Preparatning savdo nomi
Riboksin
Ta'sir etuvchi modda (XPN) inozin

Dori shakli
vena ichiga yuborish uchun eritma

Tarkibi

1 ml preparat quyidagilarni saqlaydi
ta'sir etuvchi modda inozin (riboksin) - 20 mg;
yordamchi moddalar metenamin - 2 mg, 1 M natriy gidroksidi eritmasi rN 7,8-8,6 gacha, in'ektsiya uchun suv - 1 ml gacha.
Ta'rifi tiniq yoki deyarli tiniq, rangsiz yoki biroz bo‘yalgan suyuqlik.

Farmakoterapevtik guruhi
metabolik vosita.
ATX kodi S01EV


Farmakologik xususiyatlari


Farmakodinamika
si
Riboksin – purin (nukleozid) hosilasi – adenozintrifosfat (ATF) ning o‘tmishdoshidir. Metabolik jarayonlarni boshqaruvchi dori vositalari guruhiga mansub.
Antigipoksik va antiaritmik ta'sir ko‘rsatadi. Miokardning energetik muvozanatini oshiradi, koronar qon aylanishini yaxshilaydi, buyrakning intraoperatsion ishemiyasi oqibatlarini oldini oladi. Glyukoza almashinuvida bevosita ishtirok etadi va gipoksiya sharoitida va ATF yo‘qligida almashinuvni faollashishiga yordam beradi.
To‘qima nafasining normal jarayonini ta'minlash uchun zarur bo‘lgan piruvat kislotasining metabolizmini faollashtiradi, shuningdek ksantin-degidrogenazani faollashishiga yordam beradi. Nukleotidlar sintezini rag‘batlantiradi, Krebs siklining ayrim fermentlari faolligini kuchaytiradi.
Xujayralarga kirib, miokardda metabolizm jarayonlariga ijobiy ta'sir ko‘rsatadi – yurak qisqarishlari kuchini oshiradi va diastolada yurakni to‘liq bo‘shashiga yordam beradi, buning natijasida zarb xajmi oshadi. Antiaritmik ta'sir mexanizmi oxirigacha ma'lum emas.
Trombotsitlar agregatsiyasini kamaytiradi, to‘qimalar (ayniqsa miokard va me'da-ichak yo‘llari shilliq qavatini) regenaratsiyasini faollashtiradi.

Farmakokinetikasi

Glyukuron kislotasini hosil qilib va keyinchalik uni oksidlanib jigarda metabolizmga uchraydi. Ahamiyatsiz darajada buyraklar orqali chiqariladi.


Qo‘llanilishi

Yurak ishemik kasalligini majmuaviy davolashda (o‘tkazilgan miokard infarktidan keyin), miokardiodistrofiyada, yurak glikozidlarini qo‘llash bilan bog‘liq yurak ritmini buzilishlarida. Jigar kasalliklarini (gepatitlar, sirroz, jigarning yog‘li distrofiyasi) majmuaviy davolashda. Ajratib olingan buyrakdagi operatsiya vaqtida qon aylanishi o‘chirilganda farmakologik himoya vositasi sifatida qo‘llanadi.


Qo‘llash usuli va dozalari

Vena ichiga oqim bilan sekin yoki tomchilab (minutiga 40-60 tomchi) yuboriladi.
Davolash kuniga 1 marta 200 mg (10 ml 20 mg/ml eritma) dan boshlanadi; so‘ngra yaxshi o‘zlashtirilganda doza kuniga 1-2 marta 400 mg (20 ml 20 mg/ml eritma) gacha oshiriladi. Davolash davomiyligi 10-15 kun.
Preparatni yurak ritmini o‘tkir buzilishlarida 200-400 mg (10-20 ml 20 mg/ml eritma) bir martalik dozada oqim bilan yuborish mumkin.
Ishemiyaga duchor bo‘lgan buyrakni farmakologik himoyasi uchun Riboksin buyrak arteriyasini siqishdan 5-15 minut oldin 1200 mg (60 ml 20 mg/ml eritma) bir martalik dozada vena ichiga oqim bilan yuboriladi, so‘ngra qon aylanishi tiklanishi bilanoq yana 800 mg (40 ml 20 mg/ml eritma) yuboriladi.
Vena ichiga tomchilab yuborish uchun 20 mg/ml eritma 5% li dekstroza (glyukoza) yoki 0,9% li natriy xloridi eritmasida (250 ml gacha) suyultiriladi.
Polimer ampula bilan ishlash tartibi
1.Ampula olinadi va bo‘yinchasidan ushlab chayqatiladi.
2.Ampula qo‘l bilan bosiladi, bunda preparat ajralib chiqishi kerak va aylanma harakat bilan klapan buraladi va ajratib olinadi.
3.Hosil bo‘lgan teshik orqali ampula darhol shprits bilan biriktiriladi.
4.Ampulani to‘nkariladi va uning ichidasigi sekin shpritsga tortiladi.
5.Shpritsga igna taqiladi.

Nojo‘ya ta'sirlari
Allergik reaktsiyalar teri qichishishi, teri giperemiyasi, eshakemi.
Laborator ko‘rsatkichlar qonda siydik kislotasi kontsentratsiyasini oshishi.
Boshqalar podagrani kechishini yomonlashishi (uzoq vaqt qo‘llanilganda).


Qo‘llash mumkin bo‘lmagan holatlar

Preparatga yoki purinning boshqa hosilalariga yuqori sezuvchanlik; podagra; giperurikemiya; homiladorlik; emizish davri, 18 yoshgacha bo‘lgan bolalarda qo‘llash mumkin emas (samaradorligi va xavfsizligi aniqlanmagan).
Ehtiyotkorlik bilan
Buyrak yetishmovchiligi.

Dorilarning o‘zaro ta'siri
Yurak glikozidlari bilan birga qo‘llanilganda preparat aritmiyalar paydo bo‘lishini oldini olishi, musbat inotrop ta'sirni kuchaytirishi mumkin.
Immunodepressantlar inozinning samarasini kamaytiradi.


Maxsus ko‘rsatmalar

Riboksin yurak faoliyatini o‘tkir buzilishlarini shoshilinch muvofiqlashtirish uchun qo‘llanilmaydi. Teri qichishishi va teri giperemiyasi paydo bo‘lganda preparat bilan davolashni bekor qilish kerak. Buyrak yetishmovchiligida preparatni agar shifokorning fikri bo‘yicha kutilgan ijobiy samara bo‘lishi mumkin bo‘lgan xavfdan yuqori bo‘lgandagina qo‘llash mumkin.
Uzoq vaqt qo‘llanilganda qonda va siydikda siydik kislotasining kontsentratsiyasini nazorat qilish kerak.
Homiladorlik va emizish davrida qo‘llanishi
Riboksin preparatini homiladorlikda qo‘llash mumkin emas.
Inozinni ko‘krak sutiga kirishi haqida ma'lumotlar yo‘q, shuning uchun preparatni laktatsiya davrida buyurish zarurati bo‘lganida emizishni to‘xtatish kerak.
Transport vositalari va mexanizmlarni boshqarish qobiliyatiga ta'siri
Preparatni transport vositalari va mexanizmlarni boshqarish qobiliyatiga ta'siri haqidagi klinik ma'lumotlar yo‘q.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin!


Dozani oshirib yuborilishi

Hozirgi vaqtgacha dozani oshirib yuborilishi holatlari haqida xabar berilmagan.


Chiqarilish shakli

Vena ichiga yuborish uchun eritma 20 mg/ml.
5 ml yoki 10 ml dan past zichlikdagi polietilen yoki polipropilen ampulalarda.
10 ampuladan rus va o‘zbek tillaridagi qo‘llash bo‘yicha yo‘riqnomasi bilan karton qutida.




Saqlash sharoiti

25°S dan yuqori bo‘lmagan haroratda.


Yaroqlilik muddati

3 yil.


Dorixonalardan berish tartibi

Retsept bo‘yicha beriladi.

Qayd etish guvohnomasining egasi
«Groteks» MChJ
Rossiya, 195279, Sankt-Peterburg
Industrialniy pr., 71 uy, 2 k., lit. A
Tel. +7 812 385 47 87
Faks +7 812 385 47 88


Ishlab chiqaruvchi
/e'tirozlarni qabul qiluvchi tashkilot
«Groteks» MChJ
Rossiya, 195279, Sankt-Peterburg
Industrialniy pr., 71 uy, 2 k., lit. A
Tel. +7 812 385 47 87
Faks +7 812 385 47 88
www.solopharm.com