Preparatning savdodagi nomi Suprastineks
Ta'sir etuvchi modda (MNN) Levotsetirizin (levocetirizine).

Dori shakli
Ichga qabul qilish uchun tomchilar.
Tavsifi rangsiz yoki deyarli rangsiz, cho‘kmasiz shirin suyuqlik, bir oz sirka kislotasi hidi kelib turadi.

Tarkibi

faol modda ichga qabul qilish uchun tomchining 1 ml da 5 mg levotsetirizin digidroxloridi, 4,21 mg levotsetirizinga to‘g‘ri keladi.
yordamchi moddalar 85% li glitserin, propilenglikol, natriy saxarinati, natriy atsetat trigidrati, metil-paragidroksibenzoat, propil-paragidroksibenzoat, suvsiz sirka kislotasi, tozalangan suv.
Samarasi ma'lum yordamchi modda metil-paragidroksibenzoat, propil- paragidroksibenzoat, propilenglikol.

Farmakoterapevtik guruhi
Tizimli qo‘llaniladigan gistaminga qarshi preparatlar, piperazin hosilalari.
ATX kodi R06AE09


Farmakologik xususiyatlari


Farmakodinamika

Ta'sir mexanizmi
Levotsetirizin, setirizin (R) enantiomer periferik H1-retseptorlarning tanlab ta'sir etadigan kuchli antogonisti hisoblanadi.
Sog‘lom ko‘ngillilarda farmakodinamikani tadqiq etishyarimta dozani teriga surtishda ham, burunning shilliq qavatiga surtishdalevotsetirizining faolligi setirizinning faolligi bilan tengligini ko‘rsatdi.
Farmakodinamik samaralari
Levotsetirizinning farmakodinamik faolligi guruhlarga bo‘lib nazorat olib borilgan tadqiqotlarda o‘rganilgan.
Levotsetirizin 5 mg dozada gistamin bilan chaqirilgan shishlarning rivojlanishini va terining qizarishini samarali to‘xtgan, bu gistaminga reaktsiyaning to‘liq bartaraf etilishi dastlabki 12 soatda kuzatildi va 24 soat mobaynida davom etgan.
O‘simliklar changidan nafas olish oqibatida kelib chiqqan allergik simptomlar nazorati preparat qabul qilingandan so‘ng 1 soat o‘tgandan keyin kuzatilgan.
Klinik samaradorligi va xavfsizligi
Levotsetirizinning samaradorligi va xavfsizligi mavsumiy allergik rinit yoki yil bo‘yi davom etadigan rinitdan aziyat chekadigan katta yoshdagi patsiyentlarda ko‘rsatildi. Levotsetirizin allergik rinit simptomlarini samarali pasaytirdi va patsiyentlarning hayot sifatini ancha yaxshiladi.
Idiopatik eshakemi bo‘lgan patsiyentlarda levotsetirizin davolashning birinchi haftasida ham va butun davolash davrida ham qichishishni ancha kamaytirdi va bemorlarning hayot sifatini ancha yaxshiladi.
EKGda levotsetirizinning QT intervaligi kuchli ta'siri aniqlanmadi.
Bolalar va o‘smirlar
Levotsetirizin mavsumiy yoki persistirlovchi allergik rinit bilan kasallangan 6-12 yoshli bolalarda samarali va xavfsiz dori vositasi hisoblanadi. Levotsetirizin kasallik simptomlarini aniq yaxshiladi va salomatlik bilan bog‘liq hayot sifatini oshirdi.
Klinik xavfsizligi 6 yoshgacha bo‘lgan bolalarda ham aniqlandi.

Farmakokinetikasi

Levotsetirizinning farmakokinetikasi chiziqiy bo‘lib, doza va vaqtga bog‘liq emas hamda turli sinaluvchilarda kichik farqlarga ega. Levotsetirizin va setirizinning farmakokinetik profili o‘xshash. So‘rilganida yoki chiqarilganida levotsetirizinning setirizinga aylanish yuz bermaydi.
So‘rilishi
Levotsetirizin ichga qabul qilingandan keyin tezda va ancha yuqori darajada so‘riladi. Qon plazmasidagi eng yuqori kontsentratsiyasiga preparat qabul qilinganidan so‘ng 0,9 soatdan keyin erishiladi. Muvozanat holatiga esa ikki kundan keyin erishiladi. Preparat bir karra va ko‘p karra (har kuni 5 mg dan) qabul qilinganidan keyin uning eng yuqori kontsentratsiyasi tegishlicha 270 ng/ml va 308 ng/ml ni tashkil etdi. So‘rilish darajasi dozaga bog‘liq bo‘lib, ovqat qabul qilishga bog‘liq emas, lekin ovqat qabul qilish hollarida preparatning eng yuqori kontsentratsiyasi pasayadi va unga kechroq erishiladi.
Taqsimlanishi
Preparatning odam to‘qimalarida taqsimlanishi va gematoentsefalik to‘siq orqali kirishi to‘g‘risida ma'lumotlar yo‘q.Levotsetirizin 90% qon plazmasi oqsillari bilan bog‘lanadi. Levotsetirizinning taqsimlanishichegaralangan, chunki taqsimlanish hajmi0,4 l/kg ni tashkil etadi.
Biotransformatsiyasi
Odamda qabul qilingan levotsetirizin dozasining 14% dan kami metabolizmda ishtirok etadi, shu munosabat bilan genetik farqlar yoki dori vositalari – fermentlarning ingibitorlarini qabul qilish bog‘liq bo‘lgan farqlar uncha katta emas deb hisoblanadi.
Metabolizm darajasining pastligi va metabolizmning bosilish ehtimoli yo‘qligi tufayli levotsetirizinning boshqa moddalar bilan (va boshqa moddalarning levotsetirizin bilan) o‘zaro ta'siri ehtimoldan uzoq.
Chiqarilishi
Qon plazmasidan yarim chiqarilish davri 7,9 ± 1,9 soatga teng. Butun organizmdan chiqariladigan o‘rtacha klirens 1 kg ga 0,63 ml/min ni tashkil etadi. Levotsetirizin va uning metabolitlari asosan buyrak orqali chiqariladi; bunday yo‘l bilan qabul qilingan dozaning o‘rtacha 85,4% chiqariladi. Ichak orqali chiqarilishi qabul qilingan dozaning faqat 12,9% ni tashkil etadi. Levotsetirizin ham buyrak kalava filtratsiyasi orqali filtrlash, ham faol kanal sekretsiyasi yordamida chiqariladi.
Patsiyentlarning alohida guruhlari
Buyrak funktsiyasining buzilishi
Levotsetirizinning butun organizmdan chiqarilish klirensi kreatinin klirensi bilan o‘zaro bog‘liq. Shuning uchun ham levotserizinni qabul qilish oraliqlarini buyrak funktsiyasi o‘rtacha yoki yaqqol buzilgan patsiyentlarda kreatinin klirensi asosida aniqlashtirib olish tavsiya etiladi. Buyrak kasalliklarining anurik bosqichida butun organizmdan umumiy klirens sog‘lom sinaluvchilarnikiga nisbatan taxminan 80% ga pasayadi. 4 soatlik standart gemodializ muolajasida levotsetirizinning 10% dan ham kamrog‘i chiqariladi.
Jigar funktsiyasining buzilishi
Jigar yetishmovchiligi bo‘lgan patsiyentlarda levotsetirizinning farmakokinetikasi o‘rganilmagan. Jigar funktsiyasi surunkali buzilgan (gepatotsellyulyar, xolestatik yoki biliar sirroz) 10 mg li bir martalik dozani yoki setirizinning 20 mg li ratsemik birikmasini qabul qilgan patsiyentlardayarim chiqarilish davri sog‘lom shaxslarga nisbatan 50% ga oshdi, klirens esa 40% gacha kamaydi.

Bolalar va o‘smirlar
Tana vazni 20 dan 40 kg gacha bo‘lgan 6 yoshdan 11 yoshgacha bo‘lgan bolalarda 5 mg levotsetirizinni ichga bir marta qabul qilish preparatning qondagi eng yuqori kontsentratsiyasi (Smax) va kontsentratsiya–vaqt egri chizig‘i maydoni (AUC) katta yoshdagi sog‘lom odamlarning xuddi shunday ko‘rsatkichlaridan taxminan 2 marta ortiqligini ko‘rsatdi. 6 oylikdan 5 yoshgacha bo‘lgan bolalarda levotsetirizinni 1,25 mg dozada qabul qilish plazmada preparat kontsentratsiyasining kattalarda 1 sutkada 5 mg preparat qabul qilinganida aniqlanadigan kontsentratsiyaga to‘g‘ri kelishiga olib keladi.
Keksa patsiyentlar
Keksa patsiyentlarda farmakokinetika bo‘yicha ma'lumotlar cheklangan. 9 nafar keksa patsiyentda (yoshi 65 dan 74 yoshgacha) 30 mg levotsetirizinni bir sutkada 1 marta 6 kun davomida takroriy qabul qilishda umumiy klirens taxminan 33% quyiga pasayadi. Levotsetirizin organizmdan asosan buyraklar orqali chiqariladi, shuning uchun keksa patsiyentlarda lavotsetirizin dozasi buyraklar funktsiyasiga bog‘liq holda to‘g‘rilangan bo‘lishi zarur.
Jins
Ayollarda levotsetirizinning yarim hayot vaqti erkaklarga nisbatan birmuncha qisqaroq bo‘lishi ko‘rsatilgan, lekin, tana vazni bo‘yicha korrektsiyalangan peroral klirens ayollar va erkaklarda teng. Erkaklar va ayollarda sutkalik dozalar va dozalar orasidagi intervallar bir xil.
Etnik mansublik
Levotsetirizinning etnik mansublikka ta'siri o‘rganilmagan. Chunki levotsetirizin, eng avvalo buyraklar orqali chiqariladi, kreatinin klirensi nuqtai nazaridan etnik farqlar yo‘qligi ma'lum ekanligi sababli, turli etnik guruhlarga mansub shaxslarda farmokinetik parametrlar o‘rtasidafarqlar bo‘lishi kutilmaydi. Petirizin ratsemat uchun bunday farqlar aniqlanmagan.
Farmakokinetik farmakodinamik aloqasi
Levotsetirizinning gistamin bilan chaqirilgan teri reaktsiyalariga ta'siri fazasi bo‘yicha uning plazmadagi kontsentratsiyasi bilan mos tushmaydi.


Qo‘llanilishi

Kattalarda va 2 yoshdan va undan katta bolalarda allergik rinit (shu jumladan persistitlanuvchi rinit) va surunkali idiopatik eshakemini simptomatik davolashda qo‘llaniladi.

Qo‘llanish usuli va dozalari
Dozalash rejimi
Kattalar va o‘smirlar (12 yosh va undan kattalar)
Har kunlik tavsiya etiladigan doza 5 mg ni tashkil etadi (1 ml tomchi yoki tomizgichdan 20 tomchi).
Keksa patsiyentlar
Buyrak funktsiyasi o‘rtacha yoki yaqqol buzilgan keksa patsiyentlarga dozani aniqlashtirish tavsiya etiladi (quyida berilgan “Buyrak funktsiyasi buzilgan patsiyentlar” bo‘limiga qarang).
6 yoshdan 12 yoshgacha bo‘lgan bolalar
Har kunlik tavsiya etiladigan doza 5 mg ga teng (1 ml tomchi yoki tomizgichdan 20 tomchi).
2 yoshdan 6 yoshgacha bo‘lgan bolalar
Har kunlik tavsiya etiladigan doza har biri 1,25 mg dan (2 marta 0,25 ml tomchi = tomizgichdan 25 tomchi) teng dozalarda ikki marta qabul qilishda2,5 mg ga teng.
Chaqaloqlar va 2 yoshgacha bo‘lgan bolalar
Levotsetirizin tomchilarini 6 oylikdan 12 yoshgacha bo‘lgan bolalarda qo‘llanish to‘g‘risidagi mavjud klinik ma'lumotlarga qaramay (4.8, 5.1 va 5.2-bo‘limlarga qarang), bu ma'lumotlar ushbu preparatni chaqaloqlar va 2 yoshgacha bo‘lgan bolalarga tavsiya etish uchun yetarli emas (4.4-bo‘limga qarang).
Buyrak funktsiyasi buzilgan patsiyentlar
Preparatni qabul qilish davriyligini buyraklar funktsiyasiga muvofiq ravishda har bir patsiyent uchun alohida belgilash zarur. Quyida keltirilgan jadvalda dozaning zaruriy o‘zgartirilishi ko‘rsatilgan. Bu jadvaldan foydalanish uchun patsiyentlarda kreatinin klirensini (KK) ml/min da aniqlash kerak. Qon zardobida kreatinin darajasi (mg/dl) aniqlangandan keyin KK (ml/min) qiymatini quyidagi formula bo‘yicha aniqlash mumkin
[140 – yosh (yillar)]tana vazni (kg)
KK = ———————————————————— (0,85 ayollar uchun)
72zardob kreatinini (mg/100 ml)

Buyrak funktsiyasi buzilgan patsiyentlar uchun dozani korrektsiyalash
Guruh
Kreatinin klirensi (ml/min)
Dozasi va qabul qilish chastotasi
Buyrak funktsiyasi me'yorida
80
Kuniga
bir marta 5 mg
Buyrak funktsiyasining yengil buzilishi
50 – 79
Kuniga
bir marta 5 mg
Buyrak funktsiyasining o‘rtacha buzilishi
30 – 49
Kun ora 5 mg
Buyrak funktsiyasining og‘ir buzilishi
< 30
Har 3 kunda 5 mg
Buyrak kasalligining so‘nggi bosqichi – patsiyentlar dializda
< 10
Tavsiya etilmaydi
Buyrak funktsiyasi buzilgan bolalar va o‘smirlarda doza patsiyentning buyrak klirensi va tana vaznini hisobga olgan holda alohida aniqlanishi kerak. Buyrak funktsiyasi buzilgan bolalar to‘g‘risida o‘ziga xos bo‘lgan alohida ma'lumotlar yo‘q.
Jigar funktsiyasi buzilgan patsiyentlar
Faqat jigar funktsiyasining o‘zi buzilgan bemorlarga preparatni tayinlashda dozani biror-bir o‘zgartirish talab etilmaydi. Jigar va buyrak funktsiyalari buzilishi birgalikda uchraydigan patsiyentlarga dozani aniqlashtirish tavsiya etiladi (yuqoridagi “Buyrak funktsiyasi buzilgan patsiyentlar” bo‘limiga qarang).
Preparatni qabul qilish davomiyligi
Davriy allergik rinitni davolash kursi davomiyligi (simptomlarning davomiyligi haftasiga <4 kun yoki davomiyligi yilda 4 haftadan kam) kasallikning turi, simptomlarining davomiyligi va kechishi va kasallikning anamneziga bog‘liq bo‘ladi. Davolashni simptomlar yo‘qolganidan so‘ng to‘xtatish va simptomlar takroriy paydo bo‘lganida qayta boshlash mumkin.
Persistirlovchi allergik rinitni davolash uchun (simptomlarining davomiyligi haftasiga >4 kun yoki davomiyligi yilda 4 haftadan ko‘p) patsiyentga allergenlarning ta'sir etish davrida davomiy davolanishni tavsiya etish mumkin. Hozirgi vaqtda levotsetirizinni uzoq vaqt, kamida 6 oy davomida qo‘llanish bo‘yicha klinika tajribasimavjud. Surunkali eshak yemi toshishi va surunkali allergik rinitda setirizin ratsematni bir yilgacha bo‘lgan davr mobaynida qo‘llanish tajribasi bor.


Qo‘llanish usuli
Tomchilarning zaruriy soni tomizgich yordamida oshqoshiqqa yoki bir stakan suvga o‘lchab solinadi. Tomchilarni, ovqat qabul qilishga bog‘liq bo‘lmagan holda, aralashtirgandan keyin darhol ichish kerak.

Nojo‘ya ta'sirlari
Kattalar va 12 yoshdan katta o‘smirlarda
12 yoshdan 71 yoshgacha bo‘lgan erkaklar va ayollarda quyidagi noxush reaktsiyalar ko‘proq (chastotasi1% dan yuqori) uchradi bosh og‘rig‘i, uyquchanlik, og‘iz qurishi, charchoq. Asteniya va qorin og‘rig‘i kamroq kuzatildi.
6-11 oylikdan (1 yoshgacha) 6 yoshgacha bo‘lgan bolalarda 2 hafta davomida kuniga bir yoki ikki marta 1,25 mg levotsetirizin qabul qilinganida chastotasi 1% dan yuqori bo‘lgan quyidagi noxush reaktsiyalar kuzatildi diareya, qusish, qabziyat, uyquchanlik, uyquning buzilishi, bosh og‘rig‘i.
Ro‘yxatga olingan davrdan so‘ng qayd qilingan noxush reaktsiyalar organlar tizimi bo‘yicha keltiriladi.
Bu reaktsiyalarning chastotasi ma'lum emas (mavjud ma'lumotlar asosidaaniqlash mumkin emas).
Immun tizimidagi buzilishlar
haddan ortiq sezuvchanlik (allergiya), shu jumladan anafilaksiya;
Modda almashinuvi va ovqatlanishdagi buzilishlar
ishtahaning oshishi;
Psixikadagi buzilishlar
agressiya, behalovatlik holati (ajitatsiya), gallyutsinatsiyalar, depressiya, uyqusizlik, joniga qasd qilish to‘g‘risidagi fikrlar, qo‘rqinchli tushlar;
Asab tizimidagi buzilishlar
konvulsiyalar, paresteziya (sezuvchanlikning buzilishi), bosh aylanishi, hushdan ketish, tremor (titrash), ta'm bilishning buzilishi (disgevziya);
Ko‘rish organidagi buzilishlar
ko‘rishning buzilishi, ko‘rilayotgan obrazlarning xiraligi, ko‘zning beixtiyoriy, aylanma harakatlari (okulogiriya);
Eshitish va muvozanat organlaridagi buzilishlar
aylanishni his qilgan holdagi bosh aylanishi (vertigo);
Yurakdagi buzilishlar
yurakning kuchli urishi, taxikardiya;
Nafas olish tizimi, ko‘krak qafasi va ko‘krak qafasi va umurtqa oralig‘i organlaridagibuzilishlar
nafas qisishi (dispnoe);
Oshqozon-ichak yo‘lidagi buzilishlar
ko‘ngil aynishi, qusish, ich ketishi (diareya);
Jigar va o‘t chiqarish yo‘lidagi buzilishlar
jigarning yallig‘lanishi (gepatit);
Teri va teri osti to‘qimalaridagi buzilishlar
angionevrotik shish, dori qabul qilish oqibatidagi toshmalar, qichishish, teri toshmalari, eshak yemi;
Skelet-mushak va biriktiruvchi to‘qimadagi buzilishlar
mushaklarda og‘riq, bo‘g‘imlarda og‘riq;
Buyrak va siydik chiqarish yo‘llaridagi buzilishlar
siydikning og‘riq bilan yoki qiyin chiqarilishi, siydik qopini to‘la bo‘shata olmaslik;
Umumiy buzilishlar va kiritish joyidagi buzilishlar
shishlar;

Laboratoriya va instrumental tadqiqotlar natijalariga ta'siri
Tana vaznining oshishi, jigarning funktsional sinamalari ko‘rsatkichlarining o‘zgarishi.
Suprastineks 5 mg/ml tomchilari allergik reaktsiyalarni chaqirishi mumkin (bu reaktsiyalar ba'zida kechroq namoyon bo‘ladi), chunki uning tarkibida metilparagidroksibenzoat va propilparagidroksibenzoat bor.
Tanlab olingan ba'zi noxush reaktsiyalarning tavsifi
Suprastineks preparati bekor qilinganidan so‘ng, davolashning boshlanishida bunday simptomlar bo‘lmagan bo‘lsa ham terida qichishish paydo bo‘lishi mumkin. Odatda bu simptomlar o‘z-o‘zidan o‘tib ketadi, lekin ba'zi bir hollarda ular yetarli darajada og‘ir bo‘lishi va davolashniqayta boshlashni talab qilishi mumkin. Bu simptomlar odatda davolash qayta boshlangandan so‘ng yo‘qoladi.
Yuzaga kelishi mumkin bo‘lgan noxush reaktsiyalar to‘g‘risida xabar
Preparatning yuzaga kelishi mumkin bo‘lgan noxush reaktsiyalari to‘g‘risidagi ma'lumotlarni taqdim etish muhim hisoblanadi, u dori vositasining xavfi/foydasi nisbatini uzluksiz monitoring qilib borish imkonini beradi. Tibbiyot xodimlari ushbu yo‘riqnomaning oxirida ko‘rsatilgan kontaktlar bo‘yicha, shuningdek axborot to‘plash milliy tizimi orqaliyuzaga kelishi mumkin bo‘lgan har qanday noxush reaktsiyalar to‘g‘risida axborot berishi zarur.


Qo‘llash mumkin bo‘lmagan holatlar

- Levotsetirizin gidroxlorid, setirizin, piperazinning har qanday boshqa hosilalariga yoki 6.1-bo‘limda keltirilgan preparatning yordamchi moddalaridan istalganiga allergiya.
- Og‘ir buyrak yetishmovchiligi (kreatinin klirensi 10 ml/min dan past) da qo‘llash mumkin emas.

Dorilarning o‘zaro ta'siri
Levotsetirizinning boshqa preparatlar bilan o‘zaro ta'siri tadqiq etilmagan.
Levotsetirizinning so‘rilish darajasi ovqat yeyilganida pasaymaydi, lekin so‘rilish tezligi pasayadi.
Ta'sirchanligi yuqori patsiyentlarda setirizin yoki levotsetirizinni va alkogolni yoki MAT ga ta'sir qiladigan boshqa vositalarni bir vaqtning o‘zida qabul qilish ruhiy hushyorlikni va ish qobiliyatini pasaytirib, markaziy asab tizimiga ta'sir qilishi mumkin.


Maxsus ko‘rsatmalar

- Bolalar levotsetirizin tomchilarini 6 oylikdan 12 yoshgacha bo‘lgan bolalarda qo‘llanish to‘g‘risida klinik ma'lumotlar mavjudligiga qaramay, bu ma'lumotlar ushbu preparatni chaqaloqlar va 2 yoshgacha bo‘lgan bolalarga tavsiya etish uchun yetarli emas.
- Preparatni qabul qilish bilan bir vaqtda alkogol ichish ehtiyotkorlikni talab etadi.
- Siydik tutilishiga moyillik omillari (masalan, orqa miya jarohatlari yoki prostata bezining giperplaziyasi) bo‘lgan patsiyentlarda alohida ehtiyotkorlikka rioya etish zarur, chunki levotsetirizin siydik tutilish xavfini oshirishi mumkin.
- Epilepsiyasi bor bemorlarda yoki tomir tortishish rivojlanishining xavfi bo‘lgan shaxslarda ehtiyotkorlik bilan qo‘llanish zarur.
- Gistaminga qarshi boshqa preparatlarni qo‘llanish hollaridagi kabi preparatni qabul qilishni allergologik teri testini o‘tkazishdan kamida 3 kun oldin to‘xtatish zarur.
- Setirizin bekor qilinganidan so‘ng, davolashning boshlanishida bunday simptomlar bo‘lmagan bo‘lsa ham terida qichishish paydo bo‘lishi mumkin. Odatda bu simptomlar o‘z-o‘zidan o‘tib ketadi, lekin ba'zi bir holatlarda ular yetarli darajada og‘ir bo‘lishi, davolashniqayta boshlashni talab qilishi mumkin. Bu simptomlar odatda davolash qayta boshlangandan so‘ng yo‘qoladi.
- Suprastineks 5 mg/ml tomchilari allergik reaktsiyalarni chaqirishi mumkin (ba'zida kechki), chunki tarkibida metilparagidroksibenzoat (E218, 1,35 mg/ml)va propilparagidroksibenzoat (E216, 0,15 mg/ml) bor.
Ushbu preparat tarkibida propilenglikol (E1520, 350 mg/ml) mavjud.
Homiladorlik va emizish davri
Homiladorlik
Homiladorlikda levotsetirizinning klinik tadqiqotlari chegaralangan yoki yo‘q. Shu bilan bir vaqtda setirizin (levotsetirizin ratsemati) to‘g‘risida yetarli miqdorda ma'lumot to‘plangan (1000 dan ortiq homiladorlik natijasi), unga muvofiq homila rivojlanishida anomaliyalar, shuningdek preparatning homilava yangi tug‘ilgan chaqaloq uchun zaharliligi aniqlanmagan.
Zaruriyat tug‘ilganida ushbu preparatni homilador ayollarga ham tayinlash mumkin.
Emizish
Setirizin (levotsetirizin ratsemat) ning odam ko‘krak sutiga ajralib chiqishi aniqlangan. Shunday qilib, levotsetirizinning odam ko‘krak sutiga ajralib chiqish ehtimoli juda yuqori. Emizukli onalari levotsetirizin qabul qilgan chaqaloqlarda levotsetirizin bilan bog‘liq noxush reaktsiyalar kuzatilgan. Shuning uchun bu preparatni emizish davrida tayinlashda ehtiyot bo‘lish zarur.
Fertillik
Levotsetirizinning fertillikka ta'siri to‘g‘risida ma'lumotlar yo‘q.
Transport vositalarini boshqarish va mexanizmlar bilan ishlash qobiliyatiga ta'siri
Levotsetirizinning tavsiya etilgan dozalari qabul qilinganidan so‘ng, tetiklik darajasi, transport vositalarini boshqarish qobiliyati yoki reaktsiya vaqtining buzilishi kuzatilmagan. Lekin ba'zi bir patsiyentlar levotsetirizinni qabul qilish vaqtida uyquchanlik, charchoq yoki asteniyani his qilishilari mumkin. Shuning uchun avtomobil boshqarish, nisbatan xavfli faoliyatni bajarish yoki mexanizmlar bilan ishlash niyatlari bo‘lgan patsiyentlar o‘zlarining preparatga reaktsiyalarini hisobga olishlari zarur.


Dozani oshirib yuborilishi

Doza oshirib yuborilganligining belgilari
Kattalarda dozaning ancha oshirib yuborilishi uyquchanlikka, bolalarda esa – dastlabasabiylashish va notinchlikka olib keladi, u keyin uyquchanlik bilan almashinadi.
Davolash
Levotsetirizinga qarshi maxsus antidot ma'lum emas.
Doza oshirib yuborilgan holatlarda simptomatik va qo‘llab-quvvatlovchi davolash tavsiya etiladi. Preparat ichga qabul qilinganidan so‘ng bir oz vaqt o‘tgach oshqozonni yuvish mumkin. Levotsetirizinni gemodializ yordamida organizmdan samarali chiqarib bo‘lmaydi.

Ishlab chiqarish shakli
Qopqog‘ini burab mahkamlash uchun rezbasi bor, hajmi 20 ml li, polietilen tomizgichli, ichki polietilen qatlamli va bolalar ocha olmasligi uchun maxsus himoya va birinchi marta ochilish nazorati bilan ta'minlangan polipropilen qopqoqli jigarrang rangdagi shisha flakonlarda ishlab chiqariladi. 1 ta flakon tibbiyotda qo‘llanilishiga doir yo‘riqnoma bilan birga karton qutichaga joylashtiriladi.


Saqlash sharoiti

25°C dan yuqori bo‘lmagan xaroratda saqlansin. Muzlatilmasin!
O‘zining original o‘ramida saqlansin.
Bolalar ololmaydigan joyda saqlansin.

Yaroqlilik muddati

4 yil
Ochilgan flakon 6 haftadan ortiq saqlanmasin!
Qutichada ko‘rsatilgan yaroqlilik muddati o‘tgandan keyin foydalanilmasin.

Yaroqlilik muddati
ning tugash sanasi ko‘rsatilgan oyning oxirgi kuni hisoblanadi.
Dori vositasini maishiy chiqindilarga yoki oqar suvlarga tashlamang. Agar endi kerak bo‘lmaydigan preparatni chiqindiga chiqarish zarur bo‘lsa, farmatsevt bilan maslahatlashing. Bu choralar atrof muhit ifloslanishining oldini olishga yordam beradi.

Dorixonalardan berilish tartibi
Retseptsiz.

Ro‘yxatdan o‘tkazilgan guvohnoma egasi
“EGIS farmatsevtika zavodi” YoAJ
1106 Budapesht, Keresturi ko‘chasi, 30-38
VENGRIYA