Preparatning savdo nomi
Levoglob
Ta'sir qiluvchi modda (XPN) levofloksatsin

Dori shakli
infuziya uchun eritma.

Tarkibi

100 ml eritma quyidagilarni saqlaydi
faol modda levofloksatsin gemigidrati levofloksatsin ko‘rinishida - 0,5 g;
yordamchi moddalar natriy xloridi, in'ektsiya uchun suv.
Ta'rifi och sariq yoki sarg‘ish-yashil rangli tiniq yoki biroz tovlanuvchan suyuqlik.

Farmakoterapevtik guruhi
Antibakterial sintetik vosita (ftorxinolonlar guruhi).
ATX kodi J01MA12


Farmakologik xususiyatlari

Ftorxinolonlar guruhiga mansub mikroblarga qarshi preparat. Keng antibakterial (bakteritsid) ta'sir doirasiga ega.
Preparat mikroorganizmlarni ko‘pchilik shtammlariga nisbatan faol
- aerob grammusbat bakteriyalar Sorynebacterium diphtheriae, Enterococcus faecalis, Listeria monocytogenes, Staphylococcus aureus, Staphylococcus epidermidis, Streptococcus pneumoniae, Streptococcus pyogenes, Streptococcus agalactiae, Viridans group streptococci;
- aerob grammanfiy bakteriyalar Acinetobacter spp. (shu jumladan Acinetobacter baumanii, Acinetobacter calcoaceticus, Acinetobacter anitratus), Acinobacilus actinomycetemcomitans, Bordetella pertussis, Citrobacter freundii, Citrobacter diversus, Eikenella corrodens, Enterobacter cloacae, Enterobacter aerogenes, Enterobacter agglomerans, Enterobacter sakazakii, Escherichia coli, Gardenella vaginalis, Haemophilus ducrey, Haemophilus influenzae, Haemophilus parainfluenzae, Klebsiella pneumoniae, Klebsiella oxytoca, Legionella pneumoniae, Moraxella catarrhalis, Morganella morganii, Neisseria gonorrhoeae, Neisseria meningitides, Pasteurella dogmatis, Pasterella multocida, Proteus mirabilis, Proteus vulgaris, Providencia stuartii, Providencia retgeri, Pseudomonas aeruginosa, Pseudomonas fluorescens, Salmonella spp., Serratia spp. (shu jumladan Serratia marcescens);
- anaerob grammusbat bakteriyalar Clostridium perfringens, Peptostreptococcus, Propionibacterium spp.;
- anaerob grammanfiy bakteriyalar Bacteroides fragillis, Bartonella spp. Bifidobacterium spp., Fusobacterium spp., Veillonella spp.;
- hujayra ichki parazitlar Chlamydia pneumoniae, Chlamydia psittaci, Chlamydia trachomatis, Mycoplasma pneumoniae


Qo‘llanilishi

Levofloksatsinga sezgir mikroorganizmlarning shtammlari chaqirgan yengil, o‘rtacha va og‘ir infektsiyalarni davolash
- Streptococcus pneumoniae, Haemophilus influenzae, Moraxella catarrhalis chaqirgan o‘tkir sinusit;
- Bakterial infektsiyalar (Staphylococcus aureus, Streptococcus pneumoniae, Haemophilus influenzae, Haemophilus parainfluenzae, Moraxella catarrhalis) bilan bog‘liq bo‘lgan surunkali bronxitni zo‘rayishi;
- Staphylococcus aureus, Streptococcus pneumoniae (shu jumladan penitsillinga chidamli shtammlari, penitsillinni MBK si ≥2 mkg/ml), Haemophilus influenzae, Haemophilus parainfluenzae, Klebsiella pneumoniae, Legionella pneumophila, Moraxella catarrhalis, Chlamydia pneumoniae yoki Mycoplasma pneumoniae chaqirgan kasalxonadan tashqari pnevmoniya;
- Staphylococcus aureus, Streptococcus pyogenes, Enterococcus faecalis, Proteus mirabolisning metitsillinga sezgir shtammlari chaqirgan teri va uning qo‘shimchalarini asoratlangan infektsiyalari;
- Streptococcus aereus yoki Streptococcus pyogenes chaqirgan teri va yumshoq to‘qimalarning asoratlanmagan infektsiyalari (engil va o‘rta og‘irlik darajasidagi), shu jumladan abstsess, flegmona, furunkul, impetigo, piodermiya, jarohat infektsiyasi;
- Escherichia coli, Klebsiella pneumoniae, Strahilococcus saprophyticus chaqirgan siydik-chiqarish yo‘llarining asoratlanmagan (engil va o‘rtacha og‘irlik darajadagi) infektsiyalari;
- Enterococcus faecalis, Enterobacter cloacae, Escherichia coli, Klebsiella pneeumoniae, Proteus mirabilis, Pseudomonas aeruginosa chaqirgan siydik-chiqarish yo‘llarining va buyraklarning asoratlangan (engil va o‘rta darajadagi) infektsiyalari;
- Escherichia coli chaqirgan o‘tkir piyelonefritda (engil va o‘rtacha og‘irlik darajadagi) qo‘llanadi.


Qo‘llash usuli va dozalari

Preparat vena ichiga tomchilab asta-sekin har 24 soatda 250-750 mg dan (250-500 mg doza 60 minut davomida, 750 mg - 90 minut davomida) yuboriladi. Keyinchalik xuddi shu dozada peroral qabulga o‘tish mumkin. Davolanish davomiyligi qo‘llashga ko‘rsatmalar, shuningdek taxmin qilingan qo‘zg‘atuvchining sezgirligiga bog‘liq. Tavsiya qilingan dozalash tartibiga qat'iy rioya qilish lozim. Tana harorati me'yorlashganidan keyin 2-3 kun davomida preparatni qo‘llashni davom ettirish tavsiya qilinadi. Preparat bilan davolashni mustaqil uzish yoki muddatidan oldin to‘xtatishga yo‘l qo‘yilmaydi.
Pnevmoniyada vena ichga 500 mg dan sutkada 1-2 marta 7-14 kun davomida yuboriladi.
Siydik-chiqarish yo‘llarining asoratlanmagan infektsiyalarida – vena ichiga 250 mg dan sutkada 1 marta 3 kun davomida. Siydik-chiqarish yo‘llarining va buyraklarning og‘ir infektsiyalarida vena ichiga yuborish uchun doza va davolanish muddati oshirilishi mumkin.
Teri va yumshoq to‘qimalarining infektsiyalarida - vena ichiga 500 mg dan sutkada 2 marta 7-14 kun davomida qo‘llanadi.
Pnevmokokklar va gospital infektsiya chaqirgan, Pseudomonas aeruginosa qo‘zg‘atuvchisi chaqirgan og‘ir pnevmoniyada, preparatni qo‘llash yetarli darajada samarali bo‘lmasligi mumkin va majmuaviy davolash talab qilinishi mumkin.
Buyrak faoliyatini buzilishlari bo‘lgan patsiyentlarda dozalash tartibiga tuzatish kiritish talab qilinadi. Kreatinin klirensining ko‘rsatkichiga bog‘liq holda preparatni quyidagi sxema bo‘yicha buyurish lozim
- kreatinin klirensi minutiga 50-20 ml bo‘lganida birinchi sutkada odatdagi doza yuboriladi, (kreatinin klirensi me'yorida bo‘lgan patsiyentlar uchun tavsiya qilingan), ikkinchi sutkadan boshlab – preparatning dozasi ikki martaga kamaytiriladi.
- kreatinin klirensi minutiga 19-10 ml bo‘lganida birinchi sutkada odatdagi doza yuboriladi, (kreatinin klirensi me'yorida bo‘lgan patsiyentlar uchun tavsiya qilingan), ikkinchi sutkadan boshlab – preparatning dozasi to‘rt martaga kamaytiriladi.
- kreatinin klirensi minutiga 10 ml dan kamligida (shu jumladan gemodializ va uzoq muddatli peritoneal dializda) birinchi sutkada odatdagi doza yuboriladi (kreatinin klirensi me'yorida bo‘lgan patsiyentlar uchun tavsiya qilingan). Sutkada 500 mg dan yuqori bo‘lmagan dozalarda ikkinchi sutkadan boshlab preparatning dozasi to‘rt martaga kamaytiriladi.
Sutkada 500 mg dan 1000 mg gacha bo‘lgan dozalar buyurilgan patsiyentlarga, ikkinchi sutkadan boshlab preparatning dozasi sakkiz martaga kamaytiriladi.

Nojo‘ya ta'sirlari
Allergik reaktsiyalar ba'zida – terini qichishishi va qizarishi; kam hollarda – anafilaktik yoki anafilaktoid reaktsiyalar (eshakemi, yuzni shishi kabi belgilar bilan namoyon bo‘ladigan), juda kam hollarda – AB ni to‘satdan pasayishi va shok; ayrim hollarda – Stivens-Djonson sindromi, toksik epidermal nekroliz (Layell sindromi) va eksudativ ko‘p shaklli eritema.
Mahalliy reaktsiyalar vena ichiga yuborilganida - yuborish joyida og‘riq va yallig‘lanishi, belda va ko‘krakda og‘riq, ko‘p terlash.
Nerv tizimi tomonidan ba'zida - bosh og‘rig‘i, bosh aylanishi, toliqish, ta'm sezishni buzilishi; kam hollarda - qo‘l-barmoqlarda paresteziyalar, qaltirash, bezovtalik, qo‘rquv hissi, tirishish xurujlari va ongni chalkashishi; juda kam hollarda – ko‘rishni va eshitishni buzilishi, ta'm sezish va hid bilishni buzilishi, taktil sezuvchanlikni pasayishi, diqqatni jamlashni pasayishi, gallyutsinatsiyalar va depressiyalar kabi psixotik reaktsiyalar, koordinatsiyani buzilishi (shu jumladan yurishdagi).
Ovqat-hazm qilish tizimi tomonidan tez-tez - ko‘ngil aynishi, diareya (juda kam hollarda qon bilan, bu ichakni yallig‘lanishi yoki soxtamembranoz kolitning belgilari bo‘lishi mumkin), ba'zida - ishtahani yo‘qolishi, qusish, qorin og‘riqlari, ovqatni hazm bo‘lishini buzilishi, kam hollarda - og‘izni qurishi, me'da-ichak qon ketishlari; juda kam hollarda – jigar faoliyatini buzilishi (gepatit, xolelitiaz).
Qon-yaratish a'zolari tomonidan ba'zida – eozinofiliya, leykopeniya; kam – neytropeniya, trombotsitopeniya (qon quyilishlariga yoki qon ketishiga moyillikda); juda kam – yaqqol agranulotsitoz (tana haroratini turg‘un yoki qaytalanuvchi oshishi; bodomsimon bezlarni yallig‘lanishi va holatni turg‘un yomonlashishi bilan birga kechuvchi); alohida hollarda – gemolitik anemiya, pantsitopeniya.
Yurak-tomir tizimi tomonidan kam hollarda – taxikardiya, gipotenziya va gipertenziya; juda kam hollarda – kardiogrammada QT intervalni uzayishi, tomirli kollaps, yurak qorinchalarini titrashi - lipillashi.
Suyak-mushak tizimi tomonidan kam hollarda – paylarni shikastlanishi (shu jumladan tendinit), bo‘g‘im va mushak og‘riqlari; juda kam hollarda – axillov payini uzilishi (ikki tomonlama xarakterga ega va davolash boshlanganidan keyin 48 soat davomida namoyon bo‘ladi), mushak zaifligi (miasteniyali bemorlar uchun muhim ahamiyatga ega); alohida hollarda – rabdomioliz.
Siydik-chiqarish tizimi tomonidan ba'zida - vaginit, juda kam hollarda – buyrak faoliyatini o‘tkir buyrak yetishmovchiligigacha yomonlashishi (masalan, allergik reaktsiyalar oqibatidagi – interstitsial nefrit).
Boshqalar ba'zida – asteniya; juda kam hollarda – gipoglikemiya, isitma, allergik pnevmonit, vaskulit.
Laboratoriya ko‘rsatkichlari ba'zida - ALT, AST faolligini oshishi, qon zardobida kreatininning darajasini oshishi; kam hollarda – LDG oshishi, glyukozaning miqdorini oshishi yoki kamayishi.


Qo‘llash mumkin bo‘lmagan holatlar

Levofloksatsinga yoki boshqa xinolonlarga o‘ta yuqori sezuvchanlik; tutqanoq, anamnezdagi xinolonlarni qabul qilish bilan bog‘liq bo‘lgan paylarni shikastlanishi; homiladorlik, laktatsiya davri, bolalar va 18 yoshgacha bo‘lgan o‘smirlarda qo‘llash mumkin emas.




Dorilarning o‘zaro ta'siri
Fenbufen bilan va unga o‘xshash nosteroid yallig‘lanishga qarshi vositalar, teofillin bilan majmuaviy davolashda, preparat tirishishga tayyorlik pog‘onasini kamaytirishi mumkin.
Sukralfat temir tuzlari va alyuminiy saqlovchi antatsid vositalari levofloksatsinning samarasini kamaytiradi (preparatlarni qabul qilish orasidagi interval 2 soatdan kam bo‘lmasligi kerak).
Varfarin bilan bir vaqtda qo‘llanganida protrombin vaqti va qon ketishining xavfi (MNO, protrombin vaqti va koagulyatsiyaning boshqa ko‘rsatkichlarini sinchkov chuqur monitoringi, shuningdek qon ketishini mumkin bo‘lgan belgilarinimonitoringi zarur) oshadi.
Simetidin va probentsid ta'siri ostida Levofloksatsinni chaqirlishi biroz sekinlashadi. Levofloksatsin qon plazmasidan siklosporinning T1/2 biroz oshishini chaqiradi.
Glyukokortikoidlar paylarni uzilish xavfini oshiradi (ayniqsa keksalarda).
Alkogol markaziy nerv tizimi tomonidan nojo‘ya samaralarini (bosh aylanishi, karaxtlik, uyquchanlik) kuchaytirishi mumkin.
Diabeti bo‘lgan, peroral gipoglikemik vositalarni yoki insulinni qabul qilayotgan bemorlarda, levofloksatsinning fonida gipo- yoki giperglikemik holatlar bo‘lishi mumkin (glyukozaning qondagi darajasini sinchiklab monitoring qilish tavsiya qilinadi).


Maxsus ko‘rsatmalar

Preparatning infuzion eritmasi quyidagi eritmalar bilan mutanosib fiziologik eritma, 5% li dektroza eritmasi, 2,5% li Ringerning dektroza bilan eritmasi, parenteral yuborish uchun majmuaviy eritmalar (aminokislotalar, uglevodlar, elektrolitlar). Preparatning infuzion eritmasini geparin va ishqoriy reaktsiyali eritmalar bilan aralashtirish mumkin emas.
Avtomobilni va potentsial xavfli mexanizmlarni boshqarish qobiliyatiga ta'siri davolash davrida bosh aylanishi, uyquchanlik, tanglik va ko‘rishni buzilishini paydo bo‘lishi mumkinligi tufayli, avtomobil va potentsial xavfli mexanizmlarni boshqarishdan saqlanish kerak, chunki psixomotor reaktsiyalarning tezligini sekinlashishi va diqqatni jamlashni pasayishi mumkin.
Ehtiyotkorlik choralari ilgari bosh miyani shikastlanishi bo‘lgan bemorlarda (insult yoki og‘ir jarohat) tirishishlarni rivojlanishi mumkinligi tufayli ehtiyotkorlik bilan qo‘llash kerak.
Bir vaqtda peroral gipoglikemik vositalarini (insulin yoki glibenklamid) qabul qilayotgan qandli diabeti bo‘lgan patsiyentlarda preparatni qo‘llashda, levofloksatsinni gipoglikemiya chaqirishi mumkinligini hisobga olish lozim.
Teri qoplamalarini shikastlanishidan saqlanish uchun (fotosensibilizatsiya) patsiyentlarga quyosh yoki sun'iy ultrabinafsha nurlanishga (masalan, uzoq vaqt to‘g‘ri quyosh nurida bo‘lishi yoki solyariyga borish) duchor bo‘lmaslik tavsiya qilinadi, fototoksik samaralari (teri toshmalari) paydo bo‘lganida preparat bilan davolashni to‘xtatish kerak.
Glyukozo-6-fosfatdegidrogenaza tanqisligi bo‘lgan patsiyentlarda eritrotsitlarning gemolizi rivojlanishi mumkin. Og‘ir, turg‘un qon bilan yoki qonsiz diareya paydo bo‘lganida, darhol shifokorni xabardor qilish kerak. Diareya antibiotikoterapiya chaqirgan enterokolit sababi bo‘lishi mumkin. Soxtamembranoz kolitga shubha bo‘lganida preparatni darhol bekor qilish va muvofiq davolashni boshlash lozim. Bunday hollarda ichak motorikasini susaytiruvchi dori vositalarini qo‘llash mumkin emas.
Keksa yoshli patsiyentlar preparatni qo‘llash tendinitni rivojlanishga (eng avvalo axillov paylarini) va ularni uzilishiga olib kelishi mumkin. Tendinitga shubha bo‘lganida preparatni bekor qilish va shikastlangan paylarni, ularning immobilizatsiyasini ta'minlab, davolashni boshlash lozim.
Davolash vaqtida alkogolni iste'mol qilishdan saqlanish kerak.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Simptomlari ongni chalkashishi, bosh aylanishi va tirishish xurujlari, ko‘ngil aynishi, shilliq qavatlarini eroziv shikastlanishi.
Davolash simptomatik davolash (maxsus antidoti yo‘q), dializ orqali chiqarilmaydi.


Chiqarilish shakli

100 ml dan butilkalarda. Infuziya uchun eritma 5 mg/ml.


Saqlash sharoiti

Yorug‘likdan himoyalangan joyda, +10 dan +25oS gacha yuqori bo‘lmagan haroratda saqlansin.
Muzlatishga yo‘l qo‘yilmasin.


Yaroqlilik muddati

2 yil.


Dorixonalardan berish tartibi

Retsept bo‘yicha.

Ishlab chikaruvchi
«REKA-MED FARM» MChJ QK,
Sirdaryo viloyati, Sirdaryo tumani. S.Raximov nomidagi f/x, M.Zoxidova ko‘chasi 36.

«MITTI FARM » MChJ uchun ishlab chiqarilgan
Karshi shaxri, Kashkadaryo vil., Shibayeva ko‘chasi 31-A uy.