Preparatning savdo nomi
Furosemid

Ta'sir qiluvchi modda (XPN)
Furosemid (Furosemide)

Dori shakli
In'ektsiya uchun eritma

Tarkibi

Faol modda furosemid – 10,0 mg;
Yordamchi moddalar o‘yuvchi natriy 1molь/l eritmasi – 0,032 ml;
natriy xloridi – 0,0075 ml; in'ektsiya uchun suv – 1 ml gacha.
Ta'rifi
Tiniq rangsiz yoki sal bo‘yalgan suyuqlik.
ATX kodi S03SA01

Farmakoterapevtik guruhi
Diuretik (saluretik) vositalar


Farmakologik xususiyatlari

Samarali peshob haydovchi(saluretik, natriyuretik va xloruretik) ta'sirga ega. Peshobhaydovchi ta'siri, natriy va xlor ionlarini reabsorbtsiyasini susaytirilishi bilan bog‘liq bo‘lib, bu samara nafaqat buyrakning proksimal, balki burama naychalarning distal bo‘limlarida, hamda Genle halqasining ko‘tariluvchi bo‘lim sohasida ham kuzatiladi. Juda kam darajada kaliy ionining reabsorbtsiyasi ham so‘nadi. Karboangidrazaning so‘nishini deyarli chaqirmaydi. Atsidoz va alkaloz sharoitlarida preparat bir xil ta'sirga ega. Preparat qabul qilishning birinchi 2 kun ichida, peshob haydovchita'siri yaqqol namoyon bo‘lib, bu ta'sir uzoq vaqt davolanganda ham saqlanib qoladi.
Vena ichiga yuborilgandan 5 minutdan keyin ta'siri boshlanadi va 2 soat davom etadi.

Farmakokinetikasi

Preparatni biokiraolishligi 60-70% tashkil qiladi. Yo‘ldosh to‘sig‘i orqali o‘tadi va ona sutiga kiradi. Plazma oqsillari bilan bog‘lanishi (asosan alьbuminlar bilan) 95-99%. Jigarda parchalanadi. Buyrak orqali 88%, safro orqali 12% chiqariladi. Yarim chiqish davri 0,5-1,5 soat.

Qo‘llanilishi

Har xil sababli shish sindromlarini (surunkali yurak yetishmovchiligining IIB-III bosqichlarida, jigar sirrozida, portal gipertenziyada, nefrotik sindromda, o‘pkaningzaharlanganidan keyingi shishida, miya shishida, surunkali buyrak yetishmovchiligida, qon bosim oshishining tangliklarida, eklampsiyada) davolashda qo‘llanadi. Barbituratlar bilan zaharlanganda peshob chiqishini kuchaytirish uchun tavsiyaetiladi.

Qo‘llash usuli va dozalari

Preparatni vena ichiga yoki mushak orasiga yuborish tavsiya etiladi. Dozani kasallik og‘irligiga va klinik samara darajasiga qarab shaxsan tanlanadi. Preparatni ichga qabul qilaolmaydigan bemorlarga yoki urgent holatlarda parenteral buyuriladi. Preparatni vena ichiga 1-2 minutdan tez bo‘lmagan vaqt ichida yuborish lozim.
Kattalarga, og‘ir bo‘lmagan shish sindromida, vena ichiga bir martalik o‘rtacha dozasi 20-40 mg ni tashkil qilib, mustasno holatlarida mushak orasiga ham yuborish mumkin.
Yaqqol shish sindromida esa mushak orasiga qayta kamida 2 soatdan so‘ng 20-40 mg dozada (ayrim hollarda dozani 20 mg gacha oshirish mumkin) yuboriladi.
Preparatni diuretik samaraga erishgunga qadar qo‘llaniladi. Preparatni shaxsan tanlangan dozada sutkada 1-2 marta (masalan soat 8 va 14 da) qo‘llash mumkin. Eng yuqori samaraga preparatni 2-4 kun qabul qilgandan keyin erishiladi.
Bolalarga, parenteral boshlang‘ich 1 mg/kg dozada buyuriladi. Yaxshi samara bermaganda dozani yana 1 mg/kg ga oshirish mumkin, preparatni qayta kamida 2 soatdan so‘ng yuboriladi. Parenteral yuborilgandagi maksimal sutkalik dozasi 20 mg (1 ampula).
O‘pka shishida preparatni vena ichiga 40 mg dozada yuboriladi. Zarur bo‘lganda 20 minutdan keyin preparatni 20-40 mg dozada qayta yuboriladi.

Nojo‘ya ta'sirlari
Preparatni uzoq vaqt qabul qilinganda, hamda yuqori dozalarda buyurilganda, gipovolemiya, gipokaliyemiya, giponatriyemiya, gipoxloremiya, alkaloz rivojlanib, bularning natijasida arterial qon bosimining pasayishi, bosh aylanishi, og‘iz qurishi, chanqash, aritmiya, mushaklarni bo‘shashishi, tirishishlar kuzatilishi mumkin. Shuningdek, ko‘ngil aynishi, qayt qilish, diareya, dermatit, giperurikemiya (podagrani zo‘rayishi bilan), giperglikemiya, interstitsianal nefrit rivojlanishi mumkin. Buyrakning peshob ajratish faoliyati yaqqol buzilgan bemorlarga preparatni katta dozalarda qo‘llanganda, ayrim hollarda karlik, ko‘rish qobiliyatini buzilishi, paresteziyalar kuzatilishi mumkin.

Qo‘llash mumkin bo‘lmagan holatlar

O‘tkir glomerulonefritda, anuriya bilan kechuvchi o‘tkir buyrak yetishmovchiligida, gipokaliyemiyada, alkalozda, komadan oldingi holatda, jigar komasida, qand kasalligi komasida, homiladorlikda, peshob yo‘llariningmexanik tutilishlarida va preparatga yuqori sezuvchanlikda qo‘llanilmaydi.
Dorilar bilan o‘zaro ta'siri
Preparatni boshqa antigipertenziv dori vositalari bilan birga qo‘llash mumkin. Sefalosporinlar, gentamitsin va nefrotoksik ta'sir ko‘rsatuvchi preparatlar bilan birga qo‘llash maqsadga muvofiq emas. Davolash davrida kaliy moddasiga boy parhez buyuriladi.

Maxsus ko‘rsatmalar

Homiladorlikda (ayniqsa, birinchi uch oyligida) preparat faqat hayotiy zarurat bo‘lgandagina tavsiya etiladi. Gipokaliyemiyaningoldini olish uchun preparatni kaliy asrovchi diuretiklar bilan birga qo‘llaniladi. Glyukokortikoidlar bilan birga qabul qilinganida, gipokaliyemiya rivojlanishining xavfi oshadi, aminoglikozid yoki sefalosporinlar bilan birga qo‘llanilganda antibiotiklarning qondagi miqdori oshib ketadi, bu esa nefro- va ototoksiklik kabi nojo‘ya ta'sirlarning rivojlanishiga sababchi bo‘lishi mumkin, nosteroid yallig‘lanishga qarshi vositalar bilan birga qo‘llanilsa, peshob haydovchi ta'siri kamayadi. Preparat kuraresimon vositalarning ta'sirini kuchaytiradi. Gipotenziv vositalar bilan birgaichilsa, preparatning dozasini ikki martagacha kamaytirish kerak.
Bolalar olaolmaydigan joyda saqlansin va o‘ramda ko‘rsatilgan yaroqlilik muddati o‘tgach qo‘llanilmasin

Chiqarilish shakli

1% in'ektsiya uchun eritma, 2 ml li ampulalarda. Qutida 10 dona ampula.

Saqlash sharoiti

Yorug‘likdan himoyalangan joyda, 250S dan yuqori bo‘lmagan haroratda saqlansin..

Dorixonalardan berish tartibi

Retsept bo‘yicha.

Yaroqlilik muddati

2 yil.


Ishlab chiqaruvchi

OAO “Dal'ximfarm“