Preparatning savdo nomi
Papazol

Dori shakli
tabletkalar

Tarkibi

Bir tabletka quyidagilarni saqlaydi
ta'sir etuvchi moddalar bendazol – 30 mg, papaverin gidroxloridi – 30 mg
yordamchi moddalar kartoshka kraxmali, talk, kaltsiy stearati.
Ta'rifi oq yoki deyarli oq rangli, biroz marmar, yassi silindrik, faskali tabletkalar.

Farmakoterapevtik guruhi
boshqa periferik vazodilatatorlar.
ATX kodi S04AX.


Qo‘llanilishi

Periferik va serebral qon tomirlarni o‘rtacha namoyon bo‘lgan spazmlari, arterial gipertenziyani yengil shakllari, ichki a'zolarning silliq mushak spazmlarida (me'daning o‘n ikki barmoqqa o‘tadigan joyi spazmi, buyrak va jigar sanchiqlari, xoletsistit, me'da va o‘n ikki barmoq ichakning yara kasalligi, spastik kolit) qo‘llaniladi.


Qo‘llash usuli va dozalari

Kattalarga 1 tabletkadan sutkada 2-3 marta qo‘llaniladi. Davolash kursi davomiyligini, davolash samaradorligi va o‘zlashtirilishiga qarab shaxsiy ravishda belgilanadi. Maksimal davolash kursi 3-4 xaftani tashkil qiladi.

Nojo‘ya ta'sirlari
Me'da ichak yo‘llari tomonidan ko‘ngil aynishi, qabziyat.
Markaziy nerv tizimi tomonidan uyquchanlik, ko‘p terlash.
Yurak-qon tomir tizimi tomonidan yurak ritmini buzilishi, yurakdan otilib chiqayotgan qon xajmini kamayishi, buning oqibatida EKG ko‘rsatkichlarni yomonlashuvi kuzatilishi mumkin.
Allergik reaktsiyalar teri toshmasi, qichishish, eshakemi, Kvinki shishi.
Har qanday noxush holatlar paydo bo‘lgan holatda, bemor shifokor bilan maslahatlashish zarur!


Qo‘llash mumkin bo‘lmagan holatlar

Arterial gipotenziya, atrioventrikulyar o‘tkazuvchanlikni buzilishi, mushaklarning tonusi oshishi, tirishish sindromi, 18 yoshgacha bolalar, eozinofiliya, qonda transaminazalar darajasini oshishi, 60 yoshdan oshganlar, homiladorlik, emizish davri, preparat komponentlariga yuqori sezuvchanlik, jigar faoliyatini buzilishida qo‘llash mumkin emas.
Ehtiyotkorlik bilan
60 yoshdan oshgan shaxslarni davolashda ularda yurakdan otilib chiqayotgan qon hajmini kamayishi va elektrokardiogramma (EKG) ko‘rsatkichlarni yomonlashishi mumkinligi tufayli ehtiyotkorlik bilan buyurish va iloji boricha Papazolni qisqa davolash kurslarini qo‘llash kerak.
Bosh miya jarohati, jigar va buyrak faoliyati buzilishlari, gipotireozi, buyrak usti bezi faoliyati yetishmovchiligi bo‘lgan shaxslarda Papazolni faqat kichik dozalarini qo‘llash lozim, chunki ularda dori vositasini gipotenziv ta'siri kuchayishi mumkin. Prostata bezining xavfsiz giperplaziyasi bo‘lgan shaxslarda Papazolni yuqori dozalari siydikni o‘tkir tutilishini rivojlanishiga olib kelishi mumkin.
Buyrak va/yoki jigar yetishmovchiligida; sekretni haddan ziyod to‘planishi bilan kechuvchi bronx kasalliklarida; anamnezida me'dadan qon ketishi bo‘lganda ehtiyotkorlik bilan qo‘llash lozim.

Dorilarning o‘zaro ta'siri
Fentolamin, β-blokatorlar va boshqa antigipertenziv vositalar, diuretiklar bilan birga qo‘llanganda gipotenziv samara kuchayadi. Preparatni bir vaqtda β-adrenoblokatorlar bilan bir vaqtda qabul qilish, β-adrenoblokatorlar chaqiruvchi, qon tomirlarni umumiy periferik qarshiligini kuchayishini oldini oladi. Metildopa bilan bir vaqtda qo‘llanganda metildopaning samarasini kamaytiradi. Tamaki chekish preparatni samaradorligini pasaytiradi.


Maxsus ko‘rsatmalar

Homiladorlik yoki emizish davrida qo‘llanilishi
Homiladorlik vaqtida preparatni qabul qilish mumkin emas. Preparat bilan davolash zarurati bo‘lsa, emizishni to‘xtatish zarur.
Avtotransportni yoki boshqa mexanizmlarni boshqarishdareaktsiya tezliliga ta'sir qilish qobiliyati
Preparatni qo‘llashda avtotransportni boshqarish va murakkab mexanizmlar bilan ishlashdan iloji boricha saqlanish kerak.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Simptomlari arterial gipotenziya, ko‘p terlash, qizib ketish hissi, bosh aylanishi, ko‘ngil aynishi, ko‘rishni buzilishi.
Davolash preparatni bekor qilish, faollashtirilgan ko‘mir bilan me'dani yuvish, tuzli surgi vositalarni qo‘llash. Simptomatik davolash. Maxsus antidoti yo‘q.


Chiqarilish shakli

Kontur uyali o‘ramda №10, o‘ramda №10x1, №10x2.
Kontur uyasiz o‘ramda №6, o‘ramda №6x1.
Statsionarlar uchun
Kontur uyali o‘ramda №10, o‘ramda №10x1000.
Kontur uyasiz o‘ramda №6, o‘ramda №6x1400.


Saqlash sharoiti

Yorug‘likdan va namlikdan himoyalangan joyda, 5oS dan 30oS gacha bo‘lgan haroratda.


Yaroqlilik muddati

5 yil.

Dorixonalradan berish tartibi
Retseptsiz.


Ishlab chiqaruvchi

«Borisovskiy zavod meditsinskix preparatov» Ochiq aktsionerlik jamiyati,
Belarus Respublikasi, Minsk vil., Borisov sh., Chapayev ko‘ch., 64/27
tel/faks +375 (177) 735612.