1.DORI VOSITASINING NOMI
RIGEVIDON® qobiq bilan qoplangan tabletkalar
RIGEVIDON®
XPN Etinilestradiol/Levonorgestrel (Ethinylestradiol/Levonorgestrel)

2.SIFAT VA MIQDORIY TARKIBI
Har bir qobiq bilan qoplangan tabletkada 0,30 mg etinilestradiol va 0,150 mg levonorgestrel.
Yordamchi moddalar laktoza monogidrati va saxaroza
Yordamchi moddalarning to‘liq ro‘yxati 6.1. Bo‘limda keltirilgan

3.DORI ShAKLI
Qobiq bilan qoplangan tabletkalar.
Oq, dumaloq, ikki tomonlama qavariq, qobiq bilan qoplangan tabletkalar.

4.KLINIK XUSUSIYATLARI
4.1
Qo‘llanilishi

Peroral kontratseptsiya.

4.2Qo‘llash usuli va dozalar
Qobiq bilan qoplangan Rigevidon tabletkalarini qanday qabul qilish kerak
Tabletkalarni har kuni bir vaqtda, kontur uyali o‘ramida ko‘rsatilgan ketma-ketlikda qabul qilish kerak.
Ketma-ket 21 kun davomida kuniga bir tabletkadan qabul qilish lozim. Har bir keyingi kontur uyali o‘ramdan tabletkalarni qabul qilishni, odatda bekor qilish oqibatida qon ketishi yuz bergan vaqtdan boshlab 7 kunlik tanaffusdan so‘ng boshlash lozim. Odatda u oxirgi tabletka qabul qilinganidan keyin 2- yoki 3- kuni boshlanadi va keyingi o‘ram boshlanadigan vaqtda ham davom etishi mumkin.

Qobiq bilan qoplangan Rigevidon tabletkalarini qabul qilishni qanday boshlash kerak
Agar preparat birinchi marta qabul qilinayotgan bo‘lsa
Tabletkalarni hayz ko‘rish siklining birinchi kuni qabul qilish kerak. Rigevidon tabletkalarini hayz ko‘rish siklining 2-5 kunlari qabul qilishga ruxsat beriladi, lekin bunday hollarda birinchi 7 kun davomida, preparatni qo‘llashning birinchi sikli vaqtida, bir vaqtning o‘zida qo‘shimcha nogormonal (to‘siqli) kontratseptsiya usullaridan foydalanish tavsiya qilinadi.
Agar ilgari boshqa majmuaviy gormonal kontratseptiv vosita (majmuaviy peroral kontratseptiv, vaginal xalqa yoki transdermal plastir) ishlatilgan bo‘lsa
Rigevidon preparatini qabul qilishni kontratseptiv tabletkalarning avvalgi kontur uyali o‘ramidan oxirgi faol tabletkani qabul qilingandan keyin (yoki vaginal xalqa yoki transdermal plastir olib tashlangandan keyin) keyingi kuni boshlash, lekin avvalgi kontratseptivning tabletkalarini qabul qilgandan keyin (yoki platseboni, yoki vaginal xalqa yoki transdermal plastir olib tashlangandan keyin) odatdagi tanaffusdan so‘ng kechi bilan kelasi kuni boshlash lozim.
Agar avval progestinli kontratseptiv vositalar (mini-pillar, in'ektsiyalar, implantatlar yoki bachadon ichki spirallari) qo‘llangan bo‘lsa
Mini-pillardan Rigevidonga o‘tishni istalgan kuni amalga oshirish mumkin, implantat yoki bachadon ichki spirali ishlatilganda – ularni olib tashlangan kuni, in'ektsiyalar ishlatilganda esa – keyingi in'ektsiya qilinishi lozim bo‘lgan kuni amalga oshirish lozim. Barcha bunday hollarda ayolga, preparatni qabul qilishning birinchi 7 kuni davomida, bir vaqtda to‘siqli kontratseptsiya usullarini qo‘llash tavsiya qilinadi.
Homiladorlikning 1 uch oyligidagi abortdan keyin
Rigevidon tabletkalarini qabul qilishni darhol boshlash mumkin. Bunday hollarda qo‘shimcha kontratseptiv vositalarni qo‘llash talab etilmaydi.
Homiladorlikning 2 uch oyligidagi tug‘ruq yoki abortdan keyin
Tug‘ruqdan keyingi davrdagi tromboembolik asoratlarning yuqori xavfi tufayli, Rigevidon tabletkalarini qabul qilishni emizmayotgan ayollarga tug‘ruqdan keyin 21-28 kunlari, va homiladorlikning 2 uch oyligidagi abortdan keyin boshlash tavsiya qilinadi. Agar Rigevidon tabletkalarini qabul qilish bu muddatdan kechroq boshlansa, preparatni qo‘llashning birinchi 7 kuni davomida qo‘shimcha to‘siqli kontratseptsiya usullarini qo‘llash tavsiya qilinadi. Shu bilan birga, agar jinsiy aloqa bo‘lgan bo‘lsa, tabletkalarni qabul qilishni boshlashdan oldin homiladorlikni istisno qilish yoki birinchi hayz ko‘rish boshlangunicha tabletkalarni qabul qilishni boshlashni kechiktirib turish lozim.
Emizish davri
4.6. Bo‘limga qarang

Tabletkalarni qabul qilish o‘tkazib yuborilgan hollarda nima qilish kerak
Agar navbatdagi tabletkani qabul qilish lozim bo‘lgan vaqtdan 12 soatdan kamroq vaqt o‘tgan bo‘lsa, kontratseptiv himoya pasaymaydi. Ayol o‘tkazib yuborilgan tabletkani, uni eslashi bilanoq darhol qabul qilishi lozim, keyingi tabletkalar odatdagi vaqtda qabul qilinishi kerak.
Agar navbatdagi tabletkani qabul qilish lozim bo‘lgan vaqtdan 12 soatdan ko‘proq vaqt o‘tgan bo‘lsa, kontratseptiv himoya pasayishi mumkin. Tabletkalarni qabul qilishni o‘tkazib yuborilishi bilan bog‘liq vaziyatlarda, ikki asosiy qoidaga amal qilish lozim
1.Preparatni qabul qilishdagi tanaffus hech qachon 7 kundan oshmasligi kerak;
2.Gipotalamo-gipofizar-tuxumdon tizimini adekvat bostirishga erishish uchun tabletkalar 7 kun uzluksiz qabul qilinishi lozim.
Shunday qilib, kundalik amaliyot sharoitida quyidagi tavsiyalar berilishi mumkin
1 hafta
Oxirgi o‘tkazib yuborilgan tabletkani, patsiyent ayol buni eslashi bilanoq, xattoki agar ayol preparatning ikkita tabletkasini bir vaqtda qabul qilishi lozim bo‘lsa ham, u darhol qabul qilinishi lozim. Keyinchalik tabletkalarni qabul qilish odatdagi tartibda davom ettiriladi. Keyingi 7 kun davomida bir vaqtda qo‘shimcha kontratseptsiyaning to‘siqli usullarini (masalan, prezervativni) ishlatish lozim. Agar avvalgi 7 kun davomida jinsiy aloqa o‘rin tutgan bo‘lsa, homiladorlik yuz berishi ehtimolini nazarda tutish lozim. Qanchalik ko‘p tabletka o‘tkazib yuborilgan bo‘lsa va bu preparatni qabul qilishdagi tanaffusga qanchalik yaqin bo‘lsa, homiladorlikni boshlanish ehtimoli shunchalik yuqori bo‘ladi.
2 hafta
Oxirgi o‘tkazib yuborilgan tabletkani, patsiyent ayol buni eslashi bilanoq, xattoki agar ayol preparatning ikkita tabletkasini bir vaqtda qabul qilishi lozim bo‘lsa ham, u darhol qabul qilinishi lozim. Keyinchalik tabletkalarni qabul qilish odatdagi tartibda davom ettiriladi. Agar Rigevidon tabletkalari avvalgi 7 kun davomida to‘g‘ri qabul qilingan bo‘lsa, qo‘shimcha kontratseptsiya vositalarini qo‘llash talab etilmaydi. Biroq agar bunday bo‘lmasa yoki 1 tabletkadan ortiq o‘tkazib yuborilgan bo‘lsa, preparatni qabul qilishning keyingi 7 kuni davomida to‘siqli kontratseptsiya usullarini qo‘shimcha ravishda qo‘llash tavsiya qilinadi.
3 hafta
Kontratseptiv himoyani kritik pasayish xavfi preparatni qabul qilishdagi keyingi tanaffusdan keyin aniq bo‘ladi. Biroq, tabletkalarni qabul qilish tartibiga o‘zgartirishlar kiritish yo‘li bilan kontratseptiv himoyani susayishi bartaraf qilinishi mumkin. Shu boisdan, preparatni qabul qilinishining taklif etilgan ikkita tartibidan biriga amal qilinib, avvalgi birinchi o‘tkazib yuborilgan tabletkadan oldin 7 kun davomida preparatning barcha dozalari to‘g‘ri qabul qilingan sharoitlarda qo‘shimcha kontratseptsiya vositalarini qo‘llash zarurati yo‘q. Agar shunday bo‘lmasa, patsiyent ayol taklif etilgan muqobil usullardan birinchisiga amal qilishi tavsiya qilinadi.
Bundan tashqari, keyingi 7 kun davomida bir vaqtda kontratseptsiyaning boshqa usuli ishlatilishi lozim.
1.Oxirgi o‘tkazib yuborilgan tabletkani, patsiyent ayol buni eslashi bilanoq, xattoki agar ayol preparatning ikkita tabletkasini bir vaqtda qabul qilishi lozim bo‘lsa ham, u darhol qabul qilinishi lozim. Keyinchalik tabletkalarni qabul qilish odatdagi tartibda davom ettiriladi. Keyingi kontur uyali o‘ramdagi tabletkalarni, patsiyent ayol joriy kontur uyali o‘ramdagi so‘nggi tabletkani qabul qilganidan keyin keyingi kuni qabul qilishni boshlashi lozim, ya'ni preparatni qabul qilishlar orasidagi tanaffussiz boshlashi lozim. Ikkinchi o‘ram tugagunicha “bekor qilish” oqibatidagi qon ketishlari ehtimoli kam, biroq tabletkalarni qabul qilish fonida surkalgan qonli ajralmalar yoki bachadondan shiddatli qon ketishlari kuzatilishi mumkin.
2.Shuningdek joriy kontur uyali o‘ramdan tabletkalarni qabul qilishni to‘xtatish tavsiya qilinishi mumkin. Bunday hollarda patsiyent ayol preparatni qabul qilishda 7 kun davomiylikdagi, shu jumladan u tabletkalarni qabul qilishni unutgan kunlarini qo‘shib, tanaffus qilishi kerak, so‘ngra esa, tabletkalarni keyingi o‘ramidan qabul qilishni boshlashi kerak.
Agar patsiyent ayol tabletkalarni qabul qilish o‘tkazib yuborgan bo‘lsa va bundan keyin preparatni qabul qilishdagi birinchi tanaffus davomida “bekor qilish” oqibatidagi qon ketishlari bo‘lmasa, homilador bo‘lish ehtimolini taxmin qilish lozim.

Qusish/diareya bo‘lgan hollarda tavsiyalar
Agar tabletkalar qabul qilinganidan keyin 3-4 soat o‘tmasdan qusish o‘rin tutgan bo‘lsa, preparatni so‘rilishi to‘liq bo‘lmasligi mumkin. Bunday hollarda tabletkalarni qabul qilishni o‘tkazib yuborilishi yusasidan yuqorida ta'riflangan tavsiyalarga amal qilish lozim. Diareya preparatni noto‘liq so‘rilishi natijasida, uning samaradorligini pasayishiga olib kelishi mumkin. Agar ayol tabletkalarni qabul qilishning odatdagi tartibini o‘zgartirishni hoxlamasa, u boshqa kontur uyali o‘ramdan qo‘shimcha tabletka (lar) ni qancha lozim bo‘lsa, shuncha kun qabul qilishi lozim.

Hayz ko‘rish vaqtini qanday kechiktirish yoki o‘zgartirish mumkin
Hayz ko‘rish vaqtini kechiktirish uchun, patsiyent ayol Rigevidon preparatining keyingi kontur uyali o‘ramidan tabletkani qabul qilishni, uning joriy o‘ramidagi so‘nggi tabletka qabul qilingandan keyin kelasi kuni, preparatlarni qabul qilishda tanaffus qilmasdan boshlashi kerak. Shunday qilib, ikkinchi o‘ramdagi tabletkalar tugagunicha hayz ko‘rish vaqtini istalgan vaqtga kechiktirish mumkin. Bu qo‘shimcha vaqt davomida patsiyent ayolda shiddatli qon ketishlari yuz berishi mumkin yoki qindan surkaluvchi qonli ajralmalari kuzatilishi mumkin. Odatdagi 7 kunlik tanaffusdan keyin Rigevidon preparatini muntazam qabul qilishni yana boshlash lozim.
Hayz ko‘rish vaqtini, preparatni qabul qilish fonida yuz berishi mumkin bo‘lgan haftaning boshqa kuniga o‘tkazish uchun, tabletkalarni qabul qilishdagi kelgusi tanaffusni necha kun lozim bo‘lsa, shuncha qisqartirish kerak. Preparatni qabul qilishdagi tanaffus qanchalik qisqa bo‘lsa, patsiyent ayolda «bekor qilish qon ketishi» xavfi shuncha yuqori bo‘ladi. Bundan tashqari, ikkinchi o‘ramdagi tabletkalarni qabul qilish vaqtida shiddatli qon ketishlarining xavfi yoki surkaluvchi qonli ajralmalarni paydo bo‘lishi (hayz ko‘rish vaqtini kechiktirishdagiga o‘xshash) oshadi. Ta'kidlash lozimki, preparatlarni qabul qilish orasidagi tanaffusni uzaytrish mumkin emas.

4.3
Qo‘llash mumkin bo‘lmagan holatlar

Majmuaviy peroral kontratseptivlarni quyida sanab o‘tilgan kasalliklarda va holatlar bo‘lgan hollarda ishlatish mumkin emas. Agar bunday kasallik yoki holat peroral kontratseptivlarni ishlatish vaqtida birinchi marta aniqlanayotgan bo‘lsa, preparatni qo‘llash darhol to‘xtatilishi lozim.
­venoz tromboemboliya yoki uni anamnezda borligi (masalan, chuqur venalar trombozi, o‘pka arteriyasi tromboemboliyasi) xavf omillari bilan birga yoki ularsiz (4.4 Bo‘limga qarang);
­arterial tromboemboliya yoki uni anamnezda borligi, xususan miokard infarkti va miyada qon aylanishini buzilishi (4.4 Bo‘limga qarang);
­venoz yoki arterial trombozning jiddiy yoki juda ko‘p xavf omillarini mavjudligi(4.4 Bo‘limga qarang);
­anamnezda trombozga olib keluvchi holatlarni (masalan, miyada qon aylanishini o‘tkinchi buzilishi yoki stenokardiya);
­yurak-qon tomir kasalliklari (masalan, yurak, yurak klapanlari kasalliklari va aritmiyalar);
­og‘ir arterial gipertenziya;
­mikro- yoki makroangiopatiya ko‘rinishlari bilan kechuvchi qandli diabet;
­ko‘rishni qon tomir etiologiyasiga bog‘liq buzilishi;
­sut bezi va jinsiy a'zolarning diagnostika qilingan yoki gumon qilingan gormonlarga bog‘liq xavfli o‘smalari;
­jigarning jiddiy kasalliklari yoki ularni anamnezda bo‘lganiligi («jigarning» funktsional sinamalarining ko‘rsatkichlari normallashgunicha);
­jigar o‘smalari (xavfsiz yoki xavfli) yoki ularni anamnezda bo‘lganiligi;
­noma'lum etiologiyali qindan qon ketishlari;
­o‘chog‘li nevrologik simptomatika bilan kechuvchi migren;
­faol moddaga yoki yordamchi moddalardan birontasiga yuqori sezuvchanlik.

4.4Maxsus ogohlantirishlar va ehtiyotkorlik choralari
Majmuaviy peroral kontratseptivlarni buyurilgunga qadar bo‘lgan tekshiruv va klinik ko‘rik
Majmuaviy peroral kontratseptivlarni qabul qilishni boshlashdan yoki qayta boshlashdan oldin patsiyent ayolning to‘liq shaxsiy va oilaviy anamnezni yig‘ish, klinik ko‘rikni o‘tkazish va homiladorlikni istisno qilish kerak. Ko‘rik vaqtida qo‘llash mumkin bo‘lmagan holatlarni (4.3 Bo‘limga qarang) va bu bo‘limda eslatilgan ogohlantirishlarni aniqlash lozim. Patsiyent ayol iste'molchilar uchun preparatning qo‘llash bo‘yicha yo‘riqnomasini diqqat bilan o‘rganib chiqishi va unda keltirilgan tavsiyalarga amal qilishi lozim. Peroral kontratseptivlarni qabul qilishning butun davri davomida yiliga kamida bir marta klinik ko‘rik o‘tkazilishi kerak. Davriy tekshiruvlarning soni va xarakteri har bir patsiyent ayol uchun shaxsiy ravishda aniqlanishi lozim.

Maxsus ogohlantirishlar
Umumiy
Patsiyent ayol peroral kontratseptivlar OITV-infektsiyani (OITSni) va jinsiy yo‘l
bilan yuqadigan boshqa infektsiyalarni (JYBYuI) yuqishidan himoya qilmasligi xususida xabardor bo‘lishlari kerak.
Chekish majmuaviy peroral kontratseptivlarni (MOK) qabul qilish fonida yurak-qon tomir tizimi tomonidan jiddiy nojo‘ya reaktsiyalarni rivojlanish xavfini oshiradi. Bu xavf yosh o‘tgan sayin oshib boradi, chekilgan sigaretalarning soniga bog‘liq va 35 yoshdan oshgan ayollarda ayniqsa yuqoridir. MOK ni qabul qilayotgan barcha ayollarga chekmaslikni qat'iy tavsiya qilish kerak. 35 yoshdan oshgan chekuvchi ayollar yuzasidan boshqa kontratseptsiya usullarini buyurish imkonini ko‘rib chiqish kerak.
Quyida keltirilgan xavf holatlari/omillaridan birontasi aniqlanganda, majmuaviy peroral kontratseptivlarni qo‘llashning «foydasi/xavfi» har bir konkret holatda baholab chiqilishi lozim. O‘tkazilgan tahlil natijalarini patsiyent ayol bilan majmuaviy peroral kontratseptivlarni qabul qilishni boshlashdan oldin muhokama qilish kerak. Bu xavf omillari yoki holatlaridan birontasini birinchi ko‘rinishlari namoyon bo‘lgan yoki kechishi og‘irlashgan hollarda, ayol davolovchi shifokor bilan bog‘lanishi tavsiya qilinadi. Shundan so‘ng davolovchi shifokor MOK ni ishlatishni davom ettirish yoki bekor qilish to‘g‘risidagi qarorni qabul qilishi lozim.
1. Qon aylanishini buzilishlari
Har qanday MOK ni ishlatilishi venoz tromboemboliya (VTE) ni rivojlanish xavfi, MOK ni ishlatmayotgan ayollardagi ushbu ko‘rsatkichga qaraganda ancha yuqori bo‘ladi. Mavjud ma'lumotlarga ko‘ra, MOK ni ishlatmayotgan ayollar orasida VTE ning tez-tezligi yiliga 100000 patsiyentga 5-10 odamni tashkil qiladi. VTE xavfini oshishi MOK ni qo‘llashning birinchi yili davomida juda yuqori bo‘ladi. Xavfni ushbu oshishi, 100000 homiladorlikka 60 holat sifatida baholanayotgan homiladorlik bilan bog‘liq VTE xavfiga qaraganda pastroq. VTE 1-2% holatlarda o‘limga olib keladi. Umuman olganda, levonorgestrel va
50 mkg dan kamroq etinilestradiol saqlovchi majmuaviy peroral kontratseptivlarni qo‘llash fonidagi mutloq xavf (kasallanish xavfi), preparat qo‘llanganda yiliga 100000 patsiyentga taxminan 20 holatni tashkil qiladi.
Peroral kontratseptivlarni ishlatayotgan ayollarda boshqa qon tomirlarining, ya'ni jigar, ichak brijeykasi, buyrak va ko‘zning to‘r pardasini vena va arteriyalarining trombozi juda kam uchraydi. Bu holatlarni MOK ni ishlatilishi bilan borligi to‘g‘risida yakdil fikr mavjud emas.
Venoz tromboemboliyani rivojlanish xavfi quyidagi holatlarda oshadi
­Yosh o‘tishi bilan.
­Og‘irlashgan oilaviy anamnez hollarida (masalan, yaqin aka-ukalar, opa-singillarda yoki ota-onalarda nisbatan yoshroq paytida venoz tromboemboliyada). Agar nasliy moyillikning borligiga gumon bo‘lsa, patsiyent ayolni, u peroral kontratseptivlarni ishlatishga qaror qabul qilmasdan oldin mutaxassisga yo‘llash kerak.
­Semizlikda (tana vaznining indeksi 30 mg/m2 dan ortiq).
­Uzoq muddatli immobilizatsiyada (katta jarohatdan keyin, oyoqlardagi jarrohlik aralashuvi yoki katta jarohatdan keyin). Bunday hollarda peroral kontratseptivlarni qabul qilishni (operatsiya rejalashtirilayotgan bo‘lsa, uni o‘tkazishdan kamida 4 hafta oldin) bekor qilish tavsiya qilinadi. Ularni qo‘llashni, harakat faolligi to‘liq tiklangandan keyin kamida 2 haftadan so‘ng qaytadan boshlash mumkin.
Venoz tromboemboliyaning patogenezida venalarning varikoz kengayishi va yuza venalarning tromboflebitini bo‘lishi mumkin bo‘lgan roli yuzasidan yakdil fikrlar mavjud emas.
Tug‘ruqdan keyingi davrda tromboemboliyaning yuqori xavfini hisobga olish lozim (4.6 Bo‘limga qarang).
MOK ni ishlatilishi, umuman olganda o‘tkir miokard infarkti (O‘MI) va miyada qon aylanishini o‘tkir buzilishini rivojlanishini yuqori xavfi bilan bog‘liq bo‘lgan, u esa boshqa xavf omillari, masalan, chekish, arterial bosimni va yoshni oshishi (yuqoriga qarang) borligiga ahamiyatli darajada bog‘liqdir. Ushbu asoratlar kam hollarda rivojlanadi. Rigevidon preparatining O‘MI ni rivojlanish xavfiga ta'siri o‘rganilmagan.
Arterial tromboemboliyani rivojlanish xavfi quyidagilarda oshadi
Yosh o‘tishi bilan.
Chekish bilan bog‘liq hollarda (chekilayotgan sigaretalarning sonini oshishi yoki yoshni oshishi bilan, ayniqsa 35 yoshdan oshgan ayollarda xavfni keyinchalik oshishi kuzatiladi).
Dislipoproteinemiyada.
Semizlikda (tana vaznining indeksi 30 mg/m2 dan ortiq).
Arterial gipertenziyada.
Yurak klapanlarining kasalliklarida.
Xilpillovchi aritmiyada.
Oilaviy anamnez hollarida (masalan, yaqin aka-ukalar, opa-singillarda yoki ota-onalarda nisbatan yoshroq paytida arterial trombozda). Agar nasliy moyillik gumon qilinsa, har qanday gormonal kontratseptivlarni buyurish to‘g‘risidagi qarorni qabul qilishdan oldin patsiyent ayolni mutaxassisga yo‘llash kerak.
Venoz yoki arterial trombozning simptomlari quyidagilarni o‘z ichiga olishi mumkin
­oyoqda bir tomonlama og‘riq va/yoki shish;
­ko‘krakda to‘satdan, chap qo‘lga irradiatsiyasi bilan yoki usiz kuchli og‘riq;
­to‘satdan hansirashni paydo bo‘lishi;
­to‘satdan yo‘talni paydo bo‘lishi;
­har qanday g‘ayritabiiy, kuchli, davomli bosh og‘rig‘i;
­ko‘rishni to‘satdan qisman yoki to‘liq yo‘qotish;
­diplopiya;
­aniq bo‘lmagan nutq yoki afaziya;
­bosh aylanishi;
­partsial tirishish xuruji bilan yoki usiz yiqilish;
­holsizlik yoki tananing bir tomonida yoki bir qismida to‘satdan paydo bo‘ladigan sezuvchanlikni juda sezilarli yo‘qotilishi;
­harakat buzilishlari;
­«o‘tkir qorin» simptomi.
Tug‘ruqdan keyingi davrda venoz tromboemboliyaning yuqori xavfini hisobga olish kerak.
Qon aylanishini buzilishi bilan bog‘liq boshqa kasalliklarga qandli diabet, tizimli qizil yugirik, gemolitik-uremik sindrom, ichakning surunkali yallig‘lanish kasalliklari (masalan, Kron kasalligi yoki yarali kolit) va o‘roqsimon xujayrali anemiya kiradi.
Peroral kontratseptivlarni qo‘llash vaqtida migrenning tez-tezligi va og‘irligini oshishida (bu miyada qon aylanishining og‘irroq shakllarini rivojlanishidan oldin bo‘lishi mumkin), ularni darhol bekor qilish mumkinligini qo‘rib chiqish lozim.
Venoz yoki arterial trombozga nasliy yoki orttirilgan moyillikdan dalolat beruvchi biokimyoviy parametrlarga faollashgan S proteiniga (FSP) rezistentlik, V Leyden omilining mutatsiyasi, gipergomotsisteinemiya, antitrombin III tanqisligi, S proteini tanqisligi, S proteini tanqisligi, antifosfolipid antitelolar (kardiolipinga antitelolar, yugirikli antikoagulyant) ning mavjudligi va dislipoproteinemiya kiradi.
2. O‘smalar
- Bachadon bo‘yni raki
Ayrim epidemiologik tadqiqotlarda MOKni uzoq muddat davomida qabul qilgan ayollarda bachadon bo‘yni rakini rivojlanishining yuqori xavfi aniqlangan. Bundan tashqari, bu ko‘rsatkichni jinsiy xulq va odam papillomasi virusi (OPV) kabi boshqa omillarga qay darajada bog‘liq ekanligi hali ham aniqlanmagan.

- Sut bezi raki
54 epidemiologik tadqiqotlarning meta-tahlili, majmuaviy peroral kontratseptivlarni qabul qilgan ayollar sut bezi rakini rivojlanishini birmuncha oshgan nisbiy xavfiga (OR=1,24) egaligini ko‘rsatdi. Bu yuqori xavf MOKni qabul qilish to‘xtaganidan keyin 10 yil davomida asta-sekin pasayadi. Sut bezi rakini 40 yoshdan kichik ayollarda kam uchraydigan kasallik bo‘lganligi tufayli, MOK ni hozirgi vaqtda yoki ilgari qabul qilgan ayollarda sut bezi rakini diagnostika qilingan hollari sonini oshishi, butun umri davomida sut bezi rakini xavfidan farqi unchalik yuqori bo‘lmagan.
Bu tadqiqotlardagi sabab-oqibat bog‘liqligining isboti keltirilmagan. Yuqori xavfning kuzatiladigan manzarasi, MOK ni ishlatgan ayollarda sut bezi rakini ilk diagnostikasi, MOK ning biologik samaralari yoki ko‘rsatilgan ikkala omilning majmuasi bilan bog‘liq bo‘lishi mumkin.
Peroral kontratseptivlarni ishlatayotgan ayollarda, MOK ni ishlatmagan ayollarga nisbatan, sut bezi raki birmuncha ertaroq bosqichida diagnostika qilinadi.
- Jigar o‘smalari
MOK ni ishlatgan ayollarda jigarning xavfsiz va xavfli o‘smalari qayd qilingan. Alohida hollarda bu o‘smalar hayotga xavf soluvchi qorin ichki qon ketishlariga olib kelgan. MOK ni ishlatayotgan ayollarda gepatomegaliya yoki qorin ichki qon ketishining belgilari bilan birga, qorinning yuqori qismida kuchli og‘riqlar bo‘lgan hollarda jigar o‘smasining differentsial diagnostikasini o‘tkazish lozim.
3. Boshqa holatlar
- Gipertriglitseridemiyasi bo‘lgan yoki oilaviy anamnezida shu kasallik bo‘lgan ayollardaMOK pankreatitni rivojlanish xavfini oshishiga olib kelishi mumkin. Giperlipidemiyasi bo‘lgan ayollar, ular MOK ni qabul qilishga qaror qabul bo‘lsalar, sinchkov kuzatuv ostida bo‘lishlari lozim.
- O‘tkir yoki surunkali jigar yetishmovchiligi bo‘lgan hollarda Rigevidon qobiq bilan qoplangan tabletkalarni qo‘llanishi, jigar sinamalarining ko‘rsatkichlari normal qiymatlargacha qaytmagunicha to‘xtatib turilishi kerak. Jigar faoliyatini buzilishi bo‘lgan bemorlarda steroid gormonlar almashinuvi sekinlashishi mumkin.
- MOK ni ishlatgan ko‘pchilik ayollarda arterial bosimni biroz oshishi qayd etilgani bilan bir qatorda, AB ni klinik ahamiyatli oshishi kam kuzatiladi. Agar MOK ni qabul qilish fonida barqaror va yaqqol arterial gipertenziya rivojlansa, kontratsentivni qabul qilishni to‘xtatish va arterial gipertenziyani davolashni boshlash kerak. Agar gipotenziv davolash natijasida arterial bosimning normal ko‘rsatkichlariga erishilsa, zarurat tug‘ilganida MOK ni qo‘llanishi qaytadan boshlanishi mumkin.
- Quyidagi holatlar xolestaz oqibatidagi sariqlik va/yoki qichishish; o‘tpufagida toshlarni hosil bo‘lishi; porfiriya; tizimli qizil yugirik; gemolitik-uremik sindrom; Sidengam xoreyasi; homiladorlar gerpesi; otoskleroz oqibatida eshitishni yo‘qolishi, ham homiladorlik vaqtida, ham MOK ni qabul qilish vaqtida ro‘y berishi yoki zo‘rayishi mumkinligi to‘g‘risida xabar berilgan. Biroq, sabab-oqibat bog‘liqligini borligi isbotlanmagan.
- MOK periferik insulinorezistentlikka va glyukozaga bo‘lgan tolerantlikka ta'sir qilish mumkin. Shu boisdan, qandli diabeti bilan xastalangan patsiyent ayollar, MOK ni qabul qilish vaqtida sinchkov kuzatuvda bo‘lishlari kerak.
- Rigevidon qobiq bilan qoplangan tabletkalar laktoza monogidrati saqlaydi. Galaktozani o‘zlashtira olmaslikning kam uchraydigan nasliy kasalliklari, Lappa laktaza tanqisligi, glyukozo-galaktozani kam so‘rilish sindromi bo‘lgan ayollar ushbu dori preparatini qabul qilmasliklari kerak.
- Rigevidon qobiq bilan qoplangan tabletkalar saxaroza saqlaydi. Fruktozani o‘zlashtira olmaslikning kam uchraydigan nasliy kasalliklari, glyukozo-galaktozani kam so‘rilish sindromi, saxarozo-izomaltaza yetishmovchiligi bo‘lgan ayollar ushbu preparatni qabul qilmasliklari kerak.
- Majmuaviy peroral kontratseptivlarni qabul qilish va Kron kasalligi/yarali kolit o‘rtasida aloqa borligi to‘g‘risida xabar berilgan.
- Xloazma, ayniqsa anamnezida homiladorlar xloazmasi bo‘lgan ayollarda rivojlanishi mumkin. MOK ni qabul qilish vaqtida xloazmani rivojlanishiga moyilligi bo‘lgan ayollar quyoshda bo‘lishdan va ultrabinafsha nurlarining ta'siridan saqlanishlari kerak.
- MOK ni qabul qilish vaqtida og‘ir depressiya rivojlangan ayollar, preparatni qabul qilishni to‘xtatishlari kerak. Preparatni qabul qilish va bu simptomlarni rivojlanishi orasida bog‘liqlik borligi masalasi aniqlanguncha, patsiyent ayolga muqobil kontratseptsiya usuli tavsiya etilishi kerak. Ilgari og‘ir depressiya epizodlaridan aziyat chekkan ayollar sinchkov kuzatuv ostida bo‘lishlari va depressiv holat simptomlari qaytadan boshlangan hollarda MOK ni ishlatishni to‘xtatishlari kerak.
- Teshik dalachoy (Hypericum perforatum) saqlovchi o‘simlik vositalari, Rigevidon qobiq bilan qoplangan tabletkalar preparatini qabul qilish vaqtida, qon plazmasida faol moddalarning kontsentratsiyasini pasayishi va Rigevidon preparatining farmakologik ta'sirini pasayish xavfi tufayli qo‘llanmasligi kerak (4.5 Bo‘limga qarang).

Samaradorlikni pasayishi
Peroral kontratseptivlarning samaradorligi tabletkalarni qabul qilish o‘tkazib yuborilganda, qusish/diareya bo‘lganida (4.2 Bo‘limga qarang) va boshqa dori vositalarini bir vaqtda qabul qilinganida (4.5 Bo‘limga qarang) pasayishi mumkin.

Hayz ko‘rish siklini buzilishi
Barcha majmuaviy peroral kontratseptivlarni qabul qilish vaqtida, ayniqsa ushbu vositalarni ishlatishning birinchi oyi davomida nomuntazam qon ketishlari (qon aralash ajralmalar yoki shiddatli qon ketishlari) kuzatilishi mumkin. Shunday qilib, har qanday nomuntazam qon ketishlarini klinik baholash, preparatga moslashish davridan keyin taxminan 3 ta hayz ko‘rish sikli davomida o‘tkazilishi kerak.
Agar nomuntazam qon ketishlari oldingi muntazam sikllardan keyin ro‘y bersa, ushbu holatning nogormonal sabablarini ko‘rib chiqish va xavfli jarayon yoki homiladorlikni istisno qilish maqsadida tegishli tekshirishlarni o‘tkazish lozim.
Ba'zan preparatni qabul qilishdagi tanaffus vaqtida «bekor qilish oqibatidagi qon ketishi» umuman kuzatilmasligi mumkin. Agar tabletkalar 4.2 Bo‘limda keltirilgan yo‘riqnomalarga muvofiq qabul qilingan bo‘lsa, homiladorlikni ro‘y berish ehtimoli juda kam. Shu bilan birga, qo‘llash bo‘yicha yo‘riqnoma preparatni qabul qilishdagi birinchi tanaffusgacha buzilgan bo‘lsa, yoki «bekor qilish oqibatidagi qon ketishi» ro‘y bermagan bo‘lsa, yoki ketma-ket ikkita «bekor qilish oqibatidagi qon ketishi» ro‘y bermagan bo‘lsa, MOK ni qo‘llashni davom ettirishdan oldin homiladorlikni istisno etish lozim.

4.5Boshqa dori vositalari bilan o‘zaro ta'siri va o‘zaro ta'sirning boshqa shakllari
MOK samaralariga ta'sir qilishi mumkin bo‘lgan dori vositalari
Dori vositalarning potentsial o‘zaro ta'sirini aniqlash maqsadida har qanday yondosh qo‘llanilayotgan dori vositalarini qo‘llash bo‘yicha ma'lumotini doimo o‘rganish kerak!
Jinsiy gormonlarning klirensini oshishiga olib keluvchi dorilarning o‘zaro ta'sirlari shiddatli qon ketishlariga va kontratseptiv himoyani samarasiz bo‘lib qolishiga olib kelishi mumkin. Mazkur samara gidantoinlarda (masalan, fenitoinda), barbituratlar, primidon, karbamazepin va rifampitsinda aniqlangan. MOK ning samaradorligini pasaytirishi mumkin bo‘lgan boshqa faol moddalarga okskarbazepin, topiramat, grizeofulvin va ritonavir kiradi.
Bu ta'sirlarning mexanizmi, ehtimol ushbu moddalarning «jigar» fermentlari faolligini oshirishiga asoslangan bo‘lishi mumkin. Maksimal fermentativ induktsiya odatda 2-3 xafta davomida namoyon bo‘lmaydi, lekin ular bekor qilinganidan keyin kamida yana 4 hafta davomida saqlanib qolishi mumkin. Kontratseptiv vositalarning samarasizlik holatlari, shuningdek ampitsillin va teratsiklin kabi antibiotiklar bir vaqtda qo‘llanganida ham aniqlangan, lekin ta'sir mexanizmi noma'lumligicha qolmoqda.
Dori preparatlarning yuqorida eslatib o‘tilgan sinflaridan birontasini yoki alohida faol moddalarni qisqa kursda (bir haftagacha) olayotgan ayollar, MOK qo‘shimcha ravishda, ya'ni preparatlarni yo‘ldosh qabul qilish vaqtida va ular bekor qilinganidan keyin 7 kun davomida kontratseptsiyaning to‘siqli usullarini qo‘llashlari lozim.
«Jigar» fermentlari faolligini oshishini chaqiruvchi bu preparatlardan birontasini qisqa vaqt qo‘llangan hollarda, ushbu preparatlarni qo‘llash boshlangan paytdan boshlab, butun davolash davri davomida va ular bekor qilingandan keyin 4 hafta davomida qo‘shimcha to‘siqli kontratseptsiya usullarini qo‘llash tavsiya qilinadi. Ko‘rsatilgan antibiotiklarni qisqa kurs davomida olayotgan ayollar, kontratseptiv tabletkalar bilan bir vaqtda, ya'ni yondosh dori vositasini qo‘llash davrida va u bekor qilingandan keyin 7 kun davomida to‘siqli kontratseptsiya usullarini ishlatishlari lozim. Agar Rigevidon preparati tabletkalarining navbatdagi o‘rami, qo‘shimcha kontratseptsiya usullarini talab etuvchi vaqtdan ertaroq tugasa, preparatni qabul qilishlar orasida tanaffus qilmasdan, keyingi o‘ramdan boshlash kerak. Bunday hollarda ikkinchi o‘ramdan tabletkalar tugamagunicha «bekor qilish oqibatidagi qon ketishi» ni kutmaslik kerak. Agar ikkinchi o‘ramdan tabletkalarni qabul qilish tugaganidan keyin, patsiyent ayolda «bekor qilish oqibatidagi qon ketishi» ro‘y bermagan bo‘lsa, u homiladorlikni istisno qilish uchun shifokorga murojaat qilishi kerak.
Ushbu preparatlarni uzoq muddat qo‘llangan hollarda, patsiyent ayollarga boshqa kontratseptiv vositalarni ishlatish tavsiya qilinadi.

Teshik dalachoy (Hypericum perforatum)
Teshik dalachoy (Hypericum perforatum) saqlovchi o‘simlik vositalarini Rigevidon preparati bilan bir vaqtda qabul qilish mumkin emas, chunki bu kontratseptiv samarani potentsial yo‘qolishiga olib kelishi mumkin. Shu sababdan shiddatli qon ketishlari va istalmagan homiladorlik holatlari to‘g‘risida xabar berilgan. Sababi preparatning metabolizmida qatnashuvchi fermentlarni Hypericum perforatum tomonidan chaqirilgan induktsiyasi hisoblanadi. Induktsiyalovchi samara Teshik dalachoyni qabul qilish to‘xtatilganidan keyin yana kamida 2 hafta saqlanib qolishi mumkin.

MOK ni boshqa dori vositalariga ta'siri
Jinsiy steroid gormonlar qon plazmasida siklosporinning kontsentratsiyasini oshirishi mumkin, bu toksik samaralarni rivojlanishiga olib kelishi mumkin. Lamotridjin va MOK ni bir vaqtda qabul qilish, plazmada lamotridjinning kontsentratsiyasini pasayishiga va MOK ni qo‘llashni boshlagan ayollarad tirishish hurujlarini nazoratini yomonlashishiga olib kelishi mumkin.

Laborator tekshirishlar
Kontratseptiv steroid gormonlarni qabul qilish ba'zi laborator sinamalarning natijalariga, shu jumladan jigar, qalqonsimon bez, buyrak usti bezi va buyrak faoliyatini biokimyoviy ko‘rsatkichlari, plazmaning transport oqsillari (masalan, kortikosteroidni-bog‘lovchi globulin, lipid/lipoprotein fraktsiyalari) kontsentratsiyasi, karbonsuvlar almashinuvining ko‘rsatkichlari, koagulyatsiya va fibrinoliz ko‘rsatkichlariga ta'sir qilishi mumkin. Kuzatilgan o‘zgarishlar odatda referens ko‘rsatkichlar chegarasida qoladi.
Dori vositalarning potentsial o‘zaro ta'sirini aniqlash maqsadida majmuaviy davolash boshlanishidan oldin har qanday yondosh preparatlarni qo‘llanishi to‘g‘risidagi ma'lumotni o‘rganib chiqish tavsiya qilinadi.

4.6Homiladorlik va laktatsiya
Rigevidon, qobiq bilan qoplangan tabletkalari homiladorlikda qo‘llash uchun mo‘ljallanmagan. Agar Rigevidon preparatini qabul qilish vaqtida homiladorlik ro‘y bersa, preparatni darhol bekor qilish kerak.
Faqat levonorgestrel qabul qilingan homiladorlikning bir nechta holatlarini kuzatish yo‘li bilan olingan klinik ma'lumotlar, ushbu preparatni homilaga nohush ta'siri yo‘qligini ko‘rsatadi.
Ko‘pchilik epidemiologik tadqiqotlarning natijalari, onalari homiladorlikkacha kontratseptiv preparatlarni qabul qilgan bolalarda tug‘ma nuqsonlarni rivojlanish xavfini oshishini, shuningdek etinilestradiol va levonorgestrelning majmuasini bexosdan qabul qilgan hollarda teratogen va fetotoksik samaralarni rivojlanish xavfini aniqlamadi.

Emizish davri
Emizish davrida MOK kuho‘krak sutining miqdorini kamaytirishi va tarkibini o‘zgartirish xususiyatiga ega. Shuning uchun, emizish davrida peroral kontratseptivlarni ishlatish tavsiya qilinmaydi. Kontratseptiv steroidlar va/yoki ularning metabolitlarini ozgina miqdori ko‘krak sutiga kirishi mumkin.

4.7Avtotransportni boshqarish va mexanizmlar bilan ishlash qobiliyatiga ta'siri
Rigevidon preparati avtotransportni boshqarish va mexanizmlar bilan ishlash qobiliyatiga ta'sir qilmaydi yokibirozgina ta'sir ko‘rsatadi.

4.8Noxush nojo‘ya reaktsiyalar
Eng ko‘p uchraydigan noxush reaktsiyalar – bular jinsiy yo‘llardan nomuntazam qon ketishlari, ko‘ngil aynishi, tanava vaznini oshishi, sut bezlarida og‘riq va bosh og‘riqlaridir. Odatda ular davaolashning boshida ro‘y bergan va o‘tkinchi xarakterga ega bo‘lgan.

A'zolar tizimining sinfiTez-tez kuzatilgan nohush holatlar
(1/100 do <1/10)Tez-tez kuzatilmagan
(1/1000 do <1/100) va
kam kuzatilgan (1/10000 do <1/1000) nohush holatlar
Tizimli buzilishlar va yuborish joyidagi reaktsiyaTana vaznini oshishi
Suyuqlikni tutilishi
Xavfsiz, xavfli va aniqlanmagan o‘smalar (shu jumladan kistalar va poliplar)Sut bezi raki
Jigar adenomasi
Gepatotsellyulyar kartsinoma
Bachadon bo‘yni raki
Immun tizimi tomonidan buzilishlarTizimli qizil yugurik
Moddalar almashinuvi va oziqlanish tomonidan buzilishlarGiperlipidemiya
Ruxiy buzilishlarLibidoni o‘zgarishi
Depressiya
Ta'sirchanlik

Nerv tizimi tomonidan buzilishlarBosh og‘rig‘i
Asabiylik Xoreya
Ko‘rish a'zolari tomonidan buzilishlarKontakt linzalar taqqanda ko‘zlarni ta'sirlanishi
Ko‘rishni buzilishlari
Eshitish a'zolari tomonidan buzilishlar va labirintni buzilishlarOtoskleroz
Qon tomirlari tomonidan buzilishlarMigrenArterial gipertenziya
Venoz tromboemboliya
Arterial tromboemboliya
Me'da-ichak yo‘llari tomonidan buzilishlarKo‘ngil aynishiQusish
Xolelitiaz
Pankreatit
Teri va teri osti to‘qimalari tomonidan buzilishlarXusnbuzar toshmalariTugunli eritema
Ko‘p shaklli eritema
Xloazma
Jinsiy a'zolar va sut bezi tomonidan buzilish-larQindan nomuntazam qon ketishlari
Amenoreya
Gipomenoreya
Sut bezlari og‘rig‘iQin sekretini o‘zgarishi

MOK ni ishlatayotgan ayollarda quyidagi jiddiy nohush holatlar qayd etilgan
­venoz tromboemboliya, ya'ni oyoqlarning chuqur venalari va chanoq venalarining trombozi, shuningdek o‘pka arteriyasining emboliyasi;
­arterial tromboemboliya;
­bachadon bo‘yni raki;
­jigar o‘smalari;
­teri va teri osti to‘qimalari tomonidan buzilishlar xloazma, tugunli eritema;
­MOK ni ishlatayotgan ayollar orasida sut bezi rakini aniqlanish chastotasi biroz oshgan. 40 yoshgacha bo‘lgan ayollarda sut bezi raki kam uchraganligi tufayli, sut bezi raki bilan kasallanishning umumiy xavfiga nisbatan, bunday holatlarning qo‘shimcha miqdori kam. MOK ni qo‘llanilishi bilan sabab bog‘liqligi noma'lum (Qo‘shimcha ma'lumotni olish uchun 4.3 va 4.4 Bo‘limlarga qarang).

4.9
Dozani oshirib yuborilishi

Preparatning dozasi oshirib yuborilganda ro‘y beruvchi biron-bir nohush holatlar to‘g‘risida ma'lumot yo‘q. Rigevidon tabletkalarining dozasini oshirib yuborilishi natijasida ro‘y berishi mumkin bo‘lgan simptomlar – ko‘ngil aynishi, qusish va yosh qizlarning jinsiy yo‘llaridan biroz qon ketishi hisoblanadi. Spetsifik antidot yo‘q, keyingi davolash simptomatik bo‘lishi kerak.

5.FARMAKOLOGIK XUSUSIYaTLARI
5.1 Farmakodinamik xususiyatlari

Farmakoterapevtik guruhi
Jinsiy gormonlar va jinsiy tizim modulyatorlari, tizimli qo‘llash uchun gormonal kontratseptivlar; progestagen va estrogenlarning fiksatsiyalangan majmuasi.
ATX kodi G03AA07

Rigevidon tabletkalarining kontratseptiv samarasi turli mexanizmlarning o‘zaro ta'siriga asoslangan bo‘lib, ular orasida eng muhimlari ovulyatsiyani susaytirilishi, shuningdek endometriyadagi va servikal shilliqning o‘zgarishlari hisoblanadi.

5.2
Farmakokinetikasi

Etinilestradiol
So‘rilishi
Etinilestradiol me'da-ichak yo‘llaridan tez va to‘liq so‘riladi, preparatning qon plazmasidagi maksimal kontsentratsiyasiga 1,5 soatdan keyin erishiladi. Devor oldi kon'yugatsiyasi va jigar orqali «birinchi» marta o‘tishidan keyin mutloq biokiraolishligi 66% ni tashkil qiladi. «Kontsentratsiya-vaqt» egri chizig‘i ostidagi maydon va Cmax vaqt o‘tgani sayin biroz oshiishi mumkin.
Taqsimlanishi
Etinilestradiolning qon plazmasi oqsillari bilan bog‘lanishi 98,8% gachani tashkil qiladi. Bog‘lanish deyarli to‘liq albumin bilan ro‘y beradi.
Metabolizmi
Etinilestradiol ham ingichka ichakning shilliq qavatida, ham jigarda tizim oldi kon'yugatsiyasiga uchraydi. Etinilestradiolning bevosita kon'yugatlarini ichak florasi tomonidan gidrolizi natijasida etinilestradiol hosil bo‘ladi, va u yana qayta so‘rilish mumkin (enterojigar retsirkulyatsiyasi). Etinilestradiolning metabolizmining asosiy yo‘li sitoxrom R-450 tizimi ta'sirida gidroksillanish bo‘lib, natijada asosiy metabolitlar 2-ON-etinilestradiol va 2-metoksi-etinilestradiol hosil bo‘ladi. 2-ON-etinilestradiol keyinchalik kimyoviy jihatdan faol metabolitlargacha metabolizmga uchraydi.
Chiqarilishi
Etinilestradiol qon plazmasidan chiqarilganda yarim chiqarilish davri (T½) taxminan 29 soatni (26-33 soat) tashkil qiladi, plazma klirensi soatiga 10-30 l atrofida o‘zgarib turadi. Etinilestradiolninng kon'yugatlariva uning metabolitlarini chiqarilishi siydik va ahlat bilan (11) amalga oshadi.

Levonorgestrel
So‘rilishi
Ichga qabul qilingandan keyin levonorgestrel me'da-ichak yo‘llaridan tez va to‘liq so‘riladi. Biokiraolishligi taxminan 100% ni tashkil qiladi. Levonorgestrel jigar orqali «birinchi» marta o‘tishida metabolizmga uchramaydi.
Taqsimlanishi
Qon plazmasida levonorgestrel albumin va JGBG bilan (jinsiy gormonlarni bog‘lovchi globulin bilan) sezilarli darajada bog‘lanadi.
Metabolizmi
Metabolizmi, asosan,  4-3-okso-guruhni uzilishi va 2, 1 va 16 holatlarda gidroksillanishdan iborat bo‘lib, shundan so‘ng kon'yugatsiya ro‘y beradi. Qonda aylanib yurgan ko‘pchilik metabolitlar, 3, 5-tetragidro-levonorgestrelning sulfatlaridir. Preparatning ekskretsiyasi asosan glyukuronidlar shaklida yuz beradi. Birlamchi levonorgestrelning ayrim qismi qonda 17-sulfat shaklida aylanib yuradi. Metabolik klirensi sezilarli individual o‘zgaruvchanlikka ega, bu holat patsiyent ayollarda kuzatiladigan levonorgestrelning kontsentratsiyasidagi ancha katta farqlarni qisman tushuntirishi mumkin.
Chiqarilishi
Levonorgestrel preparatning plazmadagi muvozanatli kontsentratsiyasi sharoitida o‘rtacha T½ taxminan 36 soatda chiqariladi. Levonorgestrel va uning metabolitlari asosan siydik bilan (40-68%) va preparatning taxminan 16-48% ahlat bilan chiqariladi.




5.3Xavfsizlik bo‘yicha klinika oldi ma'lumotlari
Etinilestradiol va levonorgestrelning o‘tkir toksikligi past. Turli hayvonlardagi jiddiy farqlar tufayli, klinika oldi tadqiqotlarining natijalari estrogenlarni klinik amaliyotda qo‘llash uchun cheklangan prognostik ahamiyatga egadir.
Eksperimental hayvonlarda estrogenlar nisbatan past dozalardayoq embrioletal samarani namoyon etgan. Siydik-tanosil tizimining rivojlanish nuqsonlari va erkak jinsidagi homilani feminizatsiyasi kuzatilgan. Reproduktiv toksiklikni o‘rganish bo‘yicha kalamushlarda, sichqonlarda va quyonlarda o‘tkazilgan tadqiqotlar, jinsiy differentsiatsiyaga ta'siridan tashqari, teratogen ta'sirining xech qanday belgilarini aniqlamadi.
Preparatni uzoq muddat qo‘llash sharoitida toksikligi, genotoksikligi va kantserogen potentsialini o‘rganish bo‘yicha standart tadqiqotlarga asoslangan klinika oldi ma'lumotlari, dori vositasining Qisqa tavsifnomasini boshqa bo‘limlarida muhokama qilingan xavflardan tashqari, preparatni klinik amaliyotda qo‘llash uchun aniq bir xavfni aniqlamadi.

6.FARMATSEVTIK MAЪLUMOTLAR
6.1Yordamchi moddalarning ro‘yhati
Tabletkaning yadrosi suvsiz kolloid kremniy dioksidi, magniy stearati, talk, makkajo‘xori kraxmali, laktoza monogidrati (33 mg).
Qobig‘i natriy karmelloza, povidon K-30, suvsiz kolloid kremniy dioksidi, makrogol 6000, kopovidon, titan dioksidi (E171), kaltsiy karbonati, talk, saxaroza (22,459 mg).

6.2Nomutanosiblik
Aniqlanmagan.

6.3
Yaroqlilik muddati

3 yil.
O‘ramida ko‘rsatilgan yaroqlilik muddati tugaganidan keyin ishlatilmasin.

6.4
Saqlash sharoiti

25C dan yuqori bo‘lmagan haroratda saqlansin. Bolalar olaolmaydigan joyda saqlansin.

6.5O‘rami
21 qobiq bilan qoplangan tabletka, PVX/PVDX va alyumin folgali blisterda.
1 yoki 3 blister qo‘llash bo‘yicha yo‘riqnomasi bilan karton qutida. Karton qutiga blisterni saqlash uchun yassi karton futlyar joylangan.




7. ISHLAB CHIQARUVCHI VA MUOMALAGA CHIQARILISHGA JAVOBGAR
“Gedeon Rixter” OAJ
1103 Budapesht, Demrei ko‘ch., 19-21, Vengriya