Dori preparatining nomi
Amoksiklav in'ektsion eritma tayyorlash uchun kukun 500mg/100mg
Amoksiklav in'ektsion eritma tayyorlash uchun kukun 1000mg/200mg
Ta'sir etuvchi modda (XPN) amoksitsillin, klavulanat kislotasi (amoxicillin, clavulanic acid)

Dori shakli
in'ektsion eritma tayyorlash uchun kukun

Tarkibi

faol moddalar amoksitsillin va klavulan kislotasi (51 nisbatda)
Amoksiklav 500 mg/100 mg har bir flakon natriyli tuzi shaklida 500 mg amoksitsillin va kaliyli tuzi shaklida 100 mg klavulanat kislotasi saqlaydi.
Amoksiklav 1000 mg/200 mg har bir flakon natriyli tuzi shaklida 1000 mg amoksitsillin va kaliyli tuzi shaklida 200 mg klavulan kislotasi saqlaydi.
yordamchi moddalar mavjud emas.
Ta'rifi oqdan sarg‘ish rangligacha bo‘lgan kukun.

Farmakoterapevtik guruhi
Tizimli qo‘llash uchun antibakterial preparatlar; beta-laktam antibakterial vositalari, penitsillinlarni beta-laktamaza ingibitorlari bilan majmuasi, beta-laktamaza ingibitorini ham qo‘shib.
ATX kodi J01CR02.


Farmakologik xususiyatlari


Farmakodinamika

Amoksitsillin bakteriyalarning hujayra devorini integral struktur komponenti hisoblangan peptidoglikan biosintezi jarayonida ishtirok etuvchi bir yoki undan ortiq fermentlarni (ko‘pincha penitsillinni bog‘lovchi oqsillar deb nomlanuvchi) ingibitsiya qiluvchi yarimsintetik penitsillin (beta-laktam antibiotik) hisoblanadi. Peptidoglikanning sintezini ingibitsiya qilinishi hujayra devorining butunligini buzadi, bu odatda hujayraning lizisi va nobud bo‘lishiga olib keladi.
Amoksitsillin unga rezistent bakteriyalar ishlab chiqaruvchi beta-laktamazalar ta'sirida parchalanadi.
Klavulan kislotasi tuzilishi jihatidan penitsillinlarga o‘xshash beta-laktam hisoblanadi. U ayrim beta-laktamazalarni susaytiradi va shu bilan amoksitsillinning faolsizlanishini oldini oladi. Klavulan kislotasining o‘zi klinik foydali antibakterial samara ko‘rsatmaydi.
Minimal bostiruvchi kontsentratsiya (MBK) dan yuqori kontsentratsiyada saqlab turish vaqti (T > MBK) amoksitsillinning asosiy determinant samaradorligi sifatida qabul qilingan.
Mikroorganizmlarning ayrim turlari uchun rezistentlikni tarqalishi geografik va vaqt bog‘liqligi bilan xarakterlanadi, shu sababli davolashni boshlashdan oldin, ayniqsa og‘ir infektsiyalarda antibiotikka chidamlilik bo‘yicha mahalliy ma'lumotlarni olish maqsadga muvofiqdir. Antibiotiklarga rezistentlik xususidagi mahalliy ko‘rsatkichlar hech bo‘lmaganda ba'zi turdagi infektsiyalarda, preparatning foydasi shubha ostida bo‘lgan hollarda, yordam uchun tegishli mutaxassislarga murojaat qilish kerak.
Odatdagi sezgir turlar

Grammusbat aeroblar
Enterococcus faecalis, Gardnerella vaginalis, Staphylococcus aureus (metitsillinga chidamli shtammlari), Streptococcus agalactisae, Streptococcus pneumonia, Streptococcus pyogenes va boshqa beta-gemolitik streptokokklar, Streptococcus viridans guruhi.
Grammanfiy aeroblar Actinobacillus actinomycetemcomitans, Capnocytophaga spp, Eikenella corrodens, Haemophilus influenza, Moraxella catarrhalis, Neisseria gonorrhoeae, Pasteurella multocida.
Anaeroblar Bacteroides fragilis, Fusobacterium nucleatum, Prevotella spp.
Orttirilgan chidamlilik rivojlanishi mumkin bo‘lgan turlar

Grammusbat aeroblar
Enterococcus faecium
Grammanfiy aeroblar Escherichia coli, Klebsiella oxytoca, Klebsiella pneumonia, Proteus mirabilis, Proteus vulgaris
Tabiiy chidamliligi bo‘lgan turlar
Grammanfiy aeroblar Acinetobacter spp. Citrobacter freundii, Enterobacter spp., Legionella pneumopnila, Morganella morganii, Providencia spp., Pseudomonas spp., Serratia spp., Stenotrophomas maltophilia
Boshqa mikroorganizmlar Chlamydia trachomatis, Chlamydia pneumonia, Chlamydia psittaci, Caxiella burnetti, Mycoplasma pneumoniae.
Orttirilgan chidamlilik mexanizmi yo‘qligida, tabiiy oraliq sezuvchanlik.
Metitsillinga chidamli barcha stafilokokklar amoksitsillin/klavulan kislotasiga ham chidamlidir.
Beta-laktamazalarga bog‘liq bo‘lmagan, amoksitsillinga chidamliligi bo‘lgan barcha shtammlar amoksitsillin/klavulan kislotasiga chidamlidir.
Streptococcus pneumonia ning penitsillinga chidamli shtammlari chaqirgan infektsiyalarni, preparatning ushbu dori shakli bilan davolash mumkin emas (
Qo‘llash usuli va dozalari
va
Maxsus ko‘rsatmalar
ga qarang).
Yevropa Ittifoqining ayrim mamlakatlarida 10% dan yuqori tez-tezlikda uchraydigan, sezuvchanligi past shtammlari aniqlangan.


Farmakokinetikasi

Sog‘lom ko‘ngillilarga preparat 500 mg/100 mg yoki 1000 mg/200 mg dozalarda vena ichiga bolyusli ravishda yuborilganda, zardobda o‘rtacha maksimal kontsentratsiyasi muvofiq ravishda amoksitsillin uchun 32,2 va 105,4 mkg/ml ni va klavulan kislotasi uchun 10,5 va 28,5 mkg/ml ni tashkil qilgan. T1/2 ko‘rsatkichlari muvofiq amoksitsillin uchun 1,07 va 0,9 soatni va klavulanat kislotasi uchun 1,12 va 0,9 soatni tashkil qilgan. AUC qiymati muvofiq ravishda amoksitsillin uchun 25,5 va 76,3 soat mg/l va klavulan kislotasi uchun 9,2 va 27,9 soat mg/l ni tashkil qilgan. Siydik bilan chiqarilishi esa (%, 0 soatdan 6 soatgacha) muvofiq amoksitsillin uchun 66,5 va 77,4 ni va klavulanat kislotasi uchun 46,0 va 63,8 ni tashkil qilgan.
Qon plazmasidagi klavulan kislotasining umumiy miqdorini taxminan 25% va amoksitsillinning umumiy miqdorini taxminan 18% oqsillar bilan bog‘langan holda bo‘ladi. Taxminiy taqsimlanish hajmi amoksitsillin uchun taxminan 0,3-0,4 l/kg va klavulan kislotasi uchun taxminan 0,2 l/kg ni tashkil qiladi.
Vena ichiga yuborilganidan so‘ng amoksitsillin va klavulanat kislotasi o‘t pufagida, qorin devori to‘qimalari, teri, yog‘ to‘qimasi, mushak to‘qimalari, sinovial va peritoneal suyuqliklarda, safro va yiringda aniqlanadi. Amoksitsillin orqa miya suyuqligiga faqat ahamiyatsiz darajada kiradi.
Klinik oldi tadqiqotlarida har ikkala faol moddaning hosilalarini ahamiyatli darajada tutilishi xususida hech qanday dalillar olinmagan. Amoksitsillin ko‘pchilik penitsillinlar kabi ko‘krak sutiga o‘tadi. Klavulan kislotasining juda oz miqdori ham ko‘krak sutida aniqlanadi (“Homiladorlik va emizish” bo‘limiga qarang).
Amoksitsillinning dastlabki dozasini maksimum 10-25% ga ekvivalent bo‘lgan hajmlarda nofaol penitsil kislotasi shaklida qisman siydik bilan chiqariladi. Klavulanat kislotasi odam organizmida jadal metabolizmga uchraydi, siydik va axlat bilan, shuningdek nafas bilan karbonat angidridi holida chiqariladi.
Amoksitsillin/klavulan kislotasi majmuasining sog‘lom ko‘ngillilarda o‘rtacha yarimchiqarilish davri taxminan bir soat va o‘rtacha umumiy klirensi taxminan 25 l/soat bilan ifodalanadi. Preparat 500/100 mg yoki 1000/200 mg dozalarda vena ichiga bolyusli holda bir marta yuborilganidan so‘ng amoksitsillinning taxminan 60-70% va klavulan kislotasining taxminan 40-65% birinchi 6 soat davomida siydik bilan o‘zgarmagan holda chiqariladi. 24 soatlik davr davomida siydik bilan chiqarilish darajasi amoksitsillin uchun 50-85% va klavulan kislotasi uchun 27-60% ni tashkil qiladi. Klavulan kislotasining maksimal hajmi preparat yuborilganidan keyin birinchi 2 soat davomida chiqariladi.
Yosh
3 oylikdan 2 yoshgacha bo‘lgan bolalar, kattaroq yoshli bolalar va kattalarda amoksitsillinning yarim chiqarilish davri bir xil. Juda kichik yoshli bolalarda (shu jumladan, chala tug‘ilgan chaqaloqlarda) hayotining birinchi haftasida buyraklar orqali chiqarish yo‘li yetilmaganligi sababli, preparatni kuniga ikki martadan ortiq yuborish mumkin emas. Keksa yoshli shaxslarda buyraklar funktsiyasini pasayishi mumkinligi tufayli preparatning dozasini ehtiyotkorlik bilan tanlash va zarurat bo‘lgandabuyraklar funktsiyasini muntazam tekshirish kerak.
Buyrak yetishmovchiligi
Amoksitsillin/klavulanat kislotasining plazmadan umumiy klirensi buyraklar funktsiyasini pasayishiga proportsional ravishda pasayadi. Klirensni pasayishi klavulan kislotasiga nisbatan amoksitsillinda yaqqolroq kechadi.
Jigar yetishmovchiligi
Jigar yetishmovchiligi bo‘lgan patsiyentlarga preparat ehtiyotkorlik bilan buyuriladi va jigar funktsiyasini muntazam nazorat qilinadi.

Qo‘llanishi
Amoksiklav kattalar va bolalarda quyidagi infektsiyalarni davolash uchun qo‘llanadi
og‘ir otolaringologik infektsiyalar (masalan, mastoidit, peritonzillyar abstsess, epiglottit, kasallikning tizimli ko‘rinishlarini og‘ir belgilari bo‘lgan sinusit);
surunkali bronxitni zo‘rayishi (muvofiq ravishda tashhis qo‘yilganida);
kasalxonadan tashqari pnevmoniya;
sistit;
piyelonefrit;
teri va yumshoq to‘qimalarning infektsiyalari, xususan teri osti yog‘ kletchatkasining yallig‘lanishi, hayvonlar tishlashi oqibatidagi jarohatlar, tishlarning tarqalgan flegmonali og‘ir abstsesslari;
suyak va bo‘g‘imlarning infektsiyalari, xususan osteomiyelit;
intraabdominal infektsiyalar;
ayollarda jinsiy a'zolar infektsiyalari.
Katta yoshli shaxslarda yirik jarrohlik aralashuvlari, shu jumladan quyidagi sohalarda o‘tkazilgan operatsiyalar bilan bog‘liq infektsiyalarni oldini olish
me'da-ichak yo‘llari;
chanoq bo‘shlig‘i;
bosh va bo‘yin;
o‘t-safro yo‘llari.
Antibakterial preparatlarni muvofiq ravishda qo‘llash bo‘yicha rasmiy qo‘llanmalarni hisobga olish kerak.


Qo‘llash usuli va dozalari

Agar dozasi alohida komponentining miqdoriga mos kelishi ko‘rsatilmagan bo‘lsa, dozalar amoksitsillin/klavulan kislotasining miqdorini ko‘rsatadi.
Konkret infektsiyalarni davolash uchun Amoksiklavning dozasini tanlashda quyidagi omillarni hisobga olish kerak
taxmin qilingan qo‘zg‘atuvchilar va ularni antibakterial preparatlarga sezuvchanligi;
infektsiyaning og‘irligi va joylashishi;
yoshi, tana vazni va buyraklar funktsiyasi, keyinroq ko‘rsatilgan.
Preparatning ushbu dori shakli quyida keltirilgan tavsiyalarga muvofiq qo‘llanganda amoksitsillinning umumiy sutkalik dozasi 3000 mg va klavulan kislotasini 600 mg bo‘lishini ta'minlaydi. Amoksitsillinning yuqori sutkalik dozalarini qo‘llash zarurati bo‘lganida, klavulan kislotasining ko‘zda tutilmagan yuqori sutkalik dozalarini yuborishni oldini olish maqsadida, amoksitsillin/klavulanat kislotasining vena ichiga yuboriladigan boshqa dori shaklini tanlash tavsiya qilinadi.
Davolashning davomiyligi patsiyentning davolashga javob reaktsiyasiga qarab aniqlanadi. Ayrim infektsiyalar (masalan, osteomiyelit) uzoqroq davolashni talab etadi. Davolashning davomiyligi o‘zgartirishsiz 14 kundan oshmasligi kerak (
Maxsus ko‘rsatmalar
bo‘limidagi davolashning davomiyligi bo‘yicha ma'lumotga qarang).
Amoksitsillin/klavulan kislotasini yuborish tez-tezligi bo‘yicha mahalliy qo‘llanmalarni hisobga olish kerak.
Kattalar va tana vazni 40 kg va undan katta bolalar
“Qo‘llanishi” bo‘limida keltirilgan infektsiyalarni davolash 1000 mg/200 mg dan har 8 soatda yuboriladi.
Intraoperatsion profilaktika
Davomiyligi 1 soatdan kam bo‘lgan jarrohlik aralashuvlarida narkozga kirish vaqtida tavsiya qilingan 1000 mg/200 mg dan 2000 mg/200 mg gacha dozalarda yuboriladi (vena ichiga yuboriladigan boshqa dori shakllari hisobiga 2000 mg/200 mg dozaga erishish mumkin). Davomiyligi 1 soatdan ortiq bo‘lgan jarrohlik aralashuvlarida narkozga kirish vaqtida tavsiya qilinadigan dozalar 1000 mg/200 mg dan 2000 mg/200 mg ni tashkilqiladi, 24 soat davomida 1000 mg/200 mg dozada maksimum uch marta yuboriladi. Operatsiya vaqtida infektsiyaning aniq klinik belgilarini aniqlash operatsiyadan keyingi davrda antibiotiklarni vena ichiga yuborib yoki og‘iz orqali qabul qilib davolashning odatdagi kursini o‘tkazish zarurati bilan ifodalanadi.
Tana vazni 40 kgdan kam bo‘lgan bolalar
Tavsiya qilingan dozalari
3 oylik va undan katta bolalar tana vazniga 25 mg/5 mg dan har 8 soatda yuboriladi.
3 oylikkacha yoki tana vazni 4 kg dan kam bo‘lgan bolalar tana vazniga 25 mg/5 mg dan har 12 soatda yuboriladi.
Keksa yoshli patsiyentlar
Dozaga tuzatish kiritish talab qilinmaydi.
Buyrak yetishmovchiligi
Dozaga tuzatish kiritish amoksitsillinni tavsiya qilingan maksimal darajasidan kelib chiqib amalga oshiriladi.
Kreatinin klirensi (KK) ko‘rsatkichlari minutiga 30 ml dan yuqori bo‘lgan patsiyentlarga dozaga tuzatish kiritish talab qilinmaydi.
Kattalar va tana vazni 40 kg va undan katta bo‘lgan bolalar
KK minutiga 10-30 ml
Boshlang‘ich doza 1000 mg/200 mg, so‘ngra 500 mg/100 mg dan kuniga ikki marta yuboriladi.
KK minutiga 10 mldan kam
Boshlang‘ich doza 1000 mg/200 mg, so‘ngra 500 mg/100 mg dan har 24 soatda yuboriladi.
Gemodializ
Boshlang‘ich doza 1000 mg/200 mg, so‘ngra 500 mg/100 mg dan har 24 soatda, dializ yakunida qo‘shimcha 500 mg/100 mg doza (zardobda amoksitsillin va klavulan kislotasining kontsentratsiyasi pasayganligi sababli) yuboriladi.
Tana vazni 40 kgdan kam bo‘lgan bolalar
KK minutiga 10-30 ml
Tana vazniga 25 mg/5 mg dan har 12 soatda yuboriladi.
KK minutiga 10 mldan kam
Tana vazniga 25 mg/5 mg dan har 24 soatda yuboriladi.
Gemodializ
Tana vazniga 25 mg/5 mg dan har 24 soatda, dializ yakunida tana vazniga qo‘shimcha 12,5 mg/2,5 mg doza (zardobda amoksitsillin va klavulan kislotasining kontsentratsiyasi pasayganligi sababli) yuboriladi.

Jigar yetishmovchiligi
Davolash ehtiyotkorlik bilan olib boriladi. Jigar funktsiyasini muntazam monitoring qilish shart (
Qo‘llash mumkin bo‘lmagan holatlar
va
Maxsus ko‘rsatmalar
'ga qarang).
Qo‘llash usuli
Vena ichiga yuborish uchun mo‘ljallangan.
Preparat venaga to‘g‘ridan-to‘g‘ri 3-4 minut davomida vena ichiga sekin in'ektsiya ko‘rinishida yoki tomchilagich orqali 30-40 minut davomida infuziya ko‘rinishida yuboriladi.
Amoksiklav mushak ichiga yuborish uchun mo‘ljallanmagan.
3 oylikdan kichik bo‘lgan bolalarga Amoksiklavni faqat infuziya holida yuborish mumkin. Amoksiklav bilan davolashni vena ichiga yuboriladigan dori shakli bilan boshlash, agar konkret bir patsiyent uchun maqsadga muvofiq deb hisoblansa, peroral dori shakli bilan tugatish mumkin.
Vena ichiga in'ektsiya uchun
Flakonning ichidagisi in'ektsiya uchun 20 ml hajmdagi suv bilan quyidagi hajmda suyultiriladi
Amoksiklav 500/100mg uchun 10ml
Amoksiklav 1000 mg/200 mg uchun20ml.
Suyultirilgan eritma och-sariq rangda bo‘ladi.
Eritma tayyorlangandan keyin darhol 20 minut davomida qo‘llash yoki vena ichiga infuziya uchun suyultirish kerak.
Yuborish uchun faqat tiniq eritma yaroqlidir.
Vena ichiga infuziya uchun
Amoksiklavni 500 mg/100 mg suyultirilgan eritma ko‘rinishda (10 ml in'ektsiya uchun suvda) 50 ml infuzion eritmaga, Amoksiklav 1000 mg/200 mg suyultirilgan eritma ko‘rinishda (20 ml in'ektsiya uchun suvda)esa 100 ml infuzion eritmaga qo‘shiladi.
Suyultirilgan eritma och-sariq rangda bo‘ladi.
Nomutanosiblik
Dori vositasini qon va uning hosilalari, oqsil gidrolizatlari yoki vena ichiga yuboriladigan lipid emulsiyalariga o‘xshash boshqa oqsil suyuqliklari bilan aralashtirish mumkin emas. Agar Amoksiklav aminoglikozidlar bilan birga buyurilsa, antibiotiklarni bitta shpritsda, tomchilagichda yoki turli xil boshqa infuzion sistemalarda aralashtirish mumkin emas, chunki bu sharoitda aminoglikozidlarning faolligini yo‘qolishi yuz berishi mumkin.
Boshqa dori vositalari bilan aralashtirilmasin.
Amoksitsillinni aminoglikozidlarga nisbatan faolsizlantiruvchi ta'siri sababli, ularni in vitro sharoitida aralashtirishdan saqlanish kerak.

Nojo‘ya ta'sirlari
Nojo‘ya samaralar rivojlanish tez-tezligini tasniflash uchun quyidagi mezonlar ishlatilgan
Juda tez-tez(≥1/10),
Tez-tez(≥1/100 dan <1/10 gacha),
Tez-tez emas (≥1/1000 dan <1/100 gacha),
Kam hollarda (≥1/10000 dan <1/1000 gacha),
Juda kam hollarda(<1/10000),
Tez-tezligi noma'lum (ma'lum bo‘lgan ma'lumotlar bo‘yicha baholash mumkin emas).
Eng ko‘p kuzatiladigan nojo‘ya reaktsiyalarga diareya, ko‘ngil aynishi va qusish kiradi.
Infektsion va parazitar kasalliklar
Tez-tez teri va shilliq qavatlar kandidozi;
Tez-tezligi noma'lum sezgir bo‘lmagan mikroorganizmlarni haddan tashqari ko‘payishi;
Qon va limfatik tizimi tomonidan buzilishlar
Kam hollarda qaytuvchi leykopeniya (shu jumladan neytropeniya), trombotsitopeniya;
Tez-tezligi noma'lum qaytuvchi agranulotsitoz, gemolitik anemiya, qon ketish vaqti va protrombin vaqtini uzayishi;
Immun tizim tomonidan buzilishlar
Tez-tezligi noma'lum angionevrotik shish, anafilaksiya, zardob kasalligiga o‘xshash sindrom, allergik vaskulit;
Nerv tizimi tomonidan buzilishlar
Tez-tez emas bosh aylanishi, bosh og‘rig‘i;
Tez-tezligi noma'lum tirishishlar; (“Ehtiyotkorlikchoralari”ga qarang), aseptik meningit.
Qon tomirlari tomonidan buzilishlar
Kam hollarada tromboflebit ( yuborishi joyida).
Me'da-ichak yo‘llari tomonidan buzilishlar
Tez-tez diareya;
Tez-tez emas ko‘ngil aynishi, qusish, ovqatni hazm bo‘lmasligi;
Tez-tezligi noma'lum antibiotiklarni qo‘llash oqibatidagi kolit (shu jumladan, soxtamembranoz kolit va gemorragik kolit,
Maxsus ko‘rsatmalar
'ga qarang);
Jigar va o‘t-safro chiqarish yo‘llari tomonidan buzilishlar
Tez-tez emas AST va ALT darajalarini oshishi (o‘rtacha oshishi beta-laktam antibiotiklarini qabul qilgan patsiyentlarda kuzatilgan, biroq bu kuzatishlarni ahamiyati noma'lum);
Tez-tezligi noma'lum gepatit, xolestatik sariqlik (bu nojo‘ya ko‘rinishlar boshqa penitsillinlar va sefalosporinlarni qo‘llash fonida kuzatilgan,
Maxsus ko‘rsatmalar
'ga qarang);
Teri va teri osti to‘qimalari tomonidan buzilishlar
Terida o‘ta yuqori sezuvchanlikning har qanday reaktsiyalari rivojlanganida davolashni to‘xtatish kerak (“Ehtiyotkorlik choralari”ga qarang);
Tez-tez emas teri toshmalari, qichishishi, eshakemi;
Kam hollarda ko‘pshaklli eritema;
Tez-tezligi noma'lum Stivens-Djonson sindromi, toksik epidermal nekroliz, bullyoz eksfoliativ dermatit, o‘tkir yoyilgan ekzantematoz pustulez (“Ehtiyotkorlikchoralariga“ qarang), eoziniofiliya vatizimlisimptomlar – bilan birga kechuvchi dori vositasiga reaktsiya (DRESS - sindrom);
Buyraklar va siydik chiqarish yo‘llari tomonidan buzilishlar
Tez-tezligi noma'lum interstitsial nefrit, kristalluriya.



Qo‘llash mumkin bo‘lmagan holatlar

Preparatning faol moddalariga yoki har qanday penitsillinlarga o‘ta yuqori sezuvchanlik.
Anamnezida boshqa beta-laktam preparatlariga (masalan, sefalosporinlar, karbapenemlar yoki monobaktamlarga) darhol tur (masalan, anafilaksiya) o‘ta yuqori sezuvchanlik og‘ir reaktsiyalari.
Sariqlik yoki anamnezda amoksitsillin/klavulan kislotasini qo‘llash fonidagi jigarning boshqa shikastlanishida qo‘llash mumkin emas.

Dorilarning o‘zaro ta'siri
Peroral antikoagulyantlar
Amoksitsillin bilan davolash kursi fonida atsenokumarol yoki varfarin bilan tutib turuvchi davolanayotgan patsiyentlarda xalqaro normallashtirilgan nisbatni oshish hollari ta'riflangan. Bir vaqtda buyurish zarurati tug‘ilganda davolashni boshlash vaqtida va amoksitsillin bekor qilinganida protrombin vaqti yoki xalqaro normallashtirilgan nisbatni sinchiklab monitoring qilish kerak. Bundan tashqari, peroral antikoagulyantlarning dozalariga tuzatish kiritish talab qilinishi mumkin.
Metotreksat
Penitsillinlar metotreksatning chiqarilishini pasaytirishi mumkin, bu potentsial uning toksikligini oshishiga olib keladi.
Probenetsid
Probenetsidni yondosh qo‘llash tavsiya etilmaydi. Ular buyrak naychalarida amoksitsillinning sekretsiyasini pasaytiradi. Probenetsidni Amoksiklav bilan bir vaqtda qo‘llash qonda amoksitsillinning darajasini oshishiga (ammo klavulan kislotasini emas) va ularni uzoq vaqt tutilib qolishiga olib kelishi mumkin.
Mikofenolat mofetil
Mikofenolat mofetil qabul qiluvchi patsiyentlarda amoksitsillin va klavulan kislotasi preparatini peroral qo‘llash boshlangandan so‘ng, faol metaboliti - metofenol kislotasini (MFK) kontsentratsiyasini taxminan 50% ga pasayishi, mikofenolat mofetilni keyingi dozalarini qabul qilishdan oldin kuzatilgan. Bunday MFK kontsentratsiyasini navbatdagi dozalarni qabul qilishdan oldin o‘zgarishi, MFK ning umumiy ekspozitsiyasini o‘zgarishi haqida guvohlik berishi shart emas. Shu sababli, transplantat disfunktsiyasini klinik belgilari bo‘lmaganda, odatda mikofenolat mofetil dozasini o‘zgatirish zarurati yo‘q. Shunday majmuaviy davolash vaqtida va antibiotik bilan davolash tugagandan biroz vaqt o‘tgandan keyin sinchkov tibbiy kuzatuv kerak.


Maxsus ko‘rsatmalar

Amoksitsillin/klavulan kislotasi bilan davolashni boshlashdan oldin penitsillinlar, sefalosporinlar yoki boshqa beta-laktam preparatlariga o‘ta yuqori sezuvchanlik reaktsiyalarini borligi yuzasidan sinchiklab anamnezni yig‘ish kerak (
Qo‘llash mumkin bo‘lmagan holatlar
va “Nojo‘ya ta'sirlari ga qarang).
Penitsillinlar bilan davolash fonida jiddiy va davriy o‘limga olib keluvchi o‘ta yuqori sezuvchanlik reaktsiyalari (anafilaktoid reaktsiyalar) kuzatilgan. Ular ko‘proq anamnezida atopiyasi va penitsillinlarga o‘ta yuqori sezuvchanlik reaktsiyalari bo‘lgan patsiyentlarda rivojlanadi. Allergik reaktsiyalar rivojlanganida Amoksiklav bilan davolashni to‘xtatish va boshqa muvofiq keluvchi antibakterial preparatlarni buyurish kerak.
Amoksitsillinga infektsiya qo‘zg‘atuvchilarni sezuvchanligi isbotlangan hollarda, rasmiy qo‘llanmalarga muvofiq Amoksiklavdan amoksitsillinga o‘tish variantini ko‘rib chiqish kerak.
Agar taxmin qilinayotgan qo‘zg‘atuvchilar klavulan kislotasining ingibitsiya qiluvchi ta'siriga sezgir, beta-laktamazalar bilan bog‘liq bo‘lmagan, beta-laktam preparatlarga rezistentlik xavfi yuqori bo‘lsa, preparatning ushbu dori shakli qo‘llash uchun yaroqsizdir.
T>MBK uchun aniq ma'lumotlarni yo‘qligi, shuningdek solishtirib bo‘ladigan dori shakllari uchun ma'lumotlarni cheklanganligi sababli, ushbu dori shakli (amoksitsillinni qo‘shimcha yubormasdan) penitsillinga chidamli S.pneumoniae chaqirgan infektsiyalarni davolash uchun yaroqli emas.
Buyraklar funktsiyasi buzilishi bo‘lgan yoki preparatning yuqori dozalari bilan davolanayotgan patsiyentlarda, tirishishlar rivojlanishi mumkin.
Infektsion mononukleozga gumon qilingan hollarda, Amoksiklav bilan davolashga yo‘l qo‘ymaslik kerak, chunki ko‘rsatilgan kasallik fonida amoksitsillin qo‘llangandan so‘ng, qizamiqqa o‘xshash toshmalarni paydo bo‘lishi kuzatilgan.
Amoksitsillin bilan davolash vaqtida allopurinolni yondosh qo‘llash potentsial terida allergik reaktsiyalarni rivojlanish ehtimolini oshiradi.
Preparatni davomli qo‘llash sezgir bo‘lmagan mikroorganizmlarni haddan tashqari ko‘payishiga olib kelishi mumkin.
Davolashni boshida isitmali va pustulalar hosil bo‘ladigan tarqoq eritemani rivojlanishi o‘tkir yoyilgan ekzantematoz pustulyozning potentsial simptomi hisoblanadi (“Nojo‘ya ta'sirlari”ga qarang). Bunday reaktsiya Amoksiklav bilan davolashni to‘xtatishni talab qiladi va keyinchalik amoksitsillinni yuborishga qarshi ko‘rsatma hisoblanadi.
Jigar yetishmovchiligi bo‘lgan patsiyentlarda preparat bilan davolash ehtiyotkorlik bilan o‘tkazilishi kerak.
Jigar tomonidan kuzatiladigan nojo‘ya ko‘rinishlar asosan erkaklar va keksa yoshli patsiyentlarda kuzatilgan va potentsial uzoq muddatli davolash bilan bog‘liq bo‘lgan. Bu noxush ko‘rinishlar juda kam hollarda bolalarda kuzatilgan. Barcha guruh patsiyentlarda belgilar va simptomlar odatda davolash vaqtida yoki davolashdan so‘ng qisqa muddatda kuzatiladi, biroq ayrim hollarda ular davolash to‘xtatilganidan so‘ng bir necha hafta davomida namoyon bo‘ladi. Odatda ular qaytuvchan xarakterga ega. Jigar tomonidan og‘ir noxush ko‘rinishlar rivojlanishi mumkin, juda kam hollarda o‘lim hollari kuzatilgan. Ular deyarli hamisha jiddiy asosiy kasalliklari bo‘lgan yoki jigarni shikastlash qobiliyatiga ega yondosh dori preparatlarni qabul qilgan patsiyentlar orasida kuzatilgan (“Nojo‘ya ta'sirlari”ga qarang).
Deyarli barcha antibakterial preparatlar, shu jumladan amoksitsillin bilan davolash fonida kuzatiladigan antibiotikni qo‘llash bilan bog‘liq kolit hollari, og‘irligi bo‘yicha yengildan hayotga xavf soluvchi darajagacha bo‘lishi mumkin (“Nojo‘ya ta'sirlari”ga qarang). Bu tashhisni diareya bo‘lgan patsiyentlarda antibiotiklar bilan davolash vaqtida yoki har qanday davolash kursi tugaganidan so‘ng taxmin qilish muhim. Antibiotiklarni qo‘llanishi bilan bog‘liq kolit rivojlanganda Amoksiklav bilan davolash darhol to‘xtatiladi; shifokorga murojaat qilinadi va tegishli davolash o‘tkaziladi. Ushbu vaziyatlarda ichak peristaltikasini susaytiruvchi vositalarni qabul qilish mumkin emas.
Uzoq muddat davolash vaqtida turli a'zolar tizimini, shu jumladan, buyraklar, jigar va qon yaratish a'zolari funktsiyasini vaqti-vaqti bilan baholash tavsiya qilinadi.
Preparatni qabul qilish fonida kam hollarda protrombin vaqtini uzayishi kuzatilgan. Antikoagulyantlar bilan bir vaqtda qabul qilinganda albatta qon ivishini nazorat qilish kerak. Antikoagulyatsiyani hohlangan darajasiga erishish uchun peroral antikoagulyantlarning dozalarini tuzatish talab qilinishi mumkin.
Buyrak yetishmovchiligi bo‘lgan patsiyentlarda, yetishmovchilik darajasiga qarab preparatning dozasiga tuzatish kiritish kerak (
Qo‘llash usuli va dozalari
ga qarang).
Diurezi pasaygan patsiyentlarda kam hollarda, asosan parenteral davolash fonida kristalluriya kuzatilgan. Amoksitsillinning yuqori dozalari bilan davolash vaqtida amoksitsillinni qo‘llash bilan bog‘liq kristalluriyani rivojlanish ehtimolini pasaytirish maqsadida yetarli miqdorda suyuqlik ichish tavsiya qilinadi. Qovuqga kateter o‘rnatilgan patsiyentlarda uning o‘tkazuvchanligini muntazam nazorat qilish kerak.
Amoksitsillin bilan davolash vaqtida siydikdagi gulyukoza darajasini baholash glyukozooksidaza bilan fermentativ usullar yordamida o‘tkaziladi, chunki nofermentativ usullar ba'zan soxta musbat natijalarni berishi mumkin.
Amoksiklav tarkibida klavulan kislotasini bo‘lishi IgG va albuminni eritrotsitlarning membranalari bilan nospetsifik bog‘lanishini chaqirishi mumkin, bu Kumbs sinamasining soxta musbat natijalariga sabab bo‘lishi mumkin.
Preparatni qabul qiluvchi patsiyentlarda Aspergillus ga o‘tkazilgan immunoferment tahlilida (IFA) musbat natijalari hollari ham kuzatilgan, keyinchalik Aspergillusinfektsiyasi chaqirmaganligi aniqlangan. Aspergillus ga IFA testi doirasida noaspergilyoz polisaxaridlar va polifuranozalar bilan qarama-qarshi reaktsiyalar kuzatilgan. Amoksiklav qabul qilayotgan patsiyentlarda tahlillarni musbat natijalar ehtiyotkorlik bilan tahlil qilinishi va boshqa tashxis usullari bilan tasdiqlanishi kerak.
Amoksiklav 1000 mg/200 mg in'ektsion eritma tayyorlash uchun kukun 1 mmol (39 mg) kaliy saqlaydi. Buni buyraklar funktsiyasi susaygan patsiyentlarda yoki kaliyning miqdorini nazorat qilinuvchi parhezga rioya qiladigan patsiyentlarda hisobga olinishi kerak.
Amoksiklav 500 mg/100 mg in'ektsion eritma tayyorlash uchun kukun 1 mmol (39 mg) kaliy saqlaydi, ya'niamalda kaliysizpreparat hisoblanadi.
Amoksiklav 1000 mg/200 mg in'ektsion eritma tayyorlash uchun kukun taxminan 2,7 mmol (63 mg) natriy, Amoksiklav 500 mg/100 mg esa 1,4mmol (31,5mg) natriysaqlaydi. Buni natriyning miqdori nazorat qilinuvchi parhezga rioya qiladigan patsiyentlarda hisobga olish kerak.
Homiladorlik va emizish
Preparatni qo‘llash bo‘yicha cheklangan ma'lumotlar homiladorlik davrida tug‘ma nuqsonlar rivojlanishini xavfi oshishini ko‘rsatmaydi.
Homila pardalarini muddatidan oldin yorilishi kuzatilgan ayollarda amoksitsillin/klavulan kislotasi bilan profilaktik davolash, yangi tug‘ilgan chaqaloqlarda potentsial nekrotik enterokolitning yuqori xavfi bilan bog‘liqligi aniqlangan. Shifokor homiladorlik davrida davolash zarur deb hisoblamasa, preparatni qo‘llashdan saqlanish kerak.
Har ikkala faol modda ko‘krak sutiga chiqariladigan (emizikli bolalarda klavulan kislotasining ta'siri bo‘yicha ma'lumotlar yo‘q). Emizikli bolalarda diareya va shilliq qavatlarning zamburug‘li infektsiyalari rivojlanishi mumkin, bu emizishni to‘xtatishni talab qilishi mumkin. Sensibilizatsiyani rivojlanishi ehtimolini e'tiborga olish lozim. Emizish davrida shifokor tomonidan foyda va xavf nisbati baholangandan so‘ng preparat bilan davolash mumkin.
Transport vositalarini boshqarish va mexanizmlar bilan ishlash qobiliyatiga ta'siri
Tadqiqotlar o‘tkazilmagan. Ushbufunktsiyalarnibajarilishigapotentsial ta'sir qiluvchi nojo‘ya samaralar (masalan, allergik reaktsiyalar, bosh aylanishi, tirishishlar) rivojlanishi mumkin.


Dozani oshirib yuborilishi

Me'da-ichak yo‘llari tomonidan buzilishlar, shuningdek suv-elektrolit muvozanatini buzilishi rivojlanishi mumkin. Ba'zida buyrak yetishmovchiligiga olib keluvchi, amoksitsillinni qo‘llash bilan bog‘liq kristalluriya kuzatilgan.
Buyraklar funktsiyasi buzilishi bo‘lgan yoki yuqori dozalarda davolangan patsiyentlarda tirishishlar kuzatilishi mumkin.
Amoksitsillin asosan vena ichiga yuqori dozalarda yuborilganidan so‘ng siydik kateterlarida cho‘kmalar hosil bo‘ladi. Kateterlarning o‘tkazuvchanligini muntazam nazorat qilish kerak.
Me'da-ichak yo‘llari tomonidan buzilishlar simptomatik davolaniladi, bunda asosiy e'tiborni suv-elektrolit muvozanatini tiklashga qaratish kerak.
Amoksitsillin va klavulan kislotasi organizmdan gemodializ yo‘li bilan chiqarilishi mumkin.


Chiqarilish shakli

Rezina tiqin bilan berkitilgan, itarib ochiladigan plastik qaytarma qopqoqli alyumin qalpoqchalar bilan siqilgan flakonlar.
5 flakondan qo‘llash bo‘yicha yo‘riqnomasi bilan birgamarkirovkali karton qutiga joylangan.


Saqlash sharoiti

Bolalar ololmaydigan joyda saqlansin.
25°C dan yuqori bo‘lmagan haroratda saqlansin.
Tayyorlanagan eritmalarni muzlatish mumkin emas.
Suyultirilgan eritmalarni barqarorligi
Vena ichiga yuboriladigan infuzion muhitlar
25oS dagi barqarorligi
5oS dagi barqarorligi
In'ektsiya uchun suv
4 soat
8 soat
Vena ichiga infuziya uchun 0,9% li natriy xloridi eritmasi
4 soat
8 soat
Vena ichiga infuziya uchun Ringer laktat eritmasi
3 soat

Kaliy xloridi (1 M) yoki natriy xloridi (1 M) eritmasi
3 soat


Amoksiklav eritmasini 5°C da saqlash uchun oldindan sovutilgan infuzion qopchalarga in'ektsion suv yoki 0,9% li natriy xloridi eritmasi qo‘shiladi, undan keyin 5oS da 8 soatgacha saqlash mumkin. Eritma xona haroratiga yetganidan so‘ng darhol infuziya qilish lozim.


Yaroqlilik muddati

2 yil. O‘ramida ko‘rsatilgan yaroqlilik muddati tugagandan keyin ishlatilmasin.


Dorixonalardan berish tartibi

Retsept bo‘yicha.
Faqat statsionar sharoitida qo‘llash uchun.