Preparatning savdo nomi
Amizonchik
Ta'sir etuvchi modda (XPN) Enisamium yodidi

Dori shakli
Sirop

Tarkibi

1 ml sirop quyidagilarni saqlaydi
faol modda 10 mg amizon (enisamium yodidi);
yordamchi moddalar natriy gidrofosfati, dodekagidrati; limon kislotasi monogidrati; “Tutti-Frutti” aromatizatori; “Shaftoli” aromatizatori; tozalangan suv; kristallanmaydigan sorbit eritmasi (E 420).
Ta'rifi tiniq, biroz sarg‘ish-yashil rangli, o‘ziga xos hidli suyuqlik.

Farmakoterapevtik guruhi
tizimli qo‘llash uchun viruslarga qarshi vositalar.
ATX kodi J05A X.


Farmakologik xususiyatlari


Farmakodinamika

Enisamium yodidi – izonikotin kislotasining hosilasidir. Gripp viruslariga qarshi ingibitsiya qiluvchi ta'sir ko‘rsatadi, interferonogen xususiyatlarni namoyon qiladi, organizmning virusli infektsiyalarga rezistentligini oshiradi, yallig‘lanishga qarshi, isitmani tushiruvchi va analgetik ta'sirga ega.
Amizonchik ning viruslarga qarshi samarasi uning gripp virusining gemaglyutininlariga bevosita ta'siri bilan bog‘liq, buning natijasida virion keyingi replikatsiya uchun nishon-hujayralarga birikish xususiyatini yo‘qotadi.
Yallig‘lanishga qarshi samarasi hujayra va lizosomal membranalarni barqarorlashtirishi, bazofillarning degranulyatsiyasini sekinlashtirishi, antioksidant ta'siri, yallig‘lanish o‘chog‘ida prostaglandinlar, siklik nukleotidlar va energetik almashinuv darajasini normallashtirishining natijasi hisoblanadi. Bu vositaning isitmani tushiruvchi xususiyati bosh miyaning termoregulyatsiya markaziga ta'siri bilan bog‘liq. Preparatning og‘riqni qoldiruvchi samarasi bosh miya o‘zagining retikulyar formatsiyasi orqali amalga oshiriladi.
Enisamium yodidi qon plazmasida endogen interferon darajasini 3-4 marta, lizotsimni oshirishi va infektsiya qo‘zg‘atuvchilariga antitelalarning miqdorini, shuningdek T-limfotsitlar va makrofaglarning funktsional faolligini rag‘batlantirishi hisobiga hujayraviy immunitetni oshirish yo‘li bilan doimiy immunitetni kuchaytiradi. Ushbu vosita endogen interferonning kuchli induktori hisoblanadi.

Farmakokinetikasi

Peroral qabul qilinganidan so‘ng enisamium yodidi tez qonga tushadi, uning qondagi maksimal kontsentratsiyasi qabul qilganidan keyin 2-2,5 soat o‘tgach kuzatiladi. Yarim chiqarilish davri 13,5-14 soatni tashkil qiladi. Preparat jigarda metabolizmga uchraydi, ammo to‘qimalardan tez chiqariladi (yarim chiqarilish davri 2-3 soatni tashkil qiladi). Organizmdan metabolitlari ko‘rinishida 90-95% siydik bilan chiqariladi.


Qo‘llanilishi

Gripp va O‘RVIni davolashda qo‘llanadi.


Qo‘llash usuli va dozalari

Preparat 3 yoshdan oshgan bolalarni davolash uchun tavsiya qilingan. Sirop ichga, ovqatdan keyin, ko‘p bo‘lmagan miqdordagi suv bilan qabul qilish maqsadga muvofiq.
3 yoshdan 4 yoshgacha bo‘lgan bolalar – 5 ml (50 mg) dan sutkada 3 marta.
4 yoshdan 5 yoshgacha bo‘lgan bolalar – 6 ml (60 mg) dan sutkada 3 marta.
5 yoshdan 6 yoshgacha bo‘lgan bolalar – 7 ml (70 mg) dan sutkada 3 marta.
6 yoshdan 12 yoshgacha bo‘lgan bolalarga preparat tabletka shaklida buyuriladi. Agar bola tabletkalarni yuta olmasa, preparat 12 ml dan (120 mg) sutkada 2-3 marta qabul qilinadi.
Tavsiya qilingan dozalar oshirilmasin.
Siropni dozalash uchun 5 ml hajmli bo‘lish qiymati 1 ml bo‘lgan dozalovchi qoshiq ilova qilinadi. 5 ml dan ortiq dozani o‘lchash kerak bo‘lsa, avval siropning birinchi 5 ml ni, so‘ngra qolgan dozasini o‘lchash kerak.
Davolash kursi kasallikning og‘irlik darajasi va terapevtik samaraga qarab 5-7 kunni tashkil qiladi.

Nojo‘ya ta'sirlari
Nojo‘ya reaktsiyalarni namoyon bo‘lishi MeDRA terminologiyasiga muvofiq tasniflangan.
Immun tizimi tomonidan o‘ta yuqori sezuvchanlik reaktsiyalari.
Teri va teri osti kletchatkachi tomonidan toshma, qichishish, eshakemi, eritema, angionevrotik shish.
Me'da-ichak yo‘llari tomonidan og‘izni qurishi, disgevziya (og‘izda achchiq ta'm), og‘iz bo‘shlig‘i shilliq qavatining shishi, gipersalivatsiya, tilni rangini o‘zgarishi (sariq rangga bo‘yalishi), ko‘ngil aynishi, qusish, diareya, dispepsiya, qorin og‘rig‘i, qorinni yuqori qismida og‘riq, qorinni dam bo‘lishi.
Nafas tizimi, ko‘krak qafasi va ko‘ks oralig‘i a'zolair tomonidan dispnoe, tomoqni ta'sirlanishi.
Nerv tizimi tomonidan bosh og‘rig‘i, bosh aylanishi.
Umumiy buzilishlar va yuborish joyidagi buzilishlar asteniya, periferik shishlar.
Laborator va instrumental ma'lumotlar arterial bosimni oshishi, arterial bosimni pasayishi.


Qo‘llash mumkin bo‘lmagan holatlar

-Preparatning komponentlariga va yod preparatlariga yuqori sezuvchanlik.
-Anamnezdagi allergenning tabiatidan qat'iy nazar allergik reaktsiyalarni mavjudligi.
-Jigar va buyraklarning og‘ir darajali organik shikastlanishlari.
-Tuberkulyoz.
-Dyuring gerpetiform dermatiti (Dyuring-Brok sindromi).
-Manifest va latent gipertireoz.
-Avtonom adenoma, qalqonsimon bezining fokal va diffuz avtonom o‘choqlari.
-Gemorragik diatezda qo‘llash mumkin emas.

Dorilarning o‘zaro ta'siri
Amizonchik® mikroblarga qarshi va immunomodulyatsiya qiluvchi vositalarining samarasini kuchaytiradi. Ushbu preparatni askorbin kislotasi va boshqa vitaminlar bilan majmuada qo‘llash maqsadga muvofiqdir. Qalqonsimon bezi funktsiyasini buzilishi bo‘lgan patsiyentlarda preparatni interferonlar bilan majmuada qo‘llash tavsiya etilmaydi.


Maxsus ko‘rsatmalar

Preparatni qalqonsimon bezining kasalliklari bo‘lgan patsiyentlarda, ayniqsa qalqonsimon bezining funktsional avtonomiyasini dekompensatsiyasi tufayli, tugunli yoki ko‘p tugunli bo‘qoq kasalligi bo‘lgan 40 yoshgacha bo‘lgan shaxslarda (“
Qo‘llash mumkin bo‘lmagan holatlar
” bo‘limida ko‘rsatilganlardan tashqari) ehtiyotkorlik bilan buyurish lozim.
Sirop sorbit saqlaydi, shuning uchun bu dori vositasini qabul qilishdan oldin ayrim qandlarni nasliy o‘zlashtiraolmasligi bo‘lgan patsiyentlar shifokor bilan maslahatlashishlari kerak. Kam uchraydigan nasliy fruktozani o‘zlashtiraolmasligi bo‘lgan patsiyentlar bu preparatni qabul qilmasliklari kerak.
Sorbit shuningdek ahamiyatsiz surgi samara ham ko‘rsatishi mumkin. 1 g sorbitolning energetik qiymati- 2,6 kkal.
Bu dori vositasi minimal sutkalik dozada (15 ml) 1,89 mmol (yoki 43,5 mg) natriy saqlaydi. Natriy-nazoratlangan parhezga rioya qilayotgan patsiyentlarda qo‘llanilganda ehtiyotkorlikka rioya qilish kerak.
Homiladorlik va emizish davrida qo‘llanishi.
Homiladorlik yoki emizish davrida preparatni qo‘llash mumkin emas.
Avtotransportni boshqarish va boshqa mexanizmlar bilan ishlashda reaktsiya tezligiga ta'sir qilish qobiliyati.
Preparat ushbu toifa patsiyentlarida qo‘llash uchun mo‘ljallanmagan.
Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati tugaganidan keyin preparat qo‘llanmasin.


Dozani oshirib yuborilishi

Doza oshirib yuborilganida nojo‘ya reaktsiyalarning ko‘rinishlari kuchayishi mumkin shilliq qavatlarning jigarrang rangga bo‘yalishi, qusish, qorin og‘rig‘i va diareya. Shishlar, eritemalar, husnbuzarsimon va bullyoz toshmalar, isitma rivojlanishi mumkin.
Davolash me'dani yuvish, simptomatik davolash.


Chiqarilish shakli

100 ml dan flakonlarda. 1 flakondan va 1 dozalovchi qoshiqdan qutida.


Saqlash sharoiti

Original o‘ramida, 25°C dan yuqori bo‘lmagan haroratda saqlansin.


Yaroqlilik muddati

2 yil.
Flakon ochilganidan keyin preparatning yaroqlilik muddati – 90 kun.


Dorixonalardan berish tartibi

Retseptsiz.