Qo‘llash bo‘yicha yo‘riqnoma
MOKSI-G
(MOXCIFLOXACIN)
qobiq bilan qoplangan tabletkalar


Xalqaro patentlanmagan nomi
moksifloksatsin

Farmakoterapevtik guruhi
Ftorxinolonlar guruhi antibakterial preparat.
ATX kodi – (MO1ACO6)

TARKIBI
Bir qobiq bilan qoplangan Moksi-S tabletkasi 400 mg faol modda – moksifloksatsin saqlaydi.
Yordamchi moddalar mikrokristallik sellyuloza, natriy kraxmal glikolyati, gidroksipropiltsellyuloza, natriy laurilsulqfati, magniy stearati.

TA'SIRI
Ftorxinolonlar guruhiga mansub antibakterial preparat. Bakteritsid ta'sir ko‘rsatadi.
Ta'sir mexanizmi bakterial II va IV topoizomerazalarni ingibirlanishi bilan bog‘liq bu mikrob xujayrasida DNK sintezini buzilishiga va oqibati sifatida, mikrob xujayralarini o‘limiga olib keladi.
Penitsillinlar, sefalosporinlar, aminoglikozidlar, makrolidlar va tetratsiklinlar moksifloksatsin orasida qarama-qarshi chidamlilik aniqlanmaydi. Xinolonlarga nisbatan qarama-qarshi chidamlilik hollari aniqlanadi. Shunga qaramasdan, boshqa xinolonlarga chidamli ba'zi grammusbat va anazrob mikroorganizmlar moksifloksatsinga sezgirdir.
Moksifloksatsinga chidamlilik asta-sekin ko‘psonli mutatsiyalar yo‘li bilan rivojlanadi.
Moksifloksatsin in vitro sharoitida grammusbat va grammanfiy mikroorganizmlarning keng doirasi, anazroblar, kislotaga chidamli bakteriyalar va Micoplasma, Chlamidia, Legionella kabi mikroorganizmlarning atipik shakllariga nisbatan faol. Beta-laktam va makrolid antibiotiklarga chidamli bakteriyalarga nisbatan samarali. Moksifloksatsinning antibakterial faolligining ta'sir doirasi quyidagi mikroorganizmlarni o‘z ichiga oladi
grammusbat azrob bakteriyalar Streptococcus pneumoniae (shu jumladan, penitsillin va makrolidlarga nisbatan chidamli shtammlari), Streptococcus yogenes (A guruhi), Streptococcus milled, Streptococcus mitis, Streptococcus agalactiae, Streptococcus dysgalactiae, Stapylococcus aureus (shu jumladan metitsillinga sezgir shtammlari), Staphylococcus cohnii, Staphylococcus epidermidis (shu jumladan metitsillinga sezgir shtammlari), Stapylococcus haemolyticus, Stapylococcus hominis, Stapylococcus saprophyticus, Stapylococcus simulans, Corynebacterium dipheriae;
grammanfiy azrob bakteriyalar Haemophillus influenzae (shu jumladan beta-laktamaza ishlab chiqaruvchi shtammlari), Haemophillus parainfluenzae, Klebsiella pneumaniae, Mogaxella catarrhalis (shu jumladan beta-laktamaza ishlab chiqaruvchi shtammlari), Escherichia coli, Enterobacter aerogenes, Enterobacter agglomerans, Enterobacter intermedius, Enterobacter sakazaki, Proteus mirabilis, Proteus vulgaris, Morganella morganii, Providencia rettgeri, Providencia stuartii;
anaerob bakterii Bacteroides distasonis, Bacteroides eggerthii, Bacteroides fragilis, Bacteroides ovatus, Bacteroides thethaiotaomicron, Bacteroidesnuniftormis, Fusobacterium spp, Prophyromonas spp. (shu jumladan Porphyromonas anaerobius, Porphyromonas asaccharolyticus, Porphyromonas magnus), Rgevotella spp, Propionbacterium spp, Clostridium perfringens, Clostridium ramonus; shuningdek Chlamydia pneumoniae, Mycoplasma pneumoniae, Legionella pneumoniae, Caxiella bumetti.
Moksifloksatsin Pseudomonas aeruginosa, Pseudomonas fluorescens, Burkholderia cepacia, Streptrophomonas maltophilia larga nisbatan kamroq faol.
Moksifloksatsin ichga qabul qilinganidan keyin tez va deyarli to‘lik so‘riladi. Moksifloksatsin 400 mg dozada bir marta qabul qilinganidan keyin qonda Cmax 0,5-4 soat davomida erishiladi.
Preparatning plazmadagiga nisbatan yuqori kontsentratsiyalari o‘pka to‘qimasida (shu jumladan al'veolyar makrofaglarda), bronxlar shillik qavatida, burunning yon bo‘shliqlarida, interstitsial suyuqlikda va so‘lakda, yallig‘lanish o‘choqlarida yuzaga keladi. Siydik bilan, shuningdek ahlat bilan o‘zgarmagan holda ham, nofaol metabolitlari ko‘rinishida ham chiqariladi. T½ taxminan 12 soatni tashkil qiladi.

QO‘LLANILISHI
Preparatga sezgir mikroorganizmlar chaqirgan infektsion-yallig‘lanish kasalliklari
- surunkali bronxitning zo‘rayishi;
- shifoxonadan tashqari pnevmoniya;
- o‘tkir sinusit;
- teri va yumshoq to‘qimalarning infektsiyalari.

QO‘LLASH MUMKIN BO‘LMAGAN HOLATLAR
- homiladorlik;
- emizish davri;
- 18 yoshgacha bo‘lgan bolalar va o‘smirlar;
- moksifloksatsin va preparatning boshqa komponentlariga yuqori sezuvchanlik.

EHTIYOTKORLIK CHORALARI
Moksi-G tirishish xurujlarini paydo bo‘lishiga va tirishishga tayyorgarlik bo‘sag‘asini pasayishiga yordam beruvchi MNT kasalliklarida (shu jumladan MNT jalb qilinishiga nisbatan shubha qilingan kasalliklar), QT intervalini uzayishi, bradikardiya, o‘tkir miokard infarkti, yurak o‘tkazuvchanligini potentsial sekinlashtiruvchi preparatlar (Ia, II, III sinf antiaritmik preparatlar, tritsiklik antidepressantlar, neyroleptiklar) bilan bir vaktda qo‘llanganida, og‘ir buyrak yetishmovchiligida ehtiyotkorlik bilan qo‘llanadi.
Moksi-G ni tutqanoqlarda buyurishdan saqlanish kerak.
Ftorxinolonlar, shu jumladan moksifloksatsin bilan davolash fonida, ayniksa keksa va GKS larni olayotgan patsiyentlarda tendinit rivojlanishi va payning uzilishi rivojlanishi mumkin. Payning yallig‘lanish belgilari va og‘riq paydo bo‘lganida preparatni qabul qilish to‘xtatiladi va shikastlangan qo‘l-oyolarning harakatlari kamaytiriladi.
Antibiotiklarni qo‘llash soxtamembranoz kolining rivojlanishini xavfi bilan bog‘liq.
Anamnezida antibiotiklar bilan davolash fonida og‘ir diareya hollari kuzatilgan patsiyontlarga moksifloksatsin buyurilganida ehtiyotkorlikka rioya qilish kerak. Og‘ir diareya rivojlanganida preparatni qabul qilish to‘xtatiladi. Xinolonlarni qo‘llashda fotosensibilizatsiya reaktsiyalari kuzatiladi. Patsiyentlar preparatni qabul qilish davrida to‘g‘ri quyosh nurlaridan va UB nurlanishidan saqlanishlari kerak.
Avtotransport va mexanizmlarni boshqarish qobiliyatiga ta'siri
Moksifloksatsin MNT tomonidan kam nojo‘ya reaktsiyalar chaqirishiga qaramasdan, avtomobilni yoki harakatlanayotgan mexanizmlarni boshqarish mumkinligi haqidagi masala preparat qabul qilishga patsiyentning reaktsiyasi baholangandan keyin shaxsiy hal qilinadi.


Dozani oshirib yuborilishi

Moksifloksatsin 1200 mg gacha dozada bir marta va 600 mg dan 10 kundan ortiq vaqt
davoimda qo‘llanganida qanday bo‘lmasin nojo‘ya samaralari kuzatilmagan.
Davolash doza oshirib yuborilgan holida klinik vaziyatga muvofiq EKG monitoringi bilan simptomatik davolash o‘tkaziladi. Doza oshirib yuborilganida faollashtirilgan ko‘mirni qo‘llash tavsiya qilinadi.

DORILARNING O‘ZARO TA'SIRI
Moksi-G va kortikosteroidlar bir vaktda ko‘llanganida tendovaginitning rivojlanishi yoki payning uzilishini xavfi oshadi. Shuning uchun ushbu majmua ehtiyotkorlik bilan buyuriladi.
Moksifloksatsin va antatsid preparatlar, shuningdek mineral moddalarni saqlovchi preparatlar, polivitaminlar bilan bir vaqtda qo‘llanganida moksifloksatsinning so‘rilishi buzilishi mumkin. Shuning uchun antatsidlar va kal'tsiy, magniy, alyuminiy, temir saqlovchi boshqa preparatlarni Moksi-G qabul qilinganidan keyin 2 soat o‘tgach yoki 4 soat oldin qabul qilish kerak.
Digoksin bilan bir vaqtda qabul qilinganida moksifloksatsin digoksinning farmakokinetik xususiyatlarini ahamiyatsiz darajada o‘zgartiradi.
Moksifloksatsinni glibenklamid, probenitsid, varfarin, peroral gormonal kontratseptivlar bilan o‘zaro ta'siri aniqlanmagan.
Faollashtirilgan ko‘mir va moksifloksatsin 400 mg dozada ichga bir vaktda qabul qilinganida, preparatning biokiraolishligi uning so‘rilishni tormozlanishi natijasida 80% dan ko‘proqqa pasayadi.

QO‘LLASH USULI VA DOZALARI
Preparat kattalarga 400 mg dan (1 tabletka) sutkada 1 marta buyuriladi.
Davolashning davomiyligi surunkali bronxitning zo‘rayishida — 5 kun, shifoxonadan tashqari pnevmoniyada – 10 kun, o‘tkir sinusit va teri va yumshoq to‘qimalarning infektsiyalarida – 7 kun. Preparat bilan davolashning davomiyligi 14 kunga yetishi mumkin.
Buyraklar faoliyati buzilgan patsiyentlarga (KK˃30 ml/min) dozalash tartibini o‘zgartirish tavsiya qilinmaydi.
Tabletkalarni ovqat qabul qilishdan qat'iy nazar, chaynamasdan, ko‘p bo‘lmagan miqdordagi suv bilan birga qabul qilish kerak.

NOJO‘YA TA'SIRLARI
Odatda Moksi-G yaxshi o‘zlashtiriladi, ko‘pchilik nojo‘ya samaralari (90%) og‘irligi bo‘yicha yengil va o‘rtachaga kiradi.
Ovqat hazm qilish tizimi tomonidan ko‘ngil aynishi, qusish, ta'm sezishni buzilishi, diareya, qorinda og‘riqlar, qabziyat, dispepsiya, jigar sinamalarining o‘zgarishi, og‘izni qurishi, meteorizm, ishtahani yo‘qolishi, stomatit, glossit.
Yurak-tomir tizimi tomonidan yo‘ldosh gipokaliyemiyasi bo‘lgan bemorlarda QT intervalining uzayishi, taxikardiya, periferik shishlar, AD ni oshishi yoki pasayishi, ko‘krakda og‘riq, periferik qon manzarasini o‘zgarishi.
MHT va periferik nerv tizimi tomonidan uyqusizlik, bosh aylanishi, asabiylik, uyquchanlik, tremor, paresteziyalar, ongning chalkashishi, depressiya, asteniya, emotsional labillik, koordinatsiyaning buzilishi, turli klinik ko‘rinishlari bo‘lgan tirishish xurujlari.
Nafas tizimi tomonidanbronxospazm, dispnoz.
Suyak-mushak tizimi tomonidan orqada og‘riq, artralgiya, mialgiya.
Siydik-jinsiy tizimi tomonidan qin kandidozi. vaginit.
Allergik reaktsiyalar toshma, qichishish, eshakemi.

YAROQLILIK MUDDATI VA SAQLASH
10-25°C haroratda, bolalar olaolmaydigan joyda saqlansin.


Yaroqlilik muddati

2 yil. Preparatni yaroqlilik muddati o‘tgach ishlatish mumkin emas.

CHIQARILISH SHAKLI
Qobiq bilan qoplangan tabletkalar 400 mg, 5 tabletkadan blisterda, 1 blister qo‘llash
bo‘yicha yo‘riqnomasi bilan birga karton qutida.

BUYURILISHI
Shifokor retsepti bo‘yicha


Ishlab chiqaruvchi

GM Pharmaceuticals Ltd
Gruziya, Tbilisi sh., Zemo vedzisi 103
Tel. +995 32 404801/02; Faks +995 32 404803.