlarda o‘tkir yoki surunkali dozani oshirib yuborilishi haqida ma'lumotlar mavjud emas. 7 kun davomida sutkada 2 marta 2 mg dozada intranazal qo‘llanganda flutikazon propionati sog‘lom ko‘ngillilarni gipotalamus-gipofizar-buyrak usti bezi tizimini funktsiyasigi ta'sir ko‘rsatmagan.
GKS yuqori dozalarda uzoq muddatli davr vaqt davomida ingalyatsion qo‘llanganda yoki ichga qabul qilinganda gipotalamus-gipofizar-buyrak usti bezi tizimini funktsiyasini susayishi qayd qilinishi mumkin.
Davolash
Dori vositasi tavsiya etilganidan yuqori bo‘lgan dozalarda uzoq muddat davomida qo‘llanganida patsiyentlarda gipotalamus-gipofizar-buyrak usti bezi tizimini funktsiyasini vaqtinchalik susayishi qayd qilinishi mumkin. Bunday holatlarda kasallik simptomlarini kerakli tarzda nazorat qilinishini ta'minlovchi dozalarni qo‘llab, flutikazon propionati bilan davolashni davom ettirish lozim.


Chiqarilish shakli

Dozalangan nazal sprey 15 ml (120 doza) dan dozalash uchun moslamali va himoyalovchi qalpoqchali sariq rang shishali flakonda. 1 flakon tibbiyotda qo‘llanilishiga doir yo‘riqnomasi bilan birga karton qutida.


Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin!


Yaroqlilik muddati


Ishlab chiqarilgan
sanadan boshlab 3 yil

Yaroqlilik muddati
o‘tgach qo‘llanilmasin.


Dorixonalardan berish tartibi

Retsept bo‘yicha beriladi.