Nebobeta tab. 5mg №30

Preparatning savdo nomi

Nebobeta
Ta'sir etuvchi modda (XPN) nebivolol

Dori shakli

tabletkalar

Tarkibi

Har bir tabletka kuyidagilarni saqlaydi
faol modda
2,5 mg nebivololga ekvivalent nebivolol gidroxloridi;
5,0 mg nebivololga ekvivalent nebivolol gidroxloridi;
yordamchi moddalar dioktil natriy sulfosuktsinati, natriy kroskarmelozasi, betadeks, tozalangan suv, makkajo‘xori kraxmali, kolloid kremniy dioksidi, magniy stearati.
Ta'rifi bir tomoni silliq, va boshqa tomonida sindirish uchun chiziqchasi bo‘lgan oq dumaloq, chetlari kesilgan tabletkalar.

Farmakoterapevtik guruhi

antigipertenziv vosita.
ATX kodi S07AV12.

Farmakologik xususiyatlari

Farmakodinamika

si
Nebivolol tomirlarni kengaytiruvchi xususiyatga ega bo‘lgan lipofil, uchinchi avlod kardioselektiv beta1-adrenoblokatoridir. Gipotenziv, antianginal va aritmiyaga qarshi ta'sir ko‘rsatadi. Tinch holatda, jismoniy zo‘riqishda va stressda oshgan arterial bosimini (AB) pasaytiradi. Sinaptik va postsinaptik beta1-adrenoblokatorlarni, ularni katexolaminlar uchun ta'sir qilolmaydigan qilib, raqobatli va tanlab bloklaydi, endotelial qon tomirni kengaytiruvchi omil azot oksidini (NO) ajralib chiqishini modulyatsiya qiladi.
Nebivolol ikki enantiomerdan SRRR-nebivolol (D-nebivolol) va RSSS-nebivolol (L-nebivolol) dan tashkil topgan, ikki farmakologik ta'sirlarni birlashtirgan ratsematdir
-D-nebivolol beta1-adrenoretseptorlarni raqobatli va yuqori selektiv blokatori hisoblanadi (beta2-adrenoretseptorlariga qaraganda beta1-adrenoretseptorlarga yaqinligi 293 marta yuqori).
-L-nebivolol qon tomirlar endoteliysining relaksatsiyalovchi omilini (NO) modulyatsiyasi hisobiga qon tomirlarni kengaytiruvchi ta'sir ko‘rsatadi.
Gipotenziv samara davolanishning 2-5 kunlarida rivojlanadi, barqaror ta'siri 1 oydan keyin aniqlanadi. Ushbu samara uzoq davolanganda saqlanadi.
Gipotenziv ta'siri renin-angiotenzin-aldosteron tizimi faolligini kamayishi bilan ham bog‘liq (reninning qon plazmasidagi faolligini o‘zgarishi bilan to‘g‘ri mos kelmaydi).
Nebivololni qo‘llash tizimli va yurak ichki gemodinamikasining ko‘rsatkichlarini yaxshilaydi. Nebivolol tinch holda va jismoniy yuklamada yurak qisqarishlari sonini (YuQS) kamaytiradi, yurakning chap qorinchasini oxirgi diastolik bosimini pasaytiradi, umumiy periferik qon tomirlar qarshiligini kamaytiradi, yurakning diastolik faoliyatini yaxshilaydi (to‘lish bosimini pasaytiradi), zarb hajmini oshiradi, miokard massasini va miokard massasining indeksini kamaytiradi.
Miokardning kislorodga bo‘lgan ehtiyojini kamaytirib (YuQS kamayishi, old yuklama va keyingi yuklamani kamayishi), stenokardiya xurujlari sonini va og‘irligini kamaytiradi va jismoniy yuklamaning o‘zlashtirilishini yaxshilaydi.
Aritmiyaga qarshi ta'siri yurakning avtomatizmini susayishi (shu jumladan patologik o‘choqda) va atrioventrikulyar (AV) o‘tkazuvchanlikni sekinlashishi bilan bog‘liq.

Farmakokinetikasi

Ichga qabul qilinganidan keyin nebivolol me'da-ichak yo‘llaridan tez so‘riladi. Ovqat qabul qilish so‘rilishga ta'sir ko‘rsatmaydi, shuning uchun nebivololni ovqat qabul qilishdan qat'iy nazar qabul qilish mumkin.
Biokiraolishligi metabolizmi “tezlashgan” patsiyentlarda o‘rtacha 12% ni tashkil qiladi va metabolizmi “sekinlashgan” patsiyentlarda deyarli to‘liq hisoblanadi. Nebivololning samaradorligi metabolizmining tezligiga bog‘liq emas.
Ko‘pchilik patsiyentlarda (“metabolizmi tezlashgan”) qon plazmasidagi klirensiga 24 soat davomida, gidroksimetabolitlari uchun esa – bir necha sutkadan keyin erishiladi. Qon plazmasidagi kontsentratsiyalari dozaga proportsional 1-30 mkg/l. D-nebivololni qon plazmasi oqsillari bilan (asosan - albuminlar bilan) bog‘lanishi 98,1% ni, L-nebivolol uchun esa - 97,9% ni tashkil qiladi.
Nebivolol faol metabolizmga uchraydi va qisman gidroksimetabolitlar hosil bo‘ladi. Nebivololning aromatik gidroksillanishi yo‘li orqali metabolizmining tezligi genetik oksidlanuvchi polimorfizmi bilan belgilangan va CYP2D6 izofermentlariga bog‘liq.
Yuborilgandan keyin dozaning 38% (o‘zgarmagan faol moddaning miqdori 0,5% dan kamroqni tashkil qiladi) buyrak orqali va 48% - ichak orqali chiqariladi.
Metabolizmi “tezlashgan” patsiyentlarda nebivololning enantiomerlarini qon plazmasidan yarim chiqarilish davrining qiymati o‘rtacha 10 soatni tashkil qiladi. Metabolizmi “sekinlashgan” patsiyentlarda qiymatlar bu ko‘rsatkichlar 3-5 martagacha oshadi.
Metabolizmi “tezlashgan” patsiyentlarda ikkala enantiomerlarning gidroksimetabolitlarini qon plazmasidan T1/2 ko‘rsatkichi o‘rtacha 24 soatni tashkil qiladi, metabolizmi “sekinlashgan” patsiyentlarda bu qiymatlar taxminan 2 martagacha oshadi.
Nebivololning farmakokinetikasiga patsiyentning yoshi va jinsi ta'sir qilmaydi.

Qo‘llanilishi

• arterial gipertenziya;
• yurakni ishemik kasalligi (YuIK) stabil stenokardiya xurujlarini oldini olish;
• surunkali yurak yetishmovchiligi (SYuE) (majmuaviy davolash tarkibida) da qo‘llaniladi.

Qo‘llash usuli va dozalari

Nebobeta preparatini ichga, sutkada bir va xuddi shu vaqtda ovqat qabul qilishdan qat'iy nazar, chaynamasdan, yetarli miqdordagi suyuqlik bilan birga qabul qilish kerak.
Arterial gipertenziya va yurak ishemik kasalligi
Arterial gipertenziya va YuIK davolash uchun o‘rtacha sutkalik doza 5 mg (1 tabletka) sutkada 1 martani tashkil qiladi. Optimal samara davolashning 1-2 haftasidan keyin, qator hollarda - 4 haftadan keyin yaqqol bo‘ladi. Preparatni monodavolashda yoki majmuaviy davolash tarkibida qo‘llash mumkin.
Zarurati bo‘lganida sutkalik dozani 10 mg gacha oshirish mumkin (5 mg dan 2 tabletka bir martada qabul qilinadi). Maksimal sutkalik doza - 10 mg ni tashkil qiladi.
Buyrak yetishmovchiligi bo‘lgan bemorlarda, shuningdek 65 yoshdan oshgan patsiyentlarda boshlang‘ich doza sutkada 2,5 mg (5 mg dan 1/2 tabletka) ni tashkil qiladi. Zarurati bo‘lganida doza 5 mg gacha oshiriladi.
Buyrak faoliyatini yaqqol buzilishlarida (KK minutiga 20 ml dan kam) va jigarning og‘ir kasalliklari bo‘lgan patsiyentlarda maksimal sutkalik doza 10 mg ni tashkil qiladi. Bunday patsiyentlarda dozani oshirishni alohida extiyotkorlik bilan o‘tkazish kerak.
Surunkali yurak yetishmovchiligi
Surunkali yurak yetishmovchiligida davolash dozani asta-sekin shaxsiy optimal tutib turuvchi dozaga erishguncha oshirib borishdan boshlash kerak.
Davolashni boshida dozani tanlash quyidagi sxema bo‘yicha amalga oshiriladi, ikki haftalik intervalni saqlagan va patsiyentni bu dozalarni o‘zlashtiraolishligi asoslangan holda Nebobeta preparatining 1,25 mg (5 mg dan 1/4 tabletka) ni tashkil qiluvchi dozasi sutkada 1 marta, doza avval sutkada 1 marta Nebobeta preparatining 2,5-5 mg (5 mg dan 1/2 - 1 tabletka) gacha, keyin - 10 mg (5 mg dan 2 tabletka) gacha oshirilishi mumkin. Patsiyent preparatning birinchi dozasini qabul qilganidan keyin, shuningdek dozani keyingi har bir oshirishdan keyin 2 soat davomida shifokor nazorati ostida bo‘lishi kerak. Dozalarni har bir oshirilishi kamida 2 haftadan keyin amalga oshirilishi kerak. SYuE ni davolash davomida tavsiya qilinadigan maksimal doza sutkada 1 marta 10 mg Nebobeta preparatini tashkil qiladi. Titrlash vaqtida AB, YUQS va SYUE yaqqolligining belgilarini muntazam nazorat qilish tavsiya qilinadi.
Titrlash fazasi vaqtida surunkali yurak yetishmovchiligining kechishini yomonlashishi yoki preparatni o‘zlashtiraolmaslik hollarida Nebobeta preparatining dozasini kamaytirish yoki zarurati bo‘lganida uni qabul qilishni darhol to‘xtatish (yaqqol ifodalangan arterial gipotenziyada, o‘pkalarning o‘tkir shishi bilan bo‘lgan SYuE kechishini yomonlashuvi holida, kardiogen shok simptomatik bradikardiya rivojlangan hollarda yoki AV blokadada) kerak.
Nojo‘ya ta'sirlarii
Markaziy nerv tizimi tomonidan bosh og‘rig‘i, bosh aylanishi, kuchli toliqish, paresteziya, depressiya, diqqatni jamlash qobiliyatini pasayishi, uyquchanlik, uyqusizlik, “qo‘rqinchli” tushlar ko‘rish, gallyutsinatsiyalar.
Ovqat hazm qilish tizimi tomonidan ko‘ngil aynishi, qabziyat, meteorizm, diareya, og‘iz shilliq qavatini qurishi.
Yurak-qon tomir tizimi tomonidan bradikardiya, yurak yetishmovchiligi, AV blokada, ortostatik gipotenziya, periferik qon aylanishini buzilishi, hansirash, yurak ritmini buzilishi, Reyno sindromi, periferik shishlar, kardialgiya, SYuE kechishini yomonlashishi1.
Teri qoplamalari tomonidan allergik reaktsiyalar terini qichishi, eritematoz xarakterdagi toshma.
Nafas tizimi tomonidan bronxospazm (shu jumladan anamnezida o‘pkaning obstruktiv kasalliklari bo‘lmaganida), bronxial astmali yoki anamnezida nafas yo‘llarining obstruktiv kasalliklari bo‘lgan patsiyentlarda, bronxospazm, rinit.
Boshqalar fotodermatoz, gipergidroz, psoriazni kechuvini zo‘rayishi.
1 - ushbu nojo‘ya samarasi asosan preparatning dozasini titrlash vaqtida paydo bo‘ladi.

Qo‘llash mumkin bo‘lmagan holatlar

• nebivololga yoki preparatning komponentlarini birontasiga yuqori sezuvchanlik;
• jigar faoliyatini yaqqol buzilishlari;
• o‘tkir yurak yetishmovchiligi;
• kardiogen shok;
• dekompensatsiya bosqichidagi surunkali yurak yetishmovchiligi (inotrop davolashni o‘tkazilishini talab qiluvchi yetishmovchiligi);
• sinus tugunining zaifligi sindromi, shu jumladan sinoatrial blokada;
• II va III darajali atrioventikulyar blokada (ritmni sun'iy haydovchisiz);
• bronxospazm va bronxial astma;
• feoxromotsitoma (bir vaqtda alfa-adrenoblokatorlarni qo‘llashsiz);
• depressiya;
• metabolik atsidoz;
• yaqqol bradikardiya (YuQS minutiga 50 zarbdan kam);
• arterial gipotenziya;
• periferik qon aylanishi og‘ir yaqqol buzilishlari (“o‘zgarib turuvchi” oqsoqlik, Reyno sindromi);
• 18 yoshgacha bo‘lgan bolalar;
• laktozani o‘zlashtiraolmaslik, laktaza tanqiligi yoki glyukoza-galaktozani kam so‘rilishi (preparat laktozani saqlaydi) da qo‘llash mumkin emas;
• floktafenin, sultoprid bilan bir vaqtda qabul qilish mumkin emas (“Dorilarning o‘zaro ta'siri” bo‘limiga qarang).
Preparatni yaqqol buyrak yetishmovchiligida (kreatinin klirensi minutiga 20 ml dan kam), jigar faoliyatini buzilishlarida, qandli diabetda, gipertireozda, desensibilizatsiyalovchi davolashni o‘tkazishda, psoriazda, I darajali atrioventikulyar blokadalarda, Printsmetal stenokardiyada, o‘pkaning surunkali obstruktiv kasalliklarida (SO‘OK), keksa yoshdagi (65 yoshdan oshgan) patsiyentlarda ehtiyotkorlik bilan qo‘llash kerak.
Dorilarning o‘zaro ta'siri
Floktafenin floktafenin qabul qilish chaqirgan shok yoki arterial gipotenziya holda beta-adrenoblokatorlar, yurak-qon tomir tizimining kompensator mexanizmlarini susaytiradi.
Sultoprid yurak qorinchalari aritmiyasini, ayniqsa “piruet” turini (torsade des pointes) paydo bo‘lishi xavfi oshadi.
Beta-blokatorlarni “sekin” kaltsiy kanallari blokatorlari (SKKB) (verapamil va diltiazem) bilan bir vaqtda qo‘llanganida miokardning qisqaruvchanligi va AV o‘tkazuvchanlikka salbiy ta'siri kuchayadi. Verapamilni nebivololni qabul qilish fonida v/i yuborish mumkin emas. Gipotenziv vositalar, nitroglitserin yoki SKKB bilan birga qo‘llanganida yaqqol arterial gipotenziya rivojlanishi mumkin (prazozin bilan birga qo‘llanganida alohida extiyotkorlik kerak).
Aritmiyaga qarshi vositalarning va I sinfi amidaron bilan bir vaqtda qo‘llanganida salbiy inotrop ta'sirni kuchayishi va yurak bo‘lmachalari bo‘ylab qo‘zg‘alishni o‘tkazilishi vaqtini uzayishi mumkin.
Nebivolol yurak glikozidlari bilan bir vaqtda qo‘llanganida AV o‘tkazuvchanligini sekinlashiga ta'sirini kuchayishi aniqlanmagan.
Nebivolol va umumiy anesteziya uchun preparatlarni bir vaqtda qo‘llash reflektor taxikardiyani susayishini chaqirishi va arterial gipotenziyani rivojlanish xavfini oshirishi mumkin.
Nebivolol va nosteroid yallig‘lanishga qarshi preparatlarni (NYaQV) klinik ahamiyatli o‘zaro ta'siri aniqlanmagan. Atsetilsalitsil kislotasi nebivolol bilan antiagregent vositasi sifatida bir vaqtda qo‘llanishi mumkin.
Tritsiklik antidepressantlar, barbituratlar va fenotiazin hosilalarini bir vaqtda qo‘llash, nebivololning gipotenziv ta'sirini kuchaytirishi mumkin.
Farmakokinetik o‘zaro ta'siri
Serotoninni qayta qamrab olinishining ingibitsiya qiluvchi preparatlar yoki CYP2DA izofermentlari ishtirokida biotransformatsiyaga uchraydigan boshqa vositalar bilan bir vaqtda qo‘llanganida nebivololning metabolizmi sekinlashadi.
Bir vaqtda qo‘llanganida nebivolol digoksinning farmakokinetik parametrlariga ta'sir ko‘rsatmagan.
Simetidin bilan bir vaqtda qo‘llanganida nebivololning qon plazmasidagi kontsentratsiyasi oshadi (preparatni farmakologik samaralariga ta'siri to‘g‘risidagi ma'lumotlar yo‘q). Ranitidin bilan bir vaqtda qo‘llash nebivololning farmakokinetik parametrlariga ta'sir ko‘rsatmagan.
Nebivolol nikardipin bilan bir vaqtda qo‘llanganida faol moddalarning qon plazmasidagi kontsentratsiyalari biroz oshgan, biroq bu klinik ahamiyatga ega emas. Etanol, furosemid yoki gidroxlortiazidni bir vaqtda qabul qilish nebivololning farmakokinetikasiga ta'sir qilmaydi.
Nebivolol va varfarinning klinik ahamiyatli o‘zaro ta'siri aniqlanmagan.
Bir vaqtda qo‘llanganida simptomatik vositalar nebivololning faolligini susaytiradi.

Maxsus ko‘rsatmalar

Beta-adrenoblokatorlarni bekor qilishni sekin-asta 10 kun davomida o‘tkazishi kerak (yurak ishemik kasalligi bo‘lgan patsiyentlarda 2 haftagacha uzayadi).
AB va YuQS nazorati preparatni qabul qilishni boshida har kuni o‘tkazilishi kerak.
Keksa patsiyentlarda buyrak faoliyatini nazorat qilish zarur (4-5 oyda 1 marta).
Zo‘riqish stenokardiyasida preparatning dozasini YuQS tinch holatda minutiga 55-60 zarb, yuklamada - minutiga 110 zarbdan ko‘p bo‘lmagan chegarada ta'minlashi kerak. Beta-adrenoblokatorlar bradikardiyani chaqirishi mumkin agar YuQS minutiga 55-60 zarbdan kam bo‘lsa, dozani kamaytirish kerak (“

Qo‘llash mumkin bo‘lmagan holatlar

” bo‘limiga qarang).
Nebobeta preparatini psoriazi bo‘lgan patsiyentlarda qo‘llash to‘g‘risidagi masalani hal qilishda, preparatni qo‘llashdan bo‘lgan foyda va psoriazni kechishini mumkin bo‘lgan zo‘rayish xavfini sinchiklab qiyoslash kerak.
Kontakt linzalardan foydalanadigan patsiyentlar beta-adrenoblokatorlarni qo‘llash fonida ko‘z yoshi suyuqligini ishlab chiqarilishini pasayishi mumkinligini hisobga olishlari kerak.
Jarrohlik aralashuvlarini o‘tkazishda shifokor-anesteziologni patsiyent nebivololni qabul qilayotganligi to‘g‘risida ogohlantirishi kerak.
Nebobeta qandli diabeti bo‘lgan bemorlarda qon plazmasida lipidlarning kontsentratsiyasiga ta'sir qilmaydi. Shunga qaramay, bu patsiyentlarni davolashda extiyotkorlikka rioya qilish kerak, chunki nebivolol gipoglikemik vositalarini qo‘llash chaqirgan gipoglikemiyaning ayrim belgilarini (masalan, taxikardiyani) niqoblashi mumkin. Glyukozaning qon plazmasidagi kontsentratsiyasini nazoratini 4-5 oyda 1 marta o‘tkazish kerak (qandli diabeti bo‘lgan bemorlarda).
O‘SOK bo‘lgan patsiyentlarda beta-adrenoblokatorlarni extiyotkorlik bilan qo‘llash kerak, chunki bronxospazm kuchayishi mumkin.
Qalqonsimon bezining giperfunktsiyasida preparat taxikardiyani niqoblashi mumkin.
Beta-adrenoblokatorlar allergenlarga sezuvchanlikni va anafilaktik reaktsiyalarning og‘irligini oshirishi mumkin.
Chekuvchilarda beta-adrenoblokatorlarning samaradorligi, chekmaydigan patsiyentlarga qaraganda past.
Homiladorlik va emizish davrida qo‘llanishi
Preparatni homiladorlikda faqat, ona uchun bo‘lgan foyda homila uchun bo‘lgan xavfdan ustun bo‘lganda (yangi tug‘ilgan chaqaloqlarda bradikardiyani, arterial gipotenziyani, gipoglikemiyani va nafas falajini rivojlanishi mumkinligi tufayli) qat'iy ko‘rsatmalar bo‘yicha buyuriladi. Davolashni tug‘ruqdan 48-72 soat oldin to‘xtatish kerak. Bu mumkin bo‘lmagan hollarda chaqaloqlarni tug‘ilgandan keyin 48-72 soat davomida sinchkov kuzatuv bilan ta'minlash kerak.
Nebivololni ko‘krak suti bilan chiqarilishi to‘g‘risida ma'lumotlar yo‘q. Shuning uchun Nebobeta preparatini ayollarga emizish davrida qo‘llash tavsiya qilinmaydi. Agar Nebobeta preparatini laktatsiya davrida qo‘llash zarurati bo‘lsa, u holda emizishni to‘xtatish kerak.
Transport vositalari va mexanizmlarning boshqarish qobiliyatiga ta'siri
Tadqiqot ishlari, nebivololni psixomotor reaktsiyalar tezligiga ta'sir qilmasligini ko‘rsatadi. I darajali arterial gipertoniyasi bo‘lgan uchuvchilarga (uchish ishlariga ruxsat berilganlar) preparat boshlang‘ich 2,5 mg dozada buyuriladi. Keyinchalik (kamida 2 haftadan keyin) davolash yaxshi o‘zlashtirilganida va arterial bosimni yetarli nazorati ostida dozani 2,5 mg ga oshirish mumkin. Tavsiya qilinadigan doza sutkada 5 mg. Ayrim patsiyentlrda nojo‘ya samaralari, ko‘pincha AB ni pasayishi tufayli bosh aylanishi paydo bo‘lishi mumkin. Bunday nojo‘ya samaralari paydo bo‘lganida patsiyent transport vositalarini boshqarishi yoki alohida diqqat va tezkor psixomotor reaktsiyalarini talab qiladigan potentsial xavfli faoliyat turlari bilan shug‘ullanishi mumkin emas. Ushbu samaralar ko‘pincha davolash boshlaganidan keyin yoki doza oshirilganida paydo bo‘ladi.
Preparat bolalar ololmaydigan joyda saklansin va yaroklilik muddati o‘tganidan so‘ng qo‘llanilmasin.

Dozani oshirib yuborilishi

Simptomlari AB ni yaqqol pasayishi, yaqqol bradikardiya, AV blokada, kardiogen shok, o‘tkir yurak yetishmovchiligi, yurakni to‘xtab qolishi, bronxospazm, hushdan ketish, koma, ko‘ngil aynishi, qusish, sianoz.
Davolash me'dani yuvish, faollashtirilgan ko‘mir qabul qilish, AB ni yaqqol pasayishi hollarida oyoqlarini ko‘targan holda patsiyentni gorizontal yotqizish, zarurati bo‘lganida vena ichiga (v/i) suyuqlikni va vazopressorlarni yuborish kerak.
Yaqqol bradikardiyada v/i 0,5-2 mg atropin yuboriladi, ijobiy samara bo‘lmaganida transvenoz ritmining sun'iy ijobiy haydovchisini qo‘yish mumkin.
AV blokadada (II-III darajali) v/i beta-adrenoblokatorlarni yuborish tavsiya qilinadi, ularning samarasi bo‘lmaganida ritmning sun'iy haydovchisini qo‘yish masalasini ko‘rib chiqish kerak. Yurak yetishmovchiligida davolash yurak glikozidlari va diuretiklarni yuborishdan boshlanadi. Samara bo‘lmaganda dopamin, dobutamin yoki vazodilatatorlarni yuborish maqsadga muvofiqdir. Bronxospazmda v/i beta2 –adrenoblokatorlar yuboriladi. Yurak qorinchalari ekstrasistoliyasida - lidokain (IA sinfi aritmiyaga qarshi vositalarni yuborish mumkin emas).
Chikarilish shakli
Tabletkalar 2,5 mg va 5,0 mg dan. 10 tabletkadan blisterda. 1 yoki 3 blister qo‘llash bo‘yicha yo‘riqnomasi bilan birga karton qutida.

Saqlash sharoiti

25°S dan yuqori bo‘lmagan haroratda saqlansin. Quyosh nurlarini tushishidan himoya qilinsin.
Yaroklilik muddati
2 yil

Dorixonalardan berish tartibi

Retsept bo‘yicha

Ishlab chiqaruvchi

AGIO PHARMACEUTICALS LTD.
A/38, Nandjyot Industrial Estate,
Andheri-Kurla Road, Safed pool,
Mumbai-400 072. INDIA.
AtT-82, MIDC, Bhosari, Pune 411026