Preparatning savdo nomi
Tetratsiklina gidroxlorid
Ta'sir etuvchi modda (XPN) tetratsiklin

Dori shakli
plyonka qobiq bilan qoplangan tabletkalar

Tarkibi

1 tabletka quyidagilarni saqlaydi
faol modda 100% quruq moddaga qayta hisoblanganda 100 mg tetratsiklin gidroxloridi;
yordamchi moddalar mikrokristall sellyuloza, natriy kroskarmelloza, kaltsiy stearati, talk;
plyonka hosil qiluvchi qobiq polivinil spirti, makrogol/PEG 3350, talk (E553b), titan dioksidi (E171), maxsus qizil AG (E129), sariq shafaq FCF (E110).
Ta'rifi dumaloq, ikki tomoni qavariq, plyonka qobiq bilan qoplangan, qizildan qizil-jigarrangligacha bo‘lgan tabletkalar.

Farmakoterapevtik guruhi
Tizimli qo‘llash uchun antibakterial vositalar. Tetratsiklinlar.
ATX kodi J01AA07.

Farmakologik xususiyatlar

Farmakodinamika
si
Keng ta'sir doirasiga ega tetratsiklinlar guruhiga mansub bakteriostatik antibiotikdir. Aminoatsil-transport RNT (tRNK) ni “informatsion RNK (iRNK)-ribosoma” kompleksi bilan bog‘lanishi natijasida oqsil sintezini susaytirishi hisobiga ta'sir qiladi. Grammusbat (Staphylococcus spp., shu jumladan penitsillinazani ishlab chiqaradiganlar; Staphylococcus spp, shu jumladan Staphylococcus pneumoniae); Haemophilus influenzae, Listeria spp., Bacillus anthracis va grammanfiy mikroorganizmlar (Neisseria gonorrhoeae, Bordetella pertussis, Escherichia coli, Enterobacter spp., Klebsiella spp., Salmonella spp., Shigella spp.) shuningdek Ricketsia spp, Chlamydia spp, Mycoplasma spp, Treponema spp ga nisbatan faol. Preparatni ta'siriga chidamli Pseudomonas aeruginosa, Proteus spp., Serratia spp., Bacteroides spp. ning ko‘pchilik shtammlari va zamburug‘lar, mayda viruslar.

Farmakokinetikasi

Ichga qabul qilinganda preparatning 75-80% so‘riladi, qon plazmasi oqsillari bilan 55-65%, bog‘lanadi qondagi maksimal kontsentratsiyasiga 2-3 soatdan keyin erishiladi va 1,5-3,5 mg/l ni tashkil qiladi. Keyingi 8 soatda kontsentratsiya asta-sekin pasayadi.
Organizmda notekis taqsimlanadi jigar, buyrak, o‘pkada va retikuloendotelial tizimi elementlariga boy a'zolarda (taloq, limfatik tugunlar) maksimal kontsentratsiyada saqlanadi.
Tetratsiklinni safrodagi kontsentratsiyasi qon zardobidagidan 5-10 marta yuqori. Qalqonsimon va prostata bezida preparatning miqdori qon plazmasidagi kabi bir xil. Plevra va astsitik suyuqligida, so‘lakda, ko‘krak sutida preparatni kontsentratsiyasi qon plazmasidan 60-100% ni tashkil qiladi. Ko‘p miqdorda suyak to‘qimasida to‘planadi. Gematoentsefalik to‘siqdan yomon o‘tadi. Yo‘ldosh to‘sig‘i orqali o‘tadi va homila qoniga tushadi.
Jigarda 30-50% metabolizmga uchraydi. Preparatni qabul qilingandan 2 soatdan so‘ng siydikda yuqori kontsentratsiyada aniqlanadi va 6-12 soat davomida saqlanadi. Birinchi 12 soat davomida dozaning 10-20% buyrak orqali chiqariladi.
Umumiy dozaning 5-10% safro bilan ichakka tushadi, u yerda qisman qayta so‘rilishi (ichak-jigar sirkulyatsiyasi) yuz beradi, bu faol moddani organizmda uzoq aylanishiga yordam beradi.
Ichga qabul qilinganda ichak orqali chiqarilishi 20-50% ni tashkil etadi.
Yarim chiqarilish davri 8 soatni tashkil etadi.


Qo‘llanilishi

Preparatga sezuvchan mikroorganizmlar chaqirgan infektsion yallig‘lanish kasalliklari bronxit, pnevmoniya, yiringli plevrit, nim o‘tkir septik endokardit, bakterial va amyoba dizenteriyasi, ko‘k yo‘tal, angina, skarlatina, gonoreya, brutsellyoz, tulyaremiya, toshmali va qaytuvchan tif, psittakoz, ornitoz, siydik chiqarish yo‘llarini infektsiyalari, surunkali xoletsistit, yiringli meningit, teri va yumshoq to‘qimalarining yiringli infektsiyalari, vaboda qo‘llaniladi.
Operatsiyadan keyingi infektsiyalar profilaktikasida qo‘llaniladi.


Qo‘llash usuli va dozalari

Tetratsiklinni ovqatlanish vaqtida yoki ovqatdan keyin darhol suv bilan ichga qabul qilinadi. Kattalar uchun odatdagi bir martalik doza har 6 soatda 200 mg (2 tabletka) ni tashkil qiladi.
12 yoshdan oshgan bolalarga – kattalar uchun dozalarda, ya'ni 200 mg (2 tabletka) dan kuniga 3-4 marta buyuriladi. Davolash kursi 5-7 kunni tashkil qiladi. Tana harorati me'yorlashgandan va kasallikni klinik belgilari yo‘qolgandan keyin preparatni yana 1-3 kun qabul qilinadi.

Nojo‘ya ta'sirlari
Allergik reaktsiyalar teri toshmalari (makulopapulyoz toshma, eshakemi), qichishish, eozinofiliya, Kvinke shishi; yuz va tilni shishi, perikardit, anafilaksiya, anafilaktoid reaktsiyalar, o‘ta yuqori sezuvchanlik;
ovqat hazm qilish yo‘llari tomonidan jig‘ildon qaynashi, ko‘ngil aynishi, qusish, anoreksiya, qorinda og‘riq, diareya, qabziyat, og‘izni qurishi, glossit, til rangini o‘zgarishi, tish emalini nuqsoni, tishlarni bo‘yalishi, bolalarda tish emalini rangini o‘zgarishi (sariq yoki kulrang jigarrangga bo‘yalishi), pankreatit, ezofagit, stomatit, gastrit, me'da va o‘n ikki barmoq ichak yarasi, proktit, disfagiya, ichak disbakteriozi, kam hollarda – soxta membranoz kolit;
nerv tizimi tomonidan bosh aylanishi, bosh og‘rig‘i, chayqalib qadam tashlash, bosh miya ichki gipertenziyasi, ko‘ruv nervini shishi;
ko‘rish a'zolari tomonidan ko‘rishni o‘zgarishi, yorug‘likdan qo‘rqish;
qon yaratish a'zolari tomonidan neytropeniya, trombotsitopeniya, gemolitik anemiya, Moshkovich kasalligi;
teri va teri osti to‘qimalari fotosensibilizatsiya, terini qizarishi va ko‘chishi, teri, shilliq qavat pigmentatsiyasi, til so‘rg‘ichlarini gipertrofiyasi, zamburug‘larni haddan ziyod o‘sishi, kandidoz, orqa teshik va jinsiy a'zolar qichishishi;
gepatobiliar tizim tomonidan transaminazalar ishqoriy fosfataza va bilirubin darajasini oshishi kuzatilishi mumkin. Klinik belgilar bilan jigar faoliyatini buzilishi (o‘zini yomon xis etishi, tana haroratini oshishi va/yoki o‘ng qovurg‘a ostida og‘riq, me'dada og‘riq, ko‘ngil aynishi, qusish, skleralarni subikterikligi). Shu sababli tetratsiklin gidroxloridini qabul qilayotgan patsiyentlarda vaqti-vaqti bilan jigar faoliyatini nazorat qilish kerak.
Boshqalar tomoqda og‘riq, xirillash, suyak to‘qimasini hosil bo‘lishini buzilishi, suyaklarni bir maromda o‘sishining sekinlashishi (bolalarda), laborator ko‘rsatkichlarni o‘zgarishi (azot mochevinani oshishi, azotemiya, giperkreatininemiya), gipovitamnoz.


Qo‘llash mumkin bo‘lmagan holatlar

• Preparatga va yaqin antibiotiklarga yuqori sezuvchanlik;
• zamburug‘li kasalliklar;
• jigar faoliyatini buzilishlari;
• buyrak kasalliklari;
• tizimli qizil yugurik;
• alopetsiya;
• leykopeniya;
• homiladorlik;
• emizish davri;
• 12 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Metall ionlarini saqlovchi preparatlar (antatsidlar, temir, magniy, kaltsiy preparatlari) tetratsiklin bilan faol bo‘lmagan xelatlarini hosil qiladi, shu sababli ularni bir vaqtda qo‘llashdan saqlanishi kerak.
Bakteritsid ta'sirga ega va bakteriostatik antibiotiklarni (shu jumladan tetratsiklin) antagonisti hisoblanganpenitsillinlar, sefalosporinlar bilan majmuaviy qo‘llashdan saqlanish lozim.
Atsitretin, izotretionin va tretionin (akneni davolash uchun) kabi retinoidlar tetratsiklin bilan bir vaqtda qabul qilinganda ehtiyotkorlikni talab qiladi.
Retinol bilan bir vaqtda qo‘llanganda bosh miya ichki gipertenziyasi rivojlanishi mumkin. Xolesteramin bilan bir vaqtda qo‘llaganda tetratsiklinni so‘rilishi buziladi.
Tetratsiklin gidroxloridi tebletkalari peroral kontratseptsiyani samaradorligini pasaytirishi mumkin.
Tetratsiklinni qo‘llaganda homiladorlikka qarshi choralarni preparatni qabul qilish to‘xtatilgandan keyin yana 7 kun davomida ishlatilishi kerak. Tetratsiklinni oleandomitsin va eritromitsin bilan majmuasi sinergik hisoblanadi. Tetratsiklin gidroxloridini siydik haydovchi vositalari bilan birga qo‘llash ehtiyotkorlikni talab qiladi.
Vismut subsalitsilati bilan bir vaqtda qabul qilinganda tetratsiklinlarni so‘rilishi pasayadi va ularni biokiraolishligi kamayadi.
Tetratsiklinni diabetni davolash uchun (insulin, glibenklamid yoki gliklazid) preparatlarini; og‘riqsizlantiruvchi vositalar (metoksifluran) bilan; atovakvon va gepatotoksik preparatlar bilan ehtiyotkorlik bilan buyuriladi.
Ichak mikroflorasini bostirishi sababli, protrombin indeksi pasayadi, bu bilvosita antikoagulyantlar dozasiga, ularni tetratsiklin gidroxloridi bilan birga qo‘llanganda tuzatish kiritishni talab qiladi.
Ximotripsin tetratsiklinni kontsentratsiyasini va sirkulyatsiyasi davomiyligini oshiradi.


Maxsus ko‘rsatmalar

Buyrak faoliyatini buzilishida preparatni to‘planishi va nojo‘ya samaralarni rivojlanish xavfi oshishi mumkin.
Leykopeniyada tetratsiklinni ehtiyotkorlik bilan buyuriladi.
Tetratsiklinni sut va boshqa sut mahsulotlari bilan bir vaqtda qo‘llash mumkin emas, chunki bunda preparatni so‘rilishi buziladi.
Tetratsiklin bilan davolash davrida bemor holatini sinchkovlik bilan kuzatish zarur. Preparatga yuqori sezuvchanlik belgilari va nojo‘ya reaktsiyalar paydo bo‘lgan hollarda preparatni qabul qilish to‘xtatiladi, zarurati bo‘lganida boshqa antibiotik (tetratsiklinlar guruhigi kirmagan) buyuriladi; kandidoz simptomlari paydo bo‘lganida zamburug‘larga qarshi preparatlar, vitaminlar buyuriladi.
Kattalarga preparatni sutkada 800 mg dan kam dozada buyurish maqsadga muvofiq emas, chunki yetarli bo‘lmagan terapevtik samaradan tashqari tetratsiklinga chidamli mikroorganizmlar rivojlanishi mumkin.
Fotosensibilizatsiya rivojlanishi mumkinligi sababli, insolyatsiyani cheklash zarur.
Uzoq vaqt qo‘llanganda buyrak, jigar, qon yaratish a'zolarini faoliyatini vaqti-vaqti bilan nazoratini o‘tkazish lozim.
Sifilisni belgilarni niqoblashi mumkin, shu sababli 4 oy davomida har oy serologik tahlilni o‘tkazish kerak.
Gipovitaminozni oldini olish uchun V va K guruhi vitaminlarini, pivo achitqisini buyurish lozim.
Homiladorlik va emizish davrida qo‘llanilishi.
Homiladorlik vaqtida ayollarga preparatni qo‘llash mumkin emas. Preparatni emizish davrida qo‘llanganda davolash vaqtida emizishni to‘xtatish lozim.
Bolalar.
Preparat 12 yoshgacha bo‘lgan bolalarga buyurilmaydi.
Avtotransportni boshqarishda yoki boshqa mexanizmlar bilan ishlashda reaktsiya tezligiga ta'sir qilish qobiliyati.
Preparatni avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish qobiliyati to‘g‘risida ma'lumotlar yo‘q.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Yuqorida ta'riflangan nojo‘ya ko‘rinishlar kuchayishi mumkin.
Davolash - simptomatik davolash.


Chiqarilish shakli

20 tabletkadan blisterda, 20 tabletkadan blisterda, 1 blisterdan qutida.


Saqlash sharoiti

Original o‘ramida, 25oS dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

«Nauchno-proizvodstvenniy sentr «Borsh’agovskiy ximiko-farmatsevticheskiy zavod» jamoa aktsionerlik jamiyati
Ukraina, 03134, Kiyev sh., Mir ko‘ch., 17