Preparatning savdo nomi
Aminalon.

Dori shakli
qobiq bilan qoplangan tabletkalar 250 mg

Tarkibi

1 tabletka quyidagilarni saqlaydi
faol modda gamma-amino moy kislota – 250 mg;
yordamchi moddalar qand upasi, povidon, magniya stearati, opadray II (shu jumladan polivinil spirti, talk, makrogol 3350 (polietilenglikol), letsitin (soya yog‘idan olingan), titan dioksid Ye 171), shakar, non tayyorlashda ishlatiladigan bug‘doy uni, magniya karbonat asosi, titan dioksidi Ye 171, asalari mumi, neftdan olinadigan qattiq parafin, rafinatlangan kungaboqar moyi.
Ta'rifi oq yoki deyarli oq rangli, ikki tomoni qavariq qobiq bilan qoplangan tabletkalar

Farmakoterapevtik guruhi
psixostimulyator va nootrop vositalar.
ATX kodi N03AG03.


Qo‘llanilishi

-bosh miyada qon aylanishini buzilishini o‘tkazgandan keyingi holat va bosh miya jarohatlari;
-psixoorganik sindrom;
-aterosklerotik, gipertonik va alkogolli entsefalopatiya;
-bolalar serebral falaji va bolalarda tug‘ruq jarohatlari oqibatlarini majmuaviy davolash tarkibida;
-bolalarni aqliy rivojlanishdan orqada qolishi;
-kinetozlar (dengiz va havo kasalligi) da qo‘llanadi.


Qo‘llash usuli va dozalari

Ovqatdan oldin ichga qabul qilinadi.
Kattalarga va 7 yoshdan oshgan bolalarga ichga 0,5-1,25 g dan kuniga 3 marta buyuriladi.
Sutkalik doza – 1,5-3 g.
6 yoshdagi bolalarga – sutkada 2,0-3,0 g (8-12 tabletka) dan 3 marta qabul qilinadi.
Davolash kursi kamida 2-3 hafta (optimal 2-4 oy) ni tashkil etadi. Zarur bo‘lgan hollarda davolash kursi yilda 1-2 marta takrorlanadi.
Kinetozlarni davolashda safardan oldin kattalarga 0,5 g (2 tabletka) dan, bolalarga
0,25 g (1 tabletka) dan kuniga 3 marta 3-4 sutka davomida qabul qilinadi.

Nojo‘ya ta'sirlari
-ko‘ngil aynishi, qusish, dispeptik ko‘rinishlar;
-tana haroratini oshishi, qizib ketish hissi;
-uyqusizlik;
-arterial bosimni labilligi.


Qo‘llash mumkin bo‘lmagan holatlar

-aminalonga yuqori sezuvchanlik;
-6 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Benzodiazepin hosilalari, tutqanoqqa qarshi, sedativ-gipnotik vositalar bilan bir vaqtda qo‘llanganida MNTning faoliyatiga susaytiruvchi ta'siri kuchayishi mumkin.
Gepotenziv preparatlar bilan bir vaqtda qo‘llanganida ularning samarasini kuchaytiradi. Vinpotsetin, nimodipin, nitsergolin bilan birga qo‘llanganda keksa yoshdagi patsiyentlarda gipotoniya fonida bosh miyada gipoperfuziya rivojlanish sababli gipotoniya rivojlanishi va bosh miyada qon aylanishini buzilishi yomonlashishi mumkin.


Maxsus ko‘rsatmalar

Qo‘llashdagi ehtiyotkorlik choralari
Arterial bosim labilligi bo‘lgan patsiyenlarni aminalon bilan davolanishning birinchi kunlarida arterial bosim ahamiyatli darajada tebranish mumkinligini sababli alohida ehtiyotkorlik bilan qo‘llash kerak.
Homiladorlik va laktatsiya davri
Homiladorlik va laktatsiya davrida aminalonni qo‘llash xavfsizligi va samaradorligi aniqlanmagan.
Preparatni avtotransportni yoki potentsial xavfli mexanizmlarni boshqarish qobiliyatiga ta'sirining o‘ziga xos xususiyatlari
Aminalonni qo‘llash vaqtida avtotransportni yoki potentsial xavfli mexanizmlarni boshqarishda ehtiyotkorlikka rioya qilish lozim.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Aminalonning toksikligi past. Intoksikatsiya simptomlari bir vaqtning o‘zida aminalonning haddan tashqari yuqori dozalari (10-20 g dan ko‘p) qo‘llagandagina rivojlanadi va quyidagi simptomlar qo‘ngil aynishi, qusish, me'dada og‘riq, tana haroratini oshishi, bosh og‘rig‘i, uyquchanlik va bradikardiya bilan xarakterlanadi.
Davolash. Spetsifik antidoti yo‘q. Yordam choralari preparatni bekor qilish, me'dani faollashtirilgan ko‘mir bilan yuvish, o‘rab oluvchi vositalar (diosmektit, kraxmal shilimshig‘i) buyurish, kuzatilgan buzilishlarni bartaraf qilishga qaratilgan tutib turuvchi va simptomatik davolashni o‘z ichiga oladi.


Chiqarilish shakli

10 tabletkadan kontur uyali o‘ramda. 5 yoki 10 kontur uyali o‘ram ilova-varaqasi bilan birga karton qutiga joylanadi.


Saqlash sharoiti

Yorug‘lik va namlikdan himoyalangan joyda, 25oS dan yuqori bo‘lmagan haroratda.


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

«Borisovskiy zavod meditsinskix preparatov» Ochiq aktsionerlik jamiyati, Belarus Respublikasi, Minsk viloyati, Borisov sh., Chapayev ko‘ch. 64,
tel/faks +375(177) 735612, 731156.
O‘zbekiston Respublikasi hududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi
“Laxisam” MChJ, 100011, O‘zbekiston Respublikasi, Toshkent sh., A.Qodiriy ko‘ch., 25A.