Preparatning savdo nomi
Gropivirin
Ta'sir etuvchi modda( XPN) Inozin pranobeks

Dori shakli
Tabletkalar

Tarkibi

1 tabletka quyidagilarni saqlaydi
faol modda 500 mg inozin pranobeks;
yordamchi moddalar makkajo‘xori kraxmali, mannitol (E 421), povidon (Kollidon 25), magniy stearati.
Tarifi deyarli oq rangdan sarg‘ish-oq ranggacha bo‘lgan, oval, ikki yoqlama qavariq, uzunchoq shakldagi, bir tomoni riskasi bo‘lgan, yengil o‘ziga xos hidga ega tabletkalar.

Farmakoterapevtik guruhi
tizimli qo‘llash uchun virusga qarshi preparatlar.
ATX kodi J05AX05


Farmakologik xususiyatlari


Farmakodinamika

Gropivirin immunomodulyatsiya qiluvchi xususiyatlarga ega virusga qarshi vositadir. Preparat mitogen yoki antigen faol hujayralarda limfoproliferativ javobning induktsiyasini potentsiyalashi orqali T-limfotsitlar va T1-xelperlarining yetilishi va defferentsiyalanishini induktsiya qilib hujayra immunitetining yetishmasligi yoki disfunktsiyasini normallashtiradi. Gropivirin T-limfotsitlar va tabiiy killerlarning sitotoktsikligini, T8-supressor va T4-xelperlarining funktsiyasini modulyatsiya qiladi, shuningdek immunoglobulin G va yuzaki kompliment markerlarini miqdorini oshiradi. Gropivirin interleykin-1 (IL-1) sintezini va interleykin-2 (IL -2) sintezini oshiradi, IL-2 retseptorlari ekspressiyasini boshqaradi. Gropivirin endogen gamma-interferon sekretsiyasini sezilarli darajada oshiradi va organizmdagi interleykin-4 ishlab chiqarishni kamaytiradi. Gropivirin neytrofil granulotsitlar, xemotaksis va monotsitlar va makrofaglarning fagotsitoz ta'sirini kuchaytiradi. Gropivirin virus sintezini inozin-orotik kislotani virusdan shikastlangan hujayra poliribosomalariga joylashtirish orqali susaytiradi va adenilik kislotani virusli va RNK ga birikishiga susaytiradi.

Farmakokinetikasi
.
Preparatni 1,5 g dozasida ichga qabul qilgandan so‘ng, qon plazmasida inozin pranobeksning maksimal kontsentratsiyasiga 1 soatdan keyin erishiladi va 600 mkg/ml ni tashkil qiladi. Organizmda inozin pranobeks jigarda siydik kislotasini hosil qilib metabolizmga uchraydi. 4-(atsetilamino) benzoatning yarim chiqarilish davri 50 min, 
1-(dimetilamino)-2–propanolda esa -3,5 soatni tashkil qiladi. Buyraklardan metabolitlar ko‘rinishida chiqariladi.


Qo‘llanilishi

- Oddiy gerpes virusi 1 va 2 turi, suvchechak virusi, sitomegalovirus, Epshtein – Barr virusi, qizamiq virusi, parotit virusi chaqirgan, shu jumladan immunitet tanqisligi bo‘lgan bemorlardagi virusli infektsiyalar;
- nafas olish a'zolari virusli infekiyalari;
- teri va shilliq pardalarning papilloma virus infektsiyalari o‘tkir uchli kandilomalar, vulva, qin va bachadon bo‘ynining papilloma virusli infektsiyasi (kompleks davolash tarkibida);
- o‘tkir virusli entsefalit (kompleks davolash tarkibida);
- virusli gepatit (kompleks davolash tarkibida);
- o‘tkir osti sklerozlanuvchi panentsefalit (kompleks davolash tarkibida) ni davolashda qo‘llaniladi.

Qo‘llash usuli va dozalar
Preparat ichga qabul qilinadi.
Sutdalik doza tana vazniga, kasallikning kechishi va og‘irligiga, bemorning holatiga bog‘liq.
Kattalar va 12 yoshdan katta bolalar tana vazni 50 mg/kg (odatda 6 – 8 tabletka 3-4 qabulga taqsimlangan), maksimal sutkalik doza – 4 g ni tashkil etadi.
1 dan 12 yoshgacha bo‘lgan bolalar tana vazni 50 mg/kg (odatda 1 tabletka tana vazni 10 kg bola uchun, tana vazni 10 – 20 kg bo‘lgan bolaga, tana og‘irligi 20 kg dan ortiq bo‘lganlarga, kattalar uchun mo‘ljallangan dozani buyuriladi) kuniga 3-4 marta qabul qilish uchun, maksimal sutkalik doza – 4 g. Yutishni osonlashtirish uchun tabletkani maydalash mumkin.
Davolashning davomiyligi.
O‘tkir kasalliklar qisqa muddatli davomiylikka ega bo‘lgan kasalliklarda davolash kursi 5 dan 14 kungachani tashkil qiladi. Kasallik belgilarini yaqqolligi pasayganidan so‘ng, davolanish kasallikning kechishiga, bemorning ahvoliga qarab, yana 1 – 2 kun yoki undan ko‘p davom ettirish kerak.
Uzoq muddatli virusli kasalliklar kasallik belgilarini yaqqolligi pasayganidan so‘ng, davolanish kasallikning kechishiga, bemorning ahvoliga qarab, yana 1 – 2 hafta davomida yoki undan ko‘p davom ettirish kerak.
Qaytalanuvchi kasalliklar davolashning dastlabki bosqichida o‘tkir kasalliklar bilan bir xil tavsiyalar qo‘llaniladi. Bir maromda ushlab turuvchi davolashlarda dozani kuniga 500 – 1000 mg (1 – 2 tabletkalar) ga kamaytirish mumkin. Qaytalanishning birinchi belgilari paydo bo‘lganda, o‘tkir kasalliklar uchun tavsiya etilgan sutkalik dozani qayta davom ettirish zarur va bu dozani simptomlar yo‘qolganidan keyin 1 – 2 kun davomida davom ettirish kerak. Davolash kursi bemorning ahvoliga qarab, shifokor tavsiyasiga ko‘ra bir necha marta takrorlanishi mumkin.
Surunkali kasalliklar preparat quyidagi sxemalarga muvofiq 50 mg/kg tana vaznining sutkalik dozasida qo‘llaniladi
asimptomatik kasalliklar - 60 kunlik tanaffus bilan 30 kun davomida qabul qilinadi;
simptomlari o‘rtacha namoyon bo‘lgan kasalliklar - 30 kunlik tanaffus bilan 60 kun davomida qabul qilinadi;
og‘ir simptomlarga ega bo‘lgan kasalliklar - 30 kunlik tanaffus bilan 90 kun davomida qo‘llaniladi.
Davolash kursi qancha talab qilinsa shuncha marta takrorlanishi kerak, bunda bemorning ahvolini doimiy monitoring qilish va davolashni uzaytirish bo‘yicha ko‘rsatmalar zarur.
Odam papilloma virusi chaqirgan infektsiyalarda (tashqi genital so‘galler (o‘tkir uchli kandilomalar) yoki bachadon bo‘yni kanalining papillomavirus infektsiyasi) monoterapiya sifatida yoki mahalliy terapiya yoki jarrohlik muolajasiga qo‘shimcha sifatida 14 – 28 kun davomida 3 g (2 tabletka kuniga 3 marta) dan quyidagi sxemalarga muvofiq qabul qilinadi
– xavfi kam bo‘lgan guruhga kiruvchi patsiyentlarni davolash uchun (immuniteti normal bo‘lgan bemorlar yoki qaytalanish xavfi past bo‘lgan patsiyentlar) preparat 14-28 kun davomida virusni maksimal eradikatsiyasidan oldin qo‘llaniladi, keyin 2 oylik tanaffus qilish kerak. Davolash kursi bir xil dozani qo‘llash bilan takrorlash mumkin, bunda patsiyentning ahvolini doimiy monitoring qilish va davolashni uzaytirish bo‘yicha ko‘rsatmalar zarur;
- yuqori xavfli guruhga kiruvchi patsiyentlarni davolash uchun* (immunitet tanqisligi yoki qaytalanish xavfi yuqori bo‘lgan bemorlar) preparat haftasiga 5 kun, ketma – ket oyiga 1- 2 hafta davomida 3 oy davomida qo‘llaniladi. Davolash kursi qancha talab qilinsa shuncha marta takrorlanishi kerak, bunda bemorning ahvolini doimiy monitoring qilish va davolashni uzaytirish bo‘yicha ko‘rsatmalar zarur.
* Qaytalanish yoki bachadon bo‘yni displaziyasi yoki genital papilloma virus infektsiyasi bo‘lgan bemorlarda yuqori xavf omillari, boshqa shunga o‘xshash kasalliklarda bo‘lgani kabi, quyidagilarni o‘z ichiga oladi
* Immunitet tanqisligi
-anamnezida surunkali yoki qaytalanuvchi infektsiyalar, yoki jinsiy yo‘l bilan yuqadigan kasalliklar mavjudligi;
- kimyoterapiya;
- surunkali alkogolizmlar chaqirgan;
* peroral kontratseptiv vositalarini uzoq muddat qo‘llash (2 yil va undan ko‘p);
* eritrotsitlarda folat darajasi 660 nmol/l dan kam;
• bir nechta jinsiy sheriklarga ega bo‘lish yoki doimiy jinsiy sherikni o‘zgartirish;
• tez-tez vaginal jinsiy aloqa (≥2 – haftasiga 6 marta) yoki anal jinsiy aloqa;
• atopiya (yuqori sezuvchanlikka irsiy moyillik);
* yomon nazorat qilinuvchi diabet;
* chekish;
* anamnezida 2 yildan ortiq davom etadigan yoki 3 yoki undan ko‘p qaytalanishga ega bo‘lgan jinsiy organlarning papillomavirus infektsiyasi;
* bolalikda patsiyentda teri so‘galining mavjudligi.

O‘tkir osti sklerozlanuvchi panentsefalitda sutkalik doza 100 mg/kg tana vazniga, maksimal doza sutkasiga 3-4 g ni tashkil qiladi, bunda patsiyentning ahvolini doimiy monitoring qilish va davolashni uzaytirish bo‘yicha ko‘rsatmalar zarur.
Bolalar.
Preparat 1 yoshdan boshlab bolalarga qo‘llaniladi.

Nojo‘ya tasirlari
Gropivirin bilan davolanish vaqtida kattalar va bolalarda preparatning yagona doimiy nojo‘ya ta'siri, qon zardobida va siydikda siydik kislotasi darajasining vaqtinchalik oshishidir, bu esa davolanish tugagandan keyin bir necha kun o‘tgach, boshlang‘ich normal ko‘rsatkichlarga qaytadi.
Laboratoriya tadqiqotlari qonda siydik kislotasi darajasini oshishi, siydikda siydik kislotasi darajasini oshishi, qonda azot mochevina darajasini oshishi, transaminaza darajasini oshishi, qonda ishqoriy fosfataza darajasini oshishi.
Umumiy buzilishlar charchoq, lohaslik.
Teri va teri osti to‘qimasi tomonidan toshma, qichishish.
Me'da-ichak yo‘llari a'zolari tomonidan ko‘ngil aynishi, qusish, qorin epigastral sohasida bezovtalik hissi, diareya, qabziyat.
Nerv tizimi tomonidan bosh og‘rig‘i, bosh aylanishi, uyquchanlik, uyqu buzilishi.
Tayanch-xarakat apparati va mushaklar tomonidan artralgiya.
Ruhiy buzilishlar asabiylashish.
Siydik chiqarish tizimi tomonidan poliuriya.
Shuningdek boshqa nojo‘ya reaktsiyalar ham qayd etilgan
ovqat hazm qilish tizimi tomonidan qorinda og‘riq (yuqori qismida);
immun tizimi tomonidan anafilaktik reaktsiyalar, anafilaktik shok, angonevratik shish, yuqori sezuvchanlik, eshakemi;
nerv tizimi tomonidan bosh aylanishi;
teri va teri osti to‘qimasi tomonidan eritema.


Qo‘llash mumkin bo‘lmagan holatlar

Preparatning har qanday komponentiga yuqori sezuvchanlik, podagra, giperurikemiyada qo‘llash mumkin emas.

Dorilar bilan o‘zaro tasiri
Preparatni immunosupressantlar bilan bir vaqtda qo‘llash mumkin emas.
Preparatni ksantinoksidaza ingibitorlari bilan yoki siydik kislotasini chiqarilishiga yordam beruvchi vositalar, shuningdek siydik haydovchi preparatlar -tiazid diuretiklari (gidroxlorotiazid, xlorotalidon, indapamid kabi) va kanalchalar diuretiklarni (masalan, furosemid, torasemid, etakrinik kislotasi) ehtiyotkorlik bilan buyurish kerak.
Azidotimidin bilan bir vaqtda qo‘llaganda, qon plazmasida azidotimidin biokirishaolishligi oshishi va odam qoni monotsitlarida hujayra ichida fosforillanishning oshishi natijasida nukleotidlarning hosil bo‘lishi oshadi.


Maxsus ko‘rsatmalar

Gropivirin bilan davolanish vaqtida ayniqsa, erkaklar va keksa yoshdagi kishilarning qon zardobida siydik kislota darajasini vaqtinchalik oshishi ehtimoli tufayli, preparatni podagra, giperurikemiya bilan og‘rigan bemorlarda qo‘llash mumkin emas va siydik tosh kasalligi bo‘lgan va buyrak funktsiyasi susaygan bemorlarda ehtiyotkorlik bilan qo‘llash kerak. Preparatni 3 oydan ko‘p qo‘llaganda, har oyda jigar va buyrak funktsiyalarining (transaminazalar, kreatinin) laboratoriya ko‘rsatkichlarini, qon zardobida siydik kislotasi darajasini tekshirish, qon tahlilini o‘tkazish maqsadga muvofiqdir.
Ba'zi odamlarda yuqori sezuvchanlikning o‘tkir reaktsiyalarini (angionevrotik shish, anafilaktik shok, eshakemi) keltirib chiqarishi mumkin. Bunday hollarda Gropivirin bilan davolashni to‘xtatish kerak.
Preparatni uzoq muddat qo‘llaganda nefrolitiaza rivojlanish xavfi mavjud.
Homiladorlik yoki laktatsiya davrida qo‘llanilishi
Xomilada patologiyalarning yuzaga kelishi va ayollarda fertillikning buzilishi ehtimoli tufayli tadqiqotlar o‘tkazilmagan. Inozin pranobeks ko‘krak sutiga o‘tishi noma'lum. Homiladorlik va emizish davrida preparatni qo‘llash tavsiya etilmaydi.
Avtotransport yoki boshqa mexanizmlarni boshqarishda reaktsiya tezligiga ta'sir qilish qobiliyati
Transport vositalarini boshqarishda yoki boshqa mexanizmlar bilan ishlashda preparatning reaktsiya tezligiga ta'siri o‘rganilmagan. Biroq, patsiyentlar preparatni bosh aylanishi yoki nerv tizimi tomonidan boshqa nojo‘ya reaktsiyalarni chaqirishi mumkinligini inobatga olishlari kerak.

Dozani oshirib yuborish
Dozani oshirib yuborish holatlari kuzatilmagan. Dozani oshirib yuborish qon zardobi va siydikda siydik kislotasi darajasini oshishini keltirib chiqarishi mumkin. Davolash simptomatik.

Chiqarish shakli
10 tabletkadan blisterda.
2 yoki 5 blisterlardan tibbiyotda qo‘llanilishiga doir yo‘riqnomasi bilan birga qutida.


Saqlash sharoitlari
Original o‘ramda 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

2 yil.
O‘ramida ko‘rsatilgan yaroqlilik muddat tugagandan so‘ng preparat qo‘llanilmasin.


Dorixonalardan berish tartibi

Retsept bo‘yicha.