Preparatning savdo nomi
MIKRAZIM®

Xalqaro patentlanmagan nomi
-

Dori shakli
kapsulalar.
1 kapsula tarkibi

Faol moddalar
10000 TB25000 TB
Pakreatin kukunini saqlovchi ichakda eruvchi168 mg*420 mg*
pelletlar ko‘rinishida 125 mg312 mg
bu
proteaza520 TB1300 TB
amilaza7500 TB19000 TB
lipaza10000 TB25000 TB
faolligiga mos keladi.
* - nominal lipolitik faollikka qayta hisoblaganda.
Ichakda eruvchi pellet tarkibiga kiruvchi yordamchi moddalar metakril kislotasi va etilakrilat sopolimeri [11] (30% li dispersiya ko‘rinishida, qo‘shimcha saqlangan polisorbat-80, natriy laurilsulfati) – 25,3 mg/63,2 mg, trietiltsitrat – 5,1 mg/12,6 mg, 30% li simetikon emulsiyasini quruq massasi (32,6%) – 0,1 mg/0,3 mg, shu jumladan dimetikon – 27,8%, cho‘ktirilgan kolloid kremniy – 1,3%, muallaq kolloid kremniy – 0,9%, metiltsellyuloza – 2,5%, sorbin kislotasi – 0,1%, suv – 67,4%, talk –
12,6 mg/31,6 mg.
Kapsula qobig‘ining tarkibi
korpusi jelatin – 100% gacha, suv – 13-16%
qopqog‘i jelatin – 100% gacha, suv – 13-16%, punts bo‘yovchisi (ponso 4R) - 0,6666%/0,7999%, xinolin sariq bo‘yovchisi - – 0,1000%/0,3166%, patentlangan ko‘k bo‘yovchisi - 0,0200%/0,0053%, titan dioksidi - 1,2999%/2,9574%.
Ta'rifi qattiq jelatin kapsulalar №2 jigarrang qopqoqli tiniq korpusli (10000 TB doza uchun) va №0 to‘q zarg‘aldoq qopqoqli tiniq korpusli (25000 TB doza uchun).
Kapsulalarning ichidagisi silindrik yoki dumaloq shaklli yoki noto‘g‘ri shaklli, och-jigarrangdan jigarrang rangligacha bo‘lgan, o‘ziga xos hidli pelletlar.

Farmakoterapevtik guruhi
ovqat hazm qiluvchi ferment vosita.
ATX kodi A09AA02.


Farmakologik xususiyatlari

Mikrazim® - pankreatin pelletlari kapsulalarda. Preparatning tarkibiga ovqatning oqsil, yog‘ va uglevodlarning hazm bo‘lishini ta'minlovchi hayvonlarning me'da osti bezining tabiiy fermentlari - proteaza, lipaza va amilaza kiradi.
Mikrazim® preparati qabul qilinganidan keyin kapsula, ichakda eruvchi qobiq bilan qoplangan pankreatin pelletlarini ajratib me'dada tez eriydi. O‘lchami kichikligi tufayli pelletlar ovqat bilan tez va bir tekis aralashadi va bir vaqtda ovqat luqmasi bilan birga yengil o‘nikki barmoq ichakka, so‘ngra esa ingichka ichakka o‘tadi, u yerda pankreatik fermentlar ajralib chiqadi va ovqatning oqsillari, yog‘lari va karbonsuvlarini tez va to‘liq hazm bo‘lishiga yordam berib, faol ta'sir qila boshlaydi.
Pankreatin pelletlarining me'da ichidagisi bilan tez aralashishi, ularni unda bir tekis taqsimlanishi, bir vaqtda ximus bilan passaji, shuningdek fermentlarni ichakda ishlashi boshlangunicha saqlanishi (pelletlarning ichakda eruvchi qobig‘i borligi tufayli), ovqat hazm qilishning yuqoriroq faolligini va preparatning ta'sirini ovqat hazm qilish jarayonini tabiiyga maksimal yaqinlashishini ta'minlaydi. Mikrazim® ning fermentativ faolligi ichga qabul qilinganidan so‘ng 30-40 minutdan keyin maksimal namoyon bo‘ladi, bu ta'sirining tez yuz berishini ta'minlaydi.
Proteaza, lipaza va amilaza substratlar bilan o‘zaro ta'sir qilganidan so‘ng ichakning pastki qismlarida faolligini yo‘qotadi va ichakdagi moddalar bilan birga organizmdan chiqariladi.
Mikrazim® me'da-ichak yo‘llaridan so‘rilmaydi va faqat ingichka ichak ichida ta'sir qiladi.


Qo‘llanilishi

Me'da osti bezining tashqi sekretor yetishmovchiligini o‘rinbosar davolash surunkali pankreatit, pankreatektomiya, nurlantirishdan keyingi holat, dispepsiya, mukovistsidoz; meteorizm, noinfektsion genezli diareyada qo‘llanadi.
Ovqat hazm bo‘lishini buzilishi (me'da va o‘nikki barmoq ichak rezektsiyasidan keyingi holat) me'da-ichak yo‘llarining faoliyati normal bo‘lgan shaxslarda ovqatlanishdagi buzilishlar holida, yog‘li ovqatni, katta miqdordagi ovqatni qabul qilish, muntazam ovqatlanmaslik, ovqat hazm qilishni yaxshilash uchun va chaynash faoliyatini buzilishlarida, kam harakatli hayot tarzida, uzoq muddatli immobilizatsiyada qo‘llanadi. Remxeld sindromi (gastrokardial sindromi).
Qorin bo‘shlig‘i a'zolarini rentgenologik tekshirishlar va UTT ga tayyorlashda qo‘llanadi.


Qo‘llash usuli va dozalari

Preparatning dozasi yosh, simptomlarning og‘irligi va parhezning tarkibiga qarab shaxsiy ravishda tanlanadi. Dozani tanlash qayd qilingan Mikrazim® 10000 TB va Mikrazim® 25000 TB dori preparatlari yordamida amalga oshiriladi.
Kapsulalar ichga yetarli miqdordagi ishqoriy bo‘lmagan suyuqlik (suv, meva sharbatlari) bilan birga qabul qilinadi. Agar preparatning dozasi 1 kapsuladan ko‘p bo‘lsa, kapsulalarning umumiy miqdorini yarmini bevosita ovqat qabul qilish oldidan, boshqa yarmini esa – ovqatlanish vaqtida qabul qilish kerak. Agar bir martalik doza – 1 kapsula bo‘lsa, uni ovqat vaqtida qabul qilish kerak.
Yutish qiyin bo‘lganida (masalan, bolalar yoki keksa odamlar) kapsulani ochish va pelletlarni chaynashni talab qilmaydigan ovqatga (masalan, olma pyuresi, yogurt) qo‘shib berish mumkin. Pelletlarni maydalash va chaynash, shuningdek ularni rN 5,5 dan yuqori bo‘lgan ovqatga qo‘shish, ularning me'da shirasining ta'siridan himoya qiluvchi qobig‘ini yemirilishiga olib keladi. Pelletlarning ovqat yoki suyuqlik bilan har qanday aralashmasi tayyorlangandan keyin darhol qabul qilinishi kerak.
1,5 yoshgacha bo‘lgan bolalar uchun ruxsat berilgan doza – sutkada 50 000 TB ni; 1,5 yoshdan katta bolalar uchun – sutkada 100 000 TB ni tashkil qiladi.
Pankreatinni qabul qilish davomiyligi bir necha kundan (ovqat hazm qilishni buzilishi) to bir necha oylar yoki yillargacha (davomli o‘rinbosar davolash) bo‘lishi mumkin.
Me'da osti bezining turli xil ekzokrin yetishmovchiligini o‘rinbosar davolash.
Doza tashqi sekretor yetishmovchilikning darajasiga, patsiyentning shaxsiy ovqat yeyish odatlari va yoshiga qarab, shaxsiy ravishda tanlanadi.
Steatoreyada (ahlatdagi yog‘ sutkada 15 g dan ko‘p)
Ich ketishi bo‘lganida, tana vazni kamayganida va parhez jiddiy samara bermaganida – har bir ovqat qabul qilishda 25000 TB dan lipaza buyuriladi. Zarurati bo‘lganida va yaxshi o‘zlashtirilganida doza bir qabul qilishda lipazani 30000-35000 TB gacha oshiriladi. Dozani keyingi oshirilishi, ko‘pchilik hollarda davolash natijalarini yaxshilamaydi va tashxisni qayta ko‘rib chiqishni, ratsionda yog‘ miqdorini kamaytirishni va/yoki qo‘shimcha proton nasosi ingibitorlari – preparatlarini buyurishni talab qiladi.
Ich ketishlari va tana vaznining kamayishi bilan kechmaydigan biroz namoyon bo‘lgan steatoreyada bir qabulga 10000 dan 25000 TB gacha lipaza buyuriladi.
Mukovistsidoz.
4 yoshdan kichik bolalar uchun boshlang‘ich hisobli dozasi, har bir ovqatlantirishda tana vaznining har kilogrammiga 1000 TB lipazani, 4 yoshdan katta bolalar uchun har bir ovqatlanda har kilogrammiga 500 TB lipazani tashkil qiladi. Doza kasallikning og‘irligi, steatoreyaning yaqqolligi va nutritiv statusga qarab shaxsiy ravishda tanlanadi. Ko‘pchilik patsiyentlar uchun samarani bir maromda saqlab turuvchi doza sutkada tana vaznining har kilogramiga 10000 TB dan oshmasligi kerak.

Nojo‘ya ta'sirlari
Preparat komponentlariga allergik reaktsiyalar bo‘lishi mumkin. Preparatning katta dozalari ishlatilganida kam hollarda diareya, ko‘ngil aynishi, qabziyatlar, epigastral sohada diskomfort kuzatiladi. Yuqori dozalarda uzoq vaqt qo‘llanganida giperurikozuriya, giperurikemiya rivojlanishi mumkin.


Qo‘llash mumkin bo‘lmagan holatlar

Pankreatinni yoki preparatning ayrim komponentlarini shaxsiy o‘zlashtiraolmaslik. O‘tkir pankreatit, surunkali pankreatitning zo‘rayishida qo‘llash mumkin emas.

Dorilarning o‘zaro ta'siri
Pankreatin temir preparatlari bilan bir vaqtda qo‘llanganida, temirning so‘rilishini pasaytirishi mumkin.


Maxsus ko‘rsatmalar

Pankreatinning ancha katta dozalari bilan uzoq vaqt davolanayotgan bolalar va kattalar muntazam mutaxassis kuzatuvida bo‘lishlari kerak.
Fermentli davolashning samarasizligini asosiy sabablari fermentlarni o‘nikki barmoq ichakda, uning ichidagisi bilan oksidlanishi natijasida faolsizlanishi; ingichka ichakning yondosh kasalliklari (gijja invaziyalari, disbakterioz); patsiyentlar tomonidan tavsiya qilingan davolash tartibini bajarmaslik; o‘z faolligini yo‘qotgan fermentlarni ishlatish.
Homiladorlik vaqtida va laktatsiya davrida qo‘llanishi
Pankreatinni homiladorlik va laktatsiya davrida ishlatilishini potentsial xavflari to‘g‘risida ma'lumotlar mavjud emas, shuning uchun preparatni homilador va emizikli onalarga faqat, agar foydali samarasi mumkin bo‘lgan xavfdan ustun bo‘lsagina buyurish kerak.
Transport vositalari, mexanizmlarni boshqarish qobiliyatiga preparatning mumkin bo‘lgan ta'siri haqida ma'lumotlar
Alohida ma'lumotlar yo‘q.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Simptomlari siydik kislotasining miqdorini siydikda (giperurikuriya) va qonda (giperurikemiya) oshishi. Bolalarda – qabziyatlar.
Davolash preparatni bekor qilish, simptomatik davolash.


Chiqarilish shakli

Kapsulalar 10000 TB va 25000 TB.
10 kapsuladan polivinilxlorid plyonka va laklangan bosma alyumin folga kontur uyali o‘ramlarda.
1, 2, 3, 4 yoki 5 ta kontur uyali o‘ramdan qo‘llash bo‘yicha yo‘riqnomasi bilan birga karton qutida.


Saqlash sharoiti

Namlikdan va yorug‘likdan himoyalangan joyda, 25oS dan yuqori bo‘lmagan haroratda.


Yaroqlilik muddati

2 yil.


Dorixonalardan berish tartibi

Retseptsiz.


Ishlab chiqaruvchi
/e'tirozlarni qabul qabul qiluvchi tashkilot
«AVVA RUS» AJ
Rossiya, 610044, Kirov sh., Luganskaya ko‘ch., 53a uy.
Tel. (8332) 25-12-29, (495) 956-75-54
avva.com.ru