Preparatning savdo nomi
Novokain
Ta'sir etuvchi modda (XNP) Novokain

Dori shakli
In'ektsiya uchun eritma.

Tarkibi

Faol modda Prokain gidroxlorid – 5 mg yoki 20 mg.
Yordamchi moddalar xlorid kislotasi – 0,1 mol/l rN 3,8 dan 4,5 gacha, in'ektsiya uchun suv – 1 ml gacha.
Ta'rifi Tiniq rangsiz yoki biroz bo‘yalgan suyuqlik.

Farmakoterapevtik guruhi
Mahalliy og‘riqsizlantiruvchi vosita.
ATX kodi N01BA02


Farmakologik xususiyatlari

Yengil og‘riqsizlantirish va keng terapevtik ta'sirga ega bo‘lgan mahalliy og‘riqsizlantiruvchi vosita. Voltajga bog‘liqli natriy kanallarini bloklaydi, sezuvchi nerv uchlaridagi impulslar generatsiyasiga va nerv tolalarida impulslar o‘tishiga to‘sqinlik qiladi. Og‘riq va boshqa impulslarni so‘ndiradi. Preparat ta'sirida avval sovuqlik sezish, so‘ng ketma-ket issiqlik, og‘riq va bosimni sezish yo‘qoladi. Rezorbtiv ta'sirda preparat MNS ga susaytiruvchi ta'sir ko‘rsatadi, silliq muskullar spazmini bo‘shashtiradi, presinaptik nerv uchlaridan atsetilxolinni chiqishini susaytiradi va shuning uchun qisman gangliyalarni bloklovchi ta'sirga ega, katta dozalarda nerv-muskul o‘tkazuvchanligini buzishi mumkin. Preparat yana gipotenziv va antiaritmik ta'sir ko‘rsatadi (qo‘zg‘aluvchanlik va avtomatizmni pasaytiradi, o‘tkazuvchanlikni yomonlashtiradi). Infiltratsion anasteziyada ta'sirining davomiyligi yarim-bir soatni tashkil etadi. Boshqa tur anasteziyalarda ta'sirining davomiyligi preparatning kontsentratsiyasiga, uni adrenalin eritmasi bilan qo‘shib ishlatilishiga bog‘liq bo‘lib, o‘rtacha yarim soatdan bir yarim soatgacha bo‘lishi mumkin.


Farmakokinetikasi

Organizmda preparat to‘qima va qon plazmasi esterazalari bilan gidrolizlanadi va ikkita asosiy farmakologik faol metabolitlar hosil bo‘ladi dietilaminoetanol (o‘rtacha tomir kengaytirish ta'siriga ega) va paraaminobenzoy kislota. Metabolitlar buyraklar orqali chiqariladi.


Qo‘llash usuli va dozalari

Infiltratsion, o‘tkazuvchan, suyak ichki, peridural anesteziya; paranefral va vagosimpatik blokadalar; sovuq urishi (reaktsiyagacha bo‘lgan bosqichda); gipertoniya kasalligi, gipertonik sindromli homiladorlik toksikozlari, fantom og‘riqlari, me'da va 12 barmokli ichak yarasi kasalligi, qichima, neyrodermit, ekzema, keratit, iridotsiklit, glaukoma. Shuningdek, penitsillin ta'sirini uzaytirish maqsadida uni eritish uchun 0,125%-2% li eritmalari ishlatiladi. Kerakli kontsentratsiya hosil qilish uchun yuqori kontsentratsiyali eritmasi fiziologik eritma yoki in'ektsiya uchun suv bilan suyultiriladi.
Infiltratsion anesteziya uchun 0,25%-0,5% li eritmalar ishlatiladi A.V.Vishnevskiy usuli anesteziyasi uchun (tarang o‘rmalovchi infiltratsiya) 0,125%-0,25% eritmalar; o‘tkazuvchan anesteziya uchun 1%-2% eritmalar (20 yoki 10 ml), paranefral blokadada 0,25%-0,5% eritma (100-150 ml yoki 50-80 ml); vagosimpatik blokadada 0,25% eritma (30-100 ml); peridural anesteziyada 2% eritma (20-25 ml); neyrodermitda, ishiasda, ekzemada sirkulyar va paravertebral blokada uchun teri orasiga 0,25%-0,5% eritma yuboriladi. So‘rilishni kamaytirish va ta'sir etish davrini uzaytirish uchun mahalliy anesteziyada preparatga 0,1% li adrenalin gidroxlorid eritmasidan 2-10ml ga 1 tomchi hisobida qo‘shiladi. Sovuq urganda (reaktsiyagacha bo‘lgan bosqichda) periferik tomirlar spazmni ketkazish va mikrotsirkulyatsiyani yaxshilash uchun arteriya tomiri orqali 10ml 0,25% preparat eritmasi, 2ml 1% nikotin kislotasi va 10000 YeD geparindan tashkil topgan aralashma yuboriladi.
Vena ichiga 1 ml dan 10-15ml gacha 0,25% eritma, sekin, yaxshisi izotonik natriy xlor eritmasida yuboriladi. In'ektsiya miqdori (ba'zi hollarda 10-20 gacha) kasallikning og‘irligiga bog‘liq bo‘ladi.
Mushak orasiga 3-5ml 2% eritma, bir haftada 3 marta, bir davolanish kursiga 12 in'ektsiya, sung 10 kunga to‘xtatiladi.
Ichish uchun 0,25%-0,5% eritma 30-50 mldan kuniga 2-3 marta buyuriladi.
Yuqori dozalar (kattalar uchun) bir martalik ichish uchun (0,25%-0,5% eritma) - 0,25 g (100 ml yoki 50 ml), mushak orasiga (2% eritma) - 0,1 g (5 ml); vena ichiga (0,25% eritma) - 0,05 g (20 ml); sutkalik doza ichish uchun (0,25%-0,5% eritma) - 0,75 g (300 ml va 150 ml); mushak orasiga (2% eritma) va tomir ichiga (0,25% eritma) - 0,1 g (5 ml va 40 ml).
Infiltratsion anesteziya uchun quyidagi yuqori dozalar belgilangan (kattalar uchun) operatsiyaning boshida bir martalik doza - 1,25 g dan yuqori emas - 0,25% eritmadan 500 ml yoki 0,75g - 0,5% eritmadan 150 ml. Keyinchalik operatsiyaning har soati davomida – 2,5 g dan yuqori bo‘lmagan (0,25% eritmadan 1000 ml) va 2 g dan yuqori bo‘lmagan (0,5% eritmadan 400 ml) dozada ishlatilada.

Nojo‘ya ta'sirlari
Preparatga yuqori sezuvchanlik bo‘lganda bosh aylanishi, bo‘shashish, qon bosimini pasayishi, ba'zi hollarda kollapsgacha. Allergik teri reaktsiyalari (dermatitlar, teri ko‘chishi va b.).


Qo‘llash mumkin bo‘lmagan holatlar

Preparatni qabul qila olmaslik. Ko‘p qon ketishi bilan bog‘liq, bo‘lgan shoshilinch operatsiyalar. To‘qimalardagi yaqqol fibroz o‘zgarishlar (o‘rmalovchi infiltratsion anesteziya uchun). Adrenalin aralashtirilgan preparatni quyidagi holatlarda qo‘llash mumkin emas tireotoksikozda, yurak ritmi buzilganda, yaqqol namoyon bo‘lgan gipertenziyada, qon tomirlarining og‘ir kasalliklarida, feoxromotsitomada, qo‘l va oyoq barmoqlarini anesteziya qilishda, shuningdek mahalliy anesteziyani umumiy ta'sir etuvchi preparatlar - galotan (ftorotan), trixloretilen (trilen), ergotamin bilan birga qo‘shish.

Dorilar bilan o‘zaro ta'siri
Preparat boshqa mahalliy anastetiklar, umumiy narkoz vositalari, uxlatuvchi, sedativ vositalarning markaziy nerv sistemasini zaiflashtiruvchi ta'sirini kuchaytiradi, sulfanilamidlarning mikroblarga qarshi ta'sirini susaytiradi.


Maxsus ko‘rsatmalar

Qariyalarda, zaiflashgan kasallarda, bolalarda, epilepsiyada, yurak o‘tkazuvchanligi buzilgan bemorlarda ehtiyotkorlik bilan ishlatish kerak.
Mushak orasiga yuborilganda preparatga yuqori sezgirlikni aniqlash uchun uni avval kamaytirilgan dozada – 2 ml 2% eritmadan, agar nojo‘ya ta'siri bo‘lmasa 3 kundan keyin 3 ml eritma, so‘ngra yana 3 kundan keyin 1 in'ektsiyaga 5 ml - ya'ni to‘liq doza yuboriladi.
Preparat bolalar olaolmaydigan joyda saqlansin va yaroqlilik muddati o‘tganidan keyin ishlatilmasin.


Dozani oshirib yuborilishi

Doza oshib ketganda yuz terisini va shilliq qavatlarni oqarib ketishi, bosh aylanishi, organizmning umumiy bo‘shashishi, ko‘ngil aynishi, qusish, sovuq ter chiqishi, nafasni tezlashishi, taxikardiya, arterial qon bosimini kollaps darajasigacha pasayishi kuzatiladi.
MNS ga ta'siri qo‘rqish hissi, galyutsinatsiya, tirishish, harakatlanuvchi qo‘zg‘alish bilan namoyon bo‘ladi.
Doza ortib ketgandagi yordam-adekvat o‘pka ventilyatsiyasini kislorod ingalyatsiyasi bilan saqlab turish, qisqa ta'sir etuvchi narkoz vositalarini vena ichiga yuborish, og‘ir holatlarda – dezintoksikatsion va simptomatik terapiya qilinadi.


Chiqarilish shakli

In'ektsiya uchun eritma 0,5%, 2% 1 ml, 2 ml, 5 ml dan.

Saklash sharoiti
Yorug‘likdan himoyalangan joyda, 250S dan yuqori bo‘lmagan haroratda salqansin.

Yaroklilik muddati
3 yil.







Dorixonalardan berish tartibi

Retsept bo‘yicha.


Ishlab chiqaruvchi

“RADIKS” XIICHK
O‘zbekiston Respublikasi, Toshkent sh., 100054, Lutfiy ko‘ch, 50.
tel 273-92-31, faks 273-80-58