Preparatning savdo nomi
Sereton®
Ta'sir etuvchi modda (XPN) xolin alfostserati

Dori shakli
kapsulalar

Tarkibi

1 kapsula quyidagilarni saqlaydi
faol modda 100% moddaga qayta hisoblanganda 400 mg xolin alfostserati;
yordamchi moddalar glitserol, tozalangan suv – 590 mg miqdordagi massa olingunicha;
kapsula tarkibi jelatin, sorbitol, glitserol, metilparagidoksibenzoat, propilgidroksibenzoat, titan dioksidi, temir II oksidi, tozalangan suv.
Ta'rifi oval shaklli, sariq yoki och-jigarrang tusli sariq rangli yumshoq jelatin kapsulalar.
Kapsula ichidagisi - tiniq, rangsiz yoki biroz bo‘yalgan, moyli suyuqlik.

Farmakoterapevtik guruhi
nootrop vosita.
ATX kodi N07AX02


Farmakologik xususiyatlari


Farmakodinamika
si
Nootrop vosita. Markaziy xolinostimulyator, uning tarkibida 40,5% metabolik himoyalangan xolin saqlanadi. Metabolik himoya xolinni bosh miyada ajralib chiqishiga yordam beradi. Neyronal membranalarda atsetilxolin va fosfatidilxolin sintezini ta'minlaydi, markaziy nerv tizimida qon oqimining yaxshilaydi va metabolik jarayonlarni kuchaytiradi, retikulyar formatsiyani faollashtiradi. Bosh miyaning travmatik shikastlangan tomonida qon oqimini chiziqli tezligini oshiradi, bosh miyaning spontan bioelektrik faolligini fazoviy-vaqtli xarakteristikalarini normallashishiga, o‘choqli nevrologik regressiyaga va ongni tiklanishiga yordam beradi, bosh miyaning qon tomirli kasalliklari bo‘lgan bemorlarda (distsirkulyator entsefalopatiya va bosh miya qon aylanishini buzilishlarini qoldiq ko‘rinishlari) bilish va hatti-harakat reaktsiyalarga ijobiy ta'sir ko‘rsatadi. Involyutsion psixoorganik sindromning patogenetik omillariga profilaktik va muvofiqlashtiruvchi ta'sir ko‘rsatadi, neyronlarning membranalarini fosfolipid tarkibini o‘zgartiradi va xolinergik faollikni pasaytiradi. Fiziologik sharoitlarda atsetilxolinni dozaga bog‘liq ajralib chiqishini rag‘batlantiradi; fosfatidilxolinning sintezida ishtirok etib (membrana fosfolipidi), sinaptik o‘tkazilishni neyronal membranalarning plastikligini retseptorlarning faoliyatini yaxshilaydi. Reproduktiv siklga ta'sir ko‘rsatmaydi va teratogen, mutagen ta'sirga ega emas.

Farmakokinetikasi

Parenteral qabul qilinganida (10 mg/kg) xolin alfostserati asosan miyada, o‘pka va jigarda to‘planadi. So‘rilishi - 88%, gematoentsefalik to‘siq orqali oson o‘tadi (peroral qabul qilinganida bosh miyadagi kontsentratsiyasi plazmadagidan 45% ni tashkil qiladi). O‘pka orqali preparatning 85% uglerod dioksidi ko‘rinishida chiqariladi, qolgan qismi (15%) buyraklar va ichak orqali chiqariladi.



Qo‘llanilishi

-og‘ir bosh miya shikastlanishi va ishemik insultdan keyingi tiklanish davri, o‘choqli yarimsharli simptomatika yoki bosh miya o‘zagining shikastlanishi simptomlari bilan kechuvchi gemorragik insultning tiklanish davri;
-bosh miyaning degenerativ va involyutsion o‘zgarishlari fonidagi psixoorganik sindromi;
-kognitiv buzilishlar (fikrlash faoliyatini, xotirani buzilishlari, ongni chalkashishi, dezorintatsiya, motivatsiya, tashabbuskorlik va diqqatni jamlashni pasayishi), shu jumladan dementsiya va entsefalopatiyadagi;
-qarilik soxta melanxoliyasida qo‘llanadi.


Qo‘llash usuli va dozalari

Bosh miya shikastlanishi, ishemik yoki gemorragik insultni tiklanish davrida Sereton® ertalab 800 mg va kunduzi 400 mg dan 6 oy davomida buyuriladi.
Surunkali serebrovaskulyar yetishmovchilikda va dementsiya sinromida Sereton® sutkada3 marta 400 mg (1 kapsula) dan, avzalrog‘i ovqatdan keyin, 3-6 oy davomida buyuriladi.

Nojo‘ya ta'sirlari
Ko‘ngil aynishi paydo bo‘lishi mumkin (asosan, dofaminergik faollanish oqibatida). Bekor qilishni talab qilmaydi, vaqtincha preparatning dozasini pasaytirish kifoya qiladi.
Allergik reaktsiyalar kuzatilishi mumkin.


Qo‘llash mumkin bo‘lmagan holatlar

-preparatga yuqori sezuvchanlik;
-gemorragik insultning o‘tkir bosqichi;
-homiladorlik va laktatsiya;
-18 yoshgacha bo‘lgan bolalar (ma'lumotlarning yo‘qligi tufayli) da qo‘llash mumkin emas.

Dorilarning o‘zaro ta'siri
Boshqa preparatlar bilan axamiyatli o‘zaro ta'siri aniqlanmagan.


Maxsus ko‘rsatmalar

Sereton® psixomotor reaktsiyalar tezligiga ta'sir ko‘rsatmaydi.
Preparat bolalar ololmaydigan joyda saqlansin va yaroqlilik muddati o‘tganidan so‘ng ishlatilmasin.


Dozani oshirib yuborilishi

Ko‘ngil aynishi kuzatilishi mumkin.
Davolash simptomatik davolash.


Chiqarilish shakli

Kapsulalar 400 mg.
14 kapsuladan kontur uyali o‘ramda.
1, 2, 3 yoki 4 kontur uyali o‘ramdan qo‘llash bo‘yicha yo‘riqnomasi bilan birga karton qutiga joylanadi.


Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.



Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

“Artlayf” MChJ, 634034, Tomsk sh., Naximov ko‘ch., 8/2 uy - “FarmFirma “Soteks” YOAJ
141345, Rossiya, Moskva viloyati, Sergiyevo-Posadskiy munitsipal rayoni,
Bereznyakovskoye qishloq hududi, Belikovo posyolkasi, 11 uy.
Tel/faks (495) 956-29-30

Ro‘yxatga olish guvohnomasi berilgan yuridik shaxs nomi/ e'tirozlarni qabul qilish manzili
“FarmFirma “Soteks” YOAJ
141345, Rossiya, Moskva viloyati, Sergiyevo-Posadskiy munitsipal rayoni,
Bereznyakovskoye qishloq hududi, Belikovo posyolkasi, 11 uy.
Tel/faks (495) 956-29-30