Varfarin tab. 2,5mg №100

Preparatning savdo nomi

VARFARIN SHTADA
Ta'sir etuvchi modda (XPN) Varfarin

Dori shakli

Tabletkalar

Tarkibi

faol modda varfarin natriy - 2,5 mg
yordamchi moddalar laktoza monogidrati, makkajo‘xori kraxmali, kaltsiy gidrofosfati digidrati, indigokarmin, povidon K30, magniy stearati.
Ta'rifi dumaloq shaklli, ikki tomonlama qavariq, xojsimon riskali, och-moviy rangli tabletkalar.

Farmakoterapevtik guruhi

Bilvosita ta'sirga ega antikoagulyant vosita.
ATX kodi V01AA03

Farmakologik xususiyatlari

Varfarin jigarda qon ivishining K vitaminiga bog‘liq faktorlarini, aynan II, VII, IX va X faktorlarini bloklaydi. Qonda ushbu komponentlarning kontsentratsiyasi pasayadi, qon ivishi jarayoni sekinlashadi. Qon ivishiga qarshi ta'siri preparatni qabul qilishni boshlagandan keyin 5-7 kuni maksimal samara rivojlanishi bilan qabul qilish boshlangandan keyin 36-72 soat davomida kuzatiladi. Preparatni qabul qilish to‘xtatilgandan keyin qon ivishining K vitaminiga bog‘liq faktorlarining faolligini tiklanishi 4-5 kun davomida kuzatiladi.
Farmakokinetika
Preparat me'da-ichak yo‘llaridan tez so‘riladi. Qon plazmasidagi oqsillar bilan bog‘lanishi 97-99% ni tashkil qiladi. Jigarda metabolizmga uchraydi. Varfarin ratsemik aralashmadan iborat bo‘lib, bunda R- va S- izomerlari jigarda turli yo‘llar bilan metabolizmga uchraydi. Izomerlardan har biri 2 asosiy metabolitlariga aylanadi. Varfarinning S-enantiomeri uchun metabolizmning asosiy katalizatori bo‘lib CYP2C9 fermenti, varfarinning R-enantiomeri uchun CYP1A2 va CYP3A4 fermenti hisoblanadi. Varfarinning chapga aylantiruvchi izomeri (S-varfarin) o‘ngga aylanuvchi izomeriga (R-enantiomer) nisbatan yuqoriroq antikoagulyatsion faollikka ega, ammo R-enantiomerningt yarim chiqarilish davri kattaroq. CYP2C9 fermenti polimorfizmi, shu jumladan CYP2C9*2 va CYP2C9*3 alleli bo‘lgan patsiyentlar varfarinning yuqori sezuvchanlikka va qon ketishi rivojlanishining yuqori xavfiga ega bo‘lishlari mumkin.
Varfarin organizmdan nofaol metabolitlari ko‘rinishida safro bilan chiqariladi, ular MIY da qayta so‘riladi va siydik bilan chiqariladi. Yarim chiqarilish davri 20 soatdan 60 soatgachani tashkil qiladi. R-enantiomer uchun yarim chiqarilish davri 37 soatdan 89 soatgachani tashkil qiladi, S-enantiomer uchun 21 soatdan 43 soatgachani tashkil qiladi.

Qo‘llanilishi

Qon-tomirlar trombozi va emboliyasini davolash va profilaktikasi o‘tkir va qaytalanuvchi venoz tromboz, o‘pka arteriyasi emboliyasi; miokard infarktini ikkilamchi profilaktikasi va miokard infarktidan keyin tromboembolik asoratlar profilaktikasi; bo‘lmachalar fibrillyatsiyasi, yurak klapanlarini shikastlanishi yoki yurak klapanlarini protezlash o‘tkazilgan patsiyentlarda tromboembolik asoratlar profilaktikasi; o‘tuvchan ishemik xurujlar va insultlarni davolash va profilaktikasi, operatsiyadan keyingi trombozlar profilaktikasida qo‘llanadi.

Qo‘llash usuli va dozalari

Varfarin sutkada 1 marta kunning bir vaqtida buyurilgan afzal. Davolash davomiyligi qo‘llanilishiga ko‘rsatmalarga muvofiq shifokor tomonidan buyuriladi.
Davolash vaqtida nazorat
Davolashni boshlashdan oldin Halqaro normallashgan nisbat (HNN) aniqlanadi. Keyinchalik laborator nazorat har 4-8 xaftada o‘tkaziladi. Davolash davomiyligi patsiyentning klinik holatiga bog‘liq. Davolashni darhol bekor qilish mumkin.
Avval Varfarin preparatini qabul qilmagan patsiyentlar
Boshlang‘ich doza birinchi 4 kunda sutkada 5 mg (kuniga 2 tabletka)ni tashkil qiladi. Davolashning 5-chi kuni HNN aniqlanadi va ushbu ko‘rsatkichga muvofiq preparatning samarani bir maromda ushlab turuvchi dozasi buyuriladi. Odatda preparatning samarani bir maromda ushlab turuvchi dozasi kuniga 2,5-7,5 mg (kuniga 1-3 tabletka)ni tashkil qiladi.
Avval Varfarin preparatini qabul qilgan patsiyentlar
Tavsiya etilgan boshlang‘ich doza preparatning samarani bir maromda ushlab turuvchi ma'lum dozasini ikki karrasini tashkil qiladi va birinchi 2 kun davomida buyuriladi. So‘ngra davolash ma'lum samarani bir maromda ushlab turuvchi doza yordamida davom ettiriladi. Davolashning 5-chi kuni HNN nazorat qilinadi va ushbu ko‘rsatkich orqali dozaga muvofiq ravishda tuzatish kiritiladi. Venoz tromboz, o‘pka arteriyasi emboliyasi, bo‘lmachalar fibrillyatsiyasi, dilyatatsion kardiomiopatiya, yurak klapanlarining asoratlangan kasalliklarini davolash va profilaktikasi uchun, yurak klapanlarini bioprotezlar bilan protezlanganda HNN ko‘rsatkichini 2 dan 3 gacha tutib turish tavsiya etiladi. HNN ning 2,5 dan 3,5 gacha yuqoriroq ko‘rsatkichlarida yurak klapanlarini mexanik klapanlar bilan protezlaganda va asoratlangan o‘tkir miokard infarktida tavsiya etiladi.
Bolalar
Bolalarda varfarinni qo‘llash bo‘yicha ma'lumotlar cheklangan. Boshlang‘ich doza jigar funktsiyasi normal bo‘lganida odatda sutkada 0,2 mg/kg ni va jigar funktsiyasini buzilishida sutkada 0,1 mg/kg ni tashkil qiladi. Samarani bir maromda ushlab turuvchi doza HNN ko‘rsatkichiga muvofiq tanlanadi. HNN ning tavsiya etilgan darajalari kattalardagi kabi. Bolalarda varfarinni buyurilishi haqidagi qarorni malakali mutaxassis qabul qilishi kerak. Davolash tajribali mutaxassis-pediatr kuzatuvi ostida amalga oshirilishi kerak. Dozalar quyida keltirilgan jadvalga qarab tanlanadi.
I. 1 kun
Agar HNN asosiy ko‘rsatkichi 1,0 dan 1,3 gacha bo‘lsa, zarb doza tana vazniga 0,2 mg/kg ni tashkil qiladi.
II. 2 dan 4 kungacha, agar HNN ko‘rsatkichi
1 dan 1,3 gacha
1,4 dan 1,9 gacha
2,0 dan 3,0 gacha
3,1 dan 3,5 gacha
3,5
Harakat
Zarb dozani takrorlash;
Zarb dozaning 50%;
Zarb dozaning 50%;
Zarb dozaning 25%;
HNN <3,5 erishguncha preparatni yuborishni to‘xtatish, so‘ngra avvalgi dozaning 50% ni tashkil qiluvchi dozada davolashni tiklash.
III. Tutib turish, agar HNN ko‘rsatkichi
1 dan 1,3 gacha
1,4 dan 1,9 gacha
2,0 dan 3,0 gacha
3,1 dan 3,5 gacha
3,5
Harakat (xaftalik doza)
Dozani 20% ga oshirish;
Dozani 10% ga oshirish;
O‘zgarishsiz;
Dozani 10% ga pasaytirish;
HNN <3,5 gacha preparatni yuborishni to‘xtatish, so‘ngra davolashni avvalgi dozadan 20% ga pastroq dozada tiklash.
Keksa odamlar
Keksa odamlarda varfarinni qabul qilish bo‘yicha maxsus tavsiyalar mavjud emas.
Ammo keksa patsiyentlar sinchkov kuzatuv ostida bo‘lishlari kerak, chunki ular nojo‘ya samaralar rivojlanishining yuqori xavfiga egalar.
Jigar yetishmovchiligi bo‘lgan patsiyentlar
Jigar funktsiyasini buzilishi varfaringa sezuvchanlikni oshiradi, chunki jigar qon ivishi faktorlarini ishlab chiqaradi, shuningdek varfarinni metabolizmga uchratadi. Patsiyentlarning ushbu guruhida HNN ko‘rsatkichlarini sinchkovlik bilan monitoring qilish zarur.
Buyrak yetishmovchiligi bo‘lgan patsiyentlar
Buyrak funktsiyasini buzilishi bo‘lgan patsiyentlarda varfarinning dozasini pasaytirish va sinchkov monitoring o‘tkazish talab etiladi («

Maxsus ko‘rsatmalar

» bo‘limiga qarang).
Rejali (elektiv) jarroxlik aralashuvlari
Pre-, peri- va post-operatsion antikoagulyant davolash quyidagicha o‘tkaziladi (agar peroral antikoagulyant samarani darhol bekor qilish talab etilsa — «

Dozani oshirib yuborilishi

» bo‘limiga qarang).
Buyurilgan operatsiyadan bir xafta oldin HNN aniqlash.
Operatsiyadan 1-5 kun oldin varfarinni qabul qilishni to‘xtatish. Trombozning yuqori xavfida patsiyentga profilaktika uchun quyimolekulyar geparin yuboriladi.
Varfarinni qabul qilishdagi tanaffus davomiyligi HNN ga bog‘liq. Varfarinni qabul qilish to‘xtatiladi
- operatsiyadan 5 kun oldin, agar HNN >4,0 bo‘lsa
- operatsiyadan 3 kun oldin, agar HNN 3,0 dan 4,0 gacha bo‘lsa
- operatsiyadan 2 kun oldin, agar HNN 2,0 dan 3,0 gacha bo‘lsa
Operatsiyadan oldin HNN aniqlash va agar HNN >1,8 bo‘lsa 0,5-1,0 mg K1 vitaminini peroral yoki vena ichiga yuborish.
Fraktsiyalanmagan geparin infuziyasi yoki operatsiya kuni quyimolekulyar geparinni profilaktik yuborish zaruratini e'tiborga olish.
Operatsiyadan keyin 5-7 kun davomida varfarinni qabul qilishni tiklash bilan birga quyimolekulyar geparinni teri ostiga yuborishni davom ettirish.
Katta bo‘lmagan operatsiyalardan keyin shu kuni kechqurun va yirik operatsiyalardan keyin patsiyent enteral oziqlanishni qabul qilish boshlagan kuni varfarinni qabul qilishni samarani bir maromda tutib turuvchi odatdagi dozada qabul qilishni davom ettirish.
Nojo‘ya ta'sirlari
Preparatga nojo‘ya reaktsiyalar a'zolar tizimi sinfiga muvofiq tartiblashtirilgan va qo‘llash uchun afzal bo‘lgan atamalar bilan mos keladi (normativ-huquqiy faoliyat – MedDRA ga muvofiq). A'zolar tizimi sinfi toifalari ichida reaktsiyalar quyidagi sxemaga muvofiq uchrash tez-tezligi bo‘yicha taqsimlangan juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam xollarda (≥10000 dan <1/1000 gacha), juda kam xollarda (<1/10000), tez-tezligi noma'lum (mavjud ma'lumotlar asosida baholab bo‘lmaydi).
Tez-tezlik
Noxush reaktsiyalar
Qon va limfatik tizim tomonidan buzilishlar
Tez-tez
Uzoq vaqt qo‘llagandan keyin varfaringa yuqori sezuvchanlik
Me'da-ichak yo‘llari tomonidan buzilishlar
Tez-tez emas
Qusish, ko‘ngil aynishi, diareya
Juda kam xollarda
Melena
Tez-tezligi noma'lum
Qorinda og‘riq (qon ketishga nisbatan ikkilamchi) va gematemezis
Teri va teri osti to‘qimalari tomonidan buzilishlar
Kam xollarda
Vaskulit, teri nekrozi, alopetsiya, toshma, eshakemi, qichishish
Tez-tezligi noma'lum
Kaltsifilaksiya, ekximozga olib keluvchi eritematoz blyashkalar
Qon-tomirlar tomonidan buzilishlar
Juda kam xollarda
Qonash (turli a'zolarda)
Kam xollarda
Binafsha rang barmoq sindromi
Juda kam xollarda
Xolesterin emboliyasi
Immun tizimi tomonidan
Tez-tez
O‘ta yuqori sezuvchanlik
Jigar tomonidan buzilishlar
Kam xollarda
«Jigar» fermentlari faolligini oshishi, sariqlik
Buyurak va siydik yo‘llarining buzilishi
Tez-tezligi noma'lum
Antikoagulyantlarni qo‘llash bilan bog‘liq nefropatiya (“

Maxsus ko‘rsatmalar

” bo‘limiga qarang).
Umumiy buzilishlar va yuborish joyidagi reaktsiyalar
Tez-tezligi noma'lum
Isitma
Qon ketishi. Bir yil davomida qon ketishlar varfarin qabul qilayotgan patsiyentlar orasida taxminan 8% holatlarda kuzatiladi. Ulardan 1% gospitalizatsiya yoki qon quyishiga olib keluvchi og‘ir darajadagi (bosh miya ichki, retroperitonial) va 0,25% fatal bo‘lib tasniflanadi. Bosh miya ichki qon quyilishini yuzaga kelishi uchun eng ko‘p uchraydigan xavf omili – davolanmagan yoki nazoratlanmagan arterial gipertenziya. Agar HNN maqsadli ko‘rsatkichdan ahamiyatli ravishda yuqori bo‘lsa qon ketishi ehtimoli oshadi. Agar qon ketishi HNN ning maqsadli ko‘rsatkichi chegaralarida boshlansa, demak tekshirilishi kerak bo‘lgan boshqa yondosh sharoitlar mavjud.
Bunday asoratlarga misollar bo‘lib burundan qon ketishi, qon tufurish, gematuriya, milklardan qon ketishi, terida qon talashlar, vaginal qon ketishi, subkon'yunktival qon ketishi, to‘g‘ri ichakdan va MIY ning boshqa sohalaridan qon ketishi, bosh miya ichki qon ketishlari, jarohat yoki operatsiyalardan keyin davomli yoki ko‘p miqdorda qon ketishi hisoblanadi. Har qanday a'zoda qon ketishi, shu jumladan og‘ir darajadagi qon ketishi rivojlanishini kutish mumkin. Uzoq vaqt antikoagulyantlar bilan davolangan patsiyentlarda o‘lim, gospitalizatsiya yoki qon quyish zaruratiga olib kelgan qon ketishlar rivojlanishi haqida xabar berilgan. Varfarinni qo‘llash vaqtida ahamiyatli qon ketishining mustaqil xavf omillariga quyidagilar kiradi keksalar, antikoagulyatsiyaning yuqori darajasi, anamnezida insult, anamnezida me'da-ichak yo‘llaridan qon ketishi, bo‘lmachalarning yondosh kasalligi va fibrillyatsiyasi. CYP2C9 polimorfizmi bo‘lgan patsiyentlarda («

Farmakokinetikasi

» bo‘limi qarang) antikoagulyant ta'sirni va qon ketishi epizodlarini yuqori xavfi mavjud. Bunday patsiyentlarda gemoglobin miqdori va HNN sinchkovlik bilan monitoring qilish kerak.
Me'da-ichak yo‘llari tomonidan qusish, ko‘ngil aynishi, diareya.
Nekrozlar. Kumarin nekroz – varfarin bilan davolaganda kam uchraydigan asorat. Nekroz odatda oyoqlar va dumba yoki (kamroq xollarda) bosh joydagi terini shishi va to‘qlashishidan boshlanadi. Keyinchalik shikastlanishlar nekrotik bo‘ladi. 90% holatlarda nekroz ayollarda rivojlanadi. Shikastlanishlar preparatni qabul qilishning 3-chidan 10 kunigacha kuzatiladi va etiologiya S yoki S antitrombik protein yetishmovchiligini taxmin qiladi. Ushbu proteinlarni tug‘ma yetishmovchiligi asoratlar sababchisi bo‘lishi mumkin, shuning uchun varfarinni qabul qilish geparinni bir vaqtda yuborish va preparatning past boshlang‘ich dozalari bilan boshlanishi kerak. Agar asoratlar yuzaga kelsa, varfarinni qabul qilish to‘xtatiladi va shikastlanishlar bitguncha yoki chandiq hosil bo‘lguncha geparinni yuborish davom ettiriladi.
Kaft-tovon sindromi. Varfarin bilan davolaganda juda kam xollarda uchraydigan asorat, uni rivojlanishi aterosklerotik kasalliklari bo‘lgan erkaklarda xarakterli. Taxmin qilinishicha, varfarin mikroemboliyalarga olib keluvchi ateromatoz blyashkalar gemorragiyalarini chaqiradi. Achishuvchi og‘riqlar bilan kechuvchi barmoq va panja terisining simmetrik purpur shikastlanishlari uchraydi. Varfarinni qabul qilish to‘xtatilgandan keyin ko‘rsatilgan simptomlar asta-sekin yo‘qoladi.
Boshqalar. Teri toshmasi ko‘rinishida namoyon bo‘luvchi va «jigar» fermentlarining faolligini qaytuvchan oshishi; xolestatik gepatit, vaskulit, priapizm, qaytuvchan alopetsiya va trexeya kaltsifikatsiyasi bilan xarakterlarnuvchi o‘ta yuqori sezuvchanlik reaktsiyalari.
Varfarin bilan davolash vaqtida ahamiyatli qon ketishining mustaqil xavf omillariga quyidagilar kiradi keksalar, yondosh antikoagulyant va antiagregant davolashning yuqori jadalligi, anamnezida insult va me'da-ichak yo‘llaridan qon ketishini mavjudligi.
SYP2C9 va VKORC1 geni polimorfizmi bo‘lgan patsiyentlarda qon ketishi xavfi yuqori

Qo‘llash mumkin bo‘lmagan holatlar

Preparatning komponentlariga aniqlangan yoki gumon qilinayotgan yuqori sezuvchanlik, o‘tkir qon ketishi, homiladorlik (birinchi uch oylik va homiladorlikning so‘ngi 4 xaftasi), jigar yoki buyrakning og‘ir darajadagi kasalligi, o‘tkir DVS-sindromi, S va S oqsillari tanqisligi, trombotsitopeniya, qon ketishi xavfi yuqori bo‘lgan patsiyentlar, shu jumladan gemorragik buzilishlari, qizilo‘ngach venalarini varikoz kengayishi, arteriyalar anevrizmasi, lyumbal punktsiya o‘tkazilgan, me'da va o‘n ikki barmoq ichak yara kasalligi, og‘ir darajadagi jarohatlari (shu jumladan operatsion), bakterial endokardit, xavfli gipertenziya, gemorragik insult, bosh miya ichki qon quyilishi bo‘lgan patsiyentlarda qo‘llash mumkin emas.
Dorilarning o‘zaro ta'siri
Davolovchi shifokor maslahatisiz boshqa dori vositalarini qabul qilishni boshlash yoki to‘xtatish, shuningdek qabul qilanayotgan preparatning dozalarini o‘zgartirish TAVSIYa ETILMAYDI.
Bir vaqtda buyurganda boshqa dori vositalari tomonidan varfarinning ta'sirini induktsiya qilish va/yoki ingibitsiya qilishni to‘xtatishdan samaralarni ham e'tiborga olish kerak.
Varfarinni trombotsitlar miqdoriga va birlamchi gemostazga ta'sir qiluvchi dori vositalari bilan bir vaqtda qabul qilganda og‘ir darajadagi qon ketishi rivojlanishi xavfi oshadi atsetilsalitsil kislotasi, klopidogrel, tiklopidin, dipiridamol, ko‘pgina nosteroid yallig‘lanishga qarshi vositalar (tsiklooksigenaza-2 ingibitorlaridan tashqari), yuqori dozalardagi penitsillin guruhiga mansub antibiotiklar.
Shuningdek varfarinni sitoxrom R450 tizimiga yaqqol ingibitsiya qiluvchi ta'sirga ega preparatlar, masalan simetidin va xloramfenikol bilan birga qo‘llashdan saqlanish kerak, ularni qabul qilganda bir necha kun davomida qon ketishi xavfi oshadi. Bunday holatlarda simetidinni masalan ranitidin yoki famotidin bilan almashtirish mumkin.
Varfarinning samarasini pasaytiruvchi dori vositalari
Nomi
Ehtimoliy mexanizmi
Yurak-qon tomir tizimiga ta'sir qiluvchi dori vositalari
Kolestiramin
Varfarinni so‘rilishini pasaytiradi va enterogepatik retsirkulyatsiyaga ta'sir qiladi.
Bozentan
Jigarda varfarinni CYP2C9/CYP3A4 ga aylanishini induktsiya qilish.
Me'da-ichak yo‘llariga ta'sir qiluvchi dori vositalari
Aprepitant
Varfarinni CYP2C9 ga aylanishini induktsiya qilish.
Mesalazin
Varfarinning antikoagulyant samarasini pasayishi ehtimoli.
Sukralfat
Varfarinni so‘rilishini kamayishi ehtimoli.
Dermatologik dori vositalari
Grizeofulfin
Kumarinlarning antikoagulyant samarasini pasayishi.
Retinoidlar
Varfarinning faolligini pasayishi ehtimoli.
Infektsiyaga qarshi dori vositalari
Dikloksatsillin
Varfarin metabolizmini kuchayishi.
Rifampitsin
Varfarinni metabolizmini kuchayishi.
Ushbu preparatlarni birga qo‘llashdan saqlanish kerak.
Viruslarga qarshi vositalar
(nevirapin, ritonavir)
Varfarinning CYP2C9 ga bog‘liq metabolizmni kuchayishi
Naftsillin
Varfarinning antikoagulyant samarasi pasayadi.
Mushak, bo‘g‘im va suyaklardagi og‘riqqa qarshi dori vositalari
Fenazon
«Jigar» fermentlari metabolizmini induktsiyasi, plazmada varfarin kontsentratsiyasini pasayishi. Varfarinning dozasini oshirish talab etilishi mumkin.
Rofekoksib
O‘zaro ta'sir mexanizmi noma'lum.
Markaziy nerv tizimiga ta'sir qiluvchi dori vositalari
Barbituratlar
(masalan fenobarbital)
Varfarin metabolizmi kuchayadi.
Tutqanoqqa qarshi vositalar
(karbamazepin, valproat kislotasi, primidon, fenitoin)
Varfarin metabolizmi kuchayadi.
Antidepressantlar (trazodon, mianserin)
Qo‘llashning to‘rtta holatida trazodon va varfarinni o‘zaro ta'siri protrombin vaqti va HNN ni pasayishini chaqirganlini aniqlangan, ammo ushbu o‘zaro ta'sirning mexanizmi noma'lum. Varfarin va mianserinning o‘zaro ta'sirining ham mexanizmi noma'lum.
Glutetimid
Varfarinning metabolizmini kuchayishi oqibatida uning antikoagulyant samarasini pasayishi.
Xlordiazepoksid
Varfarinning antikoagulyant samarasini pasayishi.
Sitostatiklar
Aminoglyutetimid
Varfarin metabolizmi kuchayadi.
Azatioprin
Varfarinning so‘rilishini pasayishi va varfarinning metabolizmini kuchayishi
Merkaptopurin
Varfarinning antikoagulyant samarasini pasayishi.
Mitotan
Varfarinning antikoagulyant samarasi pasayishi mumkin.
Immunodepressantlar
Siklosporin
Varfarin siklosporinning kontsentratsiyasin oshiradi yoki siklosporinning metabolizmiga ta'sir ko‘rsatib uning samarasini kuchaytiradi.
Diuretiklar
Spironolakton, xlortalidon
Yaqqol gipovolemik ta'siri holatida diuretiklarni qabul qilish qon ivishi faktorlarining kontsentratsiyasini oshishiga olib kelishi mumkin, bu antikoagulyantlarning ta'sirini kamaytiradi.
An'anaviy tibbiyot vositalari
Teshik dalachoy (Hypericum perforatum)
CYP P450-3A4 va -1A2 (R- varfarin metabolizmi) orqali amalga oshadigan, shuningdek CYP P450-2C9 (S-varfarin metabolizmi) orqali amalga oshadigan varfarinning metabolizmini kuchaytiradi. Teshik dalachoyni qo‘llash yakunlangandan keyin 2 xafta davomida fermentlar induktsiyasi ta'siri saqlanishi mumkin. Bunday holatlarda, agar patsiyent teshik dalachoy qabul qilayotgan bo‘lsa, HNN ni aniqlash va qabul qilishni to‘xtatish kerak. HNN ni sinchkovlik bilan monitoring qilish kepak, chunki uning ko‘rsatkichi teshik dalachoy bekor qilinganda oshishi mumkin. Shundan keyin varfarinni buyurish mumkin.
Jenshen (Panax ginseng)
Jigarda varfarinni qayta aylanishini induktsiya qilinishi mumkin.
Ushbu preparatlarni birga qo‘llashdan saqlanish kerak.
Ozuqa mahsulotlari
K vitaminini saqlovchi ozuqa mahsulotlari. K vitaminini eng ko‘p yashil sabzavotlar (masalan amarant zeleni, kochan karami, avokado, brokolli, bryussel karami, kanol moyi, shayo bargi, piyoz, koriandr (kinza), bodring po‘stlog‘i, sikoriy, kivi mevalari, salat-latuk, yalpiz, yashil xantal, zaytun moyi, petrushka, no‘xat, pista, qizil dengez o‘simliklari, bahorgi piyoz, soya dukkaklari, choy barglari (ammo choy-ichimlik emas), sholg‘om ko‘kati, kress-salat, ismaloq), shuning uchun varfarin bilan davolaganda ushbu mahsulotlarni ehtiyotkorlik bilan iste'mol qilish kerak.
Varfarinning ta'sirini susaytiradi.
Vitaminlar
C vitamini
Varfarinning antikoagulyant samarasi pasayadi.
K vitamini
Varfarin K vitaminiga bog‘liq qon ivishi omillari sintezini bloklaydi.
Varfarinning samarasini kuchaytiruvchi dori vositalari
Nomi
Ehtimoliy mexanizmi
Qon va qon yaratish a'zolariga ta'sir qiluvchi dori vositalari
Abtsiksimab
Tirofiban
Eptifibatid
Klopidogrel
Geparin
Qon ivishi tizimiga qo‘shimcha ta'sir kuzatiladi.
Me'da-ichak yo‘llari va moddalar almashinuviga ta'sir qiluvchi dori vositalari
Simetidin
Varfarinning metabolizmini pasayishiga olib keluvchi sitoxrom R450 tizimiga yaqqol ingibitsiya qiluvchi ta'sir (tsimetidinni ranitidin yoki famotidinga almashtirish mumkin).
Glibenklamid
Varfarinning antikoagulyant samarasi kuchayadi.
Omeprazol
Varfarinning antikoagulyant samarasi kuchayadi.
Yurak-qon tomir tizimiga ta'sir qiluvchi dori vositalari
Amiodaron
Bir xafta birga qabul qilgandan keyin varfarinning metabolizmi pasayadi. Ushbu samara amiodaron bekor qilingandan keyin bir-uch oy davomida saqlanishi mumkin.
Etakrin kislotasi
Varfarinni oqsil bilan bog‘idan siqib chiqarishi oqibatida varfarinning samarasi kuchayishi mumkin.
Gipolipidemik vositalar
(fluvastatin, simvastatin, rozuvastatin, gemfibrozil, bezafibrat, klofibrat, lovastatin, fenofibrat)
Sitoxrom P450 2C9 va 3A4 ga bog‘liq metabolizm uchun raqobat.
Propafenon
Varfarinning metabolizmi pasayadi.
Xinidin
Qon ivishi faktorlari sintezini pasayishi.
Diazoksid
Oqsil bilan bog‘idan varfarin, bilirubin yoki oqsil bilan yuqori darajada bog‘langan substantsiyani almashtirishi mumkin.
Digoksin
Varfarinning antikoagulyant samarasi kuchayadi.
Propranolol
Varfarinning antikoagulyant samarasi kuchayadi.
Tiklopidin
Qon ketishi xavfi kuchayadi. HNN ni monitoring qilish kerak.
Dipiridamol
Samaralarni kuchayishi oqibatidavarfarin yoki dipiridamol darajasi oshadi. Qon ketishi (gemorragiyalar) xavfi oshadi.
Dermatologik dori vositalari
Mikonazol
(shu jumladan og‘iz bo‘shlig‘i uchun gel shaklida)
Varfarinning xususiy klirensini pasayishi va plazmada varfarinning erkin fraktsiyasini oshishi; sitoxrom R450 ga bog‘liq varfarinning metabolizmini pasayishi.
Siydik-tanosil tizimi va jinsiy gormonlar
Steroid gormonlar – anabolik vositalar va/yoki androgenlar
(danazol, testosteron)
Varfarin metabolizmini pasayishi va/yoki koagulyatsiya va fibrinoliz tizimiga bevosita ta'siri
Tizimli qo‘llash uchun gormonlar
Qalqonsimon bezi funktsiyasiga ta'sir qiluvchi vositalar
Qon ivishining K-vitaminiga bog‘liq faktorlar metabolizmini kuchayishi
Glyukagon
Varfarinning antikoagulyant samarasi kuchayadi.
Podagraga qarshi dori vositasi
Allopurinol
Varfarinning antikoagulyant samarasi kuchayadi.
Sulfinpirazon
Uning metabolizmini kuchayishi va oqsillar bilan bog‘lanishini susayishi oqibatidaantikoagulyant samara kuchayadi.
Infektsiyaga qarshi dori vositalari
Yuqori dozalardagi penitsillinlar
(kloksatsillin, amoksitsillin)
Qon ketishi, shu jumladan milklar, burundan qon ketishi, odatdagi bo‘lmagan qon talashlarni paydo bo‘lishi yoki qora axlat ehtimolini oshishi.
Tetratsiklinlar
Varfarinning antikoagulyant samarasi kuchayishi mumkin.
Sulfanilamidlar (sulfametizol, sulfafurazol, sulfafenazol)
Varfarinning antikoagulyant samarasi kuchayishi mumkin.
Xinolonlar
(tsiprofloksatsin, norfloksatsin, ofloksatsin, grepafloksatsin, nalidikson kislotasi)
Varfarinning metabolizmi pasayishi.
Makrolidlar
(azitromitsin, klaritromitsin, eritromitsin, roksitromitsin)
Varfarinning metabolizmi pasayishi.
Zamburug‘larga qarshi vositalar
(flukonazol, itrakonazol, ketokonazol, metronidazol, vorikonazol)
Varfarinning metabolizmi pasayishi.
Xloramfenikol
Varfarinning metabolizmi pasayadi, sitoxrom R450 tizimiga yaqqol ingibitsiya qiluvchi ta'sir.
Sefalosporinlar (tsefamandol, sefaleksin, sefmenoksim, sefmetazol, sefoperazon, sefuroksim)
Qon ivishining K-vitaminiga bog‘liq faktorlar sintezini susayishi va boshqa mexanizmlar oqibatida varfarinning samarasi kuchayadi.
Sulfametoksazol-trimetoprim
Varfarinning metabolizmi pasayadi va varfarinni oqsillar bilan bog‘idan siqib chiqaradi.
Yallig‘lanishga qarshi dori vositalari
Prednizolon/prednizon
Varfarinning metabolizmi ingibitsiya qilinadi
Gelmintlarga qarshi dori vositalari
Levamizol
Varfarinning antikoagulyant samarasi kuchayadi.
Markaziy ta'sirga ega yo‘talga qarshi dori vositalari
Kodein
Kodein va paratsetamol majmuasi varfarinning faolligi kuchayadi.
Mushak, bo‘g‘im va suyaklardagi og‘riqqa qarshi dori vositalari
Atsetilsalitsil kislotasi
Varfarinni plazmadagi albumin bilan bog‘idan siqib chiqaradi, varfarinning metabolizmi cheklanadi.
NYaQP – azapropazon, indometatsin, oksifenbutazon, piroksikam, sulindak, tolmetin, feprazon, selekoksib va boshqalar (tsiklooksigenaza-2 ingibitorlaridan tashqari)
Sitoxrom P450 2C9 fermentlari tomonidan amalga oshiruvchi metabolizm uchun raqobat.
Leflunomid
Varfarinning CYP2C9 ga bog‘liq metabolizmini cheklanishi.
Paratsetamol (atsetaminofen) (ayniqsa 1-2 xafta doimiy qabul qilgandan keyin)
Varfarin metabolizmini yoki qon ivishi faktorlarini hosil bo‘lishini cheklanishi (paratsetamolni kuniga 2 g dan kamroq qabul qilganda ushbu samara namoyon bo‘lmaydi).
Fenilbutazon
Varfarinning metabolizmi pasayadi, varfarinni oqsillar bilan bog‘idan siqib chiqaradi. Ushbu majmuadan saqlanish kerak.
Narkotik analgetiklar (dekstropropoksifen)
Varfarinning antikoagulyant samarasi kuchayadi.
Markaziy nerv tizimiga ta'sir qiluvchi dori vositalari
Tutqanoqqa qarshi vositalar (fosfenitoin, fenitoin)
Varfarinni oqsillar bilan bog‘idan siqib chiqaradi, varfarinning metabolizmi pasayadi.
Tramadol
Sitoxrom P450 3A4 ga bog‘liq metabolizm uchun raqobat.
Antidepressantlar serotoninni qayta qamrab olinishining selektiv ingibitorlari (SQQOSI)
(fluoksetin, fluvoksamin, paroksetin, sertralin)
Varfarinning metabolizmi cheklanadi.SQQOSI sitoxrom P450 2C9 (CYP2C9) izofermentini cheklashi taxmin qilinadi. U kuchliroq ta'sir ko‘rsatuvchi izomer S-varfarinni metabolizmga uchratuvchi ferment bo‘lib hisoblanadi. Bundan tashqari ham SQQOSI, ham varfarin albumin bilan mustahkam bog‘lanadi. Ikkalasi mavjud bo‘lganida birini albumin bilan bog‘idan siqib chiqarilishi ehtimoli oshadi.
Xloralgidrat
O‘zaro ta'sir mexanizmi noma'lum.
Sitostatiklar
Ftoruratsil
Varfarinni metabolizmga uchratuvchisitoxrom P450 2C9 fermenti sintezi pasayadi.
Kapetsitabin
CYP2C9 izofermentlari pasayadi.
Imatinib
CYP3A4 izofermentini raqabotli susayishi va varfarinning CYP2C9 va CYP2D6 ga bog‘liq metabolizmini susayishi.
Ifosfamid
CYP3A4 susayishi.
Tamoksifen
Tamoksifen, CYP2C9 ingibitori, varfarinning metabolizmini pasayishi oqibatida zardobda varfarinning kontsentratsiyasini oshirishi mumkin.
Metotreksat
Jigarda proagulyant faktorlarini sintezini pasayishi oqibatida varfarinning samarasi kuchayadi.
Tegafur
Varfarinning antikoagulyant samarasi kuchayadi.
Trastuzumab
Varfarinning antikoagulyant samarasi kuchayadi.
Flutamid
Varfarinning antikoagulyant samarasi kuchayadi.
Siklofosfamid
Varfarinning antikoagulyat samarasini o‘zgarishi ehtimoli mavjud, chunkisiklofosfamid o‘smalarga qarshi vosita bo‘lib hisoblanadi.
Sitotoksik dori vositalari
Etopozid
Kumarinlarning antikoagulyant samarasi kuchayishi mumkin.
Immunomodulyatorlar
Alfa- va beta-interferon
Varfarinning antikoagulyant samarasini kuchayishi va zardobda kontsentratsiyasini oshishi varfarinning dozasini pasayishi zaruratini chaqiradi.
Qaramlikni davolash uchun dori vositalari
Disulfiram
Varfarinning metabolizmi pasayadi.
Diuretiklar
Metolazon
Varfarinning antikoagulyant samarasi kuchayadi.
Tiyenilon kislotasi
Varfarinning antikoagulyant samarasi kuchayadi.
Bronxial astmani davolash uchun dori vositalari
Zafirlukast
Zafirlukastning metabolizmini o‘zgarishi oqibatida varfarinni qabul qilish fonida zafirlukastning kontsentraatsiyasi oshadi yoki samarasi kuchayadi.
Gipoglikemik dori vositalari
Troglitazon
Varfarinning metabolizmini o‘zgarishi oqibatida varfarinning kontsentratsiyani pasayadi yoki samarasi susayadi.
Vaktsinalar
Grippga qarshi vaktsina
Varfarinning antikoagulyant samarasi kuchayishi mumkin.
Bezgakka qarshi dori vositalari
Proguanil
Alohida xabarlar ma'lumotlari ko‘ra varfarinning antikoagulyant samarasi kuchayishi mumkin.
Ozuqa mahsulotlari
Klyukva
Klyukva varfarinning CYP2C9 ga bog‘liq metabolizmini pasaytiradi.
Xinin saqlovchi tonusni oshiruvchi ichimliklar
Xinin saqlovchi tonusni oshiruvchi ichimliklarni ko‘p miqdorda iste'mol qilish varfarinning dozasini pasaytirish zaruratiga olib kelishi mumkin. Ushbu o‘zaro ta'sir xinin tomonidan jigarda proagulyant faktorlar sintezini pasayishi bilan tushuntirilishi mumkin.
Ginkgo (Ginkgo biloba), sarimsoq piyoz (Allium sativum), dorivoro oyboltirg‘on (Angelica sinensis), papayya (Carica papaya), mavrak (Salvia miltiorrhiza)
Antikoagulyant/antitrombotsitar samarani kuchayishi qon ketishi xavfini oshirishi mumkin.
Varfarinning samarasini susaytiruvchi yoki kuchaytiruvchi dori vositalari
Nomi
Ehtimoliy mexanizmi
Yurak-qon tomir tizimiga ta'sir ko‘rsatuvchi dori vositalari
Dizopiramid
Varfarinning antikoagulyant samarasini susaytirishi yoki kuchaytirishi mumkin.
Biologik faol qo‘shimchalar
Koenzim-Q10
Koenzim-Q10 va K vitamini orasida kimyoviy tuzilishining bir xilligi tufayli, koenzim-Q10 varfarinning samarasini kuchaytirishi yoki susaytirishi mumkin.
Boshqa moddalar
Alkogol (etanol)
Varfarinning metabolizmini ingibitsiya yoki induktsiya qiladi.
Glyukozamin
(to‘qimalar reparatsiyasini rahbatlantiruvchi vosita)
Glyukozamin va K vitaminining peroral antagonistlarini bir vaqtda qabul qiluvchi patsiyentlarda HNN ni oshirishi mumkin. Glyukozamin bilan davolashni boshlaganda va yakunlaganda patsiyentlarni nazorat qilish zarur.
Varfarin peroral gipoglikemik vositalar – sulfonilmochevina hosilalarining ta'sirini kuchaytirishi mumkin.
Varfarinni yuqorida ko‘rsatilgan preparatlar bilan birga qo‘llaganda davolashni boshida va oxirida va imkoni boricha davolash boshlangandan keyin 2-3 xaftadan keyin HNN ni nazorat qilish kerak.

Maxsus ko‘rsatmalar

Varfarin bilan davolashning majburiy sharti bo‘lib patsiyent tomonidan preparatning buyurilgan dozasini qabul qilishga qat'iy rioya qilishi hisoblanadi.
Alkogolizmi bo‘lgan patsiyentlar, shuningdek dementsiyasi bo‘lgan patsiyentlar varfarinni qabul qilishni buyurilgan tartibiga rioya qilolmasliklari mumkin.
Shuningdek isitma, gipertireoz, dekompensatsiyalangan yurak yetishmovchiligi, jigarni shikastlanishi bilan bir birga kechuvchi alkogolizm kabi holatlar varfarinning ta'sirini kuchaytirishi mumkin. gipotireozda varfarinning samarasini pasayishi mumkin. Buyrak yetishmovchiligi yoki nefrotik sindromda qon plazmasida varfarinning erkin fraktsiyasi kontsentratsiyasi oshadi, u yondosh kasalliklarga qarshi samarasni kuchayishi ham, susayishiga ham olib kelishi mumkin. O‘rtacha darajadagi jigar yetishmovchiligida varfarinning samarasi kuchayadi.
Yuqorida sanab o‘tilgan barcha holatlarda HNN sinchkovlik bilan monitoring qilinadi.
Varfarin qabul qilayotgan patsiyentlarda og‘riq qoldiruvchi preparatlar sifatida paratsetamol, tramadol yoki opiatlarni buyurish tavsiya etiladi.
SYP2C9 fermentini kodlovchi gen mutatsiyasi bo‘lgan patsiyentlar varfarinning davomliroq yarim chiqarilish davriga egalar. Ushbu patsiyentlarga preparatning pastroq dozalari talab etiladi, chunki odatdagi terapevtik dozalar qabul qilinganda qon ketishi xavfi oshadi. Preparatning tarkibida laktoza (yordamchi modda sifatida) mavjud bo‘lganligi tufayli, galaktozani kam uchraydigan nasliy o‘zlashtiraolmaslik, laktaza tanqisligi, glyukozo-galaktoz malabsorbtsiya sindromi bo‘lgan patsiyentlarda varfarinni qo‘llash mumkin emas.
Tezkor antitrombik samarani kuzatilishi zarurati bo‘lganida davolashni geparinni yuborishdan boshlash tavsiya etiladi; so‘ngra 5-7 kun davomida HNN ning maqsadli 2 kun davomida saqlanmaguncha geparin va varfarin bilan majmuaviy davolashni amalga oshirish kerak («

Qo‘llash usuli va dozalari

» bo‘limiga qarang).
Buyrak ko‘ptokchalarining buzilishi yoki buyrak kasalliklari bor bemorlada qon ivishi xususiyatini xaddan oshiq pasayishi va gematuriya epizodlari xisobiga o‘tkir buyrak shikastlanishi xolatlari bo‘lishi mo‘mkin. Anamnezida buyrak kasalliklari bo‘lmagan bemorlarda nefropatiya xolatlari takrorlanishi kayd etilgan. MXO terapevtik diapazondan yuqori bo‘lgan va gematuriya kuzatilgan bemorlarni buyrak faoliyatini baxolash diqqat bilan (shu jumladan mikroskopik tekshiruvlar) kuzatib borish tavsiya etiladi.
S proteinini yetishmovchiligi bo‘lgan patsiyentlarda varfarin bilan davolashni boshida teri nekrozini yuzaga kelishining xavfi mavjud. Hatto geparin qo‘llanilganda bunday davolash varfarinning zarb dozasisiz boshlanishi kerak.
VKORC1 kodlovchi genida ayrim mutatsiyalari bo‘lgan patsiyentlar varfaringa yuqori sezuvchanlikka egalar va pasaytirilgan samarani bir maromda ushlab turuvchi dozasini qabul qilishlari kerak («Nojo‘ya ta'siri» bo‘limlariga qarang).
S proteinini yetishmovchiligi bo‘lgan patsiyentlar ham ushbu xavfga duchor bo‘lishlari mumkin va bunday holatlarda varfarin bilan davolashni sekinroq boshlash tavsiya etiladi.
Varfaringa individual rezistentlik holatida (kam xollarda uchraydi) terapevtik samaraga erishish uchun varfarinning 5 dan 20 zarb dozasi talab etiladi. Agar bunday patsiyentlarda varfarinni qabul qilisht samarasiz bo‘lsa, boshqa kuzatilishi mumkin sabablarni ham aniqlash kerak, aynan varfarinni boshqa dori vositalari bilan birga qabul qilish (“Boshqa dori vositalari bilan o‘zaro ta'siri” bo‘limiga qarang), noadekvat ovqatlanish ratsioni, laborator xatolar.
Keksa yoshdagi patsiyentlarni davolashni alohida ehtiyotkorliklar bilan amalga oshirish kerak, chunki qon ivishi faktorlari sintezi va jigar metabolizmi bunday patsiyentlarda pasayadi, buning natijasida varfarinning ta'sirida haddan tashqari samara kuzatilishi mumkin.
Byurak funktsiyasini buzilishi bo‘lgan patsiyentlarda ehtiyotkorlikka rioya qilish tavsiya etiladi, shuning uchun giperkoagulyatsiya xavfi bo‘lgan patsiyentlarda, masalan og‘ir darajadagi arterial gipertenziyada yoki buyrak kasalliklarida HNN ni tez-tez monitoring qilish kerak (“

Qo‘llash usuli va dozalari

” bo‘limiga qarang).
Varfarin bilan davolanayotgan patsiyentlarda teri nekrozi bilan kechuvchi va o‘limga olib keluvchi holatlarning yuqori tez-tezligi bilan xarakterlanuvchi kam uchraydigan qon-tomirlar kaltsifikatsiyasi sindromi holatlari qayd etilgan. Ushbu kasallik asosan buyrak yetishmovchiligining terminal bosqichi, dializda bo‘lgan patsiyentlarda yoki S yoki S proteinlari tanqisligi, giperfosfatemiya, giperkaltsiyemiya yoki gipoalbuminemiya kabi ma'lum xavf omillari bo‘lgan patsiyentlarda rivojlanadi. Varfarin qabul qilgan patsiyentlarda, shu jumladan buyrak kasalliklari bo‘lmagan patsiyentlarda kaltsifilaksiyaning kam holatlari haqida xabar berilgan. Kaltsifilaksiya simptomatik davolashni talab etadi va tasdiqlangan kaltsifilaksiya holatida, muqobil antikoagulyantlar bo‘lganida, har bir aniq holatlarda varfarin bilan davolashni to‘xtatish imkoniyatini individual ravishda ko‘rib chiqish kerak.
Homiladorlik va laktatsiya davrida qo‘llanilishi
Varfarin yo‘ldosh orqali tez o‘tadi, homiladorlikning 6-12 xaftasida homilada varfarin sindromini rivojlanishiga olib kelib, homilaga teratogen ta'sir ko‘rsatadi. Ushbu sindrom ko‘rinishlari boshlang‘ich gipoplaziya (burunni egarsimon deformatsiyasi va boshqa tog‘ay o‘zgarishlari) va rentgenologik tekshiruvda xondrodisplaziya (ayniqsa umurtqa pog‘onasida va uzun naysimon suyaklarja), qisqa kaft va qo‘l barmoqlari, ko‘ruv nervi atrofiyasi, to‘liq yoki qisman ko‘rlikka olib keluvchi katarakta, aqliy va jismoniy rivojlanishni sekinlashishi va mikrotsefaliya. Homiladorlikning oxirida va tug‘ruq vaqtida preparat qon ketishini chaqirishi mumkin. Homiladorlik vaqtida preparatni qabul qilish rivojlanishning tug‘ma nuqsonlarini chaqirishi va homilani nobud bo‘lishiga olib kelishi mumkin. Homiladorlikning 1-chi uch oyligida va so‘nggi 4 xaftasi davomida preparatni buyurish mumkin emas. Juda zarur bo‘lgan holatlardan tashqari, homiladorlikning qolgan muddatlarida varfarinni qo‘llash tavsiya etilmaydi. Reproduktiv yoshdagi ayollar varfarinni qo‘llash davrida kontratseptsiyaning samarali usulidan foydalanishlari kerak.
Varfarin ko‘krak suti bilan chiqariladi, ammo varfarinning terapevtik dozalari qabul qilinganda bolani emizishga ta'siri kutilmaydi. Varfarinni emizish davrida qo‘llash mumkin. Varfarinni fertillikka ta'siri haqida ma'lumotlar yo‘q.
Avtomobilni va murakkab mexanizmlarni boshqarish qobiliyatiga ta'siri
Varfarin avtomobilni va murakkab mexanizmlarni boshqarish qobiliyatiga ta'sir qilmaydi yoki axamiyatsiz ta'sir qiladi.

Dozani oshirib yuborilishi

Davolash samaradorligi ko‘rsatkichi qon ketishi rivojlanishi chegaralarida bo‘ladi, shuning uchun patsiyentda ahamiyatsiz qon ketishi, masalan mikrogematuriya, milklarni qonashi va boshqalar kuzatilishi mumkin. Yengil holatlarda preparatning dozasini pasaytirish yoki davolashni qisqa muddat to‘xtatish yetarli. Ahamiyatsiz qon ketishlarda HNN maqsadli ko‘rsatkichgacha erishilguncha preparatni qabul qilishni to‘xtatish yetarli. Og‘ir darajadagi qon ketishi rivojlanganida – K vitaminini (vena ichiga) yuborishva faollashtirilgan ko‘mirni preparat, qon ivishi faktorlari kontsentrati yoki yangi muzlatilgan plazma qabul qilingandan keyin 1 soat davomida qabul qilish.
Agar peroral antikoagulyantlar keyinchalik buyurish uchun ko‘rsatilgan bo‘lsa, K vitaminining yuqori dozalaridan saqlanish kerak, chunki varfaringa rezistentlik 
2 xafta davomida rivojlanadi.
Doza oshirib yuborilganda davolash sxemalari
Ahamiyatsiz qon ketishi holatlarida
HNN
Tavsiyalar
<5,0
Varfarinning keyingi dozasini o‘tkazib yuborish va HNN terapevtik ko‘rsatkichiga erishilganda pastroq dozalarni qabul qilishni davom ettirish
5,0 - 9,0
Varfarinning 1-2 dozalarini o‘tkazib yuborish va HNN terapevtik ko‘rsatkichiga erishilganda pastroq dozalarni qabul qilishni davom ettirish.
YoKI
Varfarinning 1 dozasini o‘tkazib yuborish va K vitaminini 1-2,5 mg dozada peroral buyurish.
> 9,0
Varfarinni qabul qilishni to‘xtatish, K vitaminini 3,0-5,0 mg dozada peroral buyurish.
Preparatni bekor qilish ko‘rsatilgan
HNN
Tavsiyalar
5,0 - 9,0 —
Operatsiya rejalashtirilgan
Varfarinni qabul qilishni to‘xtatish va K vitaminini 2-4 mg dozada peroral buyurish (rejalashtirilgan operatsiyadan 24 soat oldin)
>20,0 yoki kuchli qon ketishi
K vitaminini 10 mg dozada sekin vena ichiga infuziya yo‘li bilan buyuriladi. Protrombin kompleksi faktorlari kontsentratlari yoki yangi muzlatilgan plazma yoki qon quyish.
Zarurati bo‘lganida K vitaminini har 12 soatda takroran yuborish.
Davolash o‘tkazilgandan keyin varfarinning yarim chiqarilish davri 20–60 soatni tashkil qilishini e'tiborga olib, patsiyentni uzoq vaqt kuzatish kerak.

Chiqarilish shakli

100 tabletkadan birinchi ochishni nazorat qilishni ta'minlovchi yulib olish uchun halqali tiqin o‘rnatilgan buraladigan qopqoqcha bilan berkitilgan plastik flakonda. 1 flakondan qo‘llanilishiga doir yo‘riqnomasi bilan karton qutiga joylanadi.

Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin.

Yaroqlilik muddati

5 yil.

Yaroqlilik muddati

o‘tgach qo‘llanilmasin.

Dorixonalardan berish tartibi

Retsept bo‘yicha.