Preparatning savdo nomi
Indap®
Ta'sir etuvchi modda (XPN) indapamid

Dori shakli
tabletkalar

Tarkibi

faol modda 0,625 mg, 1,25 mg, 2,5 mg indapamid;
yordamchi moddalar
granulalangan laktoza monogidrati, laktoza monogidrati, granulalangan mikrokristall sellyuloza, talk, magniy stearati, suvsiz kolloid kremniy dioksidi, temir II oksidi (0,625 mg);
granulalangan laktoza monogidrati, laktoza monogidrati, granulalangan mikrokristall sellyuloza, mikrokristall sellyuloza, talk, magniy stearati, suvsiz kolloid kremniy dioksidi, temir (III) oksidi (1,25 mg);
granullangan laktoza monogidrati, laktoza monogidrati, granulalangan mikrokristall sellyuloza, mikrokristall sellyuloza, talk, magniy stearati, suvsiz kolloid kremniy dioksidi, temir (II) oksidi, temir (III) oksidi (2,5 mg).
Ta'rifi
0,625 mg dozali tabletkalar uchun sariq rangli, dumaloq, yassi shaklli tabletkalar.
1,25 mg dozali tabletkalar uchun pushti rangli, dumaloq, yassi shaklli tabletkalar.
2,5 mg dozali tabletkalar uchun och-zarg‘aldoq rangli, dumaloq, bir tomonida xochsimon riskali tabletkalar.

Farmakoterapevtik guruhi
diuretik vositalar.
ATX kodi C03BA11


Farmakologik xususiyatlari


Farmakodinamika
si
Indapamid notiazid sulfonamidlar guruhiga mansub bo‘lib, farmakologik xususiyatlari bo‘yicha tiazidli diuretiklarga yaqin. Arteriyalarning silliq mushaklari tonusini pasaytiradi, umumiy periferik tomirlar qarshiligini kamaytiradi. Preparat buyraklarning proksimal naychalarida va distal naychalarning po‘stloq segmentida natriy va xlor ionlarini va kamroq darajada kaliy va magniy ionlarining qayta so‘rilishini blokadasi bilan bog‘liq bo‘lgan, o‘rtacha saluretik va diuretik samaralarga ega. «Sekin» kaltsiy kanallarining selektiv bloklash qobiliyatiga ega bo‘lib, arteriyalarning devorlarini elastikligini oshiradi va umumiy periferik tomirlarning qarshiligini pasaytiradi. Yurakning chap qorinchasining gipertrofiyasini kamayishiga yordam beradi. Lipidlarning plazmadagi miqdoriga (triglitseridlar, past zichlikdagi lipoproteinlar, yuqori zichlikdagi lipoproteinlar) miqdoriga ta'sir qilmaydi; karbonsuvlar almashinuviga ta'sir qilmaydi (shu jumladan bemorlarda yondosh kasalligi qandli diabeti bo‘lsa). Umumiy periferik tomirlar qarshiligini kamayishi, shuningdek tomirlar devoridagi adrenoretseptorlarning noradrenalin va angiotenzin II ga nisbatan sezgirligini pasayishi, tomirlarni kengaytiruvchi faollikka ega bo‘lgan prostaglandinlarning (prostaglandin PgE2 va prostatsiklin PgI2) sintezini oshishi bilan ham bog‘liq. Erkin va turg‘un kislorod radikallarining hosil bo‘lishini kamaytiradi. Katta dozalarda buyurilganda diurezni oshishiga qaramasdan, arterial bosimni pasayish darajasiga ta'sir qilmaydi.
Terapevtik samarasi birinchi haftaning oxiriga kelib namoyon bo‘ladi, bir marta qabul qilish fonida 24 soat davomida saqlanadi, preparatni qabul qilish boshlangandan keyin 8-12 hafta o‘tgach samarasi maksimumga erishadi.

Farmakokinetikasi

Ichga qabul qilingandan keyin indapamid me'da-ichak yo‘llaridan tez va to‘liq so‘riladi; biokiraolishligi yuqori (93%). Ovqat qabul qilish so‘rilish tezligini biroz sekinlashtiradi, ammo so‘rilish to‘liqligiga ta'sir qilmaydi. Preparat 2,5 mg dozada ichga qabul qilingandan keyin qonda maksimal kontsentratsiyaga 1-2 soat o‘tgach erishiladi. Plazma oksillari bilan bog‘lanishi taxminan 71-79% ni tashkil qiladi. Shuningdek tomirlar devorining silliq mushaklaridagi elastin bilan ham bog‘lanadi. Taqsimlanish hajmi yuqori, gistogematik to‘siqlar (shu jumladan, yo‘ldosh) orqali o‘tadi, ko‘krak sutiga kiradi.
Jigarda metabolizmga uchraydi. Yarim chiqarilish davri, o‘rtacha 18 soatni tashkil qiladi. Asosan buyraklar orqali – 70% (ko‘pchilik hollarda – metabolitlar ko‘rinishida, taxminan 7% o‘zgarmagan ko‘rinishda), ichak orqali – 20-23% chiqariladi. Buyraklar yetishmovchiligi bo‘lgan bemorlarda farmakokinetikasi o‘zgarmaydi. Kumulyatsiyalanmaydi.

Qo‘llanishi
Arterial gipertenziyada qo‘llanadi.


Qo‘llash usuli va dozalari

Ichga, ertalab, ovqat iste'mol qilishdan qat'iy nazar, tabletka chaynamasdan, suv bilan birga qabul qilinadi. Davolashning talablariga qarab Indap preparatining uch xil dozali shaklidan biri tanlanishi mumkin 0,625 mg tabletkalar, 1,25 mg tabletkalar yoki 2,5 mg tabletkalar. 0,625 mg yoki 1,25 mg yoki 2,5 mg (1 tabletka) dan sutkada 1 marta buyuriladi.
Indap® 0,625 mg va 1,25 mg tabletkalari boshqa antigipertenziv preparatlar (beta-adrenoblokatorlar, “sekin” kaltsiy kanallarining blokatorlari, angiotenzin-aylantiruvchi ferment (AAF) ingibitorlari, angiotenzin retseptorlarining blokatorlari va boshq.) bilan majmuada qo‘llash uchun mo‘ljallangan. Agar 4-8 hafta davolashdan keyin kutilgan terapevtik samaraga erishilmasa, Indapni sutkalik dozani maksimal sutkalik doza 2,5 mg gacha asta-sekin oshirish mumkin. Kerak bo‘lgan terapevtik samaraga erishish maqsadida, Indap® 0,625 mg va 1,25 mg tabletkalari bilan majmuada qo‘llanayotgan boshqa antigipertenziv preparatning dozasi ham oshirilishi mumkin.
Indap® 2,5 mg tabletkalari monoterapiya sifatida ham, boshqa antigipertenziv vositalar (beta-adrenoblokatorlar, “sekin” kaltsiy kanallarining blokatorlari, angiotenzin-aylantiruvchi ferment (AAF) ingibitorlari, angiotenzin retseptorlarining blokatorlari va boshq.) bilan majmuada ishlatilishi mumkin. Agar 4-8 hafta monoterapiyadan keyin kutilgan terapevtik samaraga erishilmasa, preparatning dozasini oshirish tavsiya qilinmaydi (antigipertenziv samara kuchaymasdan nojo‘ya samaralarining xavfi oshadi). Bunday holatda davolash sxemasiga diuretik bo‘lmagan boshqa antigipertenziv preparatni qo‘shish maqsadga muvofiqdir. Agar davolash ikki preparatni qabul qilish bilan boshlanishi kerak bo‘lsa, Indap 2,5 mg sutkalik dozada qo‘llaniladi.

Nojo‘ya ta'sirlari
Nojo‘ya samaralarni uchrash tez-tezligi (holatlar miqdori/kuzatishlar soni) juda tez-tez (≥ 1/10); tez-tez (≥ 1/100< 1/10 gacha); tez-tez emas (≥ 1/1000 < 1/100 gacha); kam hollarda (≥ 1/10000 < 1/1000 gacha); juda kam hollarda (>1/10000); tez-tezligini mavjud ma'lumotlar bo‘yicha hisoblash mumkin emas. Ko‘pchilik nojo‘ya reaktsiyalar dozaga bog‘liq xarakterga ega, nojo‘ya reaktsiyalar tez-tezligi preparatning minimal samarali dozasi ishlatilganda kamayadi.
Indapamidning ta'siriga bog‘liq samaralar
Qon yaratish a'zolari tomonidan juda kam hollarda – trombotsitopeniya, leykopeniya, agranulotsitoz, aplastik anemiya, gemolitik anemiya.
Markaziy nerv tizimi tomonidan kam hollarda – bosh aylanishi, charchoqlik, bosh og‘rig‘i, paresteziyalar.
Yurak-qon tomir tizimi tomonidan juda kam hollarda – aritmiya, arterial gipotenziya.
Nafas tizimi tomonidan tez-tez – rinit.
Ovqat hazm qilish tizimi tomonidan tez-tez emas – qusish; kam hollarda - ko‘ngil aynishi, qabziyat, og‘izni qurishi; juda kam hollarda – pankreatit.
Buyrak va siydik chiqarish tizimi tomonidan juda kam hollarda – buyrak yetishmovchiligi.
Jigar va o‘t-safro chiqarish yo‘llari tomonidan juda kam hollarda – jigar funktsiyasini buzilishi; tez-tezligini mavjud ma'lumotlar bo‘yicha hisoblash mumkin emas – jigar yetishmovchiligida jigar entsefalopatiyasi namoyon bo‘lishi mumkin.
Allergik reaktsiyalar tez-tez – makulopapulyoz toshma; tez-tez emas – gemorragik vaskulit; juda kam hollarda – angionevrotik shish, eshakemi, toksik epidermal nekroliz, Stivens-Jonson sindromi; tez-tezligini mavjud ma'lumotlar bo‘yicha hisoblash mumkin emas –disseminirlangan qizil yugirikning o‘tkir shakli borligida yomonlashish mumkin.
Laboratoriya ko‘rsatkichlari gipokaliyemiya; juda kam hollarda – giperkaltsiyemiya; organizmni degidratatsiya va ortostatik gipotenziyaga olib keluvchi giponatriyemiya, gipovolemiya, xlor ionlarini bir vaqtda yo‘qotish, ikkilamchi metabolik alkalozga olib kelishi mumkin, biroq alkalozni rivojlanish tez-tezligi va uning yaqqolligi yuqori emas; qon plazmasida siydik kislotasi va glyukozaning miqdorini oshishi tiazid diuretiklarini podagra yoki qandli diabeti bo‘lgan bemorlarda ehtiyotkorlik bilan qo‘llash kerak.


Qo‘llash mumkin bo‘lmagan holatlar

- indapamidga, boshqa sulfonamid hosilalariga va preparatning komponentlariga yuqori sezuvchanlik;
- bosh miyada qon aylanishini o‘tkir buzilishi;
- yaqqol jigar (shu jumladan, entsefalopatiya bilan) va/yoki buyrak yetishmovchiligi, anuriya;
- gipokaliyemiya;
- galaktozani o‘zlashtiraolmaslik, laktoza tanqisligi, glyukoza-galaktozani kam so‘rilishi;
- homiladorlik va emizish davri;
- 18 yoshgacha bo‘lgan bolalar (samaradorligi va xavfsizligi o‘rganilmagan);
- indapamidni Q-T intervalini uzaytiruvchi preparatlar bilan bir vaqtda qo‘llash (“Dorilarni o‘zaro ta'siri” bo‘limiga qarang) mumkin emas.
Ehtiyotkorlik bilan
Dekompensatsiya bosqichidagi qandli diabet, giperurikemiya (ayniqsa, podagra va urat nefrolitiaz bilan kechuvchi), suv-elektrolitlar almashinuvini buzilishi, o‘rtacha jigar va/yoki buyrak yetishmovchiligi, astsit, yurak ishemik kasalligi, surunkali yurak yetishmovchiligi, Q-T intervalini uzayishi, giperparatireoz.

Dorilarning o‘zaro ta'siri
Dori vositalarining noxush majmuasi
Indapamid va litiy preparatlarini, litiyning buyrak klirensini pasayishi fonida uning toksik samarasini rivojlanishini ehtimoli sababli, bir vaqtda qo‘llash tavsiya etilmaydi.
Zarurati bo‘lganda diuretik preparatlarni litiy preparatlari bilan birga qo‘llash mumkin, bunda preparatlarning dozalarini sinchiklab tanlash, plazmada litiyning miqdorini doimo nazorat qilish kerak.
Alohida e'tiborni talab qiluvchi preparatlarning majmuasi
Indapamidni Ia (xinidin, dizopiramid) va III sinf (amiodaron, bretilium, sotalol, dofetilid, ibutilid) antiaritmik preparatlar bilan, antiaritmik vositalar sinfiga mansub bo‘lmagan preparatlar bilan (ba'zi neyroleptiklar fenotiazinlar (xlorpromazin, sulpirid, sultoprid, tiaprid), butirofenonlar (droperidol, galoperidol), shuningdek boshqa preparatlar bepridil, sizaprid, difemanil, eritromitsin (vena ichiga), galofantrin, mizolatin, pentamidin, sparfloksatsin, moksifloksatsin, astemizol, vinkamin (vena ichiga) bilan birga qo‘llash, Q-T intervalning davomiyligiga sinergik ta'siri (uzayishi) hisobiga, “piruet” turidagi aritmiya rivojlanishiga olib kelishi mumkin. Gipokaliyemiya preparatni qo‘llash uchun xavf omili hisoblanadi.
Nosteroid yallig‘lanishga qarshi preparatlar va tetrakozaktid, shuningdek salitsilatlarning katta dozalari, adrenostimulyatorlar, kortikosteroid preparatlar tizimli buyurilganda, indapamidning gipotenziv samarasini pasaytiradilar, baklofen gipotenziv samarasini kuchaytiradi.
Tritsiklik antidepressantlar, antipsixotik vositalar preparatning antigipertenziv ta'sirini kuchaytiradilar va ortostatik gipotenziya xavfini oshiradilar (additiv samara).
Amfoteritsin V (v/i), glyukokortikosteroidlar va mineralokortikosteroidlar (tizimli buyurilganda), yurak glikozidlari, tetrakozaktid, ichakning harakatini rag‘batlantiruvchi vositalar, saluretiklar (halqali va tiazid) gipokaliyemiyani rivojlanish xavfini oshiradilar (additiv samara).
Yurak glikozidlari bilan bir vaqtda qabul qilinganda, digitalis intoksikatsiyasini rivojlanishi ehtimoli oshadi.
Metforminni qabul qilish fonida sut kislotali atsidozi rivojlanishi mumkin. Agar kreatininning darajasi erkaklarda 15 mg/l (135 mkmol/l) va ayollarda 12 mg/l (110 mkmol/l) dan oshsa, metforminni qabul qilish mumkin emas.
Kaliy tejovchi diuretiklar (amilorid, spironolakton, triamteren) bilan birga qo‘llash samarali bo‘lishi mumkin, biroq bunda ayniqsa qandli diabeti bo‘lgan bemorlarda va buyrak yetishmovchiligi bo‘lgan patsiyentlarda gipokaliyemiya yoki giperkaliyemiyani rivojlanish ehtimolini to‘liq istisno qilib bo‘lmaydi.
Angiotenzin-aylantiruvchi fermentning (AAF) ingibitorlari plazmada natriyning kontsentratsiyasini pasaytirio‘lari sababli, arterial gipotenziyani va/yoki o‘tkir buyrak yetishmovchiligini to‘satdan rivojlanishi xavfini (ayniqsa, buyrak arteriyalari stenozida) oshiradilar. Surunkali buyrak yetishmovchiligi bo‘lgan bemorlarda davolashni AAF ingibitorlarining kichik dozalarini buyurishdan oldin, iloji boricha indapamidning dozasini oldindan pasaytirib boshlash kerak.
Organizmni suvsizlanishi fonida yod saqlovchi kontrast moddalar ishlatilganda (ayniqsa, katta dozalari) indapamid o‘tkir buyrak yetishmovchiligining rivojlanish xavfini oshiradi.
Kaltsiy preparatlari bilan bir vaqtda buyurilganda, siydik bilan kaltsiy ionlarining ekskretsiyasini pasayishi oqibatida, plazmada ularning kontsentratsiyalari oshishi mumkin.
Indapamid siklosporin bilan bir vaqtda qabul qilinganda plazmada kreatininning darajasi oshishi mumkin.
Aylanayotgan qon hajmining kamayishi natijasida ivish omillarining kontsentratsiyalarini oshishi va jigar tomonidan ularning ishlab chiqarilishini oshishi oqibatida bevosita antikoagulyantlarning (kumarin yoki indandion hosilalari) samaralarini pasaytiradi (dozani tuzatish talab qilinishi mumkin).
Qutbsizlantirmaydigan miorelaksantlarning ta'siri ostida rivojlanadigannerv-mushak o‘tkazuvchanligining blokadasini kuchaytiradi.


Maxsus ko‘rsatmalar

Indapamid “xavf guruhi”, ya'ni yondosh patologiyasi yengil va o‘rtacha og‘irlik darajasidagi qandli diabet, surunkali buyrak va yurak yetishmovchiligi, giperlipidemiyalari bo‘lgan bemorlarda, shuningdek tuzsiz parhezda bo‘lgan shaxslarda, arterial gipertenziyani davolashda samaradorlik namoyon qiladi.
Indapamid uzoq vaqt qo‘llanganda giponatriyemiya, gipokaliyemiya, giperkaltsiyemiya va gipoxloremik alkaloz kabi elektrolitlar almashinuvini buzilishlari rivojlanishi mumkin.
Elektrolitlarning ko‘rsatkichlarini juda sinchiklab nazorat qilish jigar sirrozi (ayniqsa shishlar va astsit bilan – jigar entsefalopatiyasining kechishini kuchaytiruvchi metabolik alkaloz rivojlanishini xavfi), yurak ishemik kasalligi, surunkali yurak yetishmovchiligi bo‘lgan bemorlarda, shuningdek keksa yoshdagi shaxslarda muhimdir.
Bundan tashqari yuqori xavf guruhiga QT intervali oshgan bemorlar kiradi, bunda bu oshish tug‘ma sabablar yoki patologik jarayonning borligi bilan chaqirilganligi ahamiyatga ega emas.
Yuqorida ta'riflangan barcha hollarda plazmada kaliyning miqdorini muntazam nazorat qilish kerak. Qonda kaliy ionlarining kontsentratsiyasini birinchi marta o‘lchashni davolash boshlangandan keyin birinchi hafta davomida o‘tkazish kerak. Gipokaliyemiya paydo bo‘lganda tegishli davolash buyurilishi kerak.
Indapamid chaqirgan gipokaliyemiyada, yurak glikozidlarining toksikligi oshishi mumkin. Bundan tashqari yurak glikozidlari, ichakning harakatini rag‘batlantiruvchi vositalar qabul qilayotgan bemorlarda, giperaldosteronizmda, shuningdek keksa yoshdagi shaxslarda nafaqat kaliyning, balki kreatininning miqdorini sinchiklab nazorat qilish ko‘rsatilgan.
Qandli diabeti bo‘lgan bemorlarda gipokaliyemiya borligida qonda glyukozaning darajasini nazorat qilish muhim.
Insulinga qaram qandli diabeti bo‘lgan bemorlarda indapamid karbonsuvlar almashinuviga deyarli ta'sir qilmasligiga qaramasdan, insulinning kerakli dozasini oshirishi mumkin, yashirin qandli diabetda qonda glyukozaning nazoratini amalga oshirish kerak.
Indapamid siydik bilan kaltsiy ionlarining chiqarilishini kamaytirib, plazmada kaltsiyning kontsentratsiyasini ahamiyatsiz darajada va vaqtinchalik oshishiga olib kelishini ko‘zda tutish kerak.
Yaqqol giperkaltsiyemiya ilgari tashxis qo‘yilmagan giperparatireozning oqibati bo‘lishi mumkin. Qalqonsimon bez oldi bezlarining funktsiyasini tekshirishdan oldin preparat qabul qilishni bekor qilish kerak.
Indapamid siydik bilan magniyni chiqarilishini oshiradi, bu gipomagniyemiyaga olib kelishi mumkin. Indapamid qo‘llanganda, shuningdek podagra xurujlari tez-tezligining oshishi sababli, plazmada siydik kislotasi va qoldiq azot miqdorini muntazam nazorat qilish kerak.
Indapamidni qo‘llash fonida ortostatik gipotenziyaning ko‘rinishlari alkogol, barbituratlar, narkotik preparatlar, shuningdek boshqa gipotenziv vositalarni qabul qilish bilan ham qo‘zg‘atilishi mumkin.
Indapamid, umuman olganda faqat buyrak faoliyati normal bo‘lgan yoki ahamiyatsiz buzilgan (katta odamlarda plazmada kreatinin miqdori 25 mg/l yoki 220 mkmol/l dan kam) bemorlarda samarali.
Bemorlarda davolashning boshida indapamid qabul qilish fonida o‘z navbatida suv va natriy ionlarini yo‘qotilishi bilan chaqirilgan gipovolemiya bilan ifodalanuvchi kalava filtratsiyasini pasayishi kuzatilishi mumkin. Oqibatda plazmada mochevina va kreatininning kontsentratsiyasi oshishi mumkin. Agar buyrak funktsiyasi buzilmagan bo‘lsa, bunda vaqtinchalik buyrak yetishmovchiligi odatda asoratlarsiz o‘tib ketadi, biroq mavjud bo‘lgan buyrak yetishmovchiligida bemorning holati yomonlashishi mumkin.
Arterial gipertenziya va giponatriyemiyasi (indapamid qabul qilish oqibatida) bo‘lgan bemorlarda birinchi navbatda AAF ingibitorlarining kichik dozalarini buyurish yoki AAF ingibitorlarini qabul qilishni boshlashdan 3 kun oldin indapamid qabul qilishni to‘xtatish kerak, so‘ngra zarurati bo‘lganda uni qabul qilishni tiklash mumkin. Jigar sirrozi (ayniqsa shishlar yoki astsit bilan – jigar entsefalopatiyasining kechishini kuchaytiruvchi metabolik alkaloz rivojlanish xavfi) bo‘lgan bemorlarni juda sinchiklab nazorat qilish ko‘rsatilgan.
Indapamid jigar funktsiyasi buzilgan bemorlarga buyurilganda jigar entsefalopatiyasi rivojlanishi mumkin. Bunday hollarda preparatlarni qabul qilishni darhol to‘xtatish kerak.
Indapamid tizimli qizil yugurikning kechishini yomonlashtirishi mumkin.
Indapamid doping-nazorat o‘tkazilganda musbat natija berishi mumkin.
Homiladorlik va emizish davrida qo‘llanishi
Homiladorlik va emizish davrida preparatni qo‘llash mumkin emas.
Avtotransport/harakatlanayotgan mexanizmlarni boshqarish qobiliyatiga ta'siri
Preparat psixomotor reaktsiyalarni buzilishiga olib kelmaydi. Biroq alohida hollarda, ayniqsa davolash kursining boshida yoki bir necha antigipertenziv preparatlar birga qabul qilinganda arterial bosimning pasayishiga javoban turli shaxsiy reaktsiyalar rivojlanishi mumkin, buni avtotransportni boshqarish va harakatlanayotgan mexanizmlar bilan ishlashda hisobga olish kerak.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Indapamid hatto juda yuqori dozalarda (40 mg gacha, ya'ni terapevtik dozadan 16 marta katta) ham toksik ta'sir ko‘rsatmaydi. Preparat bilan o‘tkir zaharlanish belgilari birinchi navbatda suv-elektrolit muvozanatini buzilishi (giponatriyemiya, gipokaliyemiya) bilan bog‘liq.

Dozani oshirib yuborilishi
da quyidagi klinik simptomlari kuzatilishi mumkin ko‘ngil aynishi, qusish, arterial gipotenziya, tirishishlar, bosh aylanishi, uyquchanlik, ongning chalkashishi, poliuriya yoki anuriya bilan tugaydigan oliguriya (gipovoliyemiyaning oqibatida).
Shoshilinch yordam choralari organizmdan preparatni chiqarib boshlash choralariga qaratilgan me'dani yuvish va/yoki faollashtirilgan ko‘mir buyurish, va o‘z navbatida suv-elektrolitlar muvozanatini tiklash.
Spetsifik antidoti mavjud emas.


Chiqarilish shakli

0,625 mg, 1,25 mg, 2,5 mg dan tabletkalar.
10 tabletkadan PVX/alyumin folgali blisterda.
3, 6 yoki 10 blisterdan qo‘llash bo‘yicha yo‘riqnomasi bilan birga karton qutiga joylanagan.


Saqlash sharoiti

Quruq, yorug‘likdan himoyalangan joyda, 15-250 S haroratda.


Yaroqlilik muddati

4 yil.



Dorixonalardan berish tartibi

Retsept bo‘yicha.


Ishlab chiqaruvchi

PRO.MED.TSS Praga a.o.,
Telchska 1, 140 00 Praga 4
Chexiya Respublikasi

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
OOO “PROMEDCS SA”
O‘zbekiston Respublikasi, Toshkent sh., Yakkasaroy tumani, Shota Rustaveli ko‘ch., 53b.