Preparatning savdo nomi
Neyrotsitin

Dori shakli
infuziya uchun eritma

Tarkibi

1 ml eritma quyidagilarni saqlaydi
faol moddalar sitikolin natriy (tsitikolinga qayta hisoblaganda) – 10 mg, natriy xloridi – 6 mg, kaliy xloridi – 0,4 mg, kaltsiy xloridi digidrati – 0,27 mg, natriy laktati – 3,2 mg. Nazariy osmolyarligi – 288,3 mOsmol/l;
yordamchi modda in'ektsiya uchun suv.
Ta'rifi tiniq, rangsiz yoki kuchsiz sarg‘ish suyuqlik

Farmakoterapevtik guruhi
vena ichiga yuborish uchun eritmalar. Boshqa elektrolit vositalar bilan majmuada.
ATX kodi V05BV04


Farmakologik xususiyatlari


Farmakodinamika

Neyrotsitin – sitikolin va muvozanatlashtirilgan elektrolitlar saqlaydigan tuzli eritmadir.
Sitikolin neyron membranalarida struktur fosfolipidlarning biosintezini rag‘batlantiradi, membranalar funktsiyasini, shu jumladan ion almashinuv nasoslari va neyroretseptorlarni faoliyat ko‘rsatishini yaxshilashga yordam beradi. Sitikolin, membranaga barqarorlashtiruvchi ta'siri tufayli, shishga qarshi xususiyatlarga ega, shuning uchun bosh miya shishini kamaytiradi. Tadqiqotlarning natijalari, sitikolin ayrim fosfolipazalar funktsiyasini susaytirishini, erkin radikallarni qoldiq tarzda hosil bo‘lishiga to‘sqinlik qilishini, membranalar tizimini shikastlanishini oldini olishini va antioksidant himoya tizimini saqlab qolinishini ta'minlashini ko‘rsatgan.
Sitikolin apoptoz mexanizmlariga ta'sir qilib, hujayralarni nobud bo‘lishini oldini olib, shikastlangan to‘qima hajmini kamaytiradi va xolinergik nerv o‘tkazuvchanligini yaxshilaydi. Sitikolin shuningdek bosh miyaning o‘choqli insultlarida profilaktik neyroprotektor ta'sir ham ko‘rsatadi.
Sitikolin bosh miya to‘qimalarining ishemik shikastlanishini kamaytirib, bosh miyada qon aylanishining o‘tkir buzilishi bo‘lgan patsiyentlarda tezkor funktsional reabilitatsiyaga yordam beradi, bu rentgenologik tekshiruvlarning natijalari bilan tasdiqlangan.
Bosh miya jarohatlarida sitikolin tiklanish davrini qisqartiradi va posttravmatik sindrom jadalligini kamaytiradi.
Sitikolin bosh miya faoliyati darajasini oshishiga yordam beradi, amneziya darajasini pasaytiradi, bosh miya ishemiyasida kuzatiladigan kognitiv, sensitiv va motor buzilishlarda bosh miya holatini yaxshilaydi.
Preparat aylanayotgan qon hajmi tanqisligini bartaraf etadi. Preparatning tarkibiga kiruvchi laktat, metabolik jarayonlar natijasida bikarbonat anionlariga aylanadi, bu qon reaktsiyasini ishqoriy tomonga biroz o‘zgartiradi. Eritma yana qonda toksik moddalar kontsentratsiyasini kamaytirishi va diurezni faollashtirishi natijasida, dezintoksikatsion samara ko‘rsatadi.

Farmakokinetikasi

Sitikolin peroral qo‘llanilganda, mushak ichiga va vena ichiga yuborilganda yaxshi so‘riladi. Preparat yuborilgandan keyin qon plazmasida xolin darajasini sezilarli darajada oshishi kuzatiladi. Tadqiqotlar, preparat peroral va parenteral qo‘llanganda biokiraolishligi deyarli bir xil ekanligini ko‘rsatdi.
Preparat xolin va sitidin hosil qilib, ichakda va jigarda metabolizmga uchraydi. Sitikolin yuborilgandan keyin bosh miya to‘qimalari tomonidan o‘zlashtiriladi, bunda xolinlar fosfolipidlarga, sitidin – sitidin nukleotidlariga va nuklein kislotalariga ta'sir qiladi. Sitikolin bosh miya to‘qimalariga tez kiradi va hujayra membranasi, sitoplazmasi va mitoxondriylarga faol tizilib olib, fosfolipidlarning faoliyatini faollashtiradi.
Yuborilgan dozaning faqat ozgina qismi siydik va axlat (3% kamroq) bilan chiqariladi. Yuborilgan dozaning taxminan 12% nafas yo‘llari orqali chiqariladi. Preparatni siydik bilan va nafas orqali chiqarilishi ikki fazadan iborat birinchi faza – tez chiqarilish fazasi (siydik bilan – birinchi 36 soat davomida, nafas yo‘llari orqali – birinchi 15 soat davomida), ikkinchi faza – sekin chiqarilish fazasi hisoblanadi. Preparatning dozasini asosiy qismi metabolizm jarayonlariga uchraydi.
Preparatning boshqa komponentlari (anionlar, kationlar) siydik bilan chiqariladi.


Qo‘llanilishi

• Bosh miyada qon aylanishini buzilishining o‘tkir fazasi va bosh miyada qon aylanishi buzilishining asoratlari va oqibatlari.
• Bosh miya jarohatlari va uning oqibatlari.
• Kelib chiqishi degenerativ va qon tomirli bo‘lgan serebral patologiya oqibatidagi nevrologik buzilishlarda (kognitiv, sensitiv, motor buzilishlarda) qo‘llaniladi.


Qo‘llash usuli va dozalari

Vena ichiga yuborish uchun.
Kattalar uchun tavsiya etilgan dozasi sutkasiga 50 ml dan 200 ml gacha vena ichiga tomchilab yuborish (minutiga 40–60 tomchidan).
Davolash birinchi ikki xafta davomida vena ichiga 50-100 ml dan sutkasiga 2 marta buyuriladi. Sutkalik maksimal dozasi -200 ml.
O‘tkir va shoshilinch hollarda preparatni birinchi 24 soat ichida qo‘llanilsa, maksimal terapevtik samaraga erishiladi.
Preparatning dozasi va davolash muddati miyaning shikastlanish darajasiga bog‘liq va shifokor tomonidan individual ravishda tanlanadi.
Keksa yoshdagi patsiyentlar
Dozaga tuzatish kiritish talab etilmaydi.

Nojo‘ya ta'sirlari
Ruhiy buzilishlar gallyutsinatsiyalar, vahima huruji.
Nerv tizimi tomonidan kuchli bosh og‘rig‘i, bosh aylanishi (vertigo).
Yurak qon-tomir tizimi tomonidan arterial gipertenziya, arterial gipotenziya, taxikardiya.
Nafas tizimi tomonidan dispnoe.
Me'da-ichak buzilishlari ko‘ngil aynishi, qusish, diareya.
Elektrolitlar muvozanatini buzilishi qon zardobida elektrolitlar (kaliy, kaltsiy, natriy, xlor) darajasini o‘zgarishi, metabolik alkaloz, xloridli atsidoz.
Umumiy buzilishlar gipervolemiya.
Immun tizimi tomonidan qaltirash, shish, allergik reaktsiyalar, shu jumladan toshma, purpura, qichishish, angionevrotik shish, anafilaktik shok; tana haroratini oshishi, terlashni kuchayishi, yo‘tal, aksirish, nafasni qiyinlashishi, mahalliy yoki tarqalgan eshakemi.
Infuziya sohasidagi o‘zgarishlar yallig‘lanish, shish, toshma, qichishish, eritema, og‘riq, achishish, infuziya sohasida ivishish kuzatilishi mumkin.
Nojo‘ya ta'sirlar yuz berganida eritmani yuborishni to‘xtatish kerak, patsiyentning holatini baholash va tegishli muolajalarni ko‘rsatish kerak.
Shubhali salbiy reaktsiyalar haqida xabar berish
Dori vositalarini ro‘yxatdan o‘tkazgandan keyin shubhali nojo‘ya reaktsiyalar haqida xabar berish muhim protsedura hisoblanadi. Bu tegishli dori vositasi uchun foyda/xavf nisbatini doimiy monitoring qilish imkonini beradi. Tibbiyot mutaxassislari har qanday shubhali nojo‘ya reaktsiyalar to‘g‘risida milliy farmakonadzor tizimi orqali xabar berishlari yoki quyidagi telefon raqamlari orqali bog‘lanishlari mumkin +998 78 150 71 00 yoki +998 90 982 24 05.


Qo‘llash mumkin bo‘lmagan holatlar

• Preparatning komponentlariga yuqori sezuvchanlik;
• parasimpatik nerv tizimining oshgan tonusi;
• gipervolemiya, gipernatriyemiya, giperkaliyemiya, giperkaltsiyemiya, giperxloremiya, alkaloz, laktoatsidoz;
• og‘ir arterial gipertenziya, yurak yetishmovchiligining dekompensatsiyalangan bosqichi;
• oliguriya, anuriya;
• jigar yetishmovchiligi (laktatdan gidrokarbonat hosil bo‘lishini kamayishi sababli);
• o‘tkir buyrak yetishmovchiligi;
• hujayradan tashqari gipergidratatsiya;
• o‘pka shishi, miya shishida qo‘llash mumkin emas.

Dorilarning o‘zaro ta'siri
Sitikolin levodopaning samarasini kuchaytiradi.
Preparatni meklofenoksat saqlovchi dori vositalari bilan bir vaqtda buyurish mumkin emas.
Kaliyni tejovchi diuretiklar, angiotenzinga aylantiruvchi ferment (AAF) ingibitorlari va kaliy preparatlarini qo‘llash giperkaliyemiyani rivojlanish xavfini kuchaytiradi. Preparatni yurak glikozidlari bilan bir vaqtda qo‘llanganda eritmada Sa++ ionlari borligi sababli, yurak glikozidlarining toksik samarasi kuchayadi.
Preparat sefamandol, amfoteritsin, etil spirti, tiopental, aminokapron kislotasi, metaraminol, ampitsilin, vibramitsin va monotsiklin bilan mutanosib emas. Ushbu dori vositalari yallig‘lanishga qarshi nosteroid dori vositalari, androgenlar,anabolik gormonlar, esterogenlar, kortikotropinlar, mineralokortikoidlar, vazodilatatorlar yoki ganglioblokatorlar bilan bir vaqtda qo‘llanganda organizmda natriyni ushlanib qolishi kuchayishi mumkin.
Ishqorlovchi samaraga ega bo‘lgan laktatni borligi sababli, buyrak eliminatsiyasi rN ga bog‘liq bo‘lgan preparatlar bilan Neyrotsitinni ehtiyotkorlik bilan qo‘llash zarur.
Salitsilatlar, barbituratlar, litiyning buyrak klirensi kamayishi mumkin, simpatomimetiklar va stimulyatorlar (dekametoksin sulfat, fenfluramin gidroxloridi kabilar) niki - oshishi mumkin.
Nomutanosibligi
Preparatni bitta idishda boshqa dori vositalari bilan, jumladan fosfat- va karbonat saqlovchi eritmalar bilan aralashtirish mumkin emas.
Bolalar
Bolalarda qo‘llash bo‘yicha yetarli ma'lumot mavjud emas.


Maxsus ko‘rsatmalar

Bosh miyaga turg‘un qon quyilishi hollarida preparatning dozasini sutkada 100 ml dan va yuborish tezligini minutiga 30 tomchidan oshirish mumkin emas.
Qonda elektrolitlar, rN va rSO2, laktat miqdorini monitoring qilib turish zarur.
Vena ichiga yuborilgan eritmalar organizmda suyuqlik va/yoki eritma miqdorini ortib ketishiga va gipergidratatsiya, o‘pka shishiga va dimlanishiga olib kelishi mumkin. Dilyutsiyani rivojlanish xavfi elektrolitlar kontsentratsiyasiga teskari proportsionaldir. Organizmda, o‘pka shishi va periferik shishlarni rivojlanishi bilan kechuvchi dimlanish holatlarini chaqiruvchi suyuqlik hajmini ortib ketish xavfi elektrolitlar kontsentratsiyasiga to‘g‘ri proportsionaldir.
Yuqori sezuvchanlikning qandaydir belgilari yuz berganida preparatni yuborishni zudlik bilan to‘xtatish va kerakli davo muolajasini olib borish kerak.
Preparat natriy laktati saqlaganganligi tufayli, gipernatriyemiya (adrenokortikal yetishmovchilik, qandli diabet yoki to‘qimalar massiv shikastlanishlari kabilar) ga moyilligi bo‘lgan patsiyentlarga yurak kasalliklari bo‘lgan patsiyentlarga yuborishda ehtiyotkorlik talab etiladi. Eritma natriy ionlari saqlaganganligi tufayli, keksa yoshdagi patsiyentlar, arterial gipertenziyasi bo‘lgan patsiyentlar, buyrak va yurak-tomir yetishmovchiligi, dimlangan yurak yetishmovchiligi, ayniqsa jarrohlik amaliyotidan keyingi davrda, gipoksiyasi va jigar yetishmovchiligi bo‘lgan patsiyentlarda, shuningdek kortikosteroid yoki kortikotropin qabul qilayotgan patsiyentlarda natriyni ushlanib qolishi bilan kechadigan klinik holatlarda ehtiyotkorlik bilan qo‘llash talab etiladi.
Eritma kaliy saqlaganligi tufayli, organizmda kaliyni ushlanib qolishi bilan kechadigan klinik holatlar va yurak kasalligi bo‘lgan patsiyentlarda ehtiyotkorlik bilan qo‘llash lozim. Kaltsiyni tavsiya eta turib, yurak ishini, ayniqsa digitalis qabul qilayotgan patsiyentlarda EKG yordamida tekshirib turish kerak. Qon zardobidagi kaltsiy miqdori har doim ham to‘qimadagi kaltsiy miqdorini ifodalayvermaydi
Buyrakning ajratish funktsiyasi pasaygan patsiyentlarga eritmani qo‘llash natriy va kaliyni organizmda ushlanib qolishiga olib kelishi mumkin.
Preparat tarkibida kaltsiy bo‘lganligi uchun qon preparatlari bilan bir vaqtda tavsiya etilganda koagulyatsiya xavfi bo‘lganligi sababli ehtiyotkorlik bilan qo‘llash tavsiya etiladi
Yurak glikozidlari qabul qilayotgan patsiyentlarda kaltsiyni parenteral ravishda alohida ehtiyotkorlik bilan buyuriladi
Laktat glyukoneogenez uchun substrat hisoblanadi, shuning uchun qandli diabetning II tipi bo‘lgan bemorlarda glyukoza miqdorini sinchkovlik bilan tekshirish lozim.
Natriy va kaliy miqdori
Ushbu dori vositasi quyidagilarni saqlaydi
100 ml dozada 15,05 mmol (yoki 346 mg) natriy;
200 ml dozada 30,10 mmol (yoki 692 mg) natriy.
Natriy - nazorat qiluvchi parhez saqlovchi patsiyentlarda qo‘llashda ehtiyotkorlikka rioya qilish kerak.
Ushbu dori vositasi quyidagilarni saqlaydi
100 ml dozada 0,53 mmol (yoki 21 mg) kaliy, ya'ni kaliydan deyarli holi
200 ml dozada 1,06 mmol (yoki 42 mg) kaliy.
Kaliy-nazorat qiluvchi parhez saqlovchi va buyrak funktsiyasi pasaygan patsiyentlarda ehtiyotkorlikka rioya qilish kerak.
Homiladorlik va laktatsiya davrida qo‘llanishi.
Neyrotsitin prearatini homilador ayollarda qo‘llash bo‘yicha yetarli ma'lumotlar yo‘q. Preparatni ko‘krak sutiga ajralishi va uni homilaga ta'siri haqida ma'lumotlar noma'lum. Shuning uchun, homiladorlik va laktatsiya davrida preparat faqat ona uchun kutilgan foyda homila uchun potentsial xavfdan ustun bo‘lgan hollardagina buyuriladi.
Avtotransport yoki boshqa mexanizmlarni boshqarishda reaktsiya tezligiga ta'sir qilish qobiliyati.
Ayrim hollarda markaziy nerv tizimidan kuzatiluvchi ba'zi nojo‘ya reaktsiyalar avtotransportni boshqarish va mexanizmlar bilan ishlash qobiliyatiga ta'sir qilishi mumkin.

Dozani oshirib yuborilishi
Dozani oshirib yuborilishi yoki eritmani juda tez yuborish tuz-elektrolit muvozanatini buzilishi, alkaloz ko‘rinishlari, yurak-o‘pka dekompensatsiyasiga olib kelishi mumkin. Bunday hollarda preparatni yuborishni zudlik bilan to‘xtatish lozim. Simptomatik terapiya o‘tkazish kerak. Laktatni ko‘p miqdorda yuborish metabolik alkalozni rivojlanishiga olib kelishi mumkin, bu esa o‘z navbatida gipokaliyemiya bilan kechishi mumkin.
Simptomlari kayfiyatni o‘zgarishi, charchoq, hansirash, mushak holsizligi, polidipsiya, poliuriya, idrokni buzilishi, aritmiya. Gipokaltsiyemiyasi bo‘lgan patsiyentlarda mushaklar gipertonusi, tortishishi va tetanik tirishishlar rivojlanishi mumkin.


Chiqarilish shakli

100 ml yoki 200 ml dan shisha butilkalarda; qutida 1 butilkadan tibbiyotda qo‘llanilishiga doir yo‘riqnomasi bilan birga joylangan.


Saqlash sharoiti

30°C dan yuqori bo‘lmagan haroratda original o‘ramida saqlansin.
Bolalar ololmaydigan joyda saqlansin.


Yaroqlilik muddati

2 yil.

Yaroqlilik muddati
o‘tgach qo‘llanilmasin.


Dorixonalardan berish tartibi

Retsept bo‘yicha.


Ishlab chiqaruvchi

«Yuriya-Farm» MChJ


Ishlab chiqaruvchi
ning manzili
Ukraina, 18030, Cherkasskaya viloyati, Cherkassы sh., Kobzarskaya ko‘cha, 108.