Ushbu dori preparatini qabul qilishni boshlashdan oldin bu yo‘riqnomani diqqat bilan va to‘liq o‘qib chiqing, chunki u Siz uchun muhim ma'lumot saqlaydi.
-Bu varaqani saqlab qo‘ying. Ehtimol, Sizga uni yana o‘qib chiqish kerak bo‘lishi mumkin.
-Agar Sizda qo‘shimcha savollar paydo bo‘lsa, shifokorga yoki farmatsevtga murojaat qiling
-Bu dori vositasi shaxsan Sizga buyurilgan va Siz uni boshqa shaxslarga bermasligingiz kerak. Hatto agar ularda kasallikni shu simptomlari bo‘lsa ham, u ularga zarar yetkazishi mumkin.
-Agar Sizda biron-bir nojo‘ya samara paydo bo‘lsa yoki Siz ushbu yo‘riqnomada ko‘rsatilmagan nojo‘ya samaralarni sezsangiz, bu xaqida shifokoringizga yoki farmatsevtga xabar bering (4-bo‘limga qarang).

Ushbu ilova-varaqa quyidagi ma'lumotlarni saqlaydi
1.Kardilopin tabletkalari preparati nima va u nima uchun qo‘llanadi
2.Kardilopin tabletkalari preparatini qo‘llashni boshlashdan oldin nimalarni bilish kerak
3.Kardilopin tabletkalari preparatini qanday qo‘llash kerak
4.Bo‘lishi mumkin bo‘lgan nojo‘ya samaralari
5.Kardilopin tabletkalari preparatini qanday saqlash kerak
6.
Yaroqlilik muddati

7.
Dorixonalardan berish tartibi

8.O‘ram ichidagisi va boshqa ma'lumot

1.Kardilopin tabletkalari preparati nima va u nima uchun qo‘llanadi
Kardilopin preparatining ta'sir etuvchi moddasi – amlodipin – kaltsiy kanallarining blokatori hisoblanadi.
Kardilopin quyidagi holatlarni davolash uchun qo‘llanadi
• Yuqori arterial bosimi (arterial gipertenziya)
• Ko‘krakdagi og‘riqning – stenokardiyaning ma'lum shakli, shuningdek uning kam uchraydigan shakli – variant stenokardiyasi (Printsmetal stenokardiyasi)
Agar Sizda arterial bosimi yuqori bo‘lsa, bu preparat qon tomirlardan qonni o‘tishini yengillagtirib, qon tomirlarni kengaytiradi. Stenokardiyasi bo‘lgan patsiyentlarda Kardilopin® yurak mushagini qon bilan ta'minlanishini yaxshilaydi, buning natijasida to‘sh ortidagi og‘riq rivojlanishini oldini olib, u kislorodni ko‘proq oladi. Sizning dori vositangiz stenokardiya chaqirgan to‘sh ortidagi og‘riqni darhol yengillashishini chaqirmaydi.

2.Kardilopin tabletkalari preparatini qo‘llashni boshlashdan oldin nimalarni bilish kerak
Kardilopin tabletkalarini quyidagi hollarda qabul qilmang
-agar Sizda amlodipinga, kaltsiy kanallarining boshqa antagonistlariga va/yoki 8 bo‘limda keltirilgan har qanday boshqa yordamchi moddalariga allergiya bo‘lsa. Bunda qichishish, terini qizarishi yoki nafas olishni qiyinlashishi rivojlanishi mumkin
-agar Sizda arterial bosim haddan tashqari pasaygan bo‘lsa (gipotenziya)
-agar Sizda yurak aortal klapanining klinik ahamiyatli torayishi (aorta stenozi) yoki kardiogen shok (yurak to‘qimalarni yetarli miqdorda qon bilan ta'minlay olmaydigan holat) bo‘lsa
-agar Sizda miokard infarktidan keyin yurak yetishmovchiligi rivojlangan bo‘lsa.

Tibbiy qo‘llashdagi ehtiyotkorlik choralari
Kardilopin preparatini qo‘llashni boshlashdan oldin davolovchi shifokoringiz yoki farmatsevt bilan maslahatlashing.
Agar Sizda quyidagi holatlar bo‘lsa yoki bo‘lgan bo‘lsa, davolovchi shifokoringizga xabar bering
• Yaqinda o‘tkazilgan miokard infakti
• Yurak yetishmovchiligi
• Arterial bosimni haddan tashqari oshishi (gipertonik xuruj)
• Jigar kasalliklari
• Agar Siz keksa yoshda bo‘lsangiz va Sizga dozani oshirish zarur bo‘lsa.

Bolalar va 18 yoshgacha bo‘lgan o‘smirlar
6 yoshdan kichik bolalarda bu dori vositasini qo‘llash mumkin emas. Gipertoniyani davolash uchun Kardilopin® tabletkalarini 6 yoshdan 17 yoshgacha bo‘lgan bolalar va o‘smirlarga buyurish mumkin.
Agar Sizda savollar paydo bo‘lsa, davolovchi shifokoringiz yoki farmatsevtga murojaat eting.

Boshqa dori vositalari va Kardilopin tabletkalari preparati
Shifokoringizga yoki farmatsevtga Siz qabul qilayotgan, yaqinda qabul qilgan yoki qabul qilishni rejalashtirgan har qanday dori vositalari haqida xabar bering.
Kardilopin boshqa dori vositalarining samarasiga ta'sir ko‘rsatishi mumkin, boshqa preparatlar esa Kardilopin tabletkalarining samarasiga ta'sir ko‘rsatishi mumkin. Ularga quyidagi dori vositalari kiradi
-ketokonazol, itrakonazol (zamburug‘larga qarshi preparatlar)
-ritonavir, indinavir, nelfinavir (OITV ni davolash uchun qo‘llanadigan proteaza ingibitorlari deb nomlanuvchi)
-rifampitsin, eritromitsin, klaritromitsin (antibiotiklar)
-verapamil, diltiazem (yurak kasalliklarini davolash uchun preparatlar)
-dantrolen (tana haroratini og‘ir o‘zgarishlarini davolash uchun infuziyalar).
Agar Siz yuqori arterial bosimni davolash uchun boshqa preparatlarni bir vaqtda qabul qilayotgan bo‘lsangiz, Kardilopin arterial bosimni yaqqolroq pasayishini chaqirishi mumkin.

Kardilopin preparatini ovqat va ichimliklar bilan qabul qilish
Kardilopin qabul qilayotgan patsiyentlar greypfrut iste'mol qilmaslikari yoki greypfrut sharbatini ichmasliklari kerak. Bu greypfrut va uning sharbati qon plazmasida faol moddaning (amlodipinning) darajasini oshirishi mumkinligi bilan bog‘liq, bu Kardilopin® tabletkalarining arterial bosimni pasaytirish samarasini boshqarib bo‘lmaydigan kuchayishiga olib kelishi mumkin.

Fertillik, homiladorlik va emizish davri
Agar Siz homilador bo‘lsangiz, emizsangiz, homiladorman deb taxmin qilsangiz yoki homilador bo‘lishni rejalashtirsangiz, bu preparatni qo‘llashni boshlashdan oldin bu xaqida davolovchi shifokoringizga yoki farmatsevtga xabar bering.
Homiladorlik
Homiladorlikda amlodipinni qo‘llashning xavfsizligi tekshirilmagan.
Emizish davri
Amlodipin ko‘krak suti bilan ajralishi noma'lum.
Agar Siz homilador bo‘lsangiz yoki emizsangiz, har qanday dori vositasini qabul qilishdan oldin davolovchi shifokoringiz bilan maslahatlashing.

Transport vositalarini boshqarish va mexanizmlar bilan ishlash qobiliyatiga ta'siri
Kardilopin Sizning transport vositalari boshqarish va mexanizmlar bilan ishlash qobiliyatingizga ta'sir ko‘rsatishi mumkin. Agar tabletkalarni qabul qilish vaqtida Siz ko‘ngil aynishi, bosh aylanishi, toliqish yoki bosh og‘rig‘ini sezsangiz, transport vositalarini boshqarish va mexanizmlar bilan ishlashdan saqlaning va bu haqida darhol davolovchi shifokoringizga xabar bering.



3.Kardilopin tabletkalari preparatini qanday qabul qilish kerak
Ushbu preparatni qat'iy shifokorning buyurishi bo‘yicha qabul qilish kerak.Agar Sizda savollar paydo bo‘lsa, davolovchi shifokoringiz yoki farmatsevtga murojaat eting.

Dozalash tartibi

Tavsiya etilgan boshlang‘ich dozasi kuniga bir marta 5 mg ni tashkil qiladi. Bemorning reaktsiyasini hisobga olib boshlang‘ich doza kuniga bir marta 10 mg gacha oshirilishi mumkin.
Keksa yoshdagi bemorlarda, shuningdek buyrak faoliyatini buzilishi bo‘lganda preparat odatdagi dozalarda buyuriladi.

Bolalar va 18 yoshgacha bo‘lgan o‘smirlar
6 yoshdan 17 yoshgacha bo‘lgan bolalar va o‘smirlar uchun tavsiya etiladigan boshlang‘ich dozasi sutkada 2,5 mg ni tashkil qiladi. Maksimal tavsiya etiladigan dozasi – sutkada 5 mg. Tabletkalarni qabul qilishni to‘xtatmaslik juda muhim. Tabletkalaringiz tugashini kutmasdan, davolovchi shifokoringizga murojaat eting.
Qo‘llash usuli
Ichga qabul qilish uchun tabletkalar.
Kardilopin tabletkalarini kunning bir vaqtda qabul qilish tavsiya etiladi.
Bu dori vositasini ovqatdan oldin yoki keyin, suv bilan birga qabul qilishingiz mumkin. Kardilopin ni greypfrut sharbati bilan qabul qilmang.

Agar Siz buyurilganidan ko‘proq Kardilopin tabletkalarini qabul qilgan bo‘lsangiz
Keragidan ortiq miqdorda tabletkalarni qabul qilish Sizning qon bosimingizni ahamiyatli yoki hatto xavfli pasayishiga olib kelishi mumkin. Sizda bosh aylanishi, hushdan ketish yoki toliqish hissi rivojlanishi mumkin. Sizning teringiz sovuq va yopishqoq bo‘lishi mumkin va Siz hushdan ketishingiz mumkin. Agar Siz haddan tashqari ko‘p Kardilopin® tabletkalarini qabul qilgan bo‘lsangiz, darhol tibbiy yordamga murojaat eting.

Agar Siz Kardilopin tabletkalarini qabul qilishni unutgan bo‘lsangiz
Xavotir olmang – agar Siz tabletkani qabul qilishni unutgan bo‘lsangiz, bu dozani o‘tkazib yuboring. Keyingi dozani kerakli vaqtda qabul qiling. Agar keyingi dozani qabul qilish vaqti kelgan bo‘lsa, o‘tkazib yuborilgan dozani o‘rnini to‘ldirish uchun dozani ikki marta qabul qilmang, chunki shu tariqa Siz kompensatsiyagan erishmaysiz, lekin dozani oshirib yuborilishi xavfini oshirishingiz mumkin.

Agar Siz Kardilopin tabletkalarini qabul qilishni to‘xtatgan bo‘lsangiz
Davolovchi shifokoringiz Siz bu preparatni qancha qabul qilishingizni maslahat beradi. Davolovchi shifokoringiz bilan maslahatlashmasdan dori preparatini qabul qilishni to‘xtatmang, chunki bu Sizning holatingizni yomonlashishiga olib kelishi mumkin.
Agar Sizda ushbu preparatni qo‘llash bo‘yicha qo‘shimcha savollar paydo bo‘lsa, davolovchi shifokoringiz yoki farmatsevtga murojaat eting.

4.Bo‘lishi mumkin bo‘lgan nojo‘ya samaralari
Barcha dori vositalari kabi, ushbu preparat ham noxush reaktsiyalar chaqirishi mumkin, lekin ular hammada ham paydo bo‘lavermaydi.
Agar Sizda quyida keltirilgan, juda kam hollarda uchraydigan nojo‘ya samaralardan birontasi rivojlansa, darhol davolovchi shifokoringizga murojaat eting
• To‘satdan hushtaksimon nafas, ko‘krakda og‘riq, hansirash yoki nafas olishni qiyinlashishi
• Qovoqlar, yuz yoki lablarni shishi
• Nafas olishni ahamiyatli darajada qiyinlashtiruvchi til yoki tomoqni shishi
• Miokard infarkti, yurak urishini normal bo‘lmasligi
• Me'da osti bezini yallig‘lanishi o‘zini juda yomon his bilan kechuvchi qorinda yoki belda kuchli og‘riq chaqirishi mumkin.
Quyidagi tez-tez uchraydigan nojo‘ya samaralar haqida xabar berilgan. Agar Sizda bu reaktsiyalardan birontasi rivojlansa yoki agar bir xaftadan ortiq davom etsa, davolovchi shifokoringizga murojaat eting.
Tez-tez (10 patsiyentlardan 1 tadan ko‘prog‘ida uchraydi)
• bosh og‘rig‘i, bosh aylanishi, uyquchanlik (ayniqsa davolashni boshida)
• kuchli yurak urishini his qilish, quyilishlar
• qorinda og‘riq, ko‘ngil aynishi
• to‘piqlarni shishi, toliqish
Boshqa nojo‘ya samaralar quyida keltirilgan
Tez-tez emas (100 patsiyentlardan 1 tadan kamrog‘ida uchraydi)
• Kayfiyatni o‘zgarishi, havotirlik, depressiya, uyquchanlik
• Qaltirash, ta'm bilishni o‘zgarishlari, hushdan ketish, holsizlik
• Qo‘l-oyoqda uvishish yoki sanchish hissi, og‘riq hissini yo‘qolishi
• Ko‘rishni buzilishlari, ko‘zlarda ikkilanish, quloqlarda shang‘illash
• Arterial bosimni pasayishi
• Burun shilliq qavatini yallig‘lanishi (rinit) chaqirgan aksirish, burundan ajralmalar ajralishi
• Ichak faoliyatini o‘zgarishi (diareya, qabziyat, ovqat hazm qilolmaslik, og‘izni qurishi, qusish)
• Sochlarni to‘kilishi, ko‘p terlash, teri qichishishi, terida qizil dog‘lar, teri rangini o‘zgarishi
• Siydik chiqarishni buzilishi, tunda ko‘p siyish zarurati, siyishga ko‘p qistovlar
• Erektsiyaga erisholmaslik, erkaklarda sut bezlarida diskomfort yoki kattalashishi
• Holsizlik, og‘riq, o‘zini yomon his qilish
• Tana vaznini oshishi yoki kamayishi.
Kam hollarda (1000 patsiyentdan 1 tadan kamrog‘ida uchraydi)
• ongni chalkashishi.
Juda kam hollarda (10000 patsiyentdan 1 tadan kamrog‘ida uchraydi)
• oq qon tanachalari miqdorini kamayishi, qon plastinkalari miqdrini kamayishi, ular odatdagi bo‘lmagan teri osti qon quyilashlari yoki qon ketishlarga olib kelishi mumkin (qizil qon tanachalarini shikastlanishi)
• qonda qand darajasini oshishi (giperglikemiya)
• nerv tizimidagi o‘zgarishlar, ular holsizlik, sanchish va uvishish hissini chaqirishi mumkin
• yo‘tal, milklarni shishi
• ichakda gazlarni to‘planishi (gastrit)
• jigar faoliyatini o‘zgarishi, jigarni yallig‘lanishi (gepatit), terini sarg‘ayishi (sariqlik), jigar fermentlari darajasini oshishi, bu ayrim tibbiy testlarga ta'sir ko‘rsatishi mumkin
• mushaklar tonusini oshishi
• ko‘pincha teri toshmasi bilan kechuvchi qon tomirlarni yallig‘lanishi
• yorug‘likka sezuvchanlik
• rigidlik, qaltirash (tremor) va/yoki harakat buzilishlarini o‘z ichiga oluvchi buzilishlar.

Nojo‘ya samaralar haqida xabar berish
Har qanday nojo‘ya samaralar, shu jumladan ushbu yo‘riqnomada ko‘rsatilmagan nojo‘ya samaralar aniqlanganida, iltimos shifokor yoki farmatsevtga murojaat qiling.
Siz dori vositalarining nojo‘ya samaralarini qayd etishning milliy tizimi orqali har qanday nojo‘ya samara haqida xabar berishingiz mumkin. Sizning xabarlaringiz tufayli, bu dori vositasining xavfsizligi xaqida qo‘shimcha ma'lumot olishga yordam berasiz.

5. Kardilopin tabletkalari preparatini qanday saqlash kerak
25°C dan yuqori bo‘lmagan xaroratda, yorug‘likdan himoyalangan joyda saqlansin.
Bolalar ololmaydigan joyda saqlansin.
Sifatining yomonlashganini belgilari (masalan, rangini o‘zgarishi) paydo bo‘lganida Kardilopin® tabletkalarini qo‘llash mumkin emas.

6.
Yaroqlilik muddati


Yaroqlilik muddati
o‘ramida ko‘rsatilgan.
O‘ramida ko‘rsatilgan yaroqlilik muddati (yil/oy) o‘tganidan keyin preparat ishlatilmasin.

Yaroqlilik muddati
ning o‘tish sanasi ko‘rsatilgan oyning oxirgi kuni hisoblanadi.
Dori vositalarini maishiy chiqindilar yoki oqava suvlarga tashlash mumkin emas. Agar kerak bo‘lmagan preparatni chiqindilarga tashlash kerak bo‘lsa, farmatsevt bilan maslahatlashing. Bu choralar atrof-muhitni ifloslanishini oldin olishga yordam beradi.

7.
Dorixonalardan berish tartibi

Retsept bo‘yicha beriladi.

8. O‘ram ichidagisi va boshqa ma'lumot
Kardilopin tabletkalari nima saqlaydi
Ta'sir etuvchi modda
Kardilopin tabletkalari 2,5 mg
Har bir tabletkada 3,475 mg amlodipin besilati shaklida 2,5 mg amlodipin
Kardilopin tabletkalari 5 mg
Har bir tabletkada 6,95 mg amlodipin besilati shaklida 5 mg amlodipin
Kardilopin tabletkalari 10 mg
Har bir tabletkada 13,90 mg amlodipin besilati shaklida 10 mg amlodipin.
Yordamchi moddalar
mikrokristall sellyuloza, natriy kraxmal glikolyati, magniy stearati, suvsiz kolloid kremniy.

Kardilopin tabletkalari preparatining tashqi ko‘rinishi va o‘ram ichidagisi
Tashqi ko‘rinishi
Kardilopin tabletkalari 2,5 mg
Oq, deyarli oq yoki sarg‘ish-oq rangli, dumaloq yassi shaklli, faskali, bir tomonidan Ye xarfi va boshqa tomonidan “251” soni ko‘rinishidagi gravirovkasi bo‘lgan, hidsiz yoki deyarli hidsiz tabletkalar.
Kardilopin tabletkalari 5 mg
Oq, deyarli oq yoki sarg‘ish-oq rangli, dumaloq yassi shaklli, faskali, bir tomonidan Ye xarfi va boshqa tomonidan “252” soni ko‘rinishidagi gravirovkasi bo‘lgan, hidsiz yoki deyarli hidsiz tabletkalar
Kardilopin tabletkalari 10 mg
Oq, deyarli oq yoki sarg‘ish-oq rangli, dumaloq yassi shaklli, faskali, bir tomonidan Ye xarfi va boshqa tomonidan “253” soni ko‘rinishidagi gravirovkasi bo‘lgan, hidsiz yoki deyarli hidsiz tabletkalar.

O‘rami
10 tabletkadan blisterda, 3 blister tibbiyotda qo‘llash bo‘yicha yo‘riqnomasi bilan karton qutiga joylangan.

MARKETINGGA LITSENZIYa EGASI VA IShLAB ChIQARUVChI
“Farmatsevticheskiy zavod EGIS” YoAJ
1106 Budapesht, Keresturi ko‘ch., 30-38
VENGRIYa

Ishlab chiqarish maydonchasi
“Farmatsevticheskiy zavod EGIS” YOAJ
1165 Budapesht, Byokenfyoldi ko‘ch., 118-120
VENGRIYA