Preparatning savdo nomi
Aykrol
Ta'sir etuvchi modda (XPN) natriy kromoglikati

Dori shakli
ko‘z tomchilari

Tarkibi

1 ml preparat quyidagilarni saqlaydi
faol modda 40 mg natriy kromoglikati;
yordamchi moddalar benzalkoniy xloridi, dinatriy edetati, polisorbat 80, natriy gidroksidi, xlorid kislotasi, in'ektsiya uchun suv.
Ta'rifi tiniq, rangsizdan och-sariq ranggacha bo‘lgan eritma.

Farmakoterapevtik guruhi
oftalmologiyada mahalliy qo‘llash uchun mo‘ljallangan allergiyaga qarshi preparatlar.
ATX kodi S01GX01

Farmakologik hususiyatlari
Aykrol – allergiyaga qarshi vosita bo‘lib, uning tarkibiga kromoglitsil kislotasining dinatriyli tuzi kiradi. Terapevtik samarasi, semiz xujayralarni degranulyatsiyasiga va ulardan gistamin, bradikinin, leykotriyenlar (shu jumladan anafilaksiyani sekin boshqaruvchi substantsiyasini), prostaglandinlar va boshqa biologik faol moddalarning ajralib chiqishiga to‘sqinlik qiladigan, kromoglitsil kislotasini membranalarni barqarorlashtiruvchi ta'siriga bog‘liq. Aykrol preparati profilaktik qo‘llanganda ko‘proq samaralidir, chunki allergik va yallig‘lanish reaktsiyalarning rivojlanishini oldini oladi. Ko‘zning allergik kasalliklarida to‘liq klinik samara bir necha kun yoki hafta davomida kuzatiladi.


Qo‘llanilishi

• allergik kon'yunktivit (o‘tkir, surunkali, bahorgi);
• allergik keratit va keratokon'yunktivit;
• «quruq ko‘z» sindromi;
• ko‘zlarni allergik reaktsiyalar (atrof-muhit omillari, kasbiy zararliklar, maishiy kimyo vositalari, kosmetik vositalar, oftalmologik dori shakllari, o‘simlik va uy hayvonlari) bilan bog‘liq zo‘riqishi va toliqishida qo‘llanadi.


Qo‘llash usuli va dozalari

Kattalar va bolalarga 4% li eritma har ikkala ko‘zga 1-2 tomchidan sutkada 4-6 marta bir vaqt oralig‘ida tomiziladi (klinik samaraga erishilganda qo‘llashlar orasidagi interval asta-sekin uzaytiriladi).

Nojo‘ya ta'sirlari
Qisqa muddatli achishish va ko‘rishni buzilishi, kon'yunktivani giperemiyasi va shishi, ko‘zni yoshlanishi, ko‘zda yot jismlarni xis qilish, ko‘zning atrofini qurishi.


Qo‘llash mumkin bo‘lmagan holatlar

Preparatning komponentlariga yuqori sezuvchanlikda qo‘llash mumkin emas.


Dorilarning o‘zaro ta'siri

Tarkibi
da glyukokortikosteroidlarni saqlaydigan oftalmologik preparatlarni qo‘llashga bo‘lgan ehtiyojni kamaytiradi.


Maxsus ko‘rsatmalar

Aykrolni faqat mahalliy qo‘llash uchun mo‘ljallangan. Agar ko‘z tomchilari uzoq vaqt qo‘llanganidan keyin kon'yunktivaning giperemiyasi davom etsa yoki kuchaysa, u holda preparatni qo‘llashni to‘xtatish va shifokorga murojaat qilish kerak.
Kontakt linzalar ishlatilganida eritmani tomizishdan oldin ularni yechish va preparat tomizilganidan keyin 15-20 minut o‘tgach taqish lozim.
O‘ramining ichidagisi mikroblar bilan ifloslanishidan saqlanish uchun tomizgich uchini biror-bir yuzaga tegishidan ehtiyot qilish kerak.
Har safar ishlatilganidan keyin flakonni darhol yopish kerak. Pipetka uchi bilan ko‘zga tegish mumkin emas.
Homiladorlikda va emizish davrida qo‘llanishi
Homiladorlikda, preparatni qo‘llashdan kutiladigan foyda homila uchun havfdan ustun bo‘lgan holatdagina Aykrol ko‘z tomchilarini qo‘llash mumkin.
Laktatsiya davrida preparatni qo‘llash zarurati bo‘lganida emizishni to‘xtatish kerak.
Pediatriyada ishlatilishi
4 yoshgacha bo‘lgan bolalarda Aykrol preparatini qo‘llash xavfsizligi va samaradorligi aniqlanmagan.
Avtotransportni haydash va mexanizmlarni boshqarish qobiliyatiga ta'siri
Tomchilar tomizilgan zahoti, ko‘rish o‘tkirligi noaniq bo‘lishi mumkin, bu avtomobilni boshqarishda va mexanizmlar bilan ishlashda qiyinchilik tug‘dirishi mumkin.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Aykrol preparatining dozasini oshirib yuborilishi bo‘yicha ma'lumotlar yuq.


Chiqarilish shakli

Ko‘z tomchilari 10 ml dan tiqin tomchilagich va himoya xalqasi o‘rnatilgan, buraladigan himoya qalpoqchali plastik flakonlarda. Flakon qo‘llash bo‘yicha yo‘riqnomasi bilan birga karton qutida.


Saqlash sharoiti

Yorug‘likdan himoyalangan joyda, 25°S dan yuqori bo‘lmagan haroratda saqlansin.
Flakon ochilganidan keyin preparat bir oy davomida ishlatilsin!


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

Ye.I.P.I. Ko., Tens ov Ramadan Siti, Birinchi Sanoat Zonasi V1, a/ya 149 Tens, Misr
(«E.I.R.I.SO.» Tenth of Ramadan City, First Industrial Area Bl, P.O. box 149 Tenth, Egypt)

«Uorld Meditsin Oftalmiks», Buyuk Britaniya
(«World Medicine Ophthalmics», Great Britain)

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«EvroFarmBiznes» MChJ,
O‘zbekiston Respublikasi, Toshkent sh., Yakkasaroy tumani, Yakkasaroy ko‘ch. 1 uy.
Tel 212-18-41, 212-20-58