Preparatning savdo nomi
Djes
Ta'sir etuvchi moddalar (XPN) etinilestradiol + drospirenon

Dori shakli
plyonka qobiq bilan qoplangan tabletkalar

Tarkibi

Har bir plyonka qobiq bilan qoplangan faol tabletka quyidagilarni saqlaydi
Tabletkaning yadrosi
Faol moddalar
Etinilestradiol (betadeks klatrati ko‘rinishida) 0,02 mg
Drospirenon3,00 mg
Yordamchi moddalar laktoza monogidrati, makkajo‘xori kraxmali, magniy stearati
Tabletkaning qobig‘i gipromelloza, talk, titan dioksidi, temir (III) oksidi bo‘yovchisi.
Har bir plyonka qobiq bilan qoplangan platsebo tabletka saqlaydi
Tabletkaning yadrosi
Faol moddalar yo‘q
Yordamchi moddalar laktoza monogidrati, makkajo‘xori kraxmali, povidon, magniy stearati
Tabletkaning qobig‘i gipromelloza, talk, titan dioksidi.
Ta'rifi
Plyonka qobiq bilan qoplangan faol tabletkalar dumaloq, ikki tomonlama qavariq, och-sariq rangli plyonka qobiq bilan qoplangan tabletkalar. Tabletkaning bir tomonida to‘g‘ri oltiburchagida “DS” gravirovkasi tushirilgan. Sindirilganidagi ko‘rinishi yadrosi oqdan deyarli oq rangligacha, qobig‘i – och-pushti.
Plyonka qobiq bilan qoplangan platsebo tabletkalar dumaloq, ikki tomonlama qabariq, oq rangli plyonka qobiq bilan qoplangan tabletkalar. Tabletkaning bir tomonida to‘g‘ri oltiburchagida “DR” gravirovkasi tushirilgan. Sindirilganidagi ko‘rinishi yadrosi oqdan deyarli oq rangligacha, qobig‘i – oq.

Farmakoterapevtik guruhi
majmuaviy kontratseptiv vosita (estrogen+gestagen).
ATX kodi G03AA12


Farmakologik xususiyatlari

Djes - antimineralokortikoid va antiandrogen ta'sirga ega bo‘lgan gormonal kontratseptivdir.
Majmuaviy peroral kontratseptiv vositalarning homiladorlikka qarshi samarasi turli omillarning o‘zaro ta'siriga asoslangan bo‘lib, ulardan eng muhimi ovulyatsiyani bostirilishi va servikal sekretning xususiyatlarini o‘zgarishi bo‘lib, buning natijasida u spermatozoidlar uchun kam o‘tkazuvchan bo‘lib qoladi.
To‘g‘ri qo‘llanganida Perl indeksi (yiliga 100 nafar ayolga homiladorliklar soni) 1 dan kamni tashkil qiladi. Tabletkalar o‘tkazib yuborilganda yoki noto‘g‘ri qo‘llanganida Perl indeksi o‘sishi mumkin.
Majmuaviy peroral kontratseptivlarni qabul qilayotgan ayollarda, hayz ko‘rish sikli muntazamroq bo‘lib qoladi, og‘riqli hayz ko‘rishlar kamroq kuzatiladi, qon ketishlarning jadalligi kamayadi, bu anemiyaning rivojlanishi xavfini pasaytiradi. Bundan tashqari, epidemiologik tekshirishlarning ma'lumotlariga ko‘ra, majmuaviy peroral kontratseptivlar qo‘llanganida endometriy raki va tuxumdonlarning rakining rivojlanish xavfi pasayadi.
Djes preparatida saqlanuvchi drospirenon antimineralkortikoid ta'sirga ega. Tana vaznini oshishi va estrogenlar chaqirgan suyuqlikni tutilishi bilan bog‘liq shishlarning paydo bo‘lishini oldini oladi, bu preparatni juda yaxshi o‘zlashtirishini ta'minlaydi. Drospirenon predmenstrual sindromga (PMS) ijobiy ta'sir ko‘rsatadi. Yaqqol psixoemotsional buzilishlar, sut bezlarining dag‘allashishi, bosh og‘rig‘i, mushak va bo‘g‘imlarda og‘riq, vaznni oshishi va hayz sikli bilan qo‘shilgan boshqa simptomlar kabi PMSning og‘ir shaklining simptomlarini yengillashtirishda Djesning klinik samaradorligi ko‘rsatilgan. AQShda PMSning og‘ir shakli “predmenstrual disferik sindrom” atamasi bilan belgilanadi.
Drospirenon shuningdek antiandrogen faollikka ega va aknening (xusnbuzarlarning) simptomlarini, teri va sochning yog‘liqligini kamaytirishga yordam beradi. Drospirenonning bu ta'siri, organizm tomonidan ishlab chiqariluvchi tabiiy progesteronning ta'siriga o‘xshash.
Drospirenon androgen, estrogen, glyukokortikoid va antiglyukokortikoid faollikka ega emas. Bularning barchasi antimineralokortikoid va antiandrogen ta'siri bilan birga, drospirenonga tabiiy progesteron bilan bir xil biokimyoviy va farmakologik profilni ta'minlaydi.
Drospirenon etinilestradiol bilan birga lipid profiliga, YuZLP ni oshishi bilan ifodalanuvchi ijobiy samarani namoyon qiladi.


Qo‘llanilishi

-Kontratseptsiya
-Kontratseptsiya va husnbuzarlarning o‘rtacha shakli (acne vulgaris) ni davolash
-Kontratseptsiya va predmenstrual sindrom (PMS) ning og‘ir shaklini davolashda qo‘llaniladi.


Qo‘llash mumkin bo‘lmagan holatlar

Djes preparati quyida keltirilgan har qanday holatlar bo‘lganida qo‘llanmasligi lozim
-Hozirgi vaqtdagi yoki anamnezdagi tromboz (venoz va arterial) va tromboemboliyalar (shu jumladan chuqur venalar trombozi, o‘pka arteriyasining tromboemboliyasi, miokard infarkti), serebrovaskulyar buzilishlar.
-Hozirgi vaqtdagi yoki anamnezdagi trombozga o‘tmishdosh holatlar (shu jumladan, tranzitor ishemik xurujlar, stenokardiya).
-Hozirgi vaqtdagi yoki anamnezdagi o‘choqli nevrologik simptomlar bilan kechuvchi migren.
-Tomirlarning asoratlari bilan bo‘lgan qandli diabet.
-Venoz yoki arterial trombozning ko‘p sonli yoki yaqqol xavf omillari, shu jumladan yurakning klapan apparatini asoratlangan shikastlanishlari; bo‘lmachalarning fibrillyatsiyasi; bosh miya tomirlari yoki koronar arteriyalarning kasalliklari; nazorat qilib bo‘lmaydigan arterial gipertenziya; uzoq muddatli immobilizatsiya bilan bo‘lgan jiddiy jarrohlik aralashuvi; 35 yoshdan katta yoshda chekish.
-Hozirgi vaqtdagi yoki anamnezdagi yaqqol gipertriglitseridemiyali pankreatit.
-Jigar yetishmovchiligi va jigarning og‘ir kasalliklari (jigar sinamalari normaga qaytgunga qadar).
-Hozirgi vaqtdagi yoki anamnezdagi jigar o‘smalari (xavfli yoki xavfsiz).
-Og‘ir buyrak yetishmovchiligi, o‘tkir buyrak yetishmovchiligi.
-Buyrak usti bezlarining yetishmovchiligi.
-Aniqlangan gormonga bog‘liq xavfli kasalliklar (shu jumladan sut bezlari yoki jinsiy a'zolarning) yoki ularga gumon.
-Sababi aniq bo‘lmagan qindan qon ketishi.
-Homiladorlik yoki homiladorlikka gumon.
-Emizish davri.
-Djesning har qanday komponentiga yuqori sezuvchanlik.
Agar bu holatlardan birontasi Djes qabul qilish vaqtida birinchi marta paydo bo‘lsa, darhol bu preparatni qabul qilishni to‘xtating va shifokor bilan maslahatlashing. Preparatni qabul qilish to‘xtatilgan davrda shifokor bilan maslahatlashguncha, nogormonal homilaga qarshi vositalarni ishlating. “
Maxsus ko‘rsatmalar
” bo‘limiga ham qarang.

Ehtiyotkorlik bilan qo‘llanishi
Agar majmuaviy peroral kontratseptivlar quyida keltirilgan holatlardan har qandayi mavjud bo‘lganida qo‘llanayotgan bo‘lsa, siz sinchkov nazoratga muhtoj bo‘lishingiz mumkin, nima uchunligini shifokor tushuntirishi mumkin. Djes preparatini qabul qilishni boshlashdan oldin sizda quyida sanab o‘tilgan holatlardan har qandayining borligi to‘g‘risida shifokorga xabar bering.
-Tromboz va tromboemboliyalarning rivojlanishini xavf omillari chekish, trombozlar, miokard infarkti yoki yaqin qarindoshlardan birida yoshlikda miyada qon aylanishining buzilishi; semizlik; dislipoproteinemiya; arterial gipertenziya; migren; yurak klapanlarining kasalliklari; yurak ritmining buzilishlari; uzoq muddatli immobilizatsiya; jiddiy jarrohlik aralashuvlari; katta jarohat
-Periferik qon aylanishining buzilishlari aniqlanishi mumkin bo‘lgan boshqa kasalliklar; qandli diabet; tizimli qizil yugurik; gemolitik uremik sindromi; kron kasalligi va nospetsifik yarali kolit; o‘roqsimon xujayrali anemiya; shuningdek yuza joylashgan venalarning flebiti
-Nasliy angionevrotik shish
-Gipertriglitseridemiya
-Jigar kasalliklari
-Homiladorlik vaqtida yoki jinsiy gormonlarni ilgari qabul qilish fonida birinchi marta paydo bo‘lgan yoki og‘irlashgan kasalliklar (masalan, sariqlik, xolestaz, xolelitiaz, eshitishni yomonlashishi bilan kechuvchi otoskleroz, porfiriya, homiladorlar gerpesi, Sidengam xoreyasi)
-Tug‘ruqdan keyingi davr.

Homiladorlik va laktatsiya
Djesni homiladorlik vaqtida va emizish davrida qo‘llash mumkin emas. Agar Djes preparatni qabul qilish vaqtida homiladorlik aniqlansa yoki gumon qilinsa, preparatni darhol bekor qilish va shifokorga murojaat qilish kerak. Biroq yirik epidemiologik tekshirishlar, homiladorlikkacha jinsiy steroidlarni (shu jumladan majmuaviy peroral kontratseptivlar) qabul qilgan ayollar tomonidan tug‘ilgan bolalarda rivojlanishning nuqsonlarining hech qanday yuqori xavfini yoki homiladorlikning ilk muddatlarida jinsiy steroidlar ehtiyotsizlik bilan qabul qilinganida teratogen ta'sirni aniqlamagan.

Tabletkalarni qachon va qanday qabul qilish kerak
Tabletkalarni har kuni taxminan bir vaqtda, zarurati bo‘lganida suv bilan qabul qiling. 28 tabletkaning hammasini ichib bo‘lmaguncha, strelkaning yo‘nalishiga rioya qiling. Odatda hayz ko‘rish Djesning oxirgi faol tabletkasi qabul qilinganidan keyin 2-3 kuni boshlanadi (ya'ni siz o‘ramning oxirgi qatoridan oxirgi 4 tabletkani qabul qilayotgan davrda). O‘ramlar orasida tanaffus qilmang, ya'ni joriy o‘ramni tugatganingizdan keyin, ertasi kuni yangi o‘ramdagi tabletkalarni qabul qilishni boshlang, hatto agar sizda hayz ko‘rish tugamagan bo‘lsa ham. Bu, yangi o‘ramni siz doimo haftaning aynan o‘sha kuni boshlashingiz mumkinligini va bekor qilish oqibatidagi qon ketishi har oyning taxminan bir kunida ro‘y berishi mumkinligini bildiradi.

Djesning birinchi o‘ramini qabul qilish.
Oldingi oyda xech qanday gormonal homilaga qarshi vosita ishlatilmagan bo‘lsa
Djesni siklning birinchi kunida qabul qilishni boshlang, ya'ni hayz ko‘rish qon ketishining birinchi kunida. Haftaning tegishli kuni bilan belgilangan tabletkani qabul qiling. So‘ngra tabletkalarni navbat bilan qabul qiling. Siz tabletkalar qabul qilinishini hayz ko‘rish siklning 2-5 kunidan ham boshlashingiz mumkin, ammo bu holda birinchi o‘ramidagi tabletkalarni qabul qilishining birinchi 7 kunida, qo‘shimcha ravishda kontratseptsiyaning to‘siq usulini (maslan, prezervativ) ni ishlatish lozim.
Boshqa majmuaviy peroral kontratseptivdan vaginal xalqa yoki kontratseptiv plastirga o‘tishda
Siz gormonal kontratseptivlarning joriy o‘ramidan oxirgi tabletkani qabul qilinganingizdan keyin ertasi kundan Djesni qabul qilishni boshlashingiz mumkin (bu preparatlarni qabul qilishda uzilish bo‘lmasligini bildiradi). Agar sizning ilgarigi kontratseptivingizda xam faol moddalarsiz tabletkalar ko‘zda tutilgan bo‘lsa, siz oxirgi faol tabletkani qabul qilganingizdan so‘ng ertangi kundan Djesni qabul qilishni boshlashingiz mumkin (agar Sizda shubha tug‘ilsa, bu haqida shifokordan yoki farmatsevtdan so‘rang). Siz qabul qilishni kechroq boshlashingiz mumkin, ammo hozirgi vaqtda siz tomondan ishlatilayotgan kontratseptivlarni qabul qilishda rejadagi 7 kunlik tanaffusdan keyingi kunidan kech emas (yoki ishlatilayotgan kontratseptivlarning o‘ramidan oxirgi faol bo‘lmagan tabletkani qabulidan keyin kechi bilan ertasi kuni).
Agar Siz ilgari vaginal xalqa yoki transdermal plastirdan foydalangan bo‘lsangiz, qabulni xalqa/plastirni olib tashlangan kundan boshlagan afzal, lekin xalqa/plastirni almashtirish rejalashtirilgan kundan kech emas. Agarda siz bu qoidalarga rioya qilsangiz, kontratseptsiyaning qo‘shimcha choralariga zarurat yo‘q.
Faqat gestagan (“mini – pili”) saqlovchi peroral kontratseptivlardan o‘tishda
Siz “mini-pili” qabul qilishni istalgan kuni to‘xtatishingiz va Djesni ertasi kunidan o‘sha vaqtni o‘zida qabul qilishni boshlashingiz mumkin. Tabletkalarni qabul qilishning birinchi 7 kun davomida kontratseptsiyaning qo‘shimcha to‘siqli usullari (masalan, prezervativ) dan foydalanish lozim.
In'ektsion kontratseptivdan, implantantdan yoki gestagen ajratib chiqaruvchi bachadon ichidagi kontratseptiv (“Mirena”) dan o‘tishda
Djesni qabul qilishni navbatdagi in'ektsiya qilinishi kerak bo‘lgan kuni yoki implantant yoki bachadon ichidagi kontratseptiv olib tashlangan kuni boshlang. Tabletkalarni qabul qilishning birinchi 7 kuni davomida qo‘shimcha kontratseptsiyaning to‘siqli usullarini ham ishlatish kerak.
Tug‘ruqdan keyin
Agar siz endigina bola tuqqan bo‘lsangiz, shifokor sizga Djesni qabul qilishni boshlashdan oldin birinchi me'yoriy xayz ko‘rish sikli tugashini kutishni tavsiya qilishi mumkin. Ba'zida shifokorning tavsiyasiga ko‘ra Djesni qabul qilishni avvalroq ham boshlash mumkin. Agar siz bolani emizayotgan bo‘lsangiz va plyonka qobiq bilan qoplangan Djes tabletkalarini qabul qilishni xohlasangiz, bu masalani avval shifokor bilan muhokama qilish lozim.
Homilani o‘z-o‘zidan tushishida yoki homiladorlikning birinchi uch oyligidagi abortdan keyin
O‘z shifokoringiz bilan maslahatlashing.


Djes o‘rami bilan qanday muomala qilish kerak
Djesning o‘ramiga blister yopishtirilgan, unda 24 faol tabletka va 4 tabletka platsebo (oxirgi qator) saqlanadi. O‘ramga shuningdek, ularda hafta kunlarining nomlari qayd etilgan 7 o‘zi yelimlanadigan tizimchadan iborat o‘zi yelimlanadigan qabul qilish taqvimi joylangan. Siz tabletkalarni qabul qilishni boshlaydigan hafta kuni birinchi bo‘lib ko‘rsatilgan tizimchani tanlang. Masalan, Agar siz tabletkalarni qabul qilishni chorshanba kuni boshlasangiz, “Sr.” boshlanuvchi tizimchani ishlating (1-rasmga qarang).
Birinchi tabletkani qabul qilish kuniga mos keluvchi yopishqoq qog‘ozni tanlang va uni “Start” yozuvi tepasiga yopishtiring. Masalan, Agar birinchi qabul qilish kuni chorshanba bo‘lsa, unda “Sr.” Dan boshlanuvchi yopishqoq qog‘ozni tanlang.
Pn.Vt.Sr.Cht.Pt.Sb.Vs.
Pn.Vt.Sr.Cht.Pt.Sb.Vs.
Pn.Vt.Sr.Cht.Pt.Sb.Vs.
Pn.Vt.Sr.Cht.Pt.Sb.Vs.


Tizimchani o‘ramning yuqori qismi bo‘ylab shunday yelimlangki, birinchi kunning ko‘rsatkichi “Start” yozuvi bilan strelka yo‘naltirigan tabletka ustida bo‘lishi kerak (2-rasm).



Endi siz har bir tabletkani haftaning qaysi kuni qabul qilishingizni ko‘rasiz (3 rasm)

Djesni qabul qilishni to‘xtatish
Qabul qilishni istalgan vaqtda to‘xtatishingiz mumkin. Agar siz kontratseptsiyadan voz kechsangiz, chunki homiladorlikni rejalashtirayotgan bo‘lsangiz, odatda tabiiy hayz ko‘rish qon ketishini kutish va shundan so‘nggina homilador bo‘lishga harakat qilish tavsiya etiladi. Bu sizga bolani qachon dunyoga kelishini hisoblab chiqishga yordam beradi.
Agar siz homiladorlikni rejalashtirmagan bo‘lsangiz, kontratseptsiyaning boshqa usullari to‘g‘risida shifokordan bilib oling.

O‘tkazib yuborilgan tabletkalarni qabul qilish
Nofaol tabletkalarni o‘tkazib yuborilishiga e'tibor bermaslik ham mumkin. Shunday bo‘lsada, nofaol tabletkalarni qabul qilish vaqtini tasodifan uzaytirmaslik uchun, o‘tkazib yuborilgan nofaol tabletkalarni tashlab yuborish kerak.
Quyidagi tavsiyalar faqat faol tabletkalarni (o‘ramdagi 1-24 tabletkalar) o‘tkazib yuborilishiga taalluqli
Agar tabletkani qabul qilishdagi kechikish 12 soatdan kamni tashkil qilsa (oxirgi tabletkani qabul qilgan vaqtdan boshlab 36 soatdan kam vaqt o‘tgan bo‘lsa), kontratseptiv samarani susayishi ro‘y bermaydi. Siz o‘tkazib yuborilgan tabletkani esingizga tushishi bilanoq qabul qiling, qolgan tabletkalar odatdagi vaqtda qabul qilinadi.
Agar tabletkani qabul qilishdagi kechikish 12 soatdan ortiqni tashkil qilsa (oxirgi tabletkani qabul qilgan vaqtdan boshlab 36 soatdan ko‘proq vaqt o‘tgan bo‘lsa), kontratseptiv samara pasayishi mumkin. Qanchalik ko‘p tabletka o‘tkazib yuborilgan bo‘lsa, qanchalik nofaol tabletka qabul qilish bosqichidagi tabletkalarni o‘tkazib yuborish yaqin bo‘lsa, homiladorlikning ehtimoli shunchalik yuqori bo‘ladi.
- 1 kundan 7 kungacha bo‘lgan davrda bir tabletka o‘tkazib yuborilgan
Siz oxirgi o‘tkazib yuborilgan tabletkani, bu haqida eslashingiz bilanoq darhol qabul qilishingiz kerak, hattoki agar bu ikkita tabletkani bir vaqtda ichishingizga to‘g‘ri kelishini anglatsa ham. So‘ngra tabletkalarni odatdagi vaqtda qabul qilishni davom ettiring. Bundan tashqari, keyingi 7 kun davomida kontratseptsiyaning to‘siqli usulini (masalan, prezervativ) qo‘shimcha ishlatish kerak. Agar sizda tabletkani o‘tkazib yuborilguncha bir hafta davomida jinsiy aloqa bo‘lgan bo‘lsa, homiladorlikning ehtimoli oshadi. Darhol shifokor bilan maslahatlashing.
- 8 kundan 14 kungacha bo‘lgan davrda bir tabletka o‘tkazib yuborilgan
Siz oxirgi o‘tkazib yuborilgan tabletkani, bu haqida eslashingiz bilanoq darhol qabul qilishingiz kerak, hattoki Agar bu ikkita tabletkani bir vaqtda ichishingizga to‘g‘ri kelishini anglatsa ham. Birinchi o‘tkazib yuborilishidan oldingi 7 kun davomida tabletkalarni to‘g‘ri qabul qilgan bo‘lsangiz, kontratseptsiyaning qanday bo‘lmasin qo‘shimcha choralarining zarurati yo‘q. Biroq, Agar tabletkalarni qabul qilishda xatolarga yo‘l qo‘yilgan bo‘lsa yoki bittadan ortiq tabletka o‘tkazib yuborilgan bo‘lsa, siz 7 kun davomida kontratseptsiyaning to‘siqli usulini (masalan, prezervativ) ishlatishingiz kerak.
- 15 kundan 24 kungacha bo‘lgan davrda bir tabletka o‘tkazib yuborilgan
Nofaol tabletkalarni qabul qilishni yaqinlashayotgan bosqichi tufayli kontratseptiv ishonchlilikning pasayishini xavfi oshadi. Shunday bo‘lsada, kontratseptiv himoyani susayishini, tabletkalarni qabul qilish tartibini to‘g‘rilab, baribir oldini olish mumkin. Demak, birinchi tabletka o‘tkazib yuborilgunicha bo‘lgan 7 kun davomida siz barcha tabletkalarni to‘g‘ri qabul qilgan sharoitda, quyida taklif etilgan sxemalardan biriga rioya qilib, kontratseptsiyaning qo‘shimcha choralarisiz amallasa bo‘ladi. Aks holda quyidagi sxemalardan birinchisini ishlatishingiz va bu bilan parallel 7 kun davomida kontratseptsiyaning qo‘shimcha usullarini qo‘llashingiz kerak.
1.Siz oxirgi o‘tkazib yuborilgan tabletkani, bu haqida eslashingiz bilanoq darhol qabul qilishingiz kerak, hattoki Agar bu ikkita tabletkani bir vaqtda ichishingizga to‘g‘ri kelishini anglatsa ham. So‘ngra siz tabletkalarni odatdagi vaqtda, faol tabletkalar tugagunicha qabul qilishni davom ettiring. To‘rtta nofaol tabletkani tashlab yuborish va keyingi o‘ramdan tabletkalarni qabul qilishni darhol boshlash kerak. Ikkinchi o‘ramdagi faol tabletkalar tugagunicha, sizda bekor qilish qon ketishi ro‘y berishini ehtimoli kam, lekin tabletkalarni qabul qilish vaqtida surkaluvchi ajratmalar yoki qon ketishi kuzatilishi mumkin.
2.Siz shuningdek joriy o‘ramdan tabletkalarni qabul qilishni to‘xtatishingiz mumkin. So‘ngra tabletkalarni qabul qilishda ko‘pi bilan 4 kun, shu jumladan tabletkalarni o‘tkazib yuborilgan kunlarini qo‘shib tanaffus qilish va keyinchalik keyingi o‘ramdan qabulni davom ettirish kerak.
Agar siz tabletkalarni o‘tkazib yuborgan bo‘lsangiz va nofaol tabletkalarni qabul qilish davrida qon ketishi yuz bermasa, siz homilador bo‘lib qolishingiz mumkin. Yangi o‘ramdan tabletkalarni qabul qilishni davom ettirishdan oldin shifokorga murojaat qiling.
















Qusish va diareya bo‘lgan hollarda tavsiyalar
Og‘ir me'da-ichak buzilishlarida so‘rilish to‘liq bo‘lmasligi mumkin, shuning uchun qo‘shimcha kontratseptiv choralarni ko‘rish kerak.
Agar faol tabletka qabul qilinganidan keyin 4 soat davomida qusish yoki diareya yuz bersa, unda ushbu holatda, “O‘tkazib yuborilgan tabletkalarni qabul qilish” bo‘limida ko‘rsatilgan o‘tkazib yuborilgan tabletkalarga taalluqli tavsiyalar amalda bo‘ladi. Agar siz o‘zingizning odatdagi qabul qilish sxemangizni o‘zgartirishni xohlasangiz, siz boshqa o‘ramdan qo‘shimcha tabletkani ichishingiz kerak.

Xayz ko‘rishning boshlanishini kechiktirish
Xayz ko‘rishni boshlanishini kechiktirish uchun, siz joriy o‘ramdagi nofaol tabletkalarni o‘tkazib yuborib, Djesning keyingi o‘ramidagi tabletkalarni qabul qilishni davom ettirishingiz kerak. Shunday qilib, sikl, xohishga qarab, ikkinchi o‘ramdan faol tabletkalar tugagunicha, har qanday muddatga uzaytirilishi mumkin. siklning bu qo‘shimcha kunlari davomida sizda qon ketishi boshlanishi mumkin yoki surkaluvchi ajralmalar aniqlanishi mumkin. So‘ngra Djesni muntazam qabul qilish nofaol tabletkalarni qabul qilish bosqichi tugaganidan keyin qaytadan boshlanadi.

Xayz ko‘rishning boshlanish kunini o‘zgartirish.
Hayz ko‘rishning boshlanishini haftaning qaysidir boshqa kuniga o‘tkazish uchun, siz nofaol tabletkalarni qabul qilishni keyingi bosqichini kunlarning istalgan soniga qisqartirishingiz mumkin. Bu interval qanchalik qisqa bo‘lsa, sizda yaqin oradagi hayz ko‘rish boshlanmasligi xavfi shunchalik yuqori, ikkinchi o‘ramdan tabletkalarni qabul qilish vaqtida sizda surkaluvchi qonli ajralmalar yoki qon ketishlari (hayz ko‘rishni boshlanishini kechiktirishda bo‘lgani kabi) qayd etilishi mumkin.


Alohida toifa patsiyentlar uchun qo‘shimcha ma'lumot
Bolalar va o‘smirlar
Djes preparati faqat menarxe boshlanganidan keyin qo‘llaniladi.
Mavjud ma'lumotlar ushbu guruh patsiyentkalarda dozaga tuzatish kiritishni taxmin etmaydi.
Keksa yoshdagi patsiyentlar
Qo‘llash mumkin emas. Djes preparatini menopauza boshlanganidan keyin qo‘llash mumkin emas.
Jigar tomonidan buzilishlari bo‘lgan patsiyentlar
Djes preparatini jigarning og‘ir kasalliklari bo‘lgan ayollarda, jigar faoliyati ko‘rsatkichlari normaga kelmaguniga qadar qo‘llash muikin emas. Shuningdek «
Qo‘llash mumkin bo‘lmagan holatlar
» bo‘limiga qarang.
Buyraktomonidan buzilishlari bo‘lgan patsiyentlar
Djes preparatini og‘ir buyrak yetishmovchiligi yoki o‘tkir buyrak yetishmovchiligi bo‘lgan ayollarda qo‘llash muikin emas. Shuningdek «
Qo‘llash mumkin bo‘lmagan holatlar
» bo‘limiga qarang.

Nojo‘ya ta'siri
Boshqa har qanday dori vositalari kabi, Djes preparatini qabul qilinganda xam, garchi bu samaralarni barcha patsiyentlarda paydo bo‘lishi shart bo‘lmasada, noxush samaralar kuzatilishi mumkin.
Jiddiy nohush samaralar
«Ehtiyotkorlik bilan» va «
Maxsus ko‘rsatmalar
» bo‘limlariga qarang. Iltimos, bu bo‘limlarni diqqat bilan o‘qib chiqing va nohush samaralar, shu jumladan preparatni qo‘llash bilan bog‘liq jiddiy reaktsiyalar paydo bo‘lgan hollarda shifokor bilan maslahatlashing.
Djesni “Kontratseptsiya” va “Kontratseptsiya va xusnbuzarlarning o‘rtacha shaklini (acne vulgaris)” davolash, shuningdek “Kontratseptsiya va predmenstrual sindrom (PMS) ning og‘ir shaklini davolash ko‘rsatmalari bo‘yicha qo‘llayotgan ayollarda quyidagi nojo‘ya reaktsiyalar to‘g‘risida xabar berilgan
Tez-tez uchraydigan nohush samaralar (1/100 dan ortiq va 1/10 dan kam)
-kayfiyatni o‘zgarishlari, depressiya / tushkun kayfiyat
-migren
-ko‘ngil aynishi
-sut bezlarida og‘riq1, bachadondan nomuntazam qon ketishlari (shiddatli qon ketishlari)1, jinsiy yo‘llardan aniqlanmagan genezli qon ketishlari (qindan qon ketishi)1
Tez-tez uchramaydigan nohush samaralar (1/1000 dan ortiq va 1/100 dan kam)
-libidoni kamayishi yoki yo‘qolishi (jinsiy moyillikni kamayishi yoki yo‘qolishi)2
Kam uchraydigan nohush samaralar (1/10000 dan ortiq va 1/1000 dan kam)
-venoz yoki arterial tromboemboliya*
-*Majmuaviy peroral kontratseptivlar guruhini qamrab olgan epidemiologik tadqiqotlarning yakuniga ko‘ra taxminiy tez-tezligi. Tez-tezligi juda kam hollarda sifatida baholangan.
-“Venoz yoki arterial tromboemboliya” quyidagi nozologik birliklarni o‘z ichiga oladi periferik chuqur venalar okklyuziyasi, o‘pka qon tomirlari trombozi va emboliyasi/ o‘pka qon tomirlari okklyuziyasi, tromboz, emboliya va infarkt/miokard infarkti/ serebral infarkt va gemorragik insult.
1PMS ni baholovchi tadqiqotlar jarayonidagi holatlar tez-tezligi juda tez-tez >10/100 sifatida baholangan
2PMS ni baholovchi tadqiqotlar jarayonidagi holatlar tez-tezligi tez-tez ≥10/100 sifatida baholangan
Djesni qo‘llash vaqtida xabar berilgan, lekin uchrash tez-tezligini keltirishning iloji bo‘lmagan nojo‘ya samaralar
ko‘p shaklli eritema (qichishuvchi qizil toshmalar yoki terining mahalliy shishi bilan xarakterlanuvchi teri qoplamalarining holati).

Qo‘shimcha ma'lumotlar
Quyida, taxmin qilinayotgan majmuaviy peroral kontratseptivlar guruhidan preparatlarni qabul qilish bilan bog‘liq bo‘lishi mumkin bo‘lgan juda kam uchraydigan nojo‘ya reaktsiyalar yoki kechroq kuzatiladigan simptomlar sanab o‘tilgan (shuningdek «
Qo‘llash mumkin bo‘lmagan holatlar
» va «
Maxsus ko‘rsatmalar
» bo‘limiga qarang).
O‘smalar
-Majmuaviy peroral kontratseptivlarni qabul qilayotgan ayollarda sut bezi rakini diagnostika qilish tez-tezligi biroz yuqori. Sut bezi raki 40 yoshgacha bo‘lgan ayollarda juda kam aniqlanishi tufayli, majmuaviy peroral kontratseptivlarni qabul qilayotgan ayollarda sut bezi raki tashhisi sonini oshishi, bu kasallikning umumiy xavfiga nisbatan ahamiyatsiz hisoblanadi.
-Jigar o‘smalari (xavfsiz va xavfli).
Boshqa holatlar
-Tugunli eritema.
-Gipertriglitseridemiyasi bo‘lgan ayollar (majmuaviy peroral kontratseptivlarni qabul qilish vaqtida pankreatitning yuqori xavfi).
-Gipertenziya.
-Majmuaviy peroral kontratseptivlarni qabul qilish vaqtida rivojlanuvchi yoki yomonlashuvchi holatlar, lekin ular orasidagi bog‘liqlik isbotlanmagan xolestaz bilan bog‘liq sariqlik va/yoki qichishish; o‘t pufagida toshlarni shakllanishi; porfiriya; tizimli qizil yugurik; gemolitik uremik sindrom; Sidengam xoreyasi; homiladorlar gerpesi; otoskleroz bilan bog‘liq eshitishni yo‘qotish.
-Nasliy angionevrotik shishi bo‘lgan ayollarda estrogenlarni qabul qilish uning simptomlarini chaqirishi yoki og‘irlashtirishi mumkin.
-Jigar faoliyatini buzilishi.
-Glyukozaga tolerantlikni o‘zgarishi yoki insulinga rezistentlikka ta'siri.
-Kron kasalligi, nospetsifik yarali kolit.
-Xloazma.
-O‘ta yuqori sezuvchanlik (shu jumladan toshma, eshakemi kabi simptomlar).
O‘zaro ta'siri
Peroral kontratseptivlarni boshqa dori vositalari (ferment induktorlari, ayrim antibiotiklar) bilan o‘zaro ta'siri shiddatli qon ketishlarga va/yoki kontratseptiv samaradorlikni pasayishiga olib keladi (“Boshqa dori preparatlari bilan o‘zaro ta'siri”ga qarang).
Agar nojo‘ya samaralardan birontasi jiddiy tus olsa yoki Siz yo‘riqnomada ko‘rsatilmagan noxush samaralarni sezsangiz, iltimos bu haqida o‘z shifokoringizga yoki farmatsevtga xabar bering.


Dozani oshirib yuborilishi

Doza oshirib yuborilganida jiddiy buzilishlar to‘g‘risida xabar berilmagan.
Majmuaviy peroral kontratseptivlarni qo‘llashning jamiki tajribasi asosida faol tabletkalarning dozasi oshirib yuborilganda qayd etilishi mumkin bo‘lgan simptomlar ko‘ngil aynishi, qusish, qindan surkaluvchi qonli ajralmalar yoki metrorragiya hisoblanadi.
Doza oshirib yuborilganida shifokorga murojaat qilish kerak.


Boshqa dori vositalari bilan o‘zaro ta'siri.
Ayrim dori vositalari Djesning samaradorligini pasaytirishi mumkin. Bularga tutqanoqni (masalan, primidon, fenitoin, barbituratlar, karbamazepin, okskarbazepin, topiramat, felbamat), tuberkulyozni (masalan, rifampitsin, rifabutin) va OITV-infektsiyani davolash uchun ishlatiladigan preparatlar (masalan, ritonavir, nevirapin) boshqa ba'zi infektsion kasalliklarni davolash uchun ishlatiladigan antibiotiklar (masalan, penitsillin, tetratsiklinlar, grizeofulvin), shuningdek dalachoy asosidagi (asosan pasaygan kayfiyatni davolashda ishlatiladigan) dori vositalar kiradi.
Peroral majmuaviy kontratseptivlar boshqa preparatlar (masalan, siklosporin va lamotridjin) ning metabolizmiga ta'sir qilishi mumkin.
Kaliyning zardobdagi miqdorini oshirishi mumkin bo‘lgan boshqa preparatlar bilan bir vaqtda Djesni qabul qilayotgan ayollarda nazariy jihatidan zardobdagi kaliyning miqdorini oshishini ehtimoli bor. Bu preparatlarga angiotenzin II–retseptorlarining antagonistlari, ayrim yallig‘lanishga qarshi preparatlar (masalan, indometatsin), kaliy tejovchi diuretiklar va aldosteron antagonistlari kiradi. Biroq, drospirenonni angiotenzin-aylantiruvchi ferment ingibitorlari yoki indometatsin bilan o‘zaro ta'sirini baholovchi tekshirishlarda, platsebo bilan taqqoslanganida, zardobdagi kaliyning kontsentratsiyasi orasida ishonchli farq aniqlanmagan.
Sizga Djesni buyurgan shifokorga qanday preparatlar qabul qilayotganingizni doimo xabar qiling. Shuningdek, boshqa preparatlarni buyurayotgan har qanday shifokorga yoki stomatologga,shuningdek sizga dorixonada dori vositalarni sotgan farmatsevtga, siz Djesni qabul qilayotganingizni xabar qiling.
Ayrim hollarda shifokor sizga qo‘shimcha kontratseptsiyaning to‘siqli usulini (prezervativ) ishlatishni tavsiya qilishi mumkin.


Maxsus ko‘rsatmalar

Boshqa majmuaviy peroral kontratseptiv preparatlarni ishlatishga oid quyidagi ogohlantirishlarni, Djesni qo‘llanganda xam hisobga olish kerak
- Tromboz
Tromboz – qon tomirlarini berkitib qo‘yishi mumkin bo‘lgan qon laxtasi (trombni) hosil bo‘lishidir. Tromb ajralganida tromboemboliya rivojlanadi. Ba'zida tromboz oyoqlarning chuqur venalarida (chuqur venalar trombozi), yurak tomirlarida (miokard infarkti), bosh miya tomirlarida (insult) va kamdan-kam hollarda – boshqa a'zolarning tomirlarida rivojlanadi.
Majmuaviy peroral kontratseptiv vositalarini qabul qiladigan ayollarda trombozlarning xavfi, ularni ishlatmaydiganlarga qaraganda bir muncha ko‘proq uchraydi, ammo homiladorlik davridagi kabi yuqori emas.
Trombozning xavfi yosh o‘tgan sari, shuningdek chekilgan sigaretlarning soni oshib borganida ham oshadi.
Djes qo‘llanganida chekishni to‘xtatish kerak, ayniqsa, agar sizning yoshingiz 35 dan oshgan bo‘lsa to‘xtatish kerak.
Chuqur venalar trombozining xavfi operatsiya vaqtida yoki uzoq muddatli immobilizatsiyada (harakatsizlikda), masalan, oyog‘ingiz gipsda bo‘lganida, davomli yotoq tartibida vaqtincha oshadi. Rejalashtirilayotgan operatsiya yoki gospitalizatsiya holatlarida siz majmuaviy peroral kontratseptivlarni qabul qilayotganingiz haqida shifokorni ertaroq ogohlantiring. Shifokor sizga preparatni qo‘llashni to‘xtatishni (operatsiya rejalashtirilayotgan bo‘lsa, hech bo‘lmaganda undan 4 hafta oldin) va immobilizatsiya tugaganidan keyin 2 hafta davomida qabul qilishni qaytadan tiklamaslikni tavsiya etishi mumkin.
Yuqori arterial bosim aniqlanganida shifokor sizga majmuaviy peroral kontratseptivlarni qabul qilishni to‘xtatishni tavsiya etishi mumkin.

- O‘smalar
Majmuaviy peroral kontratseptivlarni qabul qilish va sut bezlarining raki orasidagi bog‘liqlik isbotlanmagan, biroq majmuaviy peroral kontratseptivlarni qabul qilayotgan ayollarda bir xil yoshdagi ularni ishlatmayotgan ayollarga nisbatan u ko‘proq aniqlanadi. Ehtimol, bu farqning kelib chiqishi shundan iboratki, preparat qabul qilayotganda ayollar tekshiruvdan ko‘proq o‘tadilar va shuning uchun sut bezining raki erta bosqichida aniqlanadi.
Kam hollarda jinsiy steroidlar qo‘llash fonida jigarning xavfsiz o‘smasi, kamdan-kam hollarda esa - jigarning xavfli o‘smasining rivojlanishi kuzatilgan, ular hayot uchun xavfli bo‘lgan qorin ichidagi qon ketishlariga olib kelishi mumkin. Preparatni qo‘llash bilan bog‘liqligi isbotlanmagan. Kutilmaganda qorin sohasida kuchli og‘riqlar paydo bo‘lganida darhol shifokor bilan maslahatlashing.
Bachadon bo‘ynining rakining rivojlanishini eng jiddiy xavf omili doimiy davom etuvchi papilloma-virusli infektsiyadir. Bachadon bo‘ynining raki majmuaviy oral kontratseptivlarni uzoq vaqt davomida ishlatgan ayollarda biroz ko‘proq aniqlanadi. Majmuaviy peroral kontratseptivlarni qabul qilish bilan bog‘liqligi isbotlanmagan. Bu balki bachadon bo‘yni kasalliklarini aniqlash uchun tez-tez o‘tkaziladigan ginekologik ko‘riklar bilan yoki jinsiy xulq xususiyatlari bilan (kontratseptsiyaning to‘siqli usullarini juda kam qo‘llash) bog‘liq bo‘lishi mumkin.
- Samaradorlikni pasayishi
Majmuaviy peroral kontratseptiv preparatlarning samaradorligi quyidagi hollarda pasayishi mumkin tabletkalar o‘tkazib yuborilganida, qusishda va diareyada yoki dorilarning o‘zaro ta'siri natijasida.
- Xloazmga moyil bo‘lgan ayollar majmuaviy peroral kontratseptivlarni qabul qilish vaqtida quyoshda uzoq bo‘lish va ultrabinafsha nurlanishining ta'siridan saqlanishlari kerak.
- Angionevrotik shishning nasliy ko‘rinishlari bo‘lgan ayollarda ekzogen estrogenlar angionevrotik shishni chaqirishi yoki simptomlarini og‘irlashtirishi mumkin.

Xayz ko‘rish orasidagi qon ketishlar
Barcha peroral kontratseptiv vositalarini qabul qilishdagi kabi, Djesni qabul qilishda ham birinchi bir necha oy davomida xayz ko‘rishlar orasidagi davrda nomuntazam qon ketishlari (surkaluvchi qonli ajramalar yoki yorib o‘tib qon ketishlari) kuzatilishi mumkin. Gigiyena vositalarini ishlating va tabletkalarni odatdagidek qabul qilishni davom ettiring.
Hayz ko‘rishlar orasidagi qindan qon ketishlari odatda Djesga nisbatan organizmingizning moslashishi sari tugab boradi (odatda tabletkalarni qabul qilishning 3 ta siklidan so‘ng). Agar ular davom etsa, og‘irlashsa yoki to‘xtagandan keyinyana tiklansa, shifokorga murojaat qiling.

Navbatdagi xayz ko‘rishni bo‘lmasligi
Agar siz barcha tabletkalarni to‘g‘ri qabul qilgan bo‘lsangiz va sizda qusish va bir vaqtda boshqa dori vositalarini qabul qilish holati kuzatilmagan bo‘lsa, sizning homilador bo‘lib qolganingiz ehtimoli juda kam. Djesni odatdagidek qabul qilishni davom ettiring.
Agar sizda xayz qo‘rish ketma-ket ikki marta kuzatilmasa, darhol shifokorga murojaat qiling. Shifokor homilador bo‘lganingizni istisno qilmaguncha, keyingi o‘ramni qabul qilishni boshlamang.

Avtomobilni va mexanizmlarni boshqarish boshqarish qobiliyatiga ta'siri
Aniqlanmagan.

Qachon shifokor bilan maslahatlashish kerak
Muntazam tekshiruvlar
Agar siz Djesni qabul qilayotgan bo‘lsangiz, shifokor odatda, ayol bir yilda hech bo‘lmaganda 1 marta tekshiruvdan o‘tishi lozim bo‘lgan muntazam tekshiruvlarni o‘tkazish haqida xabar beradi.

Iloji boricha tezroq shifokor bilan maslahatlashing
-salomatligingizda har qanday o‘zgarishlar kuzatilsa, ayniqsa bu ilova-varaqada ko‘rsatilmagan har qanday holatlarda (shuningdek “
Qo‘llash mumkin bo‘lmagan holatlar
” va «Ehtiyotkorlik bilan qo‘lanishi” ga qarang);
-sut bezida lokal qattiqlashishida;
-Agar siz boshqa dori preparatlarini ishlatmoqchi bo‘lsangiz (shuningdek “Boshqa dori vositalari bilan o‘zaro ta'siri” bo‘limiga qarang);
-Agar uzoq muddatli harakatsizlik kutilayotgan bo‘lsa (masalan oyoqqa gips qo‘yilgan), gospitalizatsiya yoki operatsiya rejalashtirilayotgan bo‘lsa (ungacha hech bo‘lmaganida 4-6 hafta qolganida shifokor bilan maslahatlashing);
-qindan odatdagi bo‘lmagan kuchli qon ketishi paydo bo‘lganida;
-agar siz preparatni qabul qilishni birinchi haftasida tabletkani qabul qilishni unutgan bo‘lsangiz (o‘ramdagi birinchi qator tabletkalari) va bungacha yetti yoki undan kamroq kun avval jinsiy aloqa qilgan bo‘lsangiz;
-sizda ikki marta birin ketin navbatdagi xayz ko‘rish bo‘lmaganida yoki siz homiladorlikni gumon qilsangiz (shifokor bilan maslahatlashmasdan keyingi o‘ramdan qabul qilishni boshlamang!).
Agar siz trombozning, miokard infarktining yoki insultning mumkin bo‘lgan belgilarini odatdagiga o‘xshamagan yo‘tal; chap qo‘lga beradigan to‘sh osti juda kuchli og‘riqlarida; to‘satdan paydo bo‘lgan hansirash; odatdagi bo‘lmagan kuchli yoki davomli bosh og‘rig‘i yoki migren xurujlari; ko‘rishni qisman yoki to‘liq yo‘qotish yoki ko‘zga ikkita bo‘lib ko‘rinish; aniq bo‘lmagan nutq; to‘satdan eshitishning, hid yoki ta'm sezishning o‘zgarishlari; bosh aylanishi yoki xushdan ketish holatlari; holsizlik yoki tananing har qanday qismida sezuvchanlikni yo‘qolishi; qorinda kuchli og‘riq; oyoqda kuchli og‘riq yoki oyoqlarning birida to‘satdan taydo bo‘lgan shishni sezsangiz preparat qabul qilishni to‘xtating va darhol shifokor bilan maslahatlashing.
Djes VICh infektsiyasi (SPID) yoki jinsiy yo‘l orqali yuqadigan har qanday boshqa kasalliklarning oldini olaolmaydi.
Djes shifokor tomonidan shaxsan sizga buyurilgan, preparatni boshqalarga bermang!


Chiqarilish shakli

Plyonka qobiq bilan qoplangan tabletkalar. 28 tabletkadan (24 faol tabletka va 4 platsebo tabletka) blisterda. 1 blister karton-yig‘ma kitobchaga yelimlangan. 1 yoki 3 yig‘ma kitobcha o‘zi yelimlanadigan taqvim va qo‘llash bo‘yicha yo‘riqnomasi bilan tiniq plyonkada.


Saqlash sharoiti

Quruq joyda, 30oS dan yuqori bo‘lmagan haroratda saqlansin.
Bolalar olaolmaydigan joyda saqlansin.


Yaroqlilik muddati

5 yil.
Yaroqlilik muddati
o‘tgandan so‘ng qo‘llanilmasin!





Dorixonalardan berish tartibi

Retsept bo‘yicha.


Ishlab chiqaruvchi

Bayer Shering Farma AG, ishlab chiqarilgan Shering GmbX i Ko. Produktsions KG, Germaniya D-13342 Berlin
Bayer Schering Pharma AG, manufactured by Schering GmbH & Co. Produktions KG, Germany
D-13342 Berlin

Qo‘shimcha ma'lumotni quyidagi manzildan olish mumkin
107113 Moskva, 3-chi Ribinskaya ko‘chasi., 18 uy, 2 bino
Tel. + 7 (495) 231 12 00
Faks + 7 (495) 231 12 02
www.bayerscheringpharma.ru