Preparatning savdo nomi
Lornado, Lornado
T'sir etuvchi modda (XPN) Lornoksikam, Lornoxicam

Dori shakli
Plenka qobiq bilan qoplangan tabletkalar.

Tarkibi

Plenka qobiq bilan qoplangan tabletka quyidagilarni saqlaydi
faol modda 4 mg yoki 8 mg lornoksikam;
yordamchi moddalar laktoza monogidrat, natriy kroskarmelloza, mikrokristallik sellyuloza, povidon K25, magniy stearat;
qobiq tarkibi oq Opadri 03F180011 (gipromelloza, titan dioksidi, makrogol).
Ta'rifi
Lornado 4 mg bir tomonida «L04» gravirovkasi bo‘lgan plenka qobiq bilan qoplangan cho‘zinchoq shaklli oq rangli tabletkalar.
Lornado 8 mg bir tomonida «L04» gravirovkasi bo‘lgan plenka qobiq bilan qoplangan cho‘zinchoq shaklli oq rangli tabletkalar.

Farmakoterapevtik guruhi
Nosteroid yallig‘lanishga qarshi va revmatizmga qarshi vositalar. Oksikamlar.
ATX kodi M01AC05


Farmakologik xususiyatlari


Farmakodinamika

Ta'sir mexanizmi
Lornoksikam og‘riq qoldiruvchi xususiyatlari bo‘lgan nosteroid yallig‘lanishga qarshi vosita hisoblanadi, oksikamlar sinfiga mansub.
Lornoksikamning ta'sir qilish mexanizmi asosan prostaglandinlar sintezining pasayishi bilan bog‘liq (tsiklooksigenazani (TSOG) ingibitsiya qilinishi hisobiga), bu yallig‘lanish jarayonining ingibitsiya qilinishiga va periferik notsitseptorlarning desensibilizatsiyasiga olib keladi. Shuningdek dori vositasining yallig‘lanishga qarshi ta'siri bilan bog‘liq bo‘lmagan markaziy notsitseptiv ta'siri taxin qilinadi.
Farmakodinamik samaralari
Lornoksikam hayotiy muhim ko‘rsatkichlarga (masalan, tana harorati, nafas olish tez-tezligi, yurak qisqarishlari soni, arterial qon bosimi, elektrokardiografiya (EKG) va spirometriya ma'lumotlari) ta'sir qilmaydi.
Klinik samaradorligi va xavfsizligi
Lornoksikamning analgetik ta'siri preparatni ishlab chiqish jarayonida bir nechta klinik tadqiqotlarda namoyish qilingan.
Lornoksikamni, shuningdek, boshqa nosteroid yallig‘lanishga qarshi vositalarni (NYaQV) qo‘llashda yuzaga keladigan me'da-ichak yo‘llari (MIY) tomonidan bo‘lgan buzilishlar tez-tez uchraydigan nojo‘ya reaktsiyalar hioblanadi, bu uning mahalliy- qitiqlovchi va tizimli ultserogen ta'sirlari bilan bog‘liq bo‘lib, u prostaglandinlar sintezini ingibitsiya qilinishi bilan bog‘liq.

Farmakokinetikasi

So‘rilishi
Lornoksikam me'da-ichak yo‘llaridan tez va deyarli to‘liq so‘riladi. Preparatni qabul qilinganidan keyin 1-2 soat o‘tgach qon plazmasida maksimal kontsentratsiyaga C(max) erishiladi. Lornoksikamning mutlaq biokiraolishligi 90-100% ni tashkil qiladi. Dori vositasi tizim oldi eliminatsiyasiga uchramaydi (birinchi o‘tish samarasi).
Ovqat bilan bir vaqtda qabul qilinganda, lornoksikam uchun C(max) qiymati taxminan 30% ga kamayadi va qondagi dori vositasining maksimal kontsentratsiyasiga erishgungacha bo‘lgan vaqt ko‘rsatkichi (Tmax) 1,5 soatdan 2,3 soatgacha oshadi; lornoksikamning so‘rilishi (“kontsentratsiya-vaqt” egri chizig‘i osti maydoni (AUC)) qiymati bo‘yicha baholangan) 20% ga kamayishi mumkin.
Taqsimlanishi
Lornoksikamning qon plazmasi oqsillari bilan bog‘lanish darajasi 99% tashkil qiladi va dori vositasining kontsentratsiyasiga bog‘liq emas. Lornoksikam qon plazmasida o‘zgarmagan ko‘rinishda va gidroksillangan metabolit shaklida aniqlanadi. Dori vositasi ko‘p marta qo‘llanganda sinovial suyuqlikda aniqlanishi mumkin.
Biotransformatsiyasi
Lornoksikam ahamiyatli darajada jigarda biotransformatsiyaga uchraydi; dori vositasiga gidroksil guruhi qo‘shilganda, asosan nofaol metabolit 5-gidroksilornoksikam hosil bo‘ladi. Lornoksikamni metabolizmida CYP2C9 ishtirok etadi, bu izofermentning genetik polimorfizmi sababli patsiyentlar yoki tez yoki sekin metabolizatorlarga taaluqli bo‘lishi mumkin; sekin metabolizatorlarda dori vositasining qon plazmasidagi kontsentratsiyasi sezilarli darajada oshishi mumkin.
Lornoksikam farmakologik faolllikka ega bo‘lmagan gidroksil guruhi qo‘shilgan metabolitni hosil qilib to‘liq metabolizmga uchraydi; dori vositasining taxminan 2/3 qismi jigar va 1/3 qismi buyraklar orqali nofaol metabolit ko‘rinishida chiqariladi. Hayvonlardagi tadqiqotlarda, lornoksikamni jigar fermentlarini induktsiya qilmaganligi aniqlandi. Klinik tadqiqot natijalari dori vositasini tavsiya etilgan dozalarda ko‘p marta qo‘llanganda to‘planmasligini ko‘rsatadi, bu yillik tadqiqotlarda lornoksikamni qo‘llanishini monitoringi natijasida olingan ma'lumotlar bilan tasdiqlanadi.
Lornoksikamning yarim chiqarilish davri o‘rtacha 3-4 soatni tashkil qiladi. Peroral qabul qilngandan keyin dori vositasining yuborilgan dozasining taxminan 50% me'da - ichak yo‘llari orqali, 42%-buyraklar orqali, asosan 5-gidroksilornoksikam shaklida chiqariladi. Sutkada 1 yoki 2 marta parenteral yuborilgandan keyin 5-gidroksilornoksikamning yarim chiqarilish davri taxminan 9 soatni tashkil qiladi. Dori vositasining chiqarilish tezligini uni takroriy qo‘llanganda o‘zgarishi to‘g‘risida hech qanday ma'lumotlar yo‘q.
Keksa yoshli patsiyentlarda (65 yoshdan katta) lornoksikamni klirensi 30-40% ga kamayadi, dori vositasining qolgan farmakokinetik ko‘rsatkichlari sezilarli darajada o‘zgarmaydi.
Jigar yoki buyrak funktsiyasini buzilishi bo‘lgan patsiyentlarda lornoksikamning farmakokinetik profilida sezilarli o‘zgarishlar aniqlanmagan. Surunkali jigar kasalliklari bo‘lgan patsiyentlarda lornoksikamni sutkada 12 mg va 16 mg dozalarda 7 kun davomida qo‘llanganda dori vositasini organizmda to‘planishi aniqlandi.


Qo‘llanilishi

- yengil va o‘rtacha og‘irlik darajasidagi o‘tkir og‘riq sindromini simptomatik qisqa muddatli davolash;
- osteoartritda og‘riq sindromini va yallig‘lanishni simptomatik davolash;
- revmatoid artritda og‘riq sindromini va yallig‘lanishni simptomatik davolash.
Preparat faqat kattalarda qo‘llash uchun mo‘ljallangan.





Qo‘llash usuli va dozalari

Dozalari
Lornoksikamning dozasi va davolanish davomiyligi kasallikning tabiati va og‘irligiga qarab individual aniqlanadi.
Lornoksikamni simptomlarni nazorat qilish uchun zarur bo‘lgan eng qisqa vaqt davri davomida minimal samarali dozada qo‘llanganda noxush reaktsiyalarni paydo bo‘lish xavfini minimal darajaga tushirish mumkin.
Og‘riq sindromi
Tavsiya etilgan doza, 2-3 qabulga bo‘lingan sutkada 8-16 mg lornoksikamni tashkil qiladi. Lornoksikamning tavsiya etilgan maksimal sutkalik dozasi 16 mgni tashkil qiladi.
Osteoartrit va revmatoid artrit
Lornoksikamni tavsiya etiladigan boshlang‘ich dozasi 2-3 qabulga bo‘lingan sutkada 
12 mgni tashkil qiladi. Lornoksikamni bir maromda ushlab turadigan dozasi sutkada 
16 mgdan oshmasligi kerak.

Alohida guruh patsiyentlari
Bolalar va o‘smirlar
Bolalar va 18 yoshgacha bo‘lgan o‘smirlarda Lornadonni qo‘llash tavsiya etilmaydi, ushbu toifadagi patsiyentlarda lornoksikamning xavfsizligi va samaradorligi to‘g‘risida ma'lumotlar yo‘q.
Keksa yoshli patsiyentlar
65 yoshdan katta patsiyentlarda buyrak yoki jigar funktsiyasini buzilishi bo‘lmaganda lornoksikam dozasiga tuzatish kiritish talab qilinmaydi. Shunga qaramay, Lornadonni patsiyentlarning ushbu yosh guruhida ehtiyotkorlik bilan qo‘llash kerak, chunki ular me'da-ichak yo‘llari tomonidan bo‘lgan noxush reaktsiyalarni yomon o‘zlashtiradilar.
Buyrak funktsiyasini buzilishi bo‘lgan patsiyentlar
Lornoksikamni buyrak funktsiyasining kichik yoki o‘rtacha buzilishlari bo‘lgan patsiyentlarda tavsiya etiladigan maksimal dozasi 2-3 qabulga bo‘lingan sutkada 12 mgni tashkil qiladi. Og‘ir buyrak yetishmovchiligi bo‘lgan patsiyentlarda Lornadonni qo‘llash mumkin emas.
Jigar funktsiyasini buzilishlari bo‘lgan patsiyentlar
Lornoksikamni o‘rtacha jigar yetishmovchiligi bo‘lgan patsiyentlarda tavsiya etiladigan maksimal dozasi 2-3 qabulga bo‘lingan sutkada 12 mgni tashkil qiladi. Og‘ir jigar yetishmovchiligi bo‘lgan patsiyentlarda Lornadoni qo‘llash mumkin emas.
Qo‘llash usuli
Tabletkalarni yetarli miqdordagi suyuqlik bilan ichgan holda, ichga qo‘llaniladi.

Nojo‘ya ta'sirlari
NYaQV qo‘llangandagi me'da-ichak yo‘llari tomonidan aniqlangan buzilishlar, eng ko‘p noxush reaktsiyalar hisoblanadi, shu jumladan ayniqsa keksa yoshli patsiyentlarda ba'zida o‘lim bilan yakunlanadigan me'da-ichak qon ketishlari, peptik yaralar, perforatsiyalar rivojlanishi mumkin. NYaQV bilan davolanganda quyidagi nojo‘ya reaktsiyalar ko‘ngil aynishi, qusish, diareya, meteorizm, qabziyat, dispepsiya, qorinda og‘riq, melena, qon aralash qusish, yarali stomatit, kolitni zo‘rayishi va Kron kasalligi qayd etildi; kam hollarda gastrit rivojlangan.
Lornoksikamni qo‘llagan patsiyentlarning taxminan 20% noxush reaktsiyalarning rivojlanishi kuzatiladi. Lornoksikamni qo‘llanganda ko‘ngil aynishi, dispepsiya, me'da buzilishlari, qorinda og‘riq, qusish, diareya eng ko‘p paydo bo‘ladigan noxush reaktsiyalarga taaluqli. Klinik tadqiqot natijalari, yuqorida ko‘rsatilgan noxush reaktsiyalarni 10% dan kam patsiyentlarda paydo bo‘lishini ko‘rsatadi.
NYaQV bilan davolanganda shish, arterial gipertoniya va yurak yetishmovchiligi rivojlanishi mumkin. Klinik va epidemiologik tadqiqot natijalari,ba'zi NYaQV bilan davolanganda (ayniqsa yuqori dozalarda va uzoq muddat qo‘llanganda) arterial trombozlar xavfi (masalan, miokard infarkti yoki insult) biroz oshishi mumkin.
Suvchechak fonida NYaQV qo‘llanganda kam hollarda teri va yumshoq to‘qimalari tomonidan og‘ir infektsion asoratlari paydo bo‘lishi mumkin.
Quyida klinik tadqiqotlarning II, III va IV fazalarida lornoksikam bilan davolangan 64170 patsiyentlarning 0,05 % dan ko‘prog‘ida kuzatilgan noxush reaktsiyalar haqida ma'lumot keltirilgan.
Noxush reaktsiyalarni uchrash ko‘rsatkichlari quyidagi tarzda aniqlanadi juda tez-tez (≥1/10); tez-tez (≥1/100, ammo <1/10); tez-tez emas (≥1/1000, ammo <1/100); kam hollarda (≥1/10000, ammo <1/1000); juda kam hollarda (<1/10000); tez-tezligi noma'lum (mavjud ma'lumotlar bo‘yicha baholanmasligi mumkin).
Infektsion va parazitar kasalliklar kam hollarda-faringit.
Qon va limfa tizimi tomonidan kam hollarda-anemiya, trombotsitopeniya, leykopeniya, qon ketish davomiyligining oshishi; juda kam hollarda-ekximoz.
NYaQV neytropeniya, agranulotsitoz, aplastik va gemolitik anemiya kabi og‘ir gematologik buzilishlarni rivojlanishini (sinf -samara) chaqirishi mumkinligi aniqlangan.
Immun tizimi tomonidan kam hollarda – o‘ta yuqori sezuvchanlik reaktsiyalari, jumladan anafilaktoid reaktsiyalar, anafilaktik shok.
Moddalar almashinuvi va ovqatlanish tomondan tez-tez emas-anoreksiya, tana vaznining o‘zgarishi.
Ruhiyatni buzilishi tez-tez emas - uyqusizlik, depressiya; kam hollarda-ongni chalkashuvi, asabiylashish, hayajonlanish.
Nerv tizimi tomonidan tez-tez-engil va o‘tkinchi bosh og‘rig‘i, bosh aylanishi; kam hollarda - uyquchanlik, paresteziya, disgevziya, titroq, migren; juda kam hollarda-tizimli qizil yugurik va biriktiruvchi to‘qimaning aralash kasalligi bo‘lgan patsiyentlarda aseptik meningit.
Ko‘rish a'zolari tomonidan tez-tez emas - kon'yunktivit; kam hollarda-ko‘rishni buzilishi.
Eshitish a'zolari va labirint buzilishlari tomonidan tez-tez emas-vertigo, quloqlarda shovqin.
Yurak tomonidan tez-tez emas-palpitatsiya, taxikardiya, shish, yurak yetishmovchiligi.
Qon tomirlari tomonidan tez-tez emas - terining qizarishi, shishlar; kam hollarda-arterial gipertenziya, quyilishlar, qon ketishi, gematoma.
Nafas tizimi, ko‘krak qafasi va ko‘ks oralig‘i a'zolari tomonidan tez-tez-rinit; kam hollarda-hansirash, yo‘tal, bronxospazm.
Me'da-ichak yo‘llari tomonidan tez-tez-ko‘ngil aynishi, qorin og‘rig‘i, dispepsiya, diareya, qusish; tez-tez emas-qabziyat, meteorizm, kekirish, og‘iz qurishi, gastrit, me'da va o‘n ikki barmoq ichak yarasi, qorinning yuqori qismida og‘riq, yarali stomatit; kam hollarda-melena, qon aralash qusish, stomatit, ezofagit, gastroezofageal reflyuks, disfagiya, aftoz stomatit, glossit, peptik yaraning perforatsiyasi, me'da-ichakdan qon ketishi.
Jigar va safro chiqarish yo‘llari tomonidan tez-tez emas - qon plazmasida jigar fermentlarini (alaninaminotransferaza (ALT) yoki aspartat aminotransferaza (AST) darajasini oshishi; juda kamdan - kam hollarda-jigarga toksik ta'siri, buni natijasida jigar yetishmovchiligi, gepatit, sariqlik, xolestaz rivojlanishi mumkin.
Teri va teri osti to‘qimalari tomonidan tez-tez emas-toshma, qichishish, ko‘p terlash, eritematoz toshma, eshakemi va angionevrotik shish, alopetsiya; kam hollarda - dermatit, ekzema, purpura; juda kam hollarda-shish va bullyoz reaktsiyalar, Stivens-Jonson sindromi, toksik epidermal nekroliz.
Mushak-skelet va biriktiruvchi to‘qimalari tomonidan tez-tez emas-artralgiya; kam hollarda-suyaklarda og‘riq, mushaklarning spazmlari, mialgiya.
Buyrak va siydik chiqarish yo‘llari tomonidan kam hollarda-nikturiya, siyishning buzilishi, qon plazmasida azot mochevina va kreatinin darajasini oshishi; juda kam hollarda-buyrak funktsiyasini buzilishi bo‘lgan patsiyentlarda o‘tkir buyrak yetishmovchiligi (bunday patsiyentlarda lornoksikamni qo‘llanganda prostaglandinlar sintezining ingibitsiyasi tufayli keyin buyrak qon oqimi pasayishi mumkin).
NYaQV nefrotoksik ta'sir ko‘rsatishi (sinf samarasi), jumladan nefrit va nefrotik sindromining rivojlanishi mumkinligi aniqlangan.
Umumiy buzilishlar va in'ektsiya joyida buzilishlar tez-tez emas - holsizlik, yuzni shishishi; kam hollarda-asteniya.
Shubha qilinadigan noxush reaktsiyalari to‘g‘risida xabarlar
Dori vositasi ro‘yxatdan o‘tkazilgandan keyin shubha qilinadigan noxush reaktsiyalari to‘g‘risidagi xabarlar muhim hisoblanadi. Patsiyentda dori vositasiga jiddiy noxush reaktsiyalar aniqlanganda yoki ushbu bo‘limda ta'riflanmagan yangi noxush reaktsiyalar paydo bo‘lganida farmakonazoratni Milliy tizimiga muvofiq xabar berishingizni so‘raymiz.


Qo‘llash mumkin bo‘lmagan holatlar

- faol moddaga yoki har qanday yordamchi moddalarga o‘ta yuqori sezuvchanlik;
- boshqa NYaQVlarga, jumladan atsetilsalitsil kislotasiga (ASK) o‘ta yuqori sezuvchanlik (bronxial astma, angionevrotik shish, rinit, eshakemi kabi simptomlar);
- trombotsitopeniya;
- og‘ir yurak yetishmovchiligi;
- me'da-ichak, serebrovaskulyar yoki boshqa qon ketishlar;
- anamnezida oldingi NYaQV bilan davolanish bilan bog‘liq me'da-ichak qon ketishi yoki perforatsiya;
anamnezida o‘tkir peptik yarasi yoki me'da-ichakdan qon ketishi, qaytalanuvchan yara yoki me'da-ichakdan qon ketishi (me'da yarasini hosil bo‘lishi yoki qon ketishining rivojlanishini ikki yoki undan ortiq tasdiqlangan holatlari);
- og‘ir jigar yetishmovchiligi;
- og‘ir buyrak yetishmovchiligi (qon plazmasida kreatinin kontsentratsiyasi (Ccr) 700 mmol/ldan ortiq);
- homiladorlikning III uch oyligida qo‘llash mumkin emas.

Dorilarning o‘zaro ta'sirlari
Simetidin
Qon plazmasida lornoksikam kontsentratsiyasining oshishi, bu noxush reaktsiyalar paydo bo‘lish xavfining oshishi bilan bog‘liq bo‘lishi mumkin (lornoksikam va ranitidin yoki antatsidlar o‘rtasida o‘zaro ta'sirlar aniqlanmagan).
Antikoagulyantlar
NYaQV varfarin kabi antikoagulyantlarning ta'sirini kuchaytirishi mumkin. Majmuaviy qo‘llanganda xalqaro me'yorlashtirilgan munosabatni (XMM) sinchkovnazorat qilish lozim.
Fenprokumon
Fenprokumon samaradorligini pasayishi.
Geparin
Orqa miya yoki epidural anesteziyada NYaQV ni geparin bilan bir vaqtda qo‘llanganda, qon ketishi va orqa miya yoki epidural gematomani rivojlanish xavfi ortadi.
Angiotenzin aylantiruvchi fermenti (AAF) ingibitorlari
AAF ingibitorlarining antigipertenziv samarasi pasayishi mumkin.
Diuretiklar
Halqali, tiazid va kaliytejovchi diuretiklarning diuretik va antigipertenziv samarasini pasayishi (giperkaliyemiya va nefrotoksiklik yuqori xavfi).
β-adrenoblokatorlar
β-adrenoblokatorlarning antigipertenziv samarasini pasayishi.
Angiotenzin II retseptorlari blokatorlari (ABR)
Angiotenzin II retseptorlari blokatorlarini antigipertenziv samarasini pasayishi.
Digoksin
Digoksinning buyrak klirensini pasayishi va uning toksik samaralarini paydo bo‘lish xavfini oshishi.
GKS
Me'da-ichak qon ketishni paydo bo‘lishini va me'da yarasini hosil bo‘lishini yuqori xavfi.
Xinolonlar guruhi antibiotiklar (masalan, levofloksatsin, ofloksatsin)
Tirishishlarni paydo bo‘lishini yuqori xavfi.
Antiagregantlar (masalan, klopidogrel)
Me'da-ichak qon ketishini paydo bo‘lishini yuqori xavfi.
Boshqa NYaQV
Me'da-ichak qon ketishlarini va me'da yarasini yuqori xavfi.
Metotreksat
Qon plazmasida metotreksatni kontsentratsiyasini oshishi, buni natijasida uning toksik samaralari kuchayishi mumkin.
Majmuaviy qo‘llanganda patsiyentlarni sinchkov monitoringini o‘tkazish kerak.
SIOZS
Povshenny risk vozniknoveniya jeludochno-kishechnx krovotecheniy.
Siklosporin
Qon zardobidasiklosporin kontsentratsiyasini oshishi.
Buyrak prostaglandinlari bilan bilvosita bog‘liq samaralari hisobiga siklosporinning buyrak toksikligi oshishi mumkin. Birgalikda davolanganda buyrak funktsiyasining nazoratini amalga oshirish kerak.
Sulfanilmochevina hosilalari (masalan, glibenklamid)
Gipoglikemiyani rivojlanishini yuqori xavfi.
CYP2C9 izofermentlarini ma'lum induktorlari va ingibitorlari Lornoksikam (tsitoxrom P450 2C9 ga bog‘liq boshqa NYaQV kabi (CYP2C9)) izofermenti) CYP2C9 izofermentlarini ma'lum induktorlari va ingibitorlari bilan o‘zaro ta'sirlashadi.
Takrolimus
Buyraklarda prostatsiklin sintezining pasayishi tufayli nefrotoksik ta'sirining yuqori xavfi.
Majmuaviy qo‘llanganda buyrak funktsiyasini nazorat qilish kerak.
Pemetreksed
NYaQV pemetreksedning buyrak klirensini pasaytirishi mumkin, bu nefrotoksik, gastroenterotoksik va miyelosupressiv ta'sirlarning kuchayishi bilan kechishi mumkin.
Ovqat bilan bir vaqtda qabul qilinganda lornoksikamning so‘rilish tezligi pasayadi.
Shuning uchun Lornadoni samarani tez boshlanishiga zarurat bo‘lgan hollarda (og‘riq qoldiruvchi samara) ovqat bilan bir vaqtda qabul qilmaslik kerak.
Ovqat bilan bir vaqtda qabul qilinganda lornoksikamning so‘rilishi taxminan 20% ga kamayadi va Tmax oshadi.





Maxsus ko‘rsatmalar

Lornoksikam trombotsitlar agregatsiyasini ingibitsiya qiladi va qon ketish davomiyligini oshiradi, shuning uchun qon ketishiga yuqori moyilligi bo‘lgan patsiyentlarda Lornadoni ehtiyotkorlik bilan qo‘llash lozim.
Quyida sanab o‘tilgan holatlarda lornoksikamni faqat foyda/xavf nisbati sinchkov baholangandan so‘ng qo‘llash lozim
- Buyrak funktsiyasining kichik (Ccr 150-300 mkmol/l) va o‘rtacha (Ccr 300-700 mkmol/l) buzilishi bo‘lgan patsiyentlarda lornoksikamni prostaglandinlarni buyrak qon oqimini bir maromda ushlab turish uchun zarur bo‘lganligi sababli, ehtiyotkorlik bilan qo‘llash lozim.
Buyrak funktsiyasini yomonlashuvi hollarida dori vositasini qo‘llashni to‘xtatish lozim.
- Og‘ir jarrohlik aralashuvlaridan keyin patsiyentlarda, diuretiklarni yoki buyrakni shikastlanishini chaqiradigan preparatlarni qabul qiladigan yurak yetishmovchiligi bo‘lgan patsiyentlarda Lornado bilan davolanganda buyrak funktsiyasini nazorat qilish lozim.
- Qon ivishini buzilishi bo‘lgan patsiyentlarda Lornado bilan davolanganda klinik holatni sinchkov monitoringini va laboratoriya ko‘rsatkichlarini baholashni (masalan, faollashtirilgan qisman tromboplastin vaqti) o‘tkazish lozim.
- Jigar funktsiyasini buzilishi bo‘lgan patsiyentlarda (masalan, sirroz bilan) Lornado bilan davolanganda klinik holatni muntazam monitoringini va laboratoriya ko‘rsatkichlarini (masalan, qon plazmasida jigar fermentlari darajasini) baholash kerak, chunki lornoksikam 12-16 mg sutkalik dozada qo‘llanganda organizda to‘planib qolishi mumkin (AUC oshishi). Jigar funktsiyasini buzilishi bo‘lgan patsiyentlarda qo‘llanganda dori vositasining qolgan farmakokinetik ko‘rsatkichlari sog‘lom sub'ektlar bilan solishtirilganda sezilarli darajada o‘zgarmaydi.
- Lornadoni uzoq vaqt qo‘llanganda (3 oydan ortiq) jigar va buyrak funktsiyalari ko‘rsatkichlarini, shuningdek gematologik ko‘rsatkichlarni muntazam ravishda nazorat qilish lozim.
- Keksa yoshdagi patsiyentlarda (65 yoshdan katta) Lornado bilan davolanganda buyrak va jigar funktsiyalari ko‘rsatkichlarini nazorat qilish lozim.
Preparatni jarrohlik aralashuvlardan keyin ehtiyotkorlik bilan qo‘llash lozim.
NYaQV bilan bir vaqtda qo‘llanishi
Lornoksikamni boshqa NYaQV, jumladan SOG-2 selektiv ingibitorlari bilan birga qo‘llash mumkin emas.
Noxush reaktsiyalarni paydo bo‘lish xavfini minimallashtirish
Simptomlarni nazorat qilish uchun lornoksikamni zarur bo‘lgan minimal samarali dozada eng qisqa vaqt davri davomida qo‘llanganda, noxush reaktsiyalarni paydo bo‘lish xavfini minimal darajaga tushirish mumkin.
Me'da-ichak qon ketishi,me'da yarasi va perforatsiyalar
Avvalgi simptomlarni yoki anamnezida og‘ir me'da-ichak kasalliklarini mavjudligidan qat'iy nazar me'da-ichakdan qon ketishlari, me'da yaralari va ba'zida o‘limga olib keladigan perforatsiyalarni paydo bo‘lish holatlari, NYaQV guruhi dori vositalari bilan davolashning turli bosqichlarida qayd etilgan.
Me'da-ichakdan qon ketishini paydo bo‘lishi, me'da yarasini hosil bo‘lishi yoki perforatsiya xavfi, ayniqsa anamnezida qon ketishi yoki perforatsiya bilan asoratlangan me'da yarasi kasalligi bo‘lgan patsiyentlarda, shuningdek keksa yoshdagi patsiyentlarda NYaQV dozalarni oshishi bilan ortadi; bunday holatlarda davolashni lornoksikamning mumkin bo‘lgan minimal dozalarini qo‘llagan holda boshlash lozim. Bunday patsiyentlarda, shuningdek ASK yoki boshqa me'da-ichak yo‘llari tomonidan noxush reaktsiyalarni rivojlanish xavfini oshiradigan dori vositalarini kichik dozalarini qo‘llayotgan patsiyentlarda gastroprotektiv davolashni (masalan, mizoprostol yoki proton nasosi ingibitorlari (PNI)) qo‘llash masalasini ko‘rib chiqish lozim.
Bunday holatlarda Lornado bilan davolanganda patsiyentlarning klinik holatini sinchkov monitoringini o‘tkazish lozim.
Anamnezida me'da-ichak yo‘llari tomonidan noxush reaktsiyalar paydo bo‘lgan patsiyentlar, ayniqsa keksa yoshli patsentlar, ayniqsa Lornado bilan davolashni boshida, shifokorga har qanday noodatiy abdominal simptomlar (xususan, me'da-ichak qon ketishlari) haqida xabar berishlari kerak.
Lornadoni me'da yarasini hosil bo‘lishini yoki qon ketish xavfini oshirishi mumkin bo‘lgan peroral qo‘llash uchun glyukokortikosteroidlar (GKS), antikoagulyantlar, masalan, varfarin, serotoninni qayta qaytarib olinishini selektiv ingibitorlari (SQQOSI) kabi dori vositalari yoki ASK kabi antiagregantlar bilan bir vaqtda qabul qiladigan patsiyentlarda ehtiyotkorlikka rioya qilish lozim.
Agar Lornado bilan davolanganda patsiyentda me'da-ichak qon ketishi paydo bo‘lsa yoki me'da yarasi rivojlansa, preparatni qo‘llashni to‘xtatish lozim.
Anamnezda me'da-ichak kasalliklari (yarali kolit, Kron kasalligi) bo‘lgan patsiyentlarda NYaQV ehtiyotkorlik bilan qo‘llash lozim, chunki ular yuqorida ko‘rsatilgan kasalliklarning zo‘rayishini chaqirishi mumkin.
Keksa yoshli patsiyentlar
Keksa yoshli patsiyentlarda NYaQV qo‘llanishi bilan bog‘liq noxush reaktsiyalarning, ayniqsa me'da-ichak qon ketishlari va o‘limga olib kelishi mumkin bo‘lgan perforatsiyalar tez-tezligi oshadi.
Yurak-qon tomiri va serebrovaskulyar samaralar
NYaQV qo‘llanishi organizmda suyuqlikni tutilishi va shishlarni rivojlanishi bilan bog‘liq bo‘lganligi sababli, Lornadoni qo‘llanganda muvofiq monitoringni o‘tkazish va arterial gipertenziyasi va / yoki yengil va o‘rtacha og‘irlik darajasidagi dimlangan yurak yetishmovchiligi bo‘lgan (anamnezda yoki hozirgi vaqtda mavjud bo‘lsa) patsiyentlarga zarur tavsiyalar berilishi lozim.
Klinik va epidemiologik tadqiqot natijalari, ayrim NYaQV bilan (ayniqsa yuqori dozalarda va uzoq muddat qo‘llanganda) davolanganda arterial trombozlar (masalan, miokard infarkti yoki insult) xavfi biroz oshishi mumkinligini ko‘rsatadi. Lornoksikam uchun bunday xavfni istisno qilish uchun ma'lumotlar yetarli emas.
Nazorat qilinmaydigan arterial gipertenziya, dimlangan yurak yetishmovchiligi, tashxislangan yurak ishemik kasalligi, periferik arteriyalarni kasalliklari va/yoki serebrovaskulyar kasalliklari bo‘lgan patsiyentlarda Lornadani faqat foyda/xavf nisbati sinchkov baholangandan keyin qo‘llash lozim. Shuningdek, yurak-qon tomir kasalliklari (masalan, gipertoniya, giperlipidemiya, qandli diabet va chekish) xavf omillari bo‘lgan patsiyentlarda Lornado bilan davolashni boshlashdan oldin foyda/xavf nisbatlarini baholash kerak.
NYaQV va geparinni bir vaqtda qo‘llanganda orqa miya / epidural anesteziyasini o‘tkazilganda, orqa miya yokiepidural gematomani paydo bo‘lish xavfi oshadi.
Teri reaktsiyalari
Juda kam hollarda, NYaQV qo‘llanganda, eksfoliativ dermatit, Stivens-Jonson sindromi va toksik epidermal nekroliz kabi, shu jumladan o‘lim bilan yakunlnadigan terining og‘ir reaktsiyalari rivojlangan. Bunday reaktsiyalarning paydo bo‘lishini eng katta xavfi davolashning boshlang‘ich bosqichi uchun xosdir-ular asosan NYaQV bilan davolashning birinchi oyida qayd qilingan. Teri toshmalari, shilliq qavatining shikastlanish belgilari yoki o‘ta yuqori sezuvchanlikning boshqa simptomlari birinchi marta namoyon bo‘lganida Lornadoni qo‘llashni to‘xtatish lozim.
Nafas yo‘llari kasalliklari
Bronxial astmasi, shu jumladan anamnezida bo‘lgan patsiyentlarda NYaQV ehtiyotkorlik bilan qo‘llash lozim, chunki ular bronxospazmni rivojlanishiga yordam beradi.
Tizimli qizil yugurik va biriktiruvchi to‘qimalarni aralash kasalliklari
Tizimli qizil yugurik yoki biriktiruvchi to‘qimalarni aralash kasalliklari bo‘lgan patsiyentlarda lornoksikamni qo‘llanganda ehtiyotkorlikka rioya qilish lozim, chunki bunda aseptik meningitni paydo bo‘lish xavfi oshishi mumkin.
Nefrotoksiklik
NYaQV va takrolimusni birgalikda qo‘llash buyraklarda prostatsiklin sintezining pasayishi tufayli nefrotoksik ta'sir xavfini oshirishi mumkin. Bunday majmualarni qabul qilgan patsiyentlarda buyrak funktsiyasini sinchkov nazorat qilish lozim.
Jigarning funktsional ko‘rsatkichlarini buzilishi
Boshqa NYaQV qo‘llangandagi kabi, lornoksikamni qo‘llanganda qon plazmasida transaminazalar, bilirubin, kreatinin va azot mochevina kontsentratsiyasi oshishi va boshqa laboratoriya ko‘rsakichlarida ham o‘zgarishlar bo‘lishi mumkin. Agar bunday o‘zgarishlar sezilarli bo‘lsa va uzoq vaqt davri davomida kuzatilgan bo‘lsa, lornoksikamni qo‘llashni to‘xtatish va tegishli tekshiruvlarni o‘tkazish lozim.
Fertillik
Lornoksikam, SOG / prostaglandinlar sintezining har qanday boshqa ingibitorlari singari, fertillikka salbiy ta'sir ko‘rsatishi mumkin, shuning uchun homiladorlikni rejalashtirayotgan ayollarga Lornadoni qo‘llash tavsiya etilmaydi. Homilador bo‘la olmaydigan yoki tegishli tekshiruvdan o‘tayotgan ayollarda bu bo‘yicha preparatni qo‘llashni to‘xtatish to‘g‘risidagi masalani ko‘rib chiqish lozim.
Suvchechak
NYaQV suvchechak fonida qo‘llanganda kam hollarda, teri va yumshoq to‘qimalari tomonidan og‘ir infektsion asoratlar paydo bo‘lishi mumkin. NYaQV og‘ir infektsiyalarni chuqurlashuvidagi hissasini istisno qilish mumkin emasligi sababli, lornoksikamni suvchechakda qo‘llashdan saqlanish lozim.
Yordamchi moddalar
Lornado laktoza saqlaydi, shuning uchun galaktozani o‘zlashtiraolmasligi, laktaza yetishmovchiligi yoki glyukoza-galaktoza kam so‘rilishi bilan xarakterlanadigan kam nasliy kasalliklari bo‘lgan patsiyentlarga ushbu preparatni qo‘llash kerak emas.
Lornado 1 tabletkada 1 mmol (23 mg) dan kam natriy saqlaydi, ya'ni amalda "natriy saqlamaydi".
Fertillik, homiladorlik va laktatsiya davrida qo‘llanishi
Homiladorlik
Homilador ayollarda lornoksikamni qo‘llanishi to‘g‘risidagi ma'lumotlar cheklangan. Hayvonlardagi tadqiqotlarda lornoksikamning reproduktiv toksikligi aniqlangan.
Prostaglandinlar sintezining ingibitsiya qilinishi homiladorlik va/yoki embrion/homilani rivojlanishiga salbiy ta'sir ko‘rsatishi mumkin. Epidemiologik tadqiqot ma'lumotlari, homiladorlikning erta muddatlarida prostaglandinlar sintezi ingibitorlarini qo‘llash, bola tashlash va yurak nuqsonlarini yuqori xavfi bilan bog‘liq ekanligini ko‘rsatadi.
Doza va qo‘llash davomiyligini oshishi bilan xavf ortadi. Hayvonlardagi tadqiqotlarda, pre- va postimplantatsion davrda prostaglandinlar sintezi ingibitorlarini qo‘llanganda embrio-fetal o‘limini oshishi aniqlangan. Shuning uchun homiladorlikning I yoki II uch oyligida Lornadoni faqat juda zarur bo‘lganda qo‘llash lozim.
NYaQV homiladorlikni 20 haftasida yoki undan kech muddatlarda qo‘llanganda, kam hollarda homilada buyraklar tomonidan jiddiy buzilishlarni, shuningdek onada oligoamniozni rivojlanishini va homiladorlik asoratlarini chaqirishi mumkin. Homiladorlikni 20 haftasida yoki kech muddatlarda NYaQV qo‘llashdan saqlanish tavsiya etiladi.
Agar homiladorlikning 20 va 30 haftalari oralig‘ida NYaQV ni qo‘llashzarur bo‘lsa, u holda davolashni minimal dozalarda qisqa vaqt davri davomida o‘tkazish lozim. NYaQV 48 soatdan ortiq vaqt davomida NYaQV qo‘llash fonida homila atrofi suvini ultratovush tekshiruvini o‘tkazish lozim.
Homiladorlikning III uch oyligida qo‘llanganda prostaglanidinlar sintezi ingibitorlari quyidagilarga salbiy ta'sir ko‘rsatishi mumkin
- homila – yurak-o‘pka toksikligi (shu jumladan arterial yo‘lini (ductus arteriosus Botalli) muddatidan avval yopilishi va o‘pka gipertenziyasining rivojlanishi); ba'zida buyrak yetishmovchiligi va oligogidramnionni rivojlanishi bilan bo‘lgan buyrak funktsiyasining buzilishi;
ona va homila (homiladorlikni oxirida) - qon ketish davomiyligining oshishi; bachadonning qisqaruvchanligining pasayishi, bu tug‘ruqlarni kechikishi va davomiyligining oshishiga olib kelishi mumkin.
Homiladorlikning III uch oyligida Lornadoni qo‘llash mumkin emas.
Laktatsiya
Lornoksikamning odam ko‘krak suti bilan chiqarilishi to‘g‘risida ma'lumotlar yo‘q. Bunda lornoksikam kalamushlarda ko‘krak sutida nisbatan yuqori kontsentratsiyalarda aniqlanadi, shuning uchun emizish davrida Lornadoni qo‘llash tavsiya etilmaydi.
Fertillik
Lornoksikam, boshqa SOG / prostaglandinlar sintezi ingibitorlari kabi, fertillikka salbiy ta'sir ko‘rsatishi mumkin, shuning uchun homiladorlikni rejalashtirayotgan ayollarga Lornadoni qo‘llash tavsiya etilmaydi. Shu sababli homilador bo‘la olmayotgan yoki bu bo‘yicha tegishli tekshiruvdan o‘tayotgan ayollarda preparatni qo‘llashni to‘xtatish masalasini ko‘rib chiqish lozim.
Avtotransportni haydash va mexanizmlarni boshqarish qobiliyatiga ta'siri
Preparatni qo‘llanganda bosh aylanishi va/yoki uyquchanlik kabi simptomlarni rivojlanishi mumkin, yuqorida ko‘rsatilgan yoki shunga o‘xshash noxush reaktsiyalar paydo bo‘lgan hollarda, avtotransportni haydashdan va ishlash mexanizmlarni boshqarishdan saqlanish lozim.


Dozani oshirib yuborilishi

Hozirgi vaqtda lornoksikam dozasini oshirib yuborilishini, uning oqibatlarini aniqlash yoki maxsus davolash choralarini taklif qilish imkonini beradigan davolash tajribasi yo‘q. Lornoksikam dozasini oshirib yuborilishida ko‘ngil aynishi, qusish, serebral simptomlari (bosh aylanishi, ko‘rishni buzilishi), jumladan ataksiya, koma, tirishishlar, jigar va buyrakni shikastlanishi va qon ivishining buzilishi kabi simptomlarni paydo bo‘lishini kutish mumkin.
Haqiqatan yoki tahmin qilinadigan dozani oshirib yuborilish hollarida, preparatni qabul qilishni to‘xtatish kerak. Lornoksikam qisqa yarim chiqarilish davriga ega va organizmdan tez chiqariladi. Lornoksikam organizmdan dializ orqali chiqarilmaydi. Hozirgi vaqtda spetsifik antidoti noma'lum.
Preparat dozasini oshirib yuborilishida, standart shoshilinch davolashni o‘tkazish lozim. Preparatni qabul qilingandan keyin darhol faollashtirilgan ko‘mir qo‘llangan sharoitda, lornoksikamning so‘rilishi pasayishi mumkin. Me'da-ichak buzilishlarini davolash uchun prostaglandin yoki ranitidin analoglarini qo‘llash mumkin.


Chiqarilish shakli

Plenka qobiq bilan qoplangan tabletkalar.
10 tabletkadan blisterda.
1, 2, 5 yoki 10 blisterlar tibbiyotda qo‘llanilishiga doir yo‘riqnomasi bilan birga karton qutida.


Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin!


Yaroqlilik muddati


Ishlab chiqarilgan
sanadan boshlab 3 yil.

Yaroqlilik muddati
tugagandan keyin qo‘llanilmasin.


Dorixonalardan berish tartibi

Retsept bo‘yicha beriladi.