Preparatning savdo nomi
Sertozin
Ta'sir etuvchi modda (XPN) sitikolin

Dori shakli
in'ektsiya uchun eritma

Tarkibi

Preparatning 1 ampulasi quyidagilarni saqlaydi
faol modda sitikolin (tsitikolin natriy shaklida) – 500 mg yoki 1000 mg.
yordamchi moddalar natriy gidroksidi, xlorid kislotasi, in'ektsiya uchun suv.
Ta'rifi tiniq, rangsiz yoki jigarrang-sariq rangli eritma.

Farmakoterapevtik guruhi
nootrop vosita.
ATX kodi N06BX06

Farmakologik hususiyatlari
Sitikolin hujayra membranasi (asosan fosfolipidlar) ning asosiy ul'trastruktur komponentlarining o‘tmishdoshi bo‘lib, keng ta'sir doirasiga ega – shikastlangan hujayra membranalarini tiklanishiga yordam beradi, fosfolipazalarning ta'sirini ingibitsiya qilib, erkin radikallarni ortiqcha hosil bo‘lishiga to‘sqinlik qiladi, shuningdek apoptoz mexanizmiga ta'sir ko‘rsatib, hujayralar o‘limini oldini oladi. Insul'tning o‘tkir davrida shikastlangan to‘qimalar hajmini kamaytiradi, xolinergik o‘tkazuvchanlikni yaxshilaydi. Bosh miya jarohatlarida posttravmatik komaning davomiyligini va nevrologik simptomlarning yaqqolligini kamaytiradi.
Bosh miyani surunkali gipoksiyasida sitikolin xotirani yomonlashishi, tashabbussizlik, kundalik harakatlarni bajarishda o‘ziga xizmat ko‘rsatishda yuzaga keladigan qiyinchiliklar kabi kognitiv buzilishlarni davolashda samaralidir.
Preparat bilan uzoq vaqt davolanish mumkin, chunki sitikolin nafas, puls va arterial bosimga ta'sir qilmaydi.


Farmakokinetikasi

So‘rilishi
Sitikolin vena ichiga va mushak ichiga yuborilganida yaxshi so‘riladi.
Metabolizmi
Vena ichiga va mushak ichiga yuborilganida sitikolin jigarda xolin va sitidinni hosil qilib metabolizmga uchraydi. Preparat yuborilganidan so‘ng qon plazmasida xolinning kontsentratsiyasi ahamiyatli darajada oshadi.
Taqsimlanishi
Sitikolin bosh miyaning tuzilmalariga ahamiyatli darajada taqsimlanib, xolin fraktsiyasi struktur fosfolipidlarga va sitidin fraktsiyasi – sitidin nukleotidlari va nuklein kislotalariga tez kirishadi. Sitikolin bosh miyaga kiradi va hujayra, sitoplazmatik va mitoxondrial membranalarga faol tizilib, struktur fosfolipidlar fraktsiyasining bir qismini hosil qiladi.
Chiqarilishi
Sitikolinning yuborilgan dozasini faqat 15% odam organizmidan – 3% buyraklar orqali va taxminan 12% SO2 bilan chiqariladi. Sitikolinni siydik bilan chiqariilishini 2 fazaga bo‘lish mumkin taxminan 36 soat davom etuvchi birinchi fazasida chiqarilish tezligi tez pasayadi va ikkinchi fazasida ekskretsiya tezligi ancha sekinroq pasayadi. O‘pkalar orqali chiqariladigan SO2 bilan ham shunday kuzatiladi – chiqarilish tezligi taxminan 15 soatdan keyin tez pasayadi, so‘ngra esa ancha sekinroq pasayadi.


Qo‘llanilishi

• ishemik insulьtni o‘tkir davrida;
• ishemik va gemorragik insulьtlarni tiklanish davrida;
• bosh miya jarohatlari, o‘tkir va tiklanish davrlarida;
• bosh miyani degenerativ va tomirli kasalliklarida kognitiv buzilishlarda qo‘llanadi.


Qo‘llash usuli va dozalari

Mushak ichiga va vena ichiga yuborish uchun eritma.
Vena ichiga sekin (5 minut davomida) in'ektsiya holida yoki vena ichiga tomchilab (minutiga 40-60 tomchi) holida buyuriladi. Vena ichiga yuborish yo‘li mushak ichiga yuborishga nisbatan afzalroqdir. Mushak ichiga yuborilganida preparatni faqat bir joyga takroran yuborishdan saqlanish kerak.
Ishemik insulьt va bosh miya jarohatlarini o‘tkir davri tavsiya etilgan dozasi tashxis qo‘yilgandan so‘ng birinchi sutkadan boshlab har 12 soatda 1000 mg ni tashkil etadi; davolash davomiyligi kamida 6 haftani tashkil etadi. Davolash boshlanganidan so‘ng 3-7 kun o‘tgach mushak ichiga yuborishga (sutkada 1-2 in'ektsiya) yoki ichga qabul qilishga (agar yutish faoliyati buzilmagan bo‘lsa) o‘tish mumkin.
Ishemik va gemorragik insultlardan keyingi tiklanish davri, bosh miya jarohatlaridan keyingi tiklanish davri, bosh miyani degenerativ va tomirli kasalliklarida kuzatiladigan kognitiv buzilishlar tavsiya etilgan dozasi sutkada 500-2000 mg ni tashkil etadi. Preparatning dozasi va davolash davomiyligi kasallikning simptomlarini og‘irligiga bog‘liq.
Ongni davomli buzilishlarida kasallikning birinchi bosqichlaridan boshlab preparatni uzluksiz qo‘llash mumkin.
Keksa yoshdagi patsiyentlarga Sertozin preparati vena ichiga yoki mushak ichiga yuborilganida preparatning dozasiga tuzatish kiritish talab etilmaydi.
Ampulaning ichidagi vena ichiga va mushak ichiga yuborish uchun eritma faqat bir marta qo‘llash uchun mo‘ljallangan.
Ampula ochilganidan so‘ng eritmani zudlik bilan qo‘llash kerak. Preparat vena ichiga yuboriladigan izotonik eritmalar va dekstroza eritmasining barcha turlari bilan mutanosibdir.

Nojo‘ya ta'sirlari
Sertozin, odatda yaxshi o‘zlashtiriladi. Noxush reaktsiyalarni rivojlanish chastotasi juda kam hollarda (< 1/10000) (shu jumladan, individual hollar).
MNT va periferik nerv tizimi tomonidan uyqusizlik, bosh og‘rig‘i, bosh aylanishi, qo‘zg‘aluvchanlik, tremor, falaj bo‘lgan qo‘l-oyoqlarni uvishishi.
Ovqat hazm qilish tizimi tomonidan ko‘ngil aynishi, ishtahani pasayishi, jigar fermentlari faolligini o‘zgarishi.
Allergik reaktsiyalar teri toshmalari, terini qichishishi, anafilaktik shok.
Boshqalar qizib ketish. Ba'zi hollarda sitikolin parasimpatik nerv tizimini stimullashi, shuningdek arterial bosimni qisqa muddatga o‘zgartirishi mumkin.
Agar qo‘llash bo‘yicha yo‘riqnomasida ko‘rsatilgan har qanday nojo‘ya samaralar og‘irlashsa, yoki qo‘llash bo‘yicha yo‘riqnomasida ko‘rsatilmagan har qanday boshqa nojo‘ya samaralar aniqlansa, bu haqida shifokorga xabar berish kerak.


Qo‘llash mumkin bo‘lmagan holatlar

• preparatning komponentlariga yuqori sezuvchanlikda;
• yaqqol darajadagi vagotoniyada (vegetativ nerv tizimining parasimpatik qismi tonusini ustun bo‘lishi) qo‘llash mumkin emas.

Dorilarning o‘zaro ta'siri
Sitikolin levodopaning samaralarini kuchaytiradi.
Preparatni meklofenoksat saqlovchi dori vositalar bilan bir vaqtda buyurish mumkin emas.
Sertozinni qonni to‘xtatuvchi vositalar, bosh miya ichki gipertenziyasiga qarshi vositalar va oddiy perfuzion suyuqliklar bilan bir vaqtda qo‘llash mumkin.


Maxsus ko‘rsatmalar

Bosh miya jarohatlarida bosh miya ichki bosimini pasaytirish uchun mannitol va kortikosteroid vositalar kabi dori preparatlarini buyurish kerak.
Bosh miyaga qon quyilganida sitikolinning bir martalik dozasini 500 mg dan oshirish mumkin emas, ushbu holda dozasini bo‘lib yuborish (100-200 mg sutkada 2-3 marta) mumkin.
Avtotransportni haydash va mexanizmlarni boshqarish qobiliyatiga ta'siri
Davolanish vaqtida patsiyentlar, avtomobilni boshqarishda va psixomotor reaktsiyalarning yuqori tezligini talab etuvchi ishlarni bajarishda, ehtiyotkorlikka rioya qilishlari kerak.
Homiladorlikda va laktatsiya vaqtida qo‘llanishi
Homiladorlikda ona uchun kutilgan foyda homila uchun potentsial havfdan ustun bo‘lgan holdagina preparatni qo‘llash mumkin.
Laktatsiya davrida preparatni qo‘llash zarurati bo‘lganida emizishni to‘xtatish haqidagi masalani hal qilish kerak.
Pediatriyada qo‘llanishi
Bolalar va 18 yoshgacha bo‘lgan o‘smirlarda preparatni qo‘llash samaradorligi va havfsizligi aniqlanmagan.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Preparat hatto terapevtik dozalardan ortiq dozalarda yuborilganda ham, uning toksikligi past bo‘lganligi sababli dozani oshirib yuborilish hollari ta'riflanmagan.


Chiqarilish shakli

In'ektsiya uchun eritma 4 ml dan rangsiz shisha ampulalarda. 5 ampula kontur uyali o‘ramda. 1 kontur uyali o‘ram qo‘llash bo‘yicha yo‘riqnomasi bilan birga karton qutida.


Saqlash sharoiti

25°C dan yuqori bo‘lmagan haroratda saqlansin.


Yaroqlilik muddati

5 yil.


Dorixonalardan berish tartibi

Retsept bo‘yicha.


Ishlab chiqaruvchi

Qayd etish guvohnomasining egasi
«Dr Sertus Ilach Sanayi ve Tidjaret Limited Shirketi», Turkiya
(“Dr Sertus İlaç Sanayi ve Ticaret Limited Şirketi”, Turkey).


Ishlab chiqarilgan

«FarmaVijn Sanayi ve Tidjaret A.Sh.», Turkiya
(Davutpasha Djaddesi №145, Topkapы / Istambul).
“PharmaVision Sanayi ve Ticaret A.Ş.”, Turkey
(Davutpaşa Caddesi No.145, Topkapı / İstanbul).