Singlon tab. 10mg №28

Preparatning savdo nomi

SINGLON®
Ta'sir etuvchi modda (XPN) montelukast (montelukast)

Dori shakli

plyonka qobiq bilan qoplangan tabletkalar.

Tarkibi

Har bir plyonka qobiq bilan qoplangan tabletka quyidagilarni saqlaydi
faol modda montelukast – 10 mg (natriy montelukasti 10,4 mg ko‘rinishida)
yordamchi moddalar
yadro laktoza monogidrati, mikrokristallik sellyuloza 101, gidroksipropiltsellyuloza, natriy kroskarmellozasi, magniy stearati;
plyonka qobig‘i sariq opadray 20B32427 (gipromelloza 3sR, gidroksipropiltsellyuloza, titan dioksidi (E171), makrogol 400, gipromelloza 50sR, temir II oksidi (E172))
Ta'rifi dumaloq, ikkiyoqlama qabariq, sariq rangli, bir tomonida R15 relefli yozuvi bor, diametri taxminan 8 mm bo‘lgan, plyonka qobiq bilan qoplangan tabletkalar.

Farmakoterapevtik guruhi

nafas yo‘llarining obstruktiv kasalliklarini davolash uchun vositalar. Leykotriyen retseptorlar antagonisti.
ATX kodi R03DC03
Farmakologk xususiyatlari

Farmakodinamika

Ta'sir ko‘rsatish mexanizmi
Sisteinil leykotriyenlar (LTC4, LTD4, LTE4) – turli xujayralardan, shu jumladan semiz hujayralar va eozinofillardan ajralib chiquvchi yallig‘lanishning kuchli eykosanoidlaridir. Bu muhim pro-astmatik mediatorlar organizmning nafas yo‘llarida joylashgan sisteinil leykotriyen retseptorlari (CysLT) bilan bog‘lanadi. CysLT1-1-tur retseptori (CysLT1) odam organizmining nafas yo‘llarida (shu jumladan silliq mushak hujayralari va nafas yo‘llarining makrofagalarida) va boshqa yallig‘lanishga moyil hujayralarning yuzasida (shu jumladan eozinofillar va ba'zi miyeloid o‘zak hujayralar) da bor. CysLTs bronxial astma va allergik rinitning patofiziologiyasi bilan bog‘liqdir. Bronxial astmada leykotriyenga bog‘liq samaralar, shu jumladan bronxospazm, shilliqning sekretsiyasi, qon tomirlari o‘tkazuvchanligini o‘zgarishi va eozinofillarning mobilizatsiyasi yuz beradi. Allergik rinitda CysLTs allergen ta'siridan keyin reaktsiyaning erta va kechki fazasida burun shilliq qavati tomonidan chiqariladi; bu retseptorlar allergik rinitning simptomlari bilan bog‘liqdirlar. CysLTs ni intranazal provokatsion yuborilishi yuqori nafas yo‘llarining qarshiligini oshiradi va burun bitishi simptomlarini kuchaytiradi.
Montelukast – ichga qabul qilinganda faollikka ega bo‘lgan preparat bo‘lib, u CysLT1 retseptorlariga yuqori darajadagi yaqinlikka ega va u bilan tanlab bog‘lanadi.
Klinik samarasi va xavfsizligi
Klinik tadqiqotlarida montelukast 5 mg bo‘lgan kichik dozalarda ham LTD4 ingalyatsiyasi bilan qo‘zg‘atilgan bronxospazmga qarshilik ko‘rsatadi. Preparat ichga qo‘llanganidan keyin 2 soat davomida bronxodilatatsiya kuzatilgan. Beta-adrenomimetiklar bilan qo‘zg‘atilgan bronxodilatatsiya samarasi montelukast bilan qo‘zg‘atilgan bronxodilatatsiya samarasiga qo‘shimcha bo‘lgan. Montelukast bilan davolash antigen ta'siri bilan qo‘zg‘atilgan ham erta, ham kechikkan bronxospazmni bosgan. Montelukast platsebo bilan qiyoslanganda katta patsiyentlar va bolalarning periferik qonida eozinofillarning sonini kamaytirgan. Alohida tadqiqotda montelukastni qo‘llash nafas yo‘llarida (balg‘amda aniqlanganda) eozinofillarning sonini ahamiyatli darajada kamaytirgan. Katta yoshli patsiyentlarda va 2 yoshdan 14 yoshgacha bo‘lgan bolalarda montelukast platseboga nisbatan periferik qonda eozinofillarning sonini kamaytirgan va bronxial astmaning klinik kechishi ustidan nazoratni yaxshilagan.
Kattalarda o‘tkazilgan tadqiqotlarda montelukast 10 mg dozada sutkada bir marta platseboga nisbatan tongi jadal nafas chiqarish hajm (JNChH1) ko‘rsatkichini sezilarli darajada (dastlabki daraja 2,7% ga nisbatan 10,4%), tongi nafas chiqarish tezligining maksimal (NChTM) ko‘rsatkichini (dastlabki daraja 3,3 l/min ga nisbatan 24,5 l/min) yaxshilagan, va beta-adrenomimetiklarga ehtiyojni sezilarli (dastlabki daraja -4,6% ga nisbatan-26,1%) pasaytirgan.Patsiyentlar tomonidan baholangan bronxial astmaning kunduzgi va tungi simptomlarini yaxshilanishi, platsebo guruhiga nisbatan preparat olgan patsiyentlar guruhida ancha yaqqolroq namoyon bo‘lgan.
Kattalarda tekshirishlar montelukastning ingalyatsion glyukokortikosteroidlarning klinik ta'sirini kuchaytirish qobiliyatini namoshiy etdi (montelukast bilan majmuadagi ingalyatsion beklometazon qo‘llanishidagi dastlabki darajaga nisbatan, faqat beklometazonning o‘zini qo‘llashdagi o‘zgarishlar % JNChH1 5,43% ga qarshi 1,04%; beta-adrenomimetiklar qo‘llanilishi -8,70% ga qarshi 2,64%).Garchi 12- haftalik tekshirishlar davomida beklometazon yaqqolroq terapevtik samara ko‘rsatayotgan bo‘lsada (beklometazonga qaraganda montelukast qo‘llanganidagi dastlabki darajasiga nisbatan o‘zgarishlar % muvofiq ravishda JNChH1 uchun 7,49% ga qarshi 13,3%; beta-adrenomimetiklarni qo‘llanishi -28,28% ga qarshi -43,89%), montelukast ingalyatsion beklometazonga (200 mkg dan sutkada ikki marta speyserni qo‘llaganda) nisbatan tezroq dastlabki javobni namoyish etdi. Biroq beklometazon bilan qiyoslaganda montelukastniqabul qilgan va o‘xshash klinik samaraga erishgan patsiyentlar ulushi yetarli darajada sezilarli bo‘lgan (masalan, beklometazon guruhida 50% patsiyentlarda JNChH1 ni dastlabki darajaga nisbatan taxminan 11% ga yaxshilanishiga erishilgan, ayni paytda montelukast guruhidagi taxminan 42% patsiyentda xuddi shunday samara qayd etilgan).
Bronxial astmasi bo‘lgan 15 yoshdan oshgan o‘smirlar va katta yoshdagi patsiyentlarda yondosh mavsumiy allergik renitni simptomatik davolashda montelukastning samaradorligini baholash uchun klinik tadqiqotlar o‘tkazilgan. Bu tadqiqotda kuniga bir marta qabul qilingan 10 mg dan montelukast tabletkalari, platseboga nisbatan, rinitning sutkalik simptomlari uchun bal ko‘rinishidagi baholarni statistik ahamiyatli yaxshilanishini namoyish etdi. Bu bal ko‘rinishidagi baholar kunduzgi simptomlar (burunni o‘rtacha bitishi, rinoreya, aksirish va burunda qichishish) va tungi simptomlar(uyg‘onganda burunni o‘rtacha bitishi, uyquga ketishni qiyinlashishi, tunda uyg‘onishlar) uchun o‘rtacha bo‘lgan. Shifokorlar va patsiyentlar tomonidan allergiu rinitning simptomlarini umumiy baholash, platseboga nisbatan jiddiy yaxshilanishi aniqlangan. Bronxial astma simptomlarini baholash ushbu tadqiqotda asosiy maqsad hisoblanmagan.
Bolalar
6-14 yoshli bolalarda o‘tkazilgan 8-haftalik tadqiqotlarlarda 5 mg montelukast kuniga bir marta qabul qilinganida platseboga qaraganda nafas faoliyatini sezilarli darajada yaxshilagan (JNChH1 dastlabki daraja 4,16% ga nisbatan 8,71%; NChTM kunning birinchi yarmida dastlabki daraja 17,8 l/min ga nisbatan 27,9) va qisqa muddat ta'siriga ega beta-adrenomimetiklarga bo‘lgan ehtiyojni kamaytirgan (dastlabki daraja +8,2% ganisbatan -11,7%).
Jismoniy zo‘riqish fonida yuz bergan bronxospazmning sezilarli kamayishi katta patsiyentlarda o‘tkazilgan 12-haftalik tekshiruvlarda kuzatilgan, (JNChH1 ni maksimal pasayishi platsebo 32,40% ga nisbatan montelukast uchun22,33%; JNChH1 dastlabki darajaga qaytishgacha bo‘lgan vaqt ±5% montelukast uchun 44,22 minut, platsebo uchun esa 60,64 minut). Samara butun 12-haftalik davri davomida o‘zgarmagan holda qolgan. Jismoniy zo‘riqish fonida yuz bergan bronxospazmnni kuchsizlanishi 6 yoshdan 14 yoshgacha bo‘lgan bolalarda o‘tkazilgan qisqa muddatli tadqiqotlarda ham namoyon bo‘lgan (JNChH1 ni maksimal pasayishi 18,27% ga qarshi 26,11%; JNChH1 dastlabki darajaga qaytishgacha bo‘lgan vaqt ±5% 17,76 minutga nisbatan 27,98 minut). Ikkala tadqiqotda xam samaraga dori preparatini kuniga bir marta qabul qilish orasidagi oraliqlar oxirida erishilgan.
Aspiringa sezuvchan va ingalyatsion va/yoki peroral glyukokortikosteroidlar bilan yo‘ldosh davolash olayotgan astmatik-patsiyentlarda, platseboga qaraganda montelukast bilan davolash, bronxial astma simptomlarining nazoratini sezilarli yaxshilanishiga olib kelgan (JNChH1 dastlabki darajaga nisbatan -1,74% ga qarshi 8,55% va beta-adrenomimetiklarga umumiy ehtiyojni kamayishi - dastlabki darajaga nisbatan 2,09% ga qarshi 27,78% ).
Farmakokinetika
So‘rilishi
Montelukast ichga qabul qilinganidan so‘ng tez so‘riladi. 10 mg li plyonka qobiq bilan qoplangan tabletka uchun plazmadagi o‘rtacha cho‘qqi kontsentratsiyasiga (Cmax) katta patsiyentlar och qoringa preparatni qabul qilgandan keyin 3 soat (Tmax) o‘tgach erishiladi. Ichga qabul qilgandan keyin biokirishaolishligi o‘rtacha 64% ni tashkil qiladi. Odatdagi oziq-ovqat mahsulotlari preparatning biokirishaolishligiga va Cmax ga ta'sir qilmaydi. Klinik tadqiqotlarda ovqat qabul qilish vaqtidan qat'iy nazar, 10 mg plyonka qobiq bilan qoplangan tabletkalarning xavfsizligi va samaradorligi namoyish etilgan.
5 mg chaynaladigan tabletkalar uchun Cmax katta patsiyentlarda preparat och qoringa qabul qilinganidan keyin 2 soat o‘tgach erishiladi. Preparatni o‘rtacha biokirishaolishligi 73% ni tashkil qiladi; u, preparat standart ovqat qabul qilgandan keyin qabul qilinganida 63% ga kamayadi.
Taqsimlanish va qon plazmasi oqsillari bilan bog‘lanishi.
Montelukast plazma oqsillari bilan 99% dan ortiq bog‘lanadi. Montelukastning taqsimlanish hajmi muvozanatli holatda o‘rtacha 8-11 litrni tashkil qiladi. Nishonlangan montelukast bilan kalamushlarda o‘tkazilgan tadqiqotlar preparatning gematoentsefalik to‘siqdan minimal darajada o‘tishini ko‘rsatdi. Nishonlangan radiofaol moddaning kontsentratsiyasi preparat qo‘llanganidan keyin 24 soatdan so‘ng boshqa barcha to‘qimalarda minimal bo‘lgan.
Metabolizmi (Parchalanishi)
Montelukast faol metabolizmga uchraydi. Terapevtik dozalari bilan o‘tkazilgan tadqiqotlarda montelukast metabolitlarining kontsentratsiyasi plazmadagi barqaror holatida kattalar va bolalarda aniqlash chegarasi past bo‘lgan.
R4502C8 sitoxromi montelukast metabolizmida ishtirok etuvchi faol ferment hisoblanadi. Bunda tashqari CYP3A4 va 2S9 biroz hissa qo‘shishi mumkin, ammo itrakonazol, CYP3A4 ingibitori, sutkada 10 mg montelukast qabul qilgan sog‘lom odamlarda farmakokinetika ko‘rsatkichlari o‘zgartirmasligi aniqlangan. Inson jigari mikrosomalaridagi in vitro tadqiqotlarda, plazmadagi montelukastning terapevtik kontsentratsiyasi sitoxrom P450 3A4, 2C9, 1A2, 2A6, 2C19 va 2D6 larni ingibirlamasligi aniqlangan. Montelukastning terapevtik ta'sirida metabolitlarining hissasiminimal.
Chiqarilishi
Katta yoshli sog‘lom odamlarda montelukastning plazma klirensi o‘rtacha 45 ml/minut ni tashkil qiladi. Nishonlangan montelukast ichga qabul qilinganidan keyin preparatning 86% i5 kun davomida axlatda va < 0,2% i siydikda aniqlangan. Montelukast ichga qabul qilinganidan keyin uning ko‘zda tutilgan biokirishaolishligi bilan bog‘liq natijalar, preparat va uning metabolitlari asosan safro bilan chiqarilishidan dalolat beradi.
Alohida guruh patsiyentlaridagi farmakokinetikasi
Keksa yoshli yoki yengil va o‘rta og‘ir jigar yetishmovchiligi mavjud patsiyentlar uchun dozani to‘g‘rilash talab etilmaydi. Buyrak yetishmovchiligi bo‘lgan bemorlarda tekshiruvlar o‘tkazilmagan. Montelukast va uning metabolitlari safro bilan chiqarilishi tufayli, buyrak yetishmovchiligi bo‘lgan patsiyentlar uchun dozani to‘g‘rilash talab qilinmaydi. Og‘ir jigar yetishmovchiligi bo‘lgan patsiyentlarda (Chayld-Pyu shkalasi bo‘yicha baholash > 9 ball) montelukast farmakokinetikasi bo‘yicha ma'lumotlar yo‘q.
Montelukast yuqori dozalarda berilganda (kattalar uchun tavsiya etilgan dozadan 20 – 60 marotaba ortiq) qon plazmasida teofillin miqdori kamayishi kuzatilgan. Bu samara sutkada bir marotaba 10 mg tavsiya etilgan doza berilganda kuzatilmagan.

Qo‘llanilishi

Singlon preparati yengil yoki o‘rtacha darajadagi persistirlovchi bronxial astmasi bo‘lgan, kasalligi ingalyatsion glyukokortikosteroidlarni qabul qilish bilan nazorat qilib bo‘lmaydigan patsiyentlarda va zarurati bo‘lganida qisqa ta'sirga ega beta-adrenomimetiklarni ishlatilishi yetarli klinik samara ta'minlanmaganida qo‘shimcha davolash sifatida qo‘llanadi.
Singlon preparati bronxial astmani davolash uchun buyurilgan patsiyentlarda mavsumiy allergik rinitning simptomlarini yengillashtirishi mumkin.
Singlon preparati jismoniy yuklama fonida paydo bo‘ladigan asosiy komponenti bronxospazm bo‘lgan bronxial astmani xurujlari profilaktikasi uchun mo‘ljallangan.
Qo‘llash usuli va dozalar
Dozalar
Kattalar va 15 yoshli va undan katta o‘smirlarda bronxial astmani yoki bronxial astma va yo‘ldosh mavsumiy allergik rinitni davolash uchun ichga, 10mg li bir tabletkadan har kuni kechqurun qabul qilinadi.
Navbatdagi doza o‘tkazib yuborilgan bo‘lsa, bemor keyingi dozani belgilangan vaqtda qabul qilishi kerak. Bemor ikkita dozani ketma-ket qabul qilmasligi kerak.
Umumiy tavsiyalar
Montelukastning terapevtik samarasi bronxial astma bilan bog‘liq parametrlarga ta'siri kun davomida namoyon bo‘ladi. Montelukastni ovqat qabul qilishdan qat'iy nazar qabul qilish mumkin. Patsiyentga bronxial astmaning kechishi nazorat qilinadigan davrda ham, shuningdek kasallikning kechishi yomonlashgan davrlarda ham montelukast qabul qilishni davom ettirishi tavsiya qilinadi. Singlonni xuddi shunday faol modda – montelukast saqlovchi mahsulotlar bilan birga qabul qilish mumkin emas.
Yengil va o‘rtacha darajali buyrak yoki jigar yetishmovchiligi bo‘lgan patsiyentlar uchun dozani to‘g‘rilash talab qilinmaydi. Og‘ir jigar yetishmovchiligi bo‘lgan patsiyentlar xaqida ma'lumotlar yo‘q. Preparatning dozasi erkak va ayol patsiyentlar uchun ham bir hildir.
Montelukast bilan davolash va bronxial astmani davolash uchun boshqa preparatlar.
Montelukastni bemorning oddiy davolanish sxemasiga qo‘shimcha qilib qabul qilish mumkin.
Ingalyatsion glyukokortikosteroilar.
Montelukast bronxial astmani davolash uchun ingalatsion glyukokortikosteroidlar va zarurati bo‘lganida ishlatiladigan qisqa ta'sirga ega beta-adrenomimetiklar, kasallikning zaruriy klinik nazoratini ta'minlamagan patsiyentlarga qo‘shimcha davolash sifatida buyuriladi. Montelukastni ingalyatsion glyukokortikosteroidlarning o‘rniga ishlatish mumkin emas. (“Ehtiyotkorlik choralari” bo‘limini qarang).
Bolalar
Plyonka qobiq bilan qoplangan Singlon 10 mg tabletkalari kattalar va 15 yoshdan katta o‘smirlar uchun mo‘ljallangan.
6 yoshdan 14 yoshgacha bolalar uchun 5 mg li chaynaladigan tabletkalar chiqariladi.
2 yoshdan 5 yoshgacha bolalar uchun 4 mg li chaynaladigan tabletkalar chiqariladi.
Singlonpreparati 2 yoshdan kichik bolalarda qo‘llanilmaydi.
Qo‘llash usuli
Preparat kechki vaqtda ichga qabul qilish uchun mo‘ljallangan. Plyonka qobiq bilan qoplangan 10 mg Singlon preparati tabletkalarini ovqat qabul qilinishidan qat'iy nazar qabul qilish mumkin.
Nojo‘ya ta'sirlari
Montelukast klinika tadqiqotlarida persistlovchi bronxial astma bilan kasal patsiyentlarni jalb qilgan holda quyidagicha baholangan
-plyonka qobiq bilan qoplangan 10 mg tabletkalar – taxminan 4000 katta patsiyentlar va 15 yoshdan katta o‘smirlarda.
-plyonka qobiq bilan qoplangan 10 mg tabletkalar – bronxial astma bilan bog‘liq mavsumiy rinit bilan kasal taxminan 400 katta patsiyentlardan va 15 yoshdan katta o‘smirlarda.
-chaynaladigan 5 mg tabletkalar - bronxial astma bilan kasal 6 yoshdan 14 yoshgacha bo‘lgan taxminan 1750 ta bolalarda.
Klinik tadqiqotlarda quyidagi noxush reaktsiyalari ta'riflangan, ular odatda (>1/100, <1/10) platsebo guruhi patsiyentlariga qaraganda montelukastni olganbronxial astma bilan kasal patsiyentlarda katta tez-tezlikda kuzatilgan
A'zolar va tizimlar15 va undan katta yoshli patsiyentlar
(ikki 12-haftalik tadqiqotlar; n=795)
6-14 yoshli bolalar
(bir 8-haftalik tadqiqot;
n=201)
(ikki 56-haftalik tadqiqotlar;
n=615)
Nerv tizimi tomonidan buzilishlar Bosh og‘rig‘iBosh og‘rig‘i
Me'da-ichak tomonidan buzilishlar Qorin sohasida og‘riq
Patsiyentlarning cheklangan soni bo‘lgan klinik tadqiqotlar vaqtidagi davomli davolashda (kattalar uchun 2 yilgacha va 6-14 yoshli patsiyentlar uchun 6 oygacha) preparatning xavfsizlik profili o‘zgarmagan.
Postmarketing qo‘llanilishi
Postmarketing qo‘llanilishlar vaqtida quyidagi jadvalda noxush reaktsiyalar organizm tizimlar sinfi va atamalari bo‘yicha keltirilgan. Qaytarilish soni tegishli klinik tadqiqotlar ma'lumotlari asosida baholangan.
Nojo‘ya samaralar qaytarilishi tasnifi uchun quyidagi atamalar qo‘llangan juda ko‘p (≥1/10), ko‘p (1/100 dan <l/10 gacha), ko‘p emas (≥1/1000 dan <1/100 gacha), kam (≥1/10,000 dan <1/1000 gacha), juda kam (<1/10000), uchrashi ma'lum emas (mavjud ma'lumotlar asosida aniqlash imkoniyati yo‘q).
Infektsiyalar va invaziyalar
Juda ko‘p yuqori nafas olish yo‘llari infektsiyalari *
Qon va limfa tizimi tomonidan buzilishlar

Kam

qon ketishlariga yuqori moyillik
Immun tizimi tomonidan buzilishlar
Ko‘p emas o‘ta yuqori sezuvchanlik reaktsiyalari, shu jumladan anafilaktik reaktsiyalar
Juda kam jigarning eozinofilliinfiltratlari
Ruhiy buzilishlar
Ko‘p emas g‘alati tushlar, shu jumladan tungi dahshatlar, uyqusizlik, oyparastlik, bezovtalik, qo‘zg‘alish, shu jumladan tajovuzkor xulq yoki yovgarchilik, depressiya, psixomotor qo‘zg‘alish (shu jumladan bezovtalik, betoqatlik, tremor)

Kam

e'tibor buzilishi, xotira yomonlanishi
Juda kam gallyutsinatsiya, oriyentatsiya yo‘qolishi, o‘ziga suiqasd qilishga qaratilgan hayollar va xulq (suitsidallik)
Asab tizimi tomonidan buzilishlar
Ko‘p emas bosh aylanishi, uyquchanlik, paresteziya/gipoyesteziya, tirishishlar
Yurak tomonidan buzilishlar

Kam

yurakni tez urishi
Nafas olish tizimi, ko‘krak qafasi va g‘ov tomonidan buzilishlar
Ko‘p emas burundan qon ketishi.
Juda kam Charga-Stross sindromi (ChSS) (“Ehtiyotkorlik choralari” bo‘limiga qarang), o‘pka eozinofiliyasi.
Me'da-ichak tizimi tomonidan buzilishlar

Kam

diareya **, ko‘ngil aynishi **, qusish **
Ko‘p emas og‘izni qurishi, dispepsiya
Gepatobiliar tizimi tomonidan buzilishlar
Juda kam gepatit (shu jumladan xolestatik, gepatotsellyulyar va jigar shikastlanishining aralashgan ko‘rinishi)
Ko‘p qon zardobida transaminazalarni (ALT, AST) faolligi oshishi
Teri va teri osti to‘qimalar tomonidan buzilishlar
Ko‘p toshma**
Ko‘p emas qontalashlar paydo bo‘lishi, eshakemi, qichishish

Kam

angionevrotik shish
Juda kam tugunli eritema, multishaklli eritema
Suyak-mushak tizimi va biriktiruvchi to‘qima tomonidan buzilishlar
Ko‘p emas artralgiya, mialgiya, shu jumladan mushaklar spazmlari.
Tizimli buzilishlar va yuborish joyidagi asoratlar
Ko‘p isitma**
Ko‘p emas kuchsizlik / charchoqlik, lohaslik, shishlar
* Ushbu nojo‘ya asorat montelukast qabul qilgan patsiyentlarda juda ko‘p uchraydigan sifatida qayd etilib, klinik tadqiqotlarida pletseboni qabul qilgan patsiyentlarda ham juda ko‘p uchraydigan sifatida qayd etilgan.
** Ushbu nojo‘ya asorat montelukast qabul qilgan patsiyentlarda ko‘p uchraydigan sifatida qayd etilib, klinik tadqiqotlarida pletseboni qabul qilgan patsiyentlarda ham ko‘p uchraydigan sifatida qayd etilgan.
§ Uchrash toifasi kam
Aytib o‘tilgan nojo‘ya reaktsiyalar vujudga kelsa, hamda yo‘riqnomada keltirilmagan reaktsiyalar vujudga kelsa, shifokorga murojaat qilish kerak.

Qo‘llash mumkin bo‘lmagan holatlar

Faol moddaga yoki “

Tarkibi

” bo‘limida qayd etilgan har qanday yordamchi moddalarga o‘ta sezuvchanlik.
Ehtiyotkorlik choralari
Patsiyentlar bronxial astmaning o‘tkir xurujlarini bartaraf qilish uchun montelukast peroral preparatlarini qo‘llash tavsiya etilmaydi va yonlarida doimo tez ta'sir ko‘rsatadigan preparatlarni olib yurish tavsiya etiladi. Xuruj paydo bo‘lganida ingalyatsion beta-adrenomimetiklarni ishlatish tavsiya etiladi. Qisqa ta'sirga ega ingalyatsion beta-adrenomimetiklarni ishlatishga extiyoj oshganida, patsiyentlar iloji boricha tezroq shifokorga murojaat qilishlari kerak.
Ingalyatsion yoki tizimli glyukokortikosteroidlarni montelukastga keskin almashtirish tavsiya etilmaydi.
Montelukastni yo‘ldosh qo‘llanganida tizimli glyukokortikosteroidlarning dozalarini pasaytirish mumkinligidan dalolat beruvchi ma'lumotlar yo‘q.

Kam

hollarda, astmaga qarshi preparatlarni, shu jumladan montelukastni qabul qilayotgan patsiyentlarda, ba'zida vaskulit va Charga-Stross sindromining klinik ko‘rinishlari bilan birga kechuvchi tizimli eozinofiliya paydo bo‘lishi mumkin - bunday hollarda tizimli glyukokortikosteroidlar qo‘llanadi. Bunday holatlar odatda, lekin har doim bo‘lmasada, tizimli glyukokortikosteroidlarning dozasini kamaytirilishi yoki bekor qilinishi bilan bog‘liq bo‘ladi. Leykotriyen retseptorlarining antagonistlarini qabul qilish Charga-Stross sindromini paydo bo‘lishi bilan bog‘liq bo‘lishi ehtimolini na inkor etish, na tasdiqlash mumkin emas. Shifokorlar bu patsiyentlarda eozinofiliya, vaskulit toshmalarini paydo bo‘lishi, o‘pka simptomlarini zo‘rayib borishi, yurak tomonidan asoratlar va/yoki neyropatiyani paydo bo‘lishi mumkinligi yuzasidan xabardor bo‘lishlar lozim. Yuqorida keltirilgan simptomlar paydo bo‘lgan patsiyentlar qayta tekshiruvdan o‘tishlari kerak, ularning davolash tartibi esa qayta ko‘rib chiqilishi kerak.
Montelukastni qabul qilish bronxial astmasi bo‘lgan aspiringa yuqori sezuvchan patsiyentlarga aspirinni va boshqa nosteroid yallig‘lanishga qarshi preparatlarni qabul qilishdan saqlanish zaruratiga ta'sir qilmaydi.
Tabletkalar tarkibiga laktoza monogidrati mavjudligi sababli, galaktozani o‘zlashtiraolmaslik, laktaza yetishmovchiligi yoki glyukoza-galaktozani kam so‘rilish sindromi kabi kam uchraydigan nasliy buzilishlari bo‘lgan patsiyentlar ushbu dori vositasini qabul qilmasliklari kerak.
Dorilarning o‘zaro ta'siri
Montelukastni bronxial astmani davolash va profilaktika qilish uchun mo‘ljallangan boshqa dori vositalari bilan birga qabul qilish mumkin. Dori vositalarning o‘zaro ta'sirini aniqlash bo‘yicha tekshirishlarda, montelukast tavsiya etilgan dozalarda quyidagi dori vositalarining farmakokinetikasiga klinik ahamiyatli ta'sir ko‘rsatmagan teofillin, prednizon, prednizolon, peroral kontratseptivlar (etinilestradiol/ noretindron 35/1), terfenadin, digoksin va varfarin.
Montelukastning plazmadagi kontsentratsiyasining ”kontsentratsiya vaqt” farmakokinetik egri chiziq ostidagi maydon (AUC), bir vaqtda fenobarbital qabul qilgan patsiyentlarda taxminan 40% ga kamaygan. CYP 3A4, 2C8 va 2C9 montelukastning metabolizmida ishtirok etishi tufayli, montelukast, fenitoin, fenobarbital va rifampitsin kabi CYP 3A4, 2C8 va 2C9 induktorlari bilan birga, ayniqsa bolalarda qo‘llanganida ehtiyotkorlik namoyon qilish kerak.
In vitro tadqiqotlarda montelukast CYP 2C8 ning kuchli ingibitori ekanligi aniqlangan. Biroq montelukast va rosiglitazon (asosiy metabolizmi CYP 2C8 fermenti ishtirokida amalga oshadigan dorilar uchun marker substratlarning vakili) ning o‘zaro ta'sirini o‘rganish bo‘yicha klinik tadqiqotlarning natijalari, in vivo sharoitida montelukastning CYP 2C8 ga ingibirlovchi ta'sirini aniqlamagan. Shuning uchun montelukast ushbu ferment ishtirokida metabolizmga uchraydigan preparatlar (masalan, paklitaksel, rosiglitazon va repaglinid) ning aylanishlarini sezilarli o‘zgartirmasligi kutiladi.
In vitro tadqiqotlar natijalariga ko‘ra, montelukast CYP2C8 izofermenti substrati hisoblanishini ko‘rsatdi, ammo kamroq darajada u 2C9, va 3A4 izofermetlari substrati bo‘ladi. Montelukast va gemfibrozil (CYP2C8 va 2C9 izofermentlari ingibitori) o‘zaro ta'sirining klinika tadqiqotida gemfibrozil montelukastning tizimli ekspozitsiyasini 4,4 barobar oshirgan. Bir vaqtda gemfibrozil yoki CYP2C8 izofermentining boshqa kuchli ingibitori bilan buyurganda montelukast dozasi o‘zgartirilishi talab etilmaydi, ammo shifokor nojo‘ya asoratlar rivojlanishi ehtimoli oshishi to‘g‘risida bilishi shart.
Mazkur in vitro tadqiqotlar natijalari asosida CYP2C8 kuchsizroq ingibitorlari bilan (masalan, trimetoprim bilan) klinika ahamiyatli o‘zaro ta'sirlanish kutilmaydi. Bir vaqtda montelukast CYP3A4 izofermentining kuchli ingibitori itrakonazol bilan buyurilishi, montelukast tizimli ekspozitsiyasi sezilarli oshishiga olib kelmagan.

Maxsus ko‘rsatmalar

Homiladorlik va emizish davrida qo‘llash
Homiladorlik
Hayvonlarda o‘tkazilgan tadqiqotlarda homiladorlik o‘tishi va embrion / homila rivojlanishi uchun zarar aniqlanmagan.
Homiladorlikka bo‘yicha ma'lumotlar bazasidagi cheklangan ma'lumotlar montelukast va tug‘ma nuqsonlar (masalan, qo‘l-oyoqlarning defektlari bilan) orasida sababli bog‘liqlikni borligini taxmin qilish imkoni yo‘q, ular kam hollarda global postmarketing tadqiqotlar vaqtida aniqlangan.
Singlon preparatini homiladorlik davrida faqat juda zarur hollardagina qo‘llanishi mumkin.
Emizish davri
Kalamushlarda o‘tkazilgan tadqiqotlarda montelukast ko‘krak sutiga o‘tishini ko‘rsatdi. Montelukast ayol ko‘krak sutiga o‘tishi noma'lum.
Emizish davrida Singlonpreaparati faqat juda zarur holatlardagina qo‘llanishi mumkin.
Transport vositasini boshqarish va mexanizmlar bilan ishlash qobiliyatiga ta'siri
Montelukast avtomobilni va mexanizmlarni boshqarishga ta'sir qilmasligi taxmin qilinadi.
Biroq, kamdan-kam vaziyatlarda patsiyentlar bosh aylanishi va uyquchanlik to‘g‘risida xabar berishgan.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Montelukast dozasi oshib ketganda davolash haqida alohida ma'lumot mavjud emas. Bronxial astmaning uzoq muddatli tekshiruvlarida montelukast katta patsiyentlarga 22 hafta davomida sutkada 200 mg/sut gacha dozada buyurilgan, qisqa muddatli tekshiruvlarda klinik ahamiyatli bo‘lgan nojo‘ya asoratlarsiz bir hafta davomida 900 mg/sut gacha dozada berilgan.
Simptomlar
Klinik tadqiqotlarida va postmarketing tekshirishlarda montelukast dozasini oshirib yuborish natijasida o‘tkir zaharlanish haqida ma'lumotlar olingan. Ular kattalarda 1000 mg dan ortiq dozani qabul qilish va bolada (42 haftalik bola taxminan 61 mg/kg ga doza) qabul qilganligi haqida ma'lumot bor. Klinika va laboratoriya ko‘rsatkichlari kattalar va bolalarda xavfsizlik profiliga mos kelishini ko‘rsatdi. Dozani oshirib yuborish to‘g‘risidagi xabarlarda hech qanday nojo‘ya asoratlar haqida ma'lumot keltirilmagan. Ko‘plab uchraydigan nojo‘ya asoratlar montelukast xavfsizligi profiliga javob bergan va o‘ziga qorinda og‘riq, uyquchanlik, chanqash, bosh og‘rig‘i, qusish va psixomotor qo‘zg‘alishni olgan.
Davolash
Montelukast peritoneal dializ yoki gemodializ orqali chiqarilishi noma'lum.

Chiqarilish shakli

Plyonka qobiq bilan qoplangan 7 ta tabletka Al/Al blisterda.
4 blister qo‘llash bo‘yicha yo‘riqnomasi bilan karton qutida.

Saqlash sharoiti

Original o‘ramida, 25°S dan yuqori bo‘lmagan haroratda, yorug‘lik va namlikdan himoyalangan joyda saqlansin.

Yaroqlilik muddati

2 yil.

Dorixonalardan berish tartibi

Retsept bo‘yicha.

Ishlab chiqaruvchi

to‘g‘risida ma'lumot
«Gedeon Rixter Polsha» MChJ, Grodzisk Mazovetskiy, Polsha «Gedeon Rixter» OAJ, Budapesht, Vengriya uchun.

Ishlab chiqaruvchi

va buyurtmachining manfaatlarini ifodalovchi kompaniya
«Gedeon Rixter» OAJ
1103 Budapesht, Demreiko‘chasi , 19-21, Vengriya
Ishonch telefoni (qo‘ng‘iroq bepul) 7-800-555-00777
Elektron manzil drugsafety@g-richter.ru