Preparatning savdo nomi
Essentsiale Forte N

Dori shakli
kapsulalar

Tarkibi

1 kapsula quyidagilarni saqlaydi
faol modda 76% (3-sn-fosfatidil) xolin (sinonimlari EPL, essentsial fosfolipidlar) saqlovchi soya dukkaklaridan olingan fosfolipidlar – 300 mg;
yordamchi moddalar qattiq yog‘ – 57,000 mg; dukkakli soya moyi – 36,000 mg; gidrirlangan kanakunjut moyi – 1,600 mg; etanol 96% – 8,100 mg; etilvanilin – 1,500 mg; 4-metoksiatsetofenon – 0,800 mg; α-tokoferol – 0,750 mg.
kapsulaning tarkibi jelatin – 67,945 mg; tozalangan suv – 11,495 mg; titan dioksidi (E171) – 0,830 mg; temir II oksidi (E172) bo‘yovchisi – 2,075 mg; temir IV oksidi bo‘yovchisi (E172) – 0,332 mg; temir III oksidi (E172) bo‘yovchisi – 0,198 mg; natriy laurilsulfati – 0,125 mg.
Ta'rifi sarg‘ish-jigarrang rangli moyli pastasimon massa saqlovchi, jigarrang notiniq, qattiq jelatin kapsulalari №1.

Farmakoterapevtik guruhi
gepatoprotektor vosita.
ATX kodi A05C


Farmakologik xususiyatlari

Essentsial fosfolipidlar hujayra qobig‘i va hujayra organellalarining strukturasini asosiy elementlari bo‘lib hisoblanadi. Jigar kasalliklarida hamisha jigar hujayralari va hujayra organellalarini qobig‘ini shikastlanishi mavjud bo‘lib, ular bilan bog‘liq bo‘lgan fermentlar va retseptorlar tizimini faolligini buzilishiga, jigar hujayralarining funktsional faolligini yomonlashishiga va regeneratsiya qilish xususiyatini pasayishiga olib keladi.
Essentsiale Forte N preparatining tarkibiga kiruvchi fosfolipidlar o‘zining kimyoviy tuzilishi bo‘yicha endogen fosfolipidlarga mos keladi, biroq ulardagi ko‘p to‘yinmagan (essentsial) yog‘ kislotalarining miqdorini yuqoriligi hisobiga faolligi bo‘yicha endogen fosfolipidlardan ustun turadilar. Bu yuqori energetik molekulalarni gepatotsitlarning hujayra membranalarini shikastlangan sohalariga tizilib olishi jigar hujayralarining butunligini tiklaydi, ularning regeneratsiyasiga yordam beradi. Ko‘pto‘yinmagan yog‘ kislotalarining sis-ikkilangan bog‘lari hujayra qobig‘ining fosfolipidlaridagi uglevodorod zanjirlarini parallel joylashishiga to‘sqinlik qiladi, hujayra qobig‘ining fosfolipid tuzilmasi “siyraklashadi”, bu ularning oquvchanligi va elastikligini oshishiga olib keladi, moddalar almashinuvini yaxshilaydi. Hosil bo‘lgan funktsional bloklar membranalarga mahkamlangan fermentlarning faolligini oshiradi va muhim metabolik jarayonlarni normal, fiziologik yo‘l orqali kechishiga yordam beradi.
Essentsiale Forte N preparatining tarkibiga kiruvchi fosfolipidlar neytral yog‘lar va xolesterinni oksidlanish joylariga tashib, lipoproteinlarni metabolizmini boshqaradi, bu asosan yuqori zichlikdagi lipoproteinlarni xolesterin bilan bog‘lanish xususiyatini oshishi hisobiga yuz beradi.
Shunday qilib, lipidlar va oqsillarning metabolizmiga; jigarning dezintoksikatsion funktsiyasiga; hujayrani strukturasini va fosfolipidlarga bog‘liq fermentlar tizimini tiklanishi va saqlanishiga normallashtiruvchi ta'sir ko‘rsatadi; bu oxir-oqibatda jigarda biriktiruvchi to‘qimani shakllanishiga to‘sqinlik qiladi va jigar xujayralarini tabiiy tiklanishiga yordam beradi.
Fosfolipidlarni safroga chiqarilishida litogen indeksini pasayishi va safroni barqarorlashishi yuz beradi.

Farmakokinetikasi

Ichga qabul qilingan fosfolipidlarning 90% dan ko‘pi ingichka ichakda so‘riladi. Ularning katta qismi fosfolipaza A yordamida 1-atsil-lizofosfatidilxolingacha parchalanadi, uning 50% ichakning shilliq qavatida so‘rilish jarayonidayoq darhol ko‘p to‘yinmagan fosfatidilxolinga qayta atsetillanadi. Bu ko‘p to‘yinmagan fosfatidilxolin limfa oqimi bilan qonga tushadi va u yerdan asosan yuqori zichlikdagi ega lipoproteinlar bilan bog‘langan holda jigarga tushadi.
Odamlarda farmakokinetik tadqiqotlar (3N va 14S) radioaktiv nishonli dilinoleil fosfatidilxolin yordamida o‘tkazilgan. Xolin qismi 3N bilan nishonlangan, linolen kislotasining qoldig‘i esa nishon sifatida 14S ega bo‘lgan.
3N ning maksimal kontsentratsiyasiga yuborilgandan so‘ng 6-24 soatdan keyin erishilgan va buyurilgan dozaning 19,9% ni tashkil qilgan. Xolin komponentining yarim chiqarilish davri 66 soatni tashkil qiladi.
14S ning maksimal kontsentratsiyasiga yuborilgandan so‘ng 4-12 soatdan keyin erishilgan va buyurilgan dozaning 27,9% ni tashkil qilgan. Bu komponentining yarim chiqarilish davri 32 soatni tashkil qiladi.
Axlatda 3N ni yuborilgan dozasining 2% va 14S ni yuborilgan dozasining 4,5%, siydikda 3N ning 6% va 14S ning juda kam miqdori aniqlanadi.
Har ikkala izotopning 90% dan ko‘prog‘i ichakda so‘riladi.


Qo‘llanilishi

- Surunkali gepatitlar, jigar sirrozi, turli etiologiyali jigarning yog‘li distrofiyasi, jigarning toksik shikastlanishi, alkogolli gepatit, boshqa somatik kasalliklarda jigar funktsiyasini buzilishi.
- Homiladorlik toksikozi.
- O‘t-safro toshlari hosil bo‘lishini qaytalanishini oldini olish.
- Psoriaz (yordamchi vosita sifatida).
- Radiatsion sindromda qo‘llanadi.


Qo‘llash usuli va dozalari

Ichga. Kapsulalarni butun holda, yetarli miqdordagi suv bilan (taxminan 1 stakan) yutish lozim.
12 yoshdan oshgan va tana vazni 43 kg dan yuqori bo‘lgan o‘smirlar uchun, shuningdek kattalar uchun Essentsiale® Forte N ni 2 kapsuladan kuniga 3 marta, ovqat vaqtida qabul qilish tavsiya etiladi.
Odatda, qo‘llashning davomiyligi cheklanmagan.

Nojo‘ya ta'sirlari
Essentsiale Forte N odatda bemorlar tomonidan yaxshi o‘zlashtiriladi.
Nojo‘ya samaralarining tez-tezligini baholash maqsadida quyidagi tasnifdan foydalaniladi juda tez-tez (1/10 yoki undan ko‘p); tez-tez (1/100 dan ko‘p, 1/10 dan kam); tez-tez emas (1/1000 dan ko‘p, 1/100 dan kam); kam hollarda (1/10000 dan ko‘p, 1/1000 dan kam); juda kam hollarda (1/10000 dan kam, shu jumladan alohida xabarlar).
Me'da-ichak yo‘llari tomonidan ba'zi hollarda Essentsiale Forte N ni qabul qilish me'dada diskomfort, yumshoq axlat yoki diareyani chaqirishi mumkin.
Allergik reaktsiyalar juda kam hollarda teri allergik reaktsiyalari (toshma, ekzantema, eshakemi, qichishish) bo‘lishi mumkin.


Qo‘llash mumkin bo‘lmagan holatlar

Fosfatidilxolin yoki preparatning boshqa yordamchi ingrediyentlariga ma'lum yuqori sezuvchanlik.
12 yoshgacha bo‘lgan bolalar (etarli daliliy asosning yo‘qligi) da qo‘llash mumkin emas.


Maxsus ko‘rsatmalar

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Chiqarilish shakli

Kapsulalar, 300 mg. 10 kapsuladan PVX/alyumin folgali blisterda. 1, 2, 3, 4, 5, 6, 7, 8, 9, 10, 11, 12, 13, 14 yoki 15 blisterdan qo‘llash bo‘yicha yo‘riqnomasi bilan birga karton qutida. 10 kapsuladan PVX/alyumin folga blisterda. 5 blisterdan karton qutida. 3 karton qutidan qo‘llash bo‘yicha yo‘riqnomasi bilan birga karton qutida.
12 kapsuladan PVX/alyumin folgali blisterda. 3, 4, 5, 6, 7, 8, 9, 10 yoki 11 blisterdan qo‘llash bo‘yicha yo‘riqnomasi bilan birga karton qutida.
15 kapsuladan PVX/alyumin folgali blisterda. 2, 3, 4, 5, 6, 7, 8, yoki 10 blisterdan qo‘llash bo‘yicha yo‘riqnomasi bilan birga karton qutida.


Saqlash sharoiti

21°C dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqaruvchi

A. Nattermann end Siye. GmbX, Germaniya
Nattermannalleye 1, D-50829, Keln, Germaniya.

O‘zbekiston Respublikasi hududidagi dori vositasining sifatiga tegishli
shikoyatlar (takliflar)ni qabul qiluvchi tashkilotning nomi va manzili
«Sanofi-Aventis Grup» kompaniyasining O‘zbekiston Respublikasidagi vakolatxonasi, Oybek ko‘chasi, 24, Toshkent sh., 100015, O‘zbekiston
Tel. (998 71) 281 46 28/29
Faks. (998 71) 281 44 81
www.sanofi.uz