Preparatning savdo nomi
Streptotsid
Ta'sir etuvchi modda (XPN) Sulfanilamid

Dori shakli
Tabletkalar

Tarkibi

1 tabletka quyidagilarni saqlaydi
Faol modda Streptotsid - 300 mg yoki 500 mg.
Yordamchi moddalar kartoshka kraxmali, stearin kislotasi.
Ta'rifi Yassi yuzali, bir tomoni faskali va riskali oq rangli tabletkalar.

Farmakoterapevtik guruhi
Antibakterial sintetik vosita (sulfanilamidlar).
ATX kodi J01EB06


Farmakologik xususiyatlari

Streptotsid boshqa sulfanilamidlar kabi mikroorganizmlarda o‘sish omillari – o‘z molekulasi tarkibida paraaminobenzoy kislotasini (PABK) saqlovchi folat, degidrofolat kislotalari hosil bo‘lishini buzadi. Uning tuzilishi streptotsidni tuzilishiga yaqinligi tufayli streptotsid PABKning raqobatli antagonisti sifatida mikroorganizmlarning metabolik zanjiriga qo‘shiladi va moddalar almashinuvi jarayonlarini buzadi, bu bakteriostatik samaraga olib keladi. Preparat qisqa ta'sir qiluvchi sulfanilamidlarga kiradi.
Streptotsid streptokokklar, meningokokklar, gonokokklar, ichak tayoqchasi, toksoplazmoz va bezgak qo‘zg‘atuvchilariga nisbatan bakteriostatik ta'sir ko‘rsatadi. Samaradorligi bo‘yicha zamonaviy antibiotiklardan ahamiyatli darajada past. Hozirgi vaqtda mikroorganizmlarning juda ko‘p shtammlari, ayniqsa kasalxona ichki shtammlari streptotsidga chidamlidir.
Streptotsidning faolligi ishqoriy muhitda oshadi.
Streptotsidga enterokokklar, ko‘k yiring tayoqchasi, anaeroblar sezgir emas.





Farmakokinetikasi

Ichga qabul qilinganida preparat tez so‘riladi qonda streptotsidning maksimal kontsentratsiyasi 1-2 soatdan keyin kuzatiladi, 4 soatdan keyin preparat orqa miya suyuqligida aniqlanadi. Qonda maksimal kontsentratsiyasini 50% ga kamayishi 8 soatdan kamroq vaqtdan keyin aniqlanadi. Preparatning taxminan 95% buyrak orqali chiqariladi.


Qo‘llanilishi

Sezgir mikroorganizmlar tomonidan chaqirilgan infektsion-yallig‘lanish kasalliklari teri va shilliq qavatlarning infektsion kasalliklari (jarohatlar, yaralar, yotoq yaralar), enterokolit, piyelit, sistitda qo‘llaniladi.


Qo‘llash usuli va dozalari

Ovqatlanish vaqtida yoki ovqatdan keyin 150-200 ml suv bilan ichga qabul qilinadi. Kattalar va 12 yoshdan katta bolalar uchun bir martalik doza 600 mg - 1,2 g, sutkalik doza – 3-6 g ni tashkil qiladi. Sutkalik doza 5 marta qabul qilishga bo‘linadi. Kattalar uchun maksimal dozalari bir martalik – 2 g, sutkalik – 7 g ni.
3 yoshdan 6 yoshgacha bo‘lgan bolalarga – 1 marta qabul qilishga 300 mg, 6 yoshdan 12 yoshgacha bo‘lgan bolalarga – 1 marta qabul qilishga 300-600 mg buyuriladi.
Bolalarda qabul qilishlar soni sutkada 4-6 martani tashkil qiladi.
Bolalar uchun maksimal sutkalik doza – 0,9-2,4 g ni tashkil qiladi.
Davolash davomiyligini kasallikning og‘irligi va kechishi, jarayonni joylashishi, davolashning samaradorligiga qarab, shifokor shaxsiy ravishda belgilaydi.

Nojo‘ya ta'sirlari
Qon tizimi va limfatik tizimi tomonidan leykopeniya, agranulotsitoz, aplastik kamqonlik, trombotsitopeniya, gipoprotrombinemiya, eozinofiliya, glyukozo-6-fosfatdegidrogeneza tanqisligidagi gemolitik kamqonlik.
Yurak-qon tomir tizimi tomonidan taxikardiya, miokardit.
Nevrologik buzilishlar bosh og‘rig‘i, nevrologik reaktsiyalar, shu jumladan, aseptik meningit, ataksiya, xavfsiz bosh miya gipertenziyasi, tirishishlar, bosh aylanishi, uyquchanlik/uyqusizlik, toliqish hissi, depressiya, periferik yoki optik neyropatiyalar, psixoz, susaygan holat, paresteziyalar.
Nafas tizimi tomonidan o‘pka infiltratlari, fibrozlanuvchi alveolit.
Ovqat hazm qilish tizimi tomonidan chanqoqlik, og‘izni qurishi, dispeptik ko‘ri-nishlar, ko‘ngil aynishi, qusish, diareya, anoreksiya, pankreatit, soxtamembranoz kolit.
Gepatobiliar tizimi tomonidan jigar fermentlarining faolligini oshishi (ALT, AST, ishqoriy fosfataza), xolestatik gepatit, gepatonekroz, gepatomegaliya, sariqlik, xolestaz.
Siydik chiqarish tizimi tomonidan siydikning rangini o‘zgarishi (to‘q sariq-jigarrang rang), siydikning reaktsiyasi kislotali bo‘lganida kristalluriya; nefrotik reaktsiyalar bo‘lishi mumkin interstitsial nefrit, tubulyar nekroz, buyrak yetishmovchiligi, gematuriya, anuriya bilan kechuvchi shokli buyrak.
Teri va teri osti kletchatkasi tomonidan terining giperemiyasi, teri toshmasi (shu jumladan, eritematoz-skvamoz, papulez), qichishish, eshakemi, allergik dermatit, fotosensibilizatsiya, eksfoliativ dermatit, tugunli eritema, sianoz.
Allergik reaktsiyalar toksik epidermal nekroliz (Layella sindromi), Stivens-Djonson sindromi, tizimli qizil yugirik, zardob sindromi, anafilaktik reaktsiyalar, Kvinke shishi, tumov.
Umumiy buzilishlar medikamentoz isitma, o‘ng qovurg‘a osti va bel sohasida og‘riq.
Boshqalar nafas olishni qiyinlashishi, tugunli periarteriit, gipotireoz, gipoglikemiya.


Qo‘llash mumkin bo‘lmagan holatlar

Sulfanilamidlar, sulfonlar va preparatning boshqa komponentlariga shaxsiy yuqori sezuvchanlik; anamnezda sulfanilamidlarga yaqqol toksik-allergik reaktsiyalarning mavjudligi;
• nefrozlar, nefritlar;
• bazedov kasalligi;
• o‘tkir gepatitlar;
• suyak ko‘migida qon yaratilishini susayishi;
• buyrak va/yoki jigar yetishmovchiligi;
• dekompensatsiyalangan surunkali yurak yetishmovchiligi;
• glyukozo-6-fosfatdegidrogenaza tanqisligi, porfiriya;
• homiladorlik yoki emizish davrida qo‘llash mumkin emas.

Dorilarning o‘zaro ta'siri
Bir vaqtda qo‘llanganida
- nosteroid yallig‘lanishga qarshi preparatlar, sulfonilmochevina hosilalari, antitrombotik vositalar, K vitaminining antagonistlari bilan – bu preparatlarning ta'siri kuchayadi;
- folat kislotasi, bakteritsid antibiotiklar (shu jumladan penitsillinlar, sefalosporinlar) bilan – sulfanilamidlarning samaradorligi kamayadi;
- bakteritsid antibiotiklar, oral kontratseptivlar bilan – bu preparatlarning ta'siri susayadi;
- PASK (paraaminosalitsil kislotasi) va barbituratlar bilan – sulfanilamidlarning faolligi oshadi;
- eritromitsin, linkomitsin, tetratsiklin bilan – antibakterial faolligi o‘zaro kuchayadi, ta'sir doirasi kengayadi;
- rifampitsin, streptomitsin, monomitsin, kanamitsin, gentamitsin, oksixinolin hosilalari (nitroksolin) bilan – preparatlarning antibakterial ta'siri o‘zgarmaydi;
- nalidiks kislotasi (nevigramon) bilan – ba'zida antagonizm kuzatiladi;
- xloramfenikol, nitrofuranlar bilan – yig‘indi samarasi pasayadi;
- PABK (paraaminobenzoy kislotasi) efirlarini saqlovchi preparatlar (novokain, anestezin, dikain) bilan – sulfanilamidlarning antibakterial faolligi yo‘qoladi.
Sulfanilamidlar geksametilentetramin (urotropin), antidiabetik preparatlar (sulfonilmochevina hosilalari), definin, neodikumarin va boshqa bilvosita antikoagulyantlar bilan bir vaqtda buyurilmaydi.


Maxsus ko‘rsatmalar

Preparat bilan davolashda buyrak faoliyatini va periferik qon ko‘rsatkichlarini, qondagi qand miqdorini muntazam nazorat qilish kerak.
Preparat bilan uzoq muddat davolashda qon tahlilini (qonning biokimyoviy va umumiy tahlili) muntazam amalga oshirish kerak. Preparatni yetarli bo‘lmagan dozada buyurish yoki preparatni qabul qilishni muddatidan oldin to‘xtatish, mikroorganizmlarning sulfanilamidlarga chidamliligini oshishiga olib kelishi mumkin.
Sulfanilamidlarni A guruh beta-gemolitik streptokokklar tomonidan chaqirilgan infektsiyalarni davolash uchun qo‘llash mumkin emas, chunki u ularning eradikatsiyasiga olib kelmaydi va demak, revmatizm va glomerulonefrit kabi asoratlarni oldini olmaydi.
Preparatni surunkali yurak yetishmovchiligi, jigar kasalliklari va buyraklar faoliyatini buzilishi bo‘lgan bemorlarga ehtiyotkorlik bilan buyurish kerak. Streptotsidni allergik kasalliklarning og‘ir shakli yoki bronxial astma, qon tizimining kasalliklari bo‘lgan patsiyentlarga ehtiyotkorlik bilan buyurish kerak.
Sulfanilamidlarni, shu jumladan streptotsidni qandli diabeti bo‘lgan bemorlarda ehtiyotkorlik bilan qo‘llash kerak, chunki sulfanilamidlar qondagi qandning miqdoriga ta'sir qilishi mumkin. Sulfanilamidlarning yuqori dozalari gipoglikemik ta'sirga ega.
Sulfanilamidlar bakteritsid emas, balki bakteriostatik preparat bo‘lganliklari tufayli, infektsiyani qaytalanishi va mikroorganizmlarning chidamli shakllarini rivojlanishini oldini olish uchun to‘liq davolash kursini o‘tkazish kerak.
Patsiyentlar kristalluriya va urolitiaz rivojlanishini oldini olish uchun yetarli miqdorda suyuqlik iste'mol qilishlari kerak (kamida sutkada 1,5-2 l).
Tana vazni 10 kg dan ortiq bo‘lgan bolalarga suyuqlik miqdori umumiy formula bo‘yicha shaxsiy ravishda hisoblanadi tana vaznining birinchi 10 kg ga 100 mg/kg, keyingi 10 kg ga 50 ml/kg, 20 kg ortiq tana vaznining har bir kilogrammiga 20 ml suyuqlik.
Og‘ir nojo‘ya reaktsiyalarning rivojlanishini yuqori xavfi tufayli preparatni 65 yoshdan oshgan patsiyentlarga buyurishdan saqlanish kerak.
Sulfanilamidlarni qo‘llashda fotosensibilizatsiya rivojlanishi mumkinligini hisobga olib, quyosh nurlarining to‘g‘ridan-to‘g‘ri ta'siri va sun'iy ultrabinafsha nurlanishdan saqlanish tavsiya qilinadi.
Davolanish vaqtida dozalash tartibiga rioya qilish, tavsiya qilingan dozani 24 soatlik interval bilan qabul qilish, preparat qabul qilishni o‘tkazib yubormaslik kerak. Dozani o‘tkazib yuborish hollarida keyingi dozani ikki marta oshirish mumkin emas.
Homiladorlik va emizish davrida qo‘llanilishi.
Streptotsidni homiladorlik davrida qo‘llash mumkin emas.
Sulfanilamidlar ahamiyatsiz miqdorda ona sutiga kiradi, shuning uchun preparatni qabul qilish vaqtida emizish mumkin emas.
Avtomobilni va murakkab mexanizmlarni boshqarish qobiliyatiga ta'siri
Preparatni transport vositasini boshqarish va murakkab mexanizmlar bilan ishlash qobiliyatiga ta'sir qilishi haqida ma'lumotlar yo‘q.
Preparatga shaxsiy reaktsiyani aniqlashgacha avtotransportni boshqarish va boshqa mexanizmlar bilan ishlashdan saqlanish kerak, chunki sulfanilamidlar bilan davolashda nerv tizimi tomonidan bosh aylanishi, tirishishlar, ataksiya, uyquchanlik, depressiya, psixozlar kabi nojo‘ya reaktsiyalar bo‘lishi mumkin.
Bolalar.
Preparat 3 yoshdan oshgan bolalarda qo‘llaniladi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Nojo‘ya reaktsiyalarning ko‘rinishlarini kuchayishi mumkin.
Doza oshirib yuborilganida anoreksiya (ishtahani yo‘qligi), ko‘ngil aynishi, qusish, sanchiqsimon og‘riqlar, bosh og‘rig‘i, uyquchanlik, bosh aylanishi, hushdan ketish rivojlanishi mumkin. Uzoq muddat qo‘llanganida isitma, gematuriya, kristalluriya, sianoz, taxikardiya, paresteziyalar, diareya, xolestaz, anuriya bilan buyrak yetishmovchiligi, toksik gepatit, leykopeniya, agranulotsitoz bo‘lishi mumkin.
Davolash. Dozani oshirib yuborish hollarida shifokorga murojaat qilish tavsiya qilinadi. Davolash simptomatik. Tibbiy yordam ko‘rsatilgunigacha me'dani natriy gidrokarbonatining 2% eritmasi bilan yuvish va faollashgan ko‘mirning suspenziyasi yoki boshqa enterosorbentlarni qabul qilish kerak. Ko‘p suyuqlik iste'mol qilish, jadallashtirilgan diurez, gemodializ ko‘rsatilgan.


Chiqarilish shakli

0,3 g va 0,5 g li tabletkalar.


Saqlash sharoiti

Quruq, yorug‘likdan himoyalangan joyda, 25°С dan yuqori bo‘lmagan haroratda saqlansin.


Yaroqlilik muddati

5 yil.



Dorixonalardan berish tartibi

Retseptsiz.


Ishlab chiqaruvchi

«REMEDY GROUP» MChJ O‘zbekiston-Britaniya QK, O‘zbekiston Respublikasi