Piratsetam 20% 5ml № 10 (Dalximfarm)

Preparatning savdo nomi

Piratsetam
Ta'sir etuvchi modda (XPN) piratsetam

Dori shakli

vena ichiga va mushak ichiga yuborish uchun eritma

Tarkibi

1 ml quyidigilarni saqlaydi
Faol modda piratsetam -200 mg;
Yordamchi moddalar natriy atsetat trigidrati (natriy sirka uch gidrati), suyultirilgan 30% li sirka kislotasi – rN 5, 8 gacha, in'ektsiya uchun suv – 1 ml gacha.
Ta'rifi tiniq rangsiz yoki biroz sarg‘ish suyuqlik.

Farmakoterapevtik guruhi

Nootrop vosita
ATX kodi N06BX03

Farmakologik xususiyatlari

Nootrop vosita. Piratsetam asosan bosh miyaga bevosita ta'sir qiluvchi gammaaminmoy kislotasining (GAMK) siklik hosilasidir. Kognitiv (anglash) jarayonlarini (o‘qish qobiliyati, hotira, e'tibor), aqliy mehnatni yaxshilaydi. Piratsetam markaziy nerv tizimiga turli yo‘llar bilan ta'sir ko‘rsatadi bosh miyada qo‘zg‘alishni tarqalish tezligini o‘zgartiradi, mikrotsirkulyatsiyani va nerv hujayralarida metabolik jarayonlarni yaxshilaydi, qonning reologik xususiyatlariga ta'sir qiladi va tomirlarni kengaytiruvchi ta'sir chaqirmaydi. Bosh miya yarimsharlari orasidagi aloqani va neokortikal strukturalarda sinaptik o‘tkazuvchanlikni yaxshilaydi, miya qon oqimini yaxshilaydi. Vestibulyar nistagmning yaqqolligini va davomiyligini pasaytiradi.

Famakokinetikasi
Qon plazmasidan yarimchiqarilish davri (T1/2) 4-5 soatni va orqa miya suyuqligidan 8,5 soatni tashkil qiladi. Buyrak yetishmovchiligida T1/2 uzayadi. Jigar yetishmovchiligi bo‘lgan patsiyentlarda piratsetamning farmakokinetikasi o‘zgarmaydi. Gematoentsefalik, yo‘ldosh to‘sig‘i va membranalar orqali o‘tadi. Bosh miya po‘stlog‘ining to‘qimalarida, asosan peshona, tepa va ensa qismlarida, miyachada, bazal gangliylarda tanlab to‘planadi. Organizmda metabolizmga uchramaydi va qon plazmasi oqsillari bilan bog‘lanmaydi. Piratsetamning 80-100% buyrak orqali buyrak filtratsiyasi yo‘li bilan chiqariladi. Sog‘lom ko‘ngilliklarda piratsetamning buyrak klirensi minutiga 86 ml tashkil qiladi.

Qo‘llanilishi

Preparatni kattalarda qo‘llanishi
- psixoorganik sindromini simptomatik davolash (shu jumladan keksa patsiyentlardagi xotirani pasayishi, diqqatni jamlashni va umumiy faollikni pasayishi, kayfiyatni o‘zgarishi, hulqning buzilishi, yurishning buzilishi, shuningdek Altsgeymer kasalligi bo‘lgan va altsgeymer turdagi senil dementsiyali patsiyentlarda);
- tomirli va psixogen bosh aylanishlaridan tashqari, bosh aylanishini va u bilan bog‘liq bo‘lgan muvozanatning buzilishlarini davolash;
- kortikal miokloniyani davolash (monoterapiya ko‘rinishida ham majmuaviy terapiya tarkibida ham);
Preparatni bolalarda qo‘llanishi
disleksiyani davolashda (boshqa usullar bilan majmuada) qo‘llaniladi.

Qo‘llash usuli va dozalari

Yuborish usuli vena ichiga yoki mushak ichiga.
Vena ichiga infuziyaning sutkalik dozasi kateter orqali muntazam tezlikda 24 soat sutka davomida bajariladi (og‘ir miokloniyani davolashning boshlang‘ich bosqichida). Oldindan preparatni biron bir to‘g‘ri keladigan infuzion eritma bilan suyultiriladi 5% li, 10% li yoki 20% li dekstroza, 5% li, 10% li yoki 20% li fruktoza, 0,9% li natriy xloridi, dekstran (o‘rtacha molekulyar massasi 35000-45000) (10% li, 0,9% li natriy xloridi eritmasida), Ringer, mannitol 20% li. Yuborish uchun buyurilgan eritmaning umumiy xajmi klinik ko‘rsatkichlar va patsiyentning holatiga qarab aniqlanadi. Agarda venaga yuborish qiyin bo‘lsa yoki patsiyent hayajonlansa preparatni mushak ichiga yuboriladi. Ammo tana vazni kam bo‘lgan patsiyentlarda va ayniqsa bolalarda mushak ichiga yuborish mumkin bo‘lgan preparatning miqdori cheklangan.
Bundan tashqari, preparat mushak ichiga yuborilganida suyuqlik miqdori ko‘p bo‘lganligi tufayli, in'ektsiya og‘riqli bo‘lishi mumkin. Mushak ichiga yuboriladigan eritmaning hajmi 5 ml dan oshmasligi kerak. Preparatni yuborish soni aynan uni vena ichiga qo‘llanishi kabi. Davolashning davomiyligini kasallik va simptomlar dinamikasiga qarab shifokor belgilaydi.
Surunkali psixoorganik sindromni davolashda preparat sutkada 2,4-4,8 g dozada buyuriladi.
Bosh aylanishini va u bilan bog‘liq muvozanatning buzilishini davolashda sutkalik doza 2,4-4,8 g tashkil qiladi.
Kortikal miokloniyani davolashda doza sutkada 7,2 g., har 3-4 kunda doza sutkada 4,8 g.ga, sutkada 24 g. maksimal dozaga erishilgunigacha oshiriladi. Keyinchalik piratsetamni peroral qabul qilish yo‘liga o‘tiladi. Kasallikni hamma davri davomida piratsetam bilan davolash davom ettiriladi. Har 6 oyda, asta-sekin sutkada 1,2 g gacha har 2 kunda preparatning dozasini kamaytirish yoki bekor qilishga harakat qilish kerak. Samara bo‘lmaganida yoki ahamiyatsiz terapevtik samarada davolash to‘xtatiladi.
Disleksiyani davolash uchun tavsiya etiladigan sutkalik doza 8 yoshdan boshlab va o‘spirinlarda –2 qabulga bo‘lingan 3,2 g ni tashkil qiladi.
Buyraklar faoliyatining buzilishlari bo‘lgan patsiyentlarda dozalash
Piratsetamni organizmdan buyraklar orqali chiqarilishi tufayli buyrak yetishmovchiligi bo‘lgan patsiyentlarni davolashda ehtiyotkorlikka rioya qilish kerak va dozani quyidagi dozalash sxemasi asosida tanlash kerak

Buyrak yetishmovchiligiKreatinin klirensi (ml/min)Dozalash
normal>80odatdagi doza
yengil50-79odatdagi dozaning 2/3
2-3 yuborishda
o‘rtacha30-49odatdagi dozaning 1/3
2 yuborishda
og‘ir20-29odatdagi dozaning 1/6 bir marat
Ohirgi bosqichi<20Qo‘llash mumkin emas
Keksa patsiyentlarda buyrak yetishmovchiligi mavjud bo‘lganda dozaga tuzatish kiritiladi, uzoq muddatli davolashda buyraklarning funktsional holatini nazorat qilish kerak.

Jigar faoliyatining buzilishlari bo‘lgan patsiyentlarda dozalash
Jigar faoliyatining buzilishlari bo‘lgan patsiyentlarda dozaga to‘g‘rilash kiritish shart emas.
Jigar va buyraklar faoliyatining buzilishlari bo‘lgan patsiyentlarda dozalash “Buyrak faoliyatining buzilishlari bo‘lgan patsiyentlarda dozalash” bo‘limida ko‘rsatilgan sxema bo‘yicha amalga oshiriladi.
Qo‘llashdagi ehtiyotkorlik choralari
Piratsetamni trombotsitlar agregatsiyasiga ta'siri tufayli, gemostazning buzilishlari bo‘lgan patsiyentlarga, katta jarrohlik operatsiyalarida yoki og‘ir qon ketishining simptomlari bo‘lgan patsiyentlarga preparatni ehtiyotkorlik bilan buyurish kerak.
Kortikal miokloniyali bemorlarni davolashda keskin bekor qilishdan saqlanish kerak, chunki xurujlar qaytalanishi mumkin. Uzoq muddatli davolashda keksa patsiyentlarda buyraklar faoliyatining ko‘rsatkichlarini muntazam nazorat qilish tavsiya etiladi, zarurati bo‘lganida kreatinin klirensining tekshirishlarini natijalariga qarab dozani to‘g‘rilash kerak. Gemodializ uchun membranalarning filtrlovchi apparatlari orqali o‘tadi.

Qo‘llash mumkin bo‘lmagan holatlar

-piratsetamga, pirrolidon hosilalariga va preparatning boshqa komponentlariga yuqori sezuvchanlik;
-gemorragik insultning o‘tkir bosqichi;
-buyrak faoliyatining yaqqol buzilishlari (kreatinin klirensida minutiga 20 ml kam);
-preparat buyurilgan vaqtida psixomotor qo‘zg‘alishlar;
-3 yoshgacha bolalarda Gentington xoreyasida qo‘llash mumkin emas;
Ehtiyotkorlik bilan
-gemostazni buzilishi;
-katta jarrohlik aralashuvlari;
-og‘ir qon ketishlar;
-surunkali buyrak yetishmovchiligi (kreatinin klirensi minutiga 20-80 ml).

Nojo‘ya samaralari
Markaziy nerv tizimi tomonidan (MNT) ta'siri harakatchanlik, ta'sirchanlik, uyquchanlik, depressiya, asteniya, bosh og‘rig‘i, uyqusizlik, ruhiy qo‘zg‘alish, muvozanatni buzilishi, ataksiya, tutqanoqning kechishini zo‘rayishi, havotirlik, gallyutsinatsiyalar, ongning chalkashishi.
Ovqat hazm qilish tizimi tomonidan ko‘ngil aynishi, qusish, diareya, qorin og‘rig‘i.
Moddalar almashinuvi tomonidan tana vaznini oshishi.
Sezgi a'zolari tomonidan vertigo.
Teri qoplamalari tomonidan dermatit, qichishish, eshakemi.
Allergik reaktsiyalar o‘ta yuqori sezuvchanlik, anafilaktik reaktsiyalar, angionevrotik shish.
Mahalliy reaktsiyalar yuborish joyida og‘riq, tromboflebit kuzatilishi mumkin.

Boshqa dori vositali bilan o‘zaro ta'siri
Qalqonsimon bezi gormonlari va antipsixotik preparatlar (neyroleptiklar) bilan birga qo‘llanganida ularning samarasi oshadi. Neyroleptiklar bilan bir vaqtda buyurilganida piratsetam ekstropiramid buzilishlarning paydo bo‘lishi xavfini kamaytiradi. Markaziy nerv tizimiga rag‘barlantiruvchi ta'sir ko‘rsatuvchi dori vositalari bilan bir vaqtda qo‘llanganida, markaziy nerv tizimiga rag‘barlantiruvchi ta'siri kuchayishi mumkin.
Klonazepam, fenitoin, fenobarbital, valproat kislotasi bilan o‘zaro ta'siri kuzatilmagan. Piratsetamning yuqori dozalari (sutkada 9,6 g) venoz trombozi bo‘lgan patsiyentlarda bilvosita antikoagulyantlarning samaradorligini oshiradi (trombotsitlar agregatsiyasini tormozlanishi, fibrinogenning kontsentratsiyasini pasayishi, Villibrand omilllari, qon va plazma qovushqoqligi, faqat bilvosita antikoagulyantlar qo‘llaganidagi bilan solishtirganda ko‘proq aniqlangan). Piratsetamning famakodinamikasini boshqa dori vositalari ta'sir ostida o‘zgarishini imkoniyati kam, chunki preparatning 90% o‘zgarmagan holda siydik bilan chiqariladi.
Doimiy dozani oluvchi tutqanog‘i bo‘lgan patsiyentlarda piratsetamni sutkada 20 mg dozada qabul qilish qon zardobida tutqanoqqa qarshi preparatlarning maksimal kontsentratsiyasini va “kontsentratsiya vaqt” egri chizig‘i ostidagi maydonini o‘zgartirmaydi (karbamazepin, fenitoin, fenobarbital, volproat kislotasi).
Alkogol bilan birga qabul qilish zardobdagi piratsetamning kontsentratsiyasiga ta'sir qilmaydi va 1,6 g piratsetam qabul qilinganida qon zardobidagi alkogolning kontsentratsiyasi o‘zgarmaydi.

Maxsus ko‘rsatmalar

Homiladorlik va emizish davrida qo‘llanilishi
Homilador ayollarda piratsetamni qo‘llash bo‘yicha nazoratli tekshirishlari o‘tkazilmagan. Piratsetam yo‘ldosh to‘sig‘i orqali va ona sutiga o‘tadi. Yangi tug‘ilgan chaqaloqlarda piratsetamning kontsentratsiyasi ona qonidagi kontsentratsiyasining 70-90% erishiladi.
Alohida vaziyatlardan tashqari piratsetam homiladorlik vaqtida buyurilishi mumkin emas. Laktatsiya davrida preparatni buyurishdan saqlanish kerak.
Dori preparatini transport vositalarini, mexanizmlarni boshqarish qobiliyatiga ta'siri.
Davolanish davrida avtotransportni boshqarish, diqqatini yuqori jamlashni va psixomotor reaktsiyalar tezligini talab qiluvchi va boshqa potentsial xavfli faoliyat turlari bilan shug‘illanishda ehtiyotkorlikka rioya qilish kerak.
Preparat bolalar olaolmaydigan joyda saqlansin va yaroqlilik muddati o‘tgach ishlatilmasin.

Chiqarilish shakli

Vena ichiga va mushak ichiga yuborish uchun eritma 200 mg/ml.
5 ml dan neytral shisha ampulalarda.
10 ampuladan qo‘llash bo‘yicha yo‘riqnomasi, ampulani ochish uchun pichoqcha yoki ampula skarifikatori bilan karton qutiga joylangan.
5 ampuladan polivinilxlorid plyonka kontur uyali o‘ramga joylangan.
2 kontur uyali o‘ram qo‘llash bo‘yicha yo‘riqnomasi bilan ampulani ochish uchun pichoqcha yoki ampula skarifikatori bilan karton qutiga joylangan.
Sindirish nuqtasi, sindirish yo‘li, xalqasi bo‘lgan ampulalar ishlatilganida, ampulalarni ochish uchun pichoqcha yoki ampula skarifikatori joylanmaydi.

Dozani oshirib yuborilishi

Simptomlari dozaga bog‘liq nojo‘ya samarali yaqqolligini kuchayishi.
Davolash simptomatik, shu jumladan gemodializ. Gemodializ samarasi 50-60% ni tashkil qiladi. Maxsus antidot yo‘q.

Saqlash sharoiti

Yorug‘likdan himoyalangan joyda, 5 dan 25°S gacha bo‘lgan haroratda.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

ning nomi va manzili va dori preparatini ishlab chiqarish joyining manzili/e'tirozlarni qabul qiluvchi tashkilot.
«DALXIMFARM» OAJ, 680001, Rossiya Federatsiyasi, Xabarovsk o‘lkasi, Xabarovsk ko‘chasi, Tashkentskaya ko‘ch., 22, tel/faks (4212) 53-91-86.