Preparatning savdo nomi
Riboksin
Ta'sir etuvchi modda (XPN) inozin

Dori shakli
plyonka qobiq bilan qoplangan tabletkalar.

Tarkibi

1 plyonka qobiq bilan qoplangan tabletka quyidagilarni saqlaydi
faol modda inozin (riboksin) 100% moddaga qayta hisoblaganda – 0,2 g;
yordamchi moddalar kartoshka kraxmali - 0,024268 g, suvda eruvchi metiltsellyuloz - 0,002280 g, saxaroza (qand) -0,035896 g, kaltsiy stearati- 0,002700 g, povidon (past molekulyar tibbiy polivinilpirrolidon 12600±2700) - 0,004856 g.
Qobiq suvda eruvchi metiltsellyuloza – 0,002325 g, polisorbat (tvin-80) – 0,00343 g, titan dioksidi – 0,00082 g, asalari mumi – 0,00036 g, «xinolin sarig‘i» (E-104) bo‘yovchisi - 0,000065 g.
Ta'rifi dumaloq, ikki tomoni qavariq, och-sariqdan ko‘kimtir-sariq rangligacha bo‘lgan, plyonka qobiq bilan qoplangan tabletkalar. Ko‘ndalang kesimda ikki qavat ko‘rinadi, ichki qavati oq rangli.

Farmakoterapevtik guruhi
metabolik vosita.
ATX kodi C01EB


Farmakologik xususiyatlari


Farmakodinamika
si
Metabolik vosita, adenozintrifosfatning o‘tmishdoshi; antigipoksik, metabolik va aritmiya qarshi ta'sir ko‘rsatadi. Miokardning energetik muvozanatini oshiradi, koronar qon aylanishini yaxshilaydi, buyrakning intraoperatsion ishemiyasining asoratlarini oldini oladi. Glyukoza almashinuvida bevosita ishtirok etadi va gipoksiya sharoitlarida va adenozintrifosfat bo‘lmaganida almashinuvni faollashishiga yordam beradi. To‘qima nafasining normal jarayonlarini ta'minlash uchun pirouzum kislotasining metabolizmini faollashtiradi, shuningdek ksantindegidrogenazaning faollanishiga yordam beradi. Nukleotidlarning sintezini rag‘batlantiradi, Krebs sikliningg ayrim fermentlarining faolligini kuchaytiradi. Hujayralarga kirib, energetik darajani oshiradi, miokardda almashinuv jarayonlariga ijobiy ta'sir ko‘rsatadi va yurak qisqarishlarining kuchini oshiradi va diastolada miokardni to‘liqroq bo‘shashiga yordam beradi, buning natijasida qonning zarb hajmi oshadi. Trombotsitlarning agregatsiyasini pasaytiradi.

Farmakokinetikasi

Me'da-ichak yo‘llaridan yaxshi so‘riladi. Jigarda glyukuron kislotasini hosil bo‘lishi va uni keyingi oksidlanishi bilan metabolizmga uchraydi. Ahamiyatsiz miqdorlarda buyrak orqali chiqariladi.


Qo‘llanilishi

Kattalarga yurak ishemik kasalligini majmuaviy davolashda, o‘tkazilgan miokard infarktidan keyin, yurak glikozidlarini qo‘llash bilan bog‘liq bo‘lgan yurak ritmining buzilishlarida buyuriladi.
Alkogol yoki dori vositalari chaqirgan gepatitlarda, sirrozda, jigarning yog‘li distrofiyasida, urokoproporfiriyada buyuriladi.


Qo‘llash usuli va dozalari

Ichga, ovqatdan oldin buyuriladi.
Ichga qabul qilinganida preparatning maksimal sutkalik dozasi 0,6-2,4 g ni tashkil qiladi. Davolashning birinchi kunlarida sutkalik doza 0,6-0,8 g ga (200 mg dan kuniga 3-4 marta) teng. Yaxshi o‘zlashtirilgan holatlarda doza 1,2 g ga (0,4 g dan kuniga 3 marta), zarurati bo‘lganida – kuniga 2,4 g gacha (2-3 kunga) oshiriladi.
Kurs davomiyligi – 4 haftadan 1,5-3 oygacha.
Urokoproporfiriyada maksimal sutkalik doza 0,8 g ni (200 mg dan kuniga 4 marta) tashkil qiladi. Davolash kursi 1-3 oy.

Nojo‘ya ta'sirlari
Eshakemi, terining qichishishi, terining giperemiyasi ko‘rinishidagi allergik reaktsiyalar bo‘lishi mumkin (preparatni bekor qilish talab etiladi). Preparat bilan davolashda kam hollarda qonda siydik kislotasining kontsentratsiyasi oshadi va podagraning kechishi zo‘rayadi (uzoq muddat qo‘llanganida).

Qo‘llash mumkin bo‘lmagan xolatlar
Preparatga yuqori sezuvchanlik, podagra, giperurikemiya.
Fruktozani o‘zlashtiraolmaslik va glyukoza/galaktozaning so‘rilishini buzilishi sindromi yoki saxaroza/izomaltozaning tanqisligida qo‘llash mumkin emas.
Extiyotkorlik bilan
Buyrak yetishmovchiligi, qandli diabet.

Dorilarning o‘zaro ta'siri
Immunodepressantlar (antitimotsitar immunoglobulin, siklosporin, gamma-D-glutamil-D-triptofan va boshqalar) bir vaqtda qo‘llanganida Riboksinning samaradorligini pasaytiradi.


Maxsus ko‘rsatmalar

Riboksin bilan davolanish davrida qon va siydikda siydik kislotasining kontsentratsiyasini nazorat qilish kerak.
Qandli diabeti bo‘lgan bemorlar uchun ma'lumot 1 tabletka preparat 0,003 non birligiga muvofiq keladi.
Homiladorlik va emizish davrida qo‘llanishi
Preparatni homiladorlik davrida qo‘llash mumkin emas. Preparat bilan davolanish vaqtida emizishni to‘xtatish kerak.
Transport vositalarini haydash va diqqatni yuqori jamlashni talab qiluvchi mexanizmlarni boshqarish qobiliyatiga ta'siri
Preparat transport vositalarini haydash va diqqatni yuqori jamlashni talab qiluvchi mexanizmlarni boshqarish qobiliyatiga ta'sir qilmaydi.
Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati o‘tgach qo‘llanilmasin.


Dozani oshirib yuborilishi

Dozani oshirib yuborilish hollari noma'lum.


Chiqarilish shakli

200 mg plyonka qobiq bilan qoplangan tabletkalar.
10 tabletkadan polivinilxlorid plyonka va bosma laklangan alyumin folgali kontur uyali o‘ramda. 5 kontur o‘ramlar qo‘llash bo‘yicha yo‘riqnomasi bilan birga karton qutiga joylanadi.


Saqlash sharoiti

Quruq, yorug‘likdan himoyalangan joyda, 15 dan 25ºS gacha haroratda.


Yaroqlilik muddati

3 yil.


Dorixonalardan berish tartibi

Retsept bo‘yicha.

Dori preparatini ishlab chiqaruvchining va ishlab chiqarish joyining nomi, manzili/ e'tirozlarni qabul qiluvchi tashkilot
“DALXIMFARM” OAJ, 680001, Rossiya Federatsiyasi, Xabarovsk o‘lkasi, Xabarovsk sh., Tashkentskaya ko‘ch., 22, Tel/faks (4212) 53-91-86.

O‘zbekiston Respublikasi hududida dori vositasini sifati bo‘yicha e'tirozlar (takliflar) ni qabul qiluvchi tashkilot nomi va manzili
«Sonata Holding» MChJ,O‘zbekiston Respublikasi, 100149, Toshkent sh., Sergeli tumani, Choshtepa ko‘chasi, 38 – 40 uy., tel +99871215-86-23.