Preparatning savdo nomi
Yodning 5 % li spirtli eritmasi.
Ta'sir etuvchi modda (XPN) yod

Dori shakli
eritma

Tarkibi

faol modda yod
yordamchi moddalar kaliy yodid, 96% li tibbiyot etil spirti va tozalangan suv.
Ta'rifi tiniq, qizil-qo‘ng‘ir rangli, o‘ziga xos hidli eritma

Farmakoterapevtik guruhi
antiseptik vositalar
ATX kodi D08AG03


Farmakologik xususiyatlari

Sirtga qo‘llanganda antiseptik, qo‘zg‘atuvchi va chalg‘ituvchi ta'sir ko‘rsatadi. Ichga qabul qilinganda qalqonsimon bezi funktsiyasiga ta'sir etadi, dissimilyatsiya, fibrinoliz jarayonini kuchaytiradi, yog‘ almashinuviga qoniqarli ta'sir ko‘rsatadi, qon ivishi tezligini pasaytiradi, balg‘am ko‘chiruvchi ta'sir ko‘rsatadi.
Sifilitik gummalarda yodni to‘planishi yumshatishiga so‘rilishi va yordam beradi. Biroq tuberkulyoz o‘chog‘larida yodning to‘planishi yallig‘lanish jarayonini kuchaytiradi.

Farmakokinetikasi

Shikastlanmagan teri orqali oson so‘riladi. Qalqonsimon bezda to‘planadi. Yo‘ldosh to‘sig‘i orqali o‘tadi. Organizmdan asosan buyrak, qisman me'da-ichak yo‘llari, ter va sut bezlari orqali chiqariladi.


Qo‘llanilishi

Sirtga terining infektsion-yallig‘lanishli shikastlanishi, jarohatlar, kesilgan joylar, mialgiyalar, trofik va varikoz yaralar, termik va kimyoviy kuyishning I va II darajasida. Mahalliy tonzilitlar, laringitlar. Ichga qabul qilishga ateroskleroz, sifilisni uchinchi bosqichi, nafas olish yo‘llarining surunkali yallig‘lanishida qo‘llanadi.


Qo‘llash usuli va dozalari

Sirtga preparat eritmasiga botirilgan paxtali tampon bilan zararlangan soha “yodli setka” qilib ishlov beriladi. Jarrohlik amaliyotida va kuyganda zararlangan yuzaga qo‘yiladigan doka salfetka zaruratiga qarab preparatga ho‘llanib bosiladi.
Mahalliy – preparatni 5-10 tomchisi 100-200 ml qaynagan iliq suvda eritiladi va tomoqni chayish uchun ishlatiladi. Aterosklerozni oldini olish uchun ichga sutkada 1 marta 5-10 tomchidan 30 kun davomida yilda 2-3 marta; ateroskleroz va nafas yo‘llari yallig‘lanishini davolashda 10 tomchidan sutkada 3 marta; sifilisni uchinchi bosqichida 5 dan 50 tomchigacha sutkada 2-3 marta qabul qilinadi. Maksimal bir martalik dozasi - 20 tomchi, sutkalik - 60 tomchi.
Nojo‘ya ta'sirlari
Sirtga qo‘llanganda kam hollarda teri ta'sirlanishi. Ichga qabul qilinganda teri allergik reaktsiyalari, taxikardiya, asabiylik, uyquni buzilishi, ko‘p terlash, diareya (40 yoshdan katta patsiyentlarda), gipo yoki gipertireoidizm holatlari yuz berishi mumkin.


Qo‘llash mumkin bo‘lmagan holatlar

Yodga yuqori sezuvchanlik. Ichga qabul qilish uchun o‘pka tuberkulyozi, nefrit, nefroz, yurak yetishmovchiligi, adenomalar (jumladan qalqonsimon bezlarda), chipqon, husnbuzar, surunkali piodermiya, gemorragik diatez, eshakemi, homiladorlik, laktatsiya (emizish), 5 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Sirtga qo‘llanganda vodorod peroksidi yoki boshqa dezinfektsiyalovchi vositalar bilan qo‘shib ishlatish mumkin emas.


Maxsus ko‘rsatmalar

Yuqori dozalarda uzoq muddat qo‘llanganda dozani oshirib yuborilishi, yodizm ko‘rinishlari yaqqol rinit (tumov), so‘lak ajralishini oshishi, eshakemi, Kvinke shishi namoyon bo‘lishi mumkin. Bunday hollarda preparatni bekor qilish, qusishni chaqirish, me'dani yuvishni, keyin simptomatik davolash o‘tkazish kerak.


Chiqarilish shakli

10 ml, 15 ml, 25 ml dan suyuqlik flakonlarda (bankalarda) tibbiyotda qo‘llanilishiga doir yo‘riqnomasi bilan birga.


Saqlash sharoiti

Yorug‘likdan himoyalangan joyda, 250 S dan yuqori bo‘lmagan haroratda saqlansin.
Preparat bolalar ololmaydigan joyda saqlansin.


Yaroqlilik muddati

3 yil.

Yaroqlilik muddati
o‘tgach ishlatilmasin.


Dorixonalardan berish tartibi

Retseptsiz


Ishlab chiqaruvchi

“RADIKS” MChJ,
O‘zbekiston Respublikasi, 100054, Toshkent sh., Lutfiy ko‘ch, 50.
tel (+99871) 273-92-31, faks (+99871) 273-80-58

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
"RADIKS" MChJ
O‘zbekiston Respublikasi, Toshkent sh. Lutfiy ko‘ch., 50
Tel. (+99871) 273-43-98, faks (+99871) 273-80-58.