Preparatning savdo nomi
Olmesar G Ta'sir etuvchi moddalar (XPN) olmesartan medoksomil, gidroxlorotiazid
Dori shakli
plyonka qobiq bilan qoplangan tabletkalar
Tarkibi
Har bir tabletka quyidagilarni saqlaydi faol modda 12,5 mg gidroxlorotiazid, 20,0 mg olmesartan medoksomil; yordamchi moddalar laktoza monogidrati, L-gidroksipropiltsellyuloza, mikrokristall sellyuloza, magniy stearati, opadri II oq, temir II oksida bo‘yovchisi. Ta'rifi sariq rangli, dumaloq, ikki yoqlama qavariq, plyonka qobiq bilan qoplangan, bir tomonida bo‘luvchi chizig‘i bo‘lgan va boshqa tomoni tekis yuzali tabletkalar.
Farmakoterapevtik guruhi
antigipertenziv vosita (angiotenzin II retseptorlarining antagonisti gidroxlortiazid bilan majmuada). ATX kodi S09DA08
Farmakologik xususiyatlari
Angiotenzin II retseptorlarining antagonisti va tiazid diuretigidan tashkil topgan, gipotenziv ta'sirga ega bo‘lgan majmuaviy preparat. Ta'sir mexanizmi Angiotenzin II angiotenzinga aylantiruvchi fermentning (AAF) angiotenzin I ga ta'siri oqibatida hosil bo‘ladi. Angiotenzin II - renin-angiotenzin-aldosteron tizimining (RAAT) asosiy qon tomirlarni toraytiruvchi moddasi bo‘lib, uning ta'siri quyidagilardan iborat qon tomirlarni toraytirishi, aldosteron va vazopressinning sintezi va ajralib chiqishini rag‘batlantirish, kardiostimulyatsiya va organizmda natriy ionlarini tutilishi. Olmesartan qon tomirlarining silliq mushaklarida angiotenzin II ni AT1-retseptorlari bilan bog‘lanishiga ingibitsiya qilib, angiotenzin II ning qon tomirlarini toraytiruvchi samarasini susaytiradi. Gipertenziyada olmesartan medoksomil arterial bosimni dozaga bog‘liq, uzoq muddat pasayishini chaqiradi. Olmesartan medoksomilni sutkada 1 marta qabul qilish 24 soat davomida arterial bosimni samarali va yumshoq pasayishini ta'minlaydi, ayni paytda bir marta qabul qilinganidan keyingi samara, shu sutkalik dozada preparatni sutkada 2 marta qabul qilingandagi samara bilan bir xil. Olmesartanning gipotenziv ta'siri odatda kurslik qabul qilishning 2 haftasidan keyin aniqlanadi, maksimal davolovchi samarasi esa, davolash boshlanganidan keyin taxminan 8 hafta o‘tgach rivojlanadi. Gidroxlorotiazid - tiazid diuretik. Natriy ionlarini (Na+) qayta so‘rilishini susaytiradi, burma naychalarning proksimal qismida karboangidrazani bloklaydi, kaliy ionlarini (K+) (distal naychalarda natriy kaliyga almashadi), gidrokarbonatlar va fosfatlarni buyrak orqali chiqarilishini kuchaytiradi. Magniy ionlarini (Mg2+) chiqarilishini oshiradi; organizmda kaltsiy ionlarini (Ca2+) tutib qoladi. Diuretik samarasi 1-2 soatdan keyin rivojlanadi va 4 soat o‘tgach maksimumga yetadi, 10-12 soat davom etadi. Ta'siri kalava filtratsiyasining tezligi kamayganida pasayadi va kreatinin klirensini minutiga 30 ml bo‘lganida to‘xtaydi. Arterial bosim aylanayotgan qon xajmini kamayishi, qon tomirlar devorining reaktivligini o‘zgarishi, gangliylarga depressor ta'sirini kuchayishi hisobiga pasayadi.
Farmakokinetikasi
So‘rilishi Olmesartan medoksomil – olddori bo‘lib, me'da-ichak yo‘llari orqali o‘tishda olmesartangacha tez va to‘liq metabolizmga uchraydi. Olmesartanning farmakokinetik ma'lumotlari birinchi tartib taqsimlanish bilan ikki bosqichli modelda ta'riflanadi. Ichga qabul qilinganidan keyin qon plazmasidagi maksimal kontsentratsiyasi (Cmax) 1-3 soat o‘tgach aniqlanadi, yarim chiqarilish davri taxminan 13 soat tashkil qiladi, 20 mg doza ichga bir marta qabul qilinganida qon plazmasidagi kontsentratsiyasini vaqtga to‘g‘ri chiziqli bog‘liqligi aniqlanadi. Qabul qilinayotgan doza 80 mg gacha oshirilganida qon plazmasidagi olmesartanning maksimal kontsentratsiyasi deyarli bir tekis oshadi. Terapevtik chegara (40 dan 80 mg gacha) qiymatlaridan yuqori dozada bir marta va ko‘p marta qabul qilinganidan keyin, olmesartanning biokiraolishi proportsional o‘zgarmaydi. Tabletkalar qabul qilinganida maksimal biokiraolishi taxminan 26%. Ovqat qabul qilish olmesartanning biokiraolishini 10% gacha pasaytirib, biokiraolishligiga deyarli ta'sir qilmaydi. Olmesartanning statsionar kontsentratsiyasiga 3-5 kunda erishiladi. Har kuni bir marta qabul qilinganida qon plazmasida tuplanishi kuzatilmaydi. Taqsimlanish hajmi past, taxminan 17 l ni tashkil qiladi, bu to‘qimalarda cheklangan ekstravaskulyar taqsimlanishi bilan bog‘liq. Olmesartan qon plazmasi oqsillari bilan deyarli to‘liq (99%) bog‘lanadi va eritrotsitlarga kirmaydi. Buyrak va jigar yetishmovchiligi, yosh va tana vaznining kamligi kreatinin klirensini oshishini va olmesartanning biokiraolishligi ko‘rsatkichini oshishini chaqiradi. Gidroxlorotiazid tez va deyarli to‘liq (80%) so‘riladi. 60-80% ga qon plazmasi oqsillari bilan bog‘lanadi. Diuretik samarasi 2 soatdan keyin yuz beradi, 4 soat o‘tgach maksimumga yetadi va 12 soat davom etadi. Yarim chiqarilish davri 5,6 dan 14,8 soatgachani tashkil qiladi. Oshgan arterial bosimni pasayishiga yordam beradi. Bundan tashqari, qandsiz diabeti bo‘lgan bemorlarda poliuriyani kamaytiradi (ta'sir mexanizmi oxirigacha aniqlanmagan). Qator xollarda glaukomada ko‘z ichki bosimini pasaytiradi. Metabolizmi va chiqarilishi Olmesartan medoksomil. Me'da-ichak yo‘llaridan so‘rilishi vaqtida olmesartan medoksomilni olmesartanga tez va to‘liq metabolizmi bilan nomoyon bo‘ladi, keyinchalik olmesartan amalda metabolizmga uchramaydi. Umumiy plazma klirensi odatda soatiga 1,3 l ni tashkil qiladi (variatsiya koeffitsiyenti - 19%) va nisbatan past hisoblanadi, buyrak klirensi taxminan soatiga 0,6 l. Qabul qilingan dozaning taxminan 35-50% buyraklar orqali, taxminan 60% safro bilan chiqariladi. Olmesartanning jigar ichki sirkulyatsiyasi minimal. Olmesartanning katta qismi jigar orqali chiqarilishi tufayli, uni safro yo‘llarining obstruktsiyasi bo‘lgan bemorlarda qo‘llash man qilingan. Ko‘p marta qabul qilinganida olmesartanning yarim chiqarilish davri 10-15 soatni tashkil qiladi. Gidroxlorotiazid juda kam darajada metabolizmga uchraydi. Uning juda oz miqdorda aniqlangan yakka metaboliti 2-amino-4-xloro-M-benzendisulfonamid hisoblanadi. Gidroxlorotiazid jagarda metabolizmga uchramaydi, lekin buyraklar orqali tez chiqariladi (24 soatda 61%). Ichga qabul qilinganidan keyin qabul qilingan dozaning 60-80% me'da-ichak yo‘llaridan so‘riladi. Plazmada maksimal kontsentratsiyaga (Smax) erishi vaqti 1,5-3 soatni tashkil qiladi. Gidroxlorotiazid eritrotsitlarda to‘planadi. Plazma oqsillari bilan 40-70% ga bog‘lanadi. Taqsimlanish xajmi (Vd) chiqarilishining terminal fazasida 3-6 l/kg ni tashkil qiladi (bu 70 kg tana vaznida 210-420 l ga ekvivalent). Gidroxlorotiazidni plazmadan chiqarilishi ikki fazali xarakterga ega yarim chiqarilish davri (T1/2) boshlang‘ich fazada 2 soatni, terminal fazada - taxminan 10 soatni tashkil qiladi. Buyrak faoliyati normal bo‘lgan patsiyentlarda chiqarilishi deyarli faqat buyrak orqali amalga oshiriladi. Ichga qabul qilingan dozaning 50-75% o‘zgarmagan xolda siydik bilan chiqariladi. Klirensi keksa yoshli patsiyentlarda va buyraklar faoliyatini buzilishlarida gidroxlorotiazidning ahamiyatli pasayadi, bu qon plazmasida uning kontsentratsiyasini ahamiyatli oshishiga olib keladi. Keksa bemorlarda aniqlanadigan klirensni pasayishi, ehtimol, buyrak faoliyatini yomonlashishi bilan bog‘liqdir. Jigar sirrozi bo‘lgan bemorlarda gidroxlorotiazidning farmakokinetikasini o‘zgarishlari aniqlanmagan. Olmesartan medoksomil bilan bir vaqtda qo‘llanganida gidroxlorotiazidning tizimli biokiraolishligi taxminan 20% ga pasayadi, lekin bu klinik ahamiyatga ega emas. Gidroxlorotiazidni bir vaqtda qabul qilish olmesartanning farmakokinetikasiga ta'sir qilmaydi. Olmesartan medoksomil va gidroxlorotiazid bilan majmuaviy davolashni qo‘llash, yengil va o‘rtacha og‘irlik darajasidagi gipertenziyasi bo‘lgan shaxslarda buzilgan buyrak faoliyatini yomonlashtirmay, siydik kislotasining kontsentratsiyasi qiymatlarini, jigar fermentlarining darajasini yoki noxush reaktsiyalar tufayli davolashni bekor qilishlar sonini oshirmay, sutkalik arterial bosim va davolashga javobni dozaga bog‘liq yaxshilaydi. Majmuaviy preparat qo‘llanganida maksimal terapevtik samara 4 hafta qabul qilingandan keyin, axamiyatli samarasi esa - 1 haftadan keyin aniqlanadi.
Qo‘llanilishi
Essentsial gipertenziyada (olmesartan medoksomil bilan monoterapiyaning samarasizligida) .
Qo‘llash usuli va dozalari
Ichga, tabletka chaynamasdan, kuniga bir marta ovqat qabul qilishdan qatiy nazar qabul qilinadi. Preparatni tavsiya qilingan dozasi - 1 tabletka (20 mg + 12,5 mg)dan sutkada bir marta. Preparatni ikki hafta qabul qilingandan keyin arterial bosim yetarlicha pasaymagan patsiyentlar uchun, kuniga 12,5 mg gidroxlorotiazid yoki boshqa gipotenziv preparatlar bilan qo‘shimcha davolash qo‘llanishi mumkin. Keksa yoshli (65 yoshdan katta) patsiyentlar uchun dozani tuzatish talab qilinmaydi. Birinchi qabul qilish yoki bekor qilishdagi preparatning ta'sirini o‘ziga xosligi Eng katta samaraga va gipertoniyani yaxshiroq kompensatsiyasiga erishish uchun, preparatni qabul qilishni sutkaning taxminan bir vaqtida o‘tkazish kerak. Preparatni birinchi qabul qilishda va qabul qilishni birinchi birnecha kunlari davomida, arterial bosimni xaddan ziyod pasayib ketishi mumkinligi tufayli, arterial bosim raqamlarini nazorat qilish kerak. Qabul qilish to‘xtatilganidan keyin preparat o‘ziga xos ta'sir xususiyatlariga ega emas (“bekor qilish sindromi”). Preparatning bir yoki bir necha dozalarini qabul qilish o‘tkazib yuborilganida tibbiy xodim va patsiyentning harakatini ta'rifi Bir dozani qabul qilish vaqti o‘tkazib yuborilganida preparatning dozasini iloji boricha tezroq qabul qilish kerak, agarda siz dorini qabul qilish haqida, qabul uchun belgilangan vaqtga yaqin vaqtda eslagan bo‘lsangiz, preparatning navbatdagi dozasini qabul qiling, preparatning ikki barobar dozasini qabul qilish mumkin emas.
Nojo‘ya ta'sir
lari Nojo‘ya samaralarini paydo bo‘lish tez-tezligini baxolash uchun quyidagi mezonlar ishlatiladi juda tez-tez (>1/10); tez-tez (>1/100 <1/10); ba'zida (>1/1000 >1/100); kam (>1/10000 <1/1000); juda kam (<1/10000 alohida xabarlarni xam qo‘shib) Moddalar almashinuvini buzilishlari ba'zida - giperurikemiya, gipertriglitseridemiya. Nerv tizimi tomonidan buzilishlar tez-tez - bosh aylanishi, ba'zida - sinkope. Yurak-qon tomir tizimi tomonidan buzilishlar ba'zida - taxikardiya, arterial gipotenziya, ortostatik gipotenziya. Teri qoplamalari tomonidan buzilishlar ba'zida - teri toshmasi, ekzema. Umumiy xarakterga ega buzilishlar tez-tez – kuchli toliqish, ba'zida - umumiy holsizlik. Laboratoriya tekshirishlarining ko‘rsatgichlari ba'zida - qonda kaliy darajasini pasayishi, qonda kaliy, kaltsiy, mochevina, lipidlar darajasini oshishi. Qonda siydik kislotasi, mochevina azoti va kreatinin darajasini ahamiyatsiz oshishi, shuningdek gemoglobin va gematokrit ko‘rsatgichlarini ahamiyatsiz pasayishi. Faol moddalar alohida qo‘llanganida quyidagi nojo‘ya samaralar aniqlangan Olmesartan medoksomil O‘ta kam hollarda belda og‘riqlar, bronxit, faringit, sinusit, rinit, kreatinfosfokinaza darajasini oshishi, gematuriya, gipertriglitseridemiya, giperglikemiya, diareya, bosh og‘rig‘i, grippsimon sindrom. Gidroxlorotiazid Elektrolitlar balansini buzilishi, shu jumladan giponatriyemiya (charchoqlik, ta'sirchanlik, mushaklarni tirishishi, ongni chalkashishi), gipoxloremik alkaloz, gipokaliyemiya (og‘izni qurishi, chanqoqlik, aritmiya, mushaklarda spazm yoki og‘riq, ko‘ngil aynishi, qusish, kuchsizlik), agranulotsitoz, trombotsitopeniya, allergik reaktsiyalar (teri toshmasi, eshakemi), jigar faoliyatini buzilishi, xoletsistit, pankreatit, podagrani zo‘rayishi, giperurikemiya, anoreksiya, potentsiyani pasayishi, diareya, ortostatik gipotenziya, fotosezuvchanlik, gastralgiya, giperxolesterinemiya, giperglikemiya.
Qo‘llash mumkin bo‘lmagan holatlar
- Preparatga yoki tayyor dori shaklining tarkibiga kiruvchi komponentlarga yuqori sezuvchanlik. - Xolestaz va o‘t chiqarish yo‘llarining obstruktsiyasi. - Surunkali buyrak yetishmovchiligi (kreatinin klirensi minutiga 20 ml dan kam). - Buyrak ko‘chirib o‘tkazilganidan keyingi holat (klinik qo‘llashning tajribasi yo‘q). - Homiladorlik va emizish davri. - 18 yoshgacha bo‘lgan bolalar. - Podagra. - Qandli diabet (og‘ir shakli). - Gipokaliyemiya, giperkaliyemiya, giponatriyemiya. - Laktozani o‘zlashtiraolmaslik, laktaza yetishmovchiligi, glyukoza-galaktozani malabsorbtsiyada qo‘llash mumkin emas.
Dorilarning o‘zaro ta'siri
Olmesartan+Gidroxlorotiazid majmuaviy preparatini quyidagi preparatlar bilan bir vaqtda qo‘llash tavsiya etilmaydi Qon plazmasida litiy ionlarining kontsentratsiyasini oshishi va toksikligini kuchayishi mumkinligi tufayli, litiy tuzlari yoki uning ionlarini saqlovchi preparatlarni qo‘llash tavsiya etilmaydi. Olmesar G preparatini quyidagi preparatlar bilan bir vaqtda qabul qilishni ehtiyotkorlik bilan o‘tkazish kerak Preparat Baklofen bilan birga qo‘llanganida gipotenziv ta'siri kuchayishi mumkin. Nosteroid yallig‘lanishga qarshi preparatlar bilan birga qabul qilish - gipotenziv samarasini pasayishi mumkin; buyrak kasalliklari bo‘lgan bemorlarda buyrak faoliyatini hatto o‘tkir buyrak yetishmovchiligini rivojlanishigacha yomonlashishi mumkin. Amifostin - gipotenziv ta'siri kuchayishi mumkin. Boshqa gipotenziv preparatlar - gipotenziv ta'siri kuchayishi mumkin. Alkogol, barbituratlar, narkotik vositalar, antidepressantlar - ortostatik gipotenziya paydo bo‘lishi yoki kuchayishi mumkin. Olmesan G majmuaviy preparatining tarkibiga kiruvchi faol moddalarni qo‘llashdagi ehtiyotkorlik choralari. Olmesartan medoksomil Qon plazmasida kaliyning darajasini oshiruvchi preparatlar (kaliy tejovchi diuretiklar, geparin, AAF ingibitorlari) bilan qo‘llash tavsiya qilinmaydi - giperkaliyemiya rivojlanishi mumkin. Magniy va alyuminiy gidroksidlarini saqlovchi so‘rilmaydigan antatsidlar bir vaqtda qabul qilinganida, olmesartan medoksomilning biokiraolishligini ahamiyatsiz pasayishi aniqlangan. Olmesartan medoksomilni varfarin, digoksin yoki pravastatin bilan qo‘llash sog‘lom ko‘ngilliklarda farmakokinetik ko‘rsatkichlarni o‘zgartirmagan. Gidroxlorotiazid Qonda kaliyning darajasini pasaytiruvchi preparatlar (organizmdan kaliyni chiqaruvchi boshqa diuretiklar, surgi vositalar, glyukokortikosteroidlar, adrenokortikotropin, amfoteritsin, karbenoksolon, G penitsillinning natriyli tuzi, salitsilatlar) bilan - gipokaliyemiya rivojlanishi mumkin. Qo‘llanganida ehtiyotkorlikka rioya qilish kerak bo‘lgan majmualar. Kaltsiy tuzlari - qonda kaltsiyning darajasi oshadi. Kolestiramin va kolestipol - gidroxlorotiazidni so‘rilishi kamayishi mumkin. Angishvonagul glikozidlari - aritmiyalarni rivojlanishi bilan birga gipokaliyemiya va gipomagniyemiya paydo bo‘lishi mumkin. Gipokaliyemiyada nojo‘ya samaralarini ehtimoli ko‘proq bo‘lgan preparatlar (Ia va III sinfi antiaritmik preparatlar, antipsixotik vositalar, masalan tioridazin, xlorpromazin, levomepromazin, trifluoperazin, siamemazin, sulpirid, sultoprid, amisulpirid, tiaprid, pimozid, galoperidol, droperidol; boshqa preparatlar, masalan bapridil, sizaprid, difemanil, sparfloksatsin, terfenadin, vena ichiga yuborish uchun vinkamin) - xatto qorinchalar fibrillyatsiyasigacha bo‘lgan og‘ir yurak aritmiyalari rivojlanishi mumkin. Qutbsizlantiruvchi ta'sirga ega bo‘lmagan miorelaksantlar (tubokurarin) - miorelaksantlarning ta'siri kuchayishi mumkin. Antixolinergik preparatlar (atropin) - tiazid diuretiklarning biokiraolishligi oshadi. Qandli diabetga qarshi preparatlar (insulin va peroral gipoglikemik vositalar) - gidroxlorotiazidni glyukozaga tolerantlikka ta'sir qilishi oqibatida bu preparatlarning dozasini tuzatish talab qilinishi mumkin. Metformin - gidroxlorotiazidning ta'siri ostida mumkin bo‘lgan buyrak yetishmovchiligi oqibatida laktat atsidoz rivojlanishi xavfi bor. Beta-adrenoretseptorlaning blokatorlari va diazoksid - tiazidlar ularning giperglikemik ta'sirini kuchaytirishi mumkin. Simpatomimetiklar (norepinefrin) - simpatomimetiklarning ta'siri susayishi mumkin. Podagrani davolash uchun preparatlar (probenetsid, sulfinpirazon, allopurinol) - gidroxlortiazidning ta'siri ostida qon zardobida siydik kislotasining darajasini oshishi, gidroxlorotiazidning ta'siri ostida allopurinolga o‘ta yuqori sezuvchanlik reaktsiyalar tez-tezligini oshishi oqibatida, bu preparatlarning dozasini tuzatish talab qilinishi mumkin. Sitotoksik preparatlar (tsiklofosfamid, metotreksat) - tiazidlar ularning buyrak orqali chiqarilishini kamaytirishi va shu bilan ularning miyelosupressiv samarasini oshirishlari mumkin. Salitsilatlar - ular yuqori dozalarda qo‘llanganida markaziy nerv tizimiga ularning toksik ta'siri oshadi. Metildopa - gemolitik anemiya rivojlanishi mumkin. Siklosporin - giperurikemiya va podagrasimon asoratlarni rivojlanish xavfi oshishi mumkin. Tetratsiklinlar, shu jumladan doksitsiklin - qonda mochevina darajasini oshish ehtimoli oshadi. Vazodilatatorlar, beta-adrenoblokatorlar, barbituratlar, fenotiazidlar, tritsiklik antidepressantlar va etanol gipotenziv samarani kuchaytiradi. Gidroxlorotiazid ichga qabul qilinganida gipoglikemik vositalarning, norepinefrin, epinefrin va diabetga qarshi vositalarning ta'sirini susaytiradi. Kolestamin so‘rilishini kamaytiradi. Peroral kontratseptivlarning samaradorligini kamaytiradi.
Maxsus ko‘rsatmalar
Preparatni qo‘llashdan oldin suvni iste'mol qilishning to‘g‘ri tartibiga rioya qilish kerakligi haqida patsiyentni ogohlantirish kerak, suvni cheklash arterial bosimni keskin pasayishiga va buning oqibatida bosh aylanishi va xushdan ketishga olib kelishi mumkin. Preparatni qo‘llashdan oldin natriy va kaliy ionlarining miqdorini aniqlash, kaliy va magniyning miqdori yuqori bo‘lgan kompensator parhezni buyurish kerak. Simptomatik gipotenziya rivojlanishini oldini olish uchun preparatni qo‘llashdan oldin aylanayotgan qon xajmini va/yoki u bo‘lganida natriy ionlarining tanqisligini yo‘qotish kerak. Buyraklar faoliyatini og‘irligi yengil yoki o‘rtacha darajali buzilishi (kreatinin klirensi - 30-60 ml/min) bo‘lgan bemorlarda preparat qo‘llanganida, dozani tuzatish talab qilinmaydi, lekin buyrak faoliyatini va qon zardobida kaliy va siydik kislotasining darajalarini muntazam nazoratini o‘tkazish tavsiya etiladi. Jigar faoliyatini buzilishi bo‘lgan patsiyentlarda preparatni qo‘llashni shifokorning kuzatuvi ostida katta ehtiyotkorlik bilan olib borish kerak. Buyrak faoliyatini buzilishi bo‘lgan patsiyentlarda tiazid diuretiklar azotemiya chaqirishi mumkin, shuning uchun buyrak yetishmovchiligi aniq rivojlanib borganida preparatni buyurish masalasini qayta ko‘rib chiqish kerak. Dekompensatsiyalangan yurak yetishmovchiligi, buyrak kasalliklari, o‘tkir gipotenziya, azotemiya, oliguriya rivojlanishi mumkinligi tufayli, renovaskulyar gipertenziyasi, kam hollarda - o‘tkir buyrak yetishmovchiligi bo‘lgan patsiyentlarda, preparat ehtiyotkorlik bilan qo‘llanadi. Shuningdek aortal yoki mitral stenozi, obstruktiv gipertrofik kardiomiopatiyasi bo‘lgan bemorlarda preparat qo‘llanilganida ham alohida ehtiyotkorlik talab qilinadi. Birlamchi giperaldosteronizmi bo‘lgan bemorlarda preparatni qo‘llash maqsadga muvofiq emas. Tiazid diuretiklar bilan davolash glyukozaga tolerantlikni buzishi va yashirin qandli diabetni kuchayib ketishiga olib kelishi mumkin, qandli diabeti bo‘lgan bemorlarda esa insulinning yoki peroral diabetga qarshi preparatlarning dozasini tuzatishni talab qilishi mumkin. Preparat qo‘llanganida qon zardobida kaliy va boshqa elektrolitlar darajasini vaqti-vaqti bilan nazorat qilish tavsiya etiladi. Preparatning tarkibida gidroxlorotiazidni borligi tizimli qizil yugurikni zo‘rayishi yoki faollishishini sababi bo‘lishi mumkin. Preparatning tarkibida gidroxlorotiazidni borligi dopingga ijobiy testni sababi bo‘lishi mumkin. Yurak ishemik kasalligi yoki bosh miya qon tomirlarining aterosklerozi bo‘lgan patsiyentlarda arterial bosimni haddan ziyod pasayishi, miokard infarkti yoki ishemik insultni rivojlanishiga olib kelishi mumkinligini ko‘zda tutish kerak. Homiladorlik va laktatsiya davrida qo‘llanishi Homiladorlik vaqtida preparatni qo‘llash mumkin emas. Laktatsiya davrida qo‘llash zarurati bo‘lganida emizishni to‘xtatish kerak. Avtomobilni va murakkab mexanizmlarni boshqarish qobiliyatiga ta'siri Preparatni transport vositalari yoki boshqa texnik vositalarni boshqarish qobiliyatiga ta'siri o‘rganilmagan. Yuqori diqqatni va psixomotor reaktsiyalar tezligini talab qiluvchi potentsial xavfli faoliyat turlari bilan shug‘ullanishda ehtiyotkorlikka rioya qilish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Simptomlari arterial bosimni yaqqol pasayishi, gipokaliyemiya (adinamiya, falaj, qabziyat, aritmiya), uyquchanlik, gipertenziya, taxikardiya, bradikardiya kuzatilishi mumkin. Davolash doza oshirib yuborilganida me'dani yuvish o‘tkaziladi, faollashtirilgan ko‘mir qo‘llanadi, simptomatik va tutib turuvchi davolash o‘tkaziladi (shu jumladan elektrolitli eritmalarni infuziyasi (masalan, 0,9% li natriy xloridi eritmasi yoki Gemodez N kaliy ionlari yoki aylanayotgan qon hajmining tanqisligini to‘ldirish uchun)). Garchi gidroxlorotiazidning dozasi oshirib yuborilganida gemodializ samarali bo‘lsa ham, dializning samaradorligi haqida ma'lumotlar yo‘q.
Chiqarilish shakli
Plyonka qobiq bilan qoplangan tabletkalar, 12,5 mg + 20 mg. 7 tabletka blisterda. 4 blister iste'molchi uchun preparatni qo‘llash bo‘yicha yo‘riqnomasi bilan karton qutida.
Saqlash sharoiti
Quruq, yorug‘likdan ximoyalangan joyda, 25oS dan yuqori bo‘lmagan haroratda saqlansin.
Yaroqlilik muddati
3 yil.
Dorixonalardan berish tartibi
Retsept bo‘yicha.
Ishlab chiqaruvchi
Macleods Pharmaceuticals Ltd., 304, Atlanta Arkade, Marol Chech Roud, Anderi (Ist), Mumbay -400059, Hindiston