Preparatning savdo nomi
Zoviraks®
Ta'sir etuvchi modda (XPN) atsiklovir

Dori shakli
krem

Tarkibi

faol modda atsiklovir – 100 g;
yordamchi moddalar propilenglikol, yumshoq oq parafin, setostearil spirti, suyuq parafin, poloksamer 407, natriy laurilsulfati, dimetikon, glitserol monostearati, makrogol stearati, tozalangan suv.
Ta'rifi oq yoki deyarli oq rangli, bir xil, donador bo‘lmagan va qumoqlarsiz, yot moddalardan holi va ajralib qolish alomatlari bo‘lmagan krem.

Farmakoterapevtik guruhi
mahalliy qo‘llash uchun viruslarga qarshi vosita.
ATX kodi D06BB03

Farmakologik hususiyatlari

Farmakodinamika
si
Atsiklovir viruslarga qarshi dori vositasi hisoblanadi. In vitro sharoitlarda o‘tkazilgan eksperimental tadqiqotlarda oddiy gerpes virusi (herpes simplex) ning 1 va 2 turlariga qarshi faollikni namoyon qiladi. Atsiklovir gerpes virusi bilan infektsiyalangan hujayraga tushganida, fosforlanadi va faol shakli – atsiklovir trifosfatga aylanadi. Ushbu jarayonning birinchi bosqichi HSV – kodlangan timidikinazani mavjudligiga bog‘liq. Atsiklovir trifosfat gerpes spetsifik DNK polimeraza uchun ingibitor va substrat sifatida ta'sir qilib keyinchalik virusdagi DNK sintezini bartaraf qiladi, odatdagi hujayra jarayonlariga ta'sir qilmaydi.

Farmakokinetikasi

Krem tavsiya etilgan dozalarda qo‘llanganida tizimli so‘rilishi minimal darajada bo‘ladi.




Qo‘llanilishi

Zoviraks® lab va yuzdagi Herpex simplex virusi tomonidan chaqirilgan infektsiyani (qaytalanuvchi labial gerpes) davolash uchun qo‘llaniladi.
Immun tizimi sust bo‘lgan patsiyentlarda qo‘llanilishi
Immun tizimi sust bo‘lgan patsiyentlarda qo‘llash tavsiya etilmaydi va xar qanday infektsiyani davolash yuzasidan shifokor bilan maslaxatlashish kerak.


Qo‘llash usuli va dozalari

Preparat faqat mahalliy qo‘llash uchun mo‘ljallangan.
Kattalar (shu jumladan keksalar)
Preparatni terining shikastlangan va u bilan chegaradosh sohalariga, tungi vaqtdan tashqari, kuniga 5 marta (taxminan har 4 soatda) yupqa qavat qilib surtish tavsiya etiladi.
Maksimal terapevtik samaraga erishish uchun kasallikni birinchi alomatlari (achishish, qichishish, sanchish, taranglik va qizirish xissi) paydo bo‘lganida preparatni qo‘llaniladi. Biroq, davolash kasallikning kechki bosqichlarida (papula yoki vezikulani mavjudligi) boshlanishi ham mumkin. Davolash davomiyligi kamida 4 kunni tashkil etadi. Shikastlangan sohani bitishi kuzatilmaganida davolash 10 kungacha davom ettirilishi mumkin. Kasallikning simptomlari 10 kundan ortiq saqlanib tursa, shifokorga murojaat qilish kerak. Patsiyentning axvolini yomonlashishiga yo‘l qo‘ymaslik va infektsiyani yuqishini oldini olish uchun preparatni surtishdan oldin va keyin qo‘llarni yuvish kerak, terining shikastlangan sohalarini sochiq bilan artish yoki tegish mumkin emas.
Bolalarda qo‘llanilishi 12 yoshgacha bo‘lgan bolalarda ushbu dori vositasini qo‘llash yuzasidan adekvat ma'lumotlar bo‘lmaganligi sababli, preparatni qo‘llash tavsiya etilmaydi.

Nojo‘ya ta'sirlari
Nojo‘ya reaktsiyalar noxush samaralarni uchrash tezligi bo‘yicha quyidagi tasniflash tizimiga muvofiq ko‘rsatilgan juda tez tez ≥1/10, tez-tez ≥1/100 va <1/10, tez-tez emas ≥1/1000 va <1/100, kam hollarda ≥1/10 000 va <1/1000, juda kam hollarda <1/10000.
Teri va teri osti klechatkasini tomonidan buzilishlar
Tez-tez emas
• Kremni surtilgandan keyin o‘tib ketuvchi achishishi va sanchishi.
• Terini qurishi va qipiqlanishi
• Qichishish
Kam hollarda
• Eritema
• Surtilgan sohada kontakt dermatit, ko‘p hollarda atsiklovirga emas, yordamchi moddalarga nisbatan kuzatiladigan reaktsiya bilan bog‘liq bo‘lishi mumkin
Immun tizimi tomonidan buzilishlar
Juda kam hollarda
• Juda tez bilan kechuvchi o‘ta yuqori sezuvchanlik reaktsiyalari, shu jumladan Kvinke shishi va eshakemi.
Nojo‘ya reaktsiyalar paydo bo‘lganida, shu jumladan qo‘llash bo‘yicha yo‘riqnomasida ko‘rsatilmagan nojo‘ya reaktsiyalar paydo bo‘lsa, dori vositasini qo‘llashni darxol to‘xtatish va shifokorga murojaat qilish kerak.


Qo‘llash mumkin bo‘lmagan holatlar

Atsiklovir, valatsiklovir, propilenglikolga yoki Zoviraks® kremining har qanday yordamchi moddalariga yuqori sezuvchanlikda qo‘llash mumkin emas.

Dorilarning o‘zaro ta'siri
Sirtga qo‘llanganida boshqa dori vositalari bilan o‘zaro ta'siri aniqlanmagan.


Maxsus ko‘rsatmalar

Kremni faqat lab va yuz terisi gerpesida qo‘llash mumkin. Kremni og‘iz bo‘shlig‘i va ko‘zning shilliq qavatiga surtish tavsiya etilmaydi, shuningdek genital gerpesni davolash uchun ishlatish mumkin emas.
Ko‘zga ixtiyorsiz tushishidan saqlansin.
Lab gerpesining belgilari yaqqol namoyon bo‘lganida shifokor bilan maslahatlashish tavsiya etiladi.
Lab gerpesi (ayniqsa, ochiq jarohatlar bo‘lganida) bo‘lgan shaxslar, infektsiyani boshqa odamlarga yuqishiga yo‘l qo‘ymasligi uchun ehtiyotkorlik qoidalariga qat'iy rioya qilishi kerak.
Preparat kontakt dermatit kabi mahalliy teri reaktsiyalarini keltirib chiqarishi mumkin bo‘lgan setil spirti terini ta'sirlanishini chaqirishi mumkin bo‘lgan propilenglikol saqlaydi.
Homiladorlik va laktatsiya davri
Ona uchun kutilgan foyda homila uchun potentsial havfdan ustun bo‘lgan hollardagina preparatni qo‘llash mumkin.
Atsiklovir tizimli qo‘llash uchun mo‘ljallangan shakllarida buyurilsa dori vositasi sutiga o‘tadi. Biroq emadigan bola qabul qiladigan dozasi katta emas.
Avtotransportni boshqarish va xarakatlanadigan mexanizmlarni boshqarish qobiliyatiga ta'siri
Dori vositasini reaktsiya tezligiga ta'siri qilishini o‘rganish yuzasidan tadqiqotlar o‘tkazilmagan.
Preparatni yaroqlilik muddati tugaganidan so‘ng qo‘llash mumkin emas va bolalar ololmaydigan joyda saqlansin.


Dozani oshirib yuborilishi

100 mg atsiklovirdan iborat bo‘lgan og‘irligi 2 g Zoviraks® kremi saqlangan o‘ramining ichidagi barcha krem mahalliy qo‘llanganida yoki bexosdan yutib yuborilganida, preparatning noxush ta'sirlari aniqlanmagan.

Dozani oshirib yuborilishi
ga shubxa tug‘ilsa, darxol tibbiyot yordamiga murojaat qilish kerak.


Chiqarilish shakli

Sirtga qo‘llash uchun 5% li krem. Preparat 2 g dan buraladigan qopqoqchasi bo‘lgan alyumin tubada. Alyumin tuba qo‘llash bo‘yicha yo‘riqnomasi bilan birga karton qutiga joylanadi.


Yaroqlilik muddati

3 yil.


Saqlash sharoiti

25oS yuqori bo‘lmagan haroratda saqlansin.
Muzlatilmasin.


Dorixonalardan berish tartibi

Retseptsiz.


Ishlab chiqaruvchi

Glakso Opereyshns YuK Limited, Buyuk Britaniya, (savdo nomi Glakso Velkom Opereyshns), Xarmir Roud, Barnard Kasl, Grafstvo Darem, DL12 8DT / Glaxo Operations UK LImited, United Kingdom, (trading as Glaxo Wellcome Operations), Harmire Road, Barnard Castle, Co.Durham, DL12 8DT
Noxush ko‘rinishlar paydo bo‘lganida va/yoki preparatning sifatiga e'tirozlar bo‘lsa, iltimos bu haqida oax70065@gsk.com elektron pochtaga xabar bering.

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
Toshkent sh., 100031, Afrasiyob ko‘ch., 4, korpus «S»

Tel
(99871) 252-24-41
Faks (99871) 252-24-41