Preparatning savdo nomi
Fluoksetin Lannaxer
Ta'sir etuvchi modda (XPN) fluoksetin

Dori shakli
kapsulalar

Tarkibi

Bir kapsula quyidagilarni saqlaydi
faol modda 20,00 mg fluoksetinga ekvivalent bo‘lgan fluoksetin gidroxloridi -22,36 mg;
yordamchi moddalar oldindan jelatinlangan makkajo‘xori kraxmali, dimetikon.
kapsula qobig‘ining tarkibi titan dioksidi (E 171), temir II oksidi (E 172), patentlangan ko‘k V jelatin (E131).
Ta'rifi tiniq bo‘lmagan fil suyagi rangli korpusli va och yashil rangli tiniq qopqoqli 3 o‘lchamli qattiq jelatinli kapsusalar. Kapsula ichidagisi oq rangli kukun.

Farmakoterapevtik guruhi
serotoninni qayta qamrab olishining selektiv ingibitori guruhiga mansub antidepressant.
ATX kodi N06AB03


Farmakologik xususiyatlari


Farmakokinetikasi

Ichga qabul qilinganda preparat me'da- ichak yo‘llaridan yaxshi so‘riladi. Ovqatni qabul qilish preparatni biokiraolishiga ta'sir qilmaydi. Qon plazmasida maksimal kontsentratsiyaga 6-8 soatdan so‘ng erishiladi. Preparat plazma oqsillari bilan yaxshi bog‘lanadi, taxminan 95% (shu jumladan albumin va alfa – 1 kislotali glikoprotein), to‘qimalarda yaxshi to‘planadi. Preparatni taqsimlanish xajmi yuqori, gematoentsefalik to‘siq orqali yengil o‘tadi, ko‘krak suti bilan chiqariladi (plazmada kontsentratsiyasining 25% gacha). SUR2D6 izofermermenti bilan dimetillizatsiya yo‘li bilan faol metabolit bo‘lgan norfluoksetingacha metabolizmga uchraydi. Metabolitlar buyrak (80%) va ichak orqali (15%) asosan glyukuronidla ko‘rinishida chiqariladi. Plazmada muvozanat kontsentratsiyaga erishgandan so‘ng fluoksketinni yarim chiqarilish davri 4-6 kunni, bir marta qabul qilganda 1-4 kunni, norfluoksetinni yarim chiqarilish davri 4-16 kunni tashkil qiladi, bu faol moddalarni ahamiyatli darajada to‘planishi va preparatni bekor qilgandan keyin organizmda uzoq muddat bo‘lishini (5-6 xafta) chaqiradi. Jigar sirorozi bo‘lgan bemorlarda yarim chiqarilish davri 3-4 marta uzayadi. Og‘ir buyrak yetishmovchiligi bo‘lgan patsiyentlarda fluoksetin bilan uzoq muddat davolanish preparatni to‘planishiga olib kelishi mumkin.


Farmakodinamika
si
Fluoksetin Lannaxer serotoninni qayta qamrab olishining selektiv ingibitorlari - antidepressantlarning yangi sinfiga mansub. Fluoksetin presinaptik membranada serotoninni qayta qamrab olinishini tanlab bloklaydi. Bunda u amalda noradrenergik va dofaminergik mediator tizimiga ta'sir qilmaydi va xolinolitik faollikka ega emas. Kayfiyatni yaxshilash qobiliyatiga ega, qo‘rquv va zo‘riqish xislarini kamaytiradi, disforiyani bartaraf etadi, ishtahani pasayishini chaqiradi. Sedativ samara chaqirmaydi. O‘rtacha terapevtik dozalarni qabul qilganda yurak-tomir faoliyatiga va boshqa tizimlarga deyarli ta'sir qilmaydi. Davolashni 1-2 xaftasidan keyin barqaror klinik samaraga erishiladi.


Qo‘llanilishi

-Turli genezli depressiyalar;
-obsessiv kompulsiv buzilishlar;
-asabli bulimiya;
-predmenstrual disforiyada qo‘llaniladi.


Qo‘llash usuli va dozalari

Fluoksetin Lannaxerni ichga, chaynamasdan kuniga 1 marta, ovqat qabul qilishga bog‘liq bo‘lmagan holatda, yetarli miqdordagi suyuqlik bilan qabul qilinadi. Depressiyada boshlang‘ich doza sutkada 20 mg dan 1 marta ertalab qabul qilinadi. Agar doimiy 3-4 xafta qabul qilgandan keyin klinik samara kuzatilmasa, dozani sutkada 20 mg dan 2 martagacha oshirish lozim (ertalab va kunduzi), maksimal sutkalik doza sutkada 80 mg. Qo‘llash davomiyligi kamida 6 oy.
Bulemik nevrozda 1 kapsuladan sutkada 3 marta (sutkada 60 mg) buyuriladi, davolash davomiyligi kamida 3 oy.
Obsessiv –kompulsiv buzilishlarda sutkada 20-60 mg buyuriladi, davolash davomiyligi kamida 6 oy. Buyrak va jigar yetishmovchiligida, shuningdek keksa yoshdagi bemorlarda fluoksetin dozasini kamaytirish lozim.

Nojo‘ya ta'sirlari
-qichishish, toshma, eshakemi, anafilaktoid reaktsiyalar, vaskulit, Kvinke sindromi, qaltirash, fotosezuvchanlik.
-diareya, ko‘ngil aynashi, ishtahani pasayishi, qusish, dispepsiya, disfagiya, ta'mni buzilishi, og‘izni qurishi.
-bosh og‘rig‘i, uyquni buzilishi (uyquni buzilishlari, uyqusizlik), bosh aylanishi, anoreksiya, toliqish, uyquchanlik, eyforiya, o‘tib ketuvchi patologik holatlar (ataksiya, tremor, miokloniya), tirishishlar va psixomotor barqarorlik, gallyutsinatsiyalar, maniya, ajitatsiya, bezovtalik va asabiylik, diqqatni jonlashni va fikrlash jarayonini pasayishi (depersonalizatsiya), panik xurujlar (ushbu belgilar kasallikning bir qismi bo‘lishi mumkin), o‘z joniga qasd qilishga moyillikni kuchayishi.
-dizurik buzilishlar, jinsiy disfunktsiya (eyakulyatsiyani kechikishi yoki yo‘qligi, anorgazmiya, priapizm), galaktoreya.
-sochlarni to‘kilishi, esnash.
-ko‘rishni buzilishi (xiralashishi, midriaz), ko‘p terlash, vazodilatatsiya.
-artralgiya, mialgiya, postural gipotenziya, qon talashishlar, giponatriyemiya.
Kam hollarda
-jigar faoliyatini patologik o‘zgarishlari, faringit, nafas olishni buzilishi.
Juda kam hollarda
-toksik epidermal nekroliz (Layell sindromi), idiopatik gepatit, serotonin sindromi, ginekologik qon ketishlar, me'da-ichakdan va boshqa teri yoki shilliq qavatlardan qon ketishi kuzatilishi mumkin.


Qo‘llash mumkin bo‘lmagan holatlar

-fluoksetinga yoki preparatning har qanday komponentiga yuqori sezuvchanlik.
-og‘ir buyrak yetishmovchiligi (kreatinin klirensi minutiga 10 ml dan ko‘p).
-yaqqol jigar yetishmovchiligi.
-MAO ingibitorlarini qabul qilish (hozir vaqtda yoki so‘nggi 2 xaftada).
-bolalar va 18 yoshgacha bo‘lgan o‘smirlar.
-homiladorlik va laktatsiya davrida qo‘llash mumkin emas.



Dorilarning o‘zaro ta'siri
Preparatni MAO ingibitorlari (monoaminooksidaza) bilan bir vaqtda qo‘llash mumkin emas, chunki serotonin sindromi rivojlanishi mumkin (gipertermiya, qaltirash, ko‘p terlash, mioklonus, giperrefleksiya, tremor, diareya, xarakat koordinatsiyasini buzilishi, alahsirash va koma).
Fenitoin bilan birga qo‘llanganda qon ko‘rsatkichlarida o‘zgarishlar va toksik ko‘rinishlar kuzatiladi. Birga qo‘llash muvofiq dori vositasining dozasini tanlash va klinik holatni sinchkov nazorati bilan o‘tkazilishi lozim.
Serotoninergik preparatlar (masalan tramadol, triptan), litiy yoki triptofan bilan majmuada serotonin sindromi xavfi oshishi mumkin.
Triptan bilan ishlatilganda koronar tomirlarni torayishi va gipertoniyani qo‘shimcha xavfi oshadi.
Fluoksetin metabolizmi jigar sitoxrom SUR2D6 ni o‘z ichiga olganligi sababli, ushbu ferment ishtirokida metabolizmga uchraydigan preparatlar bilan muvofiq davolash dori vositalarini o‘zaro ta'siriga olib keladi va ularning dozasini kamaytirishini talab etadi. Shuningdek bu agar Fluoksetin avvalgi 5 xaftada qo‘llanilgan bo‘lsa ham talab etiladi.
Peroral antikoagulyantlar bilan birgalikda qo‘llanganda qon ivishi ko‘rsatkichlari (laborator ko‘rsatkichlar va klinik simptomlar), shu jumladan qon ketishini oshishi ham o‘zgaradi.
Varfarin bilan davolanayotgan bemorlarda, Fluoksetin buyurilganida yoki bekor qilinganida koagulyatsiya nazoratini amalga oshirish lozim. Fluoksetinni elektrokonvulsiv davolashni o‘tkazish (ESD) bilan birga qo‘llanganda xurujlarni uzayishi kuzatilishi mumkin.
Fluoksetin va o‘simlik vositasi (dalachoy o‘ti) bilan o‘zaro farmakodinamik o‘zaro ta'siri kuzatilishi mumkin, bu nojo‘ya samaralarni oshishiga olib kelishi mumkin.
Fluoksetin bilan davolanish vaqtida alkogolni qabul qilish mumkin emas.


Maxsus ko‘rsatmalar

Fluoksetin anamnezida tirishishlar bo‘lgan bemorlarga ehtiyotkorlik bilan buyurilishi lozim. Fluoksetinni turg‘un bo‘lmagan tutqanog‘i bo‘lgan bemorlarga buyurishdan saqlanish lozim, nazoratlangan tutqanoqli bemorlarga esa, sinchkov monitoring talab etiladi.
Maniya/gipomaniyasi bo‘lgan bemorlarga antidepressantlar ehtiyotkorlik bilan buyurilishi lozim. Boshqa har qanday antidepressant kabi, fluoksetin maniya bosqichi paydo bo‘lganda bekor qilinishi lozim.
Jigar disfunktsiyasi bo‘lgan bemorlarda past dozasi talab etiladi. Preparatni o‘tkir koronar sindromda ehtiyotkorlik bilan qo‘llash lozim. Fluoksetinni qabul qilayotgan bemorlarda tana vaznini kamayishi kuzatilishi mumkin, biroq odatda boshlang‘ich tana vazniga proportsional ravishda. Diabeti bo‘lgan bemorlarda, serotoninni qayta qamrab olishning ingibitorlari bilan davolash glikemik nazoratni o‘zgartiradi. Fluoksetin bilan davolash davomida gipoglikemiya bo‘lishi, davolash tugagandan keyin esa giperglikemiya bo‘lishi mumkin. Insulin va/yoki oral gipoglikemik preparatlarning dozasiga tuzatish kiritish talab etiladi.
Qonning ivishiga qarshi vositalar, trombotsit faoliyatiga ta'sir ko‘rsatuvchi preparatlar (masalan klozapin turi atipik neyroleptik, fentiazinlar, aspirin) yoki qon ketishi xavfini oshiruvchi boshqa preparatlar bilan birga qo‘llanganda, shuningdek anamnezida qon ketishlari bo‘lgan bemorlarda ehtiyotkorlik bilan qo‘llanilishi lozim.
Fluoksetin va elektrokonvulsiv davolashni qabul qilayotgan bemorlarda uzoq muddatli tirishishlar haqida xabarlar mavjud, shuning uchun ehtiyotkorlik bilan qo‘llaniladi. Dalachoy o‘tini saqlovchi o‘simlik preparatlari bilan birga yoki boshqa serotoninergik preparatlar (boshqa L-triptofan orasida) va/yoki neyroleptik vositalar bilan majmuada qo‘llanganda, serotonin sindromining rivojlanishini xavfi mavjud.
Depressiya, boshqa ruhiy buzilishlari bo‘lgan bolalarda, o‘smirlarda va yoshlarda (24 yoshdan kichik) antidepressantlar platseboga nisbatan o‘z joniga qasd qilish fikri va o‘z joniga qasd kilish harakatlari xavfini oshiradi.
O‘z joniga qasd qilish xarakatlarini namoyon qiladigan bemorlar davolashni boshlashdan oldin, davolash vaqtida kuzatuv ostida bo‘lishlari lozim.
Transport vositalarini yoki potentsial xavfli mexanizmlarni boshqarish qobiliyatiga dori vositasini ta'sir qilishning o‘ziga xosligi.
Davolanish vaqtida diqqatni yuqori jamlash e'tiborni va psixomotor reaktsiyalarning tezligini talab etadigan potentsial xavfli turdagi faoliyat turlari bilan shug‘ullanishdan saqlanishlari lozim.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Simptomlari ko‘ngil aynishi, qusish, tirishishlar, simptomsiz aritmiyadan yurak urishin sekinlashishigacha bo‘lgan yurak-qon tomir disfunktsiyasi, o‘pka disfunktsiyasi va qo‘zg‘aluvchanlikdan komagacha bo‘lgan chegarada markaziy nerv tizimini buzilishi belgilari.
Dozani oshirib yuborilishi
ni og‘ir asoratlari kam hollarda kuzatiladi.
Davolash simptomatik.


Chiqarilish shakli

10 kapsuladan polivinilxlorid plyonkali va alyumin folgali kontur – uyali o‘ramlarga joylanadi.
2 kontur-uyali o‘ramlar davlat va rus tillaridagi qo‘llash bo‘yicha yo‘riqnomasi bilan birga karton qutiga joylanadi.


Saqlash sharoiti

25°S dan yuqori bo‘lmagan haroratda, quruq, yorug‘likdan himoyalangan joyda saqlansin.


Yaroqlilik muddati

5 yil.


Dorixonalardan berish tartibi

Retsept bo‘yicha


Ishlab chiqaruvchi

G.L. Pharma GmbH., Schloβplatz 1, A-8502 Lannach, Austria

Qayd etish guvohnomasining egasi
MChJ “VALEANT” Rossiya
Maxsulot sifati bo‘yicha iste'molchilardan e'tirozlarni qabul qiluvchi tashkilot manzili
MChJ «VALEANT»,Rossiya
115162, Moskva, Shabolovka ko‘ch.,31 uy, str.5
Telefon / faks + 7 495 510 28 79
Elektron pochta Office.RU@valeant.com