Preparatning savdo nomi
MOMAT A

Dori shakli
dozalangan nazal sprey, 50 mkg + 140 mkg/doza, 75 va 150 doza, 15 ml №1 (flakonlar dozator bilan)

Tarkibi

1 g preparat kuyidagilarni saqlaydi
faol moddalar mometazon furoati 0,714 mg (0,050),
azelastin gidroxloridi 2,0 mg (0,140);
yordamchi moddalar avitsel RC-591 (mikrokristall sellyuloza, natriy karmelloza), suvsiz glyukoza, limon kislotasi monogidrati, natriy sitrati, polisorbat-80, benzalkoniy xloridi, dinatriy edetati, neotam, tozalangan suv.
Ta'rifi oq yoki deyarli oq rangli suspenziya.

Farmakoterapevtik guruhi
Burun bo‘shlig‘i kasalliklarida mahalliy foydalanish uchun dekongestantlar va boshqa preparatlar. Kortikosteroidlar.
ATX kodi R01AD


Farmakologik xususiyatlari


Farmakodinamika

MOMAT A – majmuaviy preparatdir.
Mometazon mahalliy va sirtga qo‘llash uchun ftor saqlamaydigan sintentstik yuqori faol glyukokortikosteroid hisoblanadi. Yallig‘lanishga qarshi, allergiyaga qarshi, qichishishga qarshi xususiyatlarga ega. Uning mahalliy ta'siri tizimli samaralar chaqirmaydigan dozalarda namoyon bo‘ladi.
Mometazon yallig‘lanish mediatorlarini ajralib chiqishini tormozlaydi, fosfolipaza A ingibitori hisoblangan lipomodulin ishlab chiqarilishini oshiradi, bu araxidon kislotasini ajralib chiqishini kamayishi va muvofik ravishda araxidon kislotasi metabolizmi mahsulotlarini — siklik endoperoksidlar, prostaglandinlar sintezini susaytirishi bilan bog‘liq. Yallig‘lanish ekssudatini va limfokinlarni ishlab chiqarilishini kamaytiradi, makrofaglar migratsiyasini tormozlaydi, infil'tratsiya va granulyatsiya jarayonlarini kamayishiga olib keladi. Xemotaksik omillar (allergik reaktsiyaning kechki fazasi) hosil bo‘lishini kamaytirish orqali yallig‘lanishni kamaytiradi, "darhol" allergik reaktsiya rivojlanishini tormozlaydi.
Burun shilliq qavatiga allergenlarni yuborilganda provokatsion testlar bilan o‘tkazilgan tadqiqotlarda mometazonning allergik reaktsiyaning erta ham, kechki ham bosqichlarida yallig‘lanishga qarshi yuqori faolligini namoyish qilgan.
Azelastin ftalazinon hosilasi, uzoq ta'sirga ega yallergiyaga qarshi vosita hisoblanadi. Selektiv N1-gistaminblokatori bo‘lib, antigistamin, allergiyaga qarshi va membranani barqarorlashtiruvchi ta'sir ko‘rsatadi, kapillyarlar o‘tkazuvchanligi va ekssudatsiyani kamaytiradi, semiz xujayralarning membranasini barqarorlashtiradi va ulardan bronxospazm chaqiruvchi va erta va kechki bosqichdagi allergik reaktsiya va yallig‘lanishni chaqiruvchi biologik faol moddalar (gistamin, serotonin, leykotriyenlar, trombotsitlarni faollashtiruvchi omil va boshqalar) ni ajralib chiqishiga to‘sqinlik qiladi. Mahalliy qo‘llanilganda tizimli ta'siri ahamiyatsiz darajada.
Intranazal yuborilganda qichishish va burun bitishi, aksirish va rinoreyani kamaytiradi.
Allergik rinit simptomlarini susayishi qo‘llanilgandan 15 minutdan keyin kuzatiladi va 12 soat va undan ortiq davom etadi.

Farmakokinetikasi

MOMAT A dozalangan nazal sprey uchun alohida farmakokinetik tadqiqotlar o‘tkazilmagan.
Mometazon furoati
So‘rilishi
Nazal sprey ko‘rinishida momstazon furoatini yuborish miqdoriy tahlilning pastki chegarasi (LOQ) 0,25 GKP/ml bo‘lgan sezgir tahlil yordamida aniqlanganda plazmada juda past (<1%) biokiraolishlikka ega.
Taqsimlanishi
In vitro sharoitda 5 dan 500 ng/ml gacha kontsentratsiyalar diapazonida mometazon furoatining oqsillar bilan bog‘lanishi 98%-99% ni tashkil etadi.
Metabolizmi
Tadqiqotlar mometazon furoati bir necha metabolitlargacha metabolizmga uchrashini namoyish qilgan. Plazmada asosiy metabolitlari aniqlanmagan. In vitro sharoitda inkubatsiyadan keyin ikkilamchi metabolit 6V-gidroksi-mometazon furoati aniqlangan. Odam jigari mikrosomalarida metabolitni shakllanishi sitoxrom P450 3A4 (CYP3A4) tomonidan boshqariladi.
Chiqarilishi
Organizmdan metabolitlari ko‘rinishida asosan safro va ahamiyatsiz darajada siydik bilan chiqariladi.
Azelastin gidroxloridi
So‘rilishi
Azelastin har bir burun yo‘liga 2 marta purkash orqali (548 mkg umumiy doza) intranazal yuborilgandan keyin azelastinning plazmadagi o‘rtacha cho‘qqi kontsentratsiyasi (Cmax) 200 pg/ml, tizimli ta'sirning o‘rtacha darajasi (AUC) 5122 pgxsoat/ml va Cmax ga erishishning o‘rtacha vaqti (Tmax) 3 soatni tashkil etadi. Azelastin gidroxloridining tizimli biokiraolishligi intranazal yuborilgandan keyin taxminan 40% ni tashkil qiladi.
Taqsimlanishi
Odam plazmasi yordamida in vitro sharoitdagi tadqiqotlar azelastin va uning metaboliti desmetilazelastinni plazma oqsillari bilan bog‘lanishi taxminan 88%-97% ni tashkil qilishini ko‘rsatdi.
Metabolizmi
Azelastip sitoxrom R450 ferment tizimi yordamida oksidlanish yo‘li bilan asosiy faol metaboliti — desmstilazelastingacha metabolizmga uchraydi. Azelastinning biotransformatsiyasi uchun javobgar P450 ning spetsifik izoshakllari aniqlanmagan. Azelastin nazal spreyining bir dozasi intranazal yuborilgandan keyin (548 mkg umumiy doza) desmetilazelastin Cmax ning o‘rtacha ko‘rsatkichi 23 pg/ml, AUC 2131 pgxsoat/ml va o‘rtacha Tmax 24 soatni tashkil etadi. Statsionar tartibda azelastin intranazal yuborilgapdan keyin desmetilazelastinning plazmadagi kontsentratsiyasi azelastin kontsentratsiyasining 20-50% diapazonini tashkil etadi.
Chiqarilishi
Azelastin nazal spreyi intranazal yuborilgandan keyin azelastinning yarim chiqarilish davri 22 soatni, desmetilazelastinning — 52 soatni tashkil etadi. Radiofaol-nishonlangan azelastin gidroxloridi dozasining taxminan 75% organizmdan axlat bilan va azelastinning 10% dan kamrog‘i o‘zgarmagan ko‘rinishda chiqariladi.


Qo‘llanilishi

- yil bo‘yi davom etuvchi allergik rinit
- mavsumiy allergik rinitda qo‘llaniladi.

Qo‘llash usuli Ba dozalari
Nazal qo‘llash uchun buyuriladi.
Tavsiya etilgan dozalar
Kattalar va 12 yosh va undan katta bolalar har bir burun yo‘liga 1 purkashdan kuniga 2 marta. Klinik samaraga erishilgandan keyin dozani har bir burun yo‘liga 1 purkashdan sutkada 1 martagacha kamaytirish tavsiya etiladi. Maksimal davolash kursi 4 xaftagachani tashkil etadi. Davolash kursini takroran buyurish va keyingi davolash davomiyligi haqidagi qarorni davolovchi shifokor tomonidan har bir patsiyent uchun individual ravishda qabul qilinadi.
Qo‘llash bo‘yicha yo‘riqnoma
Nazal spreyni tayyorlash
Qo‘llashdan oldin ballonni yuqoridan pastga qaratib, 5 sekund davomida ehtiyotkorlik bilan chayqatish kerak, himoya qalpoqchasi yechiladi. MOMAT A nazal spreyini birinchi marta qo‘llashdan oldin nasosni 6 marta bosib sprey tayyorlanadi. Agar nazal sprey 7 kundan ortiqroq qo‘llanilmagan bo‘lsa, qo‘llashdan oldin nasosni bosish va qo‘yib yuborish kerak.
Spreyni qo‘llash
Nazal spreyni qo‘llashdan oldin burunni tozalash kerak, boshni oldinga engashtirib, spreyni har bir burun yo‘liga purkash kerak.

Nojo‘ya ta'sirlari
- juda tez-tez (≥1/10)
- tez-tez (≥1/100, <1/10)
- tez-tez emas (≥1/1000, <1/100)
- kam hollarda (≥1/10000, ˃1/1 000)
- juda kam hollarda (<1/10000), shu jumladan alohida holatlar
Juda tez-tez
- preparat qabul qilgandan keyin og‘izda taxir maza.
Tez-tez
- qo‘llash joyida ta'sirlanish, achishish, qichishish, aksirish, burundan qon ketishi, shuningdek qonli shilliq va qon quyqalarini ajralishi
- bosh og‘rig‘i
- faringit
Tez-tez emas
- hansirash
- taxikardiya
- asabiylik
Kam hollarda
- ko‘ngil aynishi, qorinda og‘riq
- bosh aylanishi, uyquchanlik
- hid bilish, ta'm bilishni buzilishi, burun shilliq qavatida yara paydo bo‘lishi
Juda kam hollarda
- o‘ta yuqori sezuvchanlik reaktsiyalari (toshma, qichishish, eshakemi)
- ko‘rishni buzilishi
- angionevrotik shish
- burun to‘sig‘i perforatsiyasi kuzatilishi mumkin.


Qo‘llash mumkin bo‘lmagan holatlar

- preparatning komponentlariga o‘ta yuqori sezuvchanlik
- nazal spreyni burun shilliq qavatining ishlov berilmagan mahalliy infektsiyasi mavjudligida ishlatish mumkin emas
- steroidlarning yaralarni bitishiga tormozlovchi ta'siri tufayli, yaqinda burunda operatsiya o‘tkazgan yoki jarohati bo‘lgan patsiyentlar o‘tkir davrda nazal spreydan foydalanmasliklari kerak
- 12 yoshgacha bo‘lgan bolalar
- 18 yoshgacha bo‘lgan bolalardagi burun polipozi
- Homiladorlik va laktatsiya davrida qo‘llash mumkin emas.


Dozani oshirib yuborilishi

Simptomlari yuqori uykuchanlik, dozani surunkali oshirib yuborilganda — giperkortitsizm belgilari.
Davolash simptomatik.


Chiqarilish shakli

Preparat 75 doza yoki 150 dozadan dozalozchi qurilma va himoya qalpoqchali nazal adaptor bilan ta'minlangan plastik flakonga joylanadi.
1 flakondan davlat va rus tillaridagi tibbiyotda qo‘llanilishiga doir yo‘riqnomasi bilan birga karton qutiga joylanadi.

Saqlash sharoitlari
Yorug‘likdan himoyalangan joyda, 15°C dan 30°C gacha haroratda saqlansin.
Muzlatilmasin.

Yaroqlilik muddati
o‘tgach qo‘llapilmasin.


Yaroqlilik muddati

2 yil.
Preparat bolalar ololmaydigan joyda saqlansin.


Dorixonalardan berish tartibi

Retsept bo‘yicha.


Ishlab chiqaruvchi
korxopaning nomi va mamlakati
Glenmark Pharmaceuticals Ltd., Hindiston
Village Kishanpura, Baddi-Nalagarh Road,
Texil Baddi, District Solan, H.P. 173205 Hindiston.