Karum-Sanovel tab. qobiq bilan qoplangan 75 mg №28

Preparatning savdo nomi

Karum-Sanovel
Ta'sir etuvchi modda (XPN) klopidogrel

Dori shakli

qobiq bilan qoplangan tabletkalar.

Tarkibi

Qobiq bilan qoplangan 1 tabletka quyidagilarni saqlaydi
faol modda klopidogrel bisulfati (75 mg klopidogrelga ekvivalent) – 97,875 mg;
yordamchi moddalar mannitol DC 400, mikrokristall sellyuloza (RN 112), polietilnglikol 6000, quyi almashingan gidroksipropiltsellyulozasi (L-HPC LH-11), gidrogenlangan kanakunjut moyi (Cutina HR);
qobig‘ining tarkibi Opadri II pushti 31F24886 (laktoza monogidrati, gidroksipropil metiltsellyuloza 2910, titan dioksidi Ye171, polietilenglikol 4000, temir (III) oksidi Ye172);
Ta'rifi dumaloq shaklli, pushti rangli qobiq bilan qoplangan tabletkalar.

Farmakoterapevtik guruhi

trombotsitlar agregatsiyasining ingibitori.
ATX kodi V01AS04

Farmakologik xususiyatlari

Farmakodinamika

si
Trombotsitlar agregatsiyasining ingibitoridir. Faol metabolitlaridan biri trombotsitlar agregatsiyasining ingibitori hisoblangan olddori hisoblanadi. Klopidogrelning faol metaboliti trombotsitlar agregatsiyasini susayishiga olib kelib, ADF ni trombotsitlarning P2Y12-retseptori bilan bog‘lanishini va glikoprotein IIb/IIIa kompleksini ADF-ga bog‘liq keyingi faollashishini ingibitsiya qiladi. Qaytmas bog‘lanish hisobiga trombotsitlar butun qolgan umri (taxminan 7-10 kun) davomida ADF bilan rag‘batlantirishga berilmaydigan bo‘ladi, trombotsitlarning normal faoliyatini tiklanishi esa trombotsitlarni yangilanishi tezligiga mos keladi.
ADF dan farq qilib agonistlar chaqirgan trombotsitlar agregatsiyasi ham ADF tomonidan trombotsitlarning kuchaygan faollashuvini blokadasi hisobiga ingibitsiya qilinadi.
Faol metabolitini hosil bo‘lishi ayrimlari polimorfizm bilan farq qiluvchi yoki boshqa preparatlar tomonidan ingibitsiya qilinuvchi R450 tizimi izofermentlari ishtirokida amalga oshirilishi tufayli yuz berishi tufayli, barcha patsiyentlarda trombotsitlarni adekvat susayishiga erishilmaydi.
Klopidogrel qon tomirlarning aterosklerotik shikastlanishining har qanday joylashishida, xususan serebral, koronar yoki periferik arteriyalarda aterotromboz rivojlanishini oldini olish qobiliyatiga ega.
75 mg dozada klopidogrelni har kuni qabul qilganda qabul qilishning birinchi kunidanoq ADF-induktsiya qilingan trombotsitlar agregatsiyasini ahamiyatli susayishi kuzatiladi, u asta-sekin 3-7 kun davomida kuchayadi va so‘ngra doimiy darajaga (muvozanat holatiga erishilganda) erishadi. Muvozanat holatida trombotsitlar agregatsiyasi o‘rtacha 40-60% ga susayadi, klopidgrelni qabul qilish to‘xtatilgandan keyin trombotsitlar agregatsiyasi va qon ketishi vaqti asta-sekin o‘rtacha 5 kun davomida dastlabki darajaga qaytadi.
Erkaklar va ayollarda klopidogrelning qiyosiy farmakodinamik kichik tadqiqotida ayollarda ADF-induktsiya qilgan trombotsitlar agregatsiyasini kamroq ingibitsiya qilinishi kuzatilgan, lekin qon ketish vaqtini uzayishi bo‘yicha farqlar kuzatilmagan. Yirik nazoratlangan CAPRIE tadqiqotida (ishemik hodisalar rivojlanishi xavfi bo‘lgan patsiyentlarda klopidogrelni atsetilsalitsil kislotasi bilan solishtirganda) klinik oqibatlar tez-tezligi, boshqa nojo‘ya reaktsiyalar va klinik-laborator ko‘rsatkichlarning buzilishlari erkaklarda ham, ayollarda ham bir xil bo‘lgan.

Farmakokinetikasi

So‘rilishi 75 mg dozada klopidogrel ichga qabul qilingandan keyin klopidogrel MIY dan tez so‘riladi. 75 mg bir martalik doza qabul qilingandan keyin qon plazmasidagi o‘zgarmagan klopidogrelning Cmax o‘rtacha ko‘rsatkichiga taxminan 45 minutdan keyin erishiladi. Siydik bilan ajraladigan klopidogrelning metabolitlarining miqdoriga muvofiq preparatning kamida 50% so‘riladi.
Taqsimlanishi In vitro sharoitda klopidogrel va uning qondagi aylanib yuruvchi faol bo‘lmagan asosiy metaboliti plazma oqsillari bilan qaytuvchan bog‘lanadi (muvofiq ravishda 98% va 94%), ushbu bog‘lanish 100 mg/l kontsentratsiyagacha to‘yinmagan hisoblanadi.
Metabolizmi Klopidogrel jigarda jadal metabolizmga uchraydi. Klopidogrel in vitro va in vivo sharoitlarda ikki yo‘l bilan metabolizmga uchraydi esterazalar yordamida va keyinchalik karboksil kislotasining faol bo‘lmagan hosilasini (aylanib yuruvchi metabolitlarining 85%) hosil qilib gidrolizi, ikkinchisi – sitoxrom R450 tizimining izofermentlari ishtirokida. Dastlab klopidogrel oraliq metabolit hisoblangan 2-okso-klopidogrelgacha metabolizmga uchraydi. 2-okso-klopidogrelning keyingi metabolizmi klopidogrelning faol metaboliti – klopidogrelning tiol hosilasini hosil bo‘lishiga olib keladi. In vitro sharoitda bu yo‘l orqali metabolizm CYP2C19, CYP1A2 va CYP2B6 ishtirokida amalga oshadi. In vitro sharoitdagi tadqiqotlarda ajratib olingan klopidogrelning faol tiol metaboliti trombotsitlarning retseptorlari bilan qaytmas bog‘lanadi, shu orqali trombotsitlar agregatsiyasini bloklaydi.
Klopidogrel 4 kun davomida 75 mg dozada ko‘p marta qabul qilgandan keyin bu metabolitning qon plazmasidagi Cmax 300 mg doza bir marta qabul qilgandan keyin qon plazmasidagi ushbu metabolitning Cmax dan 2 marta yuqori.
So‘rilishi Odam tomonidan 14S-nishonlangan klopidogrel ichga qabul qilgandan keyin 120 soat davomida radiofaollikning taxminan 50% siylik bilan va taxminan 46% - axlat bilan chiqariladi. 75 mg doza bir marta qabul qilgandan keyin klopidogrelning T1/2 taxminan 6 soatni tashkil etadi. Bir martalik va ko‘p martalik dozalardan keyin aylanib yuruvchi faol metabolitning T1/2 8 soatni tashkil qiladi.
Farmakogenetikasi
Sitoxrom R450 tizimining bir nechta polimorf izofermentlari klopidogrelni faollashuvida ishtirok etadi. Ex vivo sharoitda trombotsitlarning agregatsiyasi yordamida o‘rganilgan klopidogrelning faol metabolitining farmakokinetikasi va antitrombotsitar samarasi CYP2C19 izofermentining genotipiga qarab farq qiladi. CYP2C19*1 genining alleli normal faoliyat ko‘rsatuvchi metabolizm uchun javobgar, ayni vaqtda CYP2C19*2 va CYP2C19*3 izofermenti genining allellari pasaygan metabolizm uchun javobgar. Bu allellar yevropeoid irq vakillarining taxminan 85% va mongoloid irq vakillarining 99% da metabolizmni pasayishi uchun javobgar. Metabolizmni susayishi bilan bog‘liq boshqa allellar CYP2C19*4, *5, *6, *7 va *8 izofermentlaridir, lekin ular umumiy populyatsiyada kam hollarda uchraydi. Turli irq patsiyentlarda CYP2C19 izofermentining fenotip va genotiplarini uchrash tez-tezligi quyidagicha yevropoid irq vakillari orasida 2%, negroid irq vakillari orasida 4%, mongoloid irq vakillari orasida 14%.
CYP2C19 izofermenti genotiplari va klopidogrel bilan davolash natijasi orasidagi bog‘liqlik ikkita postregistratsion klinik tadqiqotlarda (CLARITY-TIMI 28 (n=465) va TRITON-TIMI 38 (n=1477)) va 5 kogort tadqiqotlarda (n=6489) baholangan. CLARITY-TIMI 28 va kogort tadqiqotlarning birida (Trenk, n=765) yurak-qon tomir hodisalarining tez-tezligi genotipga bog‘liq holda ahamiyatli farq qilmagan. TRITON-TIMI 38 va uchta kogort tadqiqotlarda (Collet, Sibbing, Giusti, n=3516) yaxshi metabolizmga ega bo‘lgan patsiyentlarga nisbatan oraliq va pasaygan metabolizmi bo‘lgan patsiyentlarda yurak-qon tomir hodisalarining (o‘lim, miokard infarkti, insult) yoki stentni tromb bilan berkilishining yuqori tez-tezligi kuzatilgan. Beshinchi kogort tadqiqotda (Simon, n=2208) yurak-qon tomir hodisalarining tez-tezligini oshishi metabolizmi pasaygan patsiyentlarda kuzatilgan.
Farmakogenetik testlash CYP2C19 izofermentining o‘zgaruvchan faolligi bilan genotipni aniqlash imkonini beradi.
Shuningdek klopidogrelning faol metabolitlarini hosil bo‘lishi qobiliyatiga samaralar bilan R450 tizimining boshqa fermentlarining genetik variantlari ham bo‘lishi mumkin.
Alohida klinik holatlardagi farmakokinetikasi
Klopidogrelning faol metabolitining farmakokinetikasi alohida guruh patsiyentlarda o‘rganilmagan.
Keksa yoshdagi (75 yoshdan oshgan) ko‘ngillilarda yosh ko‘ngillilarga nisbatan trombotsitlar agregatsiyasi va qon ketish vaqti ko‘rsatkichlari bo‘yicha farqlar kuzatilmagan. Keksa yoshdagi patsiyentlarda dozaga tuzatish kiritish talab etilmaydi.
Jigarni og‘ir shikastlanishi bo‘lgan patsiyentlarda 10 kun davomida 75 mg sutkalik dozada klopidogrel har kuni qabul qilingandan keyin ADF-induktsiya qilgan trombotsitlar agregatsiyasini ingibitsiya qilish sog‘lom ko‘ngillilardagidek bo‘lgan. Qon ketishining o‘rtacha vaqti ikkila guruhlarda bir xil bo‘lgan.
Buyrakni og‘ir shikastlanishi (KK minutiga 5-15 ml) bo‘lgan patsiyentlarda sutkada 75 mg dozada klopidogrelni ko‘p marta qabul qilgandan keyin ADF-induktsiya qilgan trombotsitlar agregatsiyasini ingibitsiya qilish sog‘lom ko‘ngillilardagidan pastroq (25%) bo‘lgan, lekin qon ketish vaqtini uzayishi sutkada 75 mg klopidogrel qabul qilgan sog‘lom ko‘ngillilardagidek bo‘lgan.
Oraliq va pasaygan metabolizmga javobgar CYP2C19 izofermenti genining allellari turli etnik guruhlarda turlicha. Mongoloid irq vakillari orasidagi juda kam adabiy ma'lumotlar mavjud, bu hodisalarning klinik yakuniga CYP2C19 izofermenti genotipizatsiyasi ahamiyatini baholash imkonini bermaydi.

Qo‘llanilishi

Aterotrombotik hodisalarning oldini olish
• miokard infarkti, ishemik insulti yoki periferik arteriyalar kasalliklari bo‘lgan patsiyentlarda.
Miokard infarkti, ishemik insulti yoki periferik arteriyalarning diagnostika qilingan okklyuzion kasalliklari bo‘lgan patsiyentlarda aterotrombotik hodisalarning oldini olish.
• o‘tkir koronar sindromi (O‘KS) bo‘lgan patsiyentlarda
O‘tkir koronar sindromi bo‘lgan patsiyentlarda aterotrombotik hodisalarning oldini olish
-ST segmentini ko‘tarilishisiz (nostabil stenokardiya yoki Q tishchasiz miokard infarkti), shu jumladan teri orqali koronar aralashuvda stentlash o‘tkazilmagan patsiyentlar;
-ST segmentini ko‘tarilishi bilan (o‘tkir miokard infarkti) medikamentoz davolashda qo‘llanadi.

Qo‘llash usuli va dozalari

Kattalar va keksalarga
• Miokard infarkti, ishemik insulti va periferik arteriyalarning diagnostika qilingan kasalliklari
Preparat sutkada 1 marta 75 mg dozada buyuriladi.
• O‘tkir koronar sindromi (O‘KS)
ST segmentini ko‘tarilishisiz o‘tkir koronar sindromi (O‘KS) (nostabil angina yoki Q tishchasiz miokard infarkti) klopidogrelning 300 mg bir martalik dozasidan boshlash kerak. Keyinchalik sutkada 75-325 mg dozada atsetilsalitsil kislotasi bilan birga sutkada 75 mg dozada davom ettirilishi kerak.
ST segmentini ko‘tarilishi bilan kechuvchi o‘tkir koronar sindromi (ST segmentini ko‘tarilishi bilan kechuvchi o‘tkir miokard infarkti)
Klopidogrel atsetilsalitsil kislotasi va trombolitiklar (yoki trombolitiklarsiz) bilan majmuada yuklama dozani bir marta qabul qilish bilan sutkada 75 mg dozada bir marta buyuriladi. 75 yoshdan oshgan patsiyentlarda klopidogrel bilan davolashni yuklama dozasiz boshlash kerak.
Majmuaviy davolashni simptomlar paydo bo‘lgandan keyin iloji boricha tezroq boshlanadi va kamida 4 xafta davomida davom ettiriladi.
Preparat ovqatlanishdan qat'iy nazar ichga qabul qilinadi.
• Farmakogenetikasi
CYP2C19 izofermenti yordamida metabolizmning jadalligini pasayishi klopidogrelning samaradorligini pasayishiga olib kelishi mumkin. CYP2C19 izofermenti yordamida metabolizmni susayishi bo‘lgan patsiyentlar uchun optimal dozalash tartibi hozirgi vaqtgacha aniqlanmagan.
Bolalar va o‘smirlar
18 yoshgacha bo‘lgan bolalarda klopidogrelni qabul qilishning xavfsizligi va samaradorligi hozirgi vaqtgacha aniqlanmagan.
• Buyrak yetishmovchiligi
Buyrak yetishmovchiligi bo‘lgan patsiyentlarda klopidogrelni qo‘llash bo‘yicha klinik ma'lumotlar mavjud emas.
• Jigar yetishmovchiligi
Gemorragik diatez ehtimoli bilan kechuvchi o‘rtacha og‘irlik darajasidagi jigar kasalligi bo‘lgan bemorlarda klopidogrelni qo‘llash bo‘yicha klinik ma'lumotlar cheklangan.
Pediatriyada qo‘llanishi
Bolalarda klopidogrelni qabul qilishning xavfsizligi va samaradorligi tekshirilmagan.
Nojo‘ya ta'sirlari
Klopidogrelning xavfsizligi preparatni bir yil davomida yoki ko‘proq vaqt qabul qilgan 40000 nafar bemorlarda, shu jumladan 12000 nafar patsiyentlarda o‘tkazilgan klinik tadqiqotlarda tekshirilgan. Quyida CAPRIE, CURE, CLARITY va COMMIT klinik tadqiqotlarida kuzatilgan klinik ahamiyatli nojo‘ya samaralar sanab o‘tilgan. CAPRIE tadqiqotida sutkada 75 mg dozadagi klopidogrelning o‘zlashtiraolinishi sutkada 325 mg dozadagi atsetilsalitsil kislotasini o‘zlashtiraolinishiga mos kelgan. Preparatning umumiy o‘zlashtiraolinishi bemorlarning yoshi, jinsi va irqiy mansubligiga qaramasdan atsetilsalitsil kislotasini o‘zlashtiraolinishi bilan bir xil bo‘lgan.
CAPRIE tadqiqotida – klopidogrel yoki atsetilsalitsil kislotasini qabul qilgan bemorlarda qon ketishlarning umumiy tez-tezligi 9,3% bo‘lgan; klopidogrelni qo‘llaganda og‘ir holatlarning tez-tezligi 1,4% bo‘lgan, atsetilsalitsil kislotasini qo‘llaganda esa – 1,6% bo‘lgan.
CURE tadqiqotida – aortokoronar shuntlashdan kamida 5 kun oldin preparatni qabul qilishni to‘xtatgan bemorlarda koronar shuntlash bo‘yicha operatsiyadan keyin 7 kun davomida yirik qon ketishlar tez-tezligini oshishi kuzatilmagan. Koronar shuntlashgacha 5 kun davomida preparatni qabul qilishni davom ettirgan bemorlarda tez-tezligi klopidogrel + atsetilsalitsil kislotasi holatida 9,6%va faqat atsetilsalitsil kislotasi qabul qilish holatida – 6,3% ni tashkil qilgan.
CLARITY tadqiqotida platsebo + atsetilsalitsil kislotasi guruhiga nisbatan klopidogrel + atsetilsalitsil kislotasi guruhida qon ketishlar tez-tezligini umumiy oshishi kuzatilgan. Yirik qon ketishlarning tez-tezligi ikkala guruhlarda bir xil bo‘lgan va patsiyentlarning dastlabki xarakteristikasi va fibrinolitik yoki geparin bilan davolashning turiga deyarli bog‘liq bo‘lmagan.
COMMIT tadqiqotida yirik serebral qon ketishlar yoki serebral qon ketishlarning umumiy tez-tezligi past bo‘lgan va ikkila guruhlarda bir xil bo‘lgan.
CAPRIE, CURE, CLARITY va COMMIT tadqiqotlarida ≥0,1% tez-tezlikda kuzatilgan boshqa klinik ahamiyatli nojo‘ya samaralar JSST tasnifiga muvofiq quyidagi keltirilgan. Ularning tez-tezligi quyidagicha belgilangan tez-tez (≥ 1%, <10%); tez-tez emas (≥ 0.1%, < 1%); kam hollarda (≥ 0.01%, < 0.1%); juda kam hollarda (< 0.1%)
Qon yaratish tizimi tomonidan tez-tez emas – leykopeniya, eozinofiliya, trombotsitopeniya; kam hollarda – neytropeniya, shu jumladan neytropeniyani zo‘rayishi; juda kam hollarda – trombotik trombotsitopenik purpura (TTP), aplastik anemiya, pantsitopeniya, agranulotsitoz, trombotsitopeniyani zo‘rayishi, granulotsitopeniya, anemiya.
Immun tizimi tomonidan juda kam hollarda – anafilaktik reaktsiyalar, zardob kasalligi.
Ruhiy kasalliklar juda kam hollarda – ongni chalkashishi, gallyutsinatsiyalar.
MNT va periferik nerv tizimi tomonidan tez-tez emas – bosh miya ichki qon ketishlari (o‘lim bilan yakunlangan holatlar bo‘lgan), bosh og‘rig‘i, bosh aylanishi, paresteziyalar; kam hollarda – ta'm bilishni buzilishi.
Ko‘rish a'zosi tomonidan tez-tez emas – ko‘z ichki qon ketishlari (kon'yunktiva, to‘r parda).
Eshitish a'zosi tomonidan kam hollarda – vertigo.
Qon tomir tizimi tomonidan tez-tez – gematoma; juda kam hollarda – jiddiy qon ketishlar, operatsiya vaqtidagi qon ketishlar, vaskulit, gipotenziya.
Nafas tizimi tomonidan tez-tez – burundan qon ketishi; juda kam hollarda – nafas yo‘llaridan qon ketishi (o‘pkadan qon ketishi), bronxospazm, interstitsial pnevmoniya.
Ovqat hazm qilish tizimi tomonidan tez-tez – me'da-ichak yo‘llaridan qon ketishi, dispepsiya, diareya, abdominal og‘riqlar; tez-tez emas – ko‘ngil aynishi, gastrit, meteorizm, qabziyat, qusish, me'da va o‘n ikki barmoq ichak yara kasalligi; juda kam hollarda – o‘limga olib keluvchi me'da-ichakdan va retroperitoneal qon ketishlar, pankreatit, kolit (shu jumladan yarali va limfatik kolit), stomatit.
Jigar va o‘t chiqarish yo‘llari kasalliklari juda kam hollarda – gepatit, o‘tkir jigar yetishmovchiligi, jigar faoliyatini buzilishi.
Dermatologik reaktsiyalar tez-tez – ko‘karishlar; tez-tez emas – toshma va qichishish; juda kam hollarda – eritematoz qizarishlar, eshakemiya, angionevrotik shish, bullyoz dermatit (ko‘p shaklli ekssudativ eritema, Stivens-Djonson sindromi, toksik epidermal nekroliz), ekzema, Vilson temiratkisi.
Suyak-mushak tizimi tomonidan juda kam hollarda – suyak mushak tizimida qon quyilishlar (gemartroz), artralgiya, artrit, mialgiya.
Buyrak va siydik chiqarish tizimi tomonidan tez-tez emas – gematuriya; juda kam hollarda – glomerulonefrit, qonda kreatinin darajasini oshishi.
Umumiy tez-tez – operatsiyadan keyingi qon ketishlar; juda kam hollarda – qizib ketish.
Tekshiruvlar juda kam hollarda – qon ketish vaqtini uzayishi.

Qo‘llash mumkin bo‘lmagan holatlar

-preparatning komponentlariga yuqori sezuvchanlik
-o‘tkir jigar yetishmovchiligi, jigar faoliyatini og‘ir buzilishlari
-o‘tkir qon ketishlar (peptik yara, bosh miya ichki qon ketishlari)
-homiladorlik va emizish davrida qo‘llash mumkin emas.
Dorilarning o‘zaro ta'siri
Oral antikoagulyantlar
Klopidogrel va oral antikoagulyantlarni birga qo‘llash tavsiya etilmaydi, chunki bunday majmua qon ketishini kuchaytirishi mumkin.
Glikoprotein IIb/IIIa ingibitorlari
Klopidogrel va glikoprotein IIb/IIIa ingibitorlarini birga qo‘llash ehtiyotkorlikni talab etadi.
Atsetilsalitsil kislotasi
Atsetilsalitsil kislotasi klopidogrelning ADF-induktsiya qilgan trombotsitlar agregatsiyasini ingibitsiya qilish qobiliyatini o‘zgartirmaydi. Shunga qaramasdan klopidogrel atsetilsalitsil kislotasining kollagen-induktsiya qilgan trombotsitlar agregatsiyasiga ta'sirini kuchaytiradi. Shu bilan bir qatorda klopidogrelni sutkada ikki marta 500 mg dozada atsetilsalitsil kislotasi bilan birga qabul qilish klopidogrelni qabul qilish bilan bog‘liq qon ketishi davomiyligiga ahamiyatli ta'sir ko‘rsatmaydi. Klopidogrel va atsetilsalitsil kislotasini birga qabul qilganda farmakodinamik o‘zaro ta'siri ehtimolini inkor etib bo‘lmaydi, bu qon ketishi paydo bo‘lishi xavfini ahamiyatli darajada oshiradi. Shuning uchun birga qabul qilganda alohida ehtiyotkorlikka rioya qilish kerak.
Geparin
Sog‘lom ko‘ngillilarda o‘tkazilgan klinik tadqiqotlarga muvofiq, birga qabul qilinganda klopidogrel geparinga bo‘lgan umumiy ehtiyojni ham, geparinning qon ivishiga ta'sirini ham o‘zgartirmaydi. Geparinni bir vaqtda qo‘llash klopidogrelning trombotsitlar agregatsiyasini ingibitsiya qiluvchi ta'sirini o‘zgartirmaydi. Klopidogrel va geparinni birga qabul qilganda farmakodinamik o‘zaro ta'sir ehtimolini inkor etib bo‘lmaydi, bu qon ketishi paydo bo‘lishi xavfini ahamiyatli darajada oshiradi. Shuning uchun birga qabul qilganda alohida ehtiyotkorlikka rioya qilish kerak.
Trombolitiklar
Klopidogrel, to‘qima plazminogennining rekombinant aktivatori (rt-PA) va geparinni birga qo‘llashning xavfsizligi yaqinda miokard infarkti o‘tkazgan bemorlarda tekshirilgan. Klinik ahamiyatli qon ketishining tez-tezligi rt-PA, geparinni atsetilsalitsil kislotasi bilan birga qo‘llanilganidagi bilan bir xil bo‘lgan. Klopidogrelni boshqa trombolitiklar bilan birga qo‘llashning xavfsizligi hozircha aniqlanmagan. Shuning uchun ushbu preparatlarni bir vaqtda qo‘llash ehtiyotkorlikni talab etadi.
NYaQV
Sog‘lom ko‘ngillilarda o‘tkazilgan klinik tadqiqot natijalariga ko‘ra, klopidogrel va naproksenni bir vaqtda qabul qilish MIY dan yashirin qon ketishini oshiradi. Boshqa NYaQV larga nisbatan shu sohadagi biron-bir tadqiqotlar o‘tkazilmaganligi tufayli, barcha NYaQV lar uchun bir vaqtda qo‘llaganda me'da-ichakdan qon ketishini paydo bo‘lishi xavfi oxirigacha aniqlanmagan. Shunday qilib, klopidogrel va boshqa NYaQV larni bir vaqtda ehtiyotkorlik bilan qabul qilish kerak.
Davolashning boshqa yondosh usullari
Klopidogrel faol metabolitini hosil qilish bilan qisman CYP2C19 izofermenti ishtirokida metabolizmga uchraganligi tufayli, ushbu izofermentni ingibitsiya qiluvchi preparatlarni qo‘llash klopidogrelning faol metabolitining kontsentratsiyasini pasayishi va uning klinik samaradorligini kamayishiga olib kelishi mumkin. CYP2C19 ni ingibitsiya qiluvchi preparatlarni bir vaqtda qabul qilish tavsiya etilmaydi. CYP2C19 ni ingibitsiya qiluvchi preparatlarga quyidagilar kiradi omeprazol, esomeprazol, fluvoksamin, fluvoksetin, moklobemid, vorikonazol, flukonazol, siklopidin, siprofloksatsin, simetidin, karbamazepin, oksakarbazepin va xloramfenikol.
Boshqa dori preparatlari
Bo‘lishi mumkin bo‘lgan farmakodinamik va farmakokinetik o‘zaro ta'sirni o‘rganish maqsadida klopidogrel va bir vaqtda buyuriladigan boshqa preparatlar bilan bir qator klinik tadqiqotlar o‘tkazilgan, ular quyidagilarni ko‘rsatgan.
Klopidogrelni atenolol va nifedipin bilan bir vaqtda qo‘llanilganda klinik ahamiyatli farmakodinamik o‘zaro ta'sir kuzatilmagan. Bundan tashqari fenobarbital, simetedin va/yoki estrogenlar bilan bir vaqtda qo‘llanilganda klopidogrelning farmakodinamik faolligi deyarli o‘zgarmagan.
Klopidogrel bilan bir vaqtda qo‘llanilganda digoksin yoki teofillinning farmakokinetik xususiyatlari o‘zgarmaydi. Antatsid vositalar klopidogrelning so‘rilishi ko‘rsatkichlarini o‘zgartirmagan.
Odam mikrosomalarida o‘tkazilgan tadqiqotlar klopidogrelning metaboliti (karboksil kislotasining hosilasi) sitoxrom R450 2S9 faolligini ingibitsiya qilish qobiliyatiga ega ekanligini ko‘rsatdi, bu sitoxrom R450 2S9 tomonidan metabolizmga uchraydigan fenitoin, tolbutamid va NYaQV larning plazmadagi darajasini oshishini chaqirishi mumkin.
Fenotoin va tolbutamidni klopidogrel bilan bir vaqda xavfsiz qo‘llash mumkin (CAPRIE tadqiqoti).
Klinik tadqiqotlarda klopidogrelni AAF ingibitorlari, diuretiklar, β-adrenoblokatorlar, kaltsiy kanallari blokatorlari, gipolipidemik vositalar, koronar vazodilatatorlar, gipoglikemik vositalar (shu jumladan insulin), tutqanoqqa qarshi vositalar, gormonal o‘rin bosar davolash uchun preparatlar, glikoprotein IIb/IIIa-retseptorlarining blokatorlari bilan klinik ahamiyatli noxush o‘zaro ta'sirlar aniqlanmagan.

Maxsus ko‘rsatmalar

Qon ketishlar va gematologik asoratlar
Qon ketishini paydo bo‘lishi va noxush gemorragik asoratlarning xavfini e'tiborga olib, qon ketishi simptomlari bo‘lganida darhol qon xujayralari sonini sanash testi va/yoki boshqa testlarni o‘tkazish kerak. Boshqa antitrombotsitar agentlarni buyurgandagi kabi, qon ketishi yuqori bo‘lgan, jarroxlik operatsiyasi o‘tkazilgandan keyin, jarohati bo‘lgan va atsetilsalitsil kislotasi, NYaQV, geparin, IIb/IIa tipdagi glikoprotein ingibitori yoki trombolitiklarni qabul qilayotgan bemorlarda klopidogrel alohida ehtiyotkorlik bilan buyuriladi. Davolashning 1 xaftasi davomida va/yoki jarroxlik aralashuvidan keyin bemorlarni turli qon ketishi, shu jumladan ichki qon ketishlar yuzasidan kuzatish kerak.
Klopidogrelni antikoagulyantlar bilan birga qo‘llash tavsiya etilmaydi, chunki ushbu majmua qon ketishini kuchaytirishi mumkin.
Rejali jarroxlik aralashuvlarida (agar antiagregent ta'sir nomaqbul hisoblansa) klopidogrel bilan davolash kursini operatsiyadan 7 kun oldin bekor qilish tavsiya etiladi.
Klopidogrel qon ketishi vaqtini uzaytiradi. Shuning uchun qon ketishi xavfini oshishi bilan kechuvchi to‘qimalar yoki a'zolarni shikastlanishi bo‘lganida (ayniqsa intarokulyar soha va MIY sohasida) preparatni buyurish cheklanadi.
Bemorlar klopidogrelni qabul qilganda (bir o‘zini yoki atsetilsalitsil kislotasi bilan majmuada) qon ketishini to‘xtatish uchun ko‘proq vaqt talab etishi mumkinligi, shuningdek ularda odatdagi bo‘lmagan (joylashishi yoki davomiyligi bo‘yicha) qon ketishi paydo bo‘lgan hollarda, ular bu haqida davolovchi shifokoriga xabar berishlari kerakligi haqida ogoxlantirilgan bo‘lishlari kerak. Har qanday operatsiyadan oldin va har qanday yangi dori vositasini qabul qilishdan oldin bemorlar klopidogrelni qabul qilishlari haqida shifokorga (shu jumladan stomatologga) xabar berishlari kerak.
Trombotsitopenik trombogemolitik purpura (TTP)
Juda kam hollarda klopidogrelni qabul qilgandan keyin trombotsitopenik trombogemolitik purpura (TTP) rivojlanishining holatlari (hatto davomiy bo‘lmagan). Bu nevrologik simptomatika, buyrak yoki isitma bilan birgan kechuvchi trombotsitopeniya va mikroangiopatik gemolitik anemiya bilan xarakterlanadi. TTP ni rivojlanishi hayot uchun xavf tug‘dirishi mumkin va shoshilinch choralar, shu jumladan plazmaferez o‘tkazilishini talab etishi mumkin.
O‘tkir insult
Davomiyligi 7 kundan kam bo‘lgan o‘tkir insultda klopidogrelni qabul qilish tavsiya etilmaydi, chunki preparatni bunday holatda qo‘llash bo‘yicha ma'lumotlar yo‘q.
Sitoxrom P450 2C19 (CYP2C19)
Farmakogenetikasi CYP2C19 metabolizmi susaygan patsiyentlarda klopidogrel buyurilgan dozada klopidogrelning faol metabolitini kamroq darajada hosil bo‘lishiga va trombotsitlar faoliyatiga nisbatan kamroq samarali bo‘lishiga olib keladi. Bemorning CYP2C19 getotipini aniqlash uchun maxsus testlar mavjud.
Klopidogrelning faol metabolitini hosil bo‘lishi qisman CYP2C19 ishtirokida amalga oshirilishi tufayli, ushbu fermentni ingibitsiya qiluvchi dori vositalarini qo‘llash qonda klopidogrelning faol metabolitining darajasini kamayishiga olib kelishi mumkin. Ushbu o‘zaro ta'sirning klinik bog‘liqligi aniqlanmagan. Ushbu samarani oldini olish uchun klopidogrelni CYP2C19 fermentining ingibitorlari bilan birga qo‘llash tavsiya etilmaydi.
Buyrak yetishmovchiligi
Buyrak yetishmovchiligi bo‘lgan bemorlarga klopidogrel ehtiyotkorlik bilan buyuriladi, chunki preparatlarni ushbu toifadagi patsiyentlarda qo‘llash tajribasi cheklangan.
Jigar yetishmovchiligi
Gemorragik diatez paydo bo‘lishi mumkin bo‘lgan jigar faoliyatini buzilishlari bo‘lgan bemorlarda ehtiyotkorlik bilan buyuriladi, chunki preparatlarni ushbu toifadagi patsiyentlarda qo‘llash tajribasi cheklangan.
Yordamchi moddalar
Preparat laktoza saqlaydi. Galaktozani nasliy o‘zlashtiraolmaslik, Lapp laktaza yetishmovchiligi yoki glyukoza-galaktozani so‘rilishini buzilishlari bo‘lgan bemorlarda kandesartanni qo‘llash tavsiya etilmaydi.
Preparat diareya yoki qorinda og‘riq chaqirishi mumkin bo‘lgan kanakunjut moyi saqlaydi.
Homiladorlik va laktatsiya davri
Homiladorlik vaqtida preparatni qo‘llashning xavfsizligi bo‘yicha adekvat va qat'iy nazoratli klinik tadqiqotlar o‘tkazilmagan. Biron-bir ma'lumotlarni yo‘qligi tufayli, homiladorlik vaqtida klopidogrelni qabul qilish tavsiya etilmaydi. Klopidogrelni ko‘krak suti bilan ajralishi mumkinligi tekshirilmagan. Shuning uchun emizish davrida klopidogrelni qabul qilishni to‘xtatish kerak.
Avtotransportni haydash va mexanizmlarni boshqarish qobiliyatiga ta'siri
Avtotransportni boshqarish yoki mexanizmlar bilan ishlash qobiliyatiga ahamiyatli ta'sir ko‘rsatmaydi.
Shifokor bilan maslahatlashmasdan, preparatni qo‘llamang.
Qabul qilishdan oldin yo‘riqnomani diqqat bilan o‘qib chiqing.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Dozani oshirib yuborilishi qon ketishi vaqtini uzayishi va keyinchalik qon ketishini rivojlanishi ko‘rinishidagi asoratlarga olib kelishi mumkin.
Sog‘lom ko‘ngillilar tomonidan 600 mg klopidogrelni (75 mg li 8 ta standart tabletkalarga ekvivalent miqdor) bir marta ichga qabul qilganda nojo‘ya ko‘rinishlar kuzatilmagan. Qon ketish vaqti 1,7 marta oshgan, bu terapevtik doza (sutkada 75 mg) qabul qilgandan keyin qayd etilgan ko‘rsatkichga mos keladi.
Klopidogrelning farmakologik faoligiga qarshi antidot mavjud emas. Qon ketishi vaqtini muvofiqlashtirish zarurati bo‘lganida trombotsitlar transfuziyasi tavsiya etiladi, bu klopidogrelning samarasini neytrallashi mumkin.

Chiqarilish shakli

Qobiq bilan qoplangan 28, 90 tabletkadan alyumin folgali kontur uyali o‘ramda.

Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish tartibi

Retsept bo‘yicha.
Qayd etish guvohnomasining egasi
Sanovel İlaç Sanayi ve Ticaret A.Ş. Istiniye - Istambul/TURKIYA

Ishlab chiqaruvchi

korxona
Sanovel İlaç Sanayi ve Ticaret A.Ş. Silivri - Istambul/TURKIYA