Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Furosemid 1% 2ml №10 (Borisovskiy zavod)
Nomi | Narx | |||||
Фуросемид 1% 2 мл №10 ( Борисовский) (1911023##2 081) |
UZS 10 400
Stokda yetarli (2)
|
-
+
|
Sotib oling
|
|||
Фуросемид 1% 2 мл №10 ( Борисовский) (1911023##2 069) |
UZS 10 400
Stokda yetarli (1)
|
-
+
|
Sotib oling
|
|||
Фуросемид 1% 2 мл №10 ( Борисовский) (1891023##2 133) |
UZS 9 700
Stokda yetarli (2)
|
-
+
|
Sotib oling
|
Yetkazib berish
Yetkazib berish punktidan olib ketish
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
Toshkent
2 soat bepul
O'zbekiston
2 kun bepul
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
Toshkent
20 000 UZS
O'zbekiston
yo'q
Ekspress yetkazib berish
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
Toshkent
40 daqiqagacha
O'zbekiston
1 kun
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 2 kun bepul |
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
|
Ekspress yetkazib berish | 40 daqiqagacha | 1 kun |
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
|
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Qo‘llash usuli va dozalari
- Dozalash tartibi
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Dorixonalardan berish tartibi
Preparatning savdo nomi
Furosemid
Ta'sir etuvchi modda (XPN) furosemid
Dori shakli
In'ektsiya uchun eritma 10 mg/ml
Tarkibi
2 ml (ampula) quyidagilarni saqlaydi
faol modda furosemid – 20 mg;
yordamchi moddalar natriy gidroksidi, natriy xloridi, in'ektsiya uchun suv.
Ta'rifi tiniq rangsiz yoki biroz sarg‘ish rangli suyuqlik.
Farmakoterapevtik guruhi
yuqori chegaradagi dozada qo‘llanadigan diuretiklar (halqali diuretiklar). Sulfonamidlar.
ATX kodi C03SA01.
Qo‘llanilishi
• Surunkali dimlangan yurak yetishmovchiligida kuzatiladigan (agar diuretiklar bilan davolash zarur bo‘lsa) shishlar;
• o‘tkir dimlangan yurak yetishmovchiligida kuzatiladigan shishlar; surunkali buyrak yetishmovchiligida kuzatiladigan shishlar;
• o‘tkir buyrak yetishmovchiligi , shu jumladan homiladorlarda yoki tug‘ish vaqtida kuzatiladigan o‘tkir buyrak yetishmovchiligi;
• jigar kasalliklarida kuzatiladigan shishlar (zarur bo‘lganida aldosteron antagonistlar bilan davolashga qo‘shimcha);
• gipertonik kriz (tutib turuvchi vosita sifatida);
• jadallashtirilgan diurezni bir maromda tutib turishda qo‘llanadi.
Qo‘llash usuli va dozalari
Dozalash tartibi
ni shifokor suv-elektrolitlar muvozanatini buzilishini yaqqollik darajasi, kalavalar filtratsiyasini ko‘rsatkichi, patsiyent holatini og‘irlik darajasiga qarab indavidual ravishda aniqlaydi. Preparatni qo‘llash jarayonida diurezni va patsiyentning umumiy holatini dinamikasini hisobga olib, suv-elektrolitlar muvozanatini ko‘rsatkichlarini tuzatish lozim.
Furosemid dori vositasi, uni ichga qabul qilish maqsadga muvofiq bo‘lmagan yoki samarasiz bo‘lgan hollardagina (masalan, ichakda so‘rilishi buzilganida) yoki samarani tezlashtirish zarur bo‘lgan hollardagina vena ichiga buyuriladi. Vena ichiga yuborilgan hollarda iloji boricha tezroq peroral qo‘llash uchun mo‘ljallangan dori vositasi bilan davolashga o‘tish tavsiya qilinadi.
Optimal samaraga erishish va to‘qnash boshqarishni bostirish uchun umuman Furosemid dori vositasini qayta bolyus in'ektsiyalariga nisbatan uzluksiz infuziya qilish afzal hisoblanadi.
Bir yoki bir nechta dozalarni yuborilgandan keyin Furosemid dori vositasini uzluksiz infuziyasi keyingi davolash uchun maqsadga muvofiq hisoblanmaydi, katta vaqt oralig‘ida yuboriladigan yuqori bolyusli dozalar bilan solishtirilganda qisqa vaqt oralig‘ida (taxminan 4 soat) yuboriladigan kichik dozalar buyurilgan davolash sxemasi afzal deb sanaladi.
Kattalar uchun Furosemidni tavsiya qilinadigan maksimal sutkalik dozasi 1500 mg ni tashkil etadi. Bolalar uchun Furosemid parenteral yuborish uchun dori vositasini tavsiya qilinadigan dozasi 1 kg tana vazniga 1 mg ni tashkil qiladi, ammo maksimal sutkalik doza 20 mg dan oshmasligi kerak.
Dozalash bo‘yicha maxsus tavsiyalar
Kattalar uchun dozalash umuman quyidagi tavsiyalarni qo‘llashga asoslangan.
Surunkali dimlangan yurak yetishmovchiligidagi shishlar
Peroral qabul qilish uchun dori vositasini tavsiya qilinadigan boshlang‘ich dozasi sutkada 20 mg dan 50 mg gacha bo‘lgan dozani tashkil qiladi. Zarur bo‘lganida dozani patsiyentning terapevtik javobi reaktsiyasiga qarab boshqarish mumkin. Sutkalik dozani
2 yoki 3 qabulga bo‘lingan holda qo‘llash tavsiya qilinadi.
O‘tkir dimlangan yurak yetishmovchiligidagi shishlar
Dori vositasini tavsiya qilinadigan boshlang‘ich dozasi 20 dan 40 mg gacha bo‘lgan dozani tashkil qiladi va bolyusli in'ektsiya ko‘rinishida buyuriladi. Zarur bo‘lganida dozani patsiyentning terapevtik javob reaktsiyasiga qarab boshqarish mumkin.
Surunkali buyrak yetishmovchiligidagi shishlar
Furosemidni natriyuretik ta'siri qator omillarga, jumladan buyrak yetishmovchiligini og‘irlik darajasi va natriyni muvozanatiga bog‘liq. Shunday qilib, dozaning samaradorligini oldindan aniq aytishni iloji yo‘q. Surunkali buyrak yetishmovchiligi bo‘lgan patsiyentlar suyuqlikni dastlabki asta-sekin yo‘qotilishini ta'minlash uchun dozani ehtiyotkorlik bilan titrlash kerak. Katta yoshdagi patsiyentlar uchun, bu tana vaznini sutkada taxminan 2 kg (taxminan 280 mmol Na+) kamayishiga olib keladigan dozani qo‘llash kerakligini anglatadi.
Vena ichiga yuborilganda furosemidning dozasini quyidagi tarzda aniqlash mumkin davolash 0,1 mg dozani 1 minut davomida uzluksiz infuziya qilish bilan boshlanadi, so‘ngra infuziya tezligi patsiyentning javob reaktsiyasiga qarab har yarim soatda oshiriladi.
O‘tkir buyrak yetishmovchiligida furosemidni qo‘llashni boshlashdan avval, gipovolemiya, gipotenziya va elektrolitlar, hamda kislota-ishqor muvozanatini sezilarli buzilishini kompensatsiya qilish lozim.
Vena ichiga yuborish usulidan peroral qabul qilishga iloji boricha tezroq o‘tish tavsiya qilinadi.
Tavsiya qilinadigan boshlang‘ich doza 40 mg ni tashkil qiladi va vena ichiga in'ektsiya ko‘rinishida buyuriladi. Agar bu dozani buyurish suyuqlikni chiqarilishini kutilgan darajada oshirilmasa, furosemidni 50 dan 100 mg gacha bo‘lgan dozada 1 soat oldin boshlab, uzluksiz infuziya ko‘rinishida buyurish mumkin.
Jigar kasalliklaridagi shishlar
Furosemid dori vositasini, faqat aldosteron antogonistlarini qo‘llash yetarli bo‘lmagan hollardagina aldosteronni antagonistlari bilan davolanishga qo‘shimcha sifatida buyuriladi. Ortostatik gipotenziya yoki elektrolitlar va kislota-ishqor muvozanatini buzilishlari kabi asoratlarni bartaraf qilish uchun suyuqlikni dastlabki asta sekin yo‘qotilishini ta'minlashmaqsadida dozani ehtiyotkorlik bilan titrlash lozim. Katta yoshdagi patsiyentlar uchun bu tana vaznini sutkada taxminan 0,5 kg ga kamayishiga olib keladigan dozani yuborish kerakligini anglatadi. Agar yuborish mutloq zarur bo‘lsa, boshlang‘ich bir martalik doza 20-40 mg ni tashkil qiladi.
Gipertonik kriz
20 mg dan 40 mg gacha bo‘lgan tavsiya qilingan boshlang‘ich doza vena ichiga bolyusli in'ektsiya ko‘rinishida buyuriladi. Zarurat bo‘lganida dozani patsiyentning terapevtik javob reaktsiyasiga qarab boshqarish mumkin.
Zaharlangan hollarda jadallashtirilgan diurezni tutib turish
Furosemid dori vositasini elektrolitlar eritmalari bilan qilinadigan infuziyaga qo‘shimcha ravishda vena ichiga buyuriladi. Doza furosemidga nisbatan terapevtik javob reaktsiyasiga bog‘liq. Suyuqliq va elektrolitlarni yo‘qotilishini davolash vaqtida boshqarish va in'ektsiya qilish lozim. Kislotali yoki ishqoriy moddalar bilan zaharlanganida siydikni muvofiq ravishda alkalizatsiya yoki oksidlash yo‘li bilan suyuqlikni chiqarilishini tezlashtirish mumkin.
Tavsiya qilinadigan boshlang‘ich doza 20 mg dan 40 mg gacha bo‘lgan dozani tashkil qiladi va vena ichiga buyuriladi.
Qo‘llash bo‘yicha maxsus tavsiyalar
Vena ichiga in'ektsiya/infuziya furosemid sekin 1 minutda ko‘pi bilan 4,0 mg bo‘lgan tezlikda infuziya yoki in'ektsiya ko‘rinishida buyuriladi. Jigar funktsiyasini yaqqol buzilishlari bo‘lgan patsiyentlarga (qon zardobida kreatinin 5 mg/dl dan ko‘p) infuziyani 1 minutda 2,5 mg tezlik bilan yuborish tavsiya qilinadi.
In'ektsiya preparatni in'ektsiya ko‘rinishida buyurishni faqat istisno hollarida, ichga qabul qilish va vena ichiga yuborish maqsadga muvofiq bo‘lmagan hollardagina cheklash lozim. Dori vositasini in'ektsiya ko‘rinishda yuborish usuli, o‘pka shishi kabi o‘tkir holatlarni davolash uchun ko‘rsatilmaganligini e'tiborga olish lozim.
Preparat infuziyasini boshqa dori vositalari bilan birga amalga oshirilmasin!
Furosemid dori vositasi rN darajasi taxminan 9 bo‘lgan eritma hisoblanib, u bufer hajmiga ega emas. Shunday qilib, faol komponent rN darajasi 7 dan past bo‘lgan qiymatlarda cho‘kmaga tushishi mumkin. Eritma suyultirilganida suyultirilgan eritmaning rN darajasini kuchsiz ishqoriydan neytralgacha bo‘lgan chegarada ta'minlanishiga e'tibor berish lozim.
Natriy xloridning 0,9% li eritmasini erituvchi sifatida qo‘llash mumkin. Suyultirilgan eritmalarni iloji boricha tezroq qo‘llash tavsiya qilinadi.
Bolalar.
Bolalar uchun dozani tana vazniga muvofiq ravishda kamaytirish kerak (“
Qo‘llash usuli va dozalari
” bo‘limiga qarang).
Nojo‘ya ta'sirlari
Metabolik va alimentar buzililishlar furosemid organizmdan suyuqlik bilan birga natriy va xlorni chiqarilishini oshishiga olib keladi. Bundan tashqari, boshqa elektrolitlarni (xususan, kaliy, kaltsiy va magniy) chiqarilishi ham kuchayadi. Elektrolitlar muvozanatini simptomatik buzilishlari va metabolik alkaloz elektrolit tanqiligini asta sekin kuchayib boruvchi shakliga o‘tishi mumkin.
Jigar funktsiyasi normada bo‘lgan patsiyentlarga furosemidning yuqori dozalari buyurilganida elektrolitlarni katta miqdorda yo‘qotilishi natijasida patsiyentning umumiy holatini o‘tkir yomonlashuvi bo‘lishi mumkin.
Elektrolitlar muvozanatini ogohlantiruvchi simptomlariga chanqash hissini kuchayishi, bosh og‘rig‘i, ongni chalkashishi, tirishishlar, tetaniya, mushaklarni zaifligi, yurak ritmini buzilishi va ovqat hazm qilish yo‘llari tomonidan kuzatilgan simptomlar kiradi.
Furosemidni diuretik samarasi, ayniqsa keksa yoshdagi patsiyentlarda gipovolemiyaga va organizmni suvsizlanishiga, olib kelishi yoki sabab bo‘lishi mumkin. Organizmda suyuqlikning miqdorini sezilarli darajada kamayishi trombozlarni rivojlanishiga nisbatan tendentsiya bilan kechuvchi qon ivishi jarayonini kuchayishiga olib kelishi mumkin.
Furosemid bilan davolash qon kreatininining darajasini va mochevinaning darajasini o‘sishiga, shuningdek qon zardobida xolesterin va triglitseridlarning darajasini oshishiga olib kelishi mumkin. Qon zardobida siydik kislotasining darajasi oshishi va podagra xurujlari paydo bo‘lishi mumkin.
Qandli diabeti bo‘lgan patsiyentlarda bu metabolik nazoratni yomonlashuviga olib kelishi mumkin; qandli diabetni yashirin shaklidan kasallikni yaqqol kechuvchi shakliga o‘tishi mumkin.
Furosemidni qo‘llash natijasida glyukozani o‘zlashtirilishi kamayishi mumkin.
Ovqat-hazm qilish yo‘llari tomonidan kam hollarda ovqat-hazm qilish yo‘llari tomonidan ko‘ngil aynishi, qusish, diareya, va o‘tkir pankreatit kabi reaktsiyalar paydo bo‘lishi mumkin.
Ovqat-hazm qilish tizimi tomonidan ayrim hollarda jigar ichi xolestazi rivojlanishi mumkin, jigar transaminazalarining darajasi oshishi mumkin.
Eshitish va muvozanat a'zolari tomonidan kam hollarda garchi odatda ular o‘tkinchi buzilishlar bo‘lsada, ayniqsa buyrak yetishmovchiligi, gipoproteinemiyasi (masalan, nefrotik sindromida) bo‘lgan patsiyentlarda va/yoki Furosemid dori vositasi haddan ziyod tez yuborilganida eshitishni buzilishi va quloqlarda shovqin kuzatilishi mumkin.
Teri va teri osti kletchatkasi tomonidan ayrim hollarda teri va shilliq qavatlar tomonidan reaktsiyalar paydo bo‘lishi mumkin, masalan, qichishish, eshakemi, terida boshqa turdagi toshmalar yoki bullez toshmalar, ko‘p shaklli eritema, bullez pemfigoid, Stivens-Djonson sindromi, toksik epidermal nekroliz, eksfoliativ dermatit, purpura, ayrim hollarda – yorug‘likka yuqori sezuvchanlik (fotosezuvchanlik) rivojlanishi mumkin.
Immun tizimi tomonidan og‘ir darajadagi anafilaktik yoki anafilaktoid reaktsiyalar (masalan, shok bilan kechadigan) kam namoyon bo‘ladi.
Yurak-qon tomir tizimi tomonidan arterial gipotenziya, shu jumladan ortostatik gipotenziya. Ayrim hollarda trombozlarni paydo bo‘lishiga nisbatan tendentsiya kuzatilgan. Vaskulit. Furosemid arterial gipotenziyani chaqirishi mumkin, bu o‘z navbatida diqqatni jamlash va reaktsiyani buzilishi va alahsirash, boshni ezilishi hissi, bosh og‘rig‘i, bosh aylanishi, uyquchanlik, holsizlik, ko‘rishni buzilishi, og‘izni qurishi, ortostatik gipotenziya kabi simptomlar paydo bo‘lishi mumkin.
Buyraklar va siydik chiqarish yo‘llari tomonidan ayrim hollarda siydik chiqarish yo‘llarini qisman obstruktsiyasi bo‘lgan patsiyentlarda siydik chiqarilishini o‘tkir tutilishi yuz berishi mumkin. Interstitsial nefrit. Chala tug‘ilgan chaqaloqlarda furosemid nefrokaltsinoz/nefrolitiazni chaqirishi mumkin. Siydikni ko‘p hosil bo‘lishi, siydik yo‘llarini obstruktsiyasi bo‘lgan patsiyentlardan kelib tushgan shikoyatlarni chaqirishi yoki ularning sonini oshirishi mumkin. Shunday qilib, ikkilamchi asoratlar bilan kechuvchi siydikni o‘tkir tutilishi paydo bo‘lishi mumkin, masalan, qovuq bo‘shalishini buzilishi, prostata giperplaziyasi yoki uretrani torayishi bo‘lgan patsiyentlarda kuzatilishi mumkin.
Nerv tizimi tomonidan gepatotsellyular yetishmovchilik yoki o‘tkir pankreatiti bo‘lgan patsiyentlarda ba'zida paresteziyalar, jigar entsefalopatiyasi paydo bo‘lishi mumkin.
Qon va limfa tizimi tomonidan ba'zida trombotsitopeniya, eozinofiliya, leykopeniya paydo bo‘lishi mumkin. Ayrim hollarda agranulotsitoz, aplastik yoki gemolitik anemiya rivojlanishi mumkin.
Tug‘ma va nasliy /genetik buzilishlar agar furosemidni chala tug‘ilgan chaqaloqlarni davolash uchun hayotining birinchi haftasi davomida qo‘llanilsa, bu doimo ochiq arterial qon oqimini paydo bo‘lish xavfini oshiradi.
Umumiy buzilishlar isitma. In'ektsiya qilingan joyda og‘riq paydo bo‘lishi mumkin.
Qo‘llash mumkin bo‘lmagan holatlar
Furosemid dori vositasiga yoki preparatning tarkibiga kiruvchi boshqa komponentlarga o‘ta yuqori sezuvchanlik.
Sulfanilamidlarga allergiyasi bo‘lgan patsiyentlarda (masalan, sulfonamid antibiotiklariga yoki sulfonilmochevinaga) furosemidga kesishgan sezuvchanlik namoyon bo‘lishi mumkin.
Gipovolemiya yoki organizmni suvsizlanishi.
Agar furosemidga nisbatan terapevtik javob kuzatilmasa, anuriya ko‘rinishidagi buyrak yetishmovchiligi.
Nefrotoksik va gepatotoksik preparatlar bilan zaharlanish oqibatidagi buyrak yetishmovchiligi.
Og‘ir gipokaliyemiya.
Og‘ir giponatriyemiya.
Jigar entsefalopatiyasi bilan assotsiatsiyalanadigan koma oldi yoki koma holatida qo‘llash mumkin emas.
Dorilarning o‘zaro ta'siri
Tavsiya qilinmaydigan majmualar
Ayrim hollarda furosemidni xloralgidratdan keyin 24 soat davomida qabul qilish qon quyilishlariga, ko‘p terlashga, qo‘zg‘aluvchanlik holatiga, ko‘ngil aynishiga, arterial qon bosimini oshishiga va taxikardiyaga olib kelishi mumkin. Shunday qilib, furosemid va xloralgidratni bir vaqtda qo‘llash tavsiya qilinmaydi.
Furosemid aminglikozidlarni va boshqa ototoksik dori vositalarining ototoksikligini kuchaytirishi mumkin. Chunki bu, qaytmas xarakterga ega bo‘lgan, shikastlanishga olib kelishi mumkin, bu dori vositalarini furosemid bilan bir vaqtda qo‘llash mumkin emas.
Choralarni ko‘rishni talab qiladigan majmualar
Sisplatin dori vositasi va Furosemid dori vositasi bir vaqtda qo‘llanganida ototoksik samaralarni rivojlanish xavfi mavjud. Bundan tashqari, agar Furosemid dori vositasi kichik dozalarda (masalan, buyrak funktsiyasi normal patsiyentlarga 40 mg) va sisplatin bilan davolash vaqtida preparatni jadallashtirilgan diuretik samaraga erishish uchun qo‘llangandagi, ijobiy suyuqlik muvozanatida buyurilmasa sisplatinni nefrotoksikligi kuchayishi mumkin.
Furosemid litiy tuzlarini chiqarilishini kamaytiradi va qon zardobida litiyning darajasini oshishiga olib kelishi mumkin, litiyning toksiklik darajasini oshishi xavfi, jumladan litiyning kardiotoksik va neyrotoksik samaralarini yuqori rivojlanish xavfi buning natijasi bo‘lib hisoblanadi. Shunday qilib, bunday majmuaviy davo olayotgan patsiyentlarda litiyning darajasini sinchkov monitoringini o‘tkazish tavsiya qilinadi.
Diuretiklarni qabul qilayotgan patsiyentlar, og‘ir arterial gipotenziya va buyrak funktsiyasini yomonlashuvi bilan, shu jumladan buyrak yetishmovchiligi holati bilan, ayniqsa angiotenzinga aylantiruvchi ferment (AAF) ingibitori yoki angiotenzin II retseptorining antagonisti, birinchi marta qo‘llanganida yoki bu dori vositalari yuqori dozalarda birinchi marta qo‘llanganida, xastalanishlari mumkin. Davolashni boshlashdan 3 kun oldin furosemid dori vositasini qo‘llashni vaqtinchalik to‘xtatish, yoki xech bo‘lmaganda furosemid dozasini kamaytirish lozimligini yoki AAF ingibitori yoki angiotenzin II retseptorining antagonisti dozasini oshirish kerakligini hal qilish zarur.
Furosemidni Risperidon dori vositasi yoki boshqa kuchli diuretiklar bilan majmuaviy davolash yoki bir vaqtda qo‘llash to‘g‘risidagi qarorni xal qilishdan avval, ehtiyotkorlik namoyon qilish, xavf va foydani sinchiklab baholash lozim.
Qo‘llashda xavfi bo‘lgan majmualar
Nosteroid yallig‘lanishga qarshi preparatlar (NYaQP), jumladan atsetilsalitsil kislotasini bir vaqtda qo‘llash furosemidning ta'sirini kamaytirishi mumkin. Organizmni suvsizlanishi yoki gipovolemiya bo‘lgan patsiyentlarda nosteroid yallig‘lanishga qarshi vositalar o‘tkir yurak yetishmovchiligiga olib kelishi mumkin. Furosemidning ta'sirida salitsilatlarning toksikligi oshishi mumkin.
Fenitoin birga qo‘llangandan keyin furosemidning samaradorligi kamayishi mumkin. Kortikosteroidlar, karbenoksolon, qizilmiya ildizini katta dozalarda qo‘llash va surgi vositalarini uzoq muddat qo‘llash gipoglikemiyani rivojlanish xavfini oshirishi mumkin.
Elektrolitlar muvozanatini ayrim buzilishlari (gipokaliyemiya, gipomagniyemiya kabilar), ma'lum boshqa dori vositalar (masalan, angishvonagul preparatlari va QT intervalini uzayish sindromini chaqiruvchi dori vositalari) ning toksikligini oshirishi mumkin.
Agar arterial bosimni (AB) pasaytirish xususiyatiga ega bo‘lgan antigipertenziv preparatlar, diuretiklar yoki boshqa dori vositalar furosemid bilan bir vaqtda qo‘llansa, AB ni yanada ko‘proq pasayishini kutish kerak.
Probenetsid, metotreksat va furosemid kabi buyraklarda axamiyatli darajada naychalar sekretsiyasiga uchraydigan boshqa dori vositalar, furosemidning samaradorligini kamaytirishi mumkin. Va aksincha, furosemid bu dori vositalarni buyraklar orqali chiqarilishini kamaytirishi mumkin. Davolashni yuqori dozalarda o‘tkazish (xususan, ham furosemid dori vositasini, ham boshqa dori vositalarni) ularni qon zardobidagi darajasini oshishiga va furosemid yoki yondosh davolash bilan chaqirilgan nojo‘ya samaralar xavfini oshishiga olib kelishi mumkin.
Furosemid diabetga qarshi dori vositalarini va AB ni oshirish xususiyatiga ega bo‘lgan simpatomimetiklar (masalan, epinefrin, norepinefrin) ning samaradorligini kamaytirishi mumkin.
Kuraresimon miorelaksantlar yoki teofillinning ta'sirini kuchaytirishi mumkin. Nefrotoksik dori vositalarini buyraklarga zararli ta'sirini kuchaytirishi mumkin. Furosemid va ayrim sefalosporinlarning yuqori dozalari bilan davolangan patsiyentlarda buyrak funktsiyasini buzilishi rivojlanishi mumkin.
Siklosporin A va furosemidni bir vaqtda qo‘llash podagradagi artritni, furosemid bilan chaqirilgan ikkilamchi giperurikemiyani rivojlanishi va siklosporin ta'sirida buyraklar orqali uratlarni chiqarilish jarayonini buzilish xavfini oshishi bilan assotsiatsiyalanadi.
Radiokontrast moddalar bilan davolash oqibatida nefropatiyani rivojlanishini yuqori xavf guruhiga kirgan patsiyentlarni, furosemid bilan davolanganda radiokontrast moddalarni olgandan keyin radiokontrast moddalarni buyurishdan oldin faqat vena ichiga gidratatsiya o‘tkazilgan yuqori xavf guruhiga kiruvchi patsiyentlar bilan solishtirilganda buyrak funktsiyasini yomonlashishi ko‘p kuzatilgan.
Maxsus ko‘rsatmalar
Preparat bilan davolanish vaqtida doimiy siyishni ta'minlash lozim. Siydik yo‘llarini qisman obstruktsiyasi bo‘lgan patsiyentlarda, ayniqsa davolashni dastlabki bosqichlarida diqqat bilan kuzatish talab qilinadi.
Preparat bilan davolash vaqtida patsiyentni doimiy ravishda tibbiy kuzatish talab qilinadi. Quyidagi holatlarda ayniqsa sinchkov monitoring o‘tkazish kerak
-arterial gipotenziyasi bo‘lgan bemorlarni;
-arterial bosimni ahamiyatli darajada tushib ketishi natijasida alohida xavf guruhiga kirgan patsiyentlar, masalan, toj arteriyalarini yoki bosh miyani oziqlantiruvchi qon tomirlarini yaqqol stenozi bo‘lgan patsiyentlar;
-qandli diabetni yashirin yoki yaqqol ifodalangan shakli bo‘lgan patsiyentlar;
-podagra bilan xastalangan bemorlar;
-gepatorenal sindrom, ya'ni og‘ir darajadagi jigar kasalliklari bilan assotsiatsiyalangan funktsional buyrak yetishmovchiligi bo‘lgan patsiyentlar;
-gipoproteinemiyasi bo‘lgan patsiyentlar, u, xususan nefrotik sindromi bilan assotsiatsiyalanadi (furosemidning samarasi ototoksiklikni kuchayishi bilan bir vaqtda susayishi mumkin). Dozani ehtiyotkorlik bilan titrlash zarur;
-chala tug‘ilgan chaqaloqlarda (nefrokaltsinoz/nefrolitiaz rivojlanishi mumkin); buyrak funktsiyasini monitoring qilish va buyraklar ultrosonografiyasini bajarish lozim.
-Furosemid bilan davolanish vaqtida qon zardobida natriy, kaliy va kreatininni monitoring qilish tavsiya qilinadi. Elektrolitlar muvozanatini buzilishini yuqori xavf guruhiga kiruvchi patsiyentlar yoki suyuqlikni sezilarli darajada qo‘shimcha yo‘qotilganida, (masalan, qusish, diareya yoki terlash jadal natijasida) ayniqsa sinchkov monitoring o‘tkazilishi kerak. Gipovolemiya yoki organizmni suvsizlanishi, shuningdek elektrolitlar va kislota-ishqor muvozanatini har qanday sezilarli buzilishlarini tuzatish lozim. Buning uchun furosemid bilan davolashni vaqtinchalik to‘xtatish talab qilinishi mumkin.
-Elektrolitlar muvozanatini buzilishini rivojlanishiga mavjud bo‘lgan kasalliklar (masalan, jigar sirrozi, yurak yetishmovchiligi) dori vositalarini bir vaqtda qo‘llash va ovqatlanish kabi omillar ta'sir qiladi. Masalan, qusish yoki diareya natijasida kaliyni yetishmovchiligi paydo bo‘lishi mumkin.
-Preparat qo‘llanganida patsiyentga kaliyning miqdori yuqori bo‘lgan ovqatni (pishirilgan kartoshka, banan, tomat, ismaloq, quruq mevalar) tavsiya qilish maqsadga muvofiq. Preparat qo‘llanganida kaliy tanqisligini dori vositalari bilan to‘ldirish zarurati paydo bo‘lishi mumkinligini esda tutish lozim.
-Keksa yoshdagi aqli zaif patsiyentlar ishtirokida o‘tkazilgan, Risperidon dori vositasini o‘tkazish bo‘yicha platsebo-nazoratli tadqiqotlarda Furosemid dori vositasini Risperidon dori vositasi bilan bir vaqtda qabul qilgan patsiyentlarda, faqat Risperidon dori vositasini yoki Furosemid dori vositasini o‘zini qabul qilgan patsiyentlar bilan solishtirilganda o‘lim holati yuqori darajada kuzatilgan.
-Boshqa kuchli diuretiklar bilan bir vaqt davolash to‘g‘risida qaror qabul qilishdan avval ehtiyotkorlikka rioya qilish, xavf va foydanisbatini sinchiklab baholash lozim. Suvsizlanishdan saqlanish kerak.
-Alkogol va furosemid dori vositasini bir vaqtda ist'emol qilishdan saqlanish lozim.
Homiladorlik va emizish davrida qo‘llanishi
Homiladorlik
Furosemid yo‘ldosh to‘sig‘i orqali o‘tadi. Uni homiladorlik davrida, hayotiy ko‘rsatmalar bo‘yicha davolash o‘tkazish kerak bo‘lgan holatdan tashqari hollarda buyurish mumkin emas. Homiladorlik davrida preparat bilan davolanganda homilani o‘sishi va rivojlanishini kuzatish zarur.
Emizish davri
Furosemid dori vositasi ko‘krak sutiga o‘tadi va laktatsiyani bostirishi mumkin. Furosemid bilan davolash davrida ayollar emizishni to‘xtatishlari lozim.
Avtotransportni boshqarishda yoki boshqa mexanizmlar bilan ishlashda reaktsiya tezligiga ta'sir qilish xususiyati
Preparat qo‘llanganida ayrim nojo‘ya samaralar (masalan, AB ni kutilmaganda ahamiyatli darajada tushib ketishi), patsiyentni diqqatni jamlash qobiliyati va uning reaktsiya tezligi buzilishi mumkin. Shuning uchun davolanish davrida patsiyentlar avtotransportni boshqarishdan yoki mexanizmlar bilan ishlashdan saqlanishlari lozim.
Dozani oshirib yuborilishi
Simtomlari dozani o‘tkir va surunkali oshirib yuborilishini klinik manzarasi asosan elektrolitlar va suyuqlikni yo‘qotilish darajasi va oqibatiga bog‘liq bo‘lib, o‘z ichiga gipovolemiya, organizmni suvsizlanishi, gemokontsentratsiya, yurak aritmiyalari (jumladan AV-blokada va qorinchalarni hilpillashi) kabi belgilarni oladi. Bu buzilishlarning simptomlariga og‘ir arterial gipotenziya (shokka qadar kuchayib boruvchi), o‘tkir buyrak yetishmovchiligi , tromboz, alaxsirash, periferik falaj, apatiya va ongni chalkashishi kiradi.
Davolash Furosemidni maxsus antidotlari yo‘q. Simptomatik davolash o‘tkaziladi.
Chiqarilish shakli
2 ml dan shisha ampulalarda.
10 ampula, ampulani ochish uchun pichoqcha yoki skarifikator va ilova-varaqa bilan birga karton qutiga joylanadi.
Saqlash sharoiti
Yorug‘likdan himoyalangan joyda, 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.
Yaroqlilik muddati
2 yil. Dori vositasini yaroqlilik muddati tugaganidan keyin ishlatilmasin.
Dorixonalardan berish tartibi
Shifokor retsepti bo‘yicha.
Ishlab chiqaruvchi
«Borisovskiy zavod meditsinskix preparatov» Ochiq aktsionerlik jamiyati, Belarus Respublikasi, Minsk viloyati, Borisov sh., Chapayev ko‘ch. 64/27.
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.