Preparatni qabul qilishni boshlashdan oldin ushbu ilovani diqqat bilan o‘qib chiqing, chunki unda siz uchun muhim ma'lumot mavjud.
-Ushbu ilova varaqani saqlab qo‘ying. U sizga yana kerak bo‘lishi mumkin.
-Agar sizda qo‘shimcha savollar tug‘ilsa, shifokoringizga yoki farmatsevtga murojaat qiling.
-Bu preparat shaxsan sizga buyurilgan. Uni boshqa shaxslarga berish mumkin emas. Agarda ularning simptomlari siznikiga o‘xshash bo‘lsa ham, bu ularga zarar yetkazishi mumkin.
-Agar siz o‘zingizda noxush samaralarni , shu jumladan, ushbu ilovada ko‘rsatilmagan noxush samaralarnikuzatsangiz, bu haqida shifokoringizga yoki farmatsevtga habar bering.

1.SAVDO NOMI
Koraksan®

2.DORI ShAKLI
Plyonka qobiq bilan qoplangan tabletkalar 5 mg va 7,5 mg.

3.TASIR ETUVChI MODDANING NOMI
Ivabradin.

4.TARKIBI
Koraksanda nima saqlanadi
-Ta'sir etuvchi modda ­ ivabradin.
Koraksan 5 mg plyonka qobiq bilan qoplangan bir tabletka 5 mg ivabradin saqlaydi (5,390 mg ivabradin gidroxloridiga mos keladi).
Koraksan 7,5 mg plyonka qobiq bilan qoplangan bir tabletka 7,5 mg ivabradin saqlaydi (8,085 mg ivabradin gidroxloridiga mos keladi).
-Tabletka yadrosining boshqa ingrediyentlari laktoza monogidrati, magniy stearati (E470V), makkajo‘xori kraxmali, maltodekstrin, suvsiz kolloid kremniy dioksidi (E551); plyonka qobiqning boshqa ingrediyentlari gipromelloza (E464), titan dioksidi (E171), makrogol 6000, glitserin (E422), magniy stearati (E470V), temir II oksidi (E172), temir III oksidi (E172).

Koraksan qanday ko‘rinishga ega va o‘ram tarkibi
5 mg Koraksan tabletkalari, zarg‘aldoq-pushti rangli, uzunchoq shaklli, plyonka qobiq bilan qoplangan, har bir tomonida bo‘lish chizig‘i bo‘lgan, bir tomonida “5” raqami va ikkinchi tomonida belgisi bosilgan tabletkalar.
7,5 mg Koraksan tabletkalari, zarg‘aldoq-pushti rangli, uchburchak shaklli, plyonka qobiq bilan qoplangan, bir tomonida “7,5” raqami va ikkinchi tomonida belgisi bosilgan tabletkalar.
Tabletkalar o‘ramlarda (kontur uyali o‘ram) 14, 28, 56, 84, 98, 100 yoki 112 tabletka saqlovchi, chop etilgan kalendar bilan chiqariladi.
Savdoda barcha o‘ramlari ham bo‘lmasligi mumkin.

5.FARMAKOTERAPEVTIK GURUHI
Kardiologik davolash, yurak tizimining boshqa preparatlari,
ATX kodi S01EV17.

6.FARMAKOLOGIK XUSUSIYaTLARI
Farmakodinamik xususiyatlari
Ta'sir mexanizmi
Ivabradin yurak qisqarish sonini pasaytiruvchi, sinus-bo‘lmacha tugunining spontan diastolik depolyarizatsiyasida muhim rol o‘ynovchi va YuQS boshqaruvchi yurak ritmining If oqimini tanlab va spetsifik ingibirlovchi. Yurakka ta'siri sinus tuguniga spetsifik ta'siri bilan bog‘liq. Ushbu agent bo‘lmaga ichki, atrioventrikulyar yoki yurak qorinchalarining ichki o‘tkazuvchi vaqtiga ham, miokardning qisqarish qobiliyatiga ham, yurak qorinchalari repolyarizatsiyasiga ham ta'sir ko‘rsatmaydi.
Ivabradin yurak If oqimi bilan ko‘p tomonlama o‘xshash bo‘lgan Ih to‘r parda oqimi bilan ham o‘zaro ta'sir qilishi mumkin. Ko‘rish tizimining vaqtinchalik ajratish qobiliyatida ishtirok etadi. Chunki to‘r pardani keskin yorug‘lik bilan rag‘batlantirishi reaktsiyasini qisqartiradi. Alohida hollarda (masalan, yorug‘likning tez o‘zgarishi) ivabradin elektrik impuls Ih ni qisman ingibirlaydi, bu ba'zan ba'zi patsiyentlarda yorug‘likni his qilishni yuzaga kelishiga olib keladi. Bu yorug‘lik hislari (fosfenlar) chegaralangan ko‘rish maydonida qisqa vaqtli yuqori yorug‘lik xissi tarzida ta'riflangan.
Farmakodinamik samarasi
Yurak qisqarishi sonining spetsifik va dozaga bog‘liq holda pasayishi ivabradinning odamdagi asosiy farmakodinamik xususiyati hisoblanadi. Kuniga 2 marta 20 mg gacha bo‘lgan dozalarda qabul qilishda YuQS ni pasayish tahlili og‘ir darajali bradikardiyaning (minutiga 40 zarbdan kamroq) rivojlanish xavfini qisqartiruvchi plato samarasining rivojlanish tendentsiyasini ko‘rsatadi.
Odatdagi tavsiya etilgan dozada yurak qisqarishi sonini kamayishi tinch va jismoniy og‘irlik holatida taxminan minutiga 10 zarbni tashkil qiladi. Bu yurakka yuklamani kamayishi va miokardni kislorodga ehtiyojini pasayishiga olib keladi. Ivabradin yurakning ichki o‘tkazuvchanligiga ham, qisqarish qobiliyatiga ham (manfiy inotrop ta'sirisiz), qorinchalarning repolyarizatsiyaga ham ta'sir ko‘rsatmaydi
-klinik elektrofiziologik tadqiqotlarda ivabradin atrioventrikulyar va qorinchalarning ichki o‘tkazuvchanligiga ham, to‘g‘irlangan QT oralig‘iga ham ta'sir ko‘rsatmaydi;
-chap qorincha faoliyatini buzilishi bo‘lgan patsiyentlarda (30 dan 45% gacha chap qorinchadan otilib chiqayotgan qon hajmi ivabradin (ChQOChQH)) ChQOChQHga salbiy ta'sir ko‘rsatmagan.

7.FARMAKOKINETIKASI
Ivabradin organizmga tushishi bilan tabletkadan tez ajraladi va suvda yaxshi eriydi (>10 mg/ml). Ivabradin S-enantiomer bo‘lib, in vivo biologik o‘zgaruvchanlikka moyilligini ko‘rsatmadi. Ivabradinning N-demetillangan metaboliti odamda asosiy faol metaboliti ekanligi aniqlangan.
So‘rilishi va biokirishaolishligi
Ivabradin peroral qabul qilinganda tez va deyarli to‘liq so‘riladi, uning plazmadagi cho‘qqi miqdoriga och qoringa qabul qilinganida taxminan 1 soatdan so‘ng yetadi. Plyonka qobiq bilan qoplangan ivabradin tabletkalarining mutloq biokirishaolishligi ichak va jigardan birinchi o‘tish samarasi natijasida taxminan 40% ni tashkil qiladi.
Ovqat qabul qilinishi so‘rilishini taxminan 1 soatga kechiktiradi va plazmada ekspozitsiyani 20-30% ga oshiradi. Tabletkani ekspozitsiyaning ichki shaxsiy o‘zgaruvchanligini pasaytirish uchun ovqat vaqtida qabul qilish tavsiya etiladi.
Taqsimlanishi
Ivabradin plazma oqsillari bilan taxminan 70% bog‘lanadi va statsionar holatdagi patsiyentlarda taqsimlanish hajmi 100 l ga yaqin. Tavsiya etilgan dozada bir kunda 2 marta 5 mg dan muntazam qabul qilishida plazmadagi maksimal kontsentratsiyasi 22 ng/ml
(CV = 29%) ni tashkil qiladi. Turg‘un holatda plazmadagi o‘rtacha kontsentratsiyasi
10 ng/ml (CV = 38%) ni tashkil qiladi.
Biotransformatsiyasi
Ivabradin jigar va ichakda faqat sitoxrom R450 3A4 (CYP3A4) bilan oksidlanish yo‘li bilan ahamiyatli darajada metabolizmga uchraydi. N-demetillangan metabolit (S 18982) asosiy faol metaboliti hisoblanadi, uning ekspozitsiyasi dastlabki birikmadan taxminan 40%ni tashkil qiladi. Bu faol metabolitining metabolizmida shuningdek CYP3A4 ham ishtirok etdi. Ivabradin CYP3A4 ga nisbatan kam affinitetga ega, u CYP3A4 ga klinik relevant induktsiya yoki ingibirlanish ko‘rsatmaydi, va shu tariqa u CYP3A4 substratining metabolizmi yoki uning plazmadagi kontsentratsiyasini o‘zgartirish qobiliyatiga ega ekanligining ehtimoli kam. Va aksincha, kuchli ingibitorlar va induktorlar ivabradinning plazmadagi kontsentratsiyasiga ahamiyatli darajada ta'sir etishi mumkin.
Chiqarilishi
Ivabradinni plazmadan asosiy yarim chiqarilish davri 2 soatni (AUC maydonidan 70-75%), so‘ngi yarim chiqarilish davri esa 11 soatni tashkil qiladi. Umumiy klirens taxminan minutiga 400 ml ni, buyrak klirensi – taxminan minutiga 70 ml ni tashkil qiladi. Metabolitlari ekskretsiyasi siydik va axlat bilan bir xil darajada sodir bo‘ladi. Peroral dozaning taxminan 4% siydik bilan o‘zgarmagan holda chiqariladi.
To‘g‘ri proportsional/teskari proportsional
Ivabradinni kinetikasi hamma peroral dozalari uchun 0,5 dan 24 mg gacha to‘ri proportsional hisoblanadi.

8. QO‘LLANILIShI
Yurakning ishemik kasalligini davolash
Normal sinus ritmiga ega va YuQS ≥70 zarb/min bo‘lgan yurak ishemik kasalligi bilan xastalangan katta yoshdagi patsiyentlarda surunkali stabil stenokardiyani simptomatik davolashda. Ivabradin quyidagilarda qo‘llanadi
-beta-blokatorlarni o‘zlashtiraolmaydigan patsiyentlarga yoki ularni qo‘llash mumkin bo‘lmagan hollarda.
-yoki beta-blokatorlarning optimal dozasini qabul qilish bilan xolati butunlay nazorat qilinmaydigan patsiyentlarda beta-blokatorlar bilan majmuada.
Surunkali yurak yetishmovchiligini davolash
Kattalarda klinik ko‘rinishlari mavjud va YuQS minutiga ≥ 70 zarb/min bo‘lgan surunkali yurak yetishmovchiligi bilan sinus ritmdagi yurak-tomir hodisalarini (yurak-tomir o‘limi holati yoki yurak yetishmovchiligini yomonlashishi sababli gospitalizatsiya hollari) pasaytirishda.
Stabil stenokardiya (odatda “stenokardiya” deb ataluvchi) haqida
Stabil stenokardiya – bu yurak kasalligi bo‘lib, yurak yetarli miqdorda kislorod olmagan hollarda paydo bo‘ladi. Odatda 40 yoshdan 50 yoshgacha rivojlanadi. Stenokardiyaning eng tarqalgan simptomi – ko‘krak sohasida og‘riq va diskomfort. Stenokardiya ayniqsa, yurak qisqarishlar soni oshganda, ya'ni jismoniy yuklamalar, emotsional hayajonlar, sovuqda va ovqatdan so‘ng paydo bo‘ladi. Stenokardiya bilan kasallangan odamlarda yurak qisqarishlarini tezlashishi yurak sohasida og‘riqlar paydo bo‘lishiga olib kelishi mumkin.
Surunkali yurak yetishmovchiligi haqida
Surunkali yurak yetishmovchiligi – bu yurak kasalligi bo‘lib, sizning yuragingiz organizm uchun kerakli miqdordagi qonni o‘tkaza olmay qolganida yuzaga keladi. Yurak yetishmovchiligining eng ko‘p tarqalgan simptomlari hansirash, charchoqlik, tez toliqish va to‘piqni shishishi.

9. QO‘LLASh USULI VA DOZALASh TARTIBI
Koraksanni qabul qilishda doimo shifokor yoki farmatsevtning ko‘rsatmalariga amal qiling.
Agar sizda shubha tug‘ilsa, shifokor yoki farmatsevt bilan maslahatlashing.
Koraksanni ovqat vaqtida qabul qilish kerak.
Agar Siz stabil stenokardiyani davolayotgan bo‘lsangiz
Boshlang‘ich doza Koraksan 5 mg tabletkasidan sutkada ikki martadan oshmasligi kerak. Agar Siz shunda ham stenokardiya simptomlarini sezsangiz va sutkada ikki marta 5 mg lidozani yaxshi o‘zlashtirsangiz, dozani oshirish mumkin. Tutib turuvchi doza sutkada ikki marta 7,5 mg dan oshmasligi kerak. Sizga kerakli dozani shifokor aniqlaydi. Odatiy doza ertalab bir tabletkani va kechqurun bir tabletkani tashkil qiladi. Ba'zi hollarda (masalan, agar Siz keksa yoshda bo‘lsangiz) shifokor dozaning yarmini buyurishi mumkin, ya'ni Koraksan 5 mg tabletkasining yarmini (2,5 mg ivabradinga mos keladi) ertalab va
5 mg tabletkani yarmini esa kechqurun.
Agar Siz surunkali yurak yetishmovchiligini davolayotgan bo‘lsangiz.
Odatda Koraksanning tavsiya etilgan boshlang‘ich dozasi – 5 mg tabletkadan kuniga ikki marta, zarurati bo‘lsa dozani kuniga ikki marta 7,5 mg gacha oshirish mumkin. Siz qaysi dozadan davolanishni boshlashingiz kerakligini shifokoringiz hal qiladi.
Qabul qilishni odatdagi tartibi bir tabletkadan ertalab va kechqurun. Ba'zi xollarda (masalan, keksa yoshdagi patsiyentlarga) shifokor dozaning yarmini buyurishi mumkin, ya'ni Koraksan 5 mg tabletkasining yarmini (2,5 mg ivabradinga mos keladi) ertalab vayarmini esa kechqurun.

Agar Siz Koraksan qabul qilishni unutgan bo‘lsangiz
Agar Siz Koraksan qabul qilishni unutgan bo‘lsangiz, keyingi dozani odatdagi vaqtda qabul qiling. Unutgan dozangizning o‘rnini qoplash uchun uni ikki marta oshirmang.
Tabletkalar joylangan blisterda kalendar chop etilgan, u sizga Koraksanni so‘ngi marta qachon qabul qilganingizni eslab qolishga yordam beradi.

Agar Siz Koraksan qabul qilishni to‘xtatayotgan bo‘lsangiz
Stenokardiya yoki surunkali yurak yetishmovchiligini davolash odatda bir umr davom etadi, siz bu preparatni qabul qilishni to‘xtatishdan avval shifokoringiz bilan maslahatlashishingiz kerak.
Agar Siz Koraksan o‘ta kuchli yoki o‘ta kuchsiz ta'sir ko‘rsatayapti deb hisoblasangiz, shifokoringiz yoki farmatsevt bilan maslahatlashing.
Agar Sizda preparatni qabul qilish bo‘yicha qo‘shimcha savollar tug‘ilsa, davolovchi shifokoringiz yoki farmatsevtga murojaat qiling.
Koraksanning ta'sir mexanizmi qanday?
Koraksanning asosiy ta'siri YuQSni minutiga bir necha zarbga kamaytirishdan iborat. Bu yurakni kislorodga bo‘lgan ehtiyojini kamaytiradi, ayniqsa stenokardiya huruji bo‘lishining ehtimoli engyuqori bo‘lgan vaziyatlarda. Shu tariqa Koraksan stenokardiya xurujlari sonini nazorat qilish va kamaytirishga yordam beradi.
Bundan tashqari, yurak qisqarishlari sonini oshishi yurak faoliyatiga va surunkali yurak yetishmovchiligi bo‘lgan patsiyentlarda kasallikni kechishiga yomon ta'sir ko‘rsatadi, ivabradinning spetsifik ta'siri esa yurak qisqarishlari sonini kamaytirishga yo‘naltirilgan bo‘lib, yurak faoliyati va bu patsiyentlarda kasallikni kechishini yaxshi-
lashga yordam beradi.

10. NOJO‘Ya SAMARALARI
Barcha dori preparatlari kabi Koraksan ham, barcha patsiyentlarda bo‘lmasa ham, nojo‘ya reaktsiyalarni chaqirishi mumkin.
Quyida sanab o‘tilgan bo‘lishi mumkin bo‘lgan nojo‘ya samaralarning tez-tezligi kuyidagi tizim bo‘yicha aniqlanadi
juda keng tarqalgan (10 tadan 1 patsiyentdan ko‘prog‘ida yuzaga keladi)
tarqalgan (10 tadan 1 patsiyentdan kamrog‘ida yuzaga keladi)
tarqalmagan (100 tadan 1 patsiyentdan kamrog‘ida yuzaga keladi)
kam (1000 tadan 1 patsiyentdan kamrog‘ida yuzaga keladi)
juda kam (10000 tadan 1 patsiyentdan kamrog‘ida yuzaga keladi)
ma'lum emas (mavjud ma'lumotlardan baholab bo‘lmaydi)
Ushbu preparatni qabul qilish bilan bog‘liq, eng ko‘p tarqalgan nojo‘ya reaktsiyalari dozaga bog‘liq va uning ta'sir mexanizmi bilan bog‘liq bo‘ladi
Juda keng tarqalgan
Yorug‘likni sezish tuyg‘ulari (ko‘pincha yoritilishni keskin o‘zgarishlari bilan chaqirilgan qisqa muddatli yuqori yorug‘likni his qilish). Ular shuningdek, yorug‘lik manbai atrofidakamalak doiralari, rangli o‘t chaqnashi, tasvirni dekompozitsiyasi yoki ko‘p martali tasvirlanish kabi ta'riflanadi.
Odatda davolashning birinchi ikki oyida yuzaga keladi, so‘ng ular davolash vaqtida yoki davolash to‘xtatilganidan keyin qaytalanishi yoki to‘xtashi mumkin.
Tarqalgan
Yurak faoliyatida o‘zgarishlar (simptomi yurak ritmining sekinlashuvi). Odatda davolashning birinchi 2-3 oyligida yuzaga keladi.
Shuningdek boshqa nojo‘ya ko‘rinishlar haqida ham xabar qilingan
Tarqalgan
Yurak qisqarishi ritmini buzilishi, yurak urushini anomal xis qilish, boshqarib bo‘lmaydigan arterial bosim, bosh og‘rig‘i, bosh aylanishi va ko‘rishni buzilishi (ko‘rishni xiralashishi).
Tarqalmagan
Yurakni tez urushi va qo‘shimcha yurak qisqarishlarini paydo bo‘lishi, ko‘ngil aynishi, qabziyat, diareya, qorinda og‘riq, bosh aylanishi (vertigo), nafasni qiyinlashishi (hansirash), mushak tirishishlari va laborator ko‘rsatkichlarning o‘zgarishi qonda siydik kislotasi miqdorini oshishi, eozinofillar miqdori oshishi (oq qon tanachalari turi) va qonda kreatin miqdorini oshishi (mushak to‘qimasida ishlab chiqariladi), teri toshmalari, angioshish (yuz, til yoki tomoqni shishi, nafas yoki yutinishni qiyinlashishi), arterial bosimni pasayishi, hushdan ketish, toliqish, holsizlik, EKGda anomaliyalar, ko‘zda ikkilanish, ko‘rishni buzilishi.
Kam
Eshakemi, qichishish, terini qizarishi, umumiy lohaslik.
Juda kam
Muntazam bo‘lmagan yurak qisqarishi.
Agar siz o‘zingizda biron bir nojo‘ya samaralarni kuzatsangiz, bu haqida davolovchi shifokoringiz yoki farmatsevtga xabar bering, shu jumladan bu ilovada sanab o‘tilmagan bo‘lishi mumkin bo‘lgan nojo‘ya samaralar to‘g‘risida ham gap bormoqda.
Nojo‘ya samaralari xaqida ma'lumot bersangiz, ushbu dori preparatini xavfsizlik profili xaqida ko‘proq ma'lumot to‘plashga yordam berasiz.

11. QO‘LLASh MUMKIN BO‘LMAGAN HOLATLAR
Qanday holatlarda Koraksanni qabul qilish mumkin emas
-ivabradin yoki Koraksanning har qanday boshqa ingrediyentiga allergiyada;
-davolash boshlanguniga tinch holatda yurak qisqarishlari soni juda kamligida (minutiga 70 zarbdan kam);
-agar sizda kardiogen shok bo‘lsa (statsionarda davolanish lozim bo‘lgan holat);
-yurak qisqarishlari soni buzilishida;
-yurak xurujida;
-juda past arterial bosimda;
-nostabil stenokardiyada (juda tez-tez ko‘krak sohasida og‘riq, jismoniy yuklama yoki usiz ro‘y beradigan og‘ir shakli);
-yurak yetishmovchiligining yaqinda bo‘lgan yomonlashuvida;
-agar sizda elektrostimulyatorga qaramlik bo‘lsa;
-jigarning og‘ir darajali kasalliklarida;
-agar siz zamburug‘li infektsiyalarni davolashga mo‘ljallangan preparatlar (ketokonazol, intrakonazol kabi), makrolid antibiotiklar (peroral djozamitsin, klaritromitsin, telitromitsin yoki eritromitsin), OITV-infektsiyasini davolashg uchun mo‘ljallangan preparatlar (nelfinavir, ritonavir kabi) yoki nefazodon (depressiyani davolash uchun preparat) yoki diltiazem, verapamil (yuqori arterial bosimni yoki stenokardiyani davolash uchun qo‘llaniladi) qabul qilayotgan bo‘lsangiz;
-homiladorlikda;
-homilador bo‘lishi mumkin bo‘lgan va samarali kontratseptsiya vositalarini ishlatmaydigan ayollarga;
-agar siz homilador bo‘lsangiz yoki homilador bo‘lishni rejalashtirayotgan bo‘lsangiz;
-emizish davrida.

12. BOShQA PREPARATLAR BILAN O‘ZARO TASIRI
Agar siz boshqa har qanday preparatlarni qabul qilayotgan, yaqinda qabul qilgan yoki qabul qilishingiz kerak bo‘lsa, shifokoringiz yoki farmatsevtga xabar bering.
Agar siz quyida sanab o‘tilgan preparatlardan birini qabul qilayotgan bo‘lsangiz shifokorni albatta xabardor qiling, chunki Koraksanning dozasini to‘g‘rilash yoki monitoring o‘tkazish talab etilishi mumkin
-flukonazol (zamburug‘larga qarshi preparat);
-rifampitsin (antibiotik);
-barbituratlar (uyquni buzilishi yoki tutqanoqda);
-fenitoin (tutqanoqda);
-Hypericum perforatumyoki teshik dalachoy (depressiyaning gomeopatik davosi);
-yurak qisqarishlari sonini buzilishi yoki boshqa buzilishlarni davolash uchun qo‘llanadigan, QT oraliqni uzaytiruvchi preparatlar, ya'ni
-xinidin, dizopiramid, ibutimid, sotalol, amiodaron (yurak ritmining buzilishini davolashda);
-bepridil (stenokardiyani davolashda);
-bezovtalik, shizofreniya yoki boshqa psixozlarni davolash uchun preparatlarning ba'zi turlari (pimozid, ziprazidon, sertindol kabi);
-bezgakni davolash uchun preparatlar (meflokin yoki galofantrin kabi);
-vena ichiga eritromitsin (antibiotik);
-pentamidin (antiparazitar preparat);
-sizaprid (gastroezofageal reflyuksda);
-furosemid, gidroxlortiazid, indapamid kabi qonda kaliy miqdorini pasaytiradigan diuretiklarning ba'zi turlari (shishlarni, yuqori arterial bosimni davolash uchun qo‘llanadi).

13. MAXSUS KO‘RSATMALAR
Maxsus ehtiyotkorliklar
Quyidagi hollarda Koraksanni qabul qilishni boshlashdan avval shifokoringizni yoki
farmatsevtni ogohlantiring
-yurak qisqarishlari sonining buzilishida (aritmiya, yurak yurishining tezlashishi, ko‘krakda og‘riqning kuchayishi kabi) yoki bo‘lmachalarning turg‘un fibrillyatsiyasi shaklida (aritmiya turlaridan birida), “QT intervali uzayishi sindromi” nomli elektrokardiogramma (EKG) dagi anomaliyalar;
-agar sizda toliqish, bosh aylanishi yoki hansirash (bu juda past yurak qisqarishlari sonining alomati bo‘lishi mumkin) kabi simptomlar paydo bo‘lsa;
-agar sizda yurak bo‘lmachalari fibrillyatsiyasining simptomlari kuzatilsa (tinch holatda pulsning noodatiy yuqori urushi (minutiga 110 zarbdan ortiq) yoki tez­tezligini o‘lchash qiyin bo‘lgan sababsiz notekis puls);
-agar siz yaqinda insult (“miya zarbasi”) o‘tkazgan bo‘lsangiz;
-past yoki o‘rtacha past arterial bosimda;
-nazorat qilib bo‘lmaydigan arterial bosimda, ayniqsa gipotenziv davolashning o‘zgartirish hollarida;
-og‘ir darajali yurak yetishmovchiligi yoki “Gis tutami oyoqchalari blokadasi” nomli EKG dagi anomaliyalar bilan yurak yetishmovchiligida;
-to‘r pardaning surunkali shikastlanishida,
-o‘rtacha og‘irlak darajadagi jigar kasalliklarida;
-og‘ir darajali buyrak kasalliklarida.
Agar ko‘rsatilgan sabablardan biri sizda kuzatilsa, unda Koraksanni qabul qilishni boshlashdan oldin, yoki Koraksan bilan davolash jarayonida shifokoringiz bilan maslahatlashing.

Bolalar
Koraksan bolalar va o‘smirlar (18 yoshgacha) qabul qilishi uchun mo‘ljallanmagan.

Koraksanni ovqat va suyuqlik bilan qabul qilish
Koraksan bilan davolanish vaqtida greypfrut sharbatini iste'mol qilish mumkin.

Homiladorlik va emizish davri
Agar siz homilador bo‘lsangiz yoki homiladorlikni rejalashtirayotgan bo‘lsangiz, Koraksanni qabul qilmang (“Qanday hollarda Koraksanni qabul qilish mumkin emas” bo‘limiga qarang).
Agar siz homilador bo‘lsangiz va Koraksanni qabul qilgan bo‘lsangiz, shifokoringiz bilan maslahatlashing.
Agar siz homilador bo‘lishingiz mumkin bo‘lsa yoki samarali kontratseptsiyavositalarini ishlatmasangiz, Koraksanni qabul qilmang (“Koraksanni qanday holatlarda qabul qilish mumkin emas” bo‘limiga qarang).
Agar emizayotgan bo‘lsangiz, Koraksanni qabul qilmang (“Qanday hollarda Koraksanni qabul qilish mumkin emas” bo‘limiga qarang).
Agar siz emizayotgan bo‘lsangiz yoki emizishni rejalashtirayotgan bo‘lsangiz, bu haqda shifokorni ogohlantiring, chunki sizga Koraksan buyurilgan bo‘lsa, emizishni to‘xtatish zarur.
Agar siz homilador bo‘lsangiz yoki emizayotgan bo‘lsangiz, agar o‘zingizni homilador deb hisoblasangiz yoki homiladorlikni rejalashtirayotgan bo‘lsangiz, preparatni qabul qilishni boshlashdan oldin shifokor yoki farmatsevt bilan maslahatlashing.

Avtotransportni haydash va mexanizmlarni boshqarish
Koraksan vaqtinchalik yorug‘lik hissi paydo bo‘lishiga olib kelishi mumkin (ko‘rish maydonida vaqtinchalik yorug‘likni oshishi (“Bo‘lishi mumkin bo‘lgan nojo‘ya samaralar”ga qarang). Agar bu holat sizda ro‘y bersa, yoritilishni keskin o‘zgarish ehtimoli mavjud bo‘lganida, ayniqsa tunda boshqarishda avtotransportni haydashda yoki mexanizmlarni boshqarishda ehtiyot bo‘ling.

Koraksan laktoza saqlaydi
Agar sizda qandning ba'zi turlarini o‘zlashttiraolmaslik bo‘lsa, ushbu preparatni qabul qilishdan oldin shifokor bilan maslahatlashing.

14. DOZANI OShIRIB YuBORILIShI
Koraksanni haddan tashqari katta dozasini qabul qilgandan so‘ng yurak qisqarishlari sonini haddan tashqari pasayishining oqibatida siz charchoqlik yoki hansirashni his etishingiz mumkin. Bunday holda darhol davolovchi shifokoringizga murojaat qiling.

15. SAQLASh BO‘YIChA TAVSIYaLAR
30°S dan yuqori bo‘lmagan haroratda saqlansin.
Bolalar olaolmaydigan va ko‘rmaydigan joyda saqlansin.
Karton qutida va kontur uyali o‘ramda ko‘rsatilgan “GODEN DO” yaroqlilik muddati o‘tgandan so‘ng qabul qilinmasin.
Yaroqlilik muddati
ni ko‘rsatishda ko‘rsatilgan oyning oxirgi kuni nazarda tutiladi.
Dori vositasini oqava suvga yoki maishiy chiqindiga tashlash mumkin emas. Qabul qilinishi tugagan dorilarni qanday yo‘q qilishni farmatsevtdan so‘rang. Bu choralar atrof-muhitni himoya qilishga yo‘naltirilgan.

16. SAQLASh MUDDATI
3 yil.

17. BERISh TARTIBI
Shifokorning buyurtmasi bo‘yicha qabul qilish uchun dori vositasi.

18. IShLAB ChIQARUVChINING NOMI VA MANZILI
Qayd etish guvohnomasining egasi
Les Laboratoires Servier/ «Le Laboratuar Servye»
50, rue Carnot
92284 Suresnes Cedex France – FRANSIYa


Ishlab chiqaruvchi
lar
Les Laboratoires Servier Industrie / «Le Laboratuar Servye Industri»
905, route de Saran
45520 Gidy
FRANCE – FRANSIYA

yoki

Servier (Ireland) Industries Ltd / «Servye (Irlandiya) Indastriz Ltd»
Gorey Road
Arklow – Co. Wicklow – Ireland - IRLANDIYA