Preparatning savdo nomi
Dermobakter®
Ta'sir etuvchi moddalar (XPN) benzolkoniy xloridi, xlorgeksidin diglyukonati.

Dori shakli
sirtga va mahalliy qo‘llash uchun eritma.

Tarkibi

100 ml eritma quyidagilarni saqlaydi
Faol moddalar 985 mg 50% li benzolkoniy xloridini eritmasi, bu 500 mg benzalkoniy xloridga to‘g‘ri keladi, 1065 mg 20% li xlorgeksidin diglyukonati eritmasi, bu 200 mg xlorgeksidin diglyukonatga to‘g‘ri keladi.
Yordamchi moddalar 30% li betain kokoalkil-dimetil eritmasi, etilen oksidini va propilen oksidining sopolimeri, gietelloza, limon kislotasi monogidrati, natriy sitrati, tozalangan suv.
Ta'rifi biroz qovushqoq, chayqatilganida ko‘piradigan, efir hidiga ega tiniq, rangsiz suyuqlik.

Farmakoterapevtik guruhi
antiseptik vosita.
ATX kodi D08AC52.


Farmakologik xususiyatlari

Benzalkoniy xloridi va xlorgeksidin keng ta'sir doirasiga ega antiseptik bo‘lib, grammusbat va grammanfiy mikroorganizmlarga bakteritsid ta'sir ko‘rsatadi, patogen zamburug‘larga, shu jumladan Candida albicans turidagi achitqisimon zamburug‘larga fungitsid ta'sir ko‘rsatadi. Antiseptik ta'siri bir minut davomida namoyon bo‘ladi. Yallig‘lanishda ajraladigan shirada preparatning faolligi kam darajada pasayadi.
Dermobakter teri qoplamlarining butunligini buzmasdan terini tozalaydi va dezinfektsiya qiladi, teri yuzasidan deyarli so‘rilmaydi.


Qo‘llanilishi

Infektsiyalangan teri va shilliq qavatlarni shikastlanishlarini davolash; teri va shilliq qavatlarni infektsiyalanishini oldini olish uchun qo‘llanadi.


Qo‘llash usuli va dozalari

Sirtga va mahalliy buyuriladi.
Eritma suyultirilgan yoki suyultirilmagan holda kuniga 1-2 marta qo‘llaniladi. Teri yuzasiga ishlov berish uchun suyultirilmagan eritma qo‘llanadi. Shilliq qavatlarga mahalliy ishlov berish uchun suvda 1/10 nisbatida suyultirilgan eritma qo‘llanadi. Suyultirilgan eritma bevosita qo‘llash oldidan tayyorlanadi va saqlanmasligi kerak.
Eritma bir tekis teri yoki shilliq qavatlarni surtiladi va keyin ko‘p miqdordagi suv bilan yuviladi.

Nojo‘ya ta'sirlari
Eritma suv bilan yaxshilab yuvib tashlanganida o‘tib ketuvchi teri va shilliq qavatlarning quruqligi terini ta'sirlanishi bo‘lishi mumkin; kontaktli ekzema.


Qo‘llash mumkin bo‘lmagan holatlar

Preparatning komponentlariga yuqori sezuvchanlik.
Ko‘z va eshitish yo‘lini shilliq qavatini yuvish uchun qo‘llash mumkin emas.

Dorilarning o‘zaro ta'siri
Boshqa mahalliy antiseptiklar bilan bir vaqtda qo‘llash mumkin emas (nomutanosiblik yoki samarasizlik xavfi). Agar avval sovun ishlatilgan bo‘lsa, u yaxshilab yuvib tashlanishi lozim.


Maxsus ko‘rsatmalar

Eritma bilan terining katta yuzalariga ishlov berilganida va uni germetik bog‘lov ostiga qo‘llanganda, xususan kuygan teriga yoki chala tug‘ilgan chaqaloq yoki go‘dak yoshidagi bolalarning shikastlangan terisiga qo‘llanganda, preparatning faol moddalarini tizimli ta'siri xavfi mavjud.
Xirurgik asboblar va moslamalarini dezinfektsiyasi uchun qo‘llanmasin.
Ishlatilganidan so‘ng flakon qopqog‘i bilan albatta berkitilsin.
Flakon ochilganidan keyin eritma 15 kungacha saqlansin.
Homiladorlik va laktatsiya davri
Preparat homiladorlik davrida qo‘llanganida zararli ta'siri aniqlangan emas; ta'sir etuvchi moddalarini teratogen xususiyatlarini ekspertizasi salbiy natijalar berdi.
Emizish davrida ko‘krak bezlariga ishlov berish uchun eritmani qo‘llash mumkin emas.
Dori vositasini transport vositalari yoki potentsial xavfli mexanizmlarni boshqarish qobiliyatiga ta'sir etish xususiyati
Ta'sir qilmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Aniqlanmagan.


Chiqarilish shakli

Oq rangli plastmassali taglik qo‘yilgan buraluvchi plastmassa qalpoqli, hajmi 125 ml yoki 300 ml li jigarrang tiniq plastmassa flakon. Bir flakondan karton qutida qo‘llash bo‘yicha yo‘riqnomasi bilan birga.


Saqlash sharoiti

25oS dan yuqori bo‘lmagan haroratda.


Yaroqlilik muddati

2 yil.


Dorixonalardan berish tartibi

Retseptsiz.

Qayd etish guvohnomasining egasi
Laboratoriya Innotek Internasional, Fransiya


Ishlab chiqaruvchi

Innotera Shuzi, Ryu Rene Shantero “L`Ils Ver”, 41150, Shuzi-Syur-Sis, Fransiya.