Preparatning savdo nomi
Gamalate B6

Dori shakli
ichga qabul qilish uchun 80 ml eritma.

Tarkibi

100 ml preparat quyidagilarni saqlaydi
faol moddalar
magniy glyutamat gidrobromidi 2,0 g;
γ-amino moy kislotasi (GAMK) 2,0 g;
γ-amino-V-gidroksi moy kislotasi (GABOM) 1,0 g;
piridoksin gidroxloridi 1,0 g;
yordamchi moddalar natriy saxarini, limon kislotasi, metilparagidroksibenzoat (E218), propilparagidroksibenzoat (E216), malina essentsiyasi, Sariq "quyosh shafag‘i" FCF bo‘yovchisi (E110), sorbitol (E420), tozalangan suv.
Ta'rifi qovushqoq, to‘k-sariq rangli, o‘ziga xos ta'mli va hidli suyuqlik.

Farmakoterapevtik guruhi
Psixoanaleptiklar. Psixostimulyatorlar va boshqa nootroplaro.
ATX kodi NO6BX


Farmakologik xususiyatlari


Farmakodinamika

Gamalate B6 preparatining ta'siri uning tarkibiga kiruvchi faol moddalar bosh miya funktsiyasi tonusini oshiruvchi aminokislotalar u-aminomoy kislotasi va γ-amino-β-gidroksimoy kislotasi (GAMK va GABOM), kuchsiz sedativ modda - magniy glyutamat gidrobromidi (MGG) va B6 vitamini kofermentning ta'sirlariga bog‘liq. Preparat bosh miyaning energetik va neyroregulyator faolligini oshishini chaqiradi. Preparat bosh miyaga neyroboshqaruvchi ta'sir ko‘rsatadi. Aminokislotalar va V6 vitamini bosh miya metabolizmida ishtirok etadi va nerv xujayralarining energetik potentsialini oshiradi.

Farmakokinetikasi

Gamalate B6 peroral eritmasi ichga qabul qilinganida yaxshi so‘riladi.
GAMK tez so‘riladi va gematozntsefalik to‘siq orqali o‘tadi. U Krebs sikliga qo‘shilish uchun transaminizatsiya va dekarboksilizatsiya jarayoni orqali qahrabo kislotasigacha metabolizmga uchraydi. Bundan tashqari GAMK GABOM ga aylanadi.
GABOM tez peroral so‘rilishga ega va gematozntsefalik to‘siq orqali o‘tishi mumkin. U keng metabolizmga uchraydi va siydik va so‘lak orqali tez chiqariladi. Keng metabolizmi 12 soatdan keyin siydikda dozaning faqatgincha 1% aniqlanganligi bilan tasdiqlanadi.
Magniy glyutamat gidrobromidi (MGG) peroral so‘rilganidan keyin keng tizimli taqsimlanish bilan qon oqimiga tushadi.
Piridoksin gidroxloridi me'da-ichak yo‘llaridan tez so‘riladi. Mal'absorbtsiya sindromi bo‘lgan patsiyentlarda so‘rilish darajasi pasayadi. U qon zardobidagi oqsillar bilan bog‘lanmaydi.
Piridoksin gidroxloridining rezervuari bo‘lib jigar hisoblanadi, u yerda u farmakologik faol piridoksal'-5-fosfat va piridoksaminofosfatga aylanadi. U jigarda oksidlanish yo‘li bilan metabolizmga uchraydi, buning natijasida 4-piridoksin kislotasi va boshqa nofaol metabolitlar hosil bo‘ladi, ular siydik bilan chiqariladi. Piridoksin gidroxloridining yarim chiqarilish davri 15-20 kunni tashkil qiladi. By gemodializ yordamida bartaraf etilishi mumkin. Piridoksin yo‘ldosh orqali kiradi va ko‘krak suti bilan ajraladi.


Qo‘llanilishi

Kattalar
Funktsional asteniyada yordamchi vosita. Emotsional labillik. Diqqatni jamlashni va xotirani buzilishlari. Depressiya va asteniya. Adaptatsion qobiliyatlarni pasayishida qo‘llanadi.
Bolalar
Diqqatni jamlashni va ta'lim olish qobiliyatini pasayishi. Jamiyatda, oilada va maktabda adaptatsion qobiliyatlarni pasayishida qo‘llanadi.


Qo‘llash usuli va dozalari

Ushbu dori vositasi peroral, ovqatdan oldin yoki keyin qabul qilinadi.
Dozalash
Kattalar 10 ml dan sutkada 2 - 3 marta.
2 yoshgacha bo‘lgan bolalar 2,5 ml dan sutkada 3 marta.
2 yoshdan 4 yoshgacha bo‘lgan bolalar 5 ml dan sutkada 3 marta.
4 yoshdan 7 yoshgacha bo‘lgan bolalar 10 ml dan sutkada 2 marta.
7 yoshdan oshgan bolalar 10 ml dan sutkada 2 - 3 marta.
Ushbu dozalar shifokor ko‘rsatmasi bo‘yicha o‘zgartirilishi mumkin.

Nojo‘ya ta'sirlari
Dispepsik buzilishlar kuzatilishi mumkin. Agar Sizda nojo‘ya samaralar namoyon bo‘lsa, davolovchi shifokoringiz yoki farmatsevt bilan maslahatlashing. Bu har qanday kuzatilishi mumkin bo‘lgan nojo‘ya samaralarni, shu jumladan yuqorida sanab o‘tilmaganlarni ham o‘z ichiga oladi.


Qo‘llash mumkin bo‘lmagan holatlar

Preparatning komponentlariga yuqori sezuvchanlikda qo‘llash mumkin emas.

Dorilarning o‘zaro ta'siri
Agar Siz har qanday boshqa dori vositalarini, hatto retseptsiz beriladigan dori
vositalarini, ayniqsa bu preparatlar – uxlatuvchi, sedativ preparatlar, anksiolitiklar yoki anal'getiklar kabi markaziy nerv tizimi uchun depressantlarni qabul qilayotgan yoki yaqinda qabul qilgan bo‘lsangiz, davolovchi shifokoringiz yoki farmatsevtga xabar bering.


Maxsus ko‘rsatmalar

Ushbu dori vositasi sorbitol saqlaydi 5 ml da bir martalik dozada 3 g. Sorbitolning kaloriyaligi 2,6 Kkal/g ni tashkil qiladi. Ayrim qandlarni o‘zlashtiraolmaslikda ushbu dori vositasini qabul qilishdan oldin davolovchi shifokoringiz bilan maslahatlashing. Sorbitol gastrointestinal diskomfort va yengil surgi ta'sir chaqirishi mumkin. Preparat allergik reaktsiyalar chaqirishi mumkin bo‘lgan Sariq "quyosh shafag‘i" FCF bo‘yovchisi (E110) saqlaydi.
Preparat propilparagidroksibenzoat (E216) va metilparagidroksibenzoat (E218) saqlaydi, shuning uchun allergik reaktsiyalar (shu jumladan kechiktirilgan) chaqirishi mumkin.
Homiladorlik va emizish davrida qo‘llanishi
Homiladorlik yoki emizish davrida preparat faqat shifokor kuzatuvi ostida va foydalxavf nisbatini e'tiborga olib qo‘llanadi.
B6 vitamini ko‘krak suti bilan ajraladi. B6 vitamining yuqori kontsentratsiyalari ko‘krak suti ishlab chiqarilishini susaytirishi mumkin.
Dori vositasining avtotransportni yoki boshqa potentsial xavfli mexanizmlarni boshqarish qobiliyatiga ta'sirining o‘ziga xosligi
Avtotransportni yoki boshqa potentsial xavfli mexanizmlarni boshqarganda ehtiyotkorlikka rioya qilish kerak.


Dozani oshirib yuborilishi

Preparatning toksikligi pastligini e'tiborga olib, hatto terapevtik doza to‘satdan oshirib yuborilganda zaharlanish ehtimoli past.
Simptomlari – nojo‘ya samaralarni kuchayishi kuzatilishi mumkin.
Davolash – simptomatik o‘tkaziladi.


Chiqarilish shakli
1
80 ml preparat flakonda, 1 flakon tibbiyotda qo‘llanilishiga doir yo‘riqnomasi bilan karton o‘ramda.


Saqlash sharoiti

Original o‘ramida, 30°C dan yuqori bo‘lmagan haroratda saqlansin.
Bolalar ololmaydigan joyda saqlansin1


Yaroqlilik muddati

5 yil
O‘ramida ko‘rsatilgan yaroqlilik muddati o‘tgach qo‘llanilmasin.


Dorixonalardan berish tartibi

Retsept bo‘yicha.


Ishlab chiqaruvchi

Ferrer InternasionalB, S.A.
Gran Bua Karlos III, 94, 08028 Barselona, Ispaniya.

Ishlab chiqarish maydonchasi
Ferrer Internasional', S.A.
Xoan Buskaya, 1-9, 08173 Sant Kugat del' Bayes (Barselona), Ispaniya.