Preparatning savdo nomi
Yuperio™
Ta'sir etuvchi moddalar (XPN) valsartan/sakubitril

Dori shakli
plyonka qobiq bilan qoplangan tabletkalar

Tarkibi

Plyonka qobiq bilan qoplangan 1 ta Yuperio™ 24 mg/26 mg tabletka quyidagilarni saqlaydi
faol moddalar sakubitril va valsartan 56,551 mg natriyli tuzi gidratlangan kompleksi (50 mg suvsiz kislota shakliga ekvivalent);
Plyonka qobiq bilan qoplangan 1 ta Yuperio™ 49 mg/51 mg tabletka quyidagilarni saqlaydi
faol moddalar sakubitril va valsartan 113,103 mg natriyli tuzi gidratlangan kompleksi (100 mg suvsiz kislota shakliga teng);
Plyonka qobiq bilan qoplangan 1 ta Yuperio™ 97 mg/103 mg tabletka quyidagilarni saqlaydi
faol moddalar sakubitrila va valsartana 226,206 mg natriy tuzli gidratlangan kompleksi (200 mg suvsiz kislota shakliga teng);
yordamchi moddalar
mikrokristall sellyuloza, quyi almashingan gidroksipropiltsellyuloza, magniy stearati (o‘simliklardan olingan), talk va kolloid kremniy dioksidi;

plyonka qobig‘ining yordamchi moddalari

Yuperio™ 24 mg/26 mg va Yuperio™ 97 mg/103 mg uchun gipromelloza, titan dioksidi (E 171), Makrogol 4000, talk, temir (III) oksidi (E 172), temir (II, III) oksidi (E 172).
Yuperio™ 49 mg/51 mg uchun gipromelloza, titan dioksidi (E 171), Makrogol 4000, talk, temir (III) oksidi (E 172), temir (II) oksidi (E 172).
Ta'rifi
Yuperio™ 24 mg/26 mg ikki tomoni qavariq, chekkalari kesilgan, yassi yuzali, dumaloq shakldagi oq-binafsha rangli plyonka qobiq bilan qoplangan, bir tomonida “NVR” o‘yiqchasi va ikkinchi tomonida – “LZ” gravirovkasi bo‘lgan tabletka.
Yuperio™ 49 mg/51 mg ikki tomoni qavariq, chekkalari kesilgan och-sariq rangli plyonka qobiq bilan qoplangan, silliq yuzali, bir tomonida “NVR” o‘yiqchasi va ikkinchi tomonida – “L1” o‘yiqchasi tabletka.
Yuperio™ 97 mg/103 mg ikki tomoni qavariq, plyonka qobiq bilan qoplangan, chekkalari kesilgan och-pushti rangli, silliq yuzali, bir tomonida “NVR” gravirovkasi va ikkinchi tomonida – “L11” gravirovkasi bo‘lgan tabletka.

Farmakoterapevtik guruhi
antigipertenziv vositalar.
ATX kodi C09DX04


Farmakologik xususiyatlari

Ta'sir mexanizmi
Yuperio™ preparati LBQ657 – sakubitrilning faol metabolitini hosil bo‘lishi va valsartan hisobiga 1-tipdagi II angiotenzin retseptorini (AT1) bloklash hisobiga bir vaqtning o‘zida neprilizin (neytral endopeptidazlar (NEP) ta'sirini ingibitsiya qilish orqali angiotenzin-neprilizin retseptori ingibitori (ARNI)ning yangi ta'sir mexanizmini o‘z ichiga oladi. Yuperio™ preparati yurak yetishmovchiligi bo‘lgan patsiyentlarda yurak-qon tomir tizimiga va buyrakka bir-birini to‘ldiruvchi ijobiy samaralari peptidlar darajasining oshishi bilan bog‘liq bo‘lib, ular natriyuretik peptidlar (NP) kabi neprilizin tomonidan parchalanadi, bu esa LBQ657 ta'siri va bir vaqtning o‘zida valsartan tomonidan angiotenzin II salbiy ta'sirini susayishi bilan bog‘liqdir. NP guanilattsiklaza bilan bog‘langan membrana bog‘lovchi retseptorlarni faollashtiradi, bu esa vazodilatatsiyani yuzaga keltiruvchi siklik guanozinmonofosfatning ikkilamchi messenjeri kontsentratsiyasi oshishiga, natriyurez va diurez oshishiga, kalavalar filtratsiyasi va buyrak orqali qon oqimi tezligi oshishiga, renin va aldosteronning ajralib chiqishini susayishiga, simpatik nerv tizimi faolligi pasayishiga, shuningdek antigipertrofik va antifibrotik samaralarlarga olib keladi. Renin-angiotenzin-aldosteron tizimning uzoq vaqt faollashishi vazokonstriktsiyaga, buyrak tomonidan natriy va suv ushlab qolinishiga, hujayralar o‘sishi va proliferatsiyasi faollashuviga hamda kelgusida yurak-qon tomir tizimining noadekvat remodellanishiga olib keladi. Valsartan AT1 retseptorlarini selektiv bloklash hisobiga angiotenzin II ning yurak-qon tomir tizimiga va buyrakka salbiy ta'sirlarini, shuningdek angiotenzin II-bog‘liq aldosteron ajralib chiqishini susaytiradi.

Farmakodinamika
si
Yuperio™ preparatining farmakodinamik samaralari sog‘lom ko‘ngillilarga va yurak yetishmovchiligi bo‘lgan patsiyentlarga bir marta va ko‘p marta yuborilgandan so‘ng baholanib, ular bir vaqtning o‘zida neprilizin ingibitsiya qilinishi va RAAT ni blokadasiga mos keladi.
Valsartanni qiyosiy preparat bilan solishtirish 7 kunlik nazorat qilinadigan tadqiqotda chap qorinchadan otilib chiqayotgan qon xajmini kamayishi bilan yurak yetishmovchiligi bo‘lgan patsiyentlarda Yuperio™ preparati qabul qilinishi valsartanga nisbatan natriyurezning ahamiyatli noturg‘un oshishiga, siydik va qon plazmasi tarkibida siklik guanozinmonofosfatning ikkilamchi messenjeri oshishiga hamda yurak bo‘lmachasi natriyuretik peptidi (MR-proANP) va miya natriyuretik peptidi (NT-proBNP) o‘tmishdoshi N-uchli fragmenti darajasi pasayishiga olib kelgan. Chap qorinchadan otilib chiqayotgan qon xajmi kamaygan patsiyentlar ishtirokidagi 21 kunlik tadqiqotda Yuperio™ preparati yurak bo‘lmachasi natriyuretik peptidi (ANP) va siydikda siklik guanozinmonofosfatning ikkilamchi messenjeri, qon plazmasida siklik guanozinmonofosfatning ikkilamchi messenjeri darajasini sezilarli oshirgan hamda plazmadagi NT-proBNP, aldosteron va endotelin-1 darajalarining dastlabki darajaga nisbatan pasayishiga olib kelgan. Shuningdek, Yuperio™ preparati AT1retseptorini bloklaydi, qon plazmasida renin faolligi va kontsentratsiyasi oshganligi bundan dalolat beradi. PARADIGM-HF tadqiqotida Yuperio™ preparati enalaprilga nisbatan plazmadagi NT-proBNP kontsentratsiyasini pasaytirgan va plazmadagi miya natriyuretik peptidi (BNP) kontsentratsiyasini va siydikda siklik guanozinmonofosfatning ikkilamchi messenjeri kontsentratsiyasini oshirgan. Garchi BNP neprilizin substrati bo‘lsada, NT-proBNP bunday hisoblanmaydi. Shunday qilib, NT-proBNP (biroq, BNP emas) Yuperio™ preparatini qabul qiluvchi yurak yetishmovchiligi bo‘lgan patsiyentlarda monitoring uchun mos biomarker hisoblanadi.
Sog‘lom ko‘ngilli-erkaklarda Yuperio™ preparatini bir martalik 194mg/206mg va 583mg/617mg dozalari QT intervali batafsil o‘rganilgan klinik tadqiqotlarda Yuperio™ preparati yurak repolyarizatsiyasiga ta'sir ko‘rsatmagan.
Neprilizin bosh miya amiloidi-β (Aβ) va orqa miya suyuqligi metabolizmida ishtirok etadigan bir necha fermentlardan biri hisoblanadi. Sog‘lom ko‘ngillilarga Yuperio™ preparatining 2 hafta davomida kuniga bir marta 194mg/206mg dozalari yuborilishi orqa miya suyuqligida Aβ 1-38 darajasining platseboga nisbatan oshishi bilan bog‘liq bo‘lgan; biroq orqa miya suyuqligida Aβ 1-40 va 1-42 kontsentratsiyalarining o‘zgarishlari qayd etilmagan. Qayd etilgan natijalarning klinik ahamiyati noma'lum (“Klinik oldi tadqiqotlardan xavfsizlik to‘g‘risidagi ma'lumotlar” bo‘limiga qarang).


Farmakokinetikasi

So‘rilishi
Yuperio™ preparati peroral yuborilgandan so‘ng, sakubitril va valsartanga parchalanadi, u so‘ngra LBQ657 hosil bo‘lishi bilan metabolizmga uchraydi va plazmada, muvofiq ravishda, 0,5 soat, 2 soat va 1,5 soatdan keyin maksimal kontsentratsiyaga erishadi. Sakubitril va valsartan peroral yuborilganda mutloq biokiraolishligi, muvofiq ravishda, 60% va 23%ni tashkil etadi.
Yuperio™ preparati kuniga ikki marta yuborilgandan so‘ng, sakubitril, LBQ657 va valsartanning muvozanat holatiga 3 kundan keyin erishiladi. Sakubitril va valsartan sezilarli to‘planishni namoyon qilmaydi, ayni vaqtda LBQ657 esa 1,6 marta to‘planadi. Yuperio™ preparatini ovqat bilan qabul qilish sakubitril, LBQ657 va valsartanning tizimli ta'siriga klinik ahamiyatli ta'sir ko‘rsatmaydi. Garchi, Yuperio™ peparati ovqat bilan qabul qilinganda valsartanning ta'siri pasayadi, bunday pasayish terapevtik ta'sirning klinik ahamiyatli pasayishi bilan birga kechmaydi. Muvofiq ravishda, Yuperio™ preparati ovqat bilan birga yoki ovqatsiz qabul qilish mumkin.
Taqsimlanishi
Yuperio™ preparati ahamiyatli darajada qon plazma oqsillari bilan bog‘lanadi (94% - 97%). Plazma va orqa miya suyuqligidagi ko‘rsatkichlarni solishtirish asosida, LBQ657 cheklangan hajmda gematoentsefalik to‘siq orqali o‘tadi (0,28%). Yuperio™ preparati
75 l dan 103 l gacha diapazonda taxminiy taqsimlanish hajmiga ega.
Biotransformatsiyasi/metabolizmi
Sakubitril esterazalar ta'siri ostida tezda LBQ657 ga aylanadi; so‘ngra LBQ657 sezilarli darajada metabolizmga uchramaydi. Valsartan minimal darajada parchalanadi va yuborilgan dozaning faqat 20% metabolitlar ko‘rinishida aniqlanadi.
Past kontsentratsiyalarda plazmada gidroksil-metabolit (<10%) aniqlangan. CYP450 fermenti sakubitril va valsartan metabolizmi bilan minimal darajada namoyon bo‘lishi tufayli, CYP450ga ta'sir ko‘rsatuvchi preparatlar bilan birga qabul qilish, ehtimol, farmakokinetikasiga ta'sir ko‘rsatmaydi.
Chiqarilishi
Peroral yuborilgandan so‘ng, 52-68% sakubitril (ko‘proq LBQ657 shaklida) va ~13% valsartan va uning metabolitlari siydik bilan 37-48% sakubitril (ko‘proq LBQ657 shaklida) va 86% valsartan va uning metabolitlari axlat bilan chiqariladi.
Sakubitril, LBQ657 va valsartan qon plazmasidan o‘rtacha yarim chiqarilish davri bilan (T1/2) taxminan, muvofiq ravishda, 1,43 soat, 11,48 soat va 9,90 soatda chiqariladi.
Proportsionallik /noproportsionallik
Sakubitril, LBQ657 va valsartanning farmakokinetikasi tadqiqot o‘tkazilgan dozalar diapazonda (24 mg/26 mg– 97 mg/103 mg Yuperio™) dozaga proportsionaldir.
Alohida populyatsiyalar
Keksa patsiyentlar (65 yoshdan katta)
LBQ657 va valsartan ekspozitsiyasi keksa yoshdagi odamlarda yoshroq odamlarga nisbatan, muvofiq ravishda, 42% va 30%ga yuqoriroq. Biroq bu klinik ahamiyatli samaralar bilan bog‘liq emas, shunday qilib, dozaga tuzatish kiritish talab qilinmaydi.
18 yoshdan kichik yoshdagi patsiyentlar
Yuperio™ preparati 18 yoshdan kichik yoshdagi patsiyentlarda o‘rganilmagan.
Buyrak funktsiyasini buzilishi bo‘lgan patsiyentlar
Buyrak funktsiyasi va LBQ657 tizimli ta'siri (biroq, valsartan emas) o‘rtasida o‘zaro bog‘liqlik qayd etilgan. Yengil va o‘rtacha og‘irlik darajasidagi (30 ml/min/1,73 m2 ≤ rKFT < 60 ml/min/1,73 m2) buyrak funktsiyasini buzilishi bo‘lgan patsiyentlarda LBQ657 uchun AUC buyrak funktsiyasi normal bo‘lgan patsiyentlarda 2 marta yuqoriroq bo‘lgan. Yengil va o‘rtacha og‘irlik darajasidagi buyrak funktsiyasini buzilishi bo‘lgan patsiyentlarda dozaga tuzatish kiritish talab qilinmaydi. LBQ657 uchun AUC ning 2,7 marta oshirilishi yuqori og‘irlik darajasidagi (rKFT<30 ml/min/1,73 m2) buyrak funktsiyasini buzilishi bo‘lgan patsiyentlarda kuzatilgan. Ushbu patsiyentlarda Yuperio™ preparati kuniga ikki marta 24 mg/26 mg boshlang‘ich dozada qabul qilinishi tavsiya etiladi. Bunday patsiyentlarga Yuperio™ preparatini qabul qilishda ma'lumotlar yetarlicha bo‘lmaganligi tufayli, ehtiyotkorlikka rioya qilish kerak.
Dializdagi patsiyentlarda tadqiqotlar o‘tkazilmagan. Biroq LBQ657 va valsartan ahamiyatli darajada qon plazmasi oqsillari bilan bog‘lanadi, shunday qilib, dializda samarali chiqarilishini ehtimoli kam.
Jigar funktsiyasini buzilishi bo‘lgan patsiyentlar
Jigar funktsiyasini buzilishi bo‘lgan patsiyentlarga, yosh bo‘yicha sog‘lom ko‘ngillilarga nisbatan sakubitrilning yengil va o‘rtacha og‘irlik darajasidagi ekspozitsiyalari, muvofiq ravishda, 1,5 va 3,4 marta, LBQ657 ekspozitsiyasi – 1,5 va 1,9 marta, valsartan ekspozitsiyasi – 1,2 va 2,1 marta oshgan.
Yuperio™ preparati qabul qilishda yengil og‘irlik darajasidagi (Chayld-Pyu tasnifi bo‘yicha A sinfi) jigar funktsiyasini buzilishi bo‘lgan patsiyentlarga, shu jumladan o‘t chiqarish yo‘llari obstruktsiyasi bo‘lgan patsiyentlarga dozaga tuzatish kiritish tavsiya etilmaydi. O‘rtacha og‘irlik darajasidagi (Chayld-Pyu tasnifi bo‘yicha V sinfi) jigar funktsiyasini buzilishi bo‘lgan patsiyentlarda Yuperio™ preparatini kuniga ikki marta 24 mg/26 mg boshlang‘ich dozada qabul qilish tavsiya etiladi. Yuqori og‘irlik darajasidagi jigar funktsiyasini buzilishi bo‘lgan patsiyentlarga Yuperio™ preparati qo‘llanilishi bo‘yicha tadqiqotlar o‘tkazilmagan. Shuning uchun ushbu patsiyentlarda uni qo‘llash tavsiya etilmaydi.
Etnik guruhlar
Yuperio™ preparatining farmakokinetikasi (sakubitril, LBQ657 va valsartan) turli irqiy va etnik guruhlarda (evropeoidlar, negroidlar, osiyoliklar, yaponlar va h.k.) bir xil.
Jinsning ta'siri
Yuperio™ preparati farmakokinetikasi (sakubitril, LBQ657 va valsartan) erkak va ayol jinsli shaxslarda o‘xshashdir.


Qo‘llanilishi

Sistolik disfunktsiyasi bo‘lgan patsiyentlarda yurak yetishmovchiligini davolash (NYHA tasnif bo‘yicha II-IV darajali).
Yuperio™ preparati yurak-qon tomir patologiyasi tufayli o‘limni va yurak yetishmovchiligi tufayli gospitalizatsiyalarni enalaprilga nisbatan kamaytirishi namoyish qilingan.
Shuningdek, Yuperio™ barcha sabablar bo‘yicha o‘lim sonini enalaprilga nisbatan kamaytirishi namoyish qilingan.


Qo‘llash usuli va dozalari

Yuperio™ preparati maqsadli dozasi kuniga ikki marta 97 mg/103 mg ni tashkil etadi.
Yuperio™ preparati tavsiya qilinadigan dastlabki dozasi kuniga ikki marta 49 mg/51 mg ni tashkil etadi. Yuperio™ preparatining boshlang‘ich dozasi kuniga ikki marta 24 mg/26 mg dan ayni vaqtda angiotenzinga aylantiruvchi ferment ingibitori yoki angiotenzin II retseptori blokatorini qabul qilmayotgan patsiyentlar uchun tavsiya qilinadi va xuddi shunday doza bundan oldin past dozalarda angiotenzinga aylantiruvchi ferment ingibitorlarini qabul qilgan patsiyentlarga tavsiya qilinishi mumkin (“Klinik tadqiqotlar” bo‘limiga qarang).
Yuperio™ preparatinining dozasini patsiyent o‘zlashtirishiga qarab, kuniga ikki marta 97 mg/103 mg maqsadli dozaga yetguniga qadar har 2-4 haftada ikki marta oshirilishi kerak.
Yuperio™ preparati angiotenzinga aylantiruvchi ferment ingibitori bilan bir vaqtda qo‘llanilganda, angionevrotik shish rivojlanishi xavfi mavjudligi tufayli, Yuperio™ preparatini angiotenzinga aylantiruvchi ferment ingibitori bilan davolash to‘xtatilgandan so‘ng eng kamida 36 soatdan keyin qabul qilish mumkin (“
Qo‘llash mumkin bo‘lmagan holatlar
i” bo‘limiga qarang).
Yuperio™ preparatiga xos bo‘lgan angiotenzin II retseptori blokatoriga nisbatan bloklashi tufayli, Yuperio™ preparatini angiotenzin II retseptori blokatori bilan bir vaqtda qabul qilinmasligi kerak (“
Maxsus ko‘rsatmalar
” va “Dorilarning o‘zaro ta'sirlari” bo‘limiga qarang).
Agar patsiyentda o‘zlashtiraolmaslik bilan bog‘liq muammolar (simptomatik gipotenziya, giperkaliyemiya, buyrak funktsiyasini buzilishi) yuzaga kelsa, birga o‘tkazilayotgan davolashga tuzatish kiritish yoki Yuperio™ preparatini dozasini vaqtincha kamaytirish masalasi ko‘rib chiqilishi kerak.
Alohida populyatsiyalar
Buyrak funktsiyasini buzilishi
Og‘ir darajadagi (hKFT (hisoblangan kalavalar filtratsiya tezligi) < 30 ml/min/1,73 m2) buyrak funktsiyasini buzilishi bo‘lgan patsiyentlarga Yuperio™ preparatining kuniga ikki marta 24 mg/26 mg dozasi tavsiya etiladi. Bunday patsiyentlarda Yuperio™ preparati qo‘llanganda, uning qo‘llanilishi bo‘yicha cheklangan ma'lumotlar mavjudligi tufayli, ehtiyotkorlikka rioya qilish kerak (“Klinik farmakologiya” bo‘limiga qarang).
Yengil og‘irlik darajasidagi (hKFT 60-90 ml/min/1,73 m2) yoki o‘rtacha og‘irlik darajasidagi (hKFT 30-60 ml/minut/1,73 m2) buyrak funktsiyasini buzilishi bo‘lgan patsiyentlarda Yuperio™ preparatini dozasiga tuzatish kiritish talab qilinmaydi.
Jigar funktsiyasini buzilishi
O‘rtacha og‘irlik darajasidagi (Chayld-Pyu tasnifi bo‘yicha V sinfi) jigar funktsiyasini buzilishi bo‘lgan patsiyentlarga Yuperio™ preparati kuniga ikki marta 24 mg/26 mg dozasi tavsiya qilinadi.
Yengil og‘irlik darajasidagi (Chayld-Pyu tasnifi bo‘yicha A sinfi) jigar funktsiyasini buzilishi bo‘lgan patsiyentlarda Yuperio™ preparatini dozasiga tuzatish kiritish talab qilinmaydi.
Og‘ir darajadagi (Chayld-Pyu tasnifi bo‘yicha S sinfi) jigar funktsiyasini buzilishi bo‘lgan patsiyentlarda tadqiqotlar o‘tkazilmagan. Shu tufayli bunday patsiyentlarga Yuperio™ preparatini qabul qilish tavsiya etilmaydi (“Klinik farmakologiya” bo‘limiga qarang).
Bolalar va 18 yoshgacha o‘smirlar
Bolalar va 18 yoshdan kichik o‘smirlarda Yuperio™ preparatining xavfsizligi va samaradorligi bo‘yicha ma'lumotlar aniqlanmagan.
65 yoshdan oshgan patsiyentlar
65 yoshdan oshgan patsiyentlarda Yuperio™ preparatini dozasiga tuzatish kiritish talab qilinmaydi.
Qo‘llash usuli
Ichga qabul qilish uchun buyuriladi.
Yuperio™ ovqat qabul qilishga bog‘liq bo‘lmagan xolda qabul qilish mumkin (“Klinik farmakologiya” bo‘limiga qarang).

Nojo‘ya ta'sirlari
Surunkali yurak yetishmovchiligi bo‘lgan patsiyentlarda Yuperio™ preparati qo‘llanilishining xavfsizligi PARADIGM-HF 3 faza asosiy klinik tadqiqotda baholangan bo‘lib, unda kuniga ikki marta 97 mg/103 mg dozadan Yuperio™ preparati (n=4203) yoki 10 mg enalapril (n=4229) preparatini qabul qilgan patsiyentlar solishtirilgan. Yuperio™ preparati qabul qilgan guruhdagi patsiyentlar 4,3 yil davomida davolanayotgan va davolanishning o‘rtacha davomiyligi 24 oyni tashkil qilgan; 3271 nafar patsiyent bir yildan ko‘proq vaqt davolangan.
PARADIGM-HF ikki tomonlama yashirin tadqiqotlar vaqtida nojo‘ya reaktsiyalar kuchayishi tufayli davolashni to‘xtatilishi Yuperio™ guruhida 450 (10,71%) patsiyentda, enalapril guruhida esa 516 (12,20%) patsiyentda qayd etilgan. Dozaga tuzatish kiritilishiga yoki davolanish to‘xtatilishiga olib kelgan eng ko‘p holatlar gipotenziya, giperkaliyemiya va buyrak funktsiyasini buzilishini o‘z ichiga olgan.
Yuperio™ preparati noxush reaktsiyalar umumiy tez-tezligi yurak yetishmovchiligi bo‘lgan patsiyentlarda enalapril qabul qilishga reaktsiyalar kuchayishi reaktsiyasi bilan bir xil darajada bo‘lgan. Preparatga nojo‘ya reaktsiyalar xususiyati Yuperio™ preparat farmakologik xususiyatlari va patsiyentlarning asosiy kasalligi bilan o‘zaro mos keladi.
Noxush reaktsiyalarning umumiy tez-tezligi patsiyentlar jinsiga, yoshiga yoki irqiga bog‘liq bo‘lmagan.
Noxush dori reaktsiyalari tizim-a'zolar sinfi bo‘yicha, so‘ngra esa tez-tezligi bo‘yicha guruhlarga ajratilgan, bunda quyidagi shartli belgilarga muvofiq dastlab eng tez-tez uchraydigan reaktsiyalar qayd etiladi juda tez-tez (≥1/10); tez-tez (≥1/100 - <1/10); tez-tez emas (≥1/1 000 - <1/100); kam hollarda (≥1/10 000 - <1/1 000); juda kam hollarda (<1/10 000), shu jumladan alohida holatlar. Noxush reaktsiyalarni har bir tezligi guruhida ularni muximligini ortib borish tartibida keltirilgan.
1-jadval. PARADIGM-HF tadqiqotlarida dorilarning noxush reaktsiyalari, xavfsizlikni baholash uchun populyatsiya

Noxush dori reaktsiyalariYuperio™
97 mg/103 mg kuniga 2 marta (%)ENALAPRIL
10 mg kuniga 2 marta (%)Tez-tezlik toifasi
Moddalar almashinuvi va oziqlanish tomonidan buzilishlar
Giperkaliyemiya11,6114,00Juda tez-tez
Gipokaliyemiya3,312,53Tez-tez
Nerv tizimi tomonidan buzilishlar
Bosh aylanishi 6,334,87Tez-tez
Postural bosh aylanishi0,570,28Unchalik tez-tez emas
Bosh og‘rig‘i 2,452,51Tez-tez
Eshitish a'zolari va labirint tomonidan buzilishlar
Vertigo1,451,40Tez-tez
Qon tomir buzilishlari
Gipotenziya17,6111,97Juda tez-tez
Hushdan ketish2,242,70Tez-tez
Ortostatik gipotenziya1,520,80Tez-tez
Nafas tizimi, ko‘krak qafasi va ko‘ks oralig‘ii tomonidan buzilishlar
Yo‘tal8,7812,60Tez-tez
Me'da-ichak kasalliklari
Diareya4,624,47Tez-tez
Ko‘ngil aynishi2,092,36Tez-tez
Teri va teriosti kletchatkasi tomonidan buzilishlar
Angionevrotik shish0,450,24Tez-tez emas
Buyrak va siydik chiqarish yo‘llari tomonidan buzilishlar
Buyrak funktsiyasini buzilishi10,1411,52Juda tez-tez
Buyrak yetishmovchiligi (buyrak yetishmovchiligi, o‘tkir buyrak yetishmovchiligi)
4,76
5,30
Tez-tez
Umumiy buzilishlar va yuborish joyidagi buzilishlar
Kuchli toliqish2,973,05Tez-tez
Asteniya2,091,84Tez-tez
* Xavfsizlikni baholash uchunpopulyatsiya

Qo‘llash mumkin bo‘lmagan xolatlar
• Faol moddaga, sakubitrilga, valsartanga yoki har qanday yordamchi moddalariga o‘ta yuqori sezuvchanlik.
• Angiotenzinga aylantiruvchi ferment ingibitorlari bilan bir vaqtda qo‘llash. Yuperio™ preparati angiotenzinga aylantiruvchi ferment ingibitori bilan davolash to‘xtatilgandan so‘ng eng kamida 36 soatdan keyin qabul qilish mumkin.
• Anamnezda oldingi angiotenzin II retseptori blokatori yoki angiotenzinga aylantiruvchi ferment ingibitorlari qo‘llanilishi bilan bog‘liq angionevrotik shish.
• qandli diabet 2 tipi bo‘lgan patsiyentlarda aliskiren bilan bir vaqtda qo‘llanilishi.
• Homiladorlik davrida qo‘llash mumkin emas.

Dorilarning o‘zaro ta'siri

Qo‘llash mumkin bo‘lmagan holatlar
ga olib keluvchi ehtimoliy o‘zaro ta'sirlar
Angiotenzinga aylantiruvchi ferment ingibitorlari Yuperio™ preparat angiotenzinga aylantiruvchi ferment ingibitorlari bilan bir vaqtda qo‘llash tavsiya qilinmaydi, chunki neprilizin (NEP) yondosh susayishi va angiotenzinga aylantiruvchi ferment ingibitorlari bilan davolash angionevrotik shish rivojlanishini xavfini kuchaytirishi mumkin. Yuperio™ preparatini angiotenzinga aylantiruvchi ferment ingibitori so‘nggi dozasi qabul qilingandan so‘ng eng kamida 36 soatdan keyin qabul qilish mumkin. Angiotenzinga aylantiruvchi ferment ingibitori bilan davolash Yuperio™ preparat oxirgi dozasi qabul qilingandan so‘ng eng kamida 36 soatdan keyin buyurilishi mumkin (“Qo‘llash mumkin bo‘lmagan xolatlar” bo‘limiga va “
Qo‘llash usuli va dozalari
” bo‘limiga qarang).
Aliskiren Yuperio™ preparatini qandli diabet 2 tipi bo‘lgan patsiyentlarda aliskiren bilan bir vaqtda qo‘llash mumkin emas (“Qo‘llash mumkin bo‘lmagan xolatlar” bo‘limiga qarang).
Birga qo‘llashni tavsiya qilmaydigan ehtimoliy o‘zaro ta'sirlar
Yuperio™ angiotenzin II retseptori blokatoriga nisbatan bloklovchi faolligi bilan bog‘liq angiotenzin II retseptori blokatori bilan bir vaqtda qabul qilinmasligi kerak (“
Maxsus ko‘rsatmalar
” bo‘limiga qarang).
Buyrak funktsiyasini buzilishi bo‘lgan patsiyentlarda (hKFT <60 ml/minut/1,73 m2) aliskiren bilan bir vaqtda qo‘llanilishiga yo‘l qo‘yilmasligi kerak (“
Maxsus ko‘rsatmalar
va qo‘llashdagi ehtiyotkorlik choralari” bo‘limiga qarang).
E'tiborga olishni talab qilinadigan kuzatiladigan o‘zaro ta'sirlar
Statinlar in vitro sharoitdagi ma'lumotlari shuni ko‘rsatadiki, sakubitril OATP1B1 va OATP1B3 tashuvchilarini susaytiradi. Muvofiq ravishda Yuperio™ preparati statinlar kabi OATP1B1 va OATP1B3 substratlar tizimli ta'sirini oshirishi mumkin. Yuperio™ preparat birga yuborilishi atorvastatin va uning metabolitlarini Cmax 2 marta va AUC (kontsentratsiyaning vaqtga egri chiziq ostida bog‘liqlik maydoni)ni 1,3 martagacha oshiradi. Muvofiq ravishda, Yuperio™ preparati statinlar bilan birga qo‘llanilishida ehtiyotkorlikka rioya qilish kerak.
Sildenafil Gipertenziyasi bo‘lgan patsiyentlarda sildenafilning bir martalik dozasini Yuperio™ preparatiga qo‘shish faqat Yuperio™ preparati yuborilishiga nisbatan arterial bosimning yanada yaqqol pasayishi bilan bog‘liq bo‘lgan. Yuperio™ preparatini sildenafil yoki boshqa FDE-5 ingibitorlari bilan birga qabul qiluvchi patsiyentlarda muvofiq ehtiyotkorlikka rioya qilish kerak.
E'tiborga olish kerak bo‘lgan kuzatilishi mumkin bo‘lgan o‘zaro ta'sirlar
Kaliy kaliy tejovchi diuretiklar (masalan, triamteren, amilorid), mineralokortikoidlar antagonistlari (masalan, spironolakton, eplerenon), kaliy preparatlari yoki kaliy saqlovchi osh tuzining o‘rnini bosuvchi moddalarning birgalikda qo‘llanilishi qon zardobida kaliy darajasi va kreatinin kontsentratsiyasi oshishiga olib kelishi mumkin. Agar Yuperio™ yuqorida qayd etilgan agentlar bilan birga yuborilsa, qon zardobida kaliy darajasi monitoringini o‘tkazish tavsiya etiladi (“
Maxsus ko‘rsatmalar
” bo‘limiga qarang).
Nosteroid yallig‘lanishga qarshi vositalar, shu jumladan siklooksigenaza-2 selektiv ingibitorlari (TSOG-2 ingibitorlari) keksa yoshdagi patsiyentlarda, gipovolemiyali patsiyentlarda (shu jumladan diuretiklar qabul qiladigan patsiyentlarda) yoki buyrak funktsiyasini buzilishi bo‘lgan patsiyentlar Yuperio™ preparatini va nosteroid yallig‘lanishga qarshi vositalarining birgalikda qo‘llanilishi buyrak funktsiyasini yomonlashishi xavfini kuchaytirishi mumkin. Shu jumladan, Yuperio™ preparatini nosteroid yallig‘lanishga qarshi vositalar bilan birga qabul qiluvchi patsiyentlarda buyrak funktsiyasi monitoringini o‘tkazish tavsiya etiladi.
Litiy preparatlari Yuperio™ preparati va litiy preparatlari o‘zaro ta'siri bo‘yicha tadqiqotlar o‘tkazilmagan. Litiy preparatlari angiotenzinga aylantiruvchi ferment ingibitorlari yoki angiotenzin II retseptori blokatori bilan bir vaqtda qo‘llanilganda qon zardobda litiy kontsentratsiyasining qaytuvchan oshishi to‘g‘risida xabar berilmagan. Shunday qilib, Yuperio™ preparatini litiy preparatlari bilan bir vaqtda qabul qilishda qon zardobidagi litiy darajasi monitoringini o‘tkazish tavsiya etiladi. Qo‘shimcha qabul qilgan xolatlarda diuretik vositalar qabul qilinganda, litiyning toksik ta'siri xavfi yanada oshishi mumkin.
Oqsil-tashuvchilar Sakubitril (LBQ657) va valsartanning faol metabolitlari OATP1B1, OATP1B3 va OAT3 substratlari hisoblanadi; shuningdek, valsartan MRP2 substrati hisoblanadi. Yuperio™ preparati OATP1B1, OATP1B3, OAT3 ingibitorlari (masalan, rifampin, siklosporin) yoki MRP2 (masalan, ritonavir) bilan birga qo‘llanilishi LBQ657 yoki valsartanning tizimli ta'sir ko‘rsatishi muvofiq kuchayishiga olib kelishi mumkin. Bunday preparatlar bilan birga davolash boshida va yakunlangan vaqtda ehtiyotkorlikka rioya qilinishi kerak.
Dorilarning ahamiyatli o‘zaro ta'siri mavjud emasligi
Yuperio™ preparati furosemid, digoksin, varfarin, gidroxlorotiazid, amlodipin, metformin, omeprazol, karvedilol, vena ichiga nitroglitserini yoki levonorgestrel + etinilestradiol majmuasi bilan birgalikda qo‘llanilganda, hech qanday klinik ahamiyatli o‘zaro ta'sirlar kuzatilmagan. Atenolol, indometatsin, gliburid yoki simetidin bilan hech qanday o‘zaro ta'sirlar kutilmaydi.
CYP450 bilan o‘zaro ta'sirlar in vitro sharoitdagi metabolizm tadqiqotlari shuni tasdiqlaydiki, CYP450 asosidagi o‘zaro ta'sir ko‘rsatish imkoniyati past, chunki Yuperio™ preparat CYP450 fermentlari ishtirokida parchalanib ajralib chiqishi cheklangan. Yuperio™ preparati induktsiya yoki ingibitsiya qilmaydi.


Maxsus ko‘rsatmalar

Renin-angiotenzin-aldosteron (RAAT) tizimini ikki tomonlama blokadasi
• Yuperio™ ni angionevrotik shish xavfi tufayli angiotenzinga aylantiruvchi ferment ingibitori bilan bir vaqtda qo‘llash mumkin emas. Yuperio™ preparatini angiotenzinga aylantiruvchi ferment ingibitori so‘nggi dozasi qabul qilingandan so‘ng eng kamida 36 soatdan keyin qabul qilish kerak. Yuperio™ preparatini angiotenzinga aylantiruvchi ferment ingibitori bilan davolash to‘xtatilgandan so‘ng kamida 36 soatdan keyin qabul qilish mumkin (“Qo‘llash mumkin bo‘lmagan xolatlar” bo‘limiga, “
Qo‘llash usuli va dozalari
” bo‘limiga hamda “Dorilarning o‘zaro ta'siri” bo‘limiga qarang).
• Yuperio™ preparati aliskiren kabi bevosita renin ingibitorlari bilan bir vaqtda qabul qilganda ehtiyotkorlikka rioya qilish kerak (“Qo‘llash mumkin bo‘lmagan xolatlar” bo‘limiga hamda “Dorilarning o‘zaro ta'siri” bo‘limiga qarang). Yuperio™ preparati qandli diabetning 2 tipi bo‘lgan patsiyentlarda aliskiren bilan bir vaqtda qo‘llash mumkin emas (“
Qo‘llash mumkin bo‘lmagan holatlar
” bo‘limiga qarang).
• Yuperio™ angiotenzin II retseptori blokatoriga nisbatan bloklovchi faollik tufayli, angiotenzin II retseptori blokatori bilan bir vaqtda qabul qilinmasligi kerak (“
Qo‘llash usuli va dozalari
” bo‘limiga hamda “Dorilarning o‘zaro ta'siri” bo‘limiga qarang).
Gipotenziya
Klinik tadqiqotlar vaqtida Yuperio™ qabul qilgan patsiyentlarda arterial gipotenziya holatlari qayd etilgan. Agar gipotenziya paydo bo‘lsa, diuretiklar, birga qo‘llaniladigan antigipertenziv vositalar dozalariga tuzatish kiritilishini ko‘rib chiqish va gipotenziyaning boshqa sabablarini (masalan, gipovolemiya) bartaraf qilish kerak. Agar bunday choralarga qaramay, gipotenziya saqlanib qolsa, Yuperio™ dozasini kamaytirish yoki preparatni qabul qilinishini vaqtincha to‘xtatish kerak (“
Qo‘llash usuli va dozalari
” bo‘limiga qarang). Preparatni qabul qilinishini butunlay bekor qilish, odatda, talab qilinmaydi. Agar patsiyentda, masalan diuretiklar bilan davolash, kam tuzli parhez, diareya yoki qusish oqibatida qon aylanishi hajmining pasayishi qayd etilgan bo‘lsa, arterial gipotenziyaning yuzaga kelish ehtimoli yuqori bo‘ladi. Yuperio™ qo‘llanilishini boshlashdan oldin organizmda natriy saqlanishini tuzatish yoki qon aylanishi hajmini to‘ldirish kerak.
Buyrak funktsiyasini buzilishi
Renin-angiotenzin-aldosteron tizimga ta'sir ko‘rsatadigan har qanday boshqa preparat kabi Yuperio™ qo‘llanilishi buyrak funktsiyasini pasayishini yuzaga keltirishi mumkin. PARADIGM-HF tadqiqotlarida buyrak funktsiyasining klinik ahamiyatli buzilishlari tez-tezligi past bo‘lgan va bu bilan bog‘liq preparat bekor qilinishi Yuperio™ qabul qilgan patsiyentlarda (0,65%) enalaprilga nisbatan (1,28%) kamroq kuzatilgan. Buyrak funktsiyasining klinik ahamiyatli yomonlashishi rivojlanayotgan patsiyentlarda Yuperio™ dozasini pasaytirish to‘g‘risidagi masala ko‘rib chiqilishi kerak. Buyrak funktsiyasini og‘ir darajada buzilishi bo‘lgan patsiyentlarda Yuperio™ qabul qilganda ehtiyotkorlikka rioya qilish tavsiya etiladi (“
Qo‘llash usuli va dozalari
” bo‘limiga va “Klinik farmakologiya” bo‘limiga qarang).
Giperkaliyemiya
Renin-angiotenzin-aldosteron tizimiga ta'sir ko‘rsatadigan har qanday boshqa preparat kabi Yuperio™ qo‘llanilishi giperkaliyemiya rivojlanish xavfini kuchaytirishi mumkin. PARADIGM-HF tadqiqotlarida giperkaliyemiyaning klinik ahamiyatli rivojlanish tez-tezligi pastligi qayd etilgan, hamda u Yuperio™ qabul qilgan patsiyentlarning 0,26% va enalapril qabul qilgan patsiyentlarning 0,35% davolashni to‘xtatishga olib kelgan. Kaliy darajasini oshishi ma'lum bo‘lgan patsiyentlarda preparatlar (masalan, kaliy saqlaydigan diuretiklar, kaliy preparatlari)ni Yuperio™ preparati bilan birga qabul qilganda ehtiyotkorlikka rioya qilish kerak. Klinik ahamiyatli giperkaliyemiya yuzaga kelgan holatda, ovqat bilan kaliy iste'molini kamaytirish yoki tegishli preparat dozalariga tuzatish kiritish kabi choralar ko‘rib chiqilishi kerak. Ayniqsa, buyrak funktsiyasini buzilishi, qandli diabet, gipoaldosteronizm kasalliklari yoki yuqori kaliy tarkibi bilan parhez kabi omillarga ega patsiyentlarda zardobda kaliy darajasi monitoringini o‘tkazish tavsiya etiladi (“
Qo‘llash usuli va dozalari
” bo‘limiga qarang).
Angionevrotik shish
Yuperio™ qabul qilgan patsiyentlarda angionevrotik shish rivojlanishi to‘g‘risida xabar berilgan. Agar angionevrotik shish paydo bo‘lsa, Yuperio™ preparat qo‘llanilishi zudlik bilan to‘xtatilishi va muvofiq davolash hamda yuzaga kelgan simptomlar to‘liq va turg‘un bartaraf etilguncha kuzatuv ta'minlanishi kerak. Yuperio™ bilan davolashni tiklash mumkin emas. Yuz va lab shishi bilan birga kechadigan tasdiqlangan angionevrotik shish holatlarida, patsiyent ahvoli, garchi antigistamin vositalarning qabul qilinishi simptomlarni yengillashtirgan bo‘lsada, odatda, davolanishsiz yaxshilangan.
Halqumni shishi bilan birga kechadigan angionevrotik shish o‘limga olib kelishi mumkin. Shish nafas olish yo‘llari o‘tkazuvchanligi buzilishini yuzaga keltirishi mumkin bo‘lgan tilga, tovush yorig‘i yoki halqumga tarqalganda, zudlik bilan tegishli davolanish choralari, masalan, teri ostiga epinefrin/adrenalin 11000 (0,3 ml – 0,5 ml) eritmasini yuborish va/yoki nafas yo‘llari o‘tkazuvchanligini ta'minlash uchun zarur choralar ko‘rilishi kerak.
Anamnezida angionevrotik shish bo‘lgan patsiyentlarda tadqiqotlar o‘tkazilmagan. Ular angionevrotik shish rivojlanishining yanada yuqori xavfi bo‘lishi mumkinligi tufayli, bunday patsiyentlarda Yuperio™ qabul qilganda ehtiyotkorlikka rioya qilish tavsiya etiladi. Angiotenzinga aylanuvchi ferment ingibitori yoki angiotenzin II retseptori blokatori qabul qilish bilan bog‘liq oldingi angionevrotik shish epizodi bo‘lgan patsiyentlarda Yuperio™ qabul qilish mumkin emas (“Tavsiya qilinmaydi” bo‘limiga qarang).
Negroid irqiga mansub patsiyentlarda angionevrotik shish rivojlanishiga moyillik yuqori bo‘lishi mumkin.
Buyrak arteriyasi stenozi bo‘lgan patsiyentlar
Renin-angiotenzin-aldosteron tizimga ta'sir ko‘rsatadigan boshqa preparatlar kabi Yuperio™ preparat qo‘llanilishi ikki tomonlama yoki bir tomonlama buyrak arteriyasi stenozi bo‘lgan patsiyentlarda zardobdagi mochevina darajasini va kreatinin darajasini oshirishi mumkin. Buyrak arteriyasi stenozi bo‘lgan patsiyentlarda ehtiyotkorlikka rioya qilish va buyrak funktsiyasini nazorat qilish tavsiya etiladi.
Homiladorlik yoki emizish davrida qo‘llanilishi
Tug‘ruq yoshidagi ayollar (va zarur hollarda kontratseptsiya choralari)
Reproduktiv funktsiyasi saqlanib qolgan ayollarga davolash vaqtida va u so‘nggi qo‘llanilgandan so‘ng bir hafta davomida Yuperio™ preparat homiladorlik vaqtida ta'sirining oqibatlari to‘g‘risida va Yuperio™ davolash vaqtida kontratseptsiya qo‘llanilishi to‘g‘risida shifokor ogohlantirishi kerak.
Homiladorlik
RAATga bevosita ta'sir ko‘rsatadigan boshqa preparatlar kabi Yuperio™ ham homiladorlik vaqtida qabul qilish mumkin emas (“Tavsiya qilinmaydi” bo‘limiga qarang). Yuperio™ preparati angiotenzin II retseptori blokatori orqali bilvosita ta'sir ko‘rsatadi. Buning oqibati sifatida, homila uchun xavfni istisno qilib bo‘lmaydi. Homilador ayollar tomonidan valsartan qabul qilingandan teratogen ta'siri to‘g‘risida ma'lumotlar mavjud (masalan, o‘z-o‘zidan bola tashlash, homila atrofidagi suvni kamligi va yangi tug‘ilgan chaqaloqlarda buyrak funktsiyasi buzilishi). Patsiyentga homiladorlik boshlangan davrda imkon qadar oldinroq Yuperio™ qabul qilinishini to‘xtatish va bu to‘g‘risida o‘z shifokoriga xabar berishi kerak.
Emizish davri
Yuperio™ preparat ko‘krak sutiga o‘tishi noma'lum. Yuperio™ preparat komponentlari – sakubitril va valsartan emizikli kalamushlar sutiga ajraladi (“Klinik oldi tadqiqotlardan xavfsizlik to‘g‘risidagi ma'lumotlar” bo‘limiga qarang). Noxush dori reaktsiyalarini rivojlanish kuchayishi potentsial xavfi tufayli, emizikli chaqaloqlar/go‘daklarda emizish davrida Yuperio™ preparatini qo‘llash tavsiya etilmaydi. Onalar uchun Yuperio™ preparatini qo‘llash muhim bo‘lganda, emizishni to‘xtatish yoki Yuperio™ preparat qo‘llashni bekor qilish to‘g‘risida qaror qabul qilish kerak.
Fertillik
Yuperio™ ni ayollar fertilligiga ta'siri to‘g‘risida ma'lumotlar yo‘q. Yuperio™ qo‘llanilganda kalamushlar erkak va urg‘ochilarida fertillik buzilishlari qayd etilmagan (“Klinik oldi tadqiqotlardan xavfsizlik to‘g‘risidagi ma'lumotlar” bo‘limiga qarang).
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Patsiyentlarda Yuperio™ dozasini oshirib yuborilishi xaqida cheklangan ma'lumotlar mavjud. Sog‘lom ko‘ngillilarda Yuperio™ 583 mg/617 mg bir martalik dozasi va
437 mg/463 mg ko‘p martalik dozalari (14 kun) tadqiqotlari o‘tkazilgan va ular yaxshi o‘zlashtirilgan.
Dozani oshirib yuborilishi
ning ehtimoli yuqori bo‘lgan simptomlari gipotenziya hisoblanadi. Bunday holatda simptomatik davolashni o‘tkazish kerak.
Yuperio™ preparatini qon plazmasi oqsillari bilan yuqori darajada bog‘lanishi tufayli, gemodializ orqali chiqarilishini ehtimoli kam.


Chiqarilish shakli

14 tabletkadan blisterda; 2 blister karton qutida.


Saqlash sharoiti

30°S dan yuqori bo‘lmagan haroratda saqlansin. Namlikdan himoyalangan joyda saqlansin. Original o‘ramida saqlansin.


Yaroqlilik muddati

30 oy.


Dorixonalarda berish tartibi

Retsept bo‘yicha beriladi.


Ishlab chiqaruvchi
lar
Novartis Farma Shteyn AG, Shveytsariya.
Manzili Shaffxausershtrasse, 4332 Shteyn, Shveytsariya.

Novartis Farma S.p.A., Italiya.
Manzili Provinchiale Skito ko‘chasi, 131, 80058, Torre Annuntsiata shahri (Neapol viloyati), Italiya.

Novartis Singapur Farmasyutikal Manufakturing Prayvet Ltd., Singapur.
Manzili 10 Tuas Bay Leyn, 637461, Singapur.

Qadoqlovchi
Novartis Farma S.p.A., Italiya.
Manzili Provinchiale Skito ko‘chasi, 131, 80058, Torre Annuntsiata shahri (Neapol viloyati), Italiya.

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
“Novartis Pharma Services AG”
100015, Toshkent sh., Oybek ko‘ch., 24 uy.