Preparatning savdo nomi
Furasol
Ta'sir etuvchi modda (XPN) furazidin

Dori shakli
sirtga qo‘llash uchun eritma tayyorlash uchun kukun

Tarkibi

Har bir paketcha quyidagilarni saqlaydi
faol modda furazidin kaliy - 100,0 mg;
yordamchi modda natriy xloridi - 900,0 mg.
Kukunning umumiy massasi – 1000,0 mg.
Ta'rifi to‘q sariq-jigarrang rangli yirik kukun.

Farmakoterapevtik guruhi
antibakterial sintetik vosita (nitrofuranlar guruhi).
ATX kodi A01AV11


Farmakologik xususiyatlari

Mikroblarga qarshi vosita, nitrofuran hosilasi. Grammusbat kokklar (Staphylococcus spp., Streptococcus spp.), grammanfiy tayoqchalar (E. coli, Salmonella spp., Shigella spp., Klebsiella spp.) ga nisbatan samarali. Plasmodium aeruginosa, Enterococcus spp., Acinetobacter spp., Proteus spp., Serratia spp. ning ko‘pgina shtammlari chidamli. Ta'sir mexanizmi nuklein kislotalarini sintezini ingibitsiya qilinishi bilan bog‘liq. Kontsentratsiyaga qarab bakteritsid yoki bakteriostatik ta'sir ko‘rsatadi.
Ko‘pgina bakteriyalarga nisbatan bakteriostatik kontsentratsiyasi 10-20 mkg/ml dan yuqorini tashkil etadi. Bakteritsid kontsentratsiyasi taxminan 2 marta yuqori. Nitrofuranlar ta'siri ostida mikroorganizmlarda nafas zanjiri va trikarbon kislotalari siklining (Krebs sikli) faolligini susayishi, shuningdek boshqa biokimyoviy jarayonlarni susayishi yuz beradi, bu ularning qobig‘ini yoki sitoplazmatik membranasini parchalanishiga olib keladi. Nitrofuranlar komplementning titri va leykotsitlarning mikroorganizmlarni fagotsitoz qilish qobiliyatini oshiradi. Dori vositasi teri qoplamalari va shilliq qavatlarda qo‘llanilganda ta'sirlovchi samara va og‘riq hislarini chaqirmaydi.





Qo‘llanilishi

Og‘iz bo‘shlig‘i, og‘iz-halqumning infektsion-yallig‘lanish kasalliklari, infektsiyalangan yaralarni majmuaviy davolashda sirtga qo‘llash uchun buyuriladi.


Qo‘llash usuli va dozalari

Sirtga qo‘llash uchun buyuriladi.
Eritmani qo‘llashdan bevosita oldin tayyorlanadi. Tayyorlangan eritmani saqlash mumkin emas.
Og‘iz bo‘shlig‘i, og‘iz-halqumning infektsion-yallig‘lanish kasalliklarini majmuaviy davolashda
-Paketcha ichidagisi bir stakan (200 ml) issiq qaynatilgan suvda eritiladi va iliq eritma og‘iz va og‘iz-halqumni kuniga 2-3 marta chayish uchun qo‘llanadi.
Infektsiyalangan yaralarni majmuaviy davolashda
-Paketcha ichidagisi bir stakan (200 ml) issiq qaynatilgan suvda yoki distillangan suvda eritiladi. Iliq eritma infektsiyalangan yaralarga kuniga 1-2 marta ishlov berish uchun qo‘llanadi.

Nojo‘ya ta'sirlari
Barcha dori vositalari kabi Furasol nojo‘ya ta'sirlar chaqirishi mumkin.
MedDRA (Reglamentar faoliyat terminologiyasining tibbiy lug‘ati) tasnifi tizimi bo‘yicha nojo‘ya ta'sirlarning tez-tezligi
Juda tez-tez (≥1/10); tez-tez (≥1/100 dan 1/10 gacha); tez-tez emas (≥1/1000 dan 1/100 gacha); kam hollarda (≥1/10000 dan 1/1000 gacha); juda kam hollarda (<1/10000); noma'lum (mavjud ma'lumotlar asosida baholab bo‘lmaydi).
Teri va teri osti to‘qimalari tomonidan buzilishlar juda kam hollarda – allergik reaktsiyalar.
Allergik reaktsiyalar rivojlangan hollarda darhol preparatni qo‘llashni to‘xtatish va shifokorga murojaat etish kerak (antigistamin preparatlari, kaltsiy xloridi va V guruhi vitaminlari qabul qilish tavsiya etiladi).


Qo‘llash mumkin bo‘lmagan holatlar

Furazidin kaliyga yoki nitrofuran qatori boshqa preparatlariga yuqori sezuvchanlik. Allergik dermatit. Homiladorlik va emizish davri.
Og‘iz bo‘shlig‘i va og‘iz-halqumni chayish uchun 4 yoshdan kichik bolalarda qo‘llash mumkin emas (bola xali og‘iz bo‘shlig‘i va og‘iz-halqumni chayishni bilmaydi).

Dorilarning o‘zaro ta'siri
Antibiotiklar bilan qo‘llanilganda sinergizm (samaradorlikni o‘zaro kuchayishi) ni namoyish qiladi.
Preparat bilan davolash vaqtida alkogolni iste'mol qilgan hollarda teri allergik reaktsiyalarini rivojlanish ehtimoli oshadi.


Maxsus ko‘rsatmalar

Eritma terini sariq rangga bo‘yaydi.
Homiladorlik va emizish davrida qo‘llanishi
Qo‘llash mumkin emas. Dori vositasini homiladorlik va emizish davrida qo‘llashning xavfsizligi haqida adekvat nazoratli klinik tadqiqotlar o‘tkazilmagan.
Transport vositalarini boshqarish va mexanizmlarga xizmat ko‘rsatish qobiliyatiga ta'siri
Preparat transport vositalarini boshqarish va mexanizmlarga xizmat ko‘rsatish qobiliyatiga ta'sir ko‘rsatmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin..

Dozani oshirib yuborilishi
Dozani oshirib yuborilishi holatlari ta'riflanmagan.


Chiqarilish shakli

1000,0 mg dan preparat laminat paketchalarga qadoqlanadi.
15 laminat paketchalar iste'molchilar uchun karton qutiga joylanadi.
Har bir qutiga qo‘llash bo‘yicha yo‘riqnomasi joylanadi.
Paketcha burunligi buzilganda ishlatilmasin.


Saqlash sharoiti

Quruq, 25°S dan yuqori bo‘lmagan haroratda saqlansin.


Yaroqlilik muddati

5 yil.


Dorixonalardan berish tartibi

Shifokor retseptisiz beriladi.


Ishlab chiqaruvchi
va qayd etish guvohnomasining egasi
“Olaynfarm” AJ
Manzili Rupnitsu ko‘ch. 5, Olayne, LV-2114, Latviya