Tavsif


Preparatning savdo nomi
Trigrim
Ta'sir etuvchi modda (XPN) torasemid (torasemide)

Dori shakli
tabletkalar

Tarkibi

Bir tabletka quyidagilarni saqlaydi
faol modda 2,5 mg, 5 mg yoki 10 mg torasemid;
yordamchi moddalar laktoza monogidrati, makkajo‘xori kraxmali, kolloid kremniy dioksidi, magniy stearati.
Ta'rifi
2,5 mg li tabletkalar dumaloq shaklli, ikki tomoni qavariq oq rangli tabletkalar.
5 mg va 10 mg li tabletkalar dumaloq shaklli, yassi oq rangli, bo‘luvchi riskali tabletkalar.

Farmakoterapevtik guruhi
yuqori ta'sir dozali diuretik vosita (xalqali diuretiklar); sulьfonamidlar
ATX kodi S03SA04


Farmakologik xususiyatlari


Farmakodinamika

Torasemid halqali diuretik hisoblanadi. Ammo kichik dozalarda uning farmakodinamik profili diurezning darajasi va davomiyligi nuqtai nazaridan tiazid diuretiklarini eslatadi. Torasemid yuqori dozalarda dozaga qarab diurezni kuchaytiradi, bunda ta'siri juda yaqqol bo‘lishi mumkin.

Farmakokinetikasi

Ichga yuborilganidan keyin torasemid tez va deyarli to‘liq so‘riladi, plazmadagi maksimal kontsentratsiyasiga esa bir-ikki soat o‘tgach erishiladi.
Torasemidning 99% dan ko‘prog‘i plazma oqsillari bilan bog‘lanadi. Taqsimlanish hajmi 16 litrni tashkil qiladi.
Torasemid uchta metabolitlargacha M1, M3 va M5 bosqichma-bosqich oksidlanishi, gidroksi guruhini qo‘shilish va aromatik halqaga gidroksi guruhini qo‘shilish yo‘li bilan biotransformatsiyaga uchraydi.
Torasemid va uning metabolitlarining sog‘lom shaxslardagi yakuniy yarim chiqarilish davri uch soatdan to‘rt soatgachani tashkil qiladi. Torasemidning umumiy klirensi minutiga 40 ml ni tashkil qiladi, buyrak klirensi esa taxminan minutiga 10 ml.
Yuborilgan dozaning taxminan 80% o‘zgarmagan holda va metabolitlari ko‘rinishida buyrak naychalariga chiqariladi torasemid – 24%, M1 – 12%, M3 – 3%, M5 – 41%. Buyrak yetishmovchiligida torasemidning yarim chiqarilish davri o‘zgarmaydi.


Qo‘llanilishi

Birlamchi arterial gipertenziya.
Jigar va buyrak yetishmovchiligidagi shish sindromi.
Dimlangan yurak yetishmovchiligidagi shish sindromi, o‘pka shishida qo‘llanadi.


Qo‘llash usuli va dozalari

Dori preparati ichga qabul qilish uchun mo‘ljallangan.
Kattalar
Birlamchi arterial gipertenziya
Torasemidni tavsiya qilinadigan dozasi sutkada 1 marta 2,5 mg ni tashkil qiladi. Zarurati bo‘lgan hollarda doza 5 mg gacha sutkada 1 marta oshiriladi. Tadqiqotlar natijalariga ko‘ra, sutkada 5 mg gacha oshirilgan doza keyinchalik arterial bosimini pasayishiga olib kelmaydi. Maksimal samaraga taxminan 12 xafta to‘xtovsiz davolangandan so‘ng erishiladi.
Shishlar
Tavsiya qilinadigan doza sutkada 1 marta 5 mg ni tashkil qiladi. Zarurati bo‘lgan hollarda doza asta-sekin 20 mg gacha sutkada 1 marta oshiriladi. Yakka hollarda hatto sutkada 40 mg gacha yuboriladi.
Keksa yoshdagi patsiyentlar
Keksa yoshdagi patsiyentlarda doza qo‘shimcha tuzatish kiritish talab etilmaydi.
Bolalar
Bolalarda torasemidni qo‘llash xavfsizligi bo‘yicha yetarli klinik ma'lumotlar yo‘q.
Trigrim preparatini dozasini qabul qilishni o‘tkazib yuborilgan holatlarda
Agar preparat aniq buyurilgan vaqtda qabul qilinmagan bo‘lsa, uni iloji boricha tez qabul qilish lozim (agar navbatdagi qabul qilish vaqtiga ko‘p vaqt bo‘lsa) yoki preparatni doimiy qabul qilishni davom ettirish lozim. O‘tkazib yuborilgan dozani to‘ldirish uchun dozani ikki marta qabul qilish mumkin emas.

Nojo‘ya ta'sirlari
Har qanday boshqa preparat kabi, Trigrim ham nojo‘ya ta'sir chaqirishi mumkin.
Qon va limfatik tizim tomonidan buzilishlar
Periferik qonda eritropeniya, leykopeniya, trombotsitopeniya holatlari haqida yakka xabarlar mavjud.
Nerv tizimi tomonidan buzilishlar
Kam hollarda qo‘l va oyoqlarda paresteziya ta'riflangan.
Ko‘rish a'zosi tomonidan buzilishlar
Alohida hollarda ko‘rishni buzilishi.
Eshitish va muvozanat a'zolari tomonidan buzilishlar
Alohida hollarda quloqlarda shovqin va eshitishni yo‘qolishi.
Qon tomir buzilishlari
Kam hollarda tromboembolik asoratlar, va qonning quyilishi bilan bog‘liq qon aylanishning buzilishlari yuz berishi mumkin.
Me'da-ichak yo‘llari tomonidan buzilishlar
Og‘iz bo‘shlig‘ini qurishi.
Me'da-ichak yo‘llari tomonidan buzilishlari.
Alohida hollarda pankreatit ta'riflangan.
Jigar va o‘t chiqarish yo‘llari tomonidan buzilishlar
Jigarning ayrim fermentlarining, masalan GGT, darajasini oshishi.
Teri va teri osti kletchatkasi tomonidan buzilishlar
Alohida hollarda qichishish, toshma va fotosensibilizatsiya kabi allergik reaktsiyalar kuzatilishi mumkin.
Buyrak va siydik-chiqarish yo‘llari tomonidan buzilishlar
Siydik-chiqarish yo‘llarining torayishi bo‘lgan patsiyentlarda siydik chiqarilishini tutilishi mumkin.
Ba'zi hollarda plazmada mochevina va kreatinin darajasini oshishi yuz berishi mumkin.
Diagnostik tekshiruvlar
Boshqa diuretiklar hollaridagi kabi doza va davolash davomiyligiga qarab, ayniqsa tuzni iste'mol qilinishi ahamiyatli cheklanganda suv va elektrolitlar muvozanatining buzilishi yuz berishi mumkin.
Gipokaliyemiya yuz berishi mumkin (ayniqsa kaliyning miqdori past bo‘lgan parhez hollarida yoki qusishda, diareyada yoki surgi dori preparatlari haddan ziyod ko‘p qabul qilinganida, shuningdek jigar yetishmovchiligida).
Agar diurez yaqqol bo‘lsa elektrolitlarning va suyuqlikning tanqisligini (ayniqsa davolanishning boshida, shuningdek keksa yoshdagi patsiyentlarda) bosh og‘rig‘i, bosh aylanishi, gipotenziya, uyquchanlik, ongni chalkashishi holati, ishtahani yo‘qolishi va tirishishlar kabi ob'ektiv va sub'ektiv belgilari boshlanishi mumkin. Bunday vaziyatda dozaga tegishli tuzatish kiritish kerak bo‘lishi mumkin.
Plazmada siydik kislotasi, glyukoza va lipidlarning darajasini oshishi yuz berishi mumkin.
Shuningdek metabolik alkalozning zo‘rayishi yuz berishi mumkin.
Trigrim preparati bilan davolash vaqtida ayrim patsiyentlarda boshqa nojo‘ya samaralar paydo bo‘lishi mumkin. Ushbu yo‘riqnomada ko‘rsatilmagan boshqa nojo‘ya samaralar yoki bu yo‘riqnomada keltirilmagan xar qanday nojo‘ya samaralar paydo bo‘lgan holatda, shifokorga murojaat qilish zarur.


Qo‘llash mumkin bo‘lmagan holatlar

• Torasemidga, sulьfonilmochevina hosilalariga yoki yordamchi moddalarning birontasiga yuqori sezuvchanlik
• Anuriya bilan kechuvchi buyrak yetishmovchiligi
• Jigar komasi va koma oldi holati
• Arterial gipotenziya
• Homiladorlik va laktatsiya davri
• Taxiaritmiyalar
• Aminoglikozid antibiotiklar yoki sefalosporinlarni bir vaqtda qabul qilish yoki buyrakni shikastlanishini chaqiruvchi boshqa preparatni qabul qilgandan keyingi buyrak yetishmovchiligida qo‘llash mumkin emas.

Dorilarning o‘zaro ta'siri
So‘nggi vaqtda barcha qabul qilingan, xatto retseptsiz beriladiganlari haqida ham shifokorga xabar berish zarur.
Yurak glikozidlari bilan bir vaqtda qo‘llanganida kaliy va (yoki) magniy tanqisligi, miokardni ushbu dori preparatlariga sezgirligi oshishi mumkin. Mineralo- va glyukokortikosteroidlar, shuningdek surgi vositalari bilan majmuada torasemid kaliyni siydik bilan chiqarilishini kuchaytirishi mumkin.
Boshqa diuretiklar bilan bo‘lgan hollardagi kabi, Torasemid bir vaqtda qo‘llanuvchi dori preparatlarning gipotenziv samarasini kuchaytirishi mumkin.
Torasemid, ayniqsa yuqori dozalarda qo‘llanganda aminoglikozidlar guruxi antibiotiklari, sisplatinning toksik ta'sirini, sefalosporinlarning nefrotoksik ta'sirini va litiyning kardio- va neyrotoksik samaralarini kuchaytirishi mumkin. Kurare saqlovchi periferik miorelaksantlar va teofillinning ta'siri ham kuchayishi mumkin. Salitsilatlarning yuqori dozalarini qabul qilayotgan patsiyentlarda ularning toksikligini oshirishi mumkin. Ayni vaqtda gipoglikemik dori preparatlarining ta'sirini aksincha pasayishi mumkin.
Torasemidni ketma-ket yoki bir vaqtda qabul qilinadi, shuningdek, AAF yangi ingibitorlari bilan davolashni boshlashdagi kabi arterial bosimni o‘tkinchi pasayishini chaqirishi mumkin. Bu samarani AAF ingibitorning boshlang‘ich dozasini va (yoki) torasemidning dozasini pasaytirish (yoki vaqtincha uni bekor qilish orqali) kamaytirish mumkin. Torasemid arteriyalarning pressor omillarga masalan, adrenalin va noradrenalinga, sezuvchanligini pasaytirishi mumkin.
Nosteroid yallig‘lanishga qarshi preparatlar (masalan, indometatsin) va probenetsid torasemidning diuretik va gipotenziv ta'sirini susaytirishi mumkin.
Torasemid va xolesteraminni birga qo‘llash odamlarda o‘rganilmagan, ammo hayvonlarda o‘tkazilgan tadqiqotlar ma'lumotlariga ko‘ra bunday majmua peroral yuborilgandan keyin torasemidning so‘rilishini pasayishini chaqirgan.


Maxsus ko‘rsatmalar

Davolashni boshlashdan oldin gipokaliyemiyani, giponatriyemiyani va siyishni buzilishini kompensatsiya qilish kerak.
Torasemid bilan uzoq muddat davolaganda elektrolit muvozanati qonda, glyukoza, siydik kislotasi, kreatinin va lipidlarning vaqti-vaqti bilan nazorat qilish ko‘rsatilgan.
Giperurikemiyaga va siydik kislotasi diatezga moyilligi bo‘lgan patsiyentlarni sinchikovlik bilan kuzatish tavsiya qilinadi.
Shuningdek qandli diabetning yashirin yoki manifest shaklida uglevodlarning metabolizmini nazorat qilish kerak.
Laktozani saqlashni e'tiborga olib, mahsulotni galaktozani nasliy o‘zlashtiraolmaslik, Lapp laktaza tanqisligi yoki glyukoza-galaktoza malьsorbtsiyasi sindromi bo‘lgan patsiyentlarda qo‘llash mumkin emas.
Homiladorlik va emizish davri
Torasemidni embrionga va homilaga ta'siri bo‘yicha, inson ishtirokidagi tadqiqotlar haqidagi ma'lumotlar yo‘q. Kalamushlarda o‘tkazilgan tadqiqotlarda torasemidni teratogen ta'siri aniqlanmagan bo‘lsa ham, urg‘ochi-homilador quyonlarga dori preparatning yuqori dozalarini yuborilgan keyin homilani deformatsiyasi kuzatilgan. Shuningdek torasemidni ko‘krak sutiga chiqarilishi bo‘yicha tadqiqotlar o‘tkazilmagan.
Shuning uchun Trigrimni homiladorlik va emizish davrida qo‘llash mumkin emas.
Avtotransportni boshqarish va harakatlanuvchi mexanizmlar bilan ishlash qobiliyatiga ta'siri
Qonda arterial bosimni o‘zgarishni chaqirishi mumkin bo‘lgan boshqa preparatlari kabi, torasemidni qabul qilayotgan patsiyentlarda, agar ularda bosh aylanishi aniqlansa yoki boshqa shunga o‘xshash simptomlari kuzatilsa, transport vositalarini boshqarish va mexanizmlarga xizmat ko‘rsatish mumkin emasligi haqida ogohlantirishlari lozim.


Dozani oshirib yuborilishi

Dozani oshirib yuborilganda suyuqlik va elektrolitlarni yo‘qotilishini xavfi bilan bog‘liq bo‘lgan kuchli diurez kuzatilishi mumkin, bu uyquchanlik va ongni chalkashishi, gipotenziya va yurak-qon tomir kollapsiga olib kelishi mumkin. Shuningdek, me'da-ichak yo‘llari tomonidan buzilishlar kuzatilishi mumkin.
Buyurilgan dozadan yuqori dozada preparatni qo‘llanilganda, shifokorga yoki farmatsevtga darhol murojaat qilish lozim.


Chiqarilish shakli

10 tabletkadan blisterda, 3 blisterdan (30 tabletka) tibbiyotda qo‘llanilishiga doir yo‘riqnomasi bilan birga karton qutida.


Saqlash sharoiti

Quruq, yorug‘likdan himoyalangan joyda, 25°С dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

5 yil.

Yaroqlilik muddati
o‘tganidan so‘ng qo‘llanilmasin.


Dorixonalardan berish tartibi

Retsept bo‘yicha.


Ishlab chiqaruvchi

«Polьfarma» AJ Farmatsevtik zavodi
Pel'plin'ska ko‘ch., 19, 83-200 Starogard Gdan'ski, Pol'sha.