Preparatning savdo nomi
Sefazolin-KMP
Ta'sir etuvchi modda (XPN) sefazolin (cefazolin)

Dori shakli
in'ektsiya uchun eritma tayyorlash uchun kukun.

Tarkibi

1 flakon quyidagilarni saqlaydi
faol modda sefazolinga qayta hisoblanganda 1,0 g steril sefazolinning natriyli tuzi.
Ta'rifi juda ham gigroskopik, oq yoki deyarli oq rangli kukun.

Farmakoterapevtik guruhi
Tizimli qo‘llash uchun mikroblarga qarshi vositalar, boshqa beta-laktam antibiotiklari. Birinchi avlod sefalosporinlari.
Kod ATX J01DB04


Farmakologik xususiyatlari


Farmakodinamika
si
Sefazolin parenteral yuborish uchun sefalosporinlar guruhining I avlodiga mansub yarimsintetik antibiotigidir. Antimikrob ta'sir mexanizmi transpeptidaza fermentini susaytilirishi va bakterial hujayrasi devoridagi mukopeptid biosintezini bloklashi bilan bog‘liq. Preparat keng bakteritsid ta'sir doirasiga ega, ko‘pchilik grammanfiy va grammusbat mikroorganizmlarga (shu jumladan, penitsilinazani ishlab chiqaradigan va ishlab chiqarmaydigan mikroorgoanizmlarga nisbatan ham samaralidir. Ko‘pchilik grammanfiy mikroorganizmlar Escherichia coli, Proteus mirabilis, Salmonella spp., Shigella spp., Klebsiella spp. (shu jumladan Klebsiella pneumoniae), Enterobacter spp., Haemophilus influenzae, Neisseria gonorrhoeae, Neisseria meningitidis, Treponema spp., Leptospira spp. ga nisbatan yuqori faollikka ega. Grammusbat mikroorganizmlar, xususan, Staphylococcus spp., Streptococcus spp. (shu jumladan Streptococcus pneumoniae), Corynebacterium diphtheriae, Bacillus anthracis ga nisbatan faol. Proteus (Proteus vulgaris) ning indol musbat shtammlari, shuningdek Enterobacter cloacae, Morganella morganii, Providencia rettgeri, Serratia spp., Pseudomonas spp., Acinetobacter spp., shu jumladan anaerob kokklar Peptococcus spp., Peptostreptococcus spp., shu jumladan V. Fragilis sefazolinga chidamli. Rikketsiyalar, viruslar, zamburug‘lar, sodda hayvonlarga ta'sir etmaydi.

Farmakokinetikasi

Sefazolin tezda so‘riladi. 0,5 g dozada mushak ichiga yuborilganda qon plazmasidagi o‘rtacha kontsentratsiyasi 60 minutdan keyin 37 mkg/ml ni va 8 soatdan keyin 3 mkg/ml ni, 1 g dozada yuborilganda – 60 minutdan keyin 64 mkg/ml ni va 8 soatdan keyin 7 mkg/ml ni tashkil etadi.
1 g dozada vena ichiga yuborilganda maksimal kontsentratsiyasi o‘sha zahoti aniqlanadi va 185 mkg/ml ni va 8 soatdan keyin – 4 mkg/ml ni tashkil etadi. Qonda bakteritsid kontsentratsiyasi 8-12 soat davomida saqlanib turadi. Organizm to‘qimalari va suyuqliklariga yaxshi kirib boradi va shilliq qavatlarda, balg‘amda, suyak to‘qimasida, orqa miya suyuqligida terapevtik kontsentratsiyalarda aniqlanadi, platsentar to‘siq orqali o‘tadi va juda past kontsentratsiyalarda ko‘krak sutida aniqlanadi.
Preparatning 90% qon plazmasi oqsillari bilan bog‘lanadi. Organizmdan o‘zgarmagan holda siydik bilan chiqariladi (taxminan 90%). Birinchi 6 soat ichida preparatning taxminan 60% siydik bilan chiqariladi, 24 soatdan keyin chiqarilishi 70-80% ni tashkil etadi. Siydikdagi eng yuqori kontsentratsiyasi 0,5 g va 1,0 g dozada qo‘llanilganda muvofiq ravishda taxminan 2,4 mkg/ml va 4,0 mkg/ml ni tashkil etadi. Preparat jigarda ahamiyatsiz darajada metabolizmga uchraydi va safro bilan chiqariladi.
Yarim chiqarilish davri mushak ichiga yuborilganidan so‘ng taxminan 2 soat, vena ichiga yuborilganidan so‘ng 1,8 soatni tashkil etadi. Buyrak funktsiyasi buzilganida yarim chiqarilish davri – 3-42 soatni tashkil etadi.


Qo‘llanilishi

Preparatga sezgir mikroorganizmlar tomonidan chaqirilgan infektsiyalar
-nafas olish yo‘llarining infektsiyalari;
-siydik chiqarish yo‘llarining infektsiyalari;
-teri va yumshoq to‘qimalarning infektsiyalari;
-o‘t chiqarish yo‘llarining infektsiyalari;
-suyak va bo‘g‘im infektsiyalari;
-tanosil tizimi infektsiyalari (prostatit, epidimit va boshq);
-septitsemiya;
-endokardit;
-operatsiyadan oldingi, operatsiya vaqtidagi va undan keyin jarroxlik infektsiyalarini oldini olish uchun qo‘llaniladi.


Qo‘llash usuli va dozalari

Davolashni boshlashdan oldin teri sinamasini amalga oshirib patsiyentda antibiotikga yuqori sezuvchanlik borligini istisno qilish kerak. Sefazolinni mushak ichiga yoki vena ichiga (tomchilab va oqim bilan) yuborish kerak. Sefazolinni intratekal usuli bilan yuborish mumkin emas.
In'ektsiya va infuziya uchun eritmalarni tayyorlash
Mushak ichiga yuborish uchun flakondagi moddani 4-5 ml in'ektsiya uchun steril suvda yoki 0,9% li natriy xloridi eritmasida to‘liq erib ketguncha yaxshilab silkitib eritish kerak.
Katta dumba mushagining yuqorigi tashqari kvadrantiga chuqur yuborish kerak. Vena ichiga oqimlab yuborish uchun preparatning bir martalik dozasini 0,9% li natriy xloridi eritmasining 10 ml da yoki steril in'ektsiya uchun suvda eritib, 3-5 minut davomida sekin yuboriladi. Vena ichiga tomchilab yuborish uchun 0,5-1,0 g preparat 50-100 ml in'ektsiya uchun suv yoki 0,9% li natriy xloridi eritmasida yoki quyidagi eritmalar 5% li glyukoza eritmasi, 10% li glyukoza eritmasi, infuziya uchun 5% li glyukoza eritmasi infuziya uchun natriy laktati eritmasida 0,9% li natriy xloridi eritmasi vena ichiga infuziya uchun 5% li glyukoza eritmasi bilan, 0,45% li natriy xloridi eritmasi vena ichiga infuziya uchun 5% li glyukoza eritmasi bilan, 5% li natriy laktati eritmasi yoki in'ektsiya uchun suvda 10% li invertirlangan qand eritmasi, laktatli yoki laktatsiz in'ektsiya uchun Ringer eritmasida eritiladi. Infuziyani 20-30 minut davomida o‘tkazish kerak (yuborish tezligi – minutiga 60-80 tomchi).
Suyultirayotgan paytda to‘liq erib ketguncha flakonlarni yaxshilab chayqatish kerak. Vena ichiga va mushak ichiga preparat bir xil sutkalik dozada yuboriladi.
Dozalash
Kattalar uchun odatdagi dozalar
Kattalar uchun sefazolinning o‘rtacha sutkalik dozasi 1-4 g ni tashkil etadi, maksimal sutkalik dozasi – 6 g ni tashkil etadi.
Infektsiyaning tipiDozaYuborishlar soni
Pnevmokokkli pnevmoniya500 mgHar 12 soatda
Sezgir grammusbat mikroorganizmlar tomonidan chaqirilgan infektsiyalar250 mg dan
500 mg gachaHar 8 soatda
Siydik chiqarish yo‘llarining asoratlanmagan o‘tkir infektsiyalari1 gHar 12 soatda
O‘rtacha og‘irlikdagi infektsiyalar va og‘ir infektsiyalar500 mg dan 1 g gachaHar 6-8 soatda
Hayot uchun xavfli infektsiyalar* (masalan, peritonit, dekstrutiv pnevmoniya, asoratlanmagan urologik infektsiyalar, sepsis, endokardit1 g dan 1,5 g gachaHar 6 soatda
*Kam holatlarda sefazolin sutkada 12 g dozada buyurilgan.
Jarroxlikdan keyin infektsion asoratlarning oldini olish uchun kattalarda sefazolinni mushak ichiga yoki vena ichiga
-1 g dozada jarroxlik aralashuvlaridan 0,5-1 soat oldin;
-Uzoq davom etadigan jarroxlik (2 soat va undan ortiq) larda – jarroxlik jarayonida qo‘shimcha 0,5-1 g;
-Jarroxlikdan keyin birinchi 24 soat ichida 0,5-1 g dozada xar 6-8 soatda yuborish tavsiya etiladi.
Ba'zi holatlarda (masalan, ochiq yurakdagi jarroxliklar, bo‘g‘imlarni protezlash) sefazolinni infektsiyani oldini olish maqsadida qo‘llash uchun jarroxlikdan keyin 3-5 kun davomida yuborish mumkin.
1 oylikkacha bo‘lgan bolalarga. Preparat 3-4 marta yuborishga bo‘lingan holda sutkada 20-50 mg/kg dozada buyuriladi, og‘ir infektsiyalarda sutkada 90-100 mg/kg dozada (maksimal doza) yuborilsin.
Preparat bilan davolashning o‘rtacha davomiyligi – 7-10 kun.
Bolalar uchun dozalar

Tana vazni kg
3 marta yuborishga bo‘lingan xolda sutkada 25 mg/kg4 marta yuborishga bo‘lingan holda sutkada 125 mg/ml
Taxminiy bir martalik doza (xar 8 soatda)125 mg/ml kontsent-ratsiyaga suyultirish uchun kerak bo‘lgan suyuqlik hajmiTaxminiy bir martalik doza (xar 6 soatda)125 mg/ml kontsent-ratsiyaga suyulti-rish uchun kerak bo‘lgan suyuqlik hajmi
4,540 mg0,35 ml30 mg0,25 ml
975 mg0,6 ml55 mg0,45 ml
13,5115 mg0,9 ml85 mg0,45 ml
18150 mg1,2 ml115 mg0,9 ml
22,5190 mg 1,5 ml140 mg 1,1 ml


Tana vazni kg3 marta yuborishga bo‘lingan holda sutkada 50 mg/kg4 marta yuborishga bo‘lingan holda sutkada 125 mg/ml
Taxminiy bir martalik doza (xar 8 soatda)225 mg/ml kontsent-ratsiyaga suyultirish uchun kerak bo‘lgan suyuqlik hajmiTaxminiy bir martalik doza (xar 6 soatda)225 mg/ml kontsent-ratsiyaga suyulti-rish uchun kerak bo‘lgan suyuqlik hajmi
4,575 mg0,35 ml55 mg0,25 ml
9150 mg0,7 ml110 mg0,5 ml
13,5225 mg1,0 ml170 mg0,75 ml
18300 mg1,35 ml225 mg1,0 ml
22,5375 mg1,7 ml285 mg 1,25 ml
Buyrak funktsiyasini buzilishi bo‘lgan patsiyentlarda dozalash tartibi kreatinin klirensiga bog‘liq holda belgilanadi.
Infektsiyaning og‘irlik darajasiga mos keluvchi zarbdor dozadan keyin, quyida keltirilgan tavsiyalardan foydalanish mumkin. Kreatinin klirensi
-minutiga 55 ml va ortiq bo‘lganida – dozaga tuzatish kiritish talab qilinmaydi;
-minutiga 35-54 ml – bir martalik doza o‘zgarmaydi, lekin yuborishlar orasidagi interval 8 soatdan kam bo‘lmasligi kerak;
-minutiga 11-34 ml – bir maratlik standart dozani ikki marta kamaytirish kerak, yuborishlar orasidagi interval 12 soatga teng;
-minutiga 10 ml dan kam – terapevtik dozining yarimini xar 18-24 soatda yuboriladi.
Bolalarda buyrak funktsiyasini buzilganda. Avval preparatning bir martalik dozasi yuboriladi, keyingi dozalarga buyrak yetishmovchiligining darajasiga qarab, tuzatish kiritiladi. Buyrak funktsiyasini o‘rtacha darajada buzilishi bo‘lgan bolalarga (kreatinin klirensi – minktiga 40-70 ml) bo‘lgan patsiyentlarda sutkalik dozaning 60% ini xar 12 soatda sutkada 2 marta buyuriladi, kreatinin klirensi minktiga 20-40 ml bo‘lganida – sutkalik dozaning 25% ni xar 12 soatda 2 marta, buyrak funktsiyasini og‘ir buzilishida (kreatinin klirensi – minktiga 5-20 ml) – sutkalik o‘rtacha dozaning 10% xar 24 soatda buyuriladi. Barcha tavsiya etilgan dozalar boshlang‘ich zarbdor dozadan keyin buyuriladi. Davolash davomiyligi o‘rtacha 7-10 kunni tashkil etadi.

Nojo‘ya ta'sirlari
Immun tizimi tomonidan teri toshmalari, qichishish, terini qizarishi, dermatit, eshakemi, medikamentoz isitma, angionevrotik shish, anafilaktik shok, ekssudativ ko‘p shaklli eritema, Stivens-Djonson sindromi, toksik epidermal nekroliz (Layell sindromi), eozinofiliya, artralgiya, zardob kasalligi, bronxospazm.
Qon tizimi va limfatik tizim tomonidan leykopeniya, agranulotsitoz, neytropeniya, neytropeniya, limfopeniya, gemolitik anemiya, aplastik anemiya, trombotsitopeniya/trombotsitoz, gipotrombinemiya, gematokritning pasayishi, protrombin vaqtining ortishi, pantsitopeniyalar holatlari to‘g‘risida xabarlar berilgan.
Ovqat hazm qilish yo‘llari tomonidan anoreksiya, ko‘ngil aynishi, qusish, qorinda og‘riq, diareya, qabziyat; davolash vaqtida yoki undan keyin paydo bo‘lishi mumkin bo‘lgan psevdomembranoz kolit simptomlari; uzoq vaqt qo‘llanilganda ovqat xazm qilish yo‘llarining disbakteriozi kandidomikozi (shu jumladan kandidozli stomatit) rivojlanishi mumkin.
Gepatobiliar tizim tomonidan yakka xollarda ALT, AST va ishqoriy fosfataza darajasini tranzitor oshishi, tranzitor gepatit va xolestatik sariqlik, giperbilirubinemiya kuzatilgan.
Siydik ajratish tizimi tomonidan buyrak yetishmovchiligining klinik belgilarisiz buyrak funktsiyasini buzilishi (qonda siydikchil azoti miqdorini tranzitor ortishi, giperkreatininemiya).
Intersttsial nefrit va buyrak funktsiyasini boshqa buzilishlari (nefropatiya, buyrak so‘rg‘ichlari nekrozi, buyrak yetishmovchiligi) to‘g‘risida kam xabarlar berilgan.
Nevrologik buzilishlar bosh og‘rig‘i, bosh aylanishi, paresteziya, xavotirlik holatlari, qo‘zg‘alish, giperfaollik, tirishishlar.
Yuborish joydagi reaktsiyalar og‘riq, qatiqlashish, in'ektsiya joyida shish, vena ichiga yuborilganda flebit rivojlanishi xolatlari kuzatilgan.
Boshqa nojo‘ya samaralar umumiy holsizlik, terini oqarishi, taxikardiya, gemorragiyalar. Kam hollarda – anagenital qichishish, genital kandidoz va vaginit paydo bo‘lishi mumkin. Kumbsning musbat testi. Uzoq vaqt qo‘llanganda preparatga chidamli bo‘lgan qo‘zg‘atuvchilar tomonidan superinfektsiya rivojlanishi mumkin.


Qo‘llash mumkin bo‘lmagan holatlar

Sefalosporinlar qatori antibiotiklariga va/yoki boshqa β-laktam antibiotiklariga yuqori sezuvchanlikda qo‘llash mumkin emas.

Dorilarning o‘zaro ta'siri
Sefazolin-KMP quyidagilar bilan bir vaqtda qo‘llanilganda
probenetsid bilan – sefazolinning ekskretsiyasi sekinlashadi, bu uning kumulyatsiyasiga, qon zardobida preparatning kontsentratsiyasini uzoq vaqt oshishiga olib keladi;
antikoagulyantlar bilan - qon ketishi xavfi oshadi;
aminoglyukozidlar va halqali diuretiklar (furosemid, etakrin kislotasi) bilan -nefrotoksiklikning xavfi oshadi; sefazolinning buyrak kanalchalari orqali sekretsiyasini blokadasi natijasida buyrak funktsiyasi buziladi, bunday hollarda preparatning dozasini kamaytirish va davolashni qon zardobidagi siydikchil azoti va kreatinin miqdorining nazorati ostida o‘tkazish kerak;
etanol bilan – disulfiramning ta'siriga o‘xshash reaktsiyalar bo‘lishi mumkin.
Sefazolinni bakteriostatik ta'sir mexanizmiga ega bo‘lgan antibakterial preparatlar (tetratsiklinlar, sulfanilamidlar, eritromitsin, xloramfenikol) bilan birga qo‘llash mumkin emas. Sefazolinning eritmasini bir sig‘imda boshqa antibiotiklar bilan aralashtirish mumkin emas. Sefazolin va penitsillin guruhi preparatlari orasida kesishgan reaktivlik paydo bo‘lishi mumkin. Boshqa antibiotiklar kabi sefazolin BTSJ-vaktsina, tifga qarshi vaktsinalarning davolovchi samarasini pasaytirishi mumkin, shuning uchun bunday kombinatsiya tavsiya qilinmaydi.
Nomutanosiblik. Sefazolin eritmasini bir shpritsda yoki bir infuzion sistemada boshqa dori vositalari, ayniqsa antibiotiklar bilan aralashtirmagan afzal. Preparatning eritmalarini tayyorlash uchun “
Qo‘llash usuli va dozalari
” bo‘limida ko‘rsatilgan erituvchilardan foydalanish kerak.


Maxsus ko‘rsatmalar

Sefazolin bilan davolashning xar bir yangi kursini boshlashdan oldin, patsiyentda anamnezda sefazolin, sefalosporinlar, penitsillinlar, boshqa β-laktam antibiotiklar, boshqa dori vositalarga yuqori sezuvchanlik reaktsiyalari bo‘lgan yoki bo‘lmaganligini aniqlash kerak. O‘ta yuqori sezuvchanlik reaktsiyalari, ilgari penitsilinga allergiya epizodlari bo‘lgan patsiyentlarning 10% da qayd qilingan. Penitsillinlar va sefalosporinlar orasida kesishgan allergik reaktsiyalarni kelib chiqish extimoli mavjud. Ikkala preparatga ham og‘ir yuqori sezuvchanlik reaktsiyalari (shu jumladan anafilaksiya) to‘g‘risida xabar berilgan. Anamnezida allergik reaktsiyalarning xar qanday shakli, ayniqsa dori vositalariga reaktsiyalar bo‘lgan patsiyentlarga antibiotiklarni extiyotkorlik bilan buyurish kerak. Boshqa sefalosporinlarni qo‘llanganda bo‘lgani kabi, xatto batafsil anamnezda allergiyaga tegishli ko‘rsatmalar bo‘lmasa ham, og‘ir o‘tkir allergik reaktsiyalar, shu jumladan anafilaktik shokni rivojlanishi mumkinligini istisno qilish mumkin emas. Agar allergik reaktsiya kuzatilsa. Sefazolin bilan davolash to‘xtatilishi kerak. Og‘ir darajadagi o‘tkir o‘ta yuqori sezuvchanlik reaktsiyalar rivojlanganda adrenalinni yuborish, va kislorod bilan davolash, vena ichiga eritmalarni, antigistamin, kortikosteroid preparatlarni patsiyentning klinik holatiga qarab, nafas yo‘llarining o‘tkazuvchanligini qo‘llab turish uchun pressor aminlarni yuborish kabi shoshilinch tibbiy yordam muolajalarini amalga oshirish talab etilishi mumkin. Sefalosporinlar eritrotsitlar membranasi yuzasiga so‘rilib, preparatga qarshi qaratilgan antitelolar bilan o‘zaro ta'sirga kirishi mumkin. Bu esa soxta musbat Kumbs testiga (masalan, onasi sefazolin qabul qilgan bolalarda) va juda kam hollarda – gemolitik anemiyani rivojlanishiga olib kelishi mumkin. Bunday reaktsiyada penitsillinlar bilan kesishgan reaktivlik rivojlanishi mumkin. Antibakterial preparatlar bilan davolash, ayniqsa keksa yoshdagi odamlarda, shuningdek kuchsizlashgan patsiyentlarda, bolalarda antibiotikni qo‘llanishi bilan bog‘liq diareyani, kolitlarni, shu jumladan psevdomembranoz kolitni rivojlanishiga olib kelishi mumkin. Shunning uchun, sefazolin bilan davolanish vaqtida va undan keyin birinchi navbatda ushbu tashxislarni, shu jumladan psevdomembranozli kolitni istisno qilish kerak. Og‘ir va/yoki qon aralash ich ketishlarida sefazolinni qo‘llashni to‘xtatish va tegishli davolashni o‘tkazish kerak. Kerakli bo‘lgan davolash o‘tkazilmasa, toksik megakolon, peritonit, shok rivojlanishi mumkin. Anamnezida me'da-ichak yo‘llari kasalliklari, ayniqsa kolit bo‘lgan patsiyentlarga extiyotkorlik bilan buyurish kerak. Antibakterial preparatlarni uzoq vaqt qo‘llash sezgir bo‘lmagan mikroorganizmlar, zamburug‘larning haddan tashqari o‘sishiga va superinfektsiyani rivojlanishiga olib kelishi mumkin va bu tegishli choralarni ko‘rishni talab etadi. Buyrak funktsiyasi buzilgan patsiyentlarga sefazolin buyurilganda, toksik ta'siriga yo‘l qo‘ymaslik uchun, sutkalik dozani kamaytirish kerak. Buyrak funktsiyasi normal bo‘lgan geriatrik guruhidagi patsiyentlarga dozaga tuzatish kiritish kerak emas. Preparatni intratekal yuborish tavsiya etilmaydi. Preparatni xuddi shu yo‘l orqali yuborilganda, shuningdek buyrak disfunktsiyasi fonida preparatning dozasi oshirilganda, markaziy nerv tizimi tomonidan og‘ir toksik reaktsiyalari, shu jumladan tirishishlar kuzailgan.
Preparat bilan uzoq vaqt davolanganda muntazam ravishda qon manzarasini, buyrak va jigarning funktsional xolati ko‘rsatkichlarini nazorat qilib turish kerak.
K vitamini sintezini buzilishi yoki yetishmovchiligi bo‘lgan patsiyentlar (masalan, jigar, buyrakning surunkali kasalliklari, keksa yosh, yetarli ovqatlanmaslik, uzoq vaqt antibiotiklar bilan davolash) sefazolin bilan davolashdan oldin protrombin vaqtini nazorat qilish kerak. Preparat bilan davolash paytida nofermentativ usullari yordamida o‘tkaziladigan glyukozurik testlar soxta musbat natijalar aniqlanishi mumkin.
Preparat fermentativ usullar bilan o‘tkaziladigan glyukourik testlar natijasiga ta'sir etmaydi.
Ishlatish uchun faqat yangi tayyorlangan tiniq eritmalar yaroqlidir.
Homiladorlik va emizish davrida qo‘llanilishi. Sefazolin homiladorlik davrida buyurmaslik kerak. Preparatni qo‘llash zarurati tug‘ilganida emizishni to‘xtatish kerak.
Bolalar. Preparat 1 oylikkacha bo‘lgan va chala tug‘ilgan bolalarga buyurilmaydi.
Avtotransportni va boshqa mexanizmlarni boshqarishdagi reaktsiya tezligiga ta'siri. Patsiyentning preparatga nisbatan shaxsiy reaktsiyasi aniqlanguncha, davolanish paytida bosh aylanishi, titrash kabi nerv tizimi tomonidan buzilishlar kuzatilishi mumkin bo‘lganini hisobga olib, avtotransportni boshqarish yoki boshqa mexanizmlar bilan ishlashdan saqlanish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Simptomlari bosh aylanishi, paresteziyalar va bosh og‘rig‘i, surunkali buyrak yetishmovchiligi bo‘lgan patsiyentlarda allergik reaktsiyalar rivojlanishi mumkin, neyrotoksiklik ko‘rinishlari bo‘lishi mumkin, bunda yuqori tirishishga tayyorlik, kam yoyilgan tirishishlar, qusish, taxikardiya kuzatiladi. Kreatinin miqdori qondagi siydikchil, jigar fermentlari faolligi ko‘rsatkichlari va bilirubin miqdorining oshishi, musbat Kumbs testi, trombotsitoz/trombotsitopeniya, eozinofiliya, leykopeniya va protrombin vaqtini oshishi kabi ko‘rsatkichlarni og‘ishlari aniqlanishi mumkin.
Davolash preparatni qo‘llashni to‘xtatish, zarurat bo‘lganida tirishishga qarshi, desensibilizatsiyalovchi davolashni o‘tkazish kerak. Doza og‘ir oshirib yuborilgan hollarda samarani bir maromda ushalb turuvchi davolash va gematologik, buyrak, jigar funktsiyalarini va qon ivish tizimini, patsiyent holati maromiga kelguncha, monitoringini o‘tkazish tavsiya etiladi. Preparat organizmdan gemodializ yo‘li orqali chiqarib yuboriladi; peritoneal dializ kam samarali.



Chiqarilish shakli

1,0 g dan flakonlarda, 10 flakondan qutida.


Saqlash sharoiti

Original o‘ramda, 25oS dan yuqori bo‘lmagan haroratda.


Yaroqlilik muddati

3 yil.


Dorixonalardan berish tartibi

Retsept bo‘yicha


Ishlab chiqaruvchi

“Kiyevmedpreparat” JAJ


Ishlab chiqaruvchi
ning manzili va faoliyat ko‘rsatish joyi.
Ukraina, 01032, Kiyev sh., Saksaganskiy ko‘ch., 139