Kataksol ko‘z tomchilari 0,015% 15 ml dan №1

Preparatning savdo nomi

Kataksol
Ta'sir etuvchi modda (XPN) azapentatsen

Dori shakli

ko‘z tomchilari

Tarkibi

1 ml preparat quyidagilarni saqlaydi
faol modda azapentatsen natriy polisulfonati – 0,15 mg.
yordamchi moddalar borat kislotasi, natriy tetraborat dekagidrati, kaliy xloridi, metilgidroksibenzoati, propilparagidroksibenzoati, timerosal, natriy gidroksidi, tozalangan suv.
Ta'rifi yorqin-qizil rangli tiniq eritma.

Farmakoterapevtik guruhi

kataraktani davolash uchun qo‘llanadigan vosita.
ATX kodi S01XA

Farmakologik xususiyatlari

Kataksol – kataraktada qo‘llanadigan oftalmologik preparatdir. Azapentatsen ko‘z gavharining sulfgidril guruhlarini oksidlanishdan himoya qiladi va gavharning tiniq bo‘lmagan oqsillarini so‘rilib ketishiga yordam beradi. Ko‘zning old kamerasi suyuqligida saqlanadigan proteolitik fermentlarga faollashtiruvchi ta'sir ko‘rsatadi. Preparat zo‘rayib boruvchi kataraktaga qarshi nafaqat profilaktik vosita sifatida, balki tiniq bo‘lmagan proteinlarni erituvchi vosita sifatida ham qo‘llanishi mumkin.

Qo‘llanilishi

• keksalardagi katarakta;
• tug‘ma katarakta;
• jarohat oqibatidagi katarakta;
• ikkilamchi katarakta.

Qo‘llash usuli va dozalari

Faqat mahalliy qo‘llash uchun mo‘ljallangan.
Kataksol preparati shikastlangan ko‘zning kon'yunktivasiga 2 tomchidan sutkada 3-5 marta tomiziladi.
Tomizilganidan so‘ng, dori preparatining tizimli so‘rilishini kamaytirish uchun qovoqlarni yopish va burun-ko‘z yoshi yo‘llarini bosib turish tavsiya etiladi, bunda uning nojo‘ya ta'sirlari kamayadi.
Preparat uzoq muddat davolash uchun mo‘ljallangan. Hatto, ko‘z gavharining holatini tez yaxshilanishi kuzatilsa ham, davolashni to‘xtatish tavsiya etilmaydi.
Nojo‘ya ta'sirlari
Mahalliy reaktsiyalar kam hollarda - achishish, qovoq sohasida qichishish.

Qo‘llash mumkin bo‘lmagan holatlar

Preparatning komponentlariga yuqori sezuvchanlik.
Dorilarning o‘zaro ta'siri
Kataksol preparatini boshqa dori vositalari bilan o‘zaro ta'siri aniqlanmagan.

Maxsus ko‘rsatmalar

Kataksol preparatini qo‘llash vaqtida kontakt linzalarni taqish tavsiya etilmaydi, chunki uning komponentlari yumshoq kontakt linzalarda to‘planishi va ko‘z to‘qimasiga noxush ta'sir ko‘rsatishi mumkin.
Tiqin-tomchilagichning uchini ko‘zga va boshqa har qanday yuzalarga tekkazish mumkin emas.
Homiladorlik va laktatsiyada qo‘llanilishi
Homilador ayollarda Kataksol ko‘z tomchilarini faqat shifokorning ko‘rsatmasi va jiddiy kuzatuvi ostida qo‘llash mumkin.
Davolanish vaqtida emizishni to‘xtatish kerak.
Pediatriyada ishlatilishi
Bolalarda Kataksolni qo‘llash xavfsizligi aniqlanmagan.
Avtotransportni haydash va mexanizmarni boshqarish qobiliyatiga ta'siri
Kataksol preparati tomizilganidan so‘ng ko‘rish o‘tkirligini vaqtincha yo‘qolishi bo‘lgan patsiyentlar diqqatni jamlash va psixomotor reaktsiyalar tezligini talab etuvchi potentsial havfli faoliyat turlarini bajarishdan saqlanishlari kerak.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Preparat ko‘z tomchilari shaklida qo‘llanganida dozasini oshirib yuborilishi yuzasidan ma'lumotlar yo‘q.

Chiqarilish shakli

Kataksol ko‘z tomchilari 0,015% 15 ml dan tiqin-tomchilagichli va himoya halqasi bilan ta'minlangan, buraluvchi himoya qopqoqchali plastik flakonda. Flakon qo‘llash bo‘yicha yo‘riqnomasi bilan birga karton qutida.

Saqlash sharoiti

Yorug‘likdan himoyalangan joyda, 25°S yuqori bo‘lmagan haroratda saqlansin.
Flakon ochilganidan so‘ng preparatni 4 hafta davomida ishlatish kerak.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

Savdo belgisi va qayd etish sertifikatining egasi
«Uorld Meditsin Oftalmiks», Buyuk Britaniya
(“World Medicine Ophthalmics”, Great Britain)
«Romfarm Kompanii S.R.L.», Otopen, Yeroilor 1 A ko‘ch., Rumniyada ishlab chiqarilgan.
(S.C. “Rompharm Company S.R.L.”, Otopeni, Eroilor street 1A, Romania)