Preparatning savdo nomi
Pantogam
Ta'sir etuvchi modda (XITH) gopanten kislotasi (acidum hopantenicum)
Kimyoviy noma (R)-4-[(2,4-Dihydroxy-3,3-dimethyl-butyril)amino] butyrat calcium (21)

Dori shakli
sirop

Tarkibi
100 ml preparat quyidagilarni saqlaydi
ta'sir etuvchi modda kal'tsiy gopantenat (Pantogam) 10,0 g;
yordamchi moddalar glitserol (v pereschete na 100%) 25,8 g, sorbit 15,0 g, limon kislotasi monogidrati 0,1 g, natriy benzoat 0,1 g, aspartam 0,05 g, "Olcha" ozuqa aromatizatori 0,01 g, tozalangan suv – 100 ml gacha.
Ta'rifi rangsiz yoki biroz sarg‘ish rangli o‘ziga xos hidli suyuqlik.

Farmakoterapevtik guruhi
Nootrop vosita.
ATX kodi N06BX

Farmakologik hususiyatlari

Farmakodinamika

Pantogamning ta'sir doirasi uning strukturasida gamma-aminomoy kislotasining bo‘lishi bilan bog‘lik, Ta'sir mexanizmi Pantogamning GAMKB-retseptor-kanal kompleksiga bevosita ta'siri bilan bog‘liq. Preparat nootrop va tirishishga qarshi ta'sirlarga ega. Preparat boya miyaning gipoksiyaga va toksik moddalarning ta'siriga chidamliligini oshiradi. neyronlardagi anabolik jarayonlarni rag‘batlantiradi, o‘rtacha sedativ ta'siri yengil rag‘batlantiruvchi samarasi bilan qo‘shiladi, motor ko‘zg‘aluvchanlikni kamaytiradi, aqliy va jismoniy ish qobiliyatini faollashtiradi. Surunkali alkogolli intoksikatsiyasida va etanol bekor qilinganidan keyin GAMK metabolizmini yaxshilaydi. Novokain va sul'fanilamidlarning faolsizlantirish mexanizmlarida ishtirok etuvchi atsetillanish reaktsiyalarini ingibitsiya qilish xususiyatiga egaligi tufayli, oxirgi ikkala moddaning ta'sirini uzayishiga erishiladi. Patologik oshgan qovuk refleksini va detruzor tonusini tormozlanishini chaqiradi.

Farmakokinetikasi

Pantogam me'da-ichak yo‘llaridan tez so‘riladi, gemato-entsefalik to‘siq orqali o‘tadi, jigar, buyrak, me'da devori va terida eng yuqori kontsentratsiyalari hosil bo‘ladi. Preparat metabolizmga uchramaydi va o‘zgarmagan holda 48 soat davomida chiqariladi
qabul qilingan dozaning 67,5% buyrak orqali, 28,5% axlat bilan chiqariladi.


Qo‘llanilishi

- hayotining birinchi kunlaridan boshlab perinatal entsefalopatiyasi bo‘lgan bolalar;
- bolalar serebral falajining turli shakllari;
- turli darajada ifodalangan, shu jumladan axloqiy buzilishlar bilan kechuvchi aqliy qoloqlik;
- bolalarda umumiy ruhiy rivojlanishni kechikishi, maktab ko‘nikmalarini (o‘qish, yozish, hisoblash va boshkalarni) shakllanishini, nutq va harakat faoliyatini spetsifik buzilishlari va ularni birga qo‘shilishi ko‘rinishidagi bolalardagi ruhiy holatning buzilishlari;
- giperkinetik buzilishlar, shu jumladan diqqatni tanqisligi bilan kechuvchi giperfaollik sindromi;
- nevrozsimon holatlar (duduqlanishda, asosan klonik shaklida, tiklarda, noorganik axlat va siydikni tutib tura olmaslik);
- bosh miya qon tomirlarining aterosklerotik o‘zgarishlari oqibatidagi mnestik-intellektual mahsullikni pasayishi, senil dementsiyasini boshlang‘ich shakllarida, bosh miyaning travmatik, toksik, neyroinfektsion genezli organik shikastlanishlari;
- serebral organik yetishmovchilik bilan kechuvchi shizofreniya (psixotrop preparatlar bilan majmuada);
- bosh miyaning organik kasalliklarida (mioklonus tutqanoq, Gentington xoreyasi, gepatolentikulyar degeneratsiya, Parkinson kasalligi va boshqalar), shuningdek neyroleitiklarni kabul qilish oqibatidagi ekstrapiramid sindromini davolash va oldini olish uchun;
- ruxiy jarayonlarning sekinlashishi va antikonvul'santlar bilan birga bo‘lgan kognitiv mahsullikni pasayishi bilan birga bo‘lgan tutqanoq;
- psixoemotsional zo‘riqishlar, aqliy va jismoniy ish qobiliyatini pasayishi, diqqatni jamlashni va eslab kolishni yaxshilash uchun;
- siyishning neyrogen buzilishlari (pollakiuriya, siyishga imperativ qistovlar, siydikni imperativ tutib tura olmaslik) da qo‘llanadi.


Qo‘llash usuli va dozalari

100 mg/ml sirop ichga, ovqatdan 15-30 minut keyin qabul qilinadi. Kattalar uchun bir martalik doza sutkada 2,5-10 ml (0,25-1,5 g), bolalar uchun — 1-1,5 ml (0,1-1,5 g) tashkil etadi. Kattalar uchun sutkalik doza – 5-30 ml (0,5-3 g), bolalar uchun — 1-30 ml (0,1-3 g). Davolash kursi — 1-4 oy, ba'zida 6 oygacha. 3-6 oydan keyin takroriy davolash kurslarini o‘tkazish mumkin.
Bolalarga, yoshi va nerv tizimining patologiyasiga qarab, tavsiya etilgan sutkalik doza kg tana vazniga - 30-50 ml. Preparatni qo‘llash tez-tezligi – kuniga 1-2 marta. Preparatni dozalash uchun qo‘llaniladigan 5 ml xajmli o‘lchov qoshig‘i, 1; 2; 2,5; 3; 4 ml mos keladigan riskasi bilan.
Davolash taktikasi 7 kun davomida dozani oshirib borishni, tavsiya etilgan dozada - asosiy davolash kursi davomida 7 kun davomida to‘xtatilgunga qadar dozani bosqichma-bosqich kamaytirishni nazarda tutadi. Davolash kursi 3 oyni (ayrim kasalliklarda 6 oy va undan ko‘proq) ni tashkil qiladi.
Shizofreniyada psixotrop preparatlar bilan majmuada sutkada 5-30 ml. Davolash kursi — 1-3 oygacha buyuriladi.
Tutqanoqda antikonvul'santlar bilan majmuada sutkada 7,5-10 ml. Davolash kursi — 1 yil va undan ko‘proq davom etadi.
Ekstrapiramid buzilishlar bilan birga kechuvchi neyroleptik sindromida sutkalik doza 5—30 ml gacha (0,5-3 g gacha). Davolash kursi — 4 oy va undan ko‘proq davom etadi.
Neyroinfektsiyalar va bosh miya jarohatlari oqibatlarida sutkada 3-30 ml gacha (0,5-3 g) buyuriladi.
Kuchli zo‘riqishlarda va astenik holatlarda ish qobiliyatini tiklash xolatlarda 2,5-5 ml dan (0,25-0,5 g) sutkada 3 marta buyuriladi.
Siyishni buzilishlarida bolalarga — 2,5-5,0 ml dan (0,25-0,5 g), sutkalik doza 25-50 mg/kg ni tashkil qiladi, davolash kursi 2-3 oy; kattalarga — 5-10 ml dan (0,5-1 g) sutkada 2-3 marta buyuriladi.
Preparatning pootrop ta'sirini hisobga olib, uni tonggi va kunduzgi soatlarda qabul qilgan ma'qul.


Qo‘llash mumkin bo‘lmagan holatlar

Preparatga yuqori sezuvchanlik, buyrakni o‘tkir og‘ir kasalliklari, homiladorlik (1 uch oyligi), fenilketonuriyada (sirop aspartam saqlaydi) qo‘llash mumkin emas.

Nojo‘ya ta'sirlari
Quyida keltirilgan nojo‘ya reaktsiyalari a'zolar va tizimlarni shikastlanishi va ularning uchrash tez-tezligini paydo bo‘lishga mos ravishda keltirilgan. Uchrash tez-tezligi quyidagi tarzda aniqlandi juda tez-tez (≥1/10), tez-tez (≥1/100 va <1/10), tez-tez emas (≥1/1000 va <1/100), kam xollarda (≥110000 va ˂1/1 000), juda kam xollarda (˂1/10 000, shu jumladan alohida xollarda).
Nerv tizimi tomonidan buzilishlar juda kam xollarda — bo‘shashish, o‘ta yuqori qo‘zg‘aluvchanlik, bosh og‘rig‘i, bo aylanishi, tormozlanish, uyquni buzilishi, uyquchanlik.
Ko‘rish a'zolari tomonidan buzilishlar juda kam xollarda — allergik kon'yunktivit.
Nafas olish tizimi, ko‘krak qafasi va ko‘ks oralig‘i tomonidan buzilishlar juda kam xollarda — allergik rinit.
Teri va teri osti to‘qimalari tomonidan buzilishlar juda kam xollarda — terini allergik reaktsiyalari (teri toshmasi, teri toshmalari, eshakemi va boshqalar).
Allergik reaktsiyalarni paydo bo‘lish xolatlarida preparatni bekor qilinadi. Boshqa xolatlarda preparatni dozasini kamaytiriladi.

Dorilarning o‘zaro ta'siri
Barbituratlarning ta'sirini uzaytiradi, tirishishga qarshi vositalarning ta'sirini kuchaytiradi, fenobarbital, karbamazepin va neyroleptiklarning nojo‘ya ta'sirlarini oldini oladi. Pantogamni samarasi glitsin, etidron kislotasi bilan birga qo‘llanganida kuchayadi. Mahalliy anestetiklar (prokain) ning ta'sirini kuchaytiradi.


Dozani oshirib yuborilishi

Nojo‘ya ko‘rinishlarining simptomatikasini (uyquni buzilishi yoki uyquchanlik, boshda shovqin) kuchayishi kuzatiladi.
Davolash faollashtirilgan ko‘mirni buyurish, me'dani yuvish, simptomatik davolash o‘tkaziladi.


Maxsus ko‘rsatmalar

Homiladorlik va emizikli davrida qo‘llanilishi
Ushbu toifadagi patsiyentlarda klinik foydalanish tajribasi yo‘qligi sababli preparatni homiladorlik va emizikli vaktida qo‘llash tavsiya etilmaydi.
Transport vositalari, mexanizmlarni boshqarish qobiliyatiga ta'siri
Preparatni qabul qilishning birinchi kunlarida, uyquchanlik paydo bo‘lishi mumkinligini hisobga olib, transport vositalarini va mexanizmlarni boshqarishda extiyot choralarini ko‘rish kerak.
Extiyotkorlik choralari
Uzoq muddatli davolanish sharoitlarida preparatni boshqa nootrop va stimulyatsilovchi vositalari bilan bir vaqtda qo‘llash tavsiya etilmaydi.


Chiqarilish shakli

100 mg/ml sirop. Birinchi marta ochilishini nazorat kilish xalqasi bilan, buraladigan bo‘ynli qopqoqchalar yoki prokladkalari bilan maxkamlab berkitilgan to‘q shisha 100 ml flakonlarda. Xar bir flakon nominal xajmli 5 ml o‘lchov qoshig‘i 1; 2; 2,5; 3; 4 ml riskasi bilan mos keladigan tibbiyotda qo‘llanilishiga doir yo‘riqnomasi bilan birga karton qutilarga joylanadi.


Saqlash sharoiti

Yorug‘likdan himoyalangan joyda, 25°C dan yuqori bo‘lmagan haroratda saqlansin.
Ochilgan flakonni 1 oy davomida 2 dan 8°C gacha bo‘lgan haroratda saqlansin.
Bolalar ololmaydigan joyda saqlansin.


Yaroqlilik muddati

2 yil.
Yaroqlilik muddati
tugaganidan so‘ng qo‘llanilmasin.


Dorixonalardan berish tartibi

Retsept bo‘yicha beriladi.

Ro‘yxatdan o‘tkazilgan guvohnomasining egasi
«PIK-FARMA» , MChJ, Rossiya, 125047, Moskva sh., Orujeyn'y tor ko‘cha, 25 uy, 1 qurilish,
1 xona, 1 qavat.
Tel./faks +7 (495) 925-57-00.