Preparatning savdo nomi
Amra Bi Forte
Ta'sir etuvchi moddalar (XPN) perindopril, indapamid

Dori shakli
plyonka qobiq bilan qoplangan tabletkalar

Tarkibi

Bir plyonka qobiq bilan qoplangan tabletka quyidagilarni saqlaydi
faol moddalar perindopril erbumini - 8 mg, indapamid - 2,5 mg;
yordamchi moddalar mikrokristall sellyuloza, jelatinlangan kraxmal, kremniy dioksidi, magniy stearati, qobiq uchun kukun.
Ta'rifi dumaloq, ikki tomonlama qabariq, ok rangli plyonka qobiq bilan qoplangan tabletkalar.

Farmakoterapevtik guruhi
Gipotenziv vosita.
ATX kodi C09BA04


Farmakologik xususiyatlari


Farmakodinamika

Amra Bi Forte – bu AAF ingibitori - perindopril erbumin va sulьfonamid diuretiki - indapamid kombinatsiyasidir. Uning farmakologik ta'siri komponentlardan har birining (perindopril va indapamid) xususiyatlari va uning additiv sinergizmi bilan asoslangan. Preparatning farmakologik xususiyatlari komponentlardan har birining alohida xususiyatlarini qo‘shilishi va ularning kombinatsiyasi har birining antigipertenziv ta'sirini kuchaytiradi.
Amra Bi Forte ham sistolik, ham diastolik arterial bosimga yaqqol dozaga bog‘liq gipotenziv ta'sir ko‘rsatadi. Preparatning ta'siri 24 soat davomida davom etadi. Barqaror terapevtik samara (taxikardiya rivojlanishisiz) davolash boshlanganidan keyin ko‘pi bilan 1 oydan keyin boshlanadi. Davolashni to‘xtatish "bekor qilish" sindromini chaqirmaydi.
Amra Bi Forte chap qorinchaning gipertrofiyasi darajasini kamaytiradi, arteriyalarning elastikligini yaxshilaydi, qon tomirlarning umumiy periferik qarshiligini pasaytiradi, lipidlarning (umumiy xolesterin, YuZLP, PZLP, triglitseridlar) metabolizmiga ta'sir qilmaydi va uglevodlarning metabolizmiga (shu jumladan yondosh qandli diabeti bo‘lgan bemorlarda) ta'sir qilmaydi.
Perindopril – angiotenzin I ni, qon tomirlarni toraytiruvchi ta'sirga ega bo‘lgan angiotenzin II ga aylanishini, hamda tomirlarning kengaytiruvchi ta'sirga ega bradikininning parchalanishini amalga oshiruvchi angiotenzinga aylantiruvchi fermentdir (AAF). Natijada perindopril al'dosteronning sekretsiyasini pasaytiradi, salbiy teskari aloqa tamoyili bo‘yicha qon plazmasida reninning faolligini oshiradi, uzoq vaqt qo‘llanganida QTUPQgini kamaytiradi, bu asosan mushaklar va buyraklardagi tomirlarga ta'siri bilan bog‘liq. Bu samaralari tuzlar va suvni tutilishi yoki reflektor taxikardiyani rivojlanishi bilan kechmaydi.
Tiazid diuretiklarning birga buyurilishi antigipertenziv ta'sirining yaqqolligini kuchaytiradi. Bundan tashqari, AAF ingibitori va tiazid diuretikning majmuasi, shuningdek diuretiklarni qabul qilish fonida gipokaliyemiyaning xavfini pasayishiga olib keladi. Perindopril old yuklama va keyingi yuklamani kamaytirib, yurak ishini normallashtiradi.
Indapamid - farmakologik xususiyatlari bo‘yicha tiazid diuretiklariga yaqin. Indapamid natriy ionlarining reabsorbtsiyasini ingibirlaydi, bu natriy, xlor ionlarini va kamroq darajada kaliy va magniy ionlarini siydik bilan chiqarilishini oshishiga olib keladi va shu yo‘l bilan diurezni kuchaytiradi.

Indapamid qon tomirlarining adrenalinga nisbatan giperreaktivligini pasaytiradi.
Indapamid qon plazmasidagi lipidlarning (triglitseridlar, xolesterin, PZLP va
YuZLP) miqdoriga va uglevodlarning almashinuviga (shu jumladan qandli diabeti ham bo‘lgan bemorlarda) ta'sir qilmaydi, yurakning chap qorinchasining gipertrofiyasini kamayishiga yordam beradi.


Farmakokinetikasi

Perindopril va indapamidning farmakokinetik parametrlari majmuada, ular alohida qo‘llanganidagi bilan solishtirganda o‘zgarmaydi.
Ichga qabul qilinganidan keyin perindopril tez so‘riladi. Biokiraolishligi 65-70% ni tashkil qiladi. So‘rilgan perindoprilning umumiy miqdorining taxminan 20% faol metaboliti - perindoprilatga aylanadi. Qon plazmasida perindoprilatning Cmax ga, perindopril ichga qabul qilinganidan keyin 3-4 soatdan keyin erishiladi. Perindopril organizmdan siydik bilan chiqariladi. T½ 3-5 soatni tashkil qiladi.
Indapamid MIY dan tez va to‘liq so‘riladi. Qon plazmasidagi Cmax ga peroral qabul qilinganidan keyin 1 soat o‘tgach erishiladi. Qon plazmasi oqsillari bilan bog‘lanishi - 79%. T½ 14-24 soat (o‘rtacha 19 soat) ni tashkil qiladi. Asosan siydik bilan (yuborilgan dozaning 70%) va ahlat bilan (22%) faol bo‘lmagan metabolitlar ko‘rinishida chiqariladi.


Qo‘llanilishi

- perindopril bilan monoterapiya kam samarali essentsial arterial gipertenziyasi bo‘lgan patsiyentlarda;
- shuningdek 8 mg peridopril va 2,5 mgindapamidni alohida qabul qilayotgan arterial gipertenziyasi bo‘lgan patsiyentlarga buyuriladi. Bunday holatlarda patsiyentlar ikki ko‘rsatilgan komponentni saqlovchi 1 tabletka Amra Bir Forte preparatini qabul qilishlari mumkin.

Qo‘llash usuli va dozalalari
Kattalarga 1 tabletkadan Amra Bi Forte sutkada 1 marta afzalrog‘i ertalab, och qoringa buyuriladi.
Og‘irlik darajasi yengil buyrak yetishmovchiligi (KK minutiga 60 ml dan ko‘proq) bo‘lgan patsiyentlarga dozaga tuzatish kiritish talab etilmaydi (kreatinin va kaliyning miqdorini doimiy nazorati ostida sutkada 1 marta 1 tabletkadan Amra Bi Forte).
Keksa yoshdagi patsiyentlarda va og‘irlik darajasi yengil buyrak yetishmovchiligi (KK minutiga 60-30 ml) bo‘lgan patsiyentlarda davolashni minimal dozadan boshlash kerak (sutkada 1 marta 1 tabletka Amra yoki Amra Forte - sutkada 1 marta 1/2 tabletka), afzalrog‘i ertalab.

Nojo‘ya ta'sirlari
Suv-elektrolit balansi tomonidan gipokaliyemiya bo‘lishi mumkin, natriy darajasini kamayishi;
Yurak-qon tomir tizimi tomonidan AB ni haddan tashqari pasayishi, ortostatik gipotenziya;
Siydik chiqarish tizimi tomonidan kam hollarda - buyraklar funktsiyasini pasayishi, proteinuriya, siydikda va qon plazmasida kreatinin kontsentratsiyasini ahamiyatsiz oshishi;
Modda almashinuvi tomonidan qon plazmasida mochevina va glyukoza miqdori oshishi mumkin;
MNT tomonidan bosh og‘rig‘i, yuqori charchoqlik, asteniya, bosh aylanishi, kayfiyatning beqarorligi, ko‘rishni buzilishi, quloqlarda shovqin, uyquni buzilishi, tirishishlar, paresteziyalar, anoreksiya, ta'm sezishni buzilishi; alohida hollarda – ongni chalkashishi;
Nafas tizimi tomonidan quruq yo‘tal; kam hollarda - nafasni qiyinlashishi, bronxospazm;
Ovqat hazm qilish tizimi tomonidan qorinda og‘riq, ko‘ngil aynashi, qusish, qabziyat, diareya; kam hollarda - og‘izni qurishi; alohida hollarda - jigar transaminazalari faolligini oshishi, giperbilirubinemiya;
Qon yaratish tizimi tomonidan anemiya, kam hollarda - gipogemoglobinemiya, trombotsitopeniya, gematokritni pasayishi, alohida hollarda - agranulotsitoz, pantsitopeniya;
Allergik reaktsiyalar teri toshmasi; kam hollarda - eshakemi, angionevrotik shish; alohida hollarda - ko‘pshaklli eritema.


Qo‘llash mumkin bo‘lmagan holatlar

– anamnezdagi angionevrotik shish (shu jumladan AAF ingibitorlarini qabul qilish fonidagi);
– gipokaliyemiya; yaqqol buyrak yetishmovchiligi (KK minutiga 30 ml dan kam);
– yaqqol jigar yetishmovchiligi (shu jumladan entsefalopatiya bilan);
– QT intervalni uzaytiruvchi preparatlar bilan bir vaktda qabul qilish;
– homiladorlik;
– laktatsiya (emizish);
– perindoprilga va boshqa AAF ingibitorlariga yuqori sezuvchanlik;
– indapamidga va sulьfonamidlarga yuqori sezuvchanlikda qo‘llash mumkin emas.

Dorilarning o‘zaro ta'siri
Amra Bi Forteni litiy bilan, kaliy tejovchi diuretiklar, kaliy preparatlari, anestetik prperatlar, allopurinol, sitostatik yoki immunodepressiv vositalar, tizimli kortikosteroidlar bilan birga qo‘llash mumkin emas.
Eritromitsin (vena ichiga yuborish uchun), pentamidin, sul'toprid, vinkamin, bepridil va indapamid bir vaqtda qo‘llanganida piruet) turidagi aritmiyalar rivojlanishi mumkin.
AAF ingibitorlari qo‘llanganida insulin va sul'qfonilmochevina hosilalarining gipoglikemik ta'siri kuchayishi mumkin.
NYaQV AAF ingibitorlarining gipotenziv ta'sirini susaytiradi. NYaQV va AAF ingibitorlarining giperkaliyemiyaga nisbatan additiv ta'sirga egaligi aniqlangan, bunda shuningdek buyraklar funktsiyasini susaytirishi mumkin.
Amra Bi Forte va tritsiklik antidepressantlar, neyroleptiklar bir vaqtda qo‘llanganida gipotenziv ta'sirini kuchayishi va ortostatik gipotenziyani rivojlanish xavfi (additiv samara) oshishi mumkin.
Indapamid IA (xinidin, gidroxinidin, dizopiramid) va III sinf (amiodaron, bretiliy, sotalol) antiaritmik preparatlar bilan bir vaqtda qo‘llanganida piruet turidagi aritmiyalar rivojlanishi mumkin.
Surgi vositalarini buyurish zarurati tug‘ilganida, ichak motorikasiga rag‘batlantiruvchi ta'sirsiz preparatlarni ishlatish kerak.
Amra Bi Forte yurak glikozidlari bilan bir vaktda qo‘llanganida kaliy darajasini va EKG ni nazorat qilish va zarurati bo‘lganida, o‘tkazilayotgan davolashga tuzatish kiritish kerak.


Dozani oshirib yuborilishi

Simptomlari AB ni pasayishi, ko‘ngil aynishi, bosh aylanishi, anuriyaga o‘tishi (gipovolemiya natijasida) mumkin bo‘lgan poluriya yoki oliguriya, bradikardiya, elektrolit buzilishlari.
Davolash me'dani yuvish, adsorbentlarni buyurish, suv-elektrolit balansini to‘g‘rilash.
Perindoprilat organizmdan dializ yordamida chiqarilishi mumkin.


Chiqarilish shakli

8 mg/2,5 mg dan plyonka qobiq bilan qoplangan tabletkalar, o‘ramda 30 tabletka.


Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin


Yaroqlilik muddati

2 yil.
Preparatni yaroqlilik muddati o‘tganidan keyin ishlatish mumkin emas.


Dorixonalardan berish tartibi

Retsept bo‘yicha.


Ishlab chiqaruvchi

GM Pharmaceuticals LTD
Gruziya, Tbilisi, Rustavskoye shossesi 52
Tel. +995 32 2404801/02; Faks +995 32 2404803