Preparatning savdo nomi
Pirantel
Ta'sir etuvchi modda (HPN) pirantel

Dori shakli
peroral qo‘llash uchun suspenziya

Tarkibi

15 ml suspeziya quyidagilarni saqlaydi
faol modda pirantel 0,750 g (2,1625 g pirantel embonati ko‘rinishida),
yordamchi moddalar natriy benzoati, natriy karmelloza, sorbitol, glitserin, magniy-alyuminiy silikati, polisorbat 80, povidon, 30% simetikon emulisiyasi, limon kislotasi monogidrati, o‘rik aromatizatori, natriy gidroksidi, tozalangan suv.
Ta'rifi och-sariq rangli, o‘ziga xos hidli suspenziya. Suyuq qism va cho‘kmaga ajralishi mumkin, u chayqatilganida bir xil suspenziyani hosil qiladi.

Farmakoterapevtik guruhi
gelmintlarga qarshi preparatlar, nematodozni davolash uchun preparatlar, tetragidropirimidin hosilalari.
ATX kodi R02SS01


Farmakologik xususiyatlari

Pirantel ichakning dumaloq chuvalchanglari bilan zararlanishda samarali preparat hisoblanadi. Ichak nematodalarining nerv-mushak birikmalarini depolyarizatsiyasi va xolinesteraza ta'sirini bloklash yo‘li bilan ularning mushaklariga ta'sir qiladi. Harakatlanaolmaydigan parazitlar ichakning peristalitik harakatlari hisobiga ichakdan chiqariladi. Gelimintlarning migratsiyasini chaqirmaydi, shikastlovchi ta'sirga ega emas. Yetilgan shakllari va rivojlanishning ilk bosqichidagi parazitlarga ta'sir qiladi va lichinkalarni to‘qimalarga migratsiyasi vaqtida ularga ta'sir qilmaydi. Preparat eng avvalo ostritsalar (Enterobius vermicularis) va askaridalar (Ascaris lumbricoides) bilan zararlanishda qo‘llaniladi. Ankilostoma bilan zararlanishda qo‘llanilishi mumkin; nekatorozni (Necator americanus). davolashga nisbatan ankilostomidozni (Ancylostoma duodenale) davolashda samaraliroq ta'sir ko‘rsatadi.

Farmakokinetikasi

Pirantel embonati – suvda deyarli erimaydi, me'da-ichak yo‘llaridan ahamityasiz miqdorda so‘riladi, tana vazniga 10 mg/kg bir martalik doza qabul qilingandan keyin qon plazmasida preparatning kontsentratsiyasi 1-3 soat davomida 0,05-0,13 mkg/ml ni tashkil qiladi.
So‘rilgan pirantel embonati jigarda qisman metabolizmga uchraydi va N-metil-1,3-propandiamin hosil bo‘ladi.
Pirantel embonatining 15% dan kamrog‘i o‘zgarmagan ko‘rinishda va metabolitlari shaklida siydik bilan chiqariladi. Dozaning 50% ko‘prog‘i o‘zgarmagan shaklda axlat bilan chiqariladi.


Qo‘llanilishi

- enterobioz;
- askaridoz;
- ankilostomoz;
- nekatorozda qo‘llanadi.



Qo‘llash usuli va dozalari

Dozalari
Ascaris lumbricoides chaqirgan askaridoz.
Kattalar va tana vazni >10 kg bo‘lgan bolalar bir martalik doza 11 mg/kg. Odatda, bir martalik dozani qabul qilish kifoya, biroq samaradorligi yetarli bo‘lmasa, preparat dozasini qabul qilishni 2-3 haftadan so‘ng takrorlash lozim.
Enterobius vermicularis chaqirgan enterobioz.
Kattalar va tana vazni >10 kg bo‘lgan bolalar bir martalik doza 11 mg/kg. Preparat dozasini qabul qilishni 2-3 xaftadan so‘ng takrorlash lozim.
Ancylostoma duodenale va Necator americanus invaziyasi.
Kattalar va tana vazni >10 kg bo‘lgan bolalar 11 mg/kg dan sutkada bir marta ketma-ket 3 kun davomida qabul qilinsin.
Quyida tana vazniga bog‘liq holda Pirantel preparatining dozalari ko‘rsatilgan jadval keltirilgan

Tana vazni
Bir martalik doza (ml)
Bir martalik doza (mg)
11-16 kg
2,5 ml
125 mg
17-28 kg
5,0 ml
250 mg
29-39 kg
7,5 ml
375 mg
40-50 kg
10,0 ml
500 mg
51-62 kg
12,5 ml
625 mg
63-75 kg
15,0 ml
750 mg
Tana vazni>75 kg bo‘lgan kattalar
20,0 ml
1000 mg
To‘plamga shkalali o‘lcham stakani kiradi.
Jigar yetishmovchiligi bo‘lgan patsiyentlarda dozalash
Jigar yetishmovchiligi bo‘lgan patsiyentlar uchun kichikroq dozalar ko‘rib chiqilishi mumkin, chunki preparat aspartataminotransferaza (ACT) miqdorining vaqtinchalik oshishini chaqiradi.
Qo‘llash usuli
Preparat ovqatlanish vaqtida yoki ovqatdan so‘ng ichga qabul qilinadi.
Qabul qilishdan avval bir xil suspenziya hosil bo‘lguncha silkitilsin.
Pirantel preparatini qabul qilishdan avval surgi vositalarini qo‘llash zaruriyati yo‘q.
Agar patsiyentga enterobioz tashxisi qo‘yilgan bo‘lsa, u holda davolash oilaning barcha a'zolari uchun ta'minlangan bo‘lishi kerak, hamda invaziya qaytalanishiga yo‘l qo‘ymaslik uchun sanitariya-gigiyena shartlariga rioya qilish zarur. Preparat bilan davolashdan 14 kundan so‘ng nazorat parazitologik tekshiruvini amalga oshirish kerak.

Nojo‘ya ta'sirlari
Odatda preparat yaxshi o‘zlashtiriladi.
Pirantelning nojo‘ya ta'sirlari kam hollarda namoyon bo‘ladi (≥1/10000 <1/1000 gacha), ular qisqa muddatli va davolash to‘xtatilganidan keyin yo‘qoladi.
Pirantelni qo‘llash jarayonida qayd qilingan nojo‘ya samaralar tizimlar va a'zolar tasnifiga muvofiq quyida keltirilgan.
Me'da-ichak yo‘llari tomonidan buzilishlar
Ko‘ngil aynishi, qusish, ishtahani buzilishi, qorinda og‘riq, diareya, jigar fermentlarining faolligini oshishi.
Nerv tizimi tomonidan buzilishlar
Bosh og‘rig‘i va bosh aylanishi, uyquchanlik yoki uyqusizlik.
Teri va teri osti to‘qimalari tomonidan buzilishlar
Allergik teri toshmasi kuzatilishi mumkin.


Qo‘llash mumkin bo‘lmagan holatlar

- preparatning komponentlariga yuqori sezuvchanlik;
- piperazinni bir vaqtda qo‘llash;
- miasteniya (davolash davrida) da qo‘llash mumkin emas.

Dorilarning o‘zaro ta'siri
Qon plazmasida teofillinning kontsentratsiyasini oshirishi mumkin.
Antagonistik ta'siri sababli, pirantelni piperazin bilan parallel qo‘llash mumkin emas, chunki ushbu majmua ikkala dori preparatlarining ta'sirini susayishiga olib keladi.


Maxsus ko‘rsatmalar

Ikki yoshgacha bo‘lgan bolalarga preraratni ehtiyotkorlik bilan buyurish kerak.
Jigar yetishmovchiligi bo‘lgan patsiyentlarda ehtiyotkorlikka rioya qilish va qonda AST faolligini nazorat qilish kerak. Dozani kamaytirishni ko‘rib chiqish mumkin.
To‘yib ovqatlanmaydigan va anemiyasi bo‘lgan patsiyentlarni davolashda ehtiyotkorlikka rioya qilish kerak.
Suspenziya fruktoza manbai hisoblanadigan sorbitol saqlaydi. Agar patsiyentda kam kuzatiladigan nasliy fruktozani o‘zlashtirolmaslik tashxis qo‘yilgan bo‘lsa, ushbu preparatni qabul qilish mumkin emas. Sorbitol dispepsiya chaqirishi va yengil surgi ta'sir ko‘ratishi mumkin.
Preparat yangi tug‘ilgan chaqaloqlar (4 haftalikkacha bo‘lgan yoshda)da sariqlikning yuzaga chiqishini kuchaytirishi mumkin bo‘lgan natriy benzoati saqlaydi.
Homiladorlik
Hayvonlarda o‘tkazilgan tadqiqotlarda pirantelning homilaga zararli ta'siri aniqlanmagan.
Pirantelni homilador ayollarda qo‘llash bo‘yicha nazoratli klinik tadqiqotlar yo‘qligi sababli, homiladorlik davrida ona uchun kutilayotgan foyda, homila uchun potentsial xavfdan yuqori bo‘lgan hollardan tashqari hollarda preparatni qo‘llash tavsiya etilmaydi.
Laktatsiya
Pirantelning ona sutiga kirishini tekshirish bo‘yicha tadqiqotlar o‘tkazilmagan, shuning uchun emizish davrida ayollar pirantelni qo‘llashlari tavsiya etilmaydi. Agar preparat bilan davolash zarurati bo‘lsa, emizishini to‘xtatish kerak.
Transport vositalarini haydash va mexanik uskunalarga xizmat ko‘rsatish qobiliyatiga ta'siri
Pirantelning avtotransportni haydash va harakatdagi mexanizmlarni boshqarish qobiliyaga ta'sirini o‘rganish bo‘yicha tadqiqotlar o‘tkazilmagan.

Dozani oshirib yuborilishi
Dozani oshirib yuborilishining asosiy simptomlari
Ko‘rishning buzilishi, dezoriyentatsiya, bosh aylanishi, ortostatik hushdan ketish, terlash, holsizlanish, notekis pulis, mushak spazmlari va tremor, gipoksiya (nafas olishning qiyinlashishi, hushdan ketish).
Dozani oshirib yuborilishini davolash
Pirantel uchun spetsifik antidot yo‘q. Doza oshirib yuborilganida simptomatik davolash (erta bosqichda me'dani yuvish, nafas yo‘llarining o‘tkazuvchanligini ta'minlash va nafasni tutib turish, arterial qon bosimni tutib turish) amalga oshiriladi.


Chiqarilish shakli

Peroral qo‘llash uchun suspenziya, 250 mg/5 ml; 15 ml dan buraladigan oq polietilen qopqoqcha bilan to‘q rangli shisha flakonlarda (Oster).
1 flakon shkalali o‘lchov stakanchasi va tibbiyotda qo‘llanilishiga doir yo‘riqnomasi bilan birga karton qutida.


Saqlash sharoiti

25oS dan yuqori bo‘lmagan haroratda saqlansin. Yorug‘likdan himoyalansin.
Bolalar ololmaydigan joyda saqlansin.


Yaroqlilik muddati

3 yil
Ochilgan flakon 21 kun ichida ishlatilishi kerak.

Yaroqlilik muddati
o‘tgach qo‘llanilmasin.


Dorixonalardan berish tartibi

Retsept bo‘yicha.

Ro‘yhatdan o‘tkazilganlik guvohnomasining egasi
«Ximfarm» AJ
Qozog‘iston Respublikasi, 160019, Shimkent sh., Rashidov ko‘ch., 81


Ishlab chiqaruvchi

Pharmaceutical Works POLPHARMA S.A. Medana Branch in Sieradz
Vladislav Loketka ko‘ch 10, 98-200 Seradz, Polsha

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«Ximfarm» AJ O‘zbekistondagi vakolatxonasi
100084 O‘zbekiston Respublikasi, Toshkent sh., Qozitarnov ko‘ch., 50 uy.
Tel. +99897 107 55 53
Elektron pochta manzili info.uzbekistan@santo.uz