Preparatning savdo nomi
Sintomitsin-MR
Ta'sir etuvchi modda (XPN) Xloramfenikol

Dori shakli
Liniment

Tarkibi

Har 1 g liniment quyidagilarni saqlaydi
Faol modda D,L-xloramfenikol (sintomitsin) – 0,05 g.
Yordamchi moddalar kanakunjut moyi, emulgator №1, sorbin kislotasi, karmelloza natriy, aerosil, tozalangan suv - 1 g gacha.
Ta'rifi Oq yoki biroz sarg‘ish tusli oq rangli, kuchsiz o‘ziga xos hidli liniment.

Farmakoterapevtik guruhi
Antibiotik (xloramfenikol guruhi).
ATX kodi D06AX02


Farmakologik xususiyatlari

Preparatning ta'sir etuvchi moddasi jarohat infektsiyalari va turli shakldagi yiringli yallig‘lanishli jarayonlarining turli shakllarini qo‘zg‘atuvchilariga nisbatan yuqori antibakterial faollikka ega bo‘lgan keng ta'sir doirasiga ega antibiotik – xloramfenikoldir.
Xloramfenikol – bakteriostatik antibiotik bo‘lib, mikrob hujayrasida oqsil sintezi jarayonini buzadi, yaxshi lipofillikka ega bo‘lib, bakteriyalarning hujayra membranalari orqali o‘tadi va bakterial ribosomalarning 50S subbirligi bilan qaytuvchan bog‘lanib, o‘suvchi peptid zanjirlariga aminokislotalarni o‘tishini to‘xtatadi, bu oqsil sintezini buzishiga olib keladi. Penitsillinga, tetratsiklinlarga, sulfanilamidlarga chidamli ko‘pchilik grammanfiy va grammusbat mikroorganizm shtammlariga nisbatan faoldir. Kuygan jarohatlar va trofik yaralarni tozalanishi va bitishiga yordam beradi va ularning epitelizatsiyani tezlashtiradi.


Farmakokinetikasi

Preparat teriga, jarohatlarga yoki shilliq qavatlarga qo‘llanganidan so‘ng umumiy qon oqimiga so‘rilish darajasi noma'lum.


Qo‘llanilishi

Jarohat jarayonining ikkinchi bosqichidagi jarohatlar (yiringli, nekrotik to‘qimalar bo‘lmaganida), uzoq vaqt bitmayotgan rofik yaralar, 2-3 darajali kuyishlarda qo‘llanadi.


Qo‘llash usuli va dozalari

Preparat sirtga ishlatiladi. Jarohatlar va kuyishlarga xirurgik ishlov berilganidan so‘ng sintomitsin linimenti bevosita jarohat yuzasiga qo‘yiladi, undan keyin steril doka bog‘lov qo‘yiladi yoki sintomitsin linimenti bog‘lov materialiga surtilib, so‘ngra jarohatga qo‘yiladi. Yiringli jarohatlar bo‘shliqlariga xirurgik ishlov berilganidan so‘ng liniment qo‘yilgan tamponlar g‘ovak qilib joylashtiriladi, sintomitsin linimetli turundalar esa yiring yo‘llariga kiritiladi.
Jarohatlar 2-chi bosqichdagi va kuyishlarni davolashda jarohatlarni bitishi dinamikasiga qarab, har 1-3 kunda 1 marta qo‘llanadi.

Nojo‘ya ta'sirlari
Allergik reaktsiyalari teri toshmasi, angionevrotik shish bo‘lishi mumkin.
Qon yaratish a'zolari tomonidan kam hollarda – retikulotsitopeniya, leykopeniya, granulotsitopeniya, trombotsitopeniya, eritropeniya, aplastik anemiya, agranulotsitoz.


Qo‘llash mumkin bo‘lmagan holatlar

Shaxsiy o‘zlashtiraolmaslik, suyak ko‘migida qon yaratilishini susayishi, o‘tkir intermittirlovchi porfiriya, glyukoza-6-fosfatdegidrogenaza tanqisligi, buyrak va/yoki jigar yetishmovchiligi, teri kasalliklari (zamburug‘li kasalliklar, psoriaz, ekzema). homiladorlik va laktatsiya, yangi tug‘ilgan chaqaloqlarda (4 haftalikkacha).
Osmatik faollikka ega bo‘lmaganligi tufayli (asosi moy, emulgator) jarohat jarayonlarining birinchi bosqichida (ko‘p yiring ajralishi, to‘qimalarni yaqqol shishlari, og‘riq va nekrotik to‘qimalar mavjudligi tufayli) qo‘llash tavsiya etilmaydi.
Ehtiyotkorlik bilan
Ilk bolalik yoshi, avval sitostatik preparatlari bilan davolangan yoki nur terapiyasini olgan patsiyentlarda ehtiyotkorlik bilan qo‘llanadi.

Dorilarning o‘zaro ta'siri
Eritromitsin, klindamitsin, linkomitsin bilan bir vaqtda qo‘llanganida kuzatiladi. Buning sababi xloramfenikolni bu preparatlarni bog‘langan holatlaridan siqib chiqarishi yoki bakterial ribosomalarning 50S subbirliklari bilan bog‘lanishiga to‘sqinlik qilishini mumkinligi hisobiga, ularning ta'siri o‘zaro kuchsizlanishi mumkin.
Penitsillin va sefalosporinlarning antibakterial samarasini pasaytiradi.





Maxsus ko‘rsatmalar

Davolash jarayonida periferik qon manzarasini muntazam nazorat qilish lozim.
Homiladorlik vaqtida homilaga va emizish davrida nohush ta'sirlar aniqlanmagan.
Etanol bilan bir vaqtda qabul qilinganida disulfiramga o‘xshash reaktsiya (teri qoplamalarning giperemiyasi, taxikardiya, ko‘ngil aynishi, qusish, reflektor yo‘tal, tirishishlar) rivojlanishi mumkin.
Preparatni bolalar olaolmaydigan joyda saqlansin va yaroqlilik muddati o‘tgach ishlatilmasin.


Chiqarilish shakli

5% li liniment 25 g alyumin tubalarda. Har bir tuba qo‘llash bo‘yicha yo‘riqnomasi bilan birga karton qutida.


Saqlash sharoiti

Quruq, yorug‘likdan himoyalangan joyda, 20°C dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Retsept bo‘yicha.


Ishlab chiqaruvchi

«MERRYMED FARM» MChJ, O‘zbekiston Respublikasi